Икром Алибоев оғир жудоликка учради

Ўзбекистон миллий терма жамоаси аъзоси Икром Алибоевнинг отаси вафот этди. Бу ҳақда ЎФА хабар берди.

Икром Алибоев бир ҳафта аввал Жанубий Кореянинг "Канвон" клуби билан шартнома имзолаган эди.

EFFECT.UZ'жамоаси Икром Алибоев ва унинг яқинларига ҳамдардлик билдиради.

Telegram | Instagram | You tube

⚡️ Италиялик афсона 58 ёшида ҳаётдан кўз юмди

👉 http://effect.uz/875

Telegram | Instagram | You tube

⚡️Укасини қидириб борган аёл ИИБ биносида ўласи қилиб калтаклангани айтилди. Прокуратура, ИИБ буни рад этмоқда

Бекободлик Мунира Ўринова йўқолиб қолган укаси Зокир Ўриновни ИИБ биносига излаб боради.

Укасини бир кун аввал уйга келмаганини пайқаган опага ходимлар укаси бу ерда эмаслигини айтади, кейинчалик ходимлар жигарини ноқонуний қамоққа олинганини билган Ўриновани дўппослаб, бино ҳовлисидан ҳайдашга уринишади. Қўлларидан тортиб, кўчага улоқтиришади. Ҳолат жорий йилнинг 11 октябрь куни содир бўлган.

Effect.uz ҳолат бўйича Прокуратурадан изоҳ сўради. Прокуратура ходими вазият бўйича ўрганиш ишлари олиб борилганини, айни вақтда ҳужжатлар судга ўтказилганини ва шунингдек, бу ҳолат “бошқача бўлганини” яъни М.Ўринова ИИБ ҳовлиси ёки биносида эмас балки бошқа жойда калтакланиб, сўнгра ИИБ идорасига келганини маълум қилди.

Бундан ташқари, Прокуратура иш ҳужжатларига кўра, айни вақтда аёлнинг ўзига нисбатан туҳмат ва ёлғон кўрсатма бериш билан маъмурий иш очилган.

Прокуратурага ИИБ ходимлари устидан арз қилиб борган Мунира Ўринова ўзига қарши иш очилгани ва суд ушбу иш бўйича кўр-кўрона ҳукм эълон қилинишидан жиддий эътироз ва хавотир билдиряпти.

Effect.uz прокуратурадан ўша кунги ҳолат видеолавҳаларини тақдим этишни сўраган, бироқ прокуратура бу иш судда кўрилаётганини айтиб, видео лавҳаларни фақат хат бўйича тақдим қилишини билдирган ёки умуман пайсалга солган.

👉 Тўлиқ видео

Telegram | Facebook | Instagram | YouTube | Sport

⚡️ 2022 йилнинг энг яхши спортчилари эълон қилинди

👉 https://effect.uz/877

Telegram | Instagram | You tube

No comment. Нукусдаги тартибсизликлар бўйича видеолар текширилмоқда

Нукусдаги оммавий тартибсизликлар бўйича суд жараёни давом этмоқда.

Хабарга кўра, судда гувоҳ ва фуқаровий даъвогарлар, шунингдек, Қорақалпоғистон Республикасидаги давлат идоралари вакилларининг кўрсатмалари тингланмоқда.

Гувоҳ ва айбланувчиларнинг кўрсатмалари намойишлар бўлиб ўтган кунларда тасвирга олинган видеоматериаллар билан солиштирилди.

Суд мажлисида Қорақалпоғистон Республикасида юз берган ҳолат ва воқеаларни ўрганиш бўйича комиссия аъзолари иштирок этишмоқда. Олинган маълумотларга кўра, жараёнлар белгиланган талабларга мувофиқ олиб борилмоқда.

Эслатиб ўтамиз, Бухоро вилоят суди биносида 2022 йил 1-2 июль кунлари Нукус шаҳрида содир этилган оммавий тартибсизликлар бўйича 22 нафар судланувчига оид жиноят иши бўйича суд жараёни 4 январдан бошланган.

Telegram | Facebook | Instagram | YouTube | Sport

🏡🏢 Уй-жойни ўз вақтида давлат рўйхатидан ўтказмаслик кўплаб муаммоли вазиятлар келтириб чиқариши мумкин.

Видеода шундай ҳолатга бир мисол қилинган.

Сизда ҳам мана шундай ҳолат бўлмаслиги учун кўмас мулкингизни ўз вақтида давлат рўйхатидан ўтказинг.

*Реклама

Telegram | Facebook | Instagram | YouTube | Sport

«Олдин одамлар наманганликман дейишга уялган» — Шавкатжон Абдураззоқов

Наманган вилояти ҳокими Шавкатжон Абдураззоқов Россияда ишлаётган меҳнат мигрантлари билан мулоқот қилди.

«Янги Ўзбекистонни аввалгисидан фарқи шундаки, олдинлари меҳнат мигрантларини тан олмаганмиз, уларга эътибор бермаганмиз.

Бугун эса вазият тамоман ўзгача, Президентимиз ҳар бир фуқаронинг ўз ўрни борлигини таъкидлаб, улар билан ишлашда янги тизим яратиб бердилар.

Иккинчи фарқни айтадиган бўлсак, бу Наманган учун жуда муҳим: олдин қаерга борилса, наманганликман дейишга уятилган.

Бугун эса наманганликларнинг қадди кўтарилди.

Янги Ўзбекистон Наманганга ғурурни қайтариб берди. Президентимиз Наманган - тадбиркорлик, фан, маданият, таълимда минтақанинг марказига айланаётгани таъкидлаб, буни алоҳида эътироф этдилар», - деди ҳоким.

Telegram | Facebook | Instagram | YouTube | Sport

🗻«Қамчиқ» довонида қор ёғмоқда

Айни вақтда “Қамчиқ” довонида қор ёғмоқда.

"Довон йўлидан ўтувчи ҳайдовчилардан оралиқ масофани сақлаб, тезликни меъёрдан оширмасдан, қоидаларга риоя қилган ҳолда ҳаракатланишларини сўраймиз", — дейилади хабарда.

Telegram | Facebook | Instagram | YouTube | Sport

♻️ "Навбаҳор" учта трансферни амалга оширди

👉 https://effect.uz/881

Telegram | Instagram | You tube

Равшан Эрматов ва "Локомотив" бош директори Хоразм вилояти ҳокими билан учрашди

6 январь куни Ўзбекистон футбол ассоциасияси биринчи вице-президенти Равшан Эрматов ва "Локомотив" футбол клуби бош директори Тўлабек Акромов ҳамда бир қатор футбол мутахассислари Хоразм вилоятига боришди.

ЎФА ва "Локомотив" клуби раҳбарияти Хоразм вилояти ҳокими Жўрабек Рахимов билан учрашиб, Хоразм футболи инфраструктурасини 2023-2025 йиллар давомида шакллантирган ҳолда Тошкент шаҳрининг "Локомотив" жамоаси билан ҳамкорлик қилишга келишиб олинган.

Шунингдек, вилоятнинг бош жамоаси "Хоразм" футбол клубининг келажакдаги истиқболлари ва мақсадлари муҳокама қилинди.

Шундан сўнг, мутасаддилар Хоразм спорт мажмуасида бўлиб, футбол академиясида яратилган шароитлар, вилоят футбол ассоциасиясида олиб борилаётган ишлар ҳамда Хоразм футбол клубининг бутун тизими билан яқиндан танишдилар.

Telegram | Instagram | You tube

⚡️«Қамбарота-1 ГЭС»ининг қурилиши бўйича «йўл харитаси» тасдиқланди

6 январь куни Бишкек шаҳрида Ўзбекистон, Қирғизистон ва Қозоғистон энергетика вазирлари томонидан «Қамбарота-1 ГЭС»нинг қурилиш лойиҳаси бўйича «йўл харитаси» имзоланди.

Ҳужжат билан томонлар лойиҳани амалга оширишнинг асосий шартлари ва зарур чора-тадбирларини белгилаб олди. Мазкур ГЭС Марказий Осиё мамлакатларининг электр ва сув таъминотида муҳим ўрин тутиши таъкидланди.

Лойиҳа доирасида 5,4 млрд куб метрга тенг сув омбори ва 1860 МВт қувватли гидроэлектр стансияси ишга туширилади. Натижада йилига ўртача 5,6 млрд кВт-соат электр энергияси ишлаб чиқариш имконияти яратилади.

Telegram | Facebook | Instagram | YouTube | Sport