‏بين اليتيمِ وبين ضوءِ المسبحة
كانتْ هُناكَ مَلامِحٌ مُتجرِّحَةْ

كانتْ هُناكَ ولا تزالُ هُناكَ في
أرضِ العراقِ حنانُها في الأضرِحَةْ

ثمّة في طبيعة المرأة لُطف وجمال ودفء ومحبة بحيث تستطيع أخذ نفسها والبيئة المحيطة بها -سواء في داخل البيت أو في أي بيئة كانت- نحو المعنويّة والتقدم ورُقيّ المدارج العلمية والعملية.
⠀⠀⠀⠀⠀⠀⠀⠀⠀
-كتاب "المرأة واستعادة هويّتها الحقيقيّة"

في ليلة القدر لم يرقّ قلبي، لم أجد في عيني دكعة ماذا أفعل؟

-الشيخ حبيب الكاظمي

الشّيخ ماهر المحمّداوي الذي توفّي يوم أمس، أثناء انقاذ طفل غرق في شطّ العرب، هذا الشّيخ أدّى تكليفه ولم يقف مكتوف الأيدي، بالرغم كان عنده فوبيا من الماء، فسلامٌ على العمامة النّاصعة.🤍

يوم الحساب:
صاحوا باسمي لا ألقاب ولا مقدّمات، واجو اثنين اخذوني وخلّوا صحيفتي بيدي وجابوني للمنصّة، على رؤوس الاشهاد، وبدوا يفتحون الصفحات.
الصفحات الأولى صغيرة وبسرعة عبروها بدون حساب، حتى وصلت للتكليف بدأت الصفحات تكبر والكتابة تصير كثيرة وناعمة وبالتفاصيل، تعبت هواي من هذن الصفحات، كل صفحة تنفتح انسأل عنها، صليت الصّبح بوكتها لو لا؟ صليت الظهر؟ المغرب؟ أمّك وابوك، جيرانك أهلك، الفقراء، الواجبات، أسئلة كلش هواي، وبعد وين رحت وين اجيت وين باوعت؟ عليمن حچيت، يعني حتى الصغار بكد مثقال الذرة هم انسال عنهن، تعبت هواي وخايف وما ادري شنو ورا هذه الأسئلة والتحقيق والناس كلمن مشغول بنفسه والتحقيق جدّي وما بيه تهاون..
كل مرة تطلعلي صورتي وأنا اصلي بسرعة شكد تمنيت لو شويّة اطولها، القرآن على الرف بس كون امد أيدي واقرا شوية، يا الله فتحت القران بس ليش صفحة وحدة، هذن كم كلمة يبيضن الصفحة كلها. هذا فقير يدگ الباب، يا الله بس كون انطيه شي، هم زين انطيته، عجيب هذا الألف صار سبعة صار سبعمية صار سبعة الألف وجاي يزيد وانا مستغرب والله يضاعف وانا فرحان شكد تمنيت لو أمشي وأوزع على الفقراء، بهذه الاثناء شوية أجر نفسي ويهدأ الخوف شوية بس أعرف أكو بعد هواي صفحات. أكو هواي سطور سود ممسوحات ومو واضحات انا أعرفهن ومستحي حيل منهن وخايف من حسابهن. سألت سويت نفسي ما أعرف. كالو هذن الله مسحهن ومحد يعرفهن غيره . لأنك تبت منهن والله سترك بالآخرة مثل ما سترك بالدنيا..
بعدين شفت صفحات بيض، بيهن حسنات هواي بيهن تسبيحات هواي أنا ما مسويهن وبيهن ختمات قرآن وبيهن عبادة ورضى ومغفرة، وحتى ضواهن غطى الصفحات الفاتن، أول صفحة مكتوب بيها امساك ،اثاري دخل شهر رمضان، عجيب أنا اشوف صورتي نايم والملائكة تكتب حسنات وحتى من اتنفس كل نفس بيه ثواب، عجيب حتى لو كلت (بسم الله الرحمن الرحيم) ينكتبلي ثواب ختمة قرانية كاملة، وظلت الملائكة تجيب حسنات وتصب بصحيفتي حتى فاضت.
كل آية اقراها من القرآن ينطوني ثواب ختمة كاملة، شكد تمنيت لو كنت مستمر اقرا قرآن طول الوكت!! بعدين شفت جايبين حسنات بكد الدنيا.. وقت الإفطار كالوا لأن قريت سورة القدر. وكالوا راح ننطيك بكد ثواب كل الصايمين اليوم لأنك كلت ( اللهم لك صمت وعلى رزقك افطرت وعليك توكلت).
بعدين ظلوا كل صفحة يفتحونها من صفحات الشهر وانا وجهي يستبشر ويفرح، شكد اتمنيت لو الشهر 60 يوم أو 120 يوم أو حتى كل السنة شهر رمضان، بعدين شافوني مستغرب گالوا لا تستغرب انت بضيافة الكريم. وحتى تصورت ماكو أحد عنده ثواب بگدي بالرغم انا اصلًا كلشي ما مسوي.
بعدين اجت ليلة القدر وانا اشوف الملائكة تنزل بكل مكان وكل زاوية وبيدهم أكياس الرحمة والمغفرة والعطايا، و شفت يوزعون على الناس صكوك العتق من النيران وانا اباوع بالصكوك بلكي اسمي بواحد منهن، بعدين شفت هواي ناس تصلي وتقرا دعاء وتتصدق ويصلون أرحامهم وكلهم أكثر مني وبدوا يوزعون عليهم وانا أباوع للناس وأباوع للصكوك خاف يخلصن، بعدين خلصن الصكوك وانا كلش خفت، بعدين اجا واحد من الملائكة جاب صكوك اكثر من الوجبة الأولى مكتوب عليهن ( السلام على الحسين ) كالوا هذن للزاير بليلة القدر للما حصل بالوجبة الأولى، مختومات بختم النبي الأكرم سيّد الشفاعة وانطوني صك باسمي، وانا مستغرب كالوا ليش أنت ما سمعت الحديث ( من زار الحسين ليلة القدر وجبت له الجنة)! ، وظلت الحسنات تجينا من كل صفحة حتى وصلنا ليلة العيد والملائكة اجوا بصكوك عتق من النار جديدة بكد الأوليات كلهن وفوكهن، وظلوا يوزعون على الناس يمكن ما بقى واحد ما استلم.
شگد تمنيت لو ما مضيع دقيقة من هذا الشهر، شگد شهر كريم وكله عطايا ومنح وشكد مقصّر بيه شكرًا يا رب على عطاياك شكرًا يا رب على كرمك ومنّك شكرًا يا رب على نعمة شفاعة محمد وآله. گعدت من النوم وأنا اردد الصلاة على محمد واله واگول هم زين باقي شكم يوم من شهر رمضان.
استثمره قبل لا يخلص..

-د. عبد الباقي خلف علي

أنصحكم بقرائتها، لعلّنا نتّعظ.🌱

‏سامحت عن كل شي يا ربّ، لا أريدُ خصومًا يوم ألقاك، أعنّي على ترك الآثام ونقّني حتى ألقاك بقلب أبيض.

من أقنع البعض أن الذي ثـُكِل به الفقهاء ووصفته المرجعية بـ "اللواء العظيم عالي القدر" هو من يقتل المتظاهرين، ويشعل الوضع في العراق،
هو نفسه الذي أقنع أهل الشام أن عليًا -نفس رسول الله ووصيه-
لايصلي.

#فهل_من_مُدّكِر؟!

-الشيخ علي منيع