Алишер Қодиров Ўзбекистон Ташқи ишлар вазирлигига сўров юбормоқчи

Олий Мажлис Қонунчилик палатаси депутати, Миллий тикланиш сиёсий партияси раиси Алишер Қодиров Ўзбекистондаги “Россотрудничество” фаолиятини таҳлил қилиш ҳақида Ташқи ишлар вазирлигига сўров юбормоқчилигини маълум қилди.

Боғча ва мактабларда болаларнинг онгостига ўзлигимиз хўрланган совет даврига соғинч, аждодларимизни қирғин қилган империалистик рамзларга муҳаббатнинг сингдирилиши миллий таҳдид сифатида баҳоланиши зарур.

Ўзбекистондаги боғча ва мактаблар фарзандларимизни миллий ва умуминсоний қадриятлар асосида, ўзлигимизга меҳр ва садоқат билан тарбиялаш учун керак, ташқи пропоганда тарғиботи учун эмас. ММТ вазирлигидан бу масалада изоҳ сўралади.

Ташқи ишлар вазирлигига "Россотрудничество" фаолиятини таҳлил қилиш ҳақида сўров юбормоқчимиз.

Нон бериб қўлидан айрилган халқмиз, яхши ниятимиз суиистеъмол қилинишига йўл қўйилмаслиги керак.

деб ёзади Қодиров ўз саҳифасида.

Telegram I Facebook I YouTube I Instagram

Журналист Сарвар Баҳодиров Россиядаги видеоси учун ижтимоий тармоқларда танқидга учради.

Унинг Россияда “Ўлмас полк” акциясини ёритиш чоғида тайёрлаган видеолавҳасида “Вагнер” гуруҳи байроғи, Украинадаги урушда ҳалок бўлганлар ва Донбасс болалари ҳақидаги сюжетлар ўрин олган. Бу контент айрим фойдаланувчилар томонидан Россия пропагандасига хизмат қилувчи деб баҳоланмоқда.

Telegram I Facebook I YouTube I Instagram

Жарима баллари ҳақида муҳим 10 та факт

1️⃣Жарима баллари 2025 йил 1 июндан бошлаб кучга киради;

2️⃣Жарима баллари фақат ЙҲХБ ходимлари томонидан расмийлаштирилган маъмурий баённомалар бўйича ҳисобланади;

3️⃣Жарима баллари “E-jarimaball” модули орқали инсон омилисиз автоматлаштирилган ҳолда ҳисоблаб борилади;

4️⃣Агар ҳайдовчилар 12 ой мобайнида қоида бузмаса, кейинги йилдаги биринчи қоидабузарлиги учун жарима баллари ёзилмайди;

5️⃣Агар ҳайдовчилар охирги ҳуқуқбузарлик учун жарима баллари қўлланилган вақтдан бошлаб 6 ой мобайнида қоидабузарлик содир қилмаса, унинг жарима баллидан 2 балл чегириб ташланади;

6️⃣Ҳайдовчилар жарима баллари ҳақида ўзларининг мобиль алоқа воситаларига келган “СМС” хабарлар орқали хабардор қилинади;

7️⃣Ҳайдовчиларнинг жарима баллари 8 баллга етганда улар расмий равишда огоҳлантирилади;

8️⃣Ҳайдовчиларнинг жарима баллари улар биринчи марта қоидабузарлик содир қилган вақтдан бошлаб кейинги йил шу кунга қадар 12 баллга етмаса, жарима балларини ҳисоблаш янгидан бошланади, яъни ҳаммаси ўчиб кетади;

9️⃣Жарима баллари 12 баллдан ошган тақдирда ҳайдовчиларнинг ҳужжатлари маъмурий жазо қўллаш учун судларга юборилади ва бу ҳақда уларга “СМС” хабар орқали маълум қилинади.

1️⃣0️⃣ Жарима балларидан норози бўлсангиз ДЙҲХХнинг тегишли бўлинмаларига, уларнинг қароридан норози бўлсангиз юқори турувчи органларга (прокуратура) ёки судга шикоят қилишингиз мумкин. Агар ютиб чиқсангиз жарима баллари бекор бўлишига олиб келади.

Telegram I Facebook I YouTube I Instagram

Депорт қилинган фуқароларга 2 йил мобайнида хорижга чиқиш паспорти берилмайди

Ҳукумат қарорига кўра, 1 сентябрдан бошлаб, хорижда қонунбузарлик содир этиб, Ўзбекистонга реадмиссия асосида қайтарилган шахсларга икки йил давомида хорижга чиқиш учун биометрик паспорт расмийлаштирилмайди.

Ҳукуматнинг 313-сон қарори билан 2025 йил 1 сентябрдан бошлаб Миграция агентлиги томонидан хорижий давлатнинг қонунчилик ҳужжатларини бузиши натижасида депортация қилинган, шунингдек, Ўзбекистоннинг халқаро нуфузига ва обрў-эътиборига салбий таъсир кўрсатувчи хатти-ҳаракатларни содир этган фуқароларга доир маълумотлар Миграция жараёнларига доир маълумотларнинг ягона электрон базаси орқали юритилади.

Шунингдек, Ўзбекистоннинг халқаро шартномаларига мувофиқ реадмиссия (депорт) қилинган фуқароларга ПҚ-4079-сон қарор билан тасдиқланган Низомга мувофиқ икки йил давомида хорижга чиқиш биометрик паспортини бериш бўйича давлат хизмати кўрсатилмайди.

Telegram I Facebook I YouTube I Instagram

Ўзбекистонликлар учун Хитойга 30 кунлик визасиз режим жорий қилинди

2025 йил 1 июндан эътиборан Ўзбекистон ва Хитой ўртасида ўзаро визадан озод қилиш тўғрисидаги ҳукуматлараро Битим кучга киради.

Битимга мувофиқ, Томонлар давлатлари фуқаролари икки давлат ҳудудларига кириш, ундан чиқиш ёки транзит қилиш учун ҳар бир алоҳида бўлиш муддати 30 кундан ошмайдиган муддатда ва ҳар қандай 180 кунлик давр ичида жами 90 кундан ортиқ бўлмаган муддатда виза талабларидан озод қилинади.

Бунда Томонларнинг давлатлари ҳудудига ҳар бир кириш ва бўлиш муддати 30 кундан ошмаслиги лозим.

Визасиз режим меҳнат фаолияти, ўқиш ва медиа фаолияти билан шуғулланиш, шунингдек, бошқа Томон ваколатли органларининг олдиндан розилигини талаб қиладиган бошқа турдаги фаолият билан шуғулланишга нисбатан татбиқ этилмайди.

Telegram I Facebook I YouTube I Instagram

Депортация қилинган фуқароларини қайтариш ва бу билан боғлик харажатларни ундириш тартиби белгиланди

Ҳукумат қарори билан ташкиллаштирилган тарзда чет элга ишга юборилган ва борган давлатининг қонунчилик ҳужжатларини бузиши натижасида депортация қилинган фуқароларини қайтариш ва уларни қайтариш билан боғлик харажатларни ундириш тартиби жорий этилади.

Қарорга кўра, чет элда меҳнат фаолиятини амалга ошириш даврида хорижий давлатнинг қонунчилик ҳужжатларини бузиши натижасида депортация қилинган фуқароларга қуйидаги таъсир чоралари қўлланади:

🔸 депортация қилинган фуқаро Миграция жамғармаси ҳисобидан қайтарилганда, қайтариш харажатларини фуқародан ундириб олиш;

🔸 Миграция жамғармаси ҳисобидан тақдим этилган субсидия ва компенсация суммаларини қайтариб ундириш;

🔸 1 йилгача муддат давомида ривожланган давлатларга ташкиллаштирилган тарзда ишга юбориш бўйича хизматлар кўрсатмаслик.

Депортация қилинган фуқаролар қуйидагилар асосида қайтарилади:

▪️ уларнинг Ўзбекистоннинг хориждаги дипломатик ваколатхоналари ва консуллик муассасаларига мурожаати;

▪️ улар ва яқин қариндошларининг Миграция агентлигининг хориждаги ваколатхоналари, ҳудудий филиалларига мурожаати;

▪️ хорижий давлатлар ваколатли органлари томонидан тақдим этилган депортация қилинган фуқаролар бўйича маълумотлар.

Депортация қилинган фуқаролар уларнинг транспорт харажатларини молиялаштириш орқали қайтарилади.

Фуқаронинг молиявий ёрдам кўрсатиш тўғрисидаги аризаси ижобий кўриб чиқилганидан сўнг 1 иш кунида Миграция агентлиги ва фуқаро ўртасида қарз шартномаси тузилади.

Шартномага мувофиқ молиявий ёрдам олган шахс ушбу маблағларнинг ўрнини 30 кун муддатда қоплаши лозим.

Telegram I Facebook I YouTube I Instagram

Ўзбекистон Республикаси президенти ҳузуридаги Давлат бошқаруви академияси қайта ташкил этилади

“Истиқболли кадрларни мақсадли тайёрлаш ҳамда уларни
давлат бошқаруви ва хизматига самарали жалб этиш тизимини
янада такомиллаштириш чора-тадбирлари тўғрисида” ги президент фармони қабул қилинди.

Фармонга кўра, Ўзбекистон Республикаси Президенти ҳузуридаги Давлат бошқаруви академияси Ўзбекистон Республикаси Президенти ҳузуридаги Давлат сиёсати ва бошқаруви академияси этиб қайта ташкил этилади.

Академиянинг асосий вазифаларидан бири этиб давлат хизматчиларининг малакасини мунтазам ошириб бориш ва қайта тайёрлаш, шунингдек, бошқарув кадрларини магистратура ва олий таълимдан кейинги таълим босқичларида ўқитиш белгиланди.

Шунингдек, Ўзбекистон Республикаси Президенти ҳузуридаги Давлат сиёсати ва бошқаруви академиясининг Васийлик кенгаши тузилади.

2025 йил 1 июлдан давлат органлари ва ташкилотлари томонидан давлат хизматчиларининг малакасини ошириш ва қайта тайёрлаш ходимларнинг касбий ривожланиш эҳтиёжларига асосланган ҳолда ташкил этилади ҳамда малака оширишнинг анъанавий, муқобил ва мустақил шакллари жорий этилади.

Telegram I Facebook I YouTube I Instagram

ДСБА Васийлик кенгаши таркиби тасдиқланди

Президент фармони билан, Давлат сиёсати ва бошқаруви академиясининг 9 кишидан иборат Васийлик кенгаши аъзолари таркиби тасдиқланди.

Васийлик кенгашига Президентнинг кадрлар масалалари бўйича маслаҳатчиси — Давлат хизматини ривожлантириш агентлиги директори Ғ.Мирзаев раҳбарлик қилади.

Академия ректори Васийлик кенгаши котиби ҳисобланади.

Президент фармонига кўра, 2025 йил 1 июндан:

Академия раҳбарияти, профессор-ўқитувчилари, бошқарув, илмий ва ўқув-ёрдамчи ходимлари ҳамда мутахассисларининг лавозим маошларини белгилашда меҳнатга ҳақ тўлашнинг ягона тариф жадвали бўйича тариф коэффициентлари ва базавий лавозим маошлари икки баравар миқдорида қўлланади.

Telegram I Facebook I YouTube I Instagram

Сурхондарёда вояга етмаган бола ЙПХ ходимини судраб, Cobalt’ни олиб қочди

Аниқланишича, машинани ўғирлаган шахс Тошкентдан Термизгача шу автомашинада йўловчи сифатида ҳаркатланиб келган.

«Қарзим бор эди шу сабабли олиб қочдим. 1хбет дан 2 минг доллар қарзга ботган эдим. Машинани бериб пул олиб турмоқчи эдим»,

дейди бола.

Telegram I Facebook I YouTube I Instagram

Маҳаллий авиақатновларни амалга оширувчи барча резидент авиакомпанияларга субсидия ажратилади

"Минтақавий авиаташувларни ва ички туризмни янада такомиллаштириш бўйича қўшимча чора-тадбирлар тўғрисида" ги ҳукумат қарори қабул қилинди.

Қарорга кўра:

— авиачипталар нархлари ҳамда субсидияланадиган авиақатнов йўналишларини субсидиялаш миқдорини белгилаш бўйича махсус комиссия таркиби қайта тасдиқланди;

— маҳаллий йўналишлардаги авиақатновларга “Uzbekistan Airways” АЖ учун белгиланган махсус тарифлар ва субсидия миқдорлари барча резидент авиакомпанияларга татбиқ этишга розилик берилди.

Шу муносабат билан барча резидент авиакомпаниялар Махсус комиссия томонидан белгиланган маҳаллий йўналишлар ва тарифлар доирасида авиачипта сотишни йўлга қўйиш ҳамда ҳар ой якуни бўйича Транспорт вазирлигининг 2021 йил 14 октябрдаги 188-сон буйруғи билан тасдиқланган жадвал шаклида Транспорт вазирлигига субсидиялаш учун аризалар киритиши мумкинлиги маълум қилинди.

Маълумот учун маҳаллий авиақатновларни субсидиялаш 2021 йил 1 июндан бошлаб йўлга қўйилган ва 2026 йил 1 январгача давом этади.

Telegram I Facebook I YouTube I Instagram

“Ҳаж“ ва “Умра“ зиёратларини ноқонуний ташкил этмоқчи бўлганларнинг ҳаракатларига чек қўйилди — ДХХ

Давлат хавфсизлик хизматининг Тошкент шаҳри бўйича бошқармаси ходимлари томонидан ички ишлар органлари билан ҳамкорликда “Ҳаж” ва “Умра” зиёратларини қонунга хилоф равишда ташкил этиш ҳолатларини аниқлаш ва чек қўйишга қаратилган тезкор тадбир ўтказилди.

Ўтказилган тезкор тадбирда, Тошкент шаҳрида фаолият юритувчи туристик фирмалардан бирининг 4 нафар ходими 3 нафар фуқарони ишчи визаси орқали “Ҳаж“ зиёратига юбориш эвазига 7 минг АҚШ долларидан ҳамда 1 нафар фуқарони сайёҳлик визаси орқали юбориш эвазига 5 минг АҚШ доллари, жами 26 минг АҚШ доллари талаб қилишиб, олдиндан 20 минг АҚШ доллари олган вақтларида ушланди.

Хизматнинг Фарғона вилояти бўйича бошқармаси ҳамда ички ишлар органлари ходимлари ҳамкорлигида ўтказилган тезкор тадбирда эса Марғилон шаҳрида фаолият юритувчи туристик фирманинг иш юритувчиси 2 нафар фуқарони “Умра“ сафарига юбориш эвазига 2 минг 400 АҚШ доллари, шунингдек, 3 нафар фуқарони “Ҳаж“ зиёратига юбориш эвазига 15 минг АҚШ доллари олган вақтида ашёвий далиллар билан ушланди.

Хизматнинг Наманган вилояти бўйича бошқармаси ходимлари томонидан ички ишлар органлари билан ҳамкорликда ўтказилган тезкор тадбирда, Наманган шаҳрида яшовчи, 1999 й.т. шахс жорий йилда «Ҳаж» сафарига юбориш бўйича ижтимоий тармоқларга сохта эълонлар жойлаб, 3 нафар фуқаронинг ишончига киради. Уларнинг ҳар биридан 4 минг 900 АҚШ доллари, жами 14 минг 700 АҚШ доллари олган вақтида ушланди.

Хизматнинг Наманган вилояти бўйича бошқармаси ва ички ишлар органлари ходимлари ҳамкорлигида ўтказилган тезкор тадбирда Чуст туманида фаолият юритувчи туристик фирма раҳбари «Умра» зиёратини ташкил этиш учун тегишли лицензияга эга бўлмай туриб, 3 нафар фуқарони 1350 АҚШ долларидан, жами 4050 АҚШ долларига «Умра» зиёратига юборишини айтиб, шундан 4 минг АҚШ долларини олган вақтида ашёвий далиллар билан ушланди.

Иқтисодий жиноятларга қарши курашиш департаменти ҳамкорлигида ўтказилган тезкор тадбирда эса Тошкент шаҳрида яшовчи, 1998 й.т. шахс пойтахтда фаолият юритувчи масъулияти чекланган жамият орқали 5 нафар фуқарони жами 27 минг АҚШ доллари эвазига «Ҳаж» визаси асосида диний амалларни бажариш учун Саудия Арабистонига юборишни ваъда қилиб, олдиндан 13 минг 500 АҚШ доллари олган вақтида ушланди.

Ҳозирда мазкур ҳолатлар юзасидан барча қонунбузарларга нисбатан Жиноят кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.

Фуқаролардан “Умра“ сафарига боришдан олдин ҳар қандай туристик фирманинг Дин ишлари бўйича қўмита томонидан тақдим этилган “Умра“ лицензияси борлигини текшириш тавсия этилмоқда.

Telegram I Facebook I YouTube I Instagram

Чорвачиликнинг сутчилик тармоғи жадал ривожлантирилади

“Қишлоқ хўжалигини ривожлантириш халқаро жамғармаси иштирокидаги “Ўзбекистоннинг сутчилик соҳасида қўшилган қиймат занжирини ривожлантириш (2-босқич)” лойиҳасини амалга ошириш чора-тадбирлари тўғрисида”ги президент қарори қабул қилинди.

Қарорга кўра, “Ўзбекистоннинг сутчилик соҳасида қўшилган қиймат занжирини ривожлантириш (2-босқич)” лойиҳасининг асосий мақсадли кўрсаткичлари этиб қуйидагилар белгиланди, жумладан:

🔹 Жиззах, Қашқадарё, Сирдарё, Самарқанд ва Сурхондарё вилоятларида жами 320 та маҳаллага, сут етиштирувчи 12 мингта аҳоли ва деҳқон хўжалигига хизмат кўрсатувчи 100 та сут йиғиш пунктини ташкил этиш;

🔹 865 нафар аҳоли ва деҳқон хўжалигига сутни қайта ишловчи корхоналарни ташкил этиш ва модернизация қилишга 250 минг АҚШ долларигача имтиёзли кредитлар ажратишни ташкил этиш;

🔹 сут етиштирувчи ва сотиб олувчиларни бирлаштирадиган Миллий сут маҳсулотлари платформаси дастурий таъминотини ишга тушириш.

Лойиҳани амалга ошириш даври 7 йил (2025–2031 йиллар) этиб белгиланган.

Telegram I Facebook I YouTube I Instagram