#林鄭月娥與一眾司局長會見傳媒

蘋果

https://www.facebook.com/hk.nextmedia/videos/407624566486179/

有線

https://www.facebook.com/icablenews/videos/480672432517447/

========================

#林鄭月娥與一眾司局長會見傳媒

本頻會文字直播

========================

#林鄭月娥與一眾司局長會見傳媒 仍未開始，但屏幕上出現「珍惜香港 停止暴力」字眼，引起在場記者嘩然。

1504 特首與司長到場

#九龍灣 1502 九龍灣大業街1衝

#林鄭月娥與一眾司局長會見傳媒

林鄭: 過去接近四個月示威，往往會演變成暴力事件，引致超過1100人受傷，包括超過300名警員受傷。市民都問香港係咪係仲係一個安全生活既地方。我地勸喻大家冷靜，支持警隊執法，減少對市民影響，係我地特區政府一貫工作目標。

我上個月提出咗四項行動，撤回逃犯條例，展開對話，尋求出路。同準備緊施政報告，仲邀請咗獨立學者探討深層次問題。

最近暴力事件遍地開花，令人嘩然。以往喺馬路投擲燃燒彈，到搞地鐵及一啲暴徒自己選定商店，仲攻擊唔同政見市民。仲攻擊警員，用致命武器，令警員喺冇選擇情況之下用佩槍。

有好多學生都出嚟，我地決定要學生唔好再使用暴力。我地唔會再坐視不理，今朝早我召開咗行政會議，決定引用緊急法推行禁蒙面法，於聽日凌晨馬上實施。

暴徒因蒙面而信心大增，所以決定推行禁蒙面法，我地都留意到社會上好多人支持。

#林鄭月娥與一眾司局長會見傳媒

我想大家理解，制定反蒙面法係一個困難決定。有四點：
1. 香港並未進入緊急狀態，只係我地認為社會上出現危害公安既情況，我相信冇人會質疑
2. 規例目的係制暴止亂
3. 目的係制止暴力行為，規例有豁免條款照顧有需要人士
4. 佢係一條附屬法例，先訂立，後審議，會喺立法會復議後交由立法會審議

我地呼籲廣大市民支持我地，將香港變番咗可以安居既香港。我同班子會繼續努力，為香港市民服務。

#林鄭月娥與一眾司局長會見傳媒

［英文recap，不另作文字直播］

#林鄭月娥與一眾司局長會見傳媒

李家超：喺過去接近四個月既暴力行為，我地發現佢地都係蒙面/遮面掩蓋自己身份，瘋狂襲擊警務人員

立法目的係：
1. 阻嚇蒙面下暴力行為
2. 協助搜證

禁止情況為:
1. 禁止50個人以上既集會/30個人以上既遊行，有通知警方及有不反對通知書
2. 禁止喺冇通知警方之下
3. 任何非法集會及暴亂
最高刑罰監禁一年/罰款25000

蒙面係指用面罩或其他可阻礙識別身份既方法，包括顏料。如果唔遵從警務人員要求除下面罩，都係犯罪，可監禁最高6個月。

#林鄭月娥與一眾司局長會見傳媒

鄭若驊: 政府已充分顧及言論自由、和平集會同私隠既權例。按終審法院原則：
1. 措施係咪為合法目的而做
2. 係咪同合法目的有關連
3. 係咪有相稱關係
4. 同個人利益有合理平衡點

我地係針對未有獲得不反通知書既集會同遊行，我地係為咗恢復社會和平，我地係阻止緊暴力人士消遙法外，協助警方調查，我地冇阻止市民參加集會權利，佢地仲可以參加和平合法集會。

政府有考慮到有需要人士要帶面罩，亦都取得平衡。禁蒙面法亦授權警方可以要求截停市民取下蒙面用具，核實市民身分，核實身份後可帶番面罩，冇損害市民權利。

#林鄭月娥與一眾司局長會見傳媒

問答環節
禁蒙面法其實無法解決社會狀況，係咪只係想打開緊急法呢個潘朵拉盒子？721點計？點幫助警方執法？

林：呢四個月示威以嚟，暴力不斷升級，作為負責任政府，需要慢慢調較。我地真係唔想香港有暴力，等情況惡化，再作出相應措施。制定禁蒙面法係一個唔容易既決定，同埋都好耐冇用緊急法。

我真係唔希望暴力繼續升級，唔希望見倒警務人員受到襲擊。即使我地訂立咗禁蒙面法，我希望立法會議員聆聽大眾聲音，唔好反對禁蒙面法。

李：蒙面導致身份難以確認，令身份有困難，香港過去25年示威都係和平，冇暴力發生。但係6月以嚟都有人蒙面，唔顧法紀。我相信絕大部分市民都係守法，如果有咗反蒙面法，大家都會守法番。

元朗事件，警方一直努力調查，你都見不停有人被捕。當中有人蒙面，有人唔蒙面，所以先咁慢。如果有蒙面法，就會快好多。警方會再努力。同埋案件已經進入司法程序，我地唔講太多。如果犯法既人冇蒙面，我地搜證會快好多。

財爺：我地絕對唔會實施外匯管制，佢係喺基本法入面寫明。

#林鄭月娥與一眾司局長會見傳媒

問答環節
緊急法先例一開，點說服外資香港地位依然獨特？記者出外採訪咁點算？

林：規例條文有提出豁免。我地好重視海內外投資，做咩工作都好，法治都好重要。今日香港公安被危害，影響營商環境。我地唔會用呢條條例去做一啲影響香港利益既事，只係想香港回復正常環境。

陳：我地見倒銀行體系好平穏，請大家對我地一直以來既監管要信心。雖然因內憂外患影響環境，但冇影響我地核心競爭力。只要暴力衝擊平靜，幫社會回復秩序，等市民出門安心。待事件平息，政府會盡力向外推廣香港，等佢地對我地有番一個全面既了解。

李：政府唔希望任何人因為任何事受傷，如果冇暴力發生，警察冇需要執法。暴力行為起因係因為暴徒使用暴力，警方用武力都係因為有暴力行為。外國有禁蒙面法好耐，我地參考番佢做法，相信對治安有幫助。禁蒙面法講明有幾個情況下可免除刑責：
1. 工作情況下有需要
2, 宗教原因
3. 醫學/健康理由

法例比咗權力法庭決定係咪構成合理辯解。

#林鄭月娥與一眾司局長會見傳媒

問答環節
（英文）有年輕示威者被槍擊，佢地要求成立獨立調查委員會同埋你下台。你會唔會做？

林：我頭先已經講過，我希望學校同家長一齊幫小朋友遠離暴力，立法都可以幫助。我落台都冇幫助，我同我既班子會繼續努力。立法可以幫助減少暴力情況。我地都開始咗對話。