#林鄭記者會

1635 林鄭與主要官員仍未露面 記者會原本係1630 開始

#林鄭記者會

1639 林鄭遲到九分鐘後入場 眾官員均有帶上口罩

#新蒲崗
1644 崇寧街向彩虹道方向一衝行駛

#林鄭記者會

林鄭月娥：
指揮中心已展開第三次會議，由年初一開始每日都有開會。我對網上大量謠言感到遺憾，例如有人話我作為行政長官用香港醫療機構協助大陸分流，簡直係荒謬，係冇可能發生嘅。而我對網上發佈假消息嘅人係表示譴責。
首先，管理疫情最重要係要管制兩地嘅人流，而最近25日26日通過關口有74%係香港人。對此內地政府同意暫停發出個人遊嘅簽證。西九高鐵站、紅磡直通車會暫停服務。空中航班往香港嘅班次減半，跨境渡輪班次都會減半。1月30日凌晨開始生效，直至另行通告。

#林鄭記者會

林鄭月娥：
其次，香港會配合內地，落實離境檢查體溫嘅措施。而關於醫院收費嘅問題，由於呢件事關乎公共衛生嘅問題，為免有人因為收費高昂而唔去醫院。但由即日開始，醫管局會開始向所有非符合資格人士收費。

#尖沙咀
1650 彌敦道清真寺對出 1衝1救護車 3藍衫落地

#林鄭記者會

林鄭月娥：
第三，我呼籲各位喺內地嘅香港市民立即返回香港，並留喺屋企14日再出門活動。

第四，關於滯留湖北嘅香港市民，政府一共收到107宗求助。

第五，關於喺香港嘅湖北人，一般拎簽證嚟香港嘅湖北人都係拎7日嘅簽證，相信數字會好快減少。

#新蒲崗
1655 大有街近匯豐1衝set road block

#林鄭記者會

林鄭月娥：
第六，最近設立嘅檢疫中心設施並非隔離營，係並非比病人入住嘅。但好遺憾地早前粉嶺暉明邨被人破壞，我哋唯有放棄使用暉明邨。而我哋都決定其他香港嘅公共屋邨係唔適合作為檢疫中心嘅。

第七，香港現時嘅口罩消毒用品嘅資源係相對緊張，但政府已經向全球搜羅緊。

#尖沙咀
1706 廣東道近連卡佛對出1衝 4藍衫落地抄牌

#林鄭記者會

陳肇始：
直到今日嘅中午12點，香港有8宗確診個案，而家大約有100名人士接受緊隔離治療。麥理浩夫人度假村已經啟用作檢疫中心，現時有31位緊密接觸者入住。

#林鄭記者會

高拔陞：
如果疫情繼續發展，就需要開展地區嘅指定診所，接待症狀輕微嘅患者。我哋會由聽日開始會開啟一條廿四小時嘅熱線，等市民致電查詢。

#秀茂坪
1715 康寧道 1籠 往觀塘方向行駛

#林鄭記者會

李家超：
我哋未來會加強兩地人流嘅管制。同會主動聯絡到訪過湖北市嘅人。

陳帆：
高鐵會喺30日嘅0時0點暫停服務，同時港鐵會進行西九站嘅清潔工作，將會因應情況關閉西九龍站。跨境巴士會因應唔同情況更變班次，請市民出行前留意巴士公司網站。中環同屯門客運碼頭都會喺30日嘅0時0點暫停服務，但澳門順德碼頭會維持有關操作。

#林鄭記者會

Q&A

Q：驚唔驚後日先關站會引大量大陸人喺呢兩日來港？點解唔全面封關？對訪港人士謊報病情有咩對策？

林鄭：
而家使用關口大部分都係香港人，而而家仲有好多香港人喺大陸，封關係咪代表我哋唔歡迎佢哋？所以而家一系列嘅措施已經好有效。你話驚有人謊報，咁我哋問詳細啲咪得囉。

陳帆：
因為高鐵不停武漢站而航班關閉，所以武漢人而家都係嚟唔到香港嘅。

#林鄭記者會

Q&A

Q：點解唔搵專車接香港人返香港，今晚就封站？我哋琴日返港嘅時候發現關口檢查都好隨便，啱啱嘅措施係咪真係有用？

林鄭：
冇一樣措施係百分百有用嘅，我成日話佢哋好似一塊瑞士芝士，一塊就有好多個窿，咁好多塊疊埋就會少啲窿囉。

陳帆：
高鐵線路嘅覆蓋點係好多嘅，香港人需要好多唔同方式返港，唔可以只用一種辦法接佢哋返嚟。

#屯門
1735深圳灣口岸20防暴 1衝1籠戒備

#旺角
1751 彌敦道正同仁大藥房 2軍裝進入

#林鄭記者會

Q&A

Q：之前話有28000人由內地來港，咁減半都係仲至少有10000人，咁到底防疫措施有冇用？林太對啲要求封關嘅政黨有咩睇法？係咪覺得佢哋唔夠客觀？而放棄用粉嶺暉明邨，係只係因為設施被破壞先棄用，定因爲聽取咗居民嘅意見先放棄？

林鄭：
都係嗰句，冇一個措施係達到百分百防疫效果嘅，除咗出入口管制，我哋仲有其他措施配合嘅。而暉明邨如果唔係被破壞得咁徹底，我哋都會盡力勸說居民嘅。所以我對呢啲黑衣暴徒嘅行為係極之憤怒，警方已經拘捕咗11人，而我哋一定會繼續查，將暴徒繩之於法。而家唔係人地叫我哋唔會做，我哋就唔做，因為我哋嘅行動係完全客觀。

#林鄭記者會

林鄭月娥：
最後，我哋今日公佈嘅措施對而家好多要上路嘅香港居民可能帶嚟不便，希望各位可以諒解，呢啲都係防疫工作中重要嘅一環。多謝大家。

===============================

林鄭記者會 完

===============================