မိသားစုဆိုတဲ့ ခေါင်းစဉ်အောက်က အသံတိတ် စိတ်ဒဏ်ရာများ (Family Manipulation & How to Respond) 🏠💔

"သွေးသည် ရေထက် ပစ်သည်" ဆိုတဲ့ စကားနောက်မှာ ငြင်းဆန်ဖို့ ခက်ခဲတဲ့ စိတ်ပိုင်းဆိုင်ရာ ထိန်းချုပ်မှု (Manipulation) တွေ ပုန်းကွယ်နေလေ့ ရှိပါတယ်။ 🎭

အပြင်လူဆိုရင် အလွယ်တကူ စွန့်ခွာနိုင်ပေမဲ့ မိသားစုဝင်တွေဆီက လာတဲ့အခါ ချစ်ခြင်း၊ ကျေးဇူးတရားနဲ့ အပြစ်ရှိစိတ်တွေ ရောထွေးနေတာကြောင့် ကျွန်ုပ်တို့ဟာ ဇာတ်ညွှန်းအတိုင်း ကရတဲ့ ရုပ်သေးရုပ်တစ်ရုပ်လို ခံစားကြရပါတယ်။ 🧵🥀

ချစ်ခြင်းမေတ္တာအမည်တပ်ထားသော စိတ်ပညာဆိုင်ရာ ထိန်းချုပ်မှု (5) မျိုး​🧠

မိသားစုတွင်း Manipulation ဟာ ရိုင်းစိုင်းတဲ့ ဆဲဆိုကြိမ်းမောင်းမှုတွေထက် သိမ်မွေ့ပြီး စိတ်ထိခိုက်စေတဲ့ နည်းလမ်းတွေကို သုံးလေ့ရှိပါတယ်။🥀

​Guilt-Tripping (ကျေးဇူးတရားကို လက်နက်လုပ်ခြင်း)​ 💔

​"ငါတို့က မင်းအတွက် ဘာတွေစွန့်လွှတ်ခဲ့ရလဲ..." 💬

😞 ​သူတို့ဟာ သင့်ဆီက လိုချင်တဲ့ အပြုအမူရဖို့အတွက် သင့်ကို "ကျေးဇူးမသိတတ်တဲ့သူ"၊ "မသနားတတ်သူ" ဆိုတဲ့ အပြစ်ရှိစိတ် (Guilt) ကို စိတ်ထဲ ထည့်ပေးလိုက်တာ ဖြစ်ပါတယ်။

⚖️ သင်ဟာ ကိုယ့်ဆန္ဒကို ဦးစားပေးလိုက်တာနဲ့တင် သာသနာဖျက်အပြစ်သားတစ်ယောက်လို စိတ်ဆင်းရဲသွားရအောင် ပုံဖော်တာ ဖြစ်ပါတယ်။

​🌀 ​Gaslighting (သင့်ကိုယ်သင် သံသယဝင်အောင်လုပ်ခြင်း)

​"မင်းက အမြဲ စိတ်ကြီးဝင်ပြီး လျှောက်တွေးနေတာ..." 🗣️

​သူတို့လွန်ခဲ့တဲ့ အမှားတွေကို ငြင်းဆိုရာမှာ သင့်ရဲ့ မှတ်ဉာဏ်နဲ့ စိတ်အခြေအနေကို ပြန်ပြီး သံသယဝင်လာအောင် လုပ်ဆောင်တာဖြစ်ပါတယ်။ 🌫️

ကြာလာတဲ့အခါ "ငါပဲ အ​တွေးလွန်နေတာလား၊ ငါပဲ မှားနေတာလား" ဆိုပြီး ကိုယ့်ကိုယ်ကိုယ် ယုံကြည်မှု လုံးဝပျောက်ဆုံးသွားရပါတယ်။ ❓

​🎭 ​Playing the Victim (သနားစရာအဖြစ် ဟန်ဆောင်ခြင်း)

​"ငါက မင်းတို့ အဆင်ပြေဖို့ အပင်းပန်ခံပြီး လုပ်ပေးခဲ့တာပါ..." 🥺

💧 ​သူတို့ဘက်က မှားနေသော်လည်း အခင်းဖြစ်ပွားပုံကို လှည့်ပြောင်းပြီး တစ်ဖက်လူကြောင့် မိမိမှာ စိတ်ဆင်းရဲရသလို၊ ဒဏ်ရာရသူ (Victim) ဖြစ်နေသလို ပုံဖော်တာဖြစ်ပါတယ်။

သင့်မှာ သူတို့ကို ပြန်မငြင်းနိုင်ဘဲ သနားစိတ်နဲ့ အလျှော့ပေးလိုက်ရအောင် ဖိအားပေးတဲ့ နည်းလမ်းဖြစ်ပါတယ်။ 🙏

​❄️ ​The Silent Treatment (သွေးအေးအေးဖြင့် စိတ်ဒဏ်ရာပေးခြင်း)

🔇 စကားမပြောဘဲ ဥပေက္ခာပြုထားခြင်းဟာ မိသားစုတွင်းမှာ အရက်စက်ဆုံး ဒဏ်ခတ်မှုတစ်ခုဖြစ်ပါတယ်။

သင့်ကို တောင်းပန်လာအောင်၊ အလျှော့ပေးလာအောင် စိတ်ပိုင်းဆိုင်ရာ လုံခြုံမှုကို ရုပ်သိမ်းလိုက်တာဖြစ်ပြီး စိတ်ပညာအရ ဒါဟာ Emotional Abandonment (စိတ်ပိုင်းဆိုင်ရာ စွန့်ပစ်ခြင်း) ဖြစ်ပါတယ်။ 🚪💔

​📐 ​Triangulation (စိတ်ဝမ်းကွဲအောင် ဖိအားပေးခြင်း)

တိုက်ရိုက်မပြောဘဲ အခြားမိသားစုဝင်တစ်ယောက်ကို ကြားခံထားပြီး "ဟိုမှာ မင်းအကြောင်း ဘာပြောနေလဲသိလား" ဟု စာရင်းရှင်းတာ သို့မဟုတ် နှိုင်းယှဉ်တာဖြစ်ပါတယ်။👥

သင့်ကို အထီးကျန်သွားစေပြီး မိသားစုအသိုင်းအဝိုင်းရဲ့ ထောက်ခံမှုရဖို့ သူတို့စကား နားထောင်လာအောင် အကွက်ချတာ ဖြစ်ပါတယ်။🕸️

​(ဒီလို အခြေအနေတွေကြုံလာရရင် မိမိကိုယ်တိုင် စိတ်အေးချမ်းမှုကို ဘယ်လိုပြန်လည်ရယူမလဲဆိုတဲ့ တုံ့ပြန်နည်းတွေကိုတော့ Final-Part မှာ ဆက်လက်ဖော်ပြပေးပါမယ်ရှင့်... 🕊️)

#Moe
​#Family_Manipulation
#Toxic_Family
#Mental_Health
#Psychology_Fact
#Forward_only

မိသားစုဆိုတဲ့ ခေါင်းစဉ်အောက်က အသံတိတ် စိတ်ဒဏ်ရာများ (Final-Part) (How to Respond)

​Part-1 မှာ မိသားစုတွင်း ကြုံတွေ့ရလေ့ရှိတဲ့ Manipulation Tactics (5) မျိုးအကြောင်း တင်ပြခဲ့ပြီးပါပြီ။ ဒီလို ထိန်းချုပ်မှုတွေကြားထဲမှာ ကိုယ့်ရဲ့ စိတ်အေးချမ်းမှုကို ဘယ်လို ပြန်လည်ရယူမလဲ... စိတ်ပညာအမြင်ဖြင့် တုံ့ပြန်နည်းများကို မျှဝေပေးချင်ပါတယ်။ 🛡️✨

ကိုယ့်ရဲ့ စိတ်အေးချမ်းမှုကို ဘယ်လို ပြန်လည်ရယူမလဲ... (စိတ်ပညာအမြင်ဖြင့် တုံ့ပြန်နည်းများ)

မိသားစုကို ပြောင်းလဲဖို့ ကြိုးစားခြင်းဟာ ရေအောက်မှာ လေရှူဖို့ ကြိုးစားတာနဲ့ တူပါတယ်။ ပြောင်းလဲရမှာက အခြားသူ မဟုတ်ဘဲ သင့်ရဲ့ တုံ့ပြန်ပုံ (Response) ဖြစ်ပါတယ်။ ⚓

​Gray Rock Method (ကျောက်တုံးတစ်တုံးလို ငြိမ်သက်ခြင်း)​ 🪨

⚡Manipulator တွေရဲ့ အဓိကလောင်စာဟာ သင့်ရဲ့ စိတ်လှုပ်ရှားမှု (ဒေါသ၊ ဝမ်းနည်းမှု၊ ဆင်ခြေပေးမှု) ဖြစ်ပါတယ်။

သူတို့ ဘာပဲပြောပြော ကျောက်တုံးတစ်တုံးလို "အင်း..."၊ "ဟုတ်ကဲ့..."၊ "ဒီလိုပဲ ဖြစ်မှာပါ..." ဆိုတဲ့ ခံစားချက်မပါတဲ့ ငြိမ်သက်မှုနဲ့ပဲ တုံ့ပြန်ရမယ်။

သင့်ဆီက တုံ့ပြန်မှု (Drama) မရတော့တဲ့အခါ သူတို့ရဲ့ ထိန်းချုပ်မှု လောင်စာ မီးငြိမ်းသွားပါလိမ့်မယ်။ 🤫

​"အပြစ်ရှိစိတ်" ဆိုတဲ့ အဆိပ်ကို လက်မခံခြင်း 🚫

🛑 "ငါ့ကြောင့် သူတို့ ဝမ်းနည်းသွားရတာ" ဆိုတဲ့ စိတ်ကို ရပ်တန့်ရမယ်။ သူတို့ ဝမ်းနည်းတာ၊ ဒေါသထွက်တာဟာ သင့်ကြောင့်မဟုတ်ဘဲ သူတို့မျှော်လင့်သလို သင့်ကို ထိန်းချုပ်လို့မရတော့လို့ ဖြစ်ပါတယ်။ အခြားသူရဲ့ ခံစားချက်အတွက် သင့်မှာ တာဝန်မရှိပါဘူး။ ☕

​Unshakable Boundaries (ရွေ့လျားလို့မရသော စည်းများထားရှိခြင်း)​ 🧱

🛡️ စည်းတားတယ်ဆိုတာ ရိုင်းစိုင်းတာ မဟုတ်ဘဲ ကိုယ့်ရဲ့ စိတ်ကျန်းမာရေးကို ကာကွယ်​စောင့်ရှောက်တာဖြစ်ပါတယ်။

စကားဝိုင်းက သင့်ကို စိတ်ဒဏ်ရာပေးတဲ့ဘက် ရောက်လာရင် "ဒီအကြောင်းအရာကိုတော့ ကျွန်တော်/ကျွန်မ နောက်မှ အေးအေးဆေးဆေး ပြောချင်ပါတယ်။

အခုတော့ စကားဝိုင်းကို ဒီမှာပဲ ခေတ္တနားရအောင်" ဆိုပြီး အေးဆေးစွာ ပွဲဖြတ်ကာ အဆုံးသတ်လိုက်ခြင်းမျိုး ဖြစ်ပါတယ်။🚪🌿

​သတိထားရမယ့် စိတ်ပညာအသိ 💭

​မိသားစုဆိုတာ ချစ်ခြင်းတရားရဲ့ မှီခိုရာဖြစ်သင့်ပြီး စိတ်ဒဏ်ရာတွေ ပေးရာနေရာ မဖြစ်သင့်ပါဘူး။ 🙅‍♀

ကိုယ့်ရဲ့ လွတ်လပ်ခွင့်၊ ကိုယ့်ရဲ့ စိတ်အေးချမ်းမှုနဲ့ ကိုယ့်ရဲ့ တန်ဖိုးကို ကာကွယ်ဖို့ စည်းတားတာဟာ မိသားစုကို မချစ်လို့မဟုတ်ဘဲ ကိုယ့်ကိုယ်ကိုယ် ပြန်လည်ချစ်မြတ်နိုးဖို့ သင်ယူနေခြင်း သာ ဖြစ်ပါတယ်။ ❤️‍🩹✨

#Moe
​#How_To_Respond
#Set_Boundaries
#Self_Love
#Mental_Health_Awareness
#Forward_only

မင်္ဂလာပါရှင့် 🖤

လူကြီးမင်းတို့ရဲ့ channel မှာ subနည်းလို့စိတ်တွေညစ်နေ​ပါက sub အမြန်တိုးစေဖို့ ကျွန်မတို့ရဲ့ @MixDayTeamBot ကို Ads ဆိုပြီး အမြန်ဆုံးပို့လိုက်ပါရှင်။

အစုံ

Spring Tree

စာတို/စာစု/ကဗျာ

Melody By Kim

𝙈𝙞𝙙𝙣𝙞𝙜𝙝𝙩 𝙇𝙚𝙩𝙩𝙚𝙧𝙨 ☾⋆

Snow Novel

Knowledge

Youth's Area (Music and Knowlegde)

Ascend Society

MotiMate

Series/Movie

Kim The Series

Anime

Anime Fan Only

Gaming

Kim In Your Days

Spv - Kim
Total Ch - 10
Total Type - 6
New channel - ⭕️
Version - 2.0
@TheAdsBurma #DayM1

ဒီ​နေ့မီးပျက်ပြီး ​ဒေတာနည်းလို့ဘာမှမတင်ဖြစ်ဘူး။
မနက်ဖြန်ကျမှတင်​ပေးပါမယ်။

Goodnight everyone

#Moe

မုန်တိုင်းက ည၁၂လောက် ရန်ကုန်ဝင်မယ်တဲ့ အနီအဆင့်ဖြစ်နေပြီ။ ⚠️

အားလုံးပဲ ဂရုစိုက်ကြနော်။ 🛡️

ပြင်ဆင်စရာရှိရင် ပြင်ဆင်ထားကြနော်။

အစားအသောက်မုန့်တွေလည်း ကြိုတင်ဝယ်ထားကြပါနော်။ 🍞🥫

#Moe

မုန်တိုင်းက ရန်ကုန်က​နေ ဘားအံဘက်​ပြောင်းသွားပါပြီ။ 🌪️

ဘားအံဘက်ကလူ​တွေရှိရင် ဂရုစိုက်ကြ​နော်။ ⚠️

ကျန်တဲ့တိုင်း​ဒေသကြီး​တွေမှာ မုန်တိုင်းမရှိ​တော့ပါဘူး။ ✅

#Moe

Hello October, 🍂

​အောက်တိုဘာတစ်လလုံး လုပ်သမျှအရာအားလုံးအဆင်​ပြေ​ချော​မွေ့ပါ​စေ။ ✨

ကံ​ကောင်းခြင်း​တွေယူ​ဆောင်လာ​ပေးပါရှင့်။ 🍀

#Moe
#Welcome_October
#Forward_only

Goodafternoon everyone

#Moe

မင်္ဂလာပါရှင့် 🖤

လူကြီးမင်းတို့ရဲ့ channel မှာ subနည်းလို့စိတ်တွေညစ်နေ​ပါက sub အမြန်တိုးစေဖို့ ကျွန်မတို့ရဲ့ @MixDayTeamBot ကို Ads ဆိုပြီး အမြန်ဆုံးပို့လိုက်ပါရှင်။

အစုံ

Spring Tree

စာတို/စာစု/ကဗျာ

Melody By Kim

𝙈𝙞𝙙𝙣𝙞𝙜𝙝𝙩 𝙇𝙚𝙩𝙩𝙚𝙧𝙨 ☾⋆

Snow Novel

Knowledge

Youth's Area (Music and Knowlegde)

Ascend Society

MotiMate

Series/Movie

Kim The Series

Anime

Anime Fan Only

Gaming

Kim In Your Days

Fiction

⭕️ The Final Divas

Spv - Kim
Total Ch - 11
Total Type - 7
New channel - ⭕️
Version - 2.0
@TheAdsBurma #DayM1

ယနေ့ ကျရောက်သော ကမ္ဘာ့ဆရာနေ့တွင် တပည့်များအား ပညာအလင်းပြပေးခဲ့သော ဆရာ၊ ဆရာမများအားလုံးကိုယ်၏ကျန်းမာခြင်း၊ စိတ်၏ချမ်းသာခြင်းတို့နှင့် ပြည့်စုံပါစေကြောင်း ဆုမွန်ကောင်းတောင်းအပ်ပါသည်။ 🙏✨

ဘဝတစ်လျှောက်လုံး လမ်းပြပေးခဲ့သော ကျေးဇူးတရားများကို အစဉ်အမြဲ သတိရ လေးစားလျက်ရှိပါတယ်။ 📚🌟

#Moe
#Word_Teachers_Day
​#Appreciate_Teachers
#Forward_only

🇲🇭 ကမ္ဘာ့အချမ်းသာဆုံးကနေ ဒေဝါလီခံလက်ရတဲ့ “နော်ရူး” (Nauru) နိုင်ငံအကြောင်း 🏝️

တစ်ချိန်က ကမ္ဘာပေါ်မှာ တစ်ဦးချင်းဝင်ငွေ အမြင့်ဆုံးနဲ့ အချမ်းသာဆုံး ဖြစ်ခဲ့ဖူးပေမဲ့ အခုချိန်မှာတော့ အားလုံးပျက်စီးသွားခဲ့တဲ့ ပစိဖိတ်သမုဒ္ဒရာထဲက နိုင်ငံငယ်လေးတစ်နိုင်ငံအကြောင်း သိကြပါသလား...❓

🇳🇷 ဒီနိုင်ငံလေးရဲ့ နာမည်ကတော့ “နော်ရူး” (Nauru) ဖြစ်ပါတယ်။

🇸🇲 ဧရိယာ ၈ စတုရန်းမိုင်ခွဲပဲ ရှိပြီး စိန့်မာရီနိုနဲ့ ဗာတီကန်ပြီးရင် ကမ္ဘာပေါ်မှာ တတိယမြောက် အသေးဆုံး နိုင်ငံဖြစ်ပါတယ်။ 🇻🇦🌍

ပင်လယ်ငှက်များကြောင့် ချမ်းသာခဲ့ပုံ 💰✨

🐦 နော်ရူးကျွန်းဟာ လွန်ခဲ့တဲ့ နှစ်သန်းပေါင်းများစွာကတည်းက ပင်လယ်ငှက်တွေ လာရောက် စွန့်ပစ်ခဲ့တဲ့ အစို့အကောက် (Guano) တွေကြောင့် အရည်အသွေးမြင့် “ဖော့စဖိတ်” (Phosphate) သတ္တုသိုက်ကြီး ပေါ်မှာ တည်ရှိနေခဲ့တာဖြစ်ပါတယ်။

👑 💸 ၁၉၇၀ နဲ့ ၁၉၈၀ ခုနှစ်တွေမှာ ဖော့စဖိတ်တွေကို တူးဖော်ရောင်းခဲ့ရင်း နော်ရူးပြည်သူတွေဟာ ရွှေပုံပေါ် ထိုင်ခဲ့ရပါတယ်။

🏠 🏥 အစိုးရက အခွန်လွတ်ပေးရုံတင်မကဘဲ အိမ်၊ ဆေးကုသမှု၊ ပညာရေးနဲ့ လျှပ်စစ်မီးတွေကိုပါ အခမဲ့ ပေးခဲ့ပါတယ်။ 🎓 🆓💡

လောဘနောက်ကို လိုက်ရင် ပျက်စီးသွားခြင်း ⚠️ 🚧

💎 သဘာဝသယံဇာတဆိုတာ ကုန်ခမ်းတတ်မှန်း မသိဘဲ လွန်လွန်ကဲကဲ တူးဖော်ခဲ့ကြတဲ့အတွက် ၂၀၀၀ ပြည့်လွန်နှစ်တွေမှာတော့ ဖော့စဖိတ်တွေ လုံးဝ ကုန်သလောက် နီးပါး ဖြစ်သွားခဲ့ပါတယ်။ ⛔

🗿🏭 အဆိုးဆုံးကတော့ သတ္တုတူးဖော်မှုတွေကြောင့် ကျွန်းရဲ့ ၈၀ ရာခိုင်နှုန်း မှာ သစ်ပင်ဝါးပင် လုံးဝ မပေါက်နိုင်တော့ဘဲ ထုံးကျောက်တုံးကြီးတွေပဲ ကျန်ခဲ့တဲ့ မြေရိုးပြင်ကြီး ဖြစ်သွားခဲ့ပါတယ်။ စီးပွားရေး လုံးဝပြိုလဲသွားပြီး နိုင်ငံရဲ့ ဘဏ္ဍာရေးဟာလည်း ဒေဝါလီခံလက်ရပါတယ်။ 🏚️🚫

အံ့ဩဖွယ် ဆန်းပြားတဲ့ အချက်များ 💡

✨ မြို့တော်မရှိတဲ့ နိုင်ငံ: နော်ရူးမှာ တရားဝင် မြို့တော် ရယ့်လို့ လုံးဝ မရှိပါဘူး။ 🏙️❓

✨ မိနစ် ၃၀ နဲ့ တစ်နိုင်ငံလုံးအနှံ့

နိုင်ငံပတ်လမ်းအတိုင်း ကားမောင်းရင် မိနစ် ၃၀ ဆို တစ်နိုင်ငံလုံးကို ပတ်လို့ပြီးသွားပါတယ်။ 🚗 ⏱️

✨ ဩစတြေးလျရဲ့ ဒုက္ခသည့်စခန်း

🇦🇺🛳️ စီးပွားရေး ပျက်စီးသွားချိန်မှာ ဩစတြေးလျကို ပင်လယ်ရေကြောင်းကလာတဲ့ ဒုက္ခသည့်တွေကို လက်ခံထိန်းသိမ်းပေးတဲ့ စခန်းဖွင့်ပြီး အစိုးရထံမှ ထောက်ပံ့ကြေးနဲ့ ရပ်တည်ခဲ့ရပါတယ်။ ⛺

သမိုင်းပေးတဲ့ သင်ခန်းစာ 📖

🔄 ရေရှည်စီမံကိန်းမရှိဘဲ ခဏတာ စည်းစိမ်းနောက်ကိုပဲ လိုက်ခဲ့ကြရင် ဘယ်လောက်ပဲ ကြွယ်ဝပါစေ နောက်ဆုံးမှာ ပျက်စီးခြင်းနဲ့ပဲ ရင်ဆိုင်ရတတ်တယ်ဆိုတာ နော်ရူးနိုင်ငံရဲ့ သမိုင်းက သက်သေပြနေပါတယ်။ ⌛

#Moe
#Nauru
#History_Facts
#Geography
#Forward_only

စာရှည်​နေလို့ပုံမဆန်လို့ rp ပြန်ပြီးတင်လိုက်တာပါရှင့်။

#Moe

"နောက်မှ" ဆိုတဲ့ စကားလုံး

ကျွန်တော့်အဖေ ကွယ်လွန်သွားတာ တစ်နှစ်ကျော်ခဲ့ပါပြီ။

တစ်ခါတလေ ညတွေမှာ အဖေ့ကို သတိရတယ်။ အရင်တုန်းကလို ဖုန်းလေးဆက်ချင်လာပြီး ကောက်ကိုင်လိုက်မိမှ၊ ကျွန်တော်ကြားချင်တဲ့ အဖေ့အသံက တစ်ဖက်ကနေ ပြန်မဖြေတော့ဘူးဆိုတာ သတိရလာတယ်။ အဲဒီအခိုက်လေးက ရင်ထဲ အရမ်းနာတယ်။

ကျွန်တော့်မှာ "နောင်တ" တစ်ခု ကျန်ခဲ့တယ်။ အဖေ သက်ရှိထင်ရှားရှိနေစဉ်မှာ "ချစ်တယ်အဖေ" လို့ တစ်ခါမှ မပြောခဲ့မိတာပါ။ ဒီစကားက ပြောရခက်တာ မဟုတ်ပါဘူး။ ရှက်နေတာရယ်၊ "နောက်မှပြောလည်း ရတာပဲ၊ သူသိပြီးသားပါ" လို့ ထင်ခဲ့တာရယ်ကြောင့်ပါ။

အခုတော့ အဲဒီ "နောက်မှ" ဆိုတာ ဘယ်တော့မှ ရောက်မလာတော့ဘူး။ ပြောချင်တဲ့စကားတွေ ရင်ထဲမှာ ပြည့်နေပေမယ့် နားထောင်ပေးမယ့်သူ မရှိတော့ဘူး။ အဖေ့ကျေးဇူးကိုလည်း ကျေအောင် မဆပ်နိုင်ခဲ့ဘူး။ ရှိနေတုန်းမှာ ဆပ်ခွင့်ရှိခဲ့ပေမယ့် "နောက်မှ" ဆိုတဲ့ စကားလုံးနဲ့ ဖယ်ထားမိခဲ့တယ်။

ဒီစာကို ဖတ်နေတဲ့ စာဖတ်သူလေးတို့ရေ...

ကျွန်တော်တို့က မိဘတွေ အမြဲအနားမှာ ရှိနေမယ်လို့ ထင်နေတတ်ကြတယ်။ မရှိတော့မှ ကိုယ်က သူတို့ကို ဘယ်လောက် အားကိုးခဲ့လဲဆိုတာ သိလာတာ။ ကိုယ့်အတွက် ညဉ့်နက်အထိ စောင့်နေခဲ့တဲ့ နေ့တွေ၊ ကိုယ်မသိအောင် ပင်ပန်းခံခဲ့တဲ့ နေ့တွေ၊ ကိုယ့်ကို ကျွေးဖို့ ကိုယ်တိုင် ချွေတာခဲ့တဲ့ နေ့တွေ ရှိခဲ့မှာပါ။

အသက်ကြီးလာလို့ ထပ်ခါတလဲလဲ ပြောတာ၊ နောက်ကျတာ၊ နားမလည်တာတွေ ရှိလာရင် စိတ်မရှည်ချင်ဖြစ်တာကို နားလည်ပါတယ်။ ကျွန်တော်လည်း ဖြစ်ဖူးပါတယ်။ ဒါပေမယ့် အဲဒီအချိန်လေးမှာ ခဏလောက် တွေးကြည့်ပါ။ သူတို့လည်း ကိုယ့်ကို စကားမပြောတတ်တဲ့ အရွယ်ကတည်းက သည်းခံခဲ့တာပါ။ လမ်းလျှောက်တတ်တဲ့အထိ၊ စကားပြောတတ်တဲ့အထိ ထပ်ခါထပ်ခါ သည်းခံပေးခဲ့သူတွေပါ။ ပစ်မှားမိတဲ့ စကားတစ်ခွန်းက တစ်သက်လုံး ရင်ထဲက မထွက်တော့တာမျိုး မဖြစ်ပါစေနဲ့။

ကျေးဇူးဆပ်ဖို့ ထူးထူးခြားခြား အချိန်ကို မစောင့်ပါနဲ့။ သူတို့အနားမှာ ထိုင်ပေးတာ၊ ဖုန်းဆက်တာ၊ အတူထမင်းစားတာတွေက ပိုတန်ဖိုးရှိပါတယ်။ ရှိနေတုန်း ပြုစုတာနဲ့ မရှိမှ နောင်တရတာ လုံးဝမတူပါဘူး။

ဒါကတော့ ကျွန်တော့်အဖေကို အခု ပြောချင်နေတဲ့ စကားတွေပါ။

"အဖေရေ... အဖေ့ကျေးဇူးတွေကို သား ကျေအောင် မဆပ်နိုင်ခဲ့ဘူး။ အဖေ ကျွေးခဲ့တဲ့ ထမင်းတစ်လုတ်တိုင်း၊ သားအတွက် ပင်ပန်းခဲ့တဲ့ နေ့တွေ၊ အသံမထွက်ဘဲ ထမ်းခဲ့ရတဲ့ ဝန်ထုပ်ဝန်ပိုးတွေကို သားအခုမှ နားလည်လာတယ်။ ပြန်ပေးနိုင်တဲ့ အချိန်တွေ ရှိခဲ့တုန်းက သားမလုပ်ခဲ့မိဘူး။
အဖေ ရှိနေတုန်းက သားစိတ်နဲ့ရော နှုတ်နဲ့ပါ အဖေ့ကို ပစ်မှားမိခဲ့တယ်။ ကောင်းကောင်းမွန်မွန် ပြောသင့်တဲ့နေရာမှာ မာန်မာနနဲ့ ပြောမိတာ၊ နားလည်ပေးသင့်တဲ့နေရာမှာ စိတ်တိုမိတာတွေ ရှိခဲ့တယ်။ အဲဒါတွေကို အခု သားရင်ထဲမှာ အမြဲပြန်ကြားနေရတယ်။ အဖေ့ကို ဝမ်းနည်းစေခဲ့မိရင် သားတောင်းပန်ပါတယ်အဖေ။ ပစ်မှားမိခဲ့သမျှ အားလုံးကို ခွင့်လွှတ်ပေးပါ။
"သားအဖေ့ကို အရမ်းချစ်ပါတယ်" လို့ တစ်ခါမှ မပြောခဲ့မိတာကိုတော့ သားအမြဲ နာကျင်နေတယ်။ အဲဒါ ပြောရခက်လို့ မဟုတ်ပါဘူး၊ သားရှက်နေခဲ့တာပါ။ အခု သားပြောပါရစေ။
သားအဖေ့ကို အရမ်းချစ်ပါတယ်အဖေ။
အဖေက စကားနဲ့ မပြောခဲ့ပေမယ့် လုပ်ရပ်တွေနဲ့ ချစ်ခြင်းမေတ္တာကို ပြခဲ့တာ သားသိပါတယ်။ ဒီစကားကို အဖေ ကြားရမယ်လို့ သားယုံပါတယ်။ ချစ်ခြင်းမေတ္တာဆိုတာ အချိန်နဲ့ နေရာကို ကျော်လွန်နိုင်တယ်လို့ သားယုံတယ်။
အဖေ့အတွက် သားလုပ်ပေးနိုင်တာက ကောင်းကောင်းရှင်သန်ပြီး အဖေ့ကို ဂုဏ်ယူစေမယ့် လူတစ်ယောက် ဖြစ်အောင် ကြိုးစားဖို့ပါပဲ။ အဖေ သင်ပေးခဲ့တာတွေကို သားဆက်သယ်သွားပါ့မယ်။ ကုသိုလ်ကောင်းမှုတွေ ပြုလုပ်ပြီး အမျှဝေပါ့မယ်။က
အဖေ ငြိမ်းချမ်းစွာ အနားယူပါ။ သားအမြဲ သတိရနေမှာပါ။"

စာဖတ်သူလေးတို့ရေ... ကိုယ့်မိဘတွေ သက်ရှိထင်ရှားရှိနေစဉ်မှာ ပြောချင်တဲ့စကားကို ရတုန်းလေး ပြောထားကြပါဗျာ။ ဒီည မပြောနိုင်ရင် မနက်ဖြန်မနက်၊ ဒါပေမယ့် "နောက်မှ" လို့ မထားပါနဲ့။ 🤍

#Sai(ရာမညမြေ)