හලාවත Hospital එකේ ළමා ඒකකයේ රෝගීන්ට සහ එහි සිටින ‍ය කාර්ය මණ්ඩලය වෙනුවෙන් සුළු දැනුම්දීමකින් පැය හතරක වගේ කාලයක් ඇතුළත වතුර බෝතල් දහසකට වැඩි ප්‍රමාණයක් එකතු කිරීමට Team ECHEM අපිට හැකි වුනා.

අද උදෑසන ඒ වතුර තොගය කටුනායක ගුවන් හමුදා කඳවුර වෙත බාරදෙනු ලැබුවා. එම භාණ්ඩ අද ගුවන් මඟින් හලාවත රෝහල වෙත බාර දීමට නියමිතයි.

මේ සඳහා ඉතා සුළු දැනුම්දීමකින් රාත්‍රී 12 වගේ වෙලාවක වුණත් අවශ්‍ය දේවල් ගන්න පුළුවන් තැන් බලලා අපිව දැනුවත් කරපු අපේ ළමයි සියලුම දෙනාටත්, නන් අයුරින් සහය දැක්වූ සියළුම දෙනාටත් ස්තූතියි.

ඊයේ මහ රෑ ආව පණිවිඩයක් නිසා අවශ්‍ය මූලිකම දේවල් ටික විතරයි අපිට හොයාගන්න පුළුවන් වුණේ. තව ගොඩක් ද්‍රව්‍ය රෝහල් වලට සහ මේ වෙලාවේ අසරණ වෙලා ඉන්න පවුල් වෙනුවෙන් දෙන්න අපි වැඩ සකස් කරගෙන යන ගමන්.

ඒ තැන් වලට වඩාත්ම අවශ්‍ය දේවල් ලැයිස්තුවක් පහළ තියෙනවා. අපි ඒවා එක්‍ රැස් කරන ගමන්. ඊට අමතරව ළමයින්ටත් මේ දේවල් වලට දායක වෙන්න පුළුවන් නම්, මේ වෙලාවේ ඉඳලා ECHEM ප්‍රධාන කාර්යාලයට ගෙනැවිත් ඒ දේවල් දෙන්න පුළුවන්. ඒ සියලුම දේවල් ගුවන් හමුදාව හරහා අවශ්‍ය තැන් වලට යොමු කරන්න අපි සූදානම්.

අත්‍යාවශ්‍ය ද්‍රව්‍ය

1. පානිය ජල බෝතල්
2. බිස්කට්
3. ස්නැක්ස්
4. කල්තබාගත හැකි කිරි ආහාර
4. ළදරු පැම්පස්
5. වැඩිහිටි පැම්පස්
6. අළුත් ඇඳුම්
7. Emergency Lamp

මේ වගේ දේවල් පුළුවන් නම් අපිට ගෙනල්ල දෙන්න.

ප්‍රධාන කාර්යාලය - https://share.google/gIRDq1z8jKCmbEaec

වැඩි විස්තර සඳහා - 0728791833 (හන්ස)

අමිල දසනායක and ECHEM team

ඕනම වෙලාවට ඉදිරිපත්වෙන අපේ ළමයින්ට ස්තුතියි❤️

මේ වෙනකන් කිසිම විදිහකින් යන්න බැරිව තිබුණ පැති වලට දැන් ටික ටික අවශ්‍ය දේවල් යවන්න පුළුවන් තත්ත්වයක් ඇවිත් තියෙනවා ළමයි. අපි බලන්නේ පුළුවන් තරම් ඒ පැති වලට අවශ්‍ය දේවල් මෙහෙන් යවන්න. ගංවතුර නතර වෙලා තිබුණත් කැඩුණු නළජල පද්ධති, අපවිත්‍ර වුණ ළිං නිසා තවමත් පිරිසිදු වතුර අවශ්‍යතාවය ඉතාම තදින් තියෙනවා.

මේ වෙනකොට ගොඩක් තැන් වල වතුර ඉවර නිසා මිලදීගන්න තැන් හොය හොය යද්දී අපේම පන්තියේ 2025 batch එකේ ළමයෙක්ගෙන් අපිට Call එකක් ආවා බෝතල් තවත් ප්‍රමාණයක් ලබා දෙන්න එයාට පුළුවන් කියන එක.

ඊයේ මහ රෑ පටන් අරන් අද පාන්දර 5 වෙනකොට Team එකේ අය සහ ඒ ළමයාගේ පවුලේ අයගේ මහන්සිය එක්ක අපිට පුළුවන් වුණා වතුර ලීටර 3700කට වැඩි ප්‍රමාණයක් එකතු කරගන්න. (ඒ දරුවාගේ විශේෂ ඉල්ලීම මත නම් සඳහන් කිරීමෙන් වැළකී ඉන්නවා. එළිපිට පේන්න නැති එහෙම නමක්වත් නොකියන උදව් කරන මිනිස්සු පුදුම ප්‍රමාණයක් ඉන්නවා.)

අපි මේක දිගටම කරගෙන යනවා. හිස් වතුර බෝතල් ඕනෙම ප්‍රමාණයක් දුන්නොත් පුරවලා අපිට ලබා දෙන්න ඒ ළමයා ඉදිරිපත් වෙලා තියෙනවා. අපි හිස් වතුර බෝතල් මිලදී අරගෙන එයාට දීලා එයාලා හරහා පවිත්‍ර කරපු වතුර පුරවගෙන තවමත් ආධාර අඩුවෙන් ලැබිලා තියෙන පැති වලට පුළුවන් උපරිම ප්‍රමාණයක් යවන එක තමයි අපේ සැලැස්ම.

ළමයි අපිට කරන්න බැරි දෙයක් නෑ. පොඩි පොඩි Actions වලින් මහා ලොකු වෙනසක් කරන්න සමහර විට අපිට පුළුවන්.

ඔයාලට පුළුවන් ඕනෙම විදියකින් මේ වෙලාවේ අනෙකාට උදව්කරමු. රාජගිරිය ECEHM Collection Center එකේ අපි ඉන්නවා පැය 24ම. කරන්න පුළුවන් උදව් තියෙනවා නම් අපිට කතා කරන්න.

Contact - 0728791833 (හංස)

ප්‍රධාන කාර්යාලය - https://share.google/gIRDq1z8jKCmbEaec

ECHEM team