Пискент туманида куз-қиш мавсумида аҳоли эҳтиёжи учун имтиёзли нархда сотиш учун ажратилган кўмирни талон-торож қилиш ҳолати аниқланди

Бош прокуратура ҳузуридаги Департаментнинг Пискент туман бўлими томонидан ўтказилган терговга қадар текширувда "Кўмир таъминот" МЧЖнинг Тошкент вилояти филиали раҳбари С.И., омбори мудири Ф.Х. ва бошқалар 2023-2024 йилги куз-қиш мавсумида аҳоли эҳтиёжи учун имтиёзли нархда сотиш учун ажратилган 794,2 тонна кўмирни Пискент тумани аҳолисига етказиб бермасдан, қалбаки юк хатларини расмийлаштириш орқали талон-торож қилганликлари аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

Telegram | Facebook | Instagram | YouTube | Sport

Бодибилдинг ва фитнес бўйича 14-жаҳон чемпионатида Ўзбекистон вакиллари 2 та олтин медални қўлга киритди

Жанубий Корея мезбонлик қилган чемпионатда спортчиларимиз 45 та давлат вакилларидан устун келди:

Бахшулла Сайфуллаев бодибилдинг йўналишида;
Шоҳрухмирзо Эргашев физик йўналишда.

Шунингдек, Иброҳим Латипов ва Виталий Скрипачев 4-ўринларга сазовор бўлишди.

Telegram | Facebook | Instagram | YouTube | Sport

Euronews телеканали ўзбек хоккейининг қайта тикланиши ҳақида ҳикоя қилди

Ўзбекистонда хоккейнинг қайта тикланиши ҳақидаги лавҳа машҳур Euronews телеканали орқали намойиш қилинди.

👉 https://effect.uz/4677

Telegram | Facebook | Instagram | YouTube | Sport

Самарқандда аёллар ва ички ишлар ходимлари ўртасида жанжал содир бўлди

Тойлоқ туманида болалар боғчаси очган аёллар боғча снос қилинишининг олдини олиш мақсадида ички ишлар ходимлари билан жанжаллашгани айтилмоқда.

Telegram | Facebook | Instagram | YouTube | Sport

Ёшлар таълимига сармоя – янада яхшироқ келажак учун сармоядир - Саида Мирзиёева

Мирзиёева хорижий мамлакатлардан таклиф этилган педагоглар билан учрашди.

👉https://effect.uz/4678

Telegram | Facebook | Instagram | YouTube | Sport

Пентагон санкцияларга қарамай, Россия хомашёсидан тайёрланган нефт маҳсулотларини сотиб олмоқда

Бу ҳақда “Washington Post” хабар берди.

Нашр текширув ўтказди ва Грециянинг “Motor Oil Hellas” нефтни қайта ишлаш заводи рус мазутидан фойдаланган. Ушбу завод эса АҚШ ҳарбийларининг таъминотчисидир.

Пентагоннинг нашрга билдиришича, санкцияларга риоя қилиш учун жавобгарлик етказиб берувчиларнинг зиммасида.

Telegram | Facebook | Instagram | YouTube | Sport

Ғазодаги қурбонлар сони очиқланди

Исроилнинг блокададаги Ғазо секторига уюштирган ҳужумлари оқибатида ҳалок бўлганлар сони 11180 нафарга етди. Бу ҳақда Фаластин ҳукуматининг Ғазодаги матбуот бўлими хабар берди.

7 октябрдан бери Исроилнинг эксклавдаги ҳужумлари қурбонлари орасида 4609 нафар бола ва 3100 нафар аёл бор.

Шунингдек, Исроил ўққа тутилиши натижасида 198 тиббиёт ходими, 20 фуқаро мудофааси ходими ва 49 журналист ҳалок бўлди.

Бундан ташқари, Ғазо секторининг 28 200 нафар аҳолиси жароҳатланган, уларнинг 70 фоизи аёллар ва болалардир. Йўқолганлар рўйхатида 3250 киши, жумладан 1700 га яқини болалар бор.

Media Office маълумотларига кўра, Ғазо секторидаги 22 касалхона ва 49 тиббиёт маркази Исроил ҳужумлари туфайли ўз фаолиятини тўхтатган.

Telegram | Facebook | Instagram | YouTube | Sport

Туркия «XXI аср Гитлери»нинг устидан Халқаро жиноий судга ариза берди

👉https://effect.uz/4679

Telegram | Facebook | Instagram | YouTube | Sport

Исроил аскарлари «Ал-Шифо» касалхонасини қуршаб олди — Фаластин соғлиқни сақлаш вазири

“Ал-Шифо” тиббиёт мажмуаси тўлиқ Исроил қўшинлари томонидан ўраб олинган, эвакуация қилиш қарорини касалхона маъмурияти қабул қилади, деди Фаластин соғлиқни сақлаш вазири Май ал-Кейла.

“Ал-Шифо” тиббиёт мажмуаси тўлиқ Исроил танклари ва аскарлари томонидан ўраб олинган...

“Ал-Шифо” мажмуасини эвакуация қилиш тўғрисидаги қарорни шифохона маъмурияти қабул қилади, бу мураккаб масала, чунки мажмуада кўп сонли ярадорлар бор.

Уларнинг кўпчилиги кома ҳолатида, агарда сунъий апаратлар тўхтаса, улар дарҳол ўлишади”, - деди вазир Al Arabiya телеканалига.

Telegram | Facebook | Instagram | YouTube | Sport

Осиё тараққиёт банки шу йилнинг ўзида Ўзбекистон билан 3,5 миллиард долларга яқин миқдорда 25 та лойиҳа имзолаган

Осиё тараққиёт банки (ОТБ) томонидан Марказий ҳамда Ғарбий Осиё ҳудудларида амалга оширилаётган лойиҳаларнинг 17 фоизи Ўзбекистонга тўғри келмоқда.

Ўзбекистон минтақада бу кўрсаткич бўйича иккинчи ўринда. Жорий йилда жами 3,5 миллиард долларга яқин миқдорда 25 та лойиҳа имзоланган.

Telegram | Facebook | Instagram | YouTube | Sport

Ороми йўқолган сурхондарёликлар дардига ким қулоқ тутади?

Сурҳондарёнинг Олтинсой тумани “Бибизайнаб” маҳалласида умргузаронлик қилаётган бир нечта оиланинг мана бир неча йилдирки ороми йўқолган, халовати бузилган. Негаки, уларнинг кўп йиллардан буён яшаб келаётган уйларини суд бузиш учун ажрим чиқарган. Нима эмиш, улар яшаб келаётган уй-жойлар фермер хўжалиги ҳудудида қурилган.

Ана шундай бехаловат кунларни бошдан кечираётганлардан бири Олим Мингбоев учун бугун осмон узоқ, ер қаттиқ.

Telegram | Facebook | Instagram | YouTube | Sport

Туркияда террористик гуруҳ ташкил қилган шахс қидирилмоқда

Туркияга ишлашга кетиб, диний экстремистик оқимга тушиб қолган ўзбекистонлик шахс қидирилмоқда.

У террорчи ташкилот тарғиботчилари таъсирида яқин танишлари билан биргаликда жамоа ташкил қилган.

Telegram | Facebook | Instagram | YouTube | Sport

Тошкентда машина устига дарахт қулаши оқибатида йўловчи ҳалок бўлди

Тошкент шаҳрининг Янгиҳаёт туманида автомобил устига дарахт қулаб тушди.

Машина орқа ўриндиғида ўтирган 26 ёшли қиз олган жароҳатлари туфайли вафот этган.

Telegram | Facebook | Instagram | YouTube | Sport

Сурхондарёда ўзгалар номига 132 млн сўм кредит олган ҳоким ёрдамчисига жиноят иши қўзғатилди

Сурхондарё вилояти, Қумқўрғон тумани, “Тўда” маҳалласидаги ҳоким ёрдамчиси тадбиркорлик фаолияти билан ҳам шуғулланган ва ўзи таъсис қилган “Volunteer team” корхонасида бир қанча фуқароларни алдаб, электрон имзоларини қўлга киритиб, номига иссиқхона фаолияти ташкил этиш учун 4 маротаба 33 млн сўмдан, жами 132 млн сўм кредит ажратилишига эришган. Сўнгра пулларни ўзи раҳбарлик қилаётган жамият ҳисобига тушириб, эҳтиёжларига ишлатиб юборган.

Ҳолат юзасидан Жиноят Кодексининг 168-моддаси (фирибгарлик) 3-қисми, «б, в» бандлари билан жиноят иши қўзғатилган. 31 октябрь куни ҳоким ёрдамчиси лавозимидан озод қилинган.

Telegram | Facebook | Instagram | YouTube | Sport

«Кўмир таъминот» МЧЖнинг Тошкент вилояти филиали раҳбарига жиноят иши очилди

Пискент туманида куз-қиш мавсумида аҳоли эҳтиёжи учун имтиёзли нархда сотиш учун ажратилган кўмирни талон-торож қилиш ҳолати аниқланди. Бу ҳақда Прокуратура департаменти матбуот хизмати хабар бермоқда.

Маълум қилинишича, "Кўмир таъминот" МЧЖнинг Тошкент вилояти филиали раҳбари С.И., омбори мудири Ф.Х. ва бошқалар 2023-2024 йилги куз-қиш мавсумида аҳоли эҳтиёжи учун имтиёзли нархда сотиш учун ажратилган 794,2 тонна кўмирни Пискент тумани аҳолисига етказиб бермасдан, қалбаки юк хатларини расмийлаштириш орқали талон-торож қилган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

Telegram | Facebook | Instagram | YouTube | Sport

Амрилло Иноятов Док-1 МАКС фожиасидан керакли хулоса чиқарганини маълум қилди

Соғлиқни сақлаш вазири Амрилло Иноятов “Антиструмин” йод препарати болаларга юқори дозада берилганини тан олди.

Вазир бундан буёғига бундай ҳолатга йўл қўйишга ҳақли эмаслигини таъкидлаб, масъул ходимлар қонун олдида жавоб беришни бошлаганлигини қайд этди.

Telegram | Facebook | Instagram | YouTube | Sport