(الغياب)
المعذره يا لايمي كنت غايب
عشرين عام وكثرهن و أبعد الشوح
غريب والدنيا محطة غرايب
متناقضات الكون تظهر على اللوح
اشوف في وجه الزمان العجايب
باب الشقا لمشتّت الفكر مفتوح
فرعون فكري بين عاصي وتايب
يدخل مجال الخوف ويهدّد الروح
غصناً تعبّث فيه هوج الهبايب
مثلي وانا من جور الايام مجروح
اكفّن الاحلام وادفع ضرايب
وألبس ثياب الصمت عن خاسر البوح
لو ما تثير الناس عوج الطلايب
وش يجعل الهقّاز يسند على الدوح؟!
ياطير ابن برمان ويش انت جايب
نبي السلامه مانبي منك مصلوح
وشلون تنفع وانت عوق الركايب
وصف الردا على محيّاك مشروح
بعض الكلام اللي لمعناه صايب
جمرة سبيل مضيّع التتن مشفوح
عبدالله المفضلي
المعذره يا لايمي كنت غايب
عشرين عام وكثرهن و أبعد الشوح
غريب والدنيا محطة غرايب
متناقضات الكون تظهر على اللوح
اشوف في وجه الزمان العجايب
باب الشقا لمشتّت الفكر مفتوح
فرعون فكري بين عاصي وتايب
يدخل مجال الخوف ويهدّد الروح
غصناً تعبّث فيه هوج الهبايب
مثلي وانا من جور الايام مجروح
اكفّن الاحلام وادفع ضرايب
وألبس ثياب الصمت عن خاسر البوح
لو ما تثير الناس عوج الطلايب
وش يجعل الهقّاز يسند على الدوح؟!
ياطير ابن برمان ويش انت جايب
نبي السلامه مانبي منك مصلوح
وشلون تنفع وانت عوق الركايب
وصف الردا على محيّاك مشروح
بعض الكلام اللي لمعناه صايب
جمرة سبيل مضيّع التتن مشفوح
عبدالله المفضلي
(الفاتنه)
يا فاتنه في زحمة هموم دنياي
انسى تباريح الهوى بأبتعادي
اصارع الرغبه واراجع خطاياي
واعيش عن كل المشاكل حيادي
صدفه. وتحريك السبب فعل يمناي
قتل الفراغ شوي كان اعتقادي
لكنّها صارت و وقّعت برضاي
صك انضمامي للهوى وانقيادي
انتي تحطين المحابيل لأغراي
وانا كما طيراً مناه الهدادي
يا فاتنه حبك فتنّي وش الرأي
سيطر على قلب الخطا لا ارادي
اشتاق لك شوقٍ تضمّه حناياي
شوقاً رعى قلبي سوات الجرادي
ان ذعذع الغربي عليل وعزف ناي
عبّرت عن حالي بصفق الايادي
يا فاتنه بحماك شكواي و دواي
قلبي تعلّق فيك هذا الوكادي
قصايدي ودموع عيني هداياي
وانتي هداياك الحلا والعنادي
يا فاتنه انتي عذابي وليلاي
وانا الملوّح بالسنين العوادي
تجمّلي يا غاية القلب و مناي
وصلا يتوّج بالرضا والودادي
هايم واقدّم لك بطاقة تحاياي
و رسمة سهم حبك يقطّع فؤادي
الناس تجهل وش حقيقة نواياي
انا انعزالي ،، راحتي بأنفرادي
اعيش ما بيّحت خافي خفاياي
عيباً على اللي بالمجالس يدادي
ما يعلم الا عالم الغيب مولاي
ربي ومعبودي عليه اعتمادي
عبدالله المفضلي
يا فاتنه في زحمة هموم دنياي
انسى تباريح الهوى بأبتعادي
اصارع الرغبه واراجع خطاياي
واعيش عن كل المشاكل حيادي
صدفه. وتحريك السبب فعل يمناي
قتل الفراغ شوي كان اعتقادي
لكنّها صارت و وقّعت برضاي
صك انضمامي للهوى وانقيادي
انتي تحطين المحابيل لأغراي
وانا كما طيراً مناه الهدادي
يا فاتنه حبك فتنّي وش الرأي
سيطر على قلب الخطا لا ارادي
اشتاق لك شوقٍ تضمّه حناياي
شوقاً رعى قلبي سوات الجرادي
ان ذعذع الغربي عليل وعزف ناي
عبّرت عن حالي بصفق الايادي
يا فاتنه بحماك شكواي و دواي
قلبي تعلّق فيك هذا الوكادي
قصايدي ودموع عيني هداياي
وانتي هداياك الحلا والعنادي
يا فاتنه انتي عذابي وليلاي
وانا الملوّح بالسنين العوادي
تجمّلي يا غاية القلب و مناي
وصلا يتوّج بالرضا والودادي
هايم واقدّم لك بطاقة تحاياي
و رسمة سهم حبك يقطّع فؤادي
الناس تجهل وش حقيقة نواياي
انا انعزالي ،، راحتي بأنفرادي
اعيش ما بيّحت خافي خفاياي
عيباً على اللي بالمجالس يدادي
ما يعلم الا عالم الغيب مولاي
ربي ومعبودي عليه اعتمادي
عبدالله المفضلي
( المجامله)
اضحك واجامل ونار الهم بضلوعي
واحاول انسى هموم الوقت واتعابه
شربت لي من شراب البين قرطوعي
كأسٍ مراره يذوّب كــًًـبـد شرّابــه
والوقت هذي سواته ما يجي طوعي
لازم يدمّي من اللي عاش به نابه
افواج الاحداث ما دامت على نوعي
انواع لكن عذاب الوقت متشابه
اقول باللحظه اللي تذرف دموعي
هذي دموع الفرح والنفس غلّابه
اليا حصل ساعةً فيها هدا روعي
هي عيد قلبً سيوف الخوف تعثى به
احارب اليأس وامضي واشعل شموعي
وما قدّر الله على الانسان يرضى به
لو كنت بأرضً خليّه ما بها دوعي
اخير من قربة الشمّات واصحابه
ترى اطيب القوم يا ناشد هم ربوعي
واللاش لوهو من ادنى الناس ما اشقى به
الله جعل للمخاليق اصل وفروعي
ومن جالس الخيّرين الخير يهنابه
بصدور الاخيار للاخبار ينبوعي
مجالس المجد لأهل المجد جذّابه
عندي تجارب حياة الناس مجموعي
رغبت علم التجارب وادرس كتابه
الناس ترغب وتتبع كل ممنوعي
من يجهل الشي دايم يبدي اعجابه
يازين بالعز شرب السم منقوعي
والا العسل بالاهانه موت يدعى به
عنك القلم يا قليل العرف مرفوعي
من قل عرفه تخلّف والجهل عابه
الفرق مابين موضوعك وموضوعي
تقدير ظرفاً جميع الناس تبلى به
للناس طبعاً بوقت الصغر مطبوعي
تغيير طبع البشر ما تملك اسبابه
مع طول الايام كل العلم مذيوعي
ماصار في عالم النجدين يدرا به
من عامل الناس بالمعروف متبوعي
الرفق راعيه روّض سيّد الغابه
من ينفع الناس بأتلى الوقت منفوعي
الله بيوم القيامه يوفي حسابه
الخير من حاملين الكبر منزوعي
تبّاعت الهون للمعروف هيّابه
ياليت لو دابر الانذال مقطوعي
لو كان ما يلحق الممدوح سبّابه
الشر يا زارعه بالخير مدفوعي
لا تعلن الحرب خل السيف بجرابه
لا تطلب الزود يابو ثوب مرقوعي
كلاً على طول جسمه يلبس ثيابه
ماشفت عنتر بتال الخيل مصروعي
مافاد فيه العناد وقوّة اعصابه
ترى الغلط لو يدوم سنين مرجوعي
يرجع على راس من كان يتمادا به
ما كل من قال يالادنين مسموعي
بعض الرجاجيل يفشل من تعزوا به
ولا كل درعاً من الفولاذ مصنوعي
ولا كل سيفاً نهار الضيق يدلا به
ما كل من يدّعي بالصدق مشفوعي
كل الحقايق بموت الروح كذّابه
يوم المراجل كرم. وسيوف .ودروعي
ما كل من يطلب النوماس يحضى به
من لا تجمّل بوقت الخوف والجوعي
وقت الرخا كل واحد يفتل اشنابه
ومن لا صبر ماقدر والجود مزروعي
وكلاً على ميل نفسه يدلج ركابه
يضحك ضعيف العقل لو صاح مفجوعي
من لا وطى الجمر ظن الناس لعّابه
عبدالله المفضلي
اضحك واجامل ونار الهم بضلوعي
واحاول انسى هموم الوقت واتعابه
شربت لي من شراب البين قرطوعي
كأسٍ مراره يذوّب كــًًـبـد شرّابــه
والوقت هذي سواته ما يجي طوعي
لازم يدمّي من اللي عاش به نابه
افواج الاحداث ما دامت على نوعي
انواع لكن عذاب الوقت متشابه
اقول باللحظه اللي تذرف دموعي
هذي دموع الفرح والنفس غلّابه
اليا حصل ساعةً فيها هدا روعي
هي عيد قلبً سيوف الخوف تعثى به
احارب اليأس وامضي واشعل شموعي
وما قدّر الله على الانسان يرضى به
لو كنت بأرضً خليّه ما بها دوعي
اخير من قربة الشمّات واصحابه
ترى اطيب القوم يا ناشد هم ربوعي
واللاش لوهو من ادنى الناس ما اشقى به
الله جعل للمخاليق اصل وفروعي
ومن جالس الخيّرين الخير يهنابه
بصدور الاخيار للاخبار ينبوعي
مجالس المجد لأهل المجد جذّابه
عندي تجارب حياة الناس مجموعي
رغبت علم التجارب وادرس كتابه
الناس ترغب وتتبع كل ممنوعي
من يجهل الشي دايم يبدي اعجابه
يازين بالعز شرب السم منقوعي
والا العسل بالاهانه موت يدعى به
عنك القلم يا قليل العرف مرفوعي
من قل عرفه تخلّف والجهل عابه
الفرق مابين موضوعك وموضوعي
تقدير ظرفاً جميع الناس تبلى به
للناس طبعاً بوقت الصغر مطبوعي
تغيير طبع البشر ما تملك اسبابه
مع طول الايام كل العلم مذيوعي
ماصار في عالم النجدين يدرا به
من عامل الناس بالمعروف متبوعي
الرفق راعيه روّض سيّد الغابه
من ينفع الناس بأتلى الوقت منفوعي
الله بيوم القيامه يوفي حسابه
الخير من حاملين الكبر منزوعي
تبّاعت الهون للمعروف هيّابه
ياليت لو دابر الانذال مقطوعي
لو كان ما يلحق الممدوح سبّابه
الشر يا زارعه بالخير مدفوعي
لا تعلن الحرب خل السيف بجرابه
لا تطلب الزود يابو ثوب مرقوعي
كلاً على طول جسمه يلبس ثيابه
ماشفت عنتر بتال الخيل مصروعي
مافاد فيه العناد وقوّة اعصابه
ترى الغلط لو يدوم سنين مرجوعي
يرجع على راس من كان يتمادا به
ما كل من قال يالادنين مسموعي
بعض الرجاجيل يفشل من تعزوا به
ولا كل درعاً من الفولاذ مصنوعي
ولا كل سيفاً نهار الضيق يدلا به
ما كل من يدّعي بالصدق مشفوعي
كل الحقايق بموت الروح كذّابه
يوم المراجل كرم. وسيوف .ودروعي
ما كل من يطلب النوماس يحضى به
من لا تجمّل بوقت الخوف والجوعي
وقت الرخا كل واحد يفتل اشنابه
ومن لا صبر ماقدر والجود مزروعي
وكلاً على ميل نفسه يدلج ركابه
يضحك ضعيف العقل لو صاح مفجوعي
من لا وطى الجمر ظن الناس لعّابه
عبدالله المفضلي
(المزاج)
هز قلبي هواك وهز خضر الجريد
فوق تمثال حبك حام سرب الحمام
في لقا ارواحنا المشهود ذاب الجليد
كان فيه اتفاق وفيه نقطة نظام
فرصةً كان فيها عمر حظي مديد
ابتدت في سلام و ودّعت في سلام
كنت صعب المراس وكان راسي عنيد
جيت طفلٍ يبي له منك زود اهتمام
حايراً فيك مدري منهو المستفيد
لا حلالك حلال ولا حرامك حرام
ايتجدّد غرامك كل صبحاً جديد
انت حبك وجود وغير حبك عدام
غير سود المقانع لك مكاناً وحيد
بين عوج الضلوع بمجلس الاحترام
كان تبي الصراحه والكلام الاكيد
في كلامك غموض وفي عيونك كلام
اعرف اسرار قلبك لو تظاهر سعيد
رغبة النفس دايم ما تحقق تمام
فيك جرحاً عميق وفيك هماً شديد
لا تركت الطموح ولا بلغت المرام
مايطيب المزاج ولا يزين القصيد
كان ماهو لعينك يا رشيق القوام
اطلبك عطف قلبك كان ماهو حديد
شربة الما ترد الروح عقب الهيام
جيت واطلب قبالك بعد جهدٍ جهيد
جيت كلي غرام وشوف وجهك غرام
جيت في ساعةٍ بالعمر من يوم عيد
اسقني خمر وصلك يا حبيبي مدام
جيت ولهان ظامي جف دم الوريد
حطني بين صدرك والثغر واللثام
عبدالله المفضلي
هز قلبي هواك وهز خضر الجريد
فوق تمثال حبك حام سرب الحمام
في لقا ارواحنا المشهود ذاب الجليد
كان فيه اتفاق وفيه نقطة نظام
فرصةً كان فيها عمر حظي مديد
ابتدت في سلام و ودّعت في سلام
كنت صعب المراس وكان راسي عنيد
جيت طفلٍ يبي له منك زود اهتمام
حايراً فيك مدري منهو المستفيد
لا حلالك حلال ولا حرامك حرام
ايتجدّد غرامك كل صبحاً جديد
انت حبك وجود وغير حبك عدام
غير سود المقانع لك مكاناً وحيد
بين عوج الضلوع بمجلس الاحترام
كان تبي الصراحه والكلام الاكيد
في كلامك غموض وفي عيونك كلام
اعرف اسرار قلبك لو تظاهر سعيد
رغبة النفس دايم ما تحقق تمام
فيك جرحاً عميق وفيك هماً شديد
لا تركت الطموح ولا بلغت المرام
مايطيب المزاج ولا يزين القصيد
كان ماهو لعينك يا رشيق القوام
اطلبك عطف قلبك كان ماهو حديد
شربة الما ترد الروح عقب الهيام
جيت واطلب قبالك بعد جهدٍ جهيد
جيت كلي غرام وشوف وجهك غرام
جيت في ساعةٍ بالعمر من يوم عيد
اسقني خمر وصلك يا حبيبي مدام
جيت ولهان ظامي جف دم الوريد
حطني بين صدرك والثغر واللثام
عبدالله المفضلي
(المغاتير)
تاخذ بي افكاري بعيد المشاوير
بين النجوم السايره والمجرّات
افضّل العزله واجنّب عن الغير
قمت سروري رحلة الفكر للذات
اصوّر الواقع بالاشعار تصوير
ان ما حسبته صح ما عندي اثبات
سفينتي هبّت عليها الاعاصير
يصارع الربّان موج المحيطات
صحيت وهموم الليالي طوابير
وذنوب غيري في طريقي عصابات
مشيت دربٍ فيه جمر ومسامير
يوم ابتعد بي صار خمس اتجاهات
اعيش بالآمال واتـابـع السيــر
بأتلى العزوم اطعن نحور المسافات
اتعبت حالي في طريق المغاتير
ولقيتهن بديار كايد بعيدات
على طلبهن يتعب الذيب والطير
من دونهن عثرات وسباع غابات
على عواتقهن وسوم المناعير
اللي لهم في ساعة الضيق وقفات
وقفاتهم لأهل النوايب تباشير
للموقف الكايد رجالاً و حزّات
انا كذا مانيب تاجر ولا امير
اسقتني الدنيا من المر كاسات
لكن كسبت من اطيب الناس تقدير
وهذا الذي يزرع بنفسي طموحات
احلم ويخطر لي على البال تفكير
افعل كما المجنون في بعض الاوقات
لي بالجنون وثورة الفكر تبرير
بين الجنون وبين عقلي علاقات
طبيب نفس و غصت في جمّة البير
اخذت في علم الفراسه شهادات
اقلب على الساحر سحر كل شرّير
واقرا خفايا الروح بالوجه لمحات
وجه الرضا تبدي عليه الاسارير
و وجه الجفا يظهر لغيضه علامات
تشرب ذلولي من سراب المعاذير
على موارد طيّبين الفراغات
لو صارت الايام سوداً مناكير
تدور ما دامت على حال هيهات
ان عوّدن خيل الهقاوي مدابير
لقريح يا لوّام والسعد تارات
اللاش فاتنّه ركاب المداوير
يصيح للحيين من وسط الاموات
عبدالله المفضلي
تاخذ بي افكاري بعيد المشاوير
بين النجوم السايره والمجرّات
افضّل العزله واجنّب عن الغير
قمت سروري رحلة الفكر للذات
اصوّر الواقع بالاشعار تصوير
ان ما حسبته صح ما عندي اثبات
سفينتي هبّت عليها الاعاصير
يصارع الربّان موج المحيطات
صحيت وهموم الليالي طوابير
وذنوب غيري في طريقي عصابات
مشيت دربٍ فيه جمر ومسامير
يوم ابتعد بي صار خمس اتجاهات
اعيش بالآمال واتـابـع السيــر
بأتلى العزوم اطعن نحور المسافات
اتعبت حالي في طريق المغاتير
ولقيتهن بديار كايد بعيدات
على طلبهن يتعب الذيب والطير
من دونهن عثرات وسباع غابات
على عواتقهن وسوم المناعير
اللي لهم في ساعة الضيق وقفات
وقفاتهم لأهل النوايب تباشير
للموقف الكايد رجالاً و حزّات
انا كذا مانيب تاجر ولا امير
اسقتني الدنيا من المر كاسات
لكن كسبت من اطيب الناس تقدير
وهذا الذي يزرع بنفسي طموحات
احلم ويخطر لي على البال تفكير
افعل كما المجنون في بعض الاوقات
لي بالجنون وثورة الفكر تبرير
بين الجنون وبين عقلي علاقات
طبيب نفس و غصت في جمّة البير
اخذت في علم الفراسه شهادات
اقلب على الساحر سحر كل شرّير
واقرا خفايا الروح بالوجه لمحات
وجه الرضا تبدي عليه الاسارير
و وجه الجفا يظهر لغيضه علامات
تشرب ذلولي من سراب المعاذير
على موارد طيّبين الفراغات
لو صارت الايام سوداً مناكير
تدور ما دامت على حال هيهات
ان عوّدن خيل الهقاوي مدابير
لقريح يا لوّام والسعد تارات
اللاش فاتنّه ركاب المداوير
يصيح للحيين من وسط الاموات
عبدالله المفضلي
(بين الحقيقه والخيال)
في زحمة الناس كن النفس محشوره
كن الشوارع سجن واصفاد واغلالي
حبيت عيش السعيد وقمت في دوره
تمثيل والّا الحقيقه ناشني صالي
من هم قلبي يلف الكون ديجوره
صنعت بالفكر درب وشمس وظلالي
سعادتي صنع تفكيري وميسوره
ألبس ثياب السرور وتمشي احوالي
ناديت شيخ الخيال وهز باكوره
وأبحرت في عالمي والشيخ يبرا لي
في ديرةٍ من جميع الناس مهجوره
فارقت صخب البلد و اطفيت جوّالي
مثل السجين المسرّح واشعر شعوره
يا جنة القلب يا شوف الخلا الخالي
هبّت هبوب الشمال وحامت طيوره
والفكر من فوقهن تحت السما العالي
روضة خيالي طلوع سهيل ممطوره
لاحت بروق السحاب وجيت طوّالي
الورد يضحك طرب في نشوة زهوره
والغيم يبكي وهل الغيث همالي
في منتهى نشوة الملهوف وسروره
ذكرت بعض الهموم وكدّرت بالي
ان قلت دنيا الفنا بالخير معموره
بالغت بالسالفه والوقت ميّالي
سيرة حياة البشر صوره ورا صوره
فلماً درامي تصارع فيه الابطالي
يقوله اللي عـزومـه كل مذخوره
يضحك تصنّع وقلبه فيه الاهوالي
الدمعه اللي بحجر العين محظوره
في صرخة نزولها يـنـهـان رجالي
بعض المواضيع بالالباب مقبوره
للموت ما رافقت رجلي وخيّالي
عبدالله المفضلي
في زحمة الناس كن النفس محشوره
كن الشوارع سجن واصفاد واغلالي
حبيت عيش السعيد وقمت في دوره
تمثيل والّا الحقيقه ناشني صالي
من هم قلبي يلف الكون ديجوره
صنعت بالفكر درب وشمس وظلالي
سعادتي صنع تفكيري وميسوره
ألبس ثياب السرور وتمشي احوالي
ناديت شيخ الخيال وهز باكوره
وأبحرت في عالمي والشيخ يبرا لي
في ديرةٍ من جميع الناس مهجوره
فارقت صخب البلد و اطفيت جوّالي
مثل السجين المسرّح واشعر شعوره
يا جنة القلب يا شوف الخلا الخالي
هبّت هبوب الشمال وحامت طيوره
والفكر من فوقهن تحت السما العالي
روضة خيالي طلوع سهيل ممطوره
لاحت بروق السحاب وجيت طوّالي
الورد يضحك طرب في نشوة زهوره
والغيم يبكي وهل الغيث همالي
في منتهى نشوة الملهوف وسروره
ذكرت بعض الهموم وكدّرت بالي
ان قلت دنيا الفنا بالخير معموره
بالغت بالسالفه والوقت ميّالي
سيرة حياة البشر صوره ورا صوره
فلماً درامي تصارع فيه الابطالي
يقوله اللي عـزومـه كل مذخوره
يضحك تصنّع وقلبه فيه الاهوالي
الدمعه اللي بحجر العين محظوره
في صرخة نزولها يـنـهـان رجالي
بعض المواضيع بالالباب مقبوره
للموت ما رافقت رجلي وخيّالي
عبدالله المفضلي
(تجاهل الاحباب)
سلام ياللي في عذابي تجاهلت
كنك غشيمٍ ما تعرف السبايب
لولاك ما شلت الهموم وتبهذلت
حمّلتني همي و لوم القرايب
تلعب بقلبي بالغرام وتدلّلت
وخليتني مابين قادم و هايب
اخفي همومي في غرامك وجاملت
وانا عليل وفي ضميري لهايب
من شأن ما يدرون عني ليا قلت
ما يحسبوني جاريٍ لي عقايب
اطرد همومي بالقصيد وتمثّلت
وقالوا جريح سهوم بيض الترايب
قلت الصراحه بالمحبه تمشكلت
القلب متولّع بسيد الحبايب
عزالله انك يالغضي ما تجمّلت
دايم تغلّا والتغلّي مصايب
العطف حرّمته وللظلم حلّلت
واحكام حبك يا حبيبي غرايب
كأس الهوى يا متلف الروح ناولت
واسقيتني سحرٍ مع الدم ذايب
بعيونك الخدرات سلهمت وارسلت
رمحٍ طعنّي يا عطيب الضرايب
مجبور يا غض الصبا يوم طوّلت
الوقت قاهرني على غير طايب
كان انت عن حب الوفا ما تبدلت
لابد ما يمّك نسوق الركايب
عبدالله المفضلي
سلام ياللي في عذابي تجاهلت
كنك غشيمٍ ما تعرف السبايب
لولاك ما شلت الهموم وتبهذلت
حمّلتني همي و لوم القرايب
تلعب بقلبي بالغرام وتدلّلت
وخليتني مابين قادم و هايب
اخفي همومي في غرامك وجاملت
وانا عليل وفي ضميري لهايب
من شأن ما يدرون عني ليا قلت
ما يحسبوني جاريٍ لي عقايب
اطرد همومي بالقصيد وتمثّلت
وقالوا جريح سهوم بيض الترايب
قلت الصراحه بالمحبه تمشكلت
القلب متولّع بسيد الحبايب
عزالله انك يالغضي ما تجمّلت
دايم تغلّا والتغلّي مصايب
العطف حرّمته وللظلم حلّلت
واحكام حبك يا حبيبي غرايب
كأس الهوى يا متلف الروح ناولت
واسقيتني سحرٍ مع الدم ذايب
بعيونك الخدرات سلهمت وارسلت
رمحٍ طعنّي يا عطيب الضرايب
مجبور يا غض الصبا يوم طوّلت
الوقت قاهرني على غير طايب
كان انت عن حب الوفا ما تبدلت
لابد ما يمّك نسوق الركايب
عبدالله المفضلي
( تلعب طرب)
تلعب طرب من راحة القلب نشوان
والا على الماضي تسوق الحسايف
اقـولـهـا لـك واضحـه سر واعلان
ما تشفي المجروح همس الشفايف
لو كنت احبك حب ما حبه انسان
صبري وصل حده مثل ما انت شايف
زدني هموم وفرّح فـلان وفـلان
اللي مسـرتـهـم فـراق الولايـف
زدني عذاب وجور واجزاك هجران
لو كنت من فرقاك وجلٍ وخايف
أصبر واجازي رغبة القلب عصيان
لا صرت ماانت بحال مغليك رايف
يرقص على الفرقى ثمانين شيطان
هجن العواذل موميات السفايف
هي هكذا الدنيا مسرّات واحزان
بسيوفها تطعن جميع الطوايف
حب العذارى ذل في بعض الاحيان
وبعض المغازي تنتهي بالنكايف
فرقاك هم وغم واشوق واشجان
توسطت بالقلب ماهي خفايف
اغليك وانا منك بالحيل زعلان
تقدر تقول اني محبٍّ وعايف
لكن ترى ماني على الهجر ندمان
والله ما ارضى الهون وانا ابو نايف
عبدالله المفضلي
تلعب طرب من راحة القلب نشوان
والا على الماضي تسوق الحسايف
اقـولـهـا لـك واضحـه سر واعلان
ما تشفي المجروح همس الشفايف
لو كنت احبك حب ما حبه انسان
صبري وصل حده مثل ما انت شايف
زدني هموم وفرّح فـلان وفـلان
اللي مسـرتـهـم فـراق الولايـف
زدني عذاب وجور واجزاك هجران
لو كنت من فرقاك وجلٍ وخايف
أصبر واجازي رغبة القلب عصيان
لا صرت ماانت بحال مغليك رايف
يرقص على الفرقى ثمانين شيطان
هجن العواذل موميات السفايف
هي هكذا الدنيا مسرّات واحزان
بسيوفها تطعن جميع الطوايف
حب العذارى ذل في بعض الاحيان
وبعض المغازي تنتهي بالنكايف
فرقاك هم وغم واشوق واشجان
توسطت بالقلب ماهي خفايف
اغليك وانا منك بالحيل زعلان
تقدر تقول اني محبٍّ وعايف
لكن ترى ماني على الهجر ندمان
والله ما ارضى الهون وانا ابو نايف
عبدالله المفضلي
( تفاحتين)
يازين ياللي خذيت القلب في زينك
يا مجرمٍ بالبشر ما يشهر سلاحه
الله على ما فعلت بقلبي ايعينك
اسرفت به والخساره تسبق ارباحه
سهم المنايا على مقرن حجاجينك
ورموشك السود تسبى العقل بالراحه
كن الزهر منبته برياض خدّينك
والصدر مقسوم تفاحه وتفاحه
ولّعت نار الخطر بالعمد بأيدينك
مفاتنك ظاهره والناس لمّاحه
قرّبت ذود العواطف من ميادينك
والذود راعيه حول حماك مسراحه
ابا اطلبك حق بالتعريض وادينك
سحرك غزا القلب بالنظرات واجتاحه
شاعرك يمّك يشدنّه عناوينك
لعيونك اكتب قصايد واحرق الساحه
كان انت راعي وفا قدّم براهينك
القلب جرحه يطيب بعطف جرّاحه
ما قلت لك قابلاً وردك وسكّينك؟
من كان قبلي شكر معروف ذبّاحه؟
اغليك انا و ادري العشّاق مغلينك
من انت تبغلي ؟هنا الاشواق فضّاحه
ارجوك رح بالخفا لا طحت من عينك
بحر الهوى ما وصل شاطيه سبّاحه
اطـــمّـــنك حول سراً بيني وبينك
صندوق الاسرار عندي ضاع مفتاحه
عبدالله المفضلي
يازين ياللي خذيت القلب في زينك
يا مجرمٍ بالبشر ما يشهر سلاحه
الله على ما فعلت بقلبي ايعينك
اسرفت به والخساره تسبق ارباحه
سهم المنايا على مقرن حجاجينك
ورموشك السود تسبى العقل بالراحه
كن الزهر منبته برياض خدّينك
والصدر مقسوم تفاحه وتفاحه
ولّعت نار الخطر بالعمد بأيدينك
مفاتنك ظاهره والناس لمّاحه
قرّبت ذود العواطف من ميادينك
والذود راعيه حول حماك مسراحه
ابا اطلبك حق بالتعريض وادينك
سحرك غزا القلب بالنظرات واجتاحه
شاعرك يمّك يشدنّه عناوينك
لعيونك اكتب قصايد واحرق الساحه
كان انت راعي وفا قدّم براهينك
القلب جرحه يطيب بعطف جرّاحه
ما قلت لك قابلاً وردك وسكّينك؟
من كان قبلي شكر معروف ذبّاحه؟
اغليك انا و ادري العشّاق مغلينك
من انت تبغلي ؟هنا الاشواق فضّاحه
ارجوك رح بالخفا لا طحت من عينك
بحر الهوى ما وصل شاطيه سبّاحه
اطـــمّـــنك حول سراً بيني وبينك
صندوق الاسرار عندي ضاع مفتاحه
عبدالله المفضلي
(جرح الرموش)
احبها من عام تسع وثمانين
و احب طاريها وطاري بلدها
و اضم جرح رموشها بين ضلعين
و سحراً سقتني شوق ماهو بيدها
راحت سنين و كن ما راحت سنين
ماغير صورتها بعيني وحدها
مجنونها و اهل المحبه مجانين
وشلون عاد القلب لامن فقدها
يوصف عليها الزين سلطانة الزين
ماشفت ما يرضي مزاجي بعدها
مدري وش اوصّف ورود البساتين
والّا سحر عنّابها مع بردها
والّا الزلوف الراقصه والهلالين
والّا العيون اللي حورها حسدها
صعبة منال وحال من دونها البين
معها المشاكل ما تحلّل عقدها
والحب سحراً بابلي للمحبّين
يبطي وهو بالروح يبعث نكدها
والموقف القاتل حصل قبل يومين
قابلت في بعض المجالس ولدها
قالو فلان و قلت يا دمعة العين
تجمّلي ستر النفوس بكمدها
عبدالله المفضلي
احبها من عام تسع وثمانين
و احب طاريها وطاري بلدها
و اضم جرح رموشها بين ضلعين
و سحراً سقتني شوق ماهو بيدها
راحت سنين و كن ما راحت سنين
ماغير صورتها بعيني وحدها
مجنونها و اهل المحبه مجانين
وشلون عاد القلب لامن فقدها
يوصف عليها الزين سلطانة الزين
ماشفت ما يرضي مزاجي بعدها
مدري وش اوصّف ورود البساتين
والّا سحر عنّابها مع بردها
والّا الزلوف الراقصه والهلالين
والّا العيون اللي حورها حسدها
صعبة منال وحال من دونها البين
معها المشاكل ما تحلّل عقدها
والحب سحراً بابلي للمحبّين
يبطي وهو بالروح يبعث نكدها
والموقف القاتل حصل قبل يومين
قابلت في بعض المجالس ولدها
قالو فلان و قلت يا دمعة العين
تجمّلي ستر النفوس بكمدها
عبدالله المفضلي
( حدود العقل)
لاح برق الجنوب وسال سيل الشمال
حرت مدري شمال اروح والّا جنوب
كنت غارق بنومي يا منادي تعال
لين هبّت عليه من عتابك هبوب
بارك الله بلوماً مثل شرب الزلال
ويرحم الله قلوباً بالعواطف تذوب
قصة الحب كانت من ضروب الخيال
كيف صارت حقيقه يالحبيب الطروب
كل طاري طرا لي يقبل الاحتمال
الغدير الحقيقي والسراب الكذوب
طاغي الشوق جابك وانت طاغي جمال
للجوازي نوايا وانت ريمٍ لعوب
مترفات الـصـبـايـا فاتنات الرجال
ناعسات النواظر سارقات القلوب
قـلّـلن من حلاك وكثّرن الجدال
حاولن ما لقن بك غير زينك عيوب
من سنا الشمس تأخذ في جبينك مثال
بين لمعة شروق وبين حمرة غروب
والله اني رضخت ويمك القلب مال
اتجاوز بوصلك معضلات الدروب
بين ضيف القصيد وهيل صفر الدلال
اتعدّا (حدود العقل)وارجع واتوب
من عطا بوح روحك ذقت سحراً حلال
صب لي منه . زدني. دام مابه ذنوب
عبدالله المفضلي
لاح برق الجنوب وسال سيل الشمال
حرت مدري شمال اروح والّا جنوب
كنت غارق بنومي يا منادي تعال
لين هبّت عليه من عتابك هبوب
بارك الله بلوماً مثل شرب الزلال
ويرحم الله قلوباً بالعواطف تذوب
قصة الحب كانت من ضروب الخيال
كيف صارت حقيقه يالحبيب الطروب
كل طاري طرا لي يقبل الاحتمال
الغدير الحقيقي والسراب الكذوب
طاغي الشوق جابك وانت طاغي جمال
للجوازي نوايا وانت ريمٍ لعوب
مترفات الـصـبـايـا فاتنات الرجال
ناعسات النواظر سارقات القلوب
قـلّـلن من حلاك وكثّرن الجدال
حاولن ما لقن بك غير زينك عيوب
من سنا الشمس تأخذ في جبينك مثال
بين لمعة شروق وبين حمرة غروب
والله اني رضخت ويمك القلب مال
اتجاوز بوصلك معضلات الدروب
بين ضيف القصيد وهيل صفر الدلال
اتعدّا (حدود العقل)وارجع واتوب
من عطا بوح روحك ذقت سحراً حلال
صب لي منه . زدني. دام مابه ذنوب
عبدالله المفضلي
(خراب المجالس)
لا صار بالديوان واحد من اثنين
اما خبل و الّا كذوباً مفوّه
تقدر تسمّيهم خراب الدواوين
زين المجالس كدّروا صفو جوّه
ان سولفوا بالجود غيث المساكين
اهل المكارم والسخا والمروّءه
وان سولفوا بالعرف ماهم بسيطين
هم العوارف في قضايا السموّه
وان سولفوا بالهوش عوق المعادين
اشد من عنتر شجاعه وقوّه
وان سولفوا بالدين غرّاً ميامين
ما باقي الّا يدّعون النبوّه
اثنين والثالث مثل عقرب الطين
مريض قلب ولا تيسّر بروّه
اردا عباد الله والناس دارين
ولا زيّن المكياج وجهاً مشوّه
عبدالله المفضلي
لا صار بالديوان واحد من اثنين
اما خبل و الّا كذوباً مفوّه
تقدر تسمّيهم خراب الدواوين
زين المجالس كدّروا صفو جوّه
ان سولفوا بالجود غيث المساكين
اهل المكارم والسخا والمروّءه
وان سولفوا بالعرف ماهم بسيطين
هم العوارف في قضايا السموّه
وان سولفوا بالهوش عوق المعادين
اشد من عنتر شجاعه وقوّه
وان سولفوا بالدين غرّاً ميامين
ما باقي الّا يدّعون النبوّه
اثنين والثالث مثل عقرب الطين
مريض قلب ولا تيسّر بروّه
اردا عباد الله والناس دارين
ولا زيّن المكياج وجهاً مشوّه
عبدالله المفضلي
❤1
الفيافي
مشتاق للمشوار ومرافق الـنـود
يازين ذعذاع الهوا بالـفـيـافـي
فيها النظر ممدود ماهوب محدود
صحصاح بيدا للـحـيـارى مـنـافي
والغيم بالمنشى ركامي و مرجود
يخفي شعاع الشمس ناشيه ضافي
ما شوف به حاسد ولا اشوف مقرود
واهل اللجاجه والعقول الـخـفـافي
يرتاح به قلبٍ من الوقت ملهود
حرّج على احلامه وصدّر عيافي
صارع ظروف ايامه البيض والسود
قالت له ازيدك. وهو قال كافي
تعيش يا راسٍ حريصٍ على الجود
في واجبك بين الرجاجيل وافي
دايم تـعـد ايامك سهود ومهود
لو هي لحتك من الحمول الظلافي
تفعل وخلق الله على فعلك شهود
لو ما تقوله.ماعلى الناس خافي
عبدالله المفضلي
مشتاق للمشوار ومرافق الـنـود
يازين ذعذاع الهوا بالـفـيـافـي
فيها النظر ممدود ماهوب محدود
صحصاح بيدا للـحـيـارى مـنـافي
والغيم بالمنشى ركامي و مرجود
يخفي شعاع الشمس ناشيه ضافي
ما شوف به حاسد ولا اشوف مقرود
واهل اللجاجه والعقول الـخـفـافي
يرتاح به قلبٍ من الوقت ملهود
حرّج على احلامه وصدّر عيافي
صارع ظروف ايامه البيض والسود
قالت له ازيدك. وهو قال كافي
تعيش يا راسٍ حريصٍ على الجود
في واجبك بين الرجاجيل وافي
دايم تـعـد ايامك سهود ومهود
لو هي لحتك من الحمول الظلافي
تفعل وخلق الله على فعلك شهود
لو ما تقوله.ماعلى الناس خافي
عبدالله المفضلي
( الصدفه)
الصدفه اللي ردت الروح للروح
يازينها من صدفةٍ في حياتي
وقفت اهلّي بك وانا الصوت مبحوح
من فرحتي بان الخلل في ثباتي
يامن غلاها سر ماهوب مفضوح
لقياك اثارت واشعلت ذكرياتي
اغليك طول العمر من غير مصلوح
بأول سنين الـعـشق والمــقـبـلاتي
حظي قصر دونك ولاهوب مسموح
وانتي على ماقيل حذفة حصاتي
روفي بحالي واعذريني على البوح
اخاف مــثـل اول يفوت الــفـواتي
عندك خبر قلبي من اسنين مجروح
اغليك يا اجمل واصعب الفاتناتي
عبدالله المفضلي
الصدفه اللي ردت الروح للروح
يازينها من صدفةٍ في حياتي
وقفت اهلّي بك وانا الصوت مبحوح
من فرحتي بان الخلل في ثباتي
يامن غلاها سر ماهوب مفضوح
لقياك اثارت واشعلت ذكرياتي
اغليك طول العمر من غير مصلوح
بأول سنين الـعـشق والمــقـبـلاتي
حظي قصر دونك ولاهوب مسموح
وانتي على ماقيل حذفة حصاتي
روفي بحالي واعذريني على البوح
اخاف مــثـل اول يفوت الــفـواتي
عندك خبر قلبي من اسنين مجروح
اغليك يا اجمل واصعب الفاتناتي
عبدالله المفضلي
( الصيدلانيه)
من قبل اشوفك وانا يالصيدلانيه
ماكنت شاكي مرض وانتي جرحتيني
الـسـالـفـه كـلـهـا جيتك على الـنـيـه
وماني مصدّق بشوفٍ شافته عيني
من شوفتي لك وانا حالي شقاويه
عزالله انك بنظراتك ذبـحـتـيـنـي
ماكنت اخطط على قصه غراميه
انتي سنينك ربيعيه وانا ويـنـي
قـلـب المعنّى تولّع وانكوى كـيـه
جنون حبك تمكّن في شرايينـي
عليك وصف المهار بصبح عيديه
وعيونك اشباه لعيون الشياهيني
سعودية الاصل واللهجه كـويـتـيـه
هو صدق مرباك والا القصد تغريني
الشمري جاتس كله يالـفـلانٰيـه
شافتس وضيّع دليله والقوانيني
عبدالله المفضلي
من قبل اشوفك وانا يالصيدلانيه
ماكنت شاكي مرض وانتي جرحتيني
الـسـالـفـه كـلـهـا جيتك على الـنـيـه
وماني مصدّق بشوفٍ شافته عيني
من شوفتي لك وانا حالي شقاويه
عزالله انك بنظراتك ذبـحـتـيـنـي
ماكنت اخطط على قصه غراميه
انتي سنينك ربيعيه وانا ويـنـي
قـلـب المعنّى تولّع وانكوى كـيـه
جنون حبك تمكّن في شرايينـي
عليك وصف المهار بصبح عيديه
وعيونك اشباه لعيون الشياهيني
سعودية الاصل واللهجه كـويـتـيـه
هو صدق مرباك والا القصد تغريني
الشمري جاتس كله يالـفـلانٰيـه
شافتس وضيّع دليله والقوانيني
عبدالله المفضلي
(الضرايب)
السالفه ماهي ضريبه مضافـه
وانا دفــعــت العـــمر كله ضرايب
اساير الدنيا بصبر ولطـــافـــه
وساقتني الدنيا على غير طايب
مدري هي الاحداث زيف وخرافه
والّا الفرص فيها كما المال سايب
مدري عقل و الّا جنون ولقافـــه
اموت ما جامـــلــت شلّــة زلايـــب
ما درت في مجلـس بخيلاً ضيافـه
وعن مدح شرّاي الـفلاشــات تايب
كم حاجةٍ جنبت عنها مخافه
مخافة الشرهه ولوم القرايب
ماهي مخافة ضعف والا ارتجافه
ولا اقول انا عنتر بوقت الحرايب
راسـي عنيد ولا يحب الـضـعـافـه
اشري عـلّـو النفس طيب وغصايب
فصل الربيع العام كمّل جـفـافـه
طال المدى و اخلـف وديع الركايــب
بيني وبين الحلم مابه مسافه
هو حظ من حرفين والحظ غايب
ما عــاد يـــفرق هــونهــا والكلافــه
الا ان هــبّـــت للامــاني هــبـايـــب
دنيا التـعاســه ما عليــها حسافــه
ينظر لها المــولــود بعــيـون شايـــب
عبدالله المفضلي
السالفه ماهي ضريبه مضافـه
وانا دفــعــت العـــمر كله ضرايب
اساير الدنيا بصبر ولطـــافـــه
وساقتني الدنيا على غير طايب
مدري هي الاحداث زيف وخرافه
والّا الفرص فيها كما المال سايب
مدري عقل و الّا جنون ولقافـــه
اموت ما جامـــلــت شلّــة زلايـــب
ما درت في مجلـس بخيلاً ضيافـه
وعن مدح شرّاي الـفلاشــات تايب
كم حاجةٍ جنبت عنها مخافه
مخافة الشرهه ولوم القرايب
ماهي مخافة ضعف والا ارتجافه
ولا اقول انا عنتر بوقت الحرايب
راسـي عنيد ولا يحب الـضـعـافـه
اشري عـلّـو النفس طيب وغصايب
فصل الربيع العام كمّل جـفـافـه
طال المدى و اخلـف وديع الركايــب
بيني وبين الحلم مابه مسافه
هو حظ من حرفين والحظ غايب
ما عــاد يـــفرق هــونهــا والكلافــه
الا ان هــبّـــت للامــاني هــبـايـــب
دنيا التـعاســه ما عليــها حسافــه
ينظر لها المــولــود بعــيـون شايـــب
عبدالله المفضلي
الطائي
مانـيـب نـصـراوي ولاني هلالي
اشجّع الطائي على روس الاشهاد
اسماً يعانق شامخات الجبالي
حاتم . وحاتم رمز عند امّة الضاد
رمز الكرم في ماضيات الليالي
على مدى التاريخ هجري وميلاد
ميراث مجداً بالسنين الــخــوالي
مصدر فخر والجود هو ساس الامجاد
وانــت الــفـريـق المكتمل والمثالي
وقت الشدايد لك مع الفوز ميعاد
إلــعب وحــدّد مركزك بالعلالي
إلعب وعاداتك للاضداد صيّاد
روح التحدّي خلها لك مــجالي
اسعِد جماهيرك جماعات وافراد
حايل واهل حايل كرام السبالي
يساندونك وانت بالملعب اسناد
كــلما تــفــوزيــعـيّدون الاهــالي
وسلمى واجا ورمان ترقص بالاعياد
عبدالله المفضلي
مانـيـب نـصـراوي ولاني هلالي
اشجّع الطائي على روس الاشهاد
اسماً يعانق شامخات الجبالي
حاتم . وحاتم رمز عند امّة الضاد
رمز الكرم في ماضيات الليالي
على مدى التاريخ هجري وميلاد
ميراث مجداً بالسنين الــخــوالي
مصدر فخر والجود هو ساس الامجاد
وانــت الــفـريـق المكتمل والمثالي
وقت الشدايد لك مع الفوز ميعاد
إلــعب وحــدّد مركزك بالعلالي
إلعب وعاداتك للاضداد صيّاد
روح التحدّي خلها لك مــجالي
اسعِد جماهيرك جماعات وافراد
حايل واهل حايل كرام السبالي
يساندونك وانت بالملعب اسناد
كــلما تــفــوزيــعـيّدون الاهــالي
وسلمى واجا ورمان ترقص بالاعياد
عبدالله المفضلي
صحصحٍ لأهل الولع تومي رجومه
يطفي الجوال من بعد الابراجي
ينتعش به قلب يشكي من همومه
مثل مسجونٍ مبشّر بالافراجي
الرجل يبعد مشاحيه بعزومه
مع هواء الغربي بالاقفار دواجي
يبتعد عن حاقدٍ تزعل علومه
نيته سودا وقلبه كـمـا الصاجي
عبدالله المفضلي
يطفي الجوال من بعد الابراجي
ينتعش به قلب يشكي من همومه
مثل مسجونٍ مبشّر بالافراجي
الرجل يبعد مشاحيه بعزومه
مع هواء الغربي بالاقفار دواجي
يبتعد عن حاقدٍ تزعل علومه
نيته سودا وقلبه كـمـا الصاجي
عبدالله المفضلي