‏تعال لا ( تبطي ) وخذني با الاحضان
وخل ( الايادي ) تشتبك با الايادي




ترى الحضن يقلون في بعض الاحيان
يدخل مع الاحساس سجن انفرادي

‏يـاروح روحي مـبي مـنـك سـوى كلمه
واخذي كلامي ياروحي واقبلي عذري




طـيفـك يـمـر الضمير الحي في حلمه
كـم واحـدً فـي هـوى محبوبه مهذري

‏وينك دعاك الشوق مع كل نسناس
وصلك وقربك يا الغضي جايزً له




ياجعلني مفقد هوى حب ذا الراس
لولا هواك اموت وش عايشً له

ودي اشيـــلك يا حيـــاتــي واذبــــك
بيـن الفـــؤاد وبيـن قلبـــي واخليــك




تحطب اضلوعي والضمايــ مشبــــك
تشعـل بهــا حبن غرامــه. يدفيـــك

‏تملكين اسرار واســــرارك عظيمه
كــل شــيٍ فــز فيني وانجـذب لك




المشاعــــر مــن قبل عرفك يتيمه
ويوم جيتي ارتوى بك وانسكب لك

‏جابك غـلاك وداخـل القلـب صبـّك
مشـيـت بعـروقـي وتبـخل بـوصلـي




يمدحـك قلـبي بـس عقـلي يسـبـّك
فـرّقـت حـتى بـيـن قـلـبـي وعـقـلـي

‏دامك معي ماحسب لغيرك احساب
كلـي وفـاء واطـرد الـشك والـخـوف




عـين الـغـلا لـو شافتك جفن واهداب
ما تشبعـك نـظـره ولا تـرتوي شوف

‏تعال أضمك واسولف لك واغني لك
تعال أذوب جليدك لين يغرقني




تعال أحضنك وأضمك حيل وأشيلك
قربني من الجمر وأياك تحرقني

‏حزت الجمال بكل الأوصاف ياللّي
كمّلك ربّي كن ما فيك نقصان




ان جيت ارحّب بك و اكبّر و اهلّي
ياخي بوجودك تنجلي كل الأحزان

‏ودي بمزه شفتك،، ذوقها ،، ذووق
اروي بها ظامي ولا ،، ودي،، بمي




واظم جسمك حيل ياعز مخلوق
جسمك دفاي وشوفك لعيني الضي

‏حللت له دمي حلال استحلّه
يسرح ويمرح فيه ماحد يداعيه




مهما فعل فيني الغلا غافرٍ له
ادري مايسخي بي وقلبي مايسخيه

‏اعتبرني مُلاذ تحس قربه بـ أمان
وأيّ كلمة تخاف تقولها .. قولها




اعتبرني شعور وفاقده من زمان
وجا يلبّي ندا عينك ومرسولها

‏موسوعة إعيونك دواوين الاشعار
فيها هوى شاعر وفيها ترف ليل




رد اعتبار الشمس لعيون الازهار
يالجادل الرعبوب يافتنة الجيل

‏لولا الجمال اللافت اللي بدى منْك
ما شفت قلبي فيك معجب و راغب




فتّان ، لو حاولت تخفي مفاتنْك
لبسك مؤدب بسّ جسمك مشاغب

‏هلا بك يامساء الخير عد الخيل والخيال
هلا بك كثر ماهل المطر وافرح عباد الله




تباشير السعادة تنتشر في طلتك وحكاك
وبيوت الشعر لاهلت تقول لبعضها لله.

‏كـلك حـلا ومـتمـيزه فـي صـفـاتك
وبعيـوني اشـوفك جـواهر والمـاس




بسلوبك الراقـي وشخصك وذاتـك
قدرت تجذبني بلا شعـور وقـياس

‏إبتسـم يازيـن وأدحـر كل ضيـق
في عيـونـي !! ياعيـونـي وإبعـده




أنت حبـك خارطـة ذاك الطريـق
لارسمتـه شـوف قلبـي ماأسعـده

‏احبك ولك فيني مصارع شعر وشعور
عشاني فديتك كنت احس انك قريب




وزينك وحبك عاد اله في حياتي دور
عساها سحابة حبك النافع الصيب

‏هاتــي شفاتك بـروي القلب اذا ضام
وسقـي غصون القلب مــن ريق فمك




في وسط صدرك يرتاح البال إذا ناااام
ويزيح عني الشوق لا نمت بحضنك

‏يسعد مساك وطلتـك وين ما رحت
ما دمت للي يعشقك مصدر أفراح




أفــز من طولي اذا قلـت لي طحت
واضم قلبك بين الأضـلاع و ارتـاح