ECHO___MED

Better late than never
كانو يخبوهالكم لوقت الشدة 😆😆

🤣10

437 views14:07

صباح الخير
دايما عندنا هذاك البنادم لي في حياتنا لي يقولك انا قريت المودول الفلاني في كذا يوم ( مدة قصيرة ) وطلعت جبدت كذا
ديفوا تلقاوه جاب وطلع خير من ناس بدات قبلو
الفكرة مش فكرة اني نبدا بكري فقط ووحدها ( يهم جدا تبدا تقرا بكري واحد لا يكذب عليكم) بصح الاهم مش تقرا وخلاص الاهم الفعالية في القراية ، مش كيما تقرا 1 ساعة بتركيز شديد وفعالية ، وكيما تقرا 10 سوايع ونتا كل مرة تتمسخر تركز 3 دقايق في 60 دقيقة ، pour moi حط كلش وروح تكسل ترقد اذا راك تدير هكذا🙂 .
نهار تقرروا تقراو نحيو كل المشتتات ، مكانش منها نسحق تلفون كش ما نحوس نشوف درناها بكري قبلكم 😂 كامل عارفين النتيجة + لابيب لي فيها الحس والقصرة والضحك à éviter تماما تديلك 60 بالمية من الوقت في بلاصة ما تقرا تبقى تشوف فالناس ، حتى لو مكش تقصر مع صحابك
ننصح ب بلاصة وحدة للمذاكرة ، وعن تجربة تريح تبدا تدير notes وش تدير اليوم مثلا عندي 2 كور ديابيتو وكور اوندو نهز مثلا insuffisance surrénale نزيد نهز لي تيدي تع هذ لي كور ، نبدا نشوف الكور و نديشيفري وش كاين فيه ، لي يكون حضر الكور بكري راه مراحش يتعب ، اما جماعة الفوكال وما الى ذلك ... يديلك وقت أكثر من اللازم ، اما اذا البروف شرح ولا يجيب من هدرتو .. ولا الكور فارغ مش مديتاييي ، تقدرو تسمعو ( لي يسمع لي فوكو يروح ياسيستي خير فرد مرة على الاقل يستغل ذاكرته البصرية والسمعية مع بعض)
ديما في راسكم ديرو un schéma général du cours ، ومالازمش تخرجو من كور معين الا وانتم هزيتو les objectifs كامل
QCM:
ملاح وتصنع الفارق مع مرور السنوات فالطب تفهم علاه كاين عباد يشوفو سع لي كوسيام قبل الكور .. باسكو مايكسرش راسو بزاف يبازي على واه يسقسيو لي بروف يقراه مليح باه يضمن نقاط زيادة على وش كان راح يجيب بكري كون يقرا الكور بطريقة تقليدية، ومن جهة تعاون باه توثق وترسخ معلومات وتخدم على ذاكرة طويلة المدى كثر ✅

ميدسين حفاظة نقولكم ايه حفاظة بصح ماتجيش دون فهم ال physiopath و mécanisme نهار تفهم منين جا المشكل 60 بالمية من الكور راه فالجيب... تبقى 40 بالمية مرتكزة على الحفاظة ، ولكن ماتتخيلوهاش حفاظة كيما كنا بكري نحفظوا في الزاوية، تشد المصحف ولا اللوحة وتبدا تكرر 🥲، بالنسبة ليا هذي افشل طريقة قادر تقرا بيها أو تلحق بيها ، ماشي ديما نديروها سعاااات فقط !!!!

الحفاظة فالطب هي تلك الكلمة لي من لي تدخل بروميار ونتا تسمعها ( روكوشي مليح )،
هي تعاود تقرا الكور وتعرض مخك وذاكرتك لنفس المعلومات على عدة مرات متباعدة على بعضاها ، باه تترسخ فالذاكرة كل ما تروكوشي راهي فالفايدة ، هذي هي الحفاظة فالميدسين عموما .
الشيء لي يقدر يعاونكم هو les stages ،les simulations حاجة كي تقراها مليح تبراتيكيها ولا تشوفها قدامك باه تترسخ وتتذكرها .
او تقري صحابك مثلا قريت كور صاحبك ماقراهش , قريهولو فهمو فيه , تربح على مرتين تعاون صاحبك تسهل عليه .. اتوماتيكيا تلقى روحك تركز فالشرح على الحوايج المهمة ولي لازم يهزهم، ومن جهة تعاود تريفيزي يعني أجر ومنفعة .

كل واحد وطريقته ولكن كونوا فعالين في قرايتكم وخدمتكم اعرفوا تسيبليو على للعفايس المهمة لي تخليكم تصنعون الفارق

بالتوفيق لكم جميعا يومكم طيب 🤍
#echomed✍🏻 by Marwa

❤15🥰2

508 viewsedited 08:39