مساء الفل عليكم ❤️
يلا نكمل كلامنا بشكل عام عن سنة 4 الترم الاول
👈 الولادة 👉
- ان شاء الله اول ميديول هتبدوا بيه و الكلام فيه سهل و هتفهمه و هتبقي مستمتع جدا جدا بالمادة العلمية و هتحس انك بتاخد المعلومة كاملة و الصورة كامله قدامك عن المرض من اول شكوة المريض لحد العلاج و المحتوي نفسه مش صعب

- تدرسوا فيها جزء أمراض فترة الحمل ثم الولادة و امراض ما بعد الولادة

- طب ايه المشكلة مع الولادة انها كتير و بتتنسي بس كده عشان كده بظبط لكم نوتس فيها هتلم الدنيا معاكم بنسبة كبيرة بإذن الله تعالى

- و عشان تعالج النسيان ده لازم لازم لما تخلص المحاضرة تحل علي طول عشان تخبتر نفسك و ده هيثبت المعلومات بإذن الله عشان كده هتلاقي مذكرة اساله جاهزة من بدري قدر الإمكان

🚫 بالنسبة لي الغياب دكتور احمد فتحي مش بيهتم بالغياب سواء محاضرات او روندات بس اول اسبوع احضروا بس ك البداية و كده يعني 😂

🚫 هيبقي في يوم واحد حضوره مهم عشان امتحان osce بيبقي كل 20 واحد في يوم طول المديول و خلاص كده

- ده في ايجاز و لسه هنتكلم عن الولادة بالتفاصيل في كذا رسالة 🫡

------------------------------
👈 باطنة و جراحة 👉
- ايوه المديولين بيتشرحوا مع بعض بس كل ميديول امتحان منفصل عن المديول التاني

- ميديول حلو جدا باقل مذاكرة هتلم دراجات حلوة ان شاء الله و امره سهل

- يمكن اه عدد الورق كتير بس لما تجمع المهم و تشيل الحشو بيبقي الموضوع سهل

- ده اكتر ميديول محدش ذاكر فيه و اكتر ميديول عوضنا فيه الحمد لله

🚫 الجراحة لو الحضور اقل من 100 ساعتها هيخدوا غياب (كروندات او محاضرات) وان شاء الله متحصلش يعني و بيبقي فيه يوم هتحضره تشوف فيها حالات hernia مهم جدا عشان امتحان osce

🚫 الباطنة بيبقي في محاضرات في المدرج مهم ييقي فيه عدد حلو حاضر لرئيس القسم و بيبقي فيه 6 روندات في المستشفى عليها غياب و هم تحضرهم عشان امتحان osce

------------------------------
👈 اطفال 👉
- المحتوي سهل جدا و حتي المعلومات اللي فيه هتلقيك عارف حاجات منها و شرح القسم مهم جدا

- بقولها من بدري اهو اللي يقولك اسمع شرح دكتور من طنطا بيشرح نفسه المنهج قوله لا 😂 الا لو هتسمع للفهم بعد الكلية هتقولي ليه؟!

- عشان الامتحان ما هو الا زيادات زيادات زيادات بنسبة 50٪

- و الاهم ان اغلب شرح القسم كويس بنسبة كبيرة فاوعي تشتت نفسك

- يعني الأطفال حفظ زيادات و الكتاب و تبقي زي الفل المحاضرة بتبقي صغيرة مش كبيرة

🚫 بيبقي فيه محاضرات و رواندات في الكلية كل يوم من غير غياب و فيه 6 روندات لكل واحد في المستشفى فيهم غياب و طبعا مهمين لي osce

⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
1️⃣ اهم حاجة كله هيسال عليها الترم الاول و التاني بيخلصوا امته؟
⚡ الترم الاول⚡
اخر امتحان اند ميديول هيبقي في اواخر يناير وبعد كدا هتاخذوا اجازة نص السنة اجازة اسبوعين و بعدها هتبداوا الفاينل لمدة 3 اسابيع
⚡ الترم التاني⚡
هتبدوا علي طول بعد امتحانات الترم الاول و هتخلصوا علي اخر او نص 8

👈 ده المواعيد بشكل عام لحد ما يتحدد الاوقات عندكم ان شاء الله

2️⃣ بالنسبة لي الحضور المستشفى هنلبس ايه؟
البلطو عادي خالص و عاوز تسلم اسكراب عادي

3️⃣ بالنسبة ايه اللي هنحتاج نجيبه طول السنة ك ادوات؟
- سماعة في ميديول الباطنة الترم الاول
- مازوره اطفال '10 او 15 جنيه' في الأطفال
- هامر في ميديول الباطنة الترم التاني
- حاجات اختياري بقي جهاز ضغط و اسكراب

⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️

انا كده اتكلمت عن السنة بشكل عام عشان تبقوا عارفين داخلين علي ايه و من بعد كده اتكلم معاكم عن اول ميديول في السنة و هو الولادة و الباقي هتكلم معاكم فيه في وقته بقي ان شاء الله

#part_two
#نظام_سنة_4

مساء الفل يلا نبدا نتكلم عن اول ميديول معانا و هو ميديول الولادة
هتكلم معاكم في كذا رسالة عن كذا نقطة
النهارده هنتكلم عن القسم و المحاضرات و الروندات

🛑 القسم:
- رئيس القسم دكتور أحمد فتحي و هو اللي بيحط كل الامتحانات و المسؤول عن كل حاجة و سعات دكتور مصطفي القاني بيحط معاه في الامتحان

- دكتور احمد فتحي شرحه ممتاز جدا جدا و مش هتحتاج تسمع غيره و هتفهم و هتحب المحتوي جدا

- التواصل عن طريق مسؤول اللجنة العلمية بس و محدش يبعتله خالص ولا يعبتله اساله و يقولها حل السؤال ده و عموما متسالوش اي دكتور علي حل اي سؤال اصلا 😂

------------------------------
🛑 المحاضرات:
👈 يومين في الأسبوع في الاغلب اللي هيشرح دكتور احمد فتحي بس

👈 ديما في المحاضرات حاول تسمع فهيا دكتور احمد فتحي عشان هو اللي بيحط الامتحان زي ما قولنا
المحاضرات اللي مش هيرشحها السنادي تسمعوا شرح السنة اللي فات عادي خالص لدكتور احمد فتحي و من غير ما تسمع شرح السنادي عادي جدا

------------------------------
🛑 الروندات:
👈 لسه مش متحدد بس في الدفعة اللي كانت قبلي 4

👈 فيه حوالي 8 روندات عملي بجد
History
Examination
Us
Congenital anomalies
Doppler
CTG
Instrument

👈 بعد كده هيشرحوا لكم مواضيع نظري
- ممكن راوند بتشرح عندكم و ميتشرحش نظري ساعتها تعمل ايه؟
تدور علي شرح دكتور احمد فتحي ليه لو مفيش يبقي دكتور مصطفي القاني -

👈 احسن دكترة بيشرحوا في الروندات دكتور مصطفي القاني و دكتورة سارة و دكتورة زهراء لو في موضوع مش فاهمه نظري ممكن تسمع لحد منهم لما يشرحه

👈 غالبا هيبقي في يوم skill lab بعد المحاضرة و الراوند 'بتبقي ترتيب الأسماء كل يوم 20 واحد' هتشوفوا فيه الادوات و تشوفوا منيكان و ازاي تعملوا عليها Examination و ده هيعتمد عليه اغلب اساله osce
------------------------------

#part_three
#نظام_سنة_4

مساء الفل يلا نكمل كلامنا عن الولادة

🛑 المنهج:
- عبارة عن جزءين
1️⃣ اول جزء ازاي الحمل حصل و كل الامراض اللي ممكن تحصل في فترة الحمل و ده جزء سهل
👈 شرح دكتور احمد فتحي فيه جامد جدا و هتفهم منه كل حاجة ان شاء الله

2️⃣ تاني جزء و ده ازاي الست بتولد و كل و الأمراض اللي ممكن تحصل بعد الولادة زي حمى النفاس مثلا
👈 جزء الولادة شرح القسم حلو بس مش هتفهم اوي عشان الموضوع محتاج تخيل و صور كتير عشان كده هتسمع دكتور اسمه 'المندوه' شرح الجزء ده جامد جدا جدا في فيدوهات جامدة و مصور فيدوهات علي منيكان عشان تفهم الشرح و بتسمعه علي اتنين و هتفهم الدنيا كويس ان شاء الله
👈 جزء امراض ما بعد الولادة 3 او 4 محاضرات شرح دكتور احمد فتحي عادي

------------------------------
🛑 الشرح الخارجي:
لو مش فاهم موضوع معين من دكتور احمد او دكتور احمد مش شارحه اصلا و عاوز شرح خارجي يبقي دكتورة نادين شرحه حلو جدا و هتلم الدنيا معاك و شرحها قريب من عين شمس

------------------------------
🛑 مصدر المذاكرة:
👈 دكتور احمد مش عاوز يعمل كتاب خالص و ديما بيخيرنا بين كتابين اسكندرية و عين شمس
فانت اختاروا عين شمس علي طول😂
-عشان مباشر و سهل و التفاصيل فيه اصغر بكتير مم اسكندرية ده غير ان دكتور مصطفى القاني و دكتورة زهراء بيشرحوا زيه بنسبة كبيرة اوي-

👈 فيه مصدر هيبقي موجود في مكتبة دار الاطباء معملول فيه كل المحاضرات من ريكوردات دكتور احمد فتحي و ده افضل مصدر للمذاكرة 'معمول كمبيوتر و متظبط كويس' و دفعتي و دفعة 6 الحالية معتمدين عليه و ممتاز و هبقي اكلمكم عنه و تفاصيله كلها بعدين ان شاء الله و هيبقي متوفر من اول يوم في المكتبة

👈 فيه مصدر برضه تاني لدكتورة في سنة 5 قديم بس خط ايد منصحش بيه عشان كانت في سنتهم دكتور احمد محدد كتاب اسكندرية ففي محاضرات كاتبة زيادات من اسكندرية

👈 شايفك اللي هتقوله ما نذاكر من عين شمس و خلاص 🙊
- ترتيب شرح دكتور احمد مختلف عن عين شمس شوية و دكتور احمد بيقول تفاصيل و زيادات كتير عن الكتاب فده هيقرفك وانت بتاعه مع شرح

- عشان كده انسب حاجة تفريغات دار الاطباء الكمبيوتر و لسه هكلمكم عنها ان شاء الله
------------------------------
🛑 امتحانات القسم:
👈 زي ما قولت ان اغلب الامتحانات بيحطها دكتور احمد فتحي و سعات معاه دكتور مصطفى الثاني

👈 امتحان الاند ميديول '50 درجة' و الفانيل '70 درجة' بتبقي Mcq و بيبقي مغطى المنهج كله و بيبقي مركز علي مواضيع معين بيجي فيها كذا سؤال و مواضيع سؤال واحد - هبقي اقولكم عليهم أن شاء الله-
الاهم ان الامتحانين دول فوق 95٪ بيبقي من كلام دكتور احمد في الشرح و النسبة اللي فاضله هيجبها من كتاب عين شمس

👈 بالنسبة لي العملي ده بيبقي صور و عليها اساله زي ما متعودين جزء من روندات العملي 'اللي بتتشرح اول اسبوع' و جزء من النظري 'الامتحان ده بي 40 درجة' فامره سهل ان شاء الله

👈 بالنسبة لي امتحان osce بقي
ده بيبقي بي 15 درجة
بتسال فيه علي حاجات من الروندات العملي اللي قولنا عليها و كمان شوية اساله في النظري ك شفوي يعني
بس متقلقش منه خالص الدرجات فيه بتبقي حلوة جدا و دكتور احمد بيبقي مقدر ان ده اول شفوي لينا و كده و اقل درجة ممكن حد يخدها 11 ده اللي مش بيجاوب يعني
------------------------------
اظن كده ابقي غطيت كل حاجة محتاجين تعرفوها عن المديول و لو فيه اساله في الكومنتات و ارد عليها

#part_four
#نظام_سنة_4

مساء الفل عليكم ❤️
يلا اخر بوست و نبقي قفلنا كلام عن الولادة خالص كده

كنت مستني لو فيه اي اساله عن الولادة و اجمعها و ارد عليها بس كانت كلها عن المذكرات 😂

⚡المذكرات اللي هتبقي موجودة في دار الاطباء:

1️⃣ مذكرة فيها كل كلام دكتور احمد فتحي بالحرف

2️⃣ مذكرة زي اللي فوق بالظبط بس الفرق ان عليها كل اللي في عين شمس كمان ودي انسب مصدر ان شاء الله
-عشان بيبقي معاك كل اللي دكتور احمد بيقوله و بتذاكره و الكلام اللي في عين شمس و دكتور احمد مش بيقوله بيبقي مكتوب فتقراه بعد ما تذاكر و تبقي كده مأمن نفسك و لامم كل حاجة-
'الصراحة الفكرة دي الدكتور اللي عمل المذكرة عملها معانا في الترم الثاني و كانت حلو اوي و وفرت وقت'

3️⃣ مذكرة فيها محتوي روندات العملي اللي هم
History
Examination
Us
Congenital anomalies
Instruments
CTG
Doppler
و طبعا المواضيع اللي بتتشرح في العملي و هي نظري هتبقي موجوده في مذكرة النظري

4⃣ مذكرة نوتس و النقط المهمة من بدري عشان تلموا كل موضوع كويس اول باول ❤️🫡

5⃣ مذكرة اساله من عين شمس و امتحانات القديمة و كذا مصدر بقي متقسمه علي المحاضرات

👈 لما تبقي كل مذكرة تجهز هيبقي ليها رسالة بتفاصيلها بإذن الله ❤️🫡

👈 بكره او بعده ان شاء الله كام نصيحة كده عشان سنة 4 🫡
#part_five
#نظام_سنة_4

مساء الفل عليكم ❤️
الرسالة دي هتكلم معاكم فيها عن اغلب المشاكل اللي قابلتني في السنة دي و ازاي تعدوا منها قدر الإمكان ان شاء الله

1️⃣ اول حاجة النسيان و المذاكرة:

- ديما سواء هتحضر في الكلية او هتقضيها ريكوردات عاوزك تبقي سامع محاضرة كل يوم و يبقي عندك عنها فكرة و مظبط زياداتك فيها
'عشان لما تراكم عليك محاضرات كتير و تقول هلم في الاخر و خلاص اه هتقدر تلم بس دي هتبقي ضغطه و مع كتر الضغط هتتعب نفسك'

- الحل مهم جدا جدا جدا عشان تثبت المعلومات ديما حاول انك تخلص المحاضرة و تحل عليها علي طول

- النوتس ان شاء الله هعملها في كل ميديول من بدري عشان تراجع منها كل شوية المنهج
'خليها مصدر مراجعة معاك تراجع منه كل يوم هتقولي ازاي بقي؟!'

كل يوم بليل تقرا نوتس المحاضرات اللي بتتشرح يعني مثلا
* الحد هتقرا نوتس اول محاضرة
* الاتنين هتقرا نوتس المحاضرتين مع بعض
* الثلاث نوتس 3 محاضرات مع بعض و هكذا هكذا لحد ما تبقي الكلام ده خلاص ثابت معاك و حافظه كويس و لما تيجي تراجع قبل الامتحان هتلاقي الموضوع فارق معاك ان شاء الله ❤️
-----------------------------

2️⃣ بتخنق بسرعة من المذاكرة و بمل من الروتين و الخ.....

- ديما نوع في امكان المذاكرة عشان متزهقش من مكان و تحس انك مكسل تبدا
ذاكر شوية بره و شوية في الاوضة شوية علي السفرة و قضيها رحالة عادي خالص المهم تقعد تذاكر 😂

- نوع بين الشاي و القهوة و النسكافيه مع المذاكرة مرة غير و خد شوكولاته او ايسكريم

المهم لما تلاقي نفسك دخلت في الزون دي و انك مش عارف تذاكر تبتكر 😂😂
-----------------------------

3️⃣ السنة طويلة 11 شهر مستمر من غير اجازة ولا فسح:

-فخد مكافأة صغير كل الخميس او الجمعة من كل اسبوع اتجموا مع صحابكم و غيروا جو كده و فرفشوا ❤️😂

- اكبر مكافأة هي بعد نهاية كل ميديول فخلي اليوم ده يبقي مميز و تجرب في حاجات جديدة و تفرح نفسك بقي 😂
فابقي حوشله من اول كل ميديول بقي 😉
-----------------------------
👈 ده بقي الحل اللي لازم تعمله مع اي مشكلة تقابلك انك تدعي ربنا يسسرلك حالك و هتلاقي الدنيا ماشية معاك بكرم ربنا ❤️❤️
👈 قرب من ربنا ديما قدر الامكان و حافظ علي عباداتك و زودها كمان و كمان ❤️❤️

ان شاء الله تبقي سنة خفيفة عليكم و تعدي بسرعة ❤️❤️
-----------------------------

و دي اخر رسالة عن سنة رابعة كده
و حتي الان لسه اول ميديول ايه بالظبط مش متاكد لو طلع حاجة غير الولادة هنزلكم تفاصيلها علي طول ان شاء الله ❤️

بصوا لنص الكباية المليان لسه الاسبوع الجاي اجازة ❤️🥰

بليل هفهمكم الوضع ازاي و النظام ان شاء الله لو فيه تقسيم

اكيد في اساله كتير عندكم عشان تقسيمكم روندات هحاول اغطي اغلبها في الرسالة دي

1️⃣ الروندات و المحاضرات هتمشي ازاي ؟
💢الروندات💢
في الاول كده هتقسموا 3 روندات و كل رواند هيبقي ليه عدد محدد من الروندات كل اسبوع

- لو انت اطفال فهم 3 مرات في الأسبوع في المستشفى و عليهم غياب

- لو انت ولادة 4 مرات في الأسبوع و القسم مش بيركز اوي مع الغياب

- لو انت باطنة و جراحة الباطنة عندهم الغياب مهم طبعا و الجراحة مش بيركزوا اوي مع الغياب
عدد 3 باطنة واحد منهم في الكلية و اتنين في المستشفى و الجراحة اتنين

👈 طبعا عدد مرات الحضور 'دي كانت في السنة قبل اللي فاتت' بس ممكن يبقي اقل عشان عدد الدفعة كبير 'كل راوند 300 باين كده' فممكن الراوند نفسه ممكن يتقسم 3 او 4 مجاميع

'عشان عندنا السنة اللي فات كان كل مجموعة الراوند بتاع المستشفى 55 طالب'

💢 المحاضرات 💢
- دي بقي للدفعة كلها مع بعض
هيبقي يومين اطفال و يومين ولادة و ويوم جراحة و يوم باطنة

2️⃣ طب ليه الغياب هيبقي مهم؟
عشان لو غبت عدد معين هتدخل حاجة اسمها استيفه بمعني انك هتتحرم من امتحان اند راوند ده و هتحضر مع الراوند الجاي عدد محدد و بعدها تمتحن معاهم
لازم حضور فوق 75٪ باين مش عارف النسبة كام بالظبط

3⃣ طب كل واحد هيبقي في راوند؟
طبعا هو مش متحدده اوي يعني ممكن اي ترتيب فالاكيد لما الشؤون هيخلصوا التقسيمة هتعرفوا ساعتها
و دي تقسمية روندات السنة قبل اللي فات من دكتور عبدالله

4⃣ في اخر كل راوند همتحن ايه و علي ايه؟
👈 هتمتحن عادي عملي و اند ميديول و osce 'علي مريض مع شفوي'
استثناء بسيط ميديول الباطنة و الجراحة مفهوش امتحان اند ميديول خالص

👈 همتحن علي ايه؟
علي كل اللي اتشرحلك في الروندات + تبقي عارف المحاضرات اللي اتشرح في نفس الراوند

-يعني مثلا انت راوند اطفال و جه معاد اند راوند و كان اتشرح 10 محاضرات اطفال ،فالامتحان هيبقي علي اللي اتشرح طول الروندات و ممكن حاجات من المحاضرات اللي اتشرحت-

👈 طبعا كل قسم هيبقي مفهمك ايه اللي هيجي في امتحان اند راوند ساعتها

5⃣ مستوي الامتحانات بقي؟
- ده كل راوند و نصيبه و تعامل الطلبة مع الدكترة

- يعني لو حضور قليل و بتعملوا مشاكل هيبقي الامتحان صعب و حتي لو مكنتوش هتتقسموا اي حد هيعمل مشكلة مع اي قسم طول السنة الموضوع مش بيبقي لطيف

- فديما تكونوا كويسين مع الدكترة عشان تعدوا الدنيا بسلام

6⃣ امتحان الفاينل امته؟
هيبقي في الاخر خالص لكل الدفعة مع بعض بعد اجازة نص السنة و اول امتحان بيبقي ولادة

🛑 لو فيه اساله تاني اكتبوا في الكمنتات

🛑 بكره او بعده اقولكم تمشوا ازاي في كل ميديول و تفاصيل اكتر عن ميديول الاطفال و الباطنة و الجراحة ان شاء الله

كده اكمل شغل علي الملفات بروقان بقي 🙊😂

دلوقتي انتم مقسمين بس هتمتحنوا كل حاجة مع بعض عادي خالص

🚫 المحاضرات كلكم مع بعض في المدرج
يومين اطفال
يومين ولادة
يوم جراحة
يوم باطنة
- طول الترم علي نفس الوضع

🚫 الروندات متقسمين 3 و بيبقي في المستشفى
اول جروب مثلا ولادة
تاني جروب مثلا باطنة و جراحة
تالت جروب مثلا اطفال
- لمدة 6 اسابيع و بعدها تبدلوا مع بعض

🚫 الامتحانات
- هتاخدوا اجازة نص السنة اللي هي اخر شهر يناير و بعدها تمتحنوا فانيل و عملي كلكم مع بعض

- بالنسبة لاند ميديول زي ما نزل علي ميدكو
-----------------------------

🛑 النظام كده نوعا ما كويس عشان لو حطوا الفاينل و الاند ميديول مع بعض كده هيغطوا المنهج كله حرفيا و هيجيبوا اساله علي كل نقطه و احتمال ان يبقي فيه رتن و كيزز كمان ساعتها


'هتقولي ممكن يبقي في رتن في الاند ميديول هقولك عادي هيبقي علي كم بسيط و ارحم من المنهج كله و يا رب يبقي اختياري'

🛑 طبعا دكتور ابراهيم هو مدير البرنامج و المسؤول عن كل حاجة و هو بيحب الحضور فلازم الحضور يبقي كويس و هيمشي معاكم كل حاجة و الدنيا هتبقي كويسة ان شاء الله

مساء الفل عليكم ❤️
طبعا انا مش نسيكم بس كنت مستني كل حاجة تبقي اكيد عشان اكتب كل التفاصيل الاخيرة بقي 😂

كل الرسايل اللي فوق اتعدل زي الوضح الحالة
و ابقوا اقراي رسايل الولادة تاني عشان عدلتها بالوضع اللي هتشموا عليه كده

ان شاء الله النهارده هنزل رسالتين عن تفاصيل الاطفال و الباطنة ❤️🫡

يلا بسم الله الرحمن الرحيم ❤️❤️
في الرسالة دي هتكلم معاكم معاكم عن ميديول الاطفال

💢 القسم 💢
-دكتور اسامة هو رئيس القسم و بلاش اي حد يتواصل مع اي دكتور في القسم عشان متزعلوش اللجنة العلمية معاكم و هم اللي يسالوا الدكترة عشان القسم لو زعل بيرخم في الامتحانات و ده حصل معانا 😢

- القسم شرحه كويس نوعا ما في كام شابتر اللي الشرح فيهم مش حلو بس الكلام فيهم سهل

- هتلاقي اي دكتور يقولك احنا ملتزمين بالكتاب اوعي تصدق الزيادات مهمة جدا جدا جدا

- في شابتر endocrine دكتور محمد عبدالغفار بيقولكم في كل محاضرة ايه المهمة فيها و النقط دي اغلب الامتحان بتاعه كمان فركزوا معاه و شرحه تحفه كمان

- محاضرات دكتور اسامة هتلاقي في اجزاء بيعديها و مش بيشرحها هتقرها برضه و تعرف الكلام اللي بيعديه عشان سعات بيتسال فيه

- كل دكتور بيحط اساله علي اللي شرحه

💢 المحاضرات 💢
- يومين في الأسبوع

- محتوي المحاضرة صغيرة و سهل جدا و عدد الووق قليل

💢 الروندات 💢
- لسه عدد الروندات مش متحدد يعني
'بس كان 3 ايام في الدفعة اللي قبلي'

- 4 روندات بس اللي شرحهم محتوي عملي بجد 'دول اللي هتمتحن عليهم osceفي المستشفى'

- بعد كده هيبقي في روندات لشرح اجزاء نظري 'في كتاب النظري عادي'
في اجزاء منها بتتشرح تاني محاضرة و اجزاء لا
'المهم انك بتمتحن عليهم في امتحانات النظري'

💢 الامتحانات 💢
حاولوا يبقي كله اختياري تصحيح قسم الاطفال في الرتن وحش جدا 'عشان بيصححوا بالكلمة حرفيا'

- الاوسكي سهلة جدا مفيش فيه قلق يتلم في اقل من 10 ورقات باين

- الصور دي اغلبها من النظري و هيبقي ليها روندات او 3 دكتور اسامة بيوريكم كل اللي ممكن يجي

- اساله القسم مباشرة و سهلة و فيه اساله بتكرر كمان 😉
-----------------------------
🚫 الشرح الخارجي في دكتور ايمن من طنطا بيشرح نفس كتابنا بالظبط و شرحه حلو بس لو عاوز تسمعه تبقي سامع الكلية الاول و حاطط كل زياداتك😂

🚫 كتاب القسم كويس و كمان مهم عشان في كتاب عملي صغير كده فيه sheet انك تاخد history من عيان و مهم جدا جدا تعمله و تلمسه 'عشان عليه 10 درجات'
-هتعملوا ده امته القسم هيقولكم ساعتها-

🚫 ان شاء الله هيبقي في:
- مذكرة نوتس بكل المهم و زيادات السنة اللي فات + مذكرة اساله '' ده بعد 10 كده اكون خلصتهم ان شاء الله '
- ممكن ملف لي osce '' بس ده قبل وقت الامتحان مش من دلوقتي''
----------------------------
الخلاصة كل اللي انت محتاج تسمع المحاضرات و تكتب زيادات و تركز علي المهم و تضمن اغلب الدراجات ان شاء الله ❤️

اهم حاجة استعن ديما بالله و اوعي تخاف ولا تتوتر

يلا بسم الله الرحمن الرحيم ❤️❤️
في الرسالة دي هتكلم معاكم عن ميديول الباطنة git

💢 القسم 💢
- رئيس القسم دكتور حسن الباتع و دكتور ابراهيم عامر و الاتنين شرحهم بنسبة كبيرة كويسة و حلو
'مهم جدا جدا جدا تحضروا محاضراتهم عشان بيحبوا الحضور وتبينوا انكم مستفادين منهم و طبعا اكيد بلاش دوشة هتعملوا كده هيظبطوا معاكم الدنيا امتحانات حلوة كله'

- في كمان دكتور محمد حسين و دكتورة ايه كمان و بيشرحوا اجزاء اقل نوعا ما

💢 المحاضرات 💢
- محاضرة في الأسبوع

- المحاضرة عند القسم بتكون 3 سعات احيان و ممكن 3 دكترة يشرحوها كل واحد ساعة عادي خالص عشان متتخضوش

- اول محاضرة او 2 هيبقي عن
History, general, local examination
مش مهم تذكرها كفايا قرايه و كده كده هتتشرح في الروندات بالتفصيل

- المحاضرة تبان ان عدد الورق كتير بس الكلام فاضي جدا جدا جدا فمتقولش ايه الورق الكتير ده جرب بس اقراه كده هتعرف ان اغلبه اي كلام يعني و كده كده الدكترة بتركز علي المهم في الشرح

- و الكلام فيه كتير منه هيبقي مشترك مع الجراحة و معلومات انت عندك فكره عنها من ايام الباثو كمان

💢 الروندات 💢
- العدد مش متحدد لسه بس الدفعة اللي قبلي كانوا 3 باين

- هم كده كده 6 او 8 دول اللي فيها كل الفحص بالتفصيل و ده اللي هتعمل زيه في osce

💢 الامتحانات 💢
- بيبقي فيه فاينل (30 درجة) لو كويسين مع القسم هيجيبوا امتحان سهل و اساله بتكرر عادي و اختياري و صح و غلط

- الاند ميديول (20 درجة) بيبقي امتحان صور 'بتاخد الصور دي في الروندات و جزء بسيط في المحاضرات' يعتبر ده عملي الصور الوحيد اللي بيبقي صوره كتير في الترم كله

- osce (25 degree)
ده هتدخل كع دكتور يقوله اعملي اي فحص و بعدها سؤالين شفوي و شكرا و الدرجات فيها كويس متقلقوش
-----------------------------
🚫 فيه كتاب لي القسم و ده مصدر المذاكرة سواء عملي او نظري

🚫 طبعا كده كده الباطنة و الجراحة راوند واحد مع بعض 'بكره هكلمكم عن الجراحة ان شاء الله '

🚫 ان شاء الله هيبقي في:
- مذكرة نوتس بكل المهم + مذكرة اساله '' ده بعد 10 ايام كده اكون خلصتهم ان شاء الله '
- ممكن مذكزة لي osce '' بس ده قبل وقت الامتحان مش من دلوقتي''
----------------------------
الخلاصة تحضروا لي د ابراهيم و د حسن و الامتحان هيبقي مضمون ان شاء الله ❤️

سعر الكتب السنادي ان شاء الله
- الباطنة 260
- الأطفال 250
(كتب الباطنة و الاطفال في activity هيتسلم فيهم و عليهم درجات)
- كتاب وائل متولي اصلي 150
- عين شمس 200
- مذكرة تفريغات د احمد فتحي + عين شمس 130
- مذكرة تفريغات د احمد بس 85
(لسه بليل هقولكم تفاصيلهم اكتر ان شاء الله )

دي يا شباب القناة بتاع الدكتور اللي عامل مذكرة تفريغات الولادة
https://t.me/+PfQ6VLn3V0g2NTA0

عشان تتابعوا معه و ان شاء الله بليل او بكره هينزلكم رسالة بكل تفاصيل المذكرة

يلا بسم الله الرحمن الرحيم ❤️❤️
في الرسالة دي هتكلم معاكم عن اخر ميديول جراحة git

💢 القسم 💢
- رئيس القسم علي ما عرفت يعني بقي دكتور طه اسماعيل
'هو بيشرح محاضرتين في المنهج ده عن bile system فمهم تحضروا و ياخد انطباع كويس عنكم'

- باقي المنهج الدكترة في القسم بيشرحوه و الشرح نوعا ما كويس

💢 المحاضرات 💢
- هيبقي محاضرة في الأسبوع

- الوقت بيبقي ساعتين بالكتير اوي ده كان اكبر ريكورد يعني

- كمحتوي الكلام انت متداخل مع باطنة git و عندك خلفية من باثو git

- في اي محاضرة يتشرحلك سيبك من اي كلام عن امراض بتحصل في الاطفال
'كده كده هتخدوها في جراحة 5 الترم التاني'

- طبعا بيبقي في اول كل محاضرة اناتومي
'مش بيتركز عليه اوي يدوب تعرف اسماء blood supply و مش في اغلب المحاضرات كمان يعني'

- التركيز اكتر في جراحة git علي الأعراض و التشخيص بتاع كل مرض

💢 الروندات 💢
- كانوا 2 في الدفعة اللي قبلي باين

- هيتشرح فيهم ايه مش عارف الصراحة عشان ديما الجراحة مش بيعملوا روندات بس فيه راوند هيبقي مهم جدا جدا هتحضره فيه حالات لي hernia عشان osce

💢 الامتحانات 💢
- فاينل (30 درجة) بيبقي اختياري غالبا و الأسأله بتكرر

- الاند ميديول (20 درجة) بيبقي امتحان صور بتركز علي اجزاء معينه في المنهج
Hernia
Instruments
Operation (appendectomy & cholecystectomy)

- osce (25 degree)
و ده هتدخل تفحص حالة hernia و بعدها تتسال شفوي عن المحاضرة دي
'هبقي اجمع لكم كل الاساله اللي بتتسال فيها متقلقش'
-----------------------------
🚫 مصدر المذاكرة كتاب دكتور وائل متولي و سيبك خالص من الداتا عشان اللي بيحط الامتحان هو دكتور واحد في الاخر فعشان كده خليك مع كتاب د وائل و هو كويس جدا

🚫 اسمع مين لو مش فاهم في الكلية؟
- نصيحة مني اسمع د وهدان او د علي حسيب الاتنين بجد جامدين جدا جدا جدا جدا

'شايفك اللي هتقولي الفيدوهات كتير و الحق ده المحاضرة الواحدة في د وهدان شارحها في قد ايه
اوعي تركز مع الكلام ده الفيدوهات ل دكتور وهدان انت ممكن تجري اكتر من 2 و شرحه كويس جدا جدا'

- في محاضرات اصلا سهلة كمان ممكن تقراها لوحدك و تفهمها يعني

- محاضرة hernia بالذات اسمع دكتور وهدان فيها

🚫 ان شاء الله هيبقي في:
- مذكرة نوتس بكل المهم + مذكرة اساله '' ده بعد 15 ايام كده اكون خلصتهم ان شاء الله '
- ممكن مذكرة لي osce '' بس ده قبل وقت الامتحان مش من دلوقتي''
----------------------------
🚫 الخلاصة كده اهم حاجة تذاكرها كويس hernia دي عليها حوالي نص درجات الميديول اصلا، و خلوا دكتور طه ياخد انطباع كويس عندكم في المحاضرتين بتوعه
🚫 باقل مجهود تقدر تجيب تقدير عالي في الباطنة و الجراحة متقلقش

و كده اكون اتكلمت معاكم عن كل ميديول و تفاصيله فاضل اتكلم عن المذكرات كده

رسالة مثبتة لي متجمع فيها تفاصيل كل ميديول و مذكرات كل ميديول و اي تعديلات في كل المذكرات

🚫 رسايل عن السنة بشكل عام
Part one + part two

-----------------------------
1️⃣ تفاصيل ميديول الولادة
Part one + part two
نمشي ازاي في جزء labor

💢 المذكرات 💢
- تفاصيل و نصيحة لمذكزة الشرح
- تفاصيل مذكرات النوتس و العملي و الأسأله

👈 رسالة بكل تعديلات المذكرات

-----------------------------
2️⃣ تفاصيل ميديول الاطفال

💢 المذكرات 💢
- تفاصيل مذكرة النوتس و الأسأله

👈 رسالة بكل تعديلات مذكرات الاطفال

-----------------------------
3️⃣ تفاصيل ميديول الباطنة

💢 المذكرات 💢
- تفاصيل مذكرة نوتس و اساله

👈 رسالة بكل تعديلات مذكرة الباطنة

-----------------------------
4⃣ تفاصيل ميديول الجراحة

                💢 المذكرات 💢
- تفاصيل مذكرة النوتس و الأسأله

👈 رسالة بكل تعديلات مذكرات الجراحة

- الهرنيا نعمل فيها ايه + نصيحة
- توضيح نقطة في الهرنيا
-----------------------------

⚡ نصيحة بشكل عام للسنة
⚡ الحضور و المصادر
⚡ تفاصيل كل راوند نعمل فيه ايه

🚫 محتوي الاسبوع التاني
#easy_module
#esay_moudle_the_best_choice
#Semester_7

دلوقتي الرسالة دي عشان اللي تايه و مش مجمع المصادر و الحضور

1️⃣ الحضور نعمل فيه ايه؟
- اهم حاجة تحضر رونداتك اللي عليها غياب عشان الاستيفه

- و اهم محاضرات يبقي فيها عدد هي محاضرات رؤساء الاقسام
محاضرتين د طه
محاضرات دكتور اسامة في الاطفال
محاضرات د ابراهيم عامر و د حسن الباتع في الباطنة

و قدر الإمكان يبقي في حضور في المحاضرات يعني فوق 200 عشان لو العدد اقل من كده هيبقي في غياب

🚫 الجدول الوقت محطوط في زيادة اوي غالبا عشان لازم يتوزع عدد سعات معين في جدول الكلية
- المحاضرات اقصي حاجة كانت 3 سعات في قسم الباطنة اصلا
- الروندات اقصي راوند حضرته باين كان ساعة او ساعة ونص بالكتير اوي يعني

2️⃣ المصادر في المذاكرة ايه هي؟
- كتاب القسم في الباطنة
- كتاب القسم في الاطفال
- كتاب د وائل متولي في الجراحة
- مذكرة hand book في الولادة

'لو حد عاوز يجيب كتاب وائل او مذكرة الولادة موجودين دلوقتي في المكتبة'

🚫 في كل ميديول من دول هيبقي في مذكرة اساله و نوتس ان شاء الله

🚫 اللي خلص خلاص مذكرة اساله و نوتس و عملي في الولادة 'موجودين برضه في المكتبة خلاص'

اظن كده وضحت الدنيا في النقطتين دول

في الرسالة دي هكلمكم عن مذكرة الولادة و كل اللي سالتوني فيه

🚫 في الاول كده ده كان المصدر الأساسي اللي دفعتي و دفعة 6 حاليا و بيعتمدوا عليه و كان مصدر ممتاز جدا مكتوب كلمة كلمة زي دكتور احمد فتحي بالظبط

🚫 اظن خلاص الفرق بينهم الدكتور وضحه علي القناة
Obs lectures
Obs handbook
و بص علي محاضرة من كل واحدة منهم هنا
'لو اللينك مش بيفتح معاك اعمل join علي القناة دي
https://t.me/+PfQ6VLn3V0g2NTA0 '
------------------------------
- احسن حل hand book و عن تجربه في الترم التاني كان الدكتور عملها معانا في النسا و كانت تحفة ان كلام دكتور احمد فتحي قدامك و بتحدد معاه و هو بيشرح و بعدها تقرا باقي الكلام عشان تبقي عرفت الزيادة في عين شمس فالموضوع ده سهل كتير اوي الصراحة
'لو في موضوع مشرحوش دكتور احمد فتحي قبل كده، هتلقيه محطوط كامل من عين شمس'

- و كمان في hand book عندكم السنادي الدكتور كاتب كلمة عين شمس جنب كل اللي انضاف من عين شمس
------------------------------
- عين شمس في الولادة كبيرة اوي و فيه تفاصيل كتير دكتور احمد فتحي مش بيقولها عشان كده لما يتحط عين شمس علي التفريغات بيبقي عدد الورق كبير شويتين

- اي تفريغات د ميار دي؟!
دي تفريغات خط ايد لي كلام د احمد فتحي برضه فمفيش فرق بين تفريغات و تفريغات د ميار الاتنين واحد يعني 😂

- ايه صور المندوه دي؟!
دي صور في جزء normal labour في الpart التاني ان شاء الله
------------------------------
حاجة علي جنب كده الدكتور و هو بيعمل المذكرة سمع كل ريكوردات دكتور احمد فتحي الجديد عشان يضيف كل كلمة جديدة عشان يبقي المصدر كامل و وافي لكل كلمة 😉
-----------------------------
- بالنسبة لي مذكرة العملي دي مهمة يجيبها الاول الناس اللي عندها راوند ولادة الاول عشان يذاكروا منها

- مذكرة الأسأله من 5 مصادر متقسمه علي كل محاضرة و فيه عظمة فيها ان شاء الله قبل اول محاضرة ولادة اكون كتبت رسالة عن مذكرة النوتس و الاساله و العملي

و ربنا معاكم بكره في اول يوم دراسي و يعينكم علي الروندات دي كلها ❤️

بالنسبة لي محاضرة الجراحة النهارده hernia
لو مفهمتش من شرح الكلية فيلا علي شرح د وهان علي طول بقي
https://youtube.com/playlist?list=PLIZNmuBMEjaOX6670ut5RItraJT4wDBKF&si=qJaBGzZQT0DJNoKX

🚫 هتنفع معاكم في النظري و العملي كمان و كان الشرح ممتاز
هتلاقي في صفحة 224 عن الطبقات مش مهمة تعرف الاسماء و بس كده

🚫 اهم حاجة تبقي عارف كويس انواع و مضاعفات hernia

🚫 هتلاقي دكتور وهدان بيشرح و بيتكلم كتير عن العلاج مش مهم اوي يعني اكتفي باللي في كتاب دكتور وائل

🚫 اللي اتشرح النهارده اول 9 فيديو اوعي تتخض كل واحد منهم 20 او 30 دقيقة بالكتير اوي و هتسمعه علي 2 و هتبقي عاوز تسرع كمان متقلقش

ربنا معاكم يا شباب ❤️❤️

#جراحة

محتوي الاسبوع الاول

السبت جراحة

Hernia
النصحية دي للهارنيا كلها مرة واحدة يعني

زي ما اتفقنا هتسمع د وهدان و هيظبط معاك الدنيا اوي ان شاء الله
🚫 ركز كويس اوي علي
- Content & special content
- boundaries & content of Inguinal canal
- basselbach triangle
- كل هارنيا طالعة منين بالظبط مهم اوي
- most common Hernia is oblique in male or female

🚫 تركيزك الاكبر علي Inguinal Hernia
⚡️ ممكن تقسم الهرنيا ك سماع فيدوهات علي مرتين او 3 عادي و سرع علي 2 و هتظبطها كويس اوي ان شاء الله 🫡

الحد باطنة

General & Local examination
ده كلام كله عملي مش هنذاكره نظري خالص فانت بتحضر و تقرا الكلام وخلاص يعني

اتنين ولادة

Physiology of conception

- المحاضرة كبيرة نوعا ما بس مش بيجي فيها اساله كتير اخرها سؤالين في الامتحان

🚫 اهم الحاجات اللي لازم تاكد عليها
- MC sit of fertilization is
ampulla
- organism can affect pregnancy
- HCG
- fetal circulation

ثلاث اطفال

Growth & development

محاضرة مهمة اوي في الامتحانات ديما
🚫 هتقدر تعمتد فيها علي النوتس من غير الكتاب عادي خالص
ركز عليها كلها في العموم عشان هي كلها محاضرة أرقام فانت هتحفظها اكتر قبل الامتحان

🚫 فيها جزء كل عمر للطفل بيقدر يعمل حركة او كلام ازاي دي بتبقي صور مهم بتيجي في ospe و كمان بتيجي اختياراي

اربع ولادة

Antenatal care + sign of pregnancy
المحاضرة دي اغلب كلامها كله بيتقال قدام في محاضرات تانية الا حاجات بسيط
Sign of pregnancy as
Hegar, palmer,.........

خميس اطفال

Prematurity
- محاضرة 3 او 4 ورقات في الكتاب
- سؤالين بالكتير في الامتحان

فالاسبوع يعتبر خفافي ك محاضرات