#黃大仙 1840 黃大仙廣場被污染

#新蒲崗 1847 越秀門外 1EU停泊中 #手足報料

#立場 有啲參加者有 又有啲參加者冇 點解呢？🤔

#九龍灣 1900 九龍灣A出口 2橙衣 1 南亞人

#立場live 1903 開波！香港母親難得冇遲到，但一開聲就有痰

#手足報料 有償愛國 手快有手慢冇

#林奠首場社區對話

1. 對話唔會有實質結果，最期待嘅畫面都冇出現，因為大波驊同肥仔聰呢兩個最需要負上責任嘅人都冇出現。認同犯錯需要受罰，但冇人可以懲罰鄉黑同警察。特首係咪會為咗香港三萬名警察而犧牲香港市民？

2. 香港人冇停止過成立獨立調查委員會呢個訴求，原因係咩？律政司同警察係咪辦事不力先導致社會恐慌？

3. 係咪如中共所講會由深圳取代香港？港珠澳/大灣區係咪仲會有機遇？國泰港龍快運自願減薪並做計劃至出年三月，呢個環境下有冇方法保障航空業環境？

4. 上屆立會DQ風波：請問以後選舉會如何保證冇呢啲情況再出現？選舉主任仲會唔會跟程序做嘢？

5. 好多人對新屋嶺有疑問，有好多人想申請入去，好多香港人都唔夠資訊，政府可否提高透明度比市民知道示威者情況？去到咩程度政府先會承認監警會係廢？

6. 721: 點解會令市民受傷？邊個決策人需要負責？話咗警棍唔打頭，請警察遵守指引，唔好侮辱咗套制服，唔好草菅人命。點解唔公開831cctv?

#林奠首場社區對話

林奠回答
只要一國兩制實施落去，香港會有前景。法治係香港核心價值，市民同執法機關都要守法。冇容許執法機關不守法，但係機制入面有人不守法規，我地一視同仁，亦需要一個不受任何人影響嘅檢控同司法制度。對警察信任下跌係事實，好難解釋原因。希望透過對話加深大家理解。

唔係反對獨立調查委員會，但要考慮好多因素，希望可以一齊搵出真相。其實已經加強咗監警會嘅透明度同公信度（外援）。而家已經有超過1300份意見交咗比監警會，監警會會認真睇發生咩事。市民都認同警隊重要，亦受緊好大壓力。我地對所有人一視同仁，邊個違法違規，都會嚴肅跟進。

香港仲有優勢，請對香港市民有信心。一齊爭取番國際地位同認同。我唔會推責任，但而家有內憂外患，會繼續負責任解決風波。

#林奠首場社區對話

7. 知唔知點解你冇份去北京呀？係你因爲你管治無能，習總都恥與你為伍。唔好學港獨之父689玩語言偽術。冇編號點投訴？監警會冇調查權咁開嚟做乜？831點解唔交cctv?冇答到新屋嶺透明度呀解釋！

8. 點解唔可以監警會同獲立調查委員同時進行？點解決冇編號問題？點解200萬人出嚟嗰陣唔聽 而家先聽？

9. 建議委任退休法官同社會人士調查所有有關涉事議員及警察。其實好多部門都冇盡責，政府應該嚴正監察記者同發牌，特別係香港電台，出政府糧反政府。

10. 我地已經退無可退喇，每次記者問啲問題好有質素，你就一直退又迴避問題。咁嘅特首點會得倒大家支持？你話對所有人視同仁，你又會唔會同政商界講你得三分鐘？唔係我咁問完你再答。點解少少嘢就話侮辱人咁玻璃心？你去到避唔倒先嚟話同我對話，仲話人no stake in society，好hurt㗎。你只係一個好叻嘅從政人員，唔係一個好叻嘅從政者。你願唔願意比人公投？肯咪聽倒市民聲音囉。

#林奠首場社區對話

林鄭答
我好願意互動嘅，有試過十零人互動4-5小時。今日係首場對話，有咩需要改善一定會做。我參選口號係we connect，但未做到，希望可改善。我希望改善管治風格，我地係聆聽唔夠，所以比人感覺一意孤行。只要保持對每一位市民用心聽，唔好等浮哂面先做嘢，會喺未來日子努力做。

#灣仔 1939 伊館現場有少少衝突，剛才一個自稱記者嘅，不停四處拍人，點講都唔肯出示記者證，最後俾人圍之後出示了記者證，身份係政府新聞處處人員

#林奠首場社區對話

11. 以前細個見倒好多嘢都公平，但係到今日看似歌舞昇平，但每個星期出去都好擔心，唔知會唔會比人斬。政府係咪可以解決？相信政府成立獨立調查委員會，好多市民都會支持。希望林太可以回應哂五大訴求。

12. 關心冇旅客同污衊國旗國徽、出卷有仇警情緒、破壞中環站，以後香港經濟如何走？政府有咩方法解決呢種問題同點解決年輕人房屋同向上游嘅機會？

#林奠首場社區對話

林鄭答
沉默大多數發聲，我地一定願意聽。政府會負最大責任，一國兩制其實冇變質，但係有底線，呼籲大家尊重底線，保存我地擁抱嘅制度。

9月4號行動第四項已經邀請唔同學者獨立探究呢啲問題，搵出解決深層次問題嘅方向。

新屋嶺係拘留中心，唔係常設拘留地方。嗰次拘捕人數比較多，所以先啟用，而家已經冇用。其他對警方指控需要時間審視，交比監警會處理，每一件事都唔會放過。如果大家認為同百幾位人士傾唔夠嘅話，我會改善。

#林奠首場社區對話

13. 一國兩制唔係要融合變成一國，係咪偏重咗一國忽略咗兩制？你要換位思考乜係一國 乜係兩制。

14. 林太頭先話自己同市民disconnect，點解唔直接落去同伊館出面嘅示威者接觸？目前為止拘捕咗一千幾名示威者，有好多係小朋友同無辜市民，冇律師社工陪同下去警署。點解你寧願去探閘機唔探市民？橡膠子彈、海綿彈同水砲車其實好危險，而家每次出街都要諗，你點確保tg殘餘物係清潔好？點清晰交代有咩具體措施去重建信心同應付濫捕？

15. 政府帶我地行山又迷路，白衣人無差別攻擊市民，一直冇得到公義彰顯。某啲議員仲喺fb煽動仇恨，但竟然仲可以喺立法會入面。政府到底係咪做緊嘢？收政府錢就要幫政府講嘢而唔係講出真相，咁應該要解散。

16.721係轉捩點，721前，所有人對警察同黨鐵係冇咁大憎恨。嗰一晚我喺街上，著住黑衫，諗原來著黑衫會比人打，警察係會唔理，到而家都係冇人需要負責。其實元朗警署同元朗站係十分鐘距離，嗰晚之後對警察係失去哂信心。驚就唔好出街？你仲會掟催淚彈入嚟喎。你係咪真係可以彰顯公義，以佢地做嘢質素同效率，唔覺監警會做倒啲咩。

17. 市民價值觀比人歪曲得好勁，因為每日4點記者會嘅歪理。你似我老婆咁，煮咗碟嘢出嚟就一定要講好好食。你咁係解決唔倒件事㗎。唔好將政治問題放前線解決。我身邊有能力嘅人都諗緊移民，林女士唔該你正視。大仔話叫你放哂哥哥姐姐，佢得四歲。

18. 其實大家都知你話唔倒事，最後本人熱愛生命，唔會自殺。仲有，答我問題嗰陣唔好叫我朋友，我冇呢啲朋友。

19. 而家大家嬲係因為唔公道呀。如果係我選，都可以嬲自己揀錯。而家立法會係好唔公平咁選出嚟㗎。如果你真係為香港人謀取利益，我實支持你㗎，但而家淨係連新屋嶺入面啲人都唔知係點，我地已經唔信政府㗎喇。我勸你回轉，面對挑戰係難，放低權力都需要勇氣。警察可唔可以冷靜啲，唔好咁狠呀？

#林奠首場社區對話

林鄭答
我希望我地嘅青年人可以靜落嚟比我地聆聽佢地聲音。唔係推卸責任，但係真係要靜落嚟。過去兩星期暴力畫面係好難接受。我一直預期今晚焦點係獨立調查委員會，我地考慮咗好多因素後，認為比監警會做最好。監警會唔會拖，會喺六個月內提交報告，係公開嘅，到時候可以睇倒真相係點樣，我地仲請問獨立海外專家嚟。監警會近年都有唔接受警方解釋而做自己決定，希望大家可以接受監警會。

我係聽倒大家嘅聲音，但係我需要考慮好多因素先作出決定。我地有決心同責任感去解決社會嘅問題，無論係而家定以後，希望大家可以諒解。

#黃大仙 2030 睦鄰街公園/ 迴旋處 有1 EU

#彩虹 2020 彩雲邨上曉暉花園條路，一衝 AM8565，車上冇狗，手足返屋企小心埋伏 #手足報料

#灣仔 2040 有堆狗出左伊館門口, 現場市民呼籲空氣差, 帶返個口罩 #獨媒