إذا اليوم كعدتوا الصبح ولكيتوا بباب بيتكم هديه الك بالذات، فتحتها ولكيت بداخلها ضرف أنه هي من أي شخص.

رأسًا راح يتبادر ببالك. هذا الشخص جابلي هدية، لازم أشكره.
بس شلون أشكره وأني مااعرفه؟

زين بلكت وديتله شي هو مو بمقامه
او ميليق بي؟!

إذن الشكر لازم يتم وره منعرف منو صاحب النعمة أو الهدية.

وهذا نسميه :
"وجوب شكر المنعم"

الي خلقنه وأنعم علينه بكل النعم
الي نحصيها والي منعرفها..
لازم يتم وره (منعرفة).

كل الي راح كان مقدمة.

وصلنه للسؤال الي يكول :

من قال أن الله هو من خلقنا ؟!

سؤال غريب، بس واقعي !
شلون تكدرون تقنعوني أنه الله هو الخالق ؟!

حتى نجاوب ع هذا السؤال، راح نسأل سؤال ثاني.

في حالة لم يكن الله هو الخالق، فمن سيكون أذن؟!
من خلقني ؟!
من خلق الموجودات ؟!

أو إذا نريد نكون صريحين..
نسأل أول وأهم سؤال، منو كال أكو خالق أصلا ؟!

يجوز أصلا منحتاج لأحد يخلقنه..!

الجواب:

في حالة إذا لم يكن هناك خالق، فكيف وجد هذا الكون ؟!
بهذه الدقة ؟! بهذه العظمة؟! بهذا النظام ؟!

هل هي الصدفة؟!
هل الطبيعة ؟!
هل هي المادة ؟!
ام موجود آخر؟!

إذا قلنا الصدفة فـ هذا باطل عقلًا ..
العقل يرفض هذا المبدأ تمامًا.
وإذا أحد كال لا ميرفض فهو إذن ماعنده عقل!

مثلًا / خل أنطيكم جهاز موبايل كلش راقي، وأكلكم ماكو أحد سواه وأوجده.. هو من وحده صار، جزيئاته من وحدهم تقاربوا واتحدوا وصار موبايل..
راح تضحكون علي!!
تكلولي مستحيل، موبايل بهذي الدقة، بهذا التركيب يتكون من وحده؟


خل أحد منكم يكعد الصبح من النوم ويشوف الريوك محضر ع ميز الطعام
أول شي يتبادر بباله، أكو أحد كعد وسواه ..
وإذا أكللكم هو من وحده صار صدفة
هم راح تضحكون علي.

زين إذا ريوك وموبايل وعقلي وعقلكم ما تقبله أنه يتكون صدفة..
شلون العقل راح يتقبل أنه يتكون كون كامل بتفاصيله، عن طريق الصدفة؟!!

أذن:
المبدأ الأول ، وهو الصدفة مرفوض (بالدليل العقلي).

المبدأ الثاني:
الطبيعة هي من أوجدت الكون.

بالنسبه للي يكول ويعتقد بهذا المبدأ..
راح أرجع أسأله..
شنو تقصد بالطبيعة ؟!
الاشجار والمياه والخضرة ؟!
لو غير شي ؟!

وهل ياترى الطبيعة الي تقصدها ،
تمتلك الحياة لو لا؟!

"اذا متملك الحياة"
لعد شلون أوجدت فينا الحياة ؟!
وأحنه ندري أنه فاقد الشيء لايعطيه ؟!

"واذا تملكها"
فاختلافنه وياك فقط بالمسميات ..
أنت تسميها طبيعة، وأحنه نسميها واجب الوجود.

_وهنا ، أحنه بطلنه المبدأ الثاني أيضًا بالدليل العقلي،
وهو مرفوض عقلًا !!

المبدأ الثالث وهو المادة.

أكو الي يكول شلون تكدرون تئامنون برب غير مادي ؟!
لا هو جسم ونشوفه..
لا عنده صوت ونسمعه..
لا هو بمكان ونروحله ؟!

شلون عرفتوا هو موجود. إذا ماكو شي متعلق بيه موجود ؟!
هذوله أسمهم "المادية"

يعني ينكرون كلشي مو مادة
كلشي مو مادة يعتبروه مموجود.
وكلشي ماده لازم يكون موجود..

بعباره ثانية:
الموجود = المادة
ماليس بمادة = غير موجود !!

وبما أنه الله ليس بمادة، أذن هو ليس بموجود، ومنكدر نؤمن بيه !!


الجواب راح يكون بشطرين/

الأول :
راح أسأل هذا الشخص المادي،
اكله ، أكو هواي أمور هي بالحقيقة مادة بس متنشاف ، مااكدر أشوفه بالعين المجردة.
استدل عليها من آثارها.


مثل "الطاقه الكهربائية"

مادة ، بس ما أشوفها
أني متأكدة هي موجودة
ليش؟!

لان أكو ضوه اعتلك.
أو سبلت اشتغل
أو تلفزيون انفتح !!
أذن .. أكو أثر أنه أكو كهرباء.

بس اني مشفت الكهرباء بعيني ..
شفت أثره وبس !!

والثاني:
أنه أكو هواي أمور غير مادية، بس أنت مجبور تؤمن بيها ، وتحسها جزء من عندك

مثلًا:
الخوف /الغضب /الكره /الحب .
الاحساس بالألم!!

خل واحد يكلي داحس بالألم.
عدم شوفتي للألم ميخليني أنكر وجوده!!


والأهم من كل ذلك ؛
العقل!!
أسأل هذا الشخص المادي، اكله انت عاقل ؟؟!
راح يكلي أكيد أي !!

أكله راويني عقلك أريد أشوفه !!

إذا حسب نظريتك، كلشي مو مادي هو مو موجود..

معناها أنت بلا عقل !!
بلا أحساس ..
بلا مشاعر !!
لان هذني كلهم أمور مو مادية.

إذن .. من هذني الشطرين
راح نوصل الى قاعدة عقلية عقائدية تكول :

"عدم الوجدان لا يدل على عدم الوجود"

يعني عدم وجود صورة أو شكل أو جسم لله تعالى، لا يدل على عدم وجوده.

نكمل #عقائد....🌷

كملنا موضوع المادة .

وبعد كل المواضيع السابقة والشرح والسوالف ..
وصلنه الى نقطة كدرنه بالبداية نقنع بيها أنفسنه ، وبعدين ممكن نقنع الآخرين
بأهم نقطة جوهرية وهي :

(أنه يجب أن يكون هناك خالق للكون ولكل الموجودات !! )

بدليل عقلي/
راح نختصره بجملة ، وهي قاعدة عقلية
(الأثر يدل على المؤثر).
يعني ..
وجود البيت دليل على وجود العامل الي بناه.

وجود الكهرباء دليل على وجود المولدة.

وجود الأكل دليل على وجود الي طبخه ، وهكذا..

فأثر الشيء دليل على وجود الي سواه .. يعني المؤثر اله.


مثل ما وجود أثر هذا الشرح بهاي القناة
دليل على وجود الي يشرحه، والي يسموه المؤثر.

هنا أحنه تجاوزنه نقطة هل يجب ان يكون هناك خالق للكون ؟!

اليوم راح ننطلق الى نقطة الثانية..

وهي:
من هو هذا الخالق ؟!

كلنه نعرف أنه هذا الخالق هو الله سبحانه وتعالى ..

منو الي كال ؟!

أولًا :
ما أجه أحد ثاني كال أني الي خلقت.
فقط الله.

وحتى إذا أجه من قال ( أنا ربكم الأعلى)
فما انطه أي دليل ع أنه هو الرب والخالق ..


بأبسط سؤال ..
( إن ربي يأتي بالشمس من المشرق فأتي بها من المغرب فبهت الذي كفر !! )

هاي الآية مو دليل ع وجود الله ..

هاي الآية مجرد كشاهد قرآني ..
أنه حتى الي كال بلسانه أنه أنا ربكم الأعلى، والي هو "فرعون"

متجرأ أن يكول أنا خالقكم، كال فقط أنا ربكم.


لأن الرب شيء والخالق شيئًا آخر ..

‏ومضى شوّال  وانتصفت الإجازة.. فما إنجازك؟

تذكّر: آخر يوم في الإجازة ستلتفت يمنة ويسرة تجد هذا حفظ من القرآن، وآخر طوّر نفسه في تخصّصه أو مواهبه، وثالث التحق بدورة، ورابع قرأ كتابًا..

أما أن تخرج منها صفر اليدين فهذا والله الغبن!

ثم إنّ الإنجاز لا يعارض الاستمتاع بالإجازة بل يزيدها بهجة وجمالا.

أنجِز وأبدِع.💙

ما يدل علىٰ منزلة السيّدة فاطِمة المعصومة -عليها السّلام- العلميّة ما ورد في بعض الوثائق التاريخية، مِن أنّ جماعة مِن الشيعةِ قصدوا المدينة يريدون الإِجابة عن بعض الأسئلة الّتي كانت معهم، وكان الإِمام الكاظم -عليه السلام- مُسافراً خارج المدينة، فتصدت السيّدة فاطمة -عليها السّلام- للإِجابةِ، وكتبت لهم جواب أسئلتهم.

وفي طريقِ رجوعهم من المدينةِ التقوا بالإمام -عليه السّلام-، فعرضوا عليه الإِجابات، وعندما إطّلع الإمام -عليه السلام- علىٰ جوابها قال ثلاث مرات:
«فداها أبوها»*.

* مهدي بور، كريمة أهل البيت، ص:٦٣و٦٤ نقلاً عن كشف اللئالي.

ولادة سيدة قم 🌸

‏فُصحاء في بسط الشكوى ، أعاجم في ذكر النِّعم !

ولأنّ الله معك لا تحزن فلكلِّ كسر عندك لهُ جبرٌ عنده.✨

هذا فؤادي متعبٌ وحملتهُ
لك يا إله القلب تعلم ما جرى..