යුපුන් අබේකෝන්ගේ facebook සටහනක්...

හදිස්සියේ දැකපු මේ ෆොටෝ එක මාව අවුරුදු 10 ක් ආපස්සට අරගෙන ගියා ❤️

ආපහු මතක් කරලා බලද්දී මේ රේස් එක තමයි මං අද ඉන්න තැනට එන්න පලවෙනි කොළ එළිය🚦 දුන්නේ. මේ රේස් එක මට ගොඩක් වැදගත් ඒ තරමටම. ඒකට හේතුව තුන්පිම්ම මගේ ප්‍රධාන ඉසව්ව වෙලා තියනකොට මම 100M , 200M ඉසව් කලේ නෑ. ඒත් රිලේ කානිවල් , ශ්‍රීමත් ජෝන් ටාර්බට් වගේ තරගාවලි වල මගේ ඉස්කෝලෙට ශූරතාවය ගන්න මට 100M x 4 , 200M x 4 ,400M X 4 සහ මෙඩ්ලි රිලේ වලට සහභාගි වෙන්න උනා. ඉස්කෝලේ මළල ක්‍රීඩාව භාරව උන්න නාලක ප්‍රසන්න සර් තමයි මාව එතෙන්ට යොමු කලේ. රිලේ රේස් දුවන්න ඕනි නිසාම මගේ කෝච් චමින්ද සම්පත් සර් මට ස්ප්‍රින්ටින් ට්‍රේනින් වැඩිපුර කලා කලින්ටත් වඩා. ඒත් මගේ තුන්පිම්ම ප්‍රධාන ඉසව්ව වෙනස් උනේ නෑ.

2013 අවුරුද්ද තමයි හැමදේම වෙනස් කරන්න මුල් උන අවුරුද්ද උනේ. මම පලවෙනි වතාවට 100M , 200M පළාත් තරග වලින් දිනනවා. ඊට පස්සේ තමයි පළවෙනි වතාවට ඒ ඉසව් දෙකෙන් ජාතික පාසල් තරග වලට සහභාගි වෙන්නේ. එතනදී මට මූණ දෙන්න උනේ 100M , 200M තමන්ගේ ප්‍රධාන ඉසව් කරගත්තු ක්‍රීඩකයින්ට. ඒ එක්කම ඒ ඉසව් වල කිසිම ජාතික පාසල් මට්ටමේ තරග අත්දැකීමක් නැතුව 100M , 200M ට සහභාගි වෙන එක ගොඩක් ලොකු අභියෝගයක් උනා. ඒත් හිතේ තිබ්බේ ෆයිනල් දුවලා පලවෙනි 6 දෙනා ඇතුලට ඇවිල්ලා ඉස්කෝලෙට එක ලකුණක් හරි ශූරතාවය දිනන්න අරන් දෙන එක ගැන විතරයි.

කොහොම හරි ජාතික පාසල් තරගාවලිය ඉවර වෙද්දී
100M - 3rd ,
200M - 1st
තුන්පිම්ම - 1st
100M x 4 - 2nd
400M x 4 - 1st 😅😉

මේ ෆොටෝ එක 100M අවසාන තරගේ ගත්ත එකක්.

එදා පළවෙනියා කොලඹ සාන්ත පීතර කොලේජ් එකේ මලික් ඛාන්. දෙවෙනියා නුවර සිල්වෙස්ටර් කොලේජ් එකේ තරිඳු. මම තුන්වෙනියා. එදා තුන්වෙනියා වෙලා කවදාවත් හිතුවේ නෑ අද මේ ඉන්න තැනට එන්න පුලුවන් වෙයි කියලා. හිතන්න ඒ තරම් ලොකු කැපෑසිටි එකක් තිබ්බෙත් නෑ.

මේක කියවන ඔයා ක්‍රීඩා කරන කෙනෙක් හරි ඉගෙන ගන්න කෙනෙක් හරි මොනම වෘත්තියක කෙනෙක් උනත් අද ඉන්න තැන ගැන හිතලා දුක් වෙන්න එපා. පටන් ගැන්ම පොඩි වෙන්න පුලුවන් ඒත් ඔයා දන්නේ නෑ තව අවුරුදු 5 කින් 10 කින් ඉන්නේ මොන තැනද කියන එක. කරන්න තියෙන්නේ මහන්සි වෙලා තමන්ගේ ඉලක්ක වලට යන එක විතරයි. කරන දේ හරියට කරන්න උත්සාහ කරන්න , කැප කිරීම් කරන්න බැරි නම් කවදාවත් තමන්ගේ ඉලක්කවලට යන්න බෑ. ඒ නිසා අද මහන්සි වෙන්න හෙට දවස සාර්ථක කරගන්න.

ඉතිරි කතා මතුවට...

ජය ❤️