#中環 1925 愛丁堡廣場有光復香港直幡，現場擠逼。集會人士正吶喊「光復香港，時代革命」、「five demands, not one less」等口號。

#中環 1935 大會表示由香港站前嚟已經爆滿，可以由龍和道進入

#中環 1926 愛丁堡廣場現場

#中環 1949 愛丁堡廣場集會開始

#中環 1957 現場有4-5台航拍機，空氣污染指數高，請各位手足上口罩保護自己。

#中環 2010 愛丁堡廣場全場起立默哀一分鐘

#中環 #愛丁堡集會現場 #不定時文字轉播

2014 李律師表示警察濫暴情況唔淨止喺新屋嶺發生，希望大家都可以關注下其他地方。

當晚由九點幾開始等到十二點幾先見倒第一名被捕者，之前多次要求都被拒絕，原因係因為得兩間房而有其他律師使用中。

李律師其實識得其他律師，其實佢地已經早就離開。李律師再要求一次見幾個被捕手足，警察再安排一間囚房，所以可見得兩間房可使用唔係事實。

律師提醒，被捕一刻唔好拎電話出嚟，要拒絕交出密碼。有警察可能會質問你、叫你證明電話係你，而家唔係要你證明部電話唔係你，而係佢地要證明部電話唔係你。你可以比電話號碼警察，要求佢打比你，但要注意係咪打完電話會自動解鎖。一定一定要記住至少一個人嘅電話號碼做求救之用。

記得你係有權保持緘默，但要記住「我冇嘢講」同「我唔知道」、「我唔清楚」係有分別；「我冇嘢講」唔淨止可以用於問答，亦都可以用喺搜身上面。要記得48小時雖然難捱，但要堅持，唔好比警方有機會指證你。

#中環 #愛丁堡集會現場 2029 幻彩fing香江無間斷上演中。大會呼籲鐳射筆唔好射上天，會影響飛機駕駛安全。

#手足投稿 手足呼籲 請睇睇☝🏻☝🏻☝🏻☝🏻☝🏻☝🏻

#鑽石山 2027 C出口有放映會

#中環 #愛丁堡集會現場 #不定時文字轉播

銀髮族分享☺️
新屋嶺曾經拘留過黃雀行動人士（1989年）及韓農（2005年），亦使用過拘留南亞裔非法入境者。

想提出：
1. 如果示威者受傷係喺拘捕時形成，如果唔馬上送院治理，其實會干犯延誤治療罪，係刑事罪行。
2. 如果係喺拘留期間形成，咁警察係觸犯酷刑罪，最高刑罰係終身監禁。

立法會議員話復會後會全力追究警員濫暴濫權問題，希望香港人可以一齊堅持落去。

#中環 2045 1 豬由中環碼頭駛去apple store 對出

#中環 摩天輪對出有1 eu

#中環 #愛丁堡集會現場 #不定時文字轉播

劉穎匡發言（觀塘遊行發起人，後被拘捕至新屋嶺）

8月24日遊行結束後正執捨物資離去嗰陣突然被捕，當時聽倒話：「如果你有啲長遮呀、伸縮警棍呀嗰啲嘢，拉硬你呀」。首先被拘留咗喺觀塘警署兩日，所有程序都完成哂，屋都搜埋。點知去到凌晨嗰陣，突然有警察叫佢地打包，搜多一次身，話要帶佢地走但冇告知地點。

當大家知係去新屋嶺嗰陣，大家心情都好低落，好似上刑場咁。估計係想嚇遊行人士，製造白色恐怖。同家人打完電話之後，上咗間黑色旅遊巴，去到一個伸手不見五指嘅地方。

新屋嶺係完全冇cctv，就算嗌救命都唔會有人理。其中一個倉房有一個鐘，但係係壞嘅，我永遠記得佢停喺十點十分。

林鄭話新屋嶺並非一個常設拘留中心，係因為拘捕人數太多先送去新屋嶺，但而家已經決定停用及關閉。當中有三個大話：
1. 8月28日狗招，有madam話新屋嶺係常設拘留中心
2. 811拘捕有五十幾人，但824只得17人。2014年拉咗5百幾人都唔洗去新屋嶺
3. 北區區民視察過，今朝1146仲有1eu喺文錦渡入新屋嶺，1149有1eu由新屋嶺駛出，咁叫關閉？