اجازة اخيرا ❤️🥰 بغض النظر عن الامتحان لعله خير
استمتعوا بالاجازة و اعملوا كل اللي نفسكم فيه ❤️

صباح اول جمعة من الاجازة ❤️🥰
الحمد لله كده خلصنا مع بعض سنتين في المشوار ❤️

حابب اخد منكم فيد باك عن مذكرات و ملفات السنة دي و لو فيه حاجة تتعمل زيادة للدفعة الجاية برضه و لو فيه اقتراحات لي السنة الجاية برضه 🙊😂
http://100299157998447567022.sarhne.com

و ابقوا اكبتوا في اخر الرسالة سنة تالته 🫡

تسلموا علي كلام الجميل و الفيد باك الحلو ده و عقبال كل سنة يا رب ❤️🥰

بس انا عاوز اعتذر علي بعض الإجابات اللي بتكون غلط في مذكرات الاساله هي طبعا غير مقصودة بس مذكرات الاساله دي من اكتر الحاجات المتعبة جدا جدا و بتاخد خطوات كتير اوي عد معايا بقي 😂

1️⃣ اجمع ملفات الاساله و الامتحانات القديمة اللي موجوده كلها

2️⃣ ابدا اقسم الاساله علي المواد

3️⃣ اقسم الاساله علي كل محاضرة

4⃣ اهم خطوة بقي اتاكد ان السؤال ده عليكم في المنهج عشان حاجة مستفزة انك تيجي تحل تحس ان الاساله دي مش عليك و تقول انا مش مذاكر كويس

5⃣ وانا بحط كل سؤال في مكانه بخلي الحل bold لحد ما اجمع كل الاساله المحاضرة

6⃣ لو عدد الاسله قليل ابدا ازود اساله من عندي علي النقط المهمة

7⃣ اخيرا احط الإجابات في مربعات في اخر كل ورقة  و ارجع الغي bold بتاع الإجابات

8⃣ اكتب اساله الرتن المهمة علي المحاضرة دي 😅

9⃣ اخر حاجة ابدا اظبط header بتاع كل مادة يبقي اسمها مكتوب فوق و اعمل الفهرس و الديزاين

دي كده اغلب الخطوات بتاعة مذكرة الاسله مع اختلافات بسيطة بين كل ميديول و التاني

⚡ عشان كده ان شاء الله من السنة الجاية مع كل ميديول وانتم بتحلوا اللي يشك في سؤال يبعتلي و هتاكد من الحل و يتجمع كل التعديلات في رسالة بإذن الله

⚡ هتلاقوا كمان في الbio بتاع القناة كل طرق التواصل عشان اللي عاوزين يسالوا علي حاجة
بس بلاش صراحة في الاجازة عشان داخل علي شهر امتحانات دعواتكم ❤️

كل عام وانتم بخير ❤️❤️
عام هجري جديد اعاده الله علينا وعليكم بالخير والبركات ♥️

#اغتنم_هذا_الفضل_العظيم
#صيام_تاسوعاء_وعاشوراء🌺

-عن أبي قتادة رضي اللَّه عنه، أن النبي صلى الله عليه وسلم قال: " صيام يوم عاشوراء، أحتسب على اللَّه أن يكفر السنة التي قبله".

- لا تنس صيام غدا الخميس التاسع من شهر الله المحرم (تاسوعاء)، وبعد غد الجمعة العاشر من شهر الله المحرم (عاشوراء).

إن لم تكن من قوافل الصائمين فذكر غيرك، فالدال على الخير كفاعله.🌺

ان تصل متأخرة خير من ان لا تصل
الف الف مبروك علي النتيجة ❤️🥰
و انزل بي up to level 4 ❤️😂

صباح الفل عليكم ❤️
مشغول عندكم الفترة اللي فات في الامتحانات و لسه مخصلتش برضه دعواتكم اخلص اخر امتحان علي خير ❤️

الرسالة دي هتكلم معاكم عن سنة 4 في السريع كده لحد ما اتكلم معاكم بالتفاصيل في قبل الدراسة ان شاء الله ❤️😂

اولا كده السنة فيها ايه؟
السنة عبارة عن نسا ولادة و اطفال و باطنة و جراحة سنة كومبو رهيب 😅😂 فخد حقك في الاجازة و استمتع لاخر لحظة ❤️😂

1️⃣ الترم الاول:
- ولادة
(ديما بنسمع نسا و ولادة كل جزء فيهم بيتاخد في ترم)
- نص اطفال
- جراحة git
- باطنة git

2️⃣ الترم الثاني:
- النسا
- نص الأطفال التاني
- جراحة اورثو و نيرو
- باطنة نيرو و rheumatology

السنة صعبتها انها طويلة محتاجة تنظم نفسك و متضغطش نفسك اهم حاجة عشان تقدر تكمل لاخر السنة

ثانيا بقي و المهم الحضور والغياب عشان اللي بيسالوا ناخد سكن ولا لأ


⚡ الروندات اللي فيها غياب
1️⃣ الأطفال ترم اول و تاني
- بيكون لكل واحد 6 روندات بيحضرهم طول الميديول

2️⃣ باطنة git (ترم اول)
- عندك برضه 6 ايام بتحضرها طول الميديول

3️⃣ نسا و ولادة و جراحة git
دول هيبقي عندك يوم كده بتحضره عشان تشوف حاجات هتحتاجها للعملي و بيبقي مرة واحدة و خلاص كده

ده كده التفاصيل بختصار عن السنة الجاية و زي ما قولتكم اهم حاجة تستمتعوا بالاجازة و تعملوا كل اللي نفسكم فيه ❤️

صلوا علي النبي و روحوا استمتعوا بالاجازة ❤️😂
ده انا لسه مريحتش من بعد الامتحانات 😂😂

بالنسبة للغياب هو بسيط خالص
الأطفال اللي فيها غياب 6 مرات بس طول المديول (يعني تحضر مرة في الأسبوع عشان الغياب)
تفاصيل رابعة في السريع هنا 👇
https://t.me/easymodule2/828

علي نص 9 كده ابدا افهمكم كل حاجة ان شاء الله

روحوا كملوا اجازة يلا ❤️🫡

صباح الفل ❤️
نظرا ان الأرقام قريب من بعض و عشان كله يبدأ يجهز نفسه للسنة الجديدة
هبدا انزل اول رسالة النهارده الساعة 8 بليل ان شاء الله

بس اهم حاجة منبداش السنة و نراكم الرسايل 😂😂

مساء الفل عليكم ❤️
يلا نبدا نتكلم شوية عن سنة 4🙊😂

في البوست ده هتكلم معاكم عن السنة بشكل عام و الامتحانات بتبقي ازاي و الأقسام تعاملهم ازاي

🛑 الترم الاول فيه وده اللي يهمنا دلوقتي

1️⃣ ولادة (6 اسابيع) (175 درجة)
2️⃣ اطفال (6 اسابيع) (175 درجة)
3️⃣،4⃣ جراحة و باطنة (git) (6 اسابيع) (كل ميديول 75)
-ايوه ميديولين الجراحة و الباطنة بيتشروحوا مع بعض كانهم ميديول واحد و في الاخر كل ميديول امتحانه منفصل متقلقوش-

👈 في اخر الاسبوع 6 بيبقي امتحان
👈 يبقي كده الترم الواحد 500 درجة
--------------------------------

🛑 طب نظام الامتحانات ازاي طول السنة
👈 بعد ما المديول ما بيخلص بيبقي فيه امتحان اند ميديول و عملي و osce

- الاند ميديول علي حسب نظام القسم ساعتها بس عندنا كان mcq
- العملي بيبقي صور زي ما متعودين عادي
- osce:
ده عبارة عن انك بتدخل تفحص حاجة معينه في المريض و شوية اساله ليها علاقة الموضوع و علي شوية شفوي كده و كده كده الدكترة كويسة اوي في الامتحان ده و اغلبه بياخد درجة حلوة متقلقوش و هبقي اتكلم عنه في كل ميديول ساعتها بقي

و طبعا في الاخر الفاينل بقي 😂
-------------------------------

🛑 تعامل الأقسام؟
اهم حاجة تبقوا هاديين و هم متعاونين بس اهم حاجة اللي هفضل اأكد عليها طول السنة التعامل مع رؤساء الاقسام عن طريق مسؤولين اللجنة العلمية و بالاخص قسم النسا و الاطفال عشان الدنيا تبقي كويسة معاكم و تعدوا السنة علي خير
-عندنا كذا حد اتعامل مع قسم وحش و عينك ما تشوف الا النور-
فنخلينا حلوين و كويسين و السنة هتبقي تمام ان شاء الله ❤️
------------------------------

🚫 بكره بقي كلمة عن كل ميديول و نظام الحضور و الغياب و نهاية كل ترم امته ان شاء الله 🫡
#part_one
#نظام_سنة_4

مساء الفل عليكم ❤️
يلا نكمل كلامنا بشكل عام عن سنة 4 الترم الاول
👈 الولادة 👉
- ان شاء الله اول ميديول هتبدوا بيه و الكلام فيه سهل و هتفهمه و هتبقي مستمتع جدا جدا بالمادة العلمية و هتحس انك بتاخد المعلومة كاملة و الصورة كامله قدامك عن المرض من اول شكوة المريض لحد العلاج و المحتوي نفسه مش صعب

- تدرسوا فيها جزء أمراض فترة الحمل ثم الولادة و امراض ما بعد الولادة

- طب ايه المشكلة مع الولادة انها كتير و بتتنسي بس كده عشان كده بظبط لكم نوتس فيها هتلم الدنيا معاكم بنسبة كبيرة بإذن الله تعالى

- و عشان تعالج النسيان ده لازم لازم لما تخلص المحاضرة تحل علي طول عشان تخبتر نفسك و ده هيثبت المعلومات بإذن الله عشان كده هتلاقي مذكرة اساله جاهزة من بدري قدر الإمكان

🚫 بالنسبة لي الغياب دكتور احمد فتحي مش بيهتم بالغياب سواء محاضرات او روندات بس اول اسبوع احضروا بس ك البداية و كده يعني 😂

🚫 هيبقي في يوم واحد حضوره مهم عشان امتحان osce بيبقي كل 20 واحد في يوم طول المديول و خلاص كده

- ده في ايجاز و لسه هنتكلم عن الولادة بالتفاصيل في كذا رسالة 🫡

------------------------------
👈 باطنة و جراحة 👉
- ايوه المديولين بيتشرحوا مع بعض بس كل ميديول امتحان منفصل عن المديول التاني

- ميديول حلو جدا باقل مذاكرة هتلم دراجات حلوة ان شاء الله و امره سهل

- يمكن اه عدد الورق كتير بس لما تجمع المهم و تشيل الحشو بيبقي الموضوع سهل

- ده اكتر ميديول محدش ذاكر فيه و اكتر ميديول عوضنا فيه الحمد لله

🚫 الجراحة لو الحضور اقل من 100 ساعتها هيخدوا غياب (كروندات او محاضرات) وان شاء الله متحصلش يعني و بيبقي فيه يوم هتحضره تشوف فيها حالات hernia مهم جدا عشان امتحان osce

🚫 الباطنة بيبقي في محاضرات في المدرج مهم ييقي فيه عدد حلو حاضر لرئيس القسم و بيبقي فيه 6 روندات في المستشفى عليها غياب و هم تحضرهم عشان امتحان osce

------------------------------
👈 اطفال 👉
- المحتوي سهل جدا و حتي المعلومات اللي فيه هتلقيك عارف حاجات منها و شرح القسم مهم جدا

- بقولها من بدري اهو اللي يقولك اسمع شرح دكتور من طنطا بيشرح نفسه المنهج قوله لا 😂 الا لو هتسمع للفهم بعد الكلية هتقولي ليه؟!

- عشان الامتحان ما هو الا زيادات زيادات زيادات بنسبة 50٪

- و الاهم ان اغلب شرح القسم كويس بنسبة كبيرة فاوعي تشتت نفسك

- يعني الأطفال حفظ زيادات و الكتاب و تبقي زي الفل المحاضرة بتبقي صغيرة مش كبيرة

🚫 بيبقي فيه محاضرات و رواندات في الكلية كل يوم من غير غياب و فيه 6 روندات لكل واحد في المستشفى فيهم غياب و طبعا مهمين لي osce

⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
1️⃣ اهم حاجة كله هيسال عليها الترم الاول و التاني بيخلصوا امته؟
⚡ الترم الاول⚡
اخر امتحان اند ميديول هيبقي في اواخر يناير وبعد كدا هتاخذوا اجازة نص السنة اجازة اسبوعين و بعدها هتبداوا الفاينل لمدة 3 اسابيع
⚡ الترم التاني⚡
هتبدوا علي طول بعد امتحانات الترم الاول و هتخلصوا علي اخر او نص 8

👈 ده المواعيد بشكل عام لحد ما يتحدد الاوقات عندكم ان شاء الله

2️⃣ بالنسبة لي الحضور المستشفى هنلبس ايه؟
البلطو عادي خالص و عاوز تسلم اسكراب عادي

3️⃣ بالنسبة ايه اللي هنحتاج نجيبه طول السنة ك ادوات؟
- سماعة في ميديول الباطنة الترم الاول
- مازوره اطفال '10 او 15 جنيه' في الأطفال
- هامر في ميديول الباطنة الترم التاني
- حاجات اختياري بقي جهاز ضغط و اسكراب

⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️

انا كده اتكلمت عن السنة بشكل عام عشان تبقوا عارفين داخلين علي ايه و من بعد كده اتكلم معاكم عن اول ميديول في السنة و هو الولادة و الباقي هتكلم معاكم فيه في وقته بقي ان شاء الله

#part_two
#نظام_سنة_4

مساء الفل يلا نبدا نتكلم عن اول ميديول معانا و هو ميديول الولادة
هتكلم معاكم في كذا رسالة عن كذا نقطة
النهارده هنتكلم عن القسم و المحاضرات و الروندات

🛑 القسم:
- رئيس القسم دكتور أحمد فتحي و هو اللي بيحط كل الامتحانات و المسؤول عن كل حاجة و سعات دكتور مصطفي القاني بيحط معاه في الامتحان

- دكتور احمد فتحي شرحه ممتاز جدا جدا و مش هتحتاج تسمع غيره و هتفهم و هتحب المحتوي جدا

- التواصل عن طريق مسؤول اللجنة العلمية بس و محدش يبعتله خالص ولا يعبتله اساله و يقولها حل السؤال ده و عموما متسالوش اي دكتور علي حل اي سؤال اصلا 😂

------------------------------
🛑 المحاضرات:
👈 يومين في الأسبوع في الاغلب اللي هيشرح دكتور احمد فتحي بس

👈 ديما في المحاضرات حاول تسمع فهيا دكتور احمد فتحي عشان هو اللي بيحط الامتحان زي ما قولنا
المحاضرات اللي مش هيرشحها السنادي تسمعوا شرح السنة اللي فات عادي خالص لدكتور احمد فتحي و من غير ما تسمع شرح السنادي عادي جدا

------------------------------
🛑 الروندات:
👈 لسه مش متحدد بس في الدفعة اللي كانت قبلي 4

👈 فيه حوالي 8 روندات عملي بجد
History
Examination
Us
Congenital anomalies
Doppler
CTG
Instrument

👈 بعد كده هيشرحوا لكم مواضيع نظري
- ممكن راوند بتشرح عندكم و ميتشرحش نظري ساعتها تعمل ايه؟
تدور علي شرح دكتور احمد فتحي ليه لو مفيش يبقي دكتور مصطفي القاني -

👈 احسن دكترة بيشرحوا في الروندات دكتور مصطفي القاني و دكتورة سارة و دكتورة زهراء لو في موضوع مش فاهمه نظري ممكن تسمع لحد منهم لما يشرحه

👈 غالبا هيبقي في يوم skill lab بعد المحاضرة و الراوند 'بتبقي ترتيب الأسماء كل يوم 20 واحد' هتشوفوا فيه الادوات و تشوفوا منيكان و ازاي تعملوا عليها Examination و ده هيعتمد عليه اغلب اساله osce
------------------------------

#part_three
#نظام_سنة_4

مساء الفل يلا نكمل كلامنا عن الولادة

🛑 المنهج:
- عبارة عن جزءين
1️⃣ اول جزء ازاي الحمل حصل و كل الامراض اللي ممكن تحصل في فترة الحمل و ده جزء سهل
👈 شرح دكتور احمد فتحي فيه جامد جدا و هتفهم منه كل حاجة ان شاء الله

2️⃣ تاني جزء و ده ازاي الست بتولد و كل و الأمراض اللي ممكن تحصل بعد الولادة زي حمى النفاس مثلا
👈 جزء الولادة شرح القسم حلو بس مش هتفهم اوي عشان الموضوع محتاج تخيل و صور كتير عشان كده هتسمع دكتور اسمه 'المندوه' شرح الجزء ده جامد جدا جدا في فيدوهات جامدة و مصور فيدوهات علي منيكان عشان تفهم الشرح و بتسمعه علي اتنين و هتفهم الدنيا كويس ان شاء الله
👈 جزء امراض ما بعد الولادة 3 او 4 محاضرات شرح دكتور احمد فتحي عادي

------------------------------
🛑 الشرح الخارجي:
لو مش فاهم موضوع معين من دكتور احمد او دكتور احمد مش شارحه اصلا و عاوز شرح خارجي يبقي دكتورة نادين شرحه حلو جدا و هتلم الدنيا معاك و شرحها قريب من عين شمس

------------------------------
🛑 مصدر المذاكرة:
👈 دكتور احمد مش عاوز يعمل كتاب خالص و ديما بيخيرنا بين كتابين اسكندرية و عين شمس
فانت اختاروا عين شمس علي طول😂
-عشان مباشر و سهل و التفاصيل فيه اصغر بكتير مم اسكندرية ده غير ان دكتور مصطفى القاني و دكتورة زهراء بيشرحوا زيه بنسبة كبيرة اوي-

👈 فيه مصدر هيبقي موجود في مكتبة دار الاطباء معملول فيه كل المحاضرات من ريكوردات دكتور احمد فتحي و ده افضل مصدر للمذاكرة 'معمول كمبيوتر و متظبط كويس' و دفعتي و دفعة 6 الحالية معتمدين عليه و ممتاز و هبقي اكلمكم عنه و تفاصيله كلها بعدين ان شاء الله و هيبقي متوفر من اول يوم في المكتبة

👈 فيه مصدر برضه تاني لدكتورة في سنة 5 قديم بس خط ايد منصحش بيه عشان كانت في سنتهم دكتور احمد محدد كتاب اسكندرية ففي محاضرات كاتبة زيادات من اسكندرية

👈 شايفك اللي هتقوله ما نذاكر من عين شمس و خلاص 🙊
- ترتيب شرح دكتور احمد مختلف عن عين شمس شوية و دكتور احمد بيقول تفاصيل و زيادات كتير عن الكتاب فده هيقرفك وانت بتاعه مع شرح

- عشان كده انسب حاجة تفريغات دار الاطباء الكمبيوتر و لسه هكلمكم عنها ان شاء الله
------------------------------
🛑 امتحانات القسم:
👈 زي ما قولت ان اغلب الامتحانات بيحطها دكتور احمد فتحي و سعات معاه دكتور مصطفى الثاني

👈 امتحان الاند ميديول '50 درجة' و الفانيل '70 درجة' بتبقي Mcq و بيبقي مغطى المنهج كله و بيبقي مركز علي مواضيع معين بيجي فيها كذا سؤال و مواضيع سؤال واحد - هبقي اقولكم عليهم أن شاء الله-
الاهم ان الامتحانين دول فوق 95٪ بيبقي من كلام دكتور احمد في الشرح و النسبة اللي فاضله هيجبها من كتاب عين شمس

👈 بالنسبة لي العملي ده بيبقي صور و عليها اساله زي ما متعودين جزء من روندات العملي 'اللي بتتشرح اول اسبوع' و جزء من النظري 'الامتحان ده بي 40 درجة' فامره سهل ان شاء الله

👈 بالنسبة لي امتحان osce بقي
ده بيبقي بي 15 درجة
بتسال فيه علي حاجات من الروندات العملي اللي قولنا عليها و كمان شوية اساله في النظري ك شفوي يعني
بس متقلقش منه خالص الدرجات فيه بتبقي حلوة جدا و دكتور احمد بيبقي مقدر ان ده اول شفوي لينا و كده و اقل درجة ممكن حد يخدها 11 ده اللي مش بيجاوب يعني
------------------------------
اظن كده ابقي غطيت كل حاجة محتاجين تعرفوها عن المديول و لو فيه اساله في الكومنتات و ارد عليها

#part_four
#نظام_سنة_4

مساء الفل عليكم ❤️
يلا اخر بوست و نبقي قفلنا كلام عن الولادة خالص كده

كنت مستني لو فيه اي اساله عن الولادة و اجمعها و ارد عليها بس كانت كلها عن المذكرات 😂

⚡المذكرات اللي هتبقي موجودة في دار الاطباء:

1️⃣ مذكرة فيها كل كلام دكتور احمد فتحي بالحرف

2️⃣ مذكرة زي اللي فوق بالظبط بس الفرق ان عليها كل اللي في عين شمس كمان ودي انسب مصدر ان شاء الله
-عشان بيبقي معاك كل اللي دكتور احمد بيقوله و بتذاكره و الكلام اللي في عين شمس و دكتور احمد مش بيقوله بيبقي مكتوب فتقراه بعد ما تذاكر و تبقي كده مأمن نفسك و لامم كل حاجة-
'الصراحة الفكرة دي الدكتور اللي عمل المذكرة عملها معانا في الترم الثاني و كانت حلو اوي و وفرت وقت'

3️⃣ مذكرة فيها محتوي روندات العملي اللي هم
History
Examination
Us
Congenital anomalies
Instruments
CTG
Doppler
و طبعا المواضيع اللي بتتشرح في العملي و هي نظري هتبقي موجوده في مذكرة النظري

4⃣ مذكرة نوتس و النقط المهمة من بدري عشان تلموا كل موضوع كويس اول باول ❤️🫡

5⃣ مذكرة اساله من عين شمس و امتحانات القديمة و كذا مصدر بقي متقسمه علي المحاضرات

👈 لما تبقي كل مذكرة تجهز هيبقي ليها رسالة بتفاصيلها بإذن الله ❤️🫡

👈 بكره او بعده ان شاء الله كام نصيحة كده عشان سنة 4 🫡
#part_five
#نظام_سنة_4

مساء الفل عليكم ❤️
الرسالة دي هتكلم معاكم فيها عن اغلب المشاكل اللي قابلتني في السنة دي و ازاي تعدوا منها قدر الإمكان ان شاء الله

1️⃣ اول حاجة النسيان و المذاكرة:

- ديما سواء هتحضر في الكلية او هتقضيها ريكوردات عاوزك تبقي سامع محاضرة كل يوم و يبقي عندك عنها فكرة و مظبط زياداتك فيها
'عشان لما تراكم عليك محاضرات كتير و تقول هلم في الاخر و خلاص اه هتقدر تلم بس دي هتبقي ضغطه و مع كتر الضغط هتتعب نفسك'

- الحل مهم جدا جدا جدا عشان تثبت المعلومات ديما حاول انك تخلص المحاضرة و تحل عليها علي طول

- النوتس ان شاء الله هعملها في كل ميديول من بدري عشان تراجع منها كل شوية المنهج
'خليها مصدر مراجعة معاك تراجع منه كل يوم هتقولي ازاي بقي؟!'

كل يوم بليل تقرا نوتس المحاضرات اللي بتتشرح يعني مثلا
* الحد هتقرا نوتس اول محاضرة
* الاتنين هتقرا نوتس المحاضرتين مع بعض
* الثلاث نوتس 3 محاضرات مع بعض و هكذا هكذا لحد ما تبقي الكلام ده خلاص ثابت معاك و حافظه كويس و لما تيجي تراجع قبل الامتحان هتلاقي الموضوع فارق معاك ان شاء الله ❤️
-----------------------------

2️⃣ بتخنق بسرعة من المذاكرة و بمل من الروتين و الخ.....

- ديما نوع في امكان المذاكرة عشان متزهقش من مكان و تحس انك مكسل تبدا
ذاكر شوية بره و شوية في الاوضة شوية علي السفرة و قضيها رحالة عادي خالص المهم تقعد تذاكر 😂

- نوع بين الشاي و القهوة و النسكافيه مع المذاكرة مرة غير و خد شوكولاته او ايسكريم

المهم لما تلاقي نفسك دخلت في الزون دي و انك مش عارف تذاكر تبتكر 😂😂
-----------------------------

3️⃣ السنة طويلة 11 شهر مستمر من غير اجازة ولا فسح:

-فخد مكافأة صغير كل الخميس او الجمعة من كل اسبوع اتجموا مع صحابكم و غيروا جو كده و فرفشوا ❤️😂

- اكبر مكافأة هي بعد نهاية كل ميديول فخلي اليوم ده يبقي مميز و تجرب في حاجات جديدة و تفرح نفسك بقي 😂
فابقي حوشله من اول كل ميديول بقي 😉
-----------------------------
👈 ده بقي الحل اللي لازم تعمله مع اي مشكلة تقابلك انك تدعي ربنا يسسرلك حالك و هتلاقي الدنيا ماشية معاك بكرم ربنا ❤️❤️
👈 قرب من ربنا ديما قدر الامكان و حافظ علي عباداتك و زودها كمان و كمان ❤️❤️

ان شاء الله تبقي سنة خفيفة عليكم و تعدي بسرعة ❤️❤️
-----------------------------

و دي اخر رسالة عن سنة رابعة كده
و حتي الان لسه اول ميديول ايه بالظبط مش متاكد لو طلع حاجة غير الولادة هنزلكم تفاصيلها علي طول ان شاء الله ❤️

بصوا لنص الكباية المليان لسه الاسبوع الجاي اجازة ❤️🥰

بليل هفهمكم الوضع ازاي و النظام ان شاء الله لو فيه تقسيم

اكيد في اساله كتير عندكم عشان تقسيمكم روندات هحاول اغطي اغلبها في الرسالة دي

1️⃣ الروندات و المحاضرات هتمشي ازاي ؟
💢الروندات💢
في الاول كده هتقسموا 3 روندات و كل رواند هيبقي ليه عدد محدد من الروندات كل اسبوع

- لو انت اطفال فهم 3 مرات في الأسبوع في المستشفى و عليهم غياب

- لو انت ولادة 4 مرات في الأسبوع و القسم مش بيركز اوي مع الغياب

- لو انت باطنة و جراحة الباطنة عندهم الغياب مهم طبعا و الجراحة مش بيركزوا اوي مع الغياب
عدد 3 باطنة واحد منهم في الكلية و اتنين في المستشفى و الجراحة اتنين

👈 طبعا عدد مرات الحضور 'دي كانت في السنة قبل اللي فاتت' بس ممكن يبقي اقل عشان عدد الدفعة كبير 'كل راوند 300 باين كده' فممكن الراوند نفسه ممكن يتقسم 3 او 4 مجاميع

'عشان عندنا السنة اللي فات كان كل مجموعة الراوند بتاع المستشفى 55 طالب'

💢 المحاضرات 💢
- دي بقي للدفعة كلها مع بعض
هيبقي يومين اطفال و يومين ولادة و ويوم جراحة و يوم باطنة

2️⃣ طب ليه الغياب هيبقي مهم؟
عشان لو غبت عدد معين هتدخل حاجة اسمها استيفه بمعني انك هتتحرم من امتحان اند راوند ده و هتحضر مع الراوند الجاي عدد محدد و بعدها تمتحن معاهم
لازم حضور فوق 75٪ باين مش عارف النسبة كام بالظبط

3⃣ طب كل واحد هيبقي في راوند؟
طبعا هو مش متحدده اوي يعني ممكن اي ترتيب فالاكيد لما الشؤون هيخلصوا التقسيمة هتعرفوا ساعتها
و دي تقسمية روندات السنة قبل اللي فات من دكتور عبدالله

4⃣ في اخر كل راوند همتحن ايه و علي ايه؟
👈 هتمتحن عادي عملي و اند ميديول و osce 'علي مريض مع شفوي'
استثناء بسيط ميديول الباطنة و الجراحة مفهوش امتحان اند ميديول خالص

👈 همتحن علي ايه؟
علي كل اللي اتشرحلك في الروندات + تبقي عارف المحاضرات اللي اتشرح في نفس الراوند

-يعني مثلا انت راوند اطفال و جه معاد اند راوند و كان اتشرح 10 محاضرات اطفال ،فالامتحان هيبقي علي اللي اتشرح طول الروندات و ممكن حاجات من المحاضرات اللي اتشرحت-

👈 طبعا كل قسم هيبقي مفهمك ايه اللي هيجي في امتحان اند راوند ساعتها

5⃣ مستوي الامتحانات بقي؟
- ده كل راوند و نصيبه و تعامل الطلبة مع الدكترة

- يعني لو حضور قليل و بتعملوا مشاكل هيبقي الامتحان صعب و حتي لو مكنتوش هتتقسموا اي حد هيعمل مشكلة مع اي قسم طول السنة الموضوع مش بيبقي لطيف

- فديما تكونوا كويسين مع الدكترة عشان تعدوا الدنيا بسلام

6⃣ امتحان الفاينل امته؟
هيبقي في الاخر خالص لكل الدفعة مع بعض بعد اجازة نص السنة و اول امتحان بيبقي ولادة

🛑 لو فيه اساله تاني اكتبوا في الكمنتات

🛑 بكره او بعده اقولكم تمشوا ازاي في كل ميديول و تفاصيل اكتر عن ميديول الاطفال و الباطنة و الجراحة ان شاء الله

كده اكمل شغل علي الملفات بروقان بقي 🙊😂

دلوقتي انتم مقسمين بس هتمتحنوا كل حاجة مع بعض عادي خالص

🚫 المحاضرات كلكم مع بعض في المدرج
يومين اطفال
يومين ولادة
يوم جراحة
يوم باطنة
- طول الترم علي نفس الوضع

🚫 الروندات متقسمين 3 و بيبقي في المستشفى
اول جروب مثلا ولادة
تاني جروب مثلا باطنة و جراحة
تالت جروب مثلا اطفال
- لمدة 6 اسابيع و بعدها تبدلوا مع بعض

🚫 الامتحانات
- هتاخدوا اجازة نص السنة اللي هي اخر شهر يناير و بعدها تمتحنوا فانيل و عملي كلكم مع بعض

- بالنسبة لاند ميديول زي ما نزل علي ميدكو
-----------------------------

🛑 النظام كده نوعا ما كويس عشان لو حطوا الفاينل و الاند ميديول مع بعض كده هيغطوا المنهج كله حرفيا و هيجيبوا اساله علي كل نقطه و احتمال ان يبقي فيه رتن و كيزز كمان ساعتها


'هتقولي ممكن يبقي في رتن في الاند ميديول هقولك عادي هيبقي علي كم بسيط و ارحم من المنهج كله و يا رب يبقي اختياري'

🛑 طبعا دكتور ابراهيم هو مدير البرنامج و المسؤول عن كل حاجة و هو بيحب الحضور فلازم الحضور يبقي كويس و هيمشي معاكم كل حاجة و الدنيا هتبقي كويسة ان شاء الله