🤔 Qaysi siyosatchiga ovoz berish kerak?

🗓 Yoki yangi urfga kirib kelgan parhezni sinab ko‘rish kerakmi? Yana biri, elektron pochtamga kelgan maktub yordamida millioner bo‘la olamanmi?

⚙️ Masalalar, muammoli savollar... Ularning barchasiga birdek to‘g‘ri va mukammal yechim va javoblar topa olmaymiz.

🤔 Ammo bunda sizning imkoniyatlaringizni oshirishning ko‘plab usullari mavjud va samarali usullardan biri - TANQIDIY FIRKLASH.

💎 Tanqidiy fikrlashni qo‘llashning ko‘plab usullari mavjud. Biz ushbu videoda har qanday muammolarni hal qilishda Sizga yordam beradigan 5 bosqichli yondashuvni taqdim etamiz.

Kanalga obuna bo'lish:👇👇👇
Telegram | Facebook | Instagram | You Tube | Twittter

Milliarder va taniqli sarmoyador Uoren Baffet hamda Bill Geysdan qanday qudratga ega bo'lishni istashlari haqida so'ralganida, ularning har ikkalasi dunyoda eng tezkor kitob o'qiy olish qobiliyatiga ega bo'lishni xohlashlarini aytishgan. Garchi, dunyoda eng katta mablag' va biznesga egalik qilsa ham, Bill Geys kitob o'qishni kanda qilmaydi.

Biz har qanday kitobni uydan turib sotib olish va uni smartfonda ham o'qish imkoni berilgan ma'rifatparvar davrda yashayapmiz. Ammo buni his qilish uchun o'rganishdan to'xtamaslik kerak. Aytishadi-ku, keragidan ortig'ini bilmay turib, me'yorni aniqlay olmaysiz.

©️ "Biz g'alaba qozonamiz" kitobidan

Kanalga obuna bo'lish:👇👇👇
Telegram | Facebook | Instagram | You Tube

👁‍🗨 Talablarga binoan navbatdagi IQ TEST!

📆 21-aprel kuni soat 11:00 dan 22:00 gacha khiso.uz platformasida!

➡️ Testda qatnashish uchun @khiso_uz_bot orqali ro‘yxatdan o‘tish kerak.

⬇️ Barcha ishtirokchilar QR kodli sertifikat bilan taqdirlanadi!

❗️ Olimpiadalarda ishtirok etish mutlaqo bepul!

☸️ Testlarning yechimlari youtube kanalimizda tahlil qilinadi.

⚙️ Saytdan foydalanish bo‘yicha yo‘riqnoma bilan batafsil tanishib chiqing.

Kanalga obuna bo'lish:👇👇👇
Telegram | Facebook | Instagram | You Tube

Har bir ishda hikmat bor

Bir kuni bir kishining tuyasi quduqqa tushib ketdi va odamlarni yordamga chaqirish uchun bo‘ynini cho‘zib tepaga qaragancha pishqirib baland ovozda naray boshladi. Uning harakatlarini payqagan xo‘jayini yugurib keldi va quduqdan chiqarib olish uchun rosa harakat qildi.

Uni quduqdan chiqarib olishning iloji yo‘qligini bilgach, xo‘jayin shunday fikr qildi:“Tuyam ham ancha qarib qoldi, yaqin orada o‘lib qolishi aniq, o‘zi shusiz ham  yoshroq va baquvvatroq tuya olmoqchi bo‘lib yurgandim, qolaversa, bu quduq ham qurib qoldi, uni anchadan beri ko‘mib yuborib, yangi quduq qazimoqchi bo‘lib yurgandim. Nega endi bitta o‘q bilan ikki quyonni urmayin, biryo‘la tuya va quduqni ko‘mib qo‘yaqolaman”.

Ko‘p o‘ylab o‘tirmasdan qo‘shnilarni yordamga chaqirib, ketmon – kuraklarini olib, quduqni tuproq bilan  to‘ldira boshlashdi. Nima bo‘layotganini bilgan tuya boshini chayqar, oyoqlari bilan yerni urar, tez-tez pishqirib, baland ovoz chiqaradi. Lekin odamlar uning harakatlariga e’tibor bermasdan, quduqqa tuproq tashlashda davom etishardi. Bir mahal tuya jim bo‘lib qoldi.

Qachonki, xo‘jayin quduqqa qaraganida ajoyib bir manzarani ko‘rdi. Tuya o‘zining ustiga, o‘rkachlariga tushgan tuproqni bir silkitib tushirib yuborar, oyoqlari ostiga olardi. Biroz vaqt o‘tgandan keyin tuya barchani hayratda qoldirib, tuproqlarni oyoqlari bilan tepkilab-tepkilab yuqoriga ko‘tarilib, quduqdan chiqib olgan edi!

🤔Endi bir o‘ylab  ko‘ring.
Balki sizning hayotingizda ham qiyinchiliklar, noxushliklar bo‘lgandir va bu kelajakda sizga yanada yaxshiliklar keltirar. Har qanday muammo sizga otilgan toshdir. Mana shu toshlar yordamida siz yuqori darajalarga ko‘tarilib borasiz. 

©️8-sinf “Tarbiya” darsligidan

Kanalga obuna bo'lish:👇👇👇
Telegram | Facebook | Instagram | You Tube

“Ko‘zim ojizligi ming dollar maoshga erishishimga xalaqit bermadi”. Namanganlik tarix fani o‘qituvchisi hikoyasi

Nozimjon Tojiboyev 15 yildan beri Uchqo‘rg‘on tumanidagi 6-davlat ixtisoslashtirilgan maktab-internatida tarix fanidan dars beradi.

Batafsil — http://dy.uz/QphMn

📱Yangilangan mobil ilova 👉 iOS | Android

📣Ingliz tili fani o‘qituvchilari diqqatiga!

🗓Xabaringiz bor, 2022-2023-o‘quv yilidan boshlab Cambridge University Press nashriyotining o‘quv-metodik majmualari umumiy o‘rta ta'lim maktablarida joriy qilindi. Ushbu qo‘llanmalar asosida darslarni tashkillashtirish jarayoningizda tug‘ilgan fikr-mulohazalaringizni biz bilan bo‘lishishingizni iltimos qilamiz.

✍️Sizning fikr-mulohazalaringiz Maktabgacha va maktab ta'limi vazirligi uchun Ingliz tili ta'limini yaxshilash, metodik yordam ko‘rsatishni rivojlantirish va o‘qituvchilar malakasini oshirish bo‘yicha keyingi strategiyalarini ishlab chiqishda muhim.

⚙️So‘rovnoma anonim tarzda to‘ldiriladi va natijalaridan faqat Ingliz tili ta'limini yaxshilash bo‘yicha keyingi tavsiyalarni ishlab chiqishda foydalaniladi.

Quyidagi link orqali so‘rovnomada ishtirok eting.
➡️https://fsu.qualtrics.com/jfe/form/SV_3mHn7dgWUII53Bs

Kanalga obuna bo'lish:👇👇👇
Telegram | Facebook | Instagram | You Tube | Twittter

Jami 454 ta ish ommalashtirishga tavsiya etildi

O'qituvchilarning ish tajribasini ommalashtirish elektron platformasidan joriy yilning 23-yanvaridan – 1-fevraliga qadar bo'lgan muddatda 34 649 nafar o'qituvchilari ro'yxatdan o'tdi va jami 9 064 ta ijodiy ishlar kelib tushdi. Ulardan 2 848 tasini metodik qo'llanma, 5 419 tasini dars ishlanma, 797 tasini videodarslar tashkil etdi.

Elektron platformaga kelib tushgan jami 9 064 ta hujjatdan 2 048 ta ish dastlabki saralash bosqichidan o'tdi. Bunda eng yaxshi ishlar o'qituvchilar o'rtasida ovoz berish yo'li bilan aniqlandi.

2– saralashda elektron platformaga yuklangan ilg‘or ish tajribalarini baholash jarayoniga barcha fanlar kesimida 254 nafar ekspert jalb qilindi.

So'nggi baholash natijalariga ko'ra, jami 454 ta ish ommalashtirishga tavsiya etildi. Shulardan 3 ta Qoraqalpog‘iston Respublikasi, 68 ta ish Respublika, 104 ta ish viloyat, 279 ta ish tuman bosqichda ommalashtirildi.

Quyidagi havola orqali Ilmiy metodik kengash qarori va sertifikatlarni onlayn shaklda yuklab olish mumkin: ➡️ http://certificate-ommalashtirish.uz/table

⚙️ Sertifikatlarni yuklab olish uchun yo'riqnoma

Kanalga obuna bo'lish:👇👇👇
Telegram | Facebook | Instagram | You Tube | Twittter

​BOLA YAXSHI OʻQISHI UCHUN QANDAY YORDAM BERISH KERAK?

Hamma bola tugʻma daho emas, ularning hammasi ham maktabga chiqishi bilan tezda darslarni oʻzlashtirib, faqat besh baholarni olib kela olmaydi. Shu sabab 1-sinfdagi har bir bola individual yondashuvga muhtoj. Maktab tanlash, repetitorlarni yollash, bolalar xonasini qulay jihozlashgina darslarni oʻzlashtirishining sifatini oshirish uchun yetarli emas.

1️⃣ Agar farzandingiz maktabdan xafa boʻlib qaytgan boʻlsa, u bilan gaplashing, yomon kayfiyat sabablarini soʻrang. Bola ota-onalar bilan har qanday mavzuda suhbatlashishdan qoʻrqmasligi kerak. Ehtimol, u sinfdoshlari bilan janjallashgan yoki oʻqituvchidan yoqimsiz gap eshitgandir. Muammoni darhol muhokama va hal etgan yaxshi.

2️⃣ Agar oʻquvchi darslarni oʻrganishda qiynalayotgan boʻlsa, ota-onalar qiyin mavzuga diqqatni qaratib, tushunishga yordam berishlari kerak. Bu bolaga oʻziga boʻlgan ishonchni beradi va masʼuliyatni rivojlantiradi.

3️⃣ Agar u doimo yaxshi koʻrsatkichlarga ega boʻlib kelsa-yu toʻsatdan ikki va uchlarni qatorlashtirib olsa, vahimaga tushmasligingiz kerak. Ehtimol, u shunchaki charchagan, uxlamagan, oʻrganishni unutgandir. Hamma ham xato qiladi. Undan bunday keskin muvaffaqiyatsizlik sababini bilib oling. Qarabsizki, u tezda oʻziga kelib, baholari yaxshilanadi.

4️⃣ Farzandingiz sizni yomon koʻrsatkichlar bilan muntazam ravishda “xursand” qilayotgan boʻlsa, unga yordam kerak boʻlishi mumkin. Bunday holda, faqat gaplashish yetarli emas. Oʻqituvchilari bilan suhbatlashing — ehtimol ular sizga nima qilish kerakligini aytishadi. Oʻgʻlingizga yoki qizingizga darslarda yordam berishni boshlang, bolaning materialni qanday oʻrganganligini tekshiring. Agar sizning yordamingiz yetarli boʻlmasa, professional repetitorni yollang.

5️⃣ Bolaning vaqti va kun tartibini toʻgʻri yoʻlga qoʻying. Bu maktabda yaxshi oʻqishiga yordam beradi. Agar kun tartibi toʻgʻri rejalashtirilgan boʻlsa, u holda uning jismoniy va ruhiy salomatligi mustahkamlanib, intellektual qobiliyatlari rivojlanadi.

6️⃣ Bolaning toʻshagi qulaymi, xonasining yorugʻligi qanday, qayerda darslarini tayyorlaydi, stol va stul unga boʻyi va yoshiga mosmi yoki yoʻqmi shularga eʼtibor bering. Bola miriqib uxlasa, tanasi dam oladi. Demakki, u bilim olishi yaxshilanadi. Inson miyasi tunda ham ishlaydi. Shunga koʻra, bola yotadigan xonada televizor yoki radio yoqib qolmasin.

7️⃣ Parkka sayr qilish paytida bolangizga daraxtlar va hayvonlar haqida aytib bering. Birgalikda mamlakat tarixi yoki dengiz hayoti haqidagi hujjatli film tomosha qiling. Oilaviy mutolaa tashkil qilishda sarguzasht romanini emas, balki yulduzlar haqidagi ensiklopediyani tanlang. Farzandingizga atrofingizdagi dunyo haqida savollar bering va oʻzingiz ham qiziq maʼlumotlar aytib bering.
Uni muzey, teatr, galereya va koʻrgazmalarga olib boring. Bunday sayohatlar intellektual rivojlanishdan tashqari, badiiy didi va estetik idrokini shakllantiradi. Unga yangi narsalarni oʻyin tarzda oʻrgating.

Kanalga obuna bo`lish:👇👇👇
Telegram|Facebook|Instagram

Imkoniyati cheklangan bolalar yaratgan mahsulotlarning savdo yarmarkasidan 20 million so‘mdan ortiq mablag‘ topildi

“Mohir qo‘llardan — mehrli qo‘llarga” shiori ostida bo‘lib o‘tgan yarmarkada bu yil yuzdan ortiq ishlar: rasm, yumshoq o‘yinchoq, batik, zardo‘zi va munchoqli buyumlar, duradgorlik ishlari taqdim etildi.

Joriy yilda mehnat yarmarkasi ko‘rgazmasida 20 million so‘mdan ortiq mablag‘ topildi. Yig‘ilgan barcha mablag‘lar maktab-internatidagi bolalarning ijodiy qobiliyatlarini rivojlantirishga qaratiladi.

Kanalga obuna bo'lish:👇👇👇
Telegram | Facebook | Instagram | You Tube | Twittter

9-may –Xotira va qadrlash kuni!

Ushbu kun borgan sari yillar qaʼriga kirib borishiga qaramay, biz ushbu kunning Vatanimiz uchun qanchalik katta tarixiy ahamiyatga ega boʻlganini unutmaymiz, ota-bobolarimizning oʻchmas xotirasi doimo qalbimizda yashaydi!

Yurtimizni tinchlik va osoyishtalik tark etmasin!

Kanalga obuna bo'lish:👇👇👇
Telegram | Facebook | Instagram | You Tube

Tasavvur qobiliyati yoʻq kishi teleskopsiz observatoriyaga oʻxshaydi

Hozir siz bilan bizga odatiy boʻlgan narsalar ham kimlarningdir tasavvur mahsuli. Yaratuvchanlikning asosi ham shu oʻzi. Xayoliy, notabiiy voqealarni tasavvurida jonlantirib uni ifoda etish, sinfda muhokama qilish – bolalar uchun ham qiziq, ham zavqli jarayon.

Bu qobiliyat barcha bolada bor, demak, uni namoyon etishga boʻlgan ehtiyoj ham doim boʻlgan. Fantastik hikoyalarda bola oʻzining xayolot olamini jonlantirishni oʻrganadi. Muhimi – ularda shu tasavvurni qachondir real hayotga koʻchirishga boʻlgan ishonchning borligi. Ajab emas vaqt oʻtib bola oʻz tasavvur mahsulining yaratuvchisiga aylansa.

Rasmda: 2022–2023-yilgi oʻquv mavsumi uchun tayyorlanayotgan 3-sinf “Ona tili va oʻqish savodxonligi” darsligidan namuna.

Kanalga obuna bo'lish:👇👇👇
Telegram | Facebook | Instagram | You Tube

#Ustozlar_uchun
Charades o'yini (fransuzcha “tomosha”)

Ushbu sodda, ammo klassik oʼyin darsni boshlashdan oldin oʼquvchilarni oʼz oʼrindiqlaridan turishga va darsga qatnashishga undaydigan ajoyib usuldir.

Resurslar: soʼzlar yozilgan kartochkalar.
Oʼtkazish tartibi: doska oldida turish uchun bir nafar oʼquvchini tanlang va oʼzingiz oldindan tayyorlagan biror soʼzni unga rolli ijro ettirin (gapirish mumkin emas). Sinfning qolgan qismi oʼquvchi nimani tasvirlamoqchi ekanini taxmin qilishi va topishi kerak. Oʼquvchilar oʼz taxminlarini baqirib aytishlari yoki qoʼl koʼtarib aytishlari bu sizning oʼqituvchilik mahoratingizga bogʼliq. Ijro etilgan soʼzni topgan oʼquvchi keyingi ijrochi sifatida doska oldiga taklif etiladi.

Eslatma: Oʼyin davomida barcha soʼzlarni yoki mavzuga oid soʼzni taʼriflash ham maqsadga muvofiq.

Kanalga obuna bo'lish:👇👇👇
Telegram | Facebook | Instagram | You Tube