#የደም_ልገሳ_ፕሮግራም በሚዛን አማን መካነ ኢየሱስ
=
በኢት/ወ/ቤ/ክ መካነ ኢየሱስ የሚዛን ማህበረ ምእመናን ከሚዛን አማን ከተማ አስተዳደር ጤና ጽህፈትቤት ጋር በመተባበር በሚዛን ዋናው አደባባይ የደም ልገሳ አካሄዱ።

የሚዛን ቤቴል ማህበረምእመናን ቄስና የመንፈሳዊ ዘርፍ ሃላፊ ቄስ ኤሊያስ በዛብህ እንደገለጹት ቤተርክርስቲያኗ በዛሬው እለት የተደረገውን ጨምሮ ጳጉሜ 1 የአረንጓዴ አሻራ ችግኝ ተከላና ጳጉሜ 2 አረጋውያንና አቅመደካሞችን የመመገብ ስራ ተሰርቷል ብለዋል።

የደም ልገሳ ፕሮግራሙ የተዘጋጀው በማህበረ ምእመናኑ የወጣቶች ዘርፍ መሆኑን የገለጹት ቄስ ኤሊያስ በዛብህ አላማውም በተለያዬ ምክንያት ደም በማጣት ህይወታቸውን ሊያጡ የሚችሉ ሰዎችን ለመታደግ ታስቦ የተዘጋጀ ነው ብለዋል።

ሌላው የቤተክርስቲያኗ መሪ የሆኑት ወጣት አገኘሁ ወ/ስላሴ በበኩላቸው በእለቱ እንደሃይማኖት ተቋም የደም ልገሳ የተደረገ መሆኑን ገልጸው ይህም ከእምነት እሴቶቻችን አንዱ ያለንን ለሌላው ማካፈል በመሆኑ በነጻ የተሰጠንን ደም በመለገስ ሃይማኖታዊ ግዴታችንን እየተወጣን ነው ብለዋል።

በእለቱ በተደረገው የደም ልገሳም ከ30 በላይ ዩኒት ደም መሰብሰብ መቻሉ ተነግሯል።

Source: EECMY Mizan Aman Congregation & Mizan Aman Gov. Com. Affairs)

የሚዛን አማን ቤቴል መካነ ኢየሱስ ወጣቶች: አገልጋዮች: መሪዎች...ስለ በጎ ስራችሁ እግዚአብሔር አብዝቶ ይባርካችሁ! በብዙ መንገድ ለሌሎችም ምሳሌ እየሆናችሁ ነውና በርቱና ቀጥሉበት! እግዚአብሔር አምላክ ጸጋውን ይብዛላችሁ።

''መልካሙን ሥራችሁን አይተው በሰማያት ያለውን አባታችሁን እንዲያከብሩ ብርሃናችሁ እንዲሁ በሰው ፊት ይብራ።'' ማቴ. 5:16


https://t.me/eecmyyouthministry