نحنُ بخير مَادُمنا نستطيع النوم من دُون مُسكنات ولا نَستيقظ عَلى صَوت
جھاز طبي مَوصُول بـأجسادنا

اشكروا الله ولا تكثروا من الشكوى ..🦋

روحُ الحياةِ برَوْحِها مرحومة
طابَ الوجودُ بمولد المعصومة .✨

بنفسي أنت والأحاديثُ تطولُ...💔

رهيفٌ مثلما تبكي الغيومُ
‏لطيف إن غضِبتُ كما النُّجومُ
‏يحار الناسُ في وصفي كأنّي
‏دعاءٌ إن تراكمتِ الهُـمومُ.

و أكو بعد معلومة صغيرة..
دراسة العقائد هي الي تختص بهذا المجال والي تجاوب ع كل هالتساؤلات وبعد أكثر منها.

هي واجبة "بالوجوب العقلي"
بدليل/
الآية القرآنية الي تكول؛
{واعلم أنه لا إله إلا الله }

و (اعلم) فعل أمر واجب.
مثل ( وأقم الصلاة).

من خلال دراسة العقائد راح نمتلك ميزتين/

الأولى: الميزة الدفاعية.
تكدرون تدافعون عن الله، عن صفاته،
عن عدله، عن أنبيائه، عن الأئمة والخ..
وكت الي تمرون بموقف، و تلتقون بأحد
وعنده أشكال بالموضوع.

الثانية : الميزة التنويرية.
داخلكم يتنور، بمعرفة الله ومتعلقاته،
وهذا التنوير يصير من تنزال أوساخ الجهل.
من يبدي نور الفطرة يشع بداخلكم.

راح تلاحظون مرات نسولف بأمور تكولون أي والله صدك، خو أني أعرفها..

ليش هجي صار ؟!
لأن معرفة الله موجودة بفطرتنه كلنه..
بفطرة كل البشر.
( فطرت الله التي فطر الناس عليها ).

بس الي خلاها تقل، أو تنمحي، أو تتناسى..
هي الذنوب والمعاصي والبعد والهجر، والخ.. !!

فأحنه راح نسولف ويه كلوبنه وعقولنه وفطرتنه.

وصلنه الى أنه أكو أمور راح تشابه دواخلنه هواية من باب (فطرة الله التي فطر الناس عليها)

ومن باب/
قول الأمير عليه السلام:
أتحسب أنك جرمٌ صغير وفيك انطوى العالم الأكبر.

أذن كلشي موجود بالعالم الخارجي
موجود بصورة مصغره بدواخلنه وأعماقنه

لذلك هواي نشوف أمور مالوفه عدنه، ونحسها جزء من عدنه.

اليوم راح نبدي من سؤال
شنو الي راح ندرسه بالعقائد ؟!
وليش ندرسه ؟!

راح نسولف بالأصول
الي هي أساس وجذور العقيدة.

أحنه ندري وكلنه ماخذين صف أول ابتدائي أنه الأسلام يتكون من أصول
وفروع..
أاصول الدين وهي خمسة:
التوحيد العدل النبوة الامامة المعاد.

بالحقيقة
اكو أصول مشتركة لكل الأديان السماوية
وهي/
التوحيد
النبوة
المعاد

كل الانبياء الي أرسلهم الله كانت مهمتم أنه يدعون إلى هذهِ الأصول الثلاثة

أما الاصول الاثنين البقية فهي تفرعات من الاصول المشتركة.

فالعدل تفرع من التوحيد
والامامة تفرع من النبوة.

شنو فائدة دراستي لكل هذا الكلام
؟!!
شنو الي راح احصله ؟!
(راح اضربلكم مثال )

إذا اليوم كعدتوا الصبح ولكيتوا بباب بيتكم هديه الك بالذات، فتحتها ولكيت بداخلها ضرف أنه هي من أي شخص.

رأسًا راح يتبادر ببالك. هذا الشخص جابلي هدية، لازم أشكره.
بس شلون أشكره وأني مااعرفه؟

زين بلكت وديتله شي هو مو بمقامه
او ميليق بي؟!

إذن الشكر لازم يتم وره منعرف منو صاحب النعمة أو الهدية.

وهذا نسميه :
"وجوب شكر المنعم"

الي خلقنه وأنعم علينه بكل النعم
الي نحصيها والي منعرفها..
لازم يتم وره (منعرفة).

كل الي راح كان مقدمة.

وصلنه للسؤال الي يكول :

من قال أن الله هو من خلقنا ؟!

سؤال غريب، بس واقعي !
شلون تكدرون تقنعوني أنه الله هو الخالق ؟!

حتى نجاوب ع هذا السؤال، راح نسأل سؤال ثاني.

في حالة لم يكن الله هو الخالق، فمن سيكون أذن؟!
من خلقني ؟!
من خلق الموجودات ؟!

أو إذا نريد نكون صريحين..
نسأل أول وأهم سؤال، منو كال أكو خالق أصلا ؟!

يجوز أصلا منحتاج لأحد يخلقنه..!

الجواب:

في حالة إذا لم يكن هناك خالق، فكيف وجد هذا الكون ؟!
بهذه الدقة ؟! بهذه العظمة؟! بهذا النظام ؟!

هل هي الصدفة؟!
هل الطبيعة ؟!
هل هي المادة ؟!
ام موجود آخر؟!

إذا قلنا الصدفة فـ هذا باطل عقلًا ..
العقل يرفض هذا المبدأ تمامًا.
وإذا أحد كال لا ميرفض فهو إذن ماعنده عقل!

مثلًا / خل أنطيكم جهاز موبايل كلش راقي، وأكلكم ماكو أحد سواه وأوجده.. هو من وحده صار، جزيئاته من وحدهم تقاربوا واتحدوا وصار موبايل..
راح تضحكون علي!!
تكلولي مستحيل، موبايل بهذي الدقة، بهذا التركيب يتكون من وحده؟


خل أحد منكم يكعد الصبح من النوم ويشوف الريوك محضر ع ميز الطعام
أول شي يتبادر بباله، أكو أحد كعد وسواه ..
وإذا أكللكم هو من وحده صار صدفة
هم راح تضحكون علي.

زين إذا ريوك وموبايل وعقلي وعقلكم ما تقبله أنه يتكون صدفة..
شلون العقل راح يتقبل أنه يتكون كون كامل بتفاصيله، عن طريق الصدفة؟!!

أذن:
المبدأ الأول ، وهو الصدفة مرفوض (بالدليل العقلي).

المبدأ الثاني:
الطبيعة هي من أوجدت الكون.

بالنسبه للي يكول ويعتقد بهذا المبدأ..
راح أرجع أسأله..
شنو تقصد بالطبيعة ؟!
الاشجار والمياه والخضرة ؟!
لو غير شي ؟!

وهل ياترى الطبيعة الي تقصدها ،
تمتلك الحياة لو لا؟!

"اذا متملك الحياة"
لعد شلون أوجدت فينا الحياة ؟!
وأحنه ندري أنه فاقد الشيء لايعطيه ؟!

"واذا تملكها"
فاختلافنه وياك فقط بالمسميات ..
أنت تسميها طبيعة، وأحنه نسميها واجب الوجود.

_وهنا ، أحنه بطلنه المبدأ الثاني أيضًا بالدليل العقلي،
وهو مرفوض عقلًا !!

المبدأ الثالث وهو المادة.

أكو الي يكول شلون تكدرون تئامنون برب غير مادي ؟!
لا هو جسم ونشوفه..
لا عنده صوت ونسمعه..
لا هو بمكان ونروحله ؟!

شلون عرفتوا هو موجود. إذا ماكو شي متعلق بيه موجود ؟!
هذوله أسمهم "المادية"

يعني ينكرون كلشي مو مادة
كلشي مو مادة يعتبروه مموجود.
وكلشي ماده لازم يكون موجود..

بعباره ثانية:
الموجود = المادة
ماليس بمادة = غير موجود !!

وبما أنه الله ليس بمادة، أذن هو ليس بموجود، ومنكدر نؤمن بيه !!


الجواب راح يكون بشطرين/

الأول :
راح أسأل هذا الشخص المادي،
اكله ، أكو هواي أمور هي بالحقيقة مادة بس متنشاف ، مااكدر أشوفه بالعين المجردة.
استدل عليها من آثارها.


مثل "الطاقه الكهربائية"

مادة ، بس ما أشوفها
أني متأكدة هي موجودة
ليش؟!

لان أكو ضوه اعتلك.
أو سبلت اشتغل
أو تلفزيون انفتح !!
أذن .. أكو أثر أنه أكو كهرباء.

بس اني مشفت الكهرباء بعيني ..
شفت أثره وبس !!

والثاني:
أنه أكو هواي أمور غير مادية، بس أنت مجبور تؤمن بيها ، وتحسها جزء من عندك

مثلًا:
الخوف /الغضب /الكره /الحب .
الاحساس بالألم!!

خل واحد يكلي داحس بالألم.
عدم شوفتي للألم ميخليني أنكر وجوده!!


والأهم من كل ذلك ؛
العقل!!
أسأل هذا الشخص المادي، اكله انت عاقل ؟؟!
راح يكلي أكيد أي !!

أكله راويني عقلك أريد أشوفه !!