قام الصلاة
المؤذن مستقصدني

دا سؤال ولا إجابة ولا ايه بالظبط

لو عشان الصلاة أقيمت وأنا بسجل الريكورد فأنا كنت طالع من الباب والمسجد جنب البيت والحمد لله صليت فالصف الأول
وأنا مبصليش فالبيت طبعا الحمد لله ودا الطبيعي لأي رجل مسلم.

لو سؤال بقى فالصلاة في المسجد فيها كلام كتير بداية من انها سنة مؤكدة ودا أغلب المذاهب إلى انها فرض عند الحنابلة
ولكن أنا بمشي بحديث النبي صلى الله عليه وسلم لما جاءه الأعمى يستأذن ليصلي فالبيت فقال له النبي "تسمع النداء إذًا فأجب"
وطالما الأعمى لم يؤذن له فأكيد احنا مش هيؤذن لنا واحنا بكامل صحتنا
+ إن الصلاة فجماعة تفرق عن صلاة الفرد ٢٦ درجة ودا لوحده كافي للإنسان عشان يصلي جماعة وكمان أجواء المسجد والجماعة حلوة ومشجعة

الصلاة في المسجد للرجال لا غنى عنها ولا تنازل أما النساء فغرفتها أولى بها 🫡

لا بصلي فوق السطح
طراوة وكدا

قُم 🔪

حصنكم

قال الله تعالى:
وَلَا تُلْقُوا بِأَيْدِيكُمْ إِلَى التَّهْلُكَةِ
يعني متهلكش نفسك ماديا أو معنويا أو تسيب نفسك لمكان أو شخص يأذيها طالما تقدر تبعد.

لو الرسايل دي مقصود بيها شغل معين أو فترة تدريب أو كلية فالحل هو إقناع النفس إن دي فترة وهتعدي وإنك مش مطلوب منك تتأقلم ولا يتم قبولك ولا تكون صداقات كتيرة ولا أي كلام من دا
مطلوب منك تقتنع إن بمجرد نهاية الفترة دي هتنتهي المعاناه دي بس أنت موجود هناك عشان هدف معين فقط.

لكن لو كان المقصود هنا أشخاص أو شخص معين مؤذي بالنسبالك وأنت لسه قاعد فالمكان يبقى أنت كدا بتظلم نفسك وبتبوظ حياتك بأيدك لأن مفيش حد يستاهل إنك تتحمل أذاه لمجرد إنك عايز وجوده أو تعودت على وجوده فبالتالي مضطر تتحمل كل اللي بيعمله عشان ميمشيش ،لا يمشي في ستين داهية المهم أنت.

فكرة ضعف الاستحقاق اللي كاتب/ة الرسالة دي حاسس بيها هي فكرة سيئة جدا وفيها تأقلم للعقل إنه/ا لا تستحق أفضل من كدا ولا تستحق قبول واهتمام وحب وتقدير ،فكرة إن مفيش بديل أو مفيش حاجة زي كدا تاني ولو بعدت مش هلاقي وووو...

لكن الواقع يقول عكس ذلك
الواقع يقول أنك تستحق
أنت مُقدر بدون شروط أو تقديم مقابل
أنت تُحب لأنك أنت
لا تتنازل ليتم قبولك
ولا تبقى في مكان لا يُقدر وجودك ما دمت لست مضطرًا لأجل منفعتك المستقبلية

بعض الحلول:
أي فكرة تكبر في دماغك دونها في ورقة واقرأها هتحس إنها صغيرة وبسيطة بإذن الله
كل ما تفتكر ثقل المكان أو عدم قبولك ذكر نفسك بأنه فترة وسوف تمر بإذن الله
ولو الموضوع نفسي اسأل نفسك سؤال هل بعد ٥ سنوات مثلا الموضوع دا هيكون مؤثر في حياتي؟ الإجابة لأ يبقى لا يستحق التفكير دلوقت

لو الموضوع مرتبط بشخص
أول حاجة لازم تقتنع انه لا يستحقك سواء كان صديق أو خطيب أو قريب أو أو...
تاني حاجة تعرف انك تستحق شخص أفضل في حياتك وانت مش مجبر على هذا
ثالثا اقطع التواصل تمام من كل مكان والغي أي متابعة من أي نوع في أي مكان يعني متخليش حاجة تفكرك
رابعا شوف بقى أشخاص يستحقوا وجودك ويستحقوا الاهتمام والتقدير والعطاء بتاعك
خامسا أوعى تتأمل تغيير في المكان دا أو الشخص دا اعتبره مات وعيش حياتك بناءا على كدا
سادسا اكتب الحاجات المؤذية اللي عملها الشخص دا عشان لو فكرت تخيب تبص عليها بس وتثبت على موقفك
سابعا وأخيرا خليك عارف إن في دايما ناس حلوة وناس تحبك وتقدرك وتهتم بأمرك ناس تقبلك بدون شروط وتحسسك إنك غالي فعلا ولما تلاقي الناس دي أوعى تزعلهم بقى.🤍

وكن مع الذين تنضر روحك بوجودهم

جميل ❤️

حصنكم 🖤

جاهزين لأهم فيديو هتشوفوه في حياتكم قبل يوم عرفة؟

"كتالوج يوم عرفة"

دا في نظري أهم فيديو ممكن تشوفه في حياتك عن يوم عرفة لأنه بيشرحلك هتعمل ايه بالظبط وامتى بالتحديد وحاجة في قمة الجمال والروعة ❤️

الفيديو دا لما تشوفه ابعته للناس اللي بتحبها من قلبك واللي انت نفسك انهم يستغلوا يوم عرفة أفضل استغلال وكمان شاركه في أي مكان تقدر تنشر فيه الخير لعل شخص يعمل بيه وتاخد انت الأجر العظيم دا بسببه 🤍

لا تجعل الخير يتوقف عندك وقول لنفسك أنا مش هكون آخر شخص يشوف الفيديو دا لازم تبعته لحد حتى لو شخص واحد بس بتحبه وبتحبله الخير 🌹

صباحو

اعتبر يوم عرفة دا غُرفة كبيرة واعتبر دقايق اليوم دي قطع دهب ومسموحلك تاخد اللي انت عايزه براحتك هل هتسيب قطعة دهب؟ لأ طبعا تبقى غبي
يبقى احنا مش هنضيع ولا دقيقة يوم عرفة ولا لحظة بإذن الله فاعمل استعداداتك من دلوقت عشان من مغرب النهاردة هتبدأ ليلة اليوم القادم ولازم الليلة دي تاخد نصيبها برضو.

أنا فاكر الفيديو دا بعتهولي صديقي العام قبل الماضي وحاولت أعمل الكلام اللي فيه ومن مش ناسيه وبعته السنة اللي فاتت ومستني يوم عرفة السنادي عشان أبعته لكم وكلها أجور في ميزان حسنات اللي يشاركه ❤️
سبحان الله العظيم تخيلوا كم الأجور اللي صاحبي خدها أو هياخدها أو كم الأجور اللي هياخدها الشخص اللي بعته لصاحبي أو كم الأجور اللي هياخدها الشيخ اللي في الفيديو دا جزاه الله خير.

تجارة مع الله رابحة بإذن الله 🤍

I will share the message as it
so that you too can get the reward of anyone who fasts because of it.

صيام عرفة يكفر ذنوب سنة ماضية
وفي رواية أخرى ذنوب سنتين

مساؤوو

في نقطة مهمة كمان

أنا شاركت الفيديو في أماكن كتير بس نسيت مكان مهم جدا وهو العيلة أمي وأبي واخواتي ودا طبعا بيحصل كتير اننا بنكون غافلين عنهم للأسف.

وبما إن الأقربون أولى بالمعروف فأنت وأنتي لازم تسَمَّعُوا الفيديو دا للأسرة كبيرها وصغيرها وتحاولوا تتعاونوا في تنفيذ ما فيه مع بعض كدا ودول طبعا أهم من صحابك ومتابعينك وكل الناس لأن دول لحمك ودمك ها!

رَحِمَك أولى بالنصح يا ناصح 👋