Россия Украина билан тўғридан-тўғри музокараларни қайта бошлашни таклиф қилди

Россия президенти музокараларни ҳеч қандай дастлабки шартларсиз ва кечиктирмасдан, 15 май куни Истанбулда ўтказилишини таклиф қилди.

Путин яна нималар деди:

🔶Ҳақиқатан ҳам тинчликни истаганлар музокараларни қўллаб-қувватламасдан иложи йўқ;

🔶Биз ўз таклифларимизни билдирдик, улар “стол устида”. Энди қарорни Украина раҳбарияти ва уларнинг кузатувчилари қабул қилиши керак;

🔶Украина Қуролли кучлари май ойидаги эҳтимолий сулҳ вақтида ҳам Россия ҳудудига кенг кўламли ҳужумлар уюштирди;

🔶Уч кунлик сулҳ давомида Киев Россия чегарасига 5 марта ҳужум уюштирди, барча ҳужумлар қайтарилди ва Украина катта йўқотишларга учради;

🔶Россия музокаралар орқали Украина билан узоқ муддатли тинчликка эришишни истайди;

🔶Путин музокаралар давомида ўқ узишни тўхтатишга эришиш мумкинлигини истисно қилмади.


Telegram I Facebook I YouTube I Instagram

АҚШ ҳудудига ноқонуний кирмоқчи бўлган тўрт нафар Ўзбекистон фуқароси депортация қилиш учун ҳибсга олинди

АҚШ божхона ва чегара қўриқлаш хизматининг ҳаво ва денгиз операциялари (AMO) махсус гуруҳи 7 май куни Виекес оролига ноқонуний киришга уринган тўрт нафар Ўзбекистон фуқароси бўлган кемани аниқлади.

Кемада тинтув ўтказилганда уч нафар йўловчи АҚШ фуқароси эканини, қолган тўрт нафари - уч эркак ва бир аёл Ўзбекистон фуқароси эканини даъво қилган.

Ўзбекистон фуқароларида Қўшма Штатларга кириш ёки қолишга рухсат берувчи ҳужжатлар бўлмаган. Кема йўловчилари Кариб денгизидаги Сент-Жон оролидан (Виргиния ороллари) сузиб келганини маълум қилган.

Таъкидланишича, Рэми сектори чегара хизмати ходимлари тўрт нафар Ўзбекистон фуқаросини иммиграция ишини расмийлаштириш ва депортация қилиш учун ҳибсга олган.

Олдинроқ, 30 апрель куни АҚШ ҳудудида ноқонуний бўлиб турган ва депортация қилинадиган хорижликлар рўйхатига киритилган Ўзбекистон фуқаролари Нью-Йорк – Тошкент йўналиши бўйича махсус чартер рейси орқали ватанга қайтарилган эди.

Telegram I Facebook I YouTube I Instagram

Президент, ижод, спорт ва ихтисослаштирилган мактабларга ҳужжатлар қабул қилиш июнь ойида бошланади

2025/2026-ўқув йили учун Президент, ижод, спорт ва ихтисослаштирилган мактабларга ҳужжатлар қабул қилиш июн ойида онлайн тарзда — my.gov.uz ёки ariza.piima.uz сайтлари орқали амалга оширилади.

Кириш имтиҳонлари 2025 йилнинг июль-август ойларида ўтказилади.

Telegram I Facebook I YouTube I Instagram

Тошкентда ёшлар руспараст гуруҳлар ҳужумига учради

Тошкентда 9 май куни “Ўлмас полк” тадбири пайтида Ўзбекистон байроғи билан чиқиш қилган ёшлар руспараст гуруҳлар ҳужумига учради.

Ёшлар “Фидойинг бўлгаймиз сени, Ўзбекистон” қўшиғини куйлаётган пайтда айримлар буни тадбирни бузиш деб баҳолаган.

Telegram I Facebook I YouTube I Instagram

«Барселона» классикода иродали ғалаба қозониб, Испания чемпионлигини деярли расмийлаштирди

Испанияда асосий ўйинлардан бири бўлган «Барселона» – «Реал» тўқнашуви якунига етди. Каталонияликлар кетма-кет 4-классикода ғалабани қўлга киритишди.

Ўйинда 7 та гол урилди. Мбаппе хетт-рикка эришган бўлсада, мадридликлар аламли тарзда мағлубиятга учради ва рақибларининг чемпионлик маррасида 7 очкога олдинга чиқариб юборди.

ЛаЛига | 35-тур
Барселона 4:3 Реал Мадрид

Голлар: Гарсия 19', Ямал 32', Рафиня 34', 45' - Мбаппе 5' (П), 14', 70'.

Telegram I Facebook I YouTube I Instagram

Тошкентда суд раиси 170 минг доллар пора олаётганда қўлга олинди

Тошкентда Андижон вилояти Хонобод шаҳри суди раиси Ю.Э 170 минг доллар пора олаётганда қўлга олинди. У беш ой аввал 10 йиллик муддатга тайинланган эди.

Маълум бўлишича, Ю.Э. аввал бетон завод раҳбари бўлиб, темир-бетон ишлаб чиқарган. Маълумотларга кўра, унинг бизнесда иши юришмагач, суд тизимига ишга ўтган.

Telegram I Facebook I YouTube I Instagram

Ақл ва маданиятга қарши қарор: Афғонистонда энди шахмат ўйини ҳам тақиқланди

Афғонистонда шахмат ўйини тақиқланди. "Толибон" ҳаракати шахматни тақиқлаш тўғрисида қарор қабул қилди. Мамлакатда ташкил этилган шахмат федерациясини бутунлай ёпилди. Бунинг ортидан эса расмий мусобақа, семинар ёки бошқа фаолиятларга рухсат берилмаяпти. Федерация раҳбарлари мамлакатни тарк этган.

Хабар берилишича, шахматга тақиқ қўйиш ташаббусини эзгу ишларни тарғиб қилиш ва ёвузликнинг олдини олиш вазирлиги таклиф қилган. Мазкур фармонни Афғонистон амирининг шахсан ўзи имзолаган.

Бу нафақат шахматчилар, балки бутун мамлакатнинг интеллектуал келажаги учун оғриқли қарор бўлди. Аслида шахмат бу – ақл, таҳлил, сабр ва стратегия ўйини. Бу қимор эмас, илм ва маданиятга хизмат қиладиган фанга яқин спорт тури. Дунёдаги кўплаб мусулмон мамлакатларда шахмат қўллаб-қувватланади ва ривожлантирилади. Афғонистонда эса уни тақиқлаш – эркин фикрга ва билимга қарши курашдир.

Telegram I Facebook I YouTube I Instagram

Германия 2 кунда чегарада қўлга олинган ноқонуний мигрантларнинг 78 фоизини мамлакатдан чиқариб юборди – Bild

7 майдан бошлаб Германия Ички ишлар вазирлиги чегара назоратини кескин кучайтирди,   кейинги икки кунда федерал полиция 365 нафар ноқонуний мигрантни қўлга олди. Уларнинг 286 нафари ёки 78,3 фоизи мамлакатдан депортация қилинди. Бу ҳақда 11 май куни Bild газетаси полиция маълумотларига таяниб хабар берди.

Маълумотларга кўра, кўп ҳолларда виза йўқлиги, сохта ҳужжатларга эгалик ёки кириш тақиқининг мавжудлиги Германияга киритилмасликка сабаб бўлмоқда.

Bild'нинг қочқинлар бўйича мутахассисларга таяниб ёзишича, ҳар куни тахминан 200 нафар қочқин Германия чегарасини ноқонуний кесиб ўтишга уринади. Олдинлари ҳар куни тахминан 120 нафар мигрантга кириш рад этилган. 7 майда янги қоидалар кучга киргач, бу рақам 190 нафаргача ошди.

Германиянинг янги ички ишлар вазири Александер Добриндт 7 май куни чегара назорати кучайтирилиши ҳақида эълон қилди. Янги тартибга кўра, Европа Иттифоқи мамлакатларидан келган бошпана сўровчиларга чегаранинг ўзидаёқ кириш рад этилиши мумкин. Фақат болалар ва ҳомиладор аёллар каби гуруҳлар учун истиснолар сақланади.

Telegram I Facebook I YouTube I Instagram

Ногиронлиги бўлган шахсларни ишга қабул қилган тадбиркорларга субсидия ажратилади

“Ногиронлиги бўлган шахсларнинг бандлигини таъминлаш тизимини такомиллаштиришга оид қўшимча чора тадбирлар тўғрисида”ги президент фармони қабул қилинди.

Фармон билан асосий мақсадлар этиб қуйидагилар белгиланди:

🔹 ногиронлиги бўлган шахсларнинг самарали фаолият кўрсатиши учун махсус хизматлар тизимини жорий этиш;

🔹 ногиронлиги бўлган ёшларни замонавий касбларга ўқитиш, уларнинг меҳнат бозорига кириши учун қўшимча имкониятлар яратиш;

🔹2025 йил якунига қадар 80 минг нафар ногиронлиги бўлган шахснинг барқарор бандлиги ва муносиб даромад топишини таъминлаш.

2025 йил 1 июндан бошлаб:

🔸I ва II гуруҳ ногиронлиги бўлган шахсларни ишга қабул қилган тадбиркорлик субъектларига 50 миллион сўмгача субсидия ажратилади;

🔸субсидия сурдотаржимон, психолог ва ҳамроҳлик хизматини ташкил қилиш харажатларини қоплаш учун ажратилади;

🔸жисмоний шахсларга ҳамроҳлик хизматини ўзини ўзи банд қилган шахс сифатида кўрсатишга рухсат берилади.

Шунингдек, “Ягона миллий ижтимоий ҳимоя” ахборот тизимида Меҳнатга лаёқатли ногиронлиги бўлган шахсларнинг электрон реестри юритилади.

Telegram I Facebook I YouTube I Instagram

Доллар кўтарилади

13 май куни амал қиладиган доллар курси 🔼14-15 сўм атрофидa ошиши кутилмоқда

Банкларга долларни сотиш бўйича энг яхши курслар:

BRB — 12 860
Mikrokreditbank — 12 860
Asakabank — 12 850
Trastbank — 12 850

Банклардан долларни сотиб олиш бўйича энг яхши курслар:

SQB — 12 885
Apex bank — 12 890
Anorbank — 12 890
Tengebank — 12 900

Telegram I Facebook I YouTube I Instagram

10 мингдан ортиқ обуначига эга блогерлар реклама орқали даромад топганда солиқ тўлайди

Қонун лойиҳасида инфлюенсер ва веб-сайт эгаси ўзининг аккаунти, оммавий ҳамжамияти ёки веб-сайти орқали реклама ёки даромад келтирувчи бошқа фаолиятни амалга оширишда Ўзбекистон Республикаси Солиқ кодексига мувофиқ солиқларни ўз вақтида тўлаш ҳам назарда тутилмоқда.

Атамаларга ҳам аниқлик киритилмоқда. Хусусан:

Инфлюенсер — онлайн-платформадаги ўз аккаунтида ёки оммавий ҳамжамиятда ўн мингдан ортиқ обуначига эга бўлган блогер.

Веб-сайт эгаси — веб-сайтдан фойдаланиш тартибини, шу жумладан ушбу веб-сайтда контент жойлаштириш тартибини мустақил равишда белгилайдиган жисмоний ёки юридик шахс.

Telegram I Facebook I YouTube I Instagram

Покистон-Ҳиндистон ҳаво чекловлари сабаб Uzbekistan Airways жадвалида ўзгаришлар бўлди

Покистон ва Ҳиндистон чегарасида ҳаво ҳудуди ёпилгани сабаб Uzbekistan Airways парвозлар жадвалига ўзгартириш киритди.

Мазкур ўзгаришлар қуйидаги йўналишларга тааллуқлидир:
Тошкент – Деҳли, Мумбай, Лахор, Бангкок, Куала-Лумпур, Пхукет ва ушбу шаҳарлар билан боғлиқ қайтиш йўналишлари.

Баъзи ҳолатларда учиш вақти ўртача 1,5 соатга ёки ундан кўпроқга ошиши мумкин.

Агар рейс бекор қилинса, йўловчиларга яқин саналарга қайта брон қилиш (жаримасиз) ёки авиабилет суммасини тўлиқ қайтариш имконияти тақдим этилади.

Telegram I Facebook I YouTube I Instagram

Тошкентда пора билан ушланган суд раиси иши бўйича маълумот берилди

Тошкентда Андижон вилояти Хонобод шаҳри суди раиси Ю.Э. 170 минг доллар пора билан қўлга олинди. У беш ой аввал 10 йиллик муддатга тайинланган эди.

Ҳолат юзасидан Судялар олий кенгаши расмий баёнот берди.

Бугун Судьялар олий кенгашининг йиғилиши бўлиб ўтди. Унда Бош прокурорнинг Андижон вилояти жиноят ишлари бўйича Хонобод шаҳар суди раиси Ю. Э.ни Жиноят кодексининг 168- ва 28,211-моддалари тегишли қисми билан жиноий жавобгарликка тортишга оид тақдимномаси муҳокама қилинди.

Якунда Кенгаш хулосаси билан Ю. Э.ни жиноий жавобгарликка тортишга розилик берилди ва унинг судьялик ваколати тўхтатилди.

Тергов сири ва айбсизлик презумпцияси талабларидан келиб чиқиб, бошқа тафсилотлар ошкор қилинмайди.

Фақат қайд этиладики, ижтимоий тармоқларлардаги аксарият манбаларда тарқатилаётган шу мавзудаги хабарлар бўрттирилган бўлиб, барча ҳолатларга тергов йўли билан аниқлик киритилади,

дейилади расмий муносабатда.

Telegram I Facebook I YouTube I Instagramл

Самарқандда газ портлаши оқибатида бир оиланинг етти аъзоси ҳалок бўлди.

Telegram I Facebook I YouTube I Instagram

ДХХ Самарқандда фуқароларни ноқонуний йўллар билан АҚШга юбормоқчи бўлган шахсни ушлади

ДХХ томонидан Бош Прокуратура ҳузуридаги Иқтисодий жиноятларга қарши курашиш департаменти ҳамкорлигида Тошкент шаҳрида ўтказилган тезкор тадбирда Самарқанд шаҳрида яшовчи, 1992 й.т. фуқаро ҳорижий фуқаронинг ишончига кириб, уни ва 4 нафар оила аъзоларини ҳар бирини 30 минг АҚШ долларидан, жами 150 минг АҚШ доллари эвазига Туркия давлати орқали АҚШга ишлаш учун юборишини айтади. Сўнгра, виза ҳужжатларини мансабдор танишлари орқали тайёрлаб бериши учун олдиндан 15 минг АҚШ доллари олган вақтида ушланган.

Навбатдаги ҳолатда, пойтахтда вақтинча истиқомат қилиб келаётган 2004 й.т. хорижий фуқаро бошқа чет эт фуқаросининг ишончига кириб, унга Буюк Британия сохта фуқаролик паспортларини тайёрлатиб бериш имконияти борлигини айтади. Сўнгра, мазкур сохта паспортлар ёрдамида АҚШга Туркия ва Бирлашган Араб Амирликлари орқали уларни жўнатиб юбориши эвазига жами 25 минг АҚШ доллари талаб қилади. Ўтказилган тезкор тадбирлар натижасида ушбу фуқаро олдиндан 12,500 АҚШ доллари олган вақтида ушланган.

Шунингдек, унинг яшаш хонадонидан қалбаки паспорт ва ID-карталар ҳам ашёвий далил сифатида олинган. Ҳар иккала ҳолатлар юзасидан Жиноят Кодексининг 168-моддаси 4-қисми “а” банди ва 28,211-моддаси 3-қисми “а” банди билан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Россия Украинага 100 дан ортиқ дрон билан ҳужум қилди

Россия 12 майдан ўт очишни тўхтатишга чақириқларни рад этиб, Украинага 100 дан ортиқ дрон билан ҳужум қилди.

"Россия қўшинлари 12 майга ўтар кечаси Украина ҳудудига 108 та зарба берувчи дрон ва имитацион учувчисиз қурилмалар учирди",

деб хабар берди Украина Қуролли кучлари Ҳаво кучлари қўмондонлиги.

Украина ҳарбийларига кўра, ҳаво мудофааси кучлари 55 та зарба берувчи дронни уриб туширишга муваффақ бўлган, 30 та имитацион дрон эса хавфсиз тарзда зарарсизлантирилган.

Ҳаво кучлари қўмондонлигининг маълум қилишича, дрон ҳужумларидан Одесса, Николаев, Донецк ва Житомир вилоятлари зарар кўрган.

Telegram I Facebook I YouTube I Instagram