⚡️ПА диққатига! Президентга берган ваъдани бажарган наманганлик тадбиркор тириклайин “тобутга” жойланди...

Янги Наманган туманида фаолият олиб борган тадбиркор Анасхон Дедабоев 18 ноябрь куни ЖКнинг 168-моддаси билан айбланиб қамоққа олинган. Effect.uz тадбиркор билан 12 ноябрь куни суҳбатлашган эди.

Дедабоев суҳбат давомида Президент билан тасодифий кўришганидан афсусда эканлигини билдирган.

Нега деганда Анасхон ўша учрашувда давлат раҳбарига ўз ҳисобидан Маҳалла биноси ва спорт майдончаси қуриб беришни ваъда қилган эди ва орадан вақтлар ўтиб, турли таҳдид-босимларга қарамасдан лафзининг устидан чиққан. Бунга эса Президент билан учрашувдан сўнг туман "катталари"нинг таъсирлари сабаб бўлган.

2022 йил охирида маҳалла биноси фойдаланишга топширилган, спорт майдончасига ихлосмандлар кела бошлади. Орадан мана бир йил ўтмасдан спорт майдончаси ёқиб юборилди, тадбиркорнинг ўзи эса айни кунда қамоқда қолмоқда.

Тадбиркор ушбу ҳаракатлар ҳақида шундай деди:

“Бу кишилар мени ўзим ясаган тобутга жойламоқчи бўлишди, уйимга келиб калтаклашди, ота-онам, фарзандларимни қийналишига сабабчи бўлдим. Ахир менинг айбим Президентга берган ваъдамни бажарганимми? Босимлар деярли ҳар куни бўларди, чидаб келдим. Лекин “газон”ни ёқишди, маҳалла биносини ҳам ёқиб юбормоқчи бўлишди.

Туман ҳокими ва прокурорининг менда қандай алами бор. Президентга маҳалла биносининг албомини юборганман, лекин у етиб борган ёки бормаганини билмайман.

Турли дашномлардан чарчадим, маҳалла биносини бирор уйга муҳтожларга бермоқчиман, агар бошқа мақсадларда сўрашса, яъни кутубхона, таълим даргоҳи қилишмоқчи бўлса, мен бинони шунчаки бепулга бераман. Мени қийнаганларга бу дунёда ҳам у дунёда – Аллоҳ олдида жавобгарлик борлигини эслатмоқчиман”.

Маълумот ўрнида, А.Дедабоев ЖКнинг 168-моддаси (фирибгарлик) билан айбланиб, эҳтиёт чораси сифатида қамоққа олинган. Жиноий иш тафсилотлари тегишли идоралар томонидан ҳозирча оммага очиқланмаяпти.

👉 Тўлиқ репортаж

Telegram | Facebook | YouTube | Sport

Мажлисбозлик қачон тугайди? Ҳокимлик биносида йиқилиб тушган маҳалла раиси воқеа жойида вафот этди

Олмазор туманида 15 октябрдан бери ҳар куни йиғилиш ўтказиляпти. 40 кундан бери эрталаб 07:30 дан 08:30 га қадар, баъзан ундан ҳам кўпроқ давом этаётган йиғилиш ишчиларнинг ҳақ-ҳуқуқини поймол қилмоқда, — деган йиғишда қатнашиб, раис ўлимига гувоҳ бўлган манба.

👉 https://effect.uz/4766

Telegram | Facebook | YouTube | Sport

Тошкентда ўткир респиратор вирусли инфекцияларга чалиниш ҳолатлари кўпайди

Бунинг натижасида болалар клиник шифохоналарига юкламалар йилнинг бошқа даврларига нисбатан ортган.

Telegram | Facebook | YouTube | Sport

Миср Фаластин давлатини яратиш тарафдори эканлигини билдирди

«Биз демилитаризация қилинадиган давлатни қабул қилишга тайёрмиз. Биз Исроил ва Фаластин учун хавфсизликка эришмагунимизча, минтақадаги хавфсизликни кафолатлаш учун у ерда НАТО кучлари, БМТ кучлари ёки араб ёки Америка кучлари бўлиши керак”, деди Миср президенти ас-Сиси.

12 ноябрь куни Исроил бош вазири Бенямин Нетаняху Ғазо сектори устидан назоратни Фаластин маъмуриятига ўтказиш имкониятларини рад этди ва урушдан кейин уни тўлиқ демилитаризасиясини кутаётганини таъкидлади.

Telegram | Facebook | YouTube | Sport

⚡️Шаҳрисабзда 14 ёшли қизалоқ 7 ой давомида мажбурий равишда жинсий алоқага ёллангани маълум бўлди

Болалар омбудсмани Қашқадарё вилояти Китоб туманида яшовчи вояга етмаган 14 ёшли қизалоқ Ч.Т.нинг мурожаатига асосан амалий ҳаракатларни бошлади.

👉 https://effect.uz/4770

Telegram | Facebook | YouTube | Sport

Президент Шавкат Мирзиёев: Тошкентда асос солинган мазкур муҳим платформа Барқарор ривожланиш мақсадларига эришишда минтақавий шерикликнинг амалий механизми сифатида ўзининг ниҳоятда зарурлигини яққол кўрсатди

Telegram | Facebook | YouTube | Sport

5-синф ўқувчиларининг айрим фанлари муҳокама қилинди

Мактабгача ва мактаб вазирлиги тизимидаги Республика таълим марказининг “Филология фани бўйича Илмий методик кенгаш”ининг қўшма йиғилиши бўлиб ўтди.

👉 https://effect.uz/4768

Telegram | Facebook | YouTube | Sport

Фарғонада куёвдан келин сепи МИБ орқали ундирилди

Фарғонада 2023 йил августда турмуш қурган келин ва куёв келишмовчилик сабабли бирга яшашмай келаётган бўлган.

👉 https://effect.uz/4769

Telegram | Facebook | YouTube | Sport

Озод қилинган 39 нафар фаластинлик Рамалла яқинидаги назорат пунктига етиб келди

Озод қилинган маҳбуслар аввалроқ Ғарбий Соҳилдаги Офер қамоқхонасидан иккита автобусда олиб кетилган, у эрда жума куни Ҳайфа яқинидаги иккита қамоқхонадан олиб кетилган эди.

👉 https://effect.uz/4767

Telegram | Facebook | YouTube | Sport

Идораларимизда ўтирганларда ватан туйғуси етишмайди — Сенат аъзоси

Олий Мажлис Сенатининг навбатдаги ялпи мажлисида “Тупроқни муҳофаза қилиш ва унинг унумдорлигини ошириш тўғрисида”ги қонун лойиҳаси муҳокама қилинди. Унда Сенат аъзоси давлат идораларининг мансабдорларини танқид қилди.

“Шунақа бир туйғу бўладики, идораларимизда ўтирганларда ватан туйғуси етмайди. Мен неча йилдан буён айтаман, тупроқ фақат бизга дахлдор эмас, тупроқ ҳамманики. Тупроқдан келиб, тупроққа кетяпмиз. Буни тушунтириш жуда қийин.

Японга тушунтиролдим, улардан ёрдам оляпман. Немисга тушунтиролдим. Америка билан ишлаяпмиз, уларнинг илмий тадқиқот институтлари биз билан ҳамкорликда ишлашга тайёр. Ўзимизни идораларга тушунтириб бўлмайди”, деди Олий Мажлис Сенати аъзоси Рустам Холмуродов.

Telegram | Facebook | YouTube | Sport

“Фақат оғир аҳволдагилари шифохонада қоляпти, қолганлари уйга жавоб бериляпти” – Наманганда қизамиқ касаллиги авж олган, шифохоналар беморларга тўлиб кетгани айтилмоқда

Namanganliklar.uz tелеграм канали қуйидаги хабарни тарқатди:

“Наманган шаҳар юқумли касалликлар шифохонасида қизамиқ кўплигидан жой топиб бўлмаяпти. Ҳатто сариқ касалларни ҳам бошқа туманларга жўнатиб, бўш қолган жойларга қизамиқлар ётқизиляпти. Қизамиққа чалинганларни ҳам 10 тадан 9 таси уйида даволаняпти. Битта оғир аҳволдагисигина касалхонада қоляпти. Шунда ҳам жой тўлиб кетган”.

Соғлиқни сақлаш вазирлиги мазкур ҳолат юзасидан ҳозирча расмий маълумот бергани йўқ.

Telegram | Facebook | YouTube | Sport

Фарғонада маҳаллага ўрнатилган эҳсон қутиси ўғирланди

Фарғона вилоятининг Қўштепа туманидаги маҳаллаларнинг бирида эҳсон қутиси ўғирлаб кетилгани видеокузатув камерасига тушиб қолган. Ҳолат бўйича туман ИИБ томонидан текширув ҳаракатлари олиб борилмоқда.

Telegram | Facebook | YouTube | Sport

Унумдор тупроқни олиб қаердадир чуқурни кўмяпмиз, қаердадир жарни кўмяпмиз. Бу исрофгарчилик – Сенатор Наримон Умаров

Олий мажлис сенатининг 47-ялпи мажлисида сенатор Наримон Умаров тупроқнинг унумдор қатламини сидириб олиш, сақлаш ва ундан фойдаланиш тартибини белгилаш қандай мезонларга таянилади?, дея масъулга савол билан юзланди.

Telegram | Facebook | YouTube | Sport

Давлат органларининг номлари ва ваколатлари аниқлаштирилмоқда

Сенатнинг қирқ еттинчи ялпи мажлисида “Ўзбекистон Республикасининг айрим қонун ҳужжатларига республика ижро этувчи ҳокимият органларининг номларини мувофиқлаштиришга қаратилган ўзгартиришлар киритиш тўғрисида”ги Қонун кўриб чиқилди.

👉 https://effect.uz/4771

Telegram | Facebook | YouTube | Sport

Аралаш сайлов тизими парламент аъзоларининг тегишли партия олдидаги масъулиятининг кучайишига олиб келади – Танзила Нарбаева

Сенат Раиси Танзила Нарбаева сайлов ва референдум ўтказиш тартибини янада такомиллаштиришни ўзида акс этган қонун юзасидан ўз фикр ва мулоҳазаларини билдирди:

Ҳар қандай жамият ва давлатнинг демократлашув даражаси кўп жиҳатдан сайлов тизимининг қанчалик ривожлангани билан ўлчанади.

Ўзбекистонда демократик ислоҳотларни янада чуқурлаштириш, белгилаб олган стратегик мақсадларимизни амалга оширишда сиёсий институтлар роли, айнан, парламент ва сиёсий партиялар ролини кучайтириш муҳим вазифа ҳисобланади.

Аралаш сайлов тизими, яъни мажоритар ва пропорционал сайлов тизимига ўтилиши, энг аввало сиёсий партияларнинг янада фаоллашувига, жамият ҳаётида уларнинг роли ошиб боришига, парламент аъзоларининг тегишли партия олдидаги масъулиятининг кучайишига олиб келади.

👉 https://effect.uz/4773

Telegram | Facebook | YouTube | Sport

Украина ЕИга кириш учун бор кучи билан ҳаракат қилади

Украина Европа Иттифоқига аъзо бўлиш учун зарур бўлган ҳамма нарсани қилишга тайёр эканлигини мамлакат Бош вазир ўринбосари айтиб ўтди.

👉 https://effect.uz/4772

Telegram | Facebook | YouTube | Sport

МСК раиси сайлов жараёнлари ўтказилишида қўлланиладиган электрон тизим ҳақида маълумот берди

Сенатнинг қирқ еттинчи ялпи мажлисида Ўзбекистонда референдум ва сайлов ўтказиш тартибини такомиллаштиришни назарда тутувчи конституциявий қонун кўриб чиқилмоқда.

Сенатор Фарҳод Боқиев сенатнинг 47-ялпи мажлисида Марказий сайлов комиссияси раиси Зайниддин Низомхўжаевдан сайлов комиссиялари фаолиятига замонавий АКТни кенг жорий этиш, сайлов жараёнида ахборот хавфсизлигини таъминлаш, сайловчиларнинг электрон рўйхатини шакллантириш ва комиссия фаолиятига жамоатчилик вакилларини жалб этиш масалалари юзасидан қилинаётган ишлар қандай жараёнда эканлиги тўғрисида маълумот беришни сўради.

Telegram | Facebook | YouTube | Sport

«Сағбон» подстанциясига Хитойнинг янги куч трансформатори ўрнатилади – Энергетика вазирлиги

Тошкент шаҳрининг Олмазор туманидаги «Сағбон» подстанциясидаги авария ортидан туманнинг катта қисми электр энергиясиз қолган эди.

Энергетика вазирлиги носозлик тўлиқ бартараф этилиб, электр энергияси етказиб берилиши тўлиқ тикланиши борасида Хитойнинг «TAIKAI» компанияси билан ҳамкорлик ўрнатган ҳолда, подстанцияга юқори кучланишли трансформаторни ўрнатиш ишлари бошланганини маълум қилди. Жараён ушбу компания мутахассислари иштирокида олиб борилмоқда.

Мазкур таъмирлаш-тиклаш ишлари жараёнида Олмазор тумани истеъмолчилари дизель генераторлари орқали электр энергияси билан таъминланмоқда.

Telegram | Facebook | YouTube | Sport

Ўзбекистон-Италия ўртасида ушлаб бериш, маҳкумларни топшириш, тўғрисидаги шартномалар ратификация қилинмоқда

Сенаторлар 47-ялпи мажлисда Ўзбекистон Республикаси билан Италия Республикаси ўртасида ушлаб бериш, маҳкумларни топшириш, жиноий ишлар бўйича ўзаро ҳуқуқий ёрдам тўғрисидаги шартномаларни ратификация қилиш ҳақидаги қонунни маъқулладилар.

Қайд этилишича, мазкур шартноманинг ратификация қилиниши суд муҳокамаси самарадорлигини оширишга ва жиноят содир этган шахсларга нисбатан жазонинг муқаррарлиги тамойилини таъминлашга хизмат қилади.

Ҳужжатга кўра маҳкумларни топшириш Қонунда белгиланган тартиб-таомилларга мувофиқ шартнома тузувчи томонларнинг мурожаатлари асосида амалга оширилади.

Маҳкумларнинг жазони ўз мамлакатида ўташи уларга яқин қариндошлари билан мунтазам учрашиш имконини ҳам яратади.

Telegram | Facebook | YouTube | Sport

ДХХ Қорақалпоғистон, Самарқанд ва Фарғонада ноқонуний ер сотаётганларни қўлга туширди

Тўрткўл туманида яшовчи шахс фуқарога 30 йил муддатга деҳқончилик қилиш мақсадида ажратилган Тўрткўл туманидаги 1,8 гектар ер майдонини унинг номига расмийлаштириб бериш эвазига 350 млн. сўм олган вақтида ушланди.

Самарқанд вилояти Оқдарё туманида яшовчи фуқаро ўзи фаолият юритиб келаётган фермер хўжалигига тегишли 20 сотих ер майдонини 40 минг АҚШ доллари эвазига сотишга келишиб, мазкур пул маблағини олган вақтида ушланди.

Фарғона тумани яшовчи фуқаро мазкур туманда жойлашган, туман ҳокимлиги захирасидаги ер майдонидан 1 гектарини харидорга 28 минг АҚШ долларига сотишни ҳамда ушбу ер майдонини мансабдор танишлари орқали расмийлаштириб беришни ваъда қилган. Натижада, у мазкур ер майдони учун пул маблағини олган вақтида ушланди.

Telegram | Facebook | YouTube | Sport

Тошкентда ичимлик ва оқова сув хизматлари нархи ошди

Бу ҳақдаги қарор кеча, 24 ноябрь куни Халқ депутатлари Тошкент шаҳар Кенгаши томонидан тасдиқланди.

👉 https://effect.uz/4774

Telegram | Facebook | YouTube | Sport