#灣仔 2040 有堆狗出左伊館門口, 現場市民呼籲空氣差, 帶返個口罩 #獨媒

#林奠首場社區對話

20. 我帶住戰戰兢兢嘅心情過嚟，因為充滿警察佈防，驚有入冇出。市民一聽倒警察要嚟清場，對佢恐懼已經係超越政治立場。我睇唔倒政府對話會嘅誠意，由地點已經睇倒。警察已經變做政治工具，冇制度去監察警察。監警會冇約束力，只係搜集資料。所謂海外專家都話而家事態已經超出監警會範圍，其中一個人仲捲入醜聞。以往問責機制，係需要問責同下台，既然唔用，咁林女士不如取消個制度？

21. 你一直話監警會係恆之有效，而家收到千幾單投訴，由6月9到而家已經有咁多投訴，10月1之後會有更加多。事情解決速度追唔上投訴速度，問題只會愈嚟愈大。警察有法不依，係腐敗一種。政府唔做嘢，監警會又hea，警察又腐敗，作為一名熱愛香港嘅中年人，我又點面對？我又點接受同處理呢啲狀況去調整我道德觀同價值觀去接受你呢套新香港價值。我見倒4名黑衣耳機人，係咪我唔小心講錯嘢就會衝上嚟扑穿我個頭同比人捉去新屋嶺？仲有我買咗機票去韓國，唔會想自殺。

22. 我地唔知道政府係束手無策定有諗方法平息紛爭？提高透明度就唔會令市民人心惶惶。近岸填海同收地會比明日大嶼好，希望政府唔好傾斜資源去某一個年齡階層嘅人，有家庭嘅人更需要。我希望恢復中史科教育，政治唔應該同中小學學生講，老師都唔好灌輸個人政見比學生。我唔贊成政府無差別派錢，應該幫助中小企同失業人士。如果將所有責任交比警察，佢地會成為磨心，唔應該咁做。連儂牆由食環清拆會比警察好。本人係贊成反蒙面法，可以降低暴力程度。對話平台應該恆常化。

#灣仔 2044 據獨媒記者報道, 有隻狗曾經打市民,導致而家伊館外嘅市民鼓燥, 現場有狗拍攝 #獨媒

#林奠首場社區對話

23. 如果你想知道年輕人諗啲咩，建議你裝LIHKG，咁你就知道年輕人諗乜。另外想推介「香港城邦論」嘅書，今日發生嘅事已經喺本書度寫咗。「香港最大嘅問題係2047，係香港人身份認同嘅問題」。2047年嘅時候，林鄭你已經90歲，都應該唔關你事，但係我到時候先55歲。我地一直感受到嚟自中共方面嘅威脅，有好多嘢都比佢沾手，一國兩制被破壞，港獨只係假想敵，我支持一國兩制，我地自己搞得掂。

24. 你地覺得功能組別夠票，誰大誰惡誰正確。但今次強推法例嘅風波，冇人道歉冇人問責，淨係要人比機會。十一哥湯家驊6月15仲話社會出現紛亂，咁冇政治觸覺嘅人仲唔換咗佢。羅范講嘅嘢你淨係話佢自己負責，點解你唔譴責佢？721恐襲，影住警察同鄉黑閉門會議，點解冇警察搜佢身？我覺得好難接受警察選擇性執法，呢啲係有牌爛仔。監警會話冇清晰證據就唔受理，警察一直冇編號，點解你唔出個手令要求警察顯示編號？仲有你有冇諗住為張建宗平反下？願榮光歸香港！

#林奠首場社區對話

25. 大家有冇諗下身邊嘅人？政見唔同就鬧翻，係咪可以諗一諗示威成果係咪達到目標？政府今日呢個對話平台係咪真係達到目的？大家需要聆聽對方，我唔驚警察，但係驚黑衣帶口罩並叫囂嘅黑衣人。暴力唔可以解決問題。希望年輕人三思而後行。

#林奠首場社區對話

林鄭答
香港係屬於今日嘅年青人，所以政府係責無旁貸。同年青人同行係我地可以做到。香港自治就唔係一國兩制，違反法律係要承擔後果，所以點解五大訴求有啲嘢係做唔倒，對社會係冇好處。今日對話入面，唔能夠每一個都聽，每一個都做，但希望大家可以聆聽。主流同沉默嘅意見都要聽，呢啲對話一定會持續進行。

#灣仔 2104 伊館外崇德街龍心出沒 #手足報料

#灣仔 2112 譚臣道一籠滿狗

#銅鑼灣 2114 1架eu 由摩理臣山道轉入運動場道

#銅鑼灣 2118 摩理臣山道/崇德街有一豬滿狗

#灣仔 2118 一籠經灣仔道駛向摩理臣山道方向

#銅鑼灣 2121 伊館正門有過三百名市民守候

#林奠首場社區對話

26. 你要對話嘅對象係咪真係呢度嘅人？你會唔會認真改革制度同推行雙普選去有效聆聽同解決問題？與其關心個閘機，不如去睇下比tg同子彈摧殘嘅年青人。警察濫權濫捕你從來都冇理過。千五個被捕人士入面冇白衣人同褔建幫，但係你連FA都捉。

27. 我地唔想因爲咁上國際新聞，希望特首可以同中央講我地唔係搞港獨，只係想要民主自由，行一囚國兩制。

28. 林太已經錯過咗最好對話時機，今日都只係政治show。你比我地更清楚五大訴求，只係唔肯回應，唔好再講成立獨立調查委員會有一籃子因素要考慮。最後，可唔可以保障我地百五位人士可以平安番到屋企？

29. 其實我唔明點解你三個月都解決唔倒一件事。止暴制暴係咪等於以暴易暴？你又係咪會強推緊急法解決件事呢？

30. 你知唔知收回土地，地產商唔同意係可以上訴，可以搞十年八載，其實香港人已經等唔倒。出面都有好多示威者，其實你可以試下落去同佢地對話。政府對於市民被襲又可以做倒啲咩去保護市民？成立獨立調查委員會又點樣觸及底線？

#灣仔 2124 一籠經灣仔道駛向摩理臣山道方向

26. (補充) 我相同嘅問題問過你好多次，相同嘅答案都聽過好多次。如果你比唔到新嘅答案，我哋香港人點搵到新嘅方向。你係咪真係了解被拘捕嗰千五個人，你嘅對話對象唔係應該係啲仲喺臭格、男童院女童院、或者喺屋企等緊下一次上court嘅人咩？點解majority嘅市民都支持成立獨立調查委員會，你都可以唔理。雙普選入面，政治就係去做選擇，而政治體系就係去做選擇嘅一個工具，而喺而家同2014年2013年時個工具generate咗個公眾唔接受嘅答案，咁佢唔係壞咗咩？As a redeeming act, are you going to take an initiative and relaunching the political reform and give people universal suffrage, such that the political system can be fixed and answers a result more acceptable to the public can be generated in the future.

#灣仔 2125 有一隊約二十狗守喺灣仔帝盛酒店對出

#灣仔 2127 皇后大道東/灣仔帝盛酒店有兩條行車線被市民佔據

#林奠首場社區對話

林鄭答
其實和平示威係冇問題，但係近月暴力升級，已經嚴重影響咗好多人。今日好多人提到警隊，其實警察係唯一維持治安嘅機構，即使做得唔夠好，我地都應該用制度監察。

現時以暴制暴嘅行為需要停止，其實香港仲有好多深層次嘅問題需要解決，包括經濟同前途。