اول حاجة نبدا بنصيحة للمذاكرة عشان كذا حد سالني امبارح ممكن تراجع بطريقة من اتنين

1️⃣ اول طريقة
- هتبدا بشابتر Endocrine مثلا
- تاخد اول غدة ذاكرتها من موافي و افتكرت الكلام خلصت
- تفتح جزء النوتس و تحفظها و تكمل باقي الشابتر
- لما تخلص تحل الاساله بتاعة شابتر Endocrine
- تدخل علي شابتر تاني و هكذا لحد ما تخلص
- اخر حاجة تحل اساله الامتحانات القديمة
- في الاخر راجع تاني من النوتس ليلة الامتحانات و الاساله اللي كانت واقفة معاك و انت بتحل

1️⃣ تاني طريقة
- زي اللي فوق بس لما تخلص مثلا Endocrine تراجعه من النوتس سريعا و بعدها تحل الاساله بتاعة الشابتر ده و تدخل علي اللي بعضه و هكذا

رسالة مجمعة لكل اللي نزل و نختم اخر ميديول في السنة علي خير يا رب ❤️🥰

⚡ نصيحة للمراجعة
⚡ نوتس المراجعة

⚡ Nephrology question
With answer
Without answer

⚡ Endocrine question
With answer
Without answer

⚡ Hematology question
With answer
Without answer


⚡ Old exams
With answer
Without answer

🛑 البوت عشان اللي عاوز يسال علي حاجة
@Easymodule2_bot

توضيح بسيط للملفات عشان اللي مش فاهم

1️⃣ دكتورة رشا ملهاش ملفات اساله خالص هي قالت عندنا شوية نقط مهمة لكل محاضرة بس كده و النقط دي كلها محطوطه في النوتس و عليها كمان النقط المهمة من موافي و الدتا
فملف النوتس هتلم الدنيا معاك و تغطي المنهج و جه منها فوق 90٪ من امتحان الاند ميديول

2️⃣ ذاكر من موافي او الدتا و كمل من النوتس

3️⃣ ملفات الاساله دي مصدرها ايه بقي؟؟
قسم الباطنة ليه بنك اساله علي كل برنشات الباطنة فانا حاطط اللي يناسبكم منها و كمان اساله الامتحانات القديمة خالص اخد الاساله اللي فيها و حطتها علي كل برانش منفصل

4⃣ طب ملف اساله الامتحانات دي فيه ايه؟
- اقرب امتحانات للقسم 3 برنشات علي بعض عشان تتعود علي شكل الامتحان برضه و فيهم امتحان اند ميديول بتاعتكم كمان

ربنا معاكم ❤️

بالنسبة للسؤال ده فحله كده صح زي ما هو عشان كتير سالوا عليه
زمايلكم سالوا القسم فيه

⚡ مطنش يجي تاني يعني بس ممكن يسال علي المعلومة دي
IGF-1 for follow up

الملف اتعدل يا شباب 🫣
الاساله اللي اتعدلت عليها ماركر احمر:
Q 9 page 1 (مش مهم اعتبره مش موجود)
Q 14 page 2(الغيه)
Q 31 page 4 (سؤال نفرو)
الحل الصح معمول علي الاختيار بالازرق

ترتيب أولوية الملفات و الحل

1️⃣ النوتس تظبطها كويس جدا جدا جدا (فيها كل حاجة دكتورة رشا قالت عليها مهمة)

2️⃣ حل اساله الامتحانات (اخر 4 امتحانات للقسم)

3️⃣ بعد كده ملفات الاساله علي البرنشات هتلاقي في كل ملف منهم:
- في الاول اساله من البنك مش مهمة اوي (اخر حاجة تبص فيها)
- اساله من امتحانات قديمة دي اللي مهمة
توضيح للنقطة دي مثلا ملف اساله endocrine
1 to 6 pages - - question of bank
اخر حاجة تبص فيها
7 to 9 pages - - question of old exams
مهمة

حله C زي ما كان يا شباب
الدواء ده chemotherapy ملوش علاقة في علاج ITP
و من اسباب ITP جرثوم المعدة h. Pylori (في الدتا)

كده ملف Hematology اتعدل فيه سؤال واحد بس رقم 15 في الصفحة 2

اجازة اخيرا ❤️🥰 بغض النظر عن الامتحان لعله خير
استمتعوا بالاجازة و اعملوا كل اللي نفسكم فيه ❤️

صباح اول جمعة من الاجازة ❤️🥰
الحمد لله كده خلصنا مع بعض سنتين في المشوار ❤️

حابب اخد منكم فيد باك عن مذكرات و ملفات السنة دي و لو فيه حاجة تتعمل زيادة للدفعة الجاية برضه و لو فيه اقتراحات لي السنة الجاية برضه 🙊😂
http://100299157998447567022.sarhne.com

و ابقوا اكبتوا في اخر الرسالة سنة تالته 🫡

تسلموا علي كلام الجميل و الفيد باك الحلو ده و عقبال كل سنة يا رب ❤️🥰

بس انا عاوز اعتذر علي بعض الإجابات اللي بتكون غلط في مذكرات الاساله هي طبعا غير مقصودة بس مذكرات الاساله دي من اكتر الحاجات المتعبة جدا جدا و بتاخد خطوات كتير اوي عد معايا بقي 😂

1️⃣ اجمع ملفات الاساله و الامتحانات القديمة اللي موجوده كلها

2️⃣ ابدا اقسم الاساله علي المواد

3️⃣ اقسم الاساله علي كل محاضرة

4⃣ اهم خطوة بقي اتاكد ان السؤال ده عليكم في المنهج عشان حاجة مستفزة انك تيجي تحل تحس ان الاساله دي مش عليك و تقول انا مش مذاكر كويس

5⃣ وانا بحط كل سؤال في مكانه بخلي الحل bold لحد ما اجمع كل الاساله المحاضرة

6⃣ لو عدد الاسله قليل ابدا ازود اساله من عندي علي النقط المهمة

7⃣ اخيرا احط الإجابات في مربعات في اخر كل ورقة  و ارجع الغي bold بتاع الإجابات

8⃣ اكتب اساله الرتن المهمة علي المحاضرة دي 😅

9⃣ اخر حاجة ابدا اظبط header بتاع كل مادة يبقي اسمها مكتوب فوق و اعمل الفهرس و الديزاين

دي كده اغلب الخطوات بتاعة مذكرة الاسله مع اختلافات بسيطة بين كل ميديول و التاني

⚡ عشان كده ان شاء الله من السنة الجاية مع كل ميديول وانتم بتحلوا اللي يشك في سؤال يبعتلي و هتاكد من الحل و يتجمع كل التعديلات في رسالة بإذن الله

⚡ هتلاقوا كمان في الbio بتاع القناة كل طرق التواصل عشان اللي عاوزين يسالوا علي حاجة
بس بلاش صراحة في الاجازة عشان داخل علي شهر امتحانات دعواتكم ❤️

كل عام وانتم بخير ❤️❤️
عام هجري جديد اعاده الله علينا وعليكم بالخير والبركات ♥️

#اغتنم_هذا_الفضل_العظيم
#صيام_تاسوعاء_وعاشوراء🌺

-عن أبي قتادة رضي اللَّه عنه، أن النبي صلى الله عليه وسلم قال: " صيام يوم عاشوراء، أحتسب على اللَّه أن يكفر السنة التي قبله".

- لا تنس صيام غدا الخميس التاسع من شهر الله المحرم (تاسوعاء)، وبعد غد الجمعة العاشر من شهر الله المحرم (عاشوراء).

إن لم تكن من قوافل الصائمين فذكر غيرك، فالدال على الخير كفاعله.🌺

ان تصل متأخرة خير من ان لا تصل
الف الف مبروك علي النتيجة ❤️🥰
و انزل بي up to level 4 ❤️😂

صباح الفل عليكم ❤️
مشغول عندكم الفترة اللي فات في الامتحانات و لسه مخصلتش برضه دعواتكم اخلص اخر امتحان علي خير ❤️

الرسالة دي هتكلم معاكم عن سنة 4 في السريع كده لحد ما اتكلم معاكم بالتفاصيل في قبل الدراسة ان شاء الله ❤️😂

اولا كده السنة فيها ايه؟
السنة عبارة عن نسا ولادة و اطفال و باطنة و جراحة سنة كومبو رهيب 😅😂 فخد حقك في الاجازة و استمتع لاخر لحظة ❤️😂

1️⃣ الترم الاول:
- ولادة
(ديما بنسمع نسا و ولادة كل جزء فيهم بيتاخد في ترم)
- نص اطفال
- جراحة git
- باطنة git

2️⃣ الترم الثاني:
- النسا
- نص الأطفال التاني
- جراحة اورثو و نيرو
- باطنة نيرو و rheumatology

السنة صعبتها انها طويلة محتاجة تنظم نفسك و متضغطش نفسك اهم حاجة عشان تقدر تكمل لاخر السنة

ثانيا بقي و المهم الحضور والغياب عشان اللي بيسالوا ناخد سكن ولا لأ


⚡ الروندات اللي فيها غياب
1️⃣ الأطفال ترم اول و تاني
- بيكون لكل واحد 6 روندات بيحضرهم طول الميديول

2️⃣ باطنة git (ترم اول)
- عندك برضه 6 ايام بتحضرها طول الميديول

3️⃣ نسا و ولادة و جراحة git
دول هيبقي عندك يوم كده بتحضره عشان تشوف حاجات هتحتاجها للعملي و بيبقي مرة واحدة و خلاص كده

ده كده التفاصيل بختصار عن السنة الجاية و زي ما قولتكم اهم حاجة تستمتعوا بالاجازة و تعملوا كل اللي نفسكم فيه ❤️

صلوا علي النبي و روحوا استمتعوا بالاجازة ❤️😂
ده انا لسه مريحتش من بعد الامتحانات 😂😂

بالنسبة للغياب هو بسيط خالص
الأطفال اللي فيها غياب 6 مرات بس طول المديول (يعني تحضر مرة في الأسبوع عشان الغياب)
تفاصيل رابعة في السريع هنا 👇
https://t.me/easymodule2/828

علي نص 9 كده ابدا افهمكم كل حاجة ان شاء الله

روحوا كملوا اجازة يلا ❤️🫡

صباح الفل ❤️
نظرا ان الأرقام قريب من بعض و عشان كله يبدأ يجهز نفسه للسنة الجديدة
هبدا انزل اول رسالة النهارده الساعة 8 بليل ان شاء الله

بس اهم حاجة منبداش السنة و نراكم الرسايل 😂😂

مساء الفل عليكم ❤️
يلا نبدا نتكلم شوية عن سنة 4🙊😂

في البوست ده هتكلم معاكم عن السنة بشكل عام و الامتحانات بتبقي ازاي و الأقسام تعاملهم ازاي

🛑 الترم الاول فيه وده اللي يهمنا دلوقتي

1️⃣ ولادة (6 اسابيع) (175 درجة)
2️⃣ اطفال (6 اسابيع) (175 درجة)
3️⃣،4⃣ جراحة و باطنة (git) (6 اسابيع) (كل ميديول 75)
-ايوه ميديولين الجراحة و الباطنة بيتشروحوا مع بعض كانهم ميديول واحد و في الاخر كل ميديول امتحانه منفصل متقلقوش-

👈 في اخر الاسبوع 6 بيبقي امتحان
👈 يبقي كده الترم الواحد 500 درجة
--------------------------------

🛑 طب نظام الامتحانات ازاي طول السنة
👈 بعد ما المديول ما بيخلص بيبقي فيه امتحان اند ميديول و عملي و osce

- الاند ميديول علي حسب نظام القسم ساعتها بس عندنا كان mcq
- العملي بيبقي صور زي ما متعودين عادي
- osce:
ده عبارة عن انك بتدخل تفحص حاجة معينه في المريض و شوية اساله ليها علاقة الموضوع و علي شوية شفوي كده و كده كده الدكترة كويسة اوي في الامتحان ده و اغلبه بياخد درجة حلوة متقلقوش و هبقي اتكلم عنه في كل ميديول ساعتها بقي

و طبعا في الاخر الفاينل بقي 😂
-------------------------------

🛑 تعامل الأقسام؟
اهم حاجة تبقوا هاديين و هم متعاونين بس اهم حاجة اللي هفضل اأكد عليها طول السنة التعامل مع رؤساء الاقسام عن طريق مسؤولين اللجنة العلمية و بالاخص قسم النسا و الاطفال عشان الدنيا تبقي كويسة معاكم و تعدوا السنة علي خير
-عندنا كذا حد اتعامل مع قسم وحش و عينك ما تشوف الا النور-
فنخلينا حلوين و كويسين و السنة هتبقي تمام ان شاء الله ❤️
------------------------------

🚫 بكره بقي كلمة عن كل ميديول و نظام الحضور و الغياب و نهاية كل ترم امته ان شاء الله 🫡
#part_one
#نظام_سنة_4

مساء الفل عليكم ❤️
يلا نكمل كلامنا بشكل عام عن سنة 4 الترم الاول
👈 الولادة 👉
- ان شاء الله اول ميديول هتبدوا بيه و الكلام فيه سهل و هتفهمه و هتبقي مستمتع جدا جدا بالمادة العلمية و هتحس انك بتاخد المعلومة كاملة و الصورة كامله قدامك عن المرض من اول شكوة المريض لحد العلاج و المحتوي نفسه مش صعب

- تدرسوا فيها جزء أمراض فترة الحمل ثم الولادة و امراض ما بعد الولادة

- طب ايه المشكلة مع الولادة انها كتير و بتتنسي بس كده عشان كده بظبط لكم نوتس فيها هتلم الدنيا معاكم بنسبة كبيرة بإذن الله تعالى

- و عشان تعالج النسيان ده لازم لازم لما تخلص المحاضرة تحل علي طول عشان تخبتر نفسك و ده هيثبت المعلومات بإذن الله عشان كده هتلاقي مذكرة اساله جاهزة من بدري قدر الإمكان

🚫 بالنسبة لي الغياب دكتور احمد فتحي مش بيهتم بالغياب سواء محاضرات او روندات بس اول اسبوع احضروا بس ك البداية و كده يعني 😂

🚫 هيبقي في يوم واحد حضوره مهم عشان امتحان osce بيبقي كل 20 واحد في يوم طول المديول و خلاص كده

- ده في ايجاز و لسه هنتكلم عن الولادة بالتفاصيل في كذا رسالة 🫡

------------------------------
👈 باطنة و جراحة 👉
- ايوه المديولين بيتشرحوا مع بعض بس كل ميديول امتحان منفصل عن المديول التاني

- ميديول حلو جدا باقل مذاكرة هتلم دراجات حلوة ان شاء الله و امره سهل

- يمكن اه عدد الورق كتير بس لما تجمع المهم و تشيل الحشو بيبقي الموضوع سهل

- ده اكتر ميديول محدش ذاكر فيه و اكتر ميديول عوضنا فيه الحمد لله

🚫 الجراحة لو الحضور اقل من 100 ساعتها هيخدوا غياب (كروندات او محاضرات) وان شاء الله متحصلش يعني و بيبقي فيه يوم هتحضره تشوف فيها حالات hernia مهم جدا عشان امتحان osce

🚫 الباطنة بيبقي في محاضرات في المدرج مهم ييقي فيه عدد حلو حاضر لرئيس القسم و بيبقي فيه 6 روندات في المستشفى عليها غياب و هم تحضرهم عشان امتحان osce

------------------------------
👈 اطفال 👉
- المحتوي سهل جدا و حتي المعلومات اللي فيه هتلقيك عارف حاجات منها و شرح القسم مهم جدا

- بقولها من بدري اهو اللي يقولك اسمع شرح دكتور من طنطا بيشرح نفسه المنهج قوله لا 😂 الا لو هتسمع للفهم بعد الكلية هتقولي ليه؟!

- عشان الامتحان ما هو الا زيادات زيادات زيادات بنسبة 50٪

- و الاهم ان اغلب شرح القسم كويس بنسبة كبيرة فاوعي تشتت نفسك

- يعني الأطفال حفظ زيادات و الكتاب و تبقي زي الفل المحاضرة بتبقي صغيرة مش كبيرة

🚫 بيبقي فيه محاضرات و رواندات في الكلية كل يوم من غير غياب و فيه 6 روندات لكل واحد في المستشفى فيهم غياب و طبعا مهمين لي osce

⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
1️⃣ اهم حاجة كله هيسال عليها الترم الاول و التاني بيخلصوا امته؟
⚡ الترم الاول⚡
اخر امتحان اند ميديول هيبقي في اواخر يناير وبعد كدا هتاخذوا اجازة نص السنة اجازة اسبوعين و بعدها هتبداوا الفاينل لمدة 3 اسابيع
⚡ الترم التاني⚡
هتبدوا علي طول بعد امتحانات الترم الاول و هتخلصوا علي اخر او نص 8

👈 ده المواعيد بشكل عام لحد ما يتحدد الاوقات عندكم ان شاء الله

2️⃣ بالنسبة لي الحضور المستشفى هنلبس ايه؟
البلطو عادي خالص و عاوز تسلم اسكراب عادي

3️⃣ بالنسبة ايه اللي هنحتاج نجيبه طول السنة ك ادوات؟
- سماعة في ميديول الباطنة الترم الاول
- مازوره اطفال '10 او 15 جنيه' في الأطفال
- هامر في ميديول الباطنة الترم التاني
- حاجات اختياري بقي جهاز ضغط و اسكراب

⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️

انا كده اتكلمت عن السنة بشكل عام عشان تبقوا عارفين داخلين علي ايه و من بعد كده اتكلم معاكم عن اول ميديول في السنة و هو الولادة و الباقي هتكلم معاكم فيه في وقته بقي ان شاء الله

#part_two
#نظام_سنة_4