Самарқандда мактаб ва боғчаларга кўмир етказиб берган корхонанинг 60 тонналик тарозиси текширувдан ўтказилмаганлиги маълум бўлди

Маълум бўлишича, бу ҳолат фуқаро мурожаати асосида Техник жиҳатдан тартибга солиш соҳасида назорат инспекциясининг Самарқанд вилояти бўлими томонидан ўтказилган назорат тадбири давомида аниқланган.

👉 https://effect.uz/n/526

Facebook I YouTube I Instagram

Ўзбекистонда йўл қоидабузарликлари бўйича маъмурий ишларни юритиш тартиби ўзгаради

Ички ишлар вазирининг буйруғи билан йўл ҳаракати қоидалари бузилишига доир маъмурий ишларни расмийлаштириш ва кўриб чиқиш тартиби бўйича янги йўриқнома тасдиқланди. Ҳужжат 2027 йил 7 январдан кучга киради.

👉 https://effect.uz/n/528

Telegram I Facebook I YouTube I Instagram

Ўзбекистонда 9 ойда 3 391 та ЙТҲ қайд этилди

Миллий статистика қўмитаси маълумотларига кўра, 2026 йилнинг январь–сентябрь ойларида мамлакатда 3 391 та йўл-транспорт ҳодисаси содир бўлган. Уларда 5 581 нафар киши жабрланган.

Ҳудудлар кесимида энг кўп ЙТҲ Самарқанд вилоятида — 471 та, Тошкент вилоятида — 459 та ва Тошкент шаҳрида — 458 та қайд этилган.

Қолган ҳудудлардаги кўрсаткичлар:

- Наманган вилояти — 342 та;
- Фарғона вилояти — 340 та;
- Андижон вилояти — 219 та;
- Қашқадарё вилояти — 215 та;
- Сурхондарё вилояти — 199 та;
- Жиззах вилояти — 145 та;
- Қорақалпоғистон Республикаси — 140 та;
- Хоразм вилояти — 127 та;
- Навоий вилояти — 117 та;
- Бухоро вилояти — 82 та;
- Сирдарё вилояти — 77 та.

Энг кам йўл-транспорт ҳодисаси Сирдарё вилоятида қайд этилган.

Telegram I Facebook I YouTube I Instagram

Ўзбекистон ва Туркия туризм соҳасидаги ҳамкорликни янги босқичга олиб чиқмоқда

Истанбул шаҳрида Ўзбекистон Республикаси Туризм қўмитаси раиси Абдулазиз Аққуловнинг Туркия Республикаси Маданият ва туризм вазири Меҳмет Нури Эрсой билан учрашуви бўлиб ўтди.

👉 https://effect.uz/n/529

Telegram I Facebook I YouTube I Instagram

Четдан келган iPhoneʼлар қўшимча текширувдан ўтказилади

Ўзбекистонда қиммат iPhone телефонлари қўшимча текширув учун ушлаб турилиши мумкин.

👉 https://effect.uz/n/530

Telegram I Facebook I YouTube I Instagram

Улушдорлар маблағини ҳимоя қилишга қаратилган қонун лойиҳаси Сенатга юборилди

Олий Мажлис Қонунчилик палатасида кўп квартирали уйлар ва бошқа кўчмас мулк объектларини улуш киритиш асосида қуришга оид қонун лойиҳаси муҳокама қилинди.

Қайд этилишича, лойиҳа фуқароларнинг уй-жой қурилишига киритаётган маблағларини ҳуқуқий ва молиявий жиҳатдан ҳимоя қилиш, соҳада замонавий ва шаффоф тизим яратишга қаратилган.

Шунингдек, фуқаролар маблағларини қонунчиликда белгиланмаган усулларда жалб қилиш ҳолатларининг олдини олиш кўзда тутилмоқда.

Қонун лойиҳаси Қонунчилик палатасида учинчи ўқишда қабул қилиниб, Сенатга юборилди.

Facebook I YouTube I Instagram

“Мен кўчаман” — Тошкентда ҳайдовчини ҳақорат қилган ЙПХ ходими ишдан олинди

Тошкент шаҳрида ЙПХ ходими йўл ҳаракати қоидаларини бузган ҳайдовчини тўхтатган. Шундан сўнг ходим ва ҳайдовчи ўртасида тортишув юзага келган.

Воқеа давомида ЙПХ ходими ўзининг “кўча” эканини айтиб, ҳайдовчини ҳақорат қилган.

Ҳолат юзасидан Тошкент шаҳар ЙҲХБ томонидан ходимга нисбатан кечиктириб
бўлмайдиган хизмат текшируви тайинланган.

Шунингдек, хизмат текшируви якунига қадар ходим эгаллаб турган лавозимидан четлатилган.

Facebook I YouTube I Instagram

Қўқондаги меҳмонхонада 13 ёшли қизга нисбатан жинсий зўравонлик содир этилди

Фарғона вилоятининг Қўқон шаҳрида вояга етмаган қизга нисбатан жинсий зўравонлик содир этилди. Бу ҳақда Ижтимоий ҳимоя миллий агентлиги хабар берди.

Маълум қилинишича, 2026 йил 28 сентябрь куни Риштон туманида яшовчи, 2012 йилда туғилган қиз Қўқон шаҳридаги меҳмонхонада жинсий зўравонликка учраган.

Telegram I Facebook I YouTube I Instagram

Ҳайдовчилар учун жарималар бўйича янги тартиб: нималар ўзгаради?

Ўзбекистонда йўл ҳаракати қоидабузарликлари бўйича маъмурий ишларни расмийлаштириш ва кўриб чиқишнинг янги тартиби тасдиқланди.

Ички ишлар вазирининг буйруғи билан тасдиқланган йўриқнома 2026 йил 5 ноябрда давлат рўйхатидан ўтказилди.

Ҳайдовчилар маъмурий ишлар бўйича яшаш жойидан қатъи назар, исталган ҳудудий маъмурий амалиёт марказига мурожаат қилиши мумкин.

Янги йўриқнома 2027 йил 6 январдан кучга киради.

Telegram I Facebook I YouTube I Instagram

Тошкент кимё технология институти ректори Усмонов Ботир Шукуриллаевич ўз хоҳишига кўра лавозимидан озод этилди

Facebook I YouTube I Instagram

Қурувчи фуқаро маблағини жалб қилса, 70 фоизлик банк кредити мажбурий бўлади

«Кўп квартирали уйларни ва бошқа кўчмас мулк объектларини улуш киритиш асосида қуриш тўғрисида»ги қонун қабул қилиниб, Сенатга юборилди. Бу ҳақда «Миллий тикланиш» демократик партияси етакчиси Алишер Қодиров маълум қилди.

👉 https://effect.uz/n/531

Facebook I YouTube I Instagram

Самарқандда қум-шағални ноқонуний қазишга уринган ҳайдовчи инспекторларга қаршилик кўрсатди

Самарқанд вилоятида ноқонуний қум-шағал қазиб олиш ҳолати аниқланди.

👉 https://effect.uz/n/532

Telegram I Facebook I YouTube I Instagram

Хитой компанияси Ўзбекистон такси бозорига 5 мингта машина билан кирмоқчи

Транспорт вазири биринчи ўринбосари Маманбой Омаров Хитой компанияси 5 мингта автомобиль билан Ўзбекистон такси бозорига киришни режалаштираётганини маълум қилди. Бу ҳақда у Спот нашрига берган интервьюсида айтган.

Telegram I Facebook I YouTube I Instagram

«Капиталбанк»даги ABCD можароси: Ногиронлиги бор ходимлар ва аёллар босим остидами?

Effect.uz таҳририятига Ўзбекистондаги йирик тижорат банкларидан бири — «Капиталбанк» ходимлари томонидан мурожаат келиб тушди. Кўп йиллардан буён банк тизимида ҳалол ва садоқат билан меҳнат қилиб келаётган ходимларнинг таъкидлашича, банк раҳбарияти томонидан жорий этилган ва қонунчиликда кўзда тутилмаган ABCD баҳолаш тизими аслида ходимларнинг маошини қисқартириш, уларга маънавий-руҳий босим ўтказиш ҳамда уларни ишдан сиқиб чиқариш қуролига айланган.

👉 https://effect.uz/n/533

👉 Тўлиқ видео

Telegram I Facebook I YouTube I Instagram

Ҳоким билан тортишув якуни: Муаммо ҳамон ечимсиз, ҳокимлик ёрдам беришга тайёр эди, аммо...

Аввалроқ маълум қилганимиздек, 6 ноябрь куни Яшнобод тумани ҳокими Абдулазиз Абдулхаковнинг «Тарновбоши» маҳалласида ўтказилган сайёр қабули давомида Effect.uz мухбири билан нохуш вазият юзага келган эди.

Жумладан, қабул якунида ҳоким журналист билан мулоқотдан сўнг асосий масалага, яъни мурожаатчининг муаммосига эътибор қаратди.

Абдулазиз Абдулҳақовнинг маълум қилишича, 9 ноябрьда "Кўзи ожизлар" жамияти раисига бино масаласида бир нечта жойлар кўрсатилиши режалаштирилган. Бироқ танланган жойни таъмирлашда ёрдам бера олмаслигини ҳоким таҳририятга билдирган.

Аммо мурожаатчи С. Даулетназаровнинг таъкидлашича, душанба куни уларга ҳеч қандай муқобил бино кўрсатилмаган ва муаммо ҳамон ҳал этилмаган.

Эътиборли жиҳати шундаки, Яшнобод тумани ҳокимлиги ўз расмий муносабатида фуқаронинг мурожаати ҳал этилганини билдирган. Афсуски, мурожаатчининг баёноти бу маълумотни тасдиқламаяпти.

Шу муносабат билан Яшнобод тумани ҳокимлигидан фуқаронинг мурожаати айнан қачон ва қандай ҳал этилгани, душанба куни ваъда қилинган муқобил бинолар нима сабабдан кўрсатилмагани юзасидан расмий изоҳ кутиб қоламиз.

Effect.uz мазкур масалани кузатишда давом этади.

👉 Тўлиқ видео

Telegram I Facebook I YouTube I Instagram

Мактаб ва боғчаларга кўмир етказган корхонанинг 60 тонналик тарозиси текширилмаган

Самарқанд вилояти Пастдарғом туманида мактаб ва мактабгача таълим ташкилотларига кўмир етказиб бериш билан шуғулланган «Д.С» оилавий корхонасида қонунбузилиш ҳолати аниқланди.

Маълум бўлишича, фуқаро мурожаати асосида Техник жиҳатдан тартибга солиш соҳасида назорат инспекциясининг Самарқанд вилояти бўлими томонидан корхонада назорат тадбири ўтказилган.

Telegram I Facebook I YouTube I Instagram

Терим пулини талаб қилган фермер ва кластер биносидаги тортишув: Ким ҳақ?

Фарғона вилояти Учкўприк туманида фермер билан пахта кластери ўртасида терим пули масаласида тортишув юзага келган. «Султонобод боғи бўстони» фермер хўжалиги раҳбари Муножат Умарова Effect.uz таҳририятига мурожаат қилди.

Унинг айтишича, «PROF TEKST PLYUS» кластери терим пулларини ўз вақтида тўлаб бермаяпти. Фермер бу масалани аниқлаш учун 26 октябрь куни кластер биносига борган.

Аммо ўша ерда вазият кескинлашган. Муножат Умарованинг айтишича, кластер вакиллари билан тортишув вақтида унга нисбатан турли гаплар айтилган. У ҳатто фермерларнинг қадри ҳақида ҳақоратомуз сўзлар ишлатилганини билдирган.

Лекин воқеа содир бўлган кунга оид кузатув камералари ёзувлари Effect.uz таҳририятига ҳам етиб келди. Камера тасвирларида фермернинг кластер биносига тушлик вақтида киргани кўринади. У айрим хоналарнинг эшикларини очади. Шундан сўнг ҳисобчилар хонасида кластер ходимлари билан тортишув юзага келади.

Хўш, кластер томони бу воқеага қандай қарайди?

Буларнинг барчасини воқеа жойидаги камера ёзувлари ва Effect.uz мухбири Хамид Аҳмедовнинг суриштируви асосида тайёрланган видеолавҳада кўришингиз мумкин.

👉 Батафсил ўқиш

👉 Ютубда кўриш

Facebook I YouTube I Instagram

Қўқонда 13 ёшли қизга нисбатан жинсий зўравонлик иши бўйича айблов моддаси ўзгартирилди

Шаҳар прокуратураси жиноят ишини Жиноят кодексининг 128-моддасидан 118-моддаси 4-қисмига қайта малакалади.

Жабрланувчига психологик ва юридик ёрдам кўрсатилмоқда. Болалар омбудсмани унинг ҳуқуқлари таъминланишини назорат қилмоқда.

118-моддаси 4-қисмига кўра, 15 йилдан 25 йилгача озодликдан маҳрум қилиш ёки умрбод қамоқ жазоси белгиланган.

Жазо 14 ёшга тўлмаган шахснинг номусига тегиш жинояти учун назарда тутилган.

Telegram I Facebook I YouTube I Instagram