Ekologiyani asrash yo‘lida yana bir hamkorlik

Bugun o‘z safiga ko‘ngilli yoshlarni jamlagan holda mamlakatimiz hayotidagi turli jarayonlarda munosib qatnashib kelayotgan O‘zbekiston volontyorlar assotsiatsiyasi va O‘zbekiston Ekologik partiyasi o‘rtasida hamkorlik memorandumi imzolandi.

Marosimda partiya Markaziy Kengashi raisi Abdushukur Xamzayev volontyorlar assotsiatsiyasining doimiy tashabbuskorligi, fidoiy yoshlarni o‘zida jamlagani haqida so‘z yuritib, ikki tomonlama hamkorlik samarali bo‘lishi va ekologiyani yaxshilashda muhim omil bo‘lib xizmat qilishini ta’kidladi.

Shuningdek, O‘zbekiston volontyorlar assotsiatsiyasi rahbari Shirin Obidova so‘zga chiqib, bevosita yashash huquqimizga daxldor bo‘lgan ekologik huquqlarning ta’minlanishi va ona tabiatimizga salbiy ta’sir ko‘rsatadigan har qanday xavf-xatarlarning oldini olish barchaning burchi ekanligi va bu yo‘lda partiya hamda ko‘ngillilarning hamkorligi yaxshi samara berishini qayd etdi.

Memorandum doirasida amalga oshiriladigan chora-tadbirlar ham kelishib olindi.

✅Facebook | 🌐Instagram |🌐 Web site | 📹You Tube

Ijtimoiy tarmoqlarda sobiq Milliy xavfsizlik xizmati binosi o‘rnida mehmonxona qurilayotgani va qurilish maydonida ko‘p yillik daraxtlar kesilib, o‘ralgan holda olib chiqib ketilayotganligi haqida videoxabar tarqaldi.

Iqlim o‘zgarishini yumshatishning eng muhim aspekti-bu daraxtlarning ko‘p bo‘lishi. Shundoq ham poytaxtimizda sanoqli qolgan daraxtlarimizni asrash bo‘yicha moratoriyga va ekofaollarimiz bong urishiga qaramasdan hali hamon daraxtkushlar to‘xtamayapti.

Bosh prokuratura hamda atrof-muhitni muhofaza qilishga mas’ul bo‘lgan davlat tashkilotlaridan zudlik bilan ushbu holatga chora ko‘rishlarini so‘raymiz. Zero, kesilishi ko‘zda tutilgan qolgan daraxtlarni asrab qolishimiz shart!

✅Facebook | 🌐Instagram |🌐 Web site | 📹You Tube

#Avtomobilsiz_kun

Bugun poytaxtimizda "Avtomobilsiz kun". Loyiha doirasida O‘zbekiston Ekologik partiyasi Toshkent shahar Kengashi jamoasi hamda deputatlari faol ishtirok etib, poytaxtimiz aholisi va mehmonlarni ham bunga chorladi.

✅Facebook | 🌐Instagram |🌐 Web site | 📹You Tube