يلا نكمل مع part 2

5⃣ طب الكلام بيتنسي بسرعة حتي لو قعدت احفظ فيه سعات و انا بذاكر بالكتابة و برضه بيتنسي اعمل ايه؟؟؟

- اغلب اللي بنذاكره بيتنسي ده طبيعي فانت اهتم ديما انك تعيد علي الكلام كذا كذا مرة مش مرة ولا اتنين بس

- خلي اول مرة في مذاكرة بتجمع معلومات و بتفهم الكلام و الشرح و تربطه في بعض و تكون و انت مخلص عارف كويس اوي النقط المهمة جدا و تكتبها في كراسة خارجية او sticky note.
النقط المهمة اللي طلعت بيها من المحاضرة حتي لو 10 نقط او اقل بالشكل ده هتكون عندك خلفية كويس جدا عن المعلومات و طلعت مجمع النقط المهمة كويس اوي

- انت مش مطلوب منك تحفظ المنهج كله كلمة كلمة ده هيضيع منك اليوم في محاضرة انت مطلوب تكون مركز علي المهم و الباقي قريه برضه كويس و فهمه

- هتقولي اعرف المهم ازاي 🤔

🔵 مع الوقت هتتعود و حل الاساله الكتير هتحس بالمهم و جواك هيكون فيه ردار للمعلومات المهمة 😂

🟢 لو مركز في المحاضرة هتلاقي النقط المهم الدكترة بتركز عليها اوي و بتعيد فيها و بتاخد وقت في الشرح بس لو كلام مش مهم بيعدي بسرعة اصلا 😂

🟤 كده كده فيه نوتس بعملها بيكون فيها كل النقط المهمة في المهنج و الشورت نوت عشان الفاينل 😉 و كمان التلخيص اي كلمة بمكتوبه بالأحمر تعرف انها مهمة جدا و جت في اساله كتير او امتحانات

يعني هتوصل للمهم بكذا طريق متخفش

6⃣ انت في الكلية بيكون في عندك وقت فاضي اكيد او حتى لو كان مفيش:

- قبل ما تروح من الكلية اقعد في اي مكان فاضي و حاول تذاكر المحاضرة في السريع و تعرف اللي فيها هتستفاد بنسبة كبيرة جدا خصوصا انت لسه عندك طاقة و حماس و لسه سامع المحاضرة اصلا فهتلمها بنسبة حلوة و كمان بسرعة و كمان الموضوع مش هياخد منك وقت كبير انت هتقرا المحاضرة و ترتبها في دماغك بس و اكدت علي المهم فيها

- طب انا لسه هركب موصلات ساعة او نص ساعة خلاص اقراها في الموصلات في السريع بس لو في الكلية احسن عشان المكان هادي و تركيزك اكبر 🫡

🔵 انت لو عملت الحركة دي هتوفر وقت جبار انك كده شبه عارف المحاضرة و محتواها و المهم قبل ما تروح.
- فتروح و تريح و تبدا تذاكرها بقي.
و بكده تكون عيدت علي المحاضرة دي في اليوم الواحد مرتين 😉
- و خليك عارف التكرار ده اهم حاجة بجد كل ما بتعدي علي المعلومة كذا مرة هتكون مجمع كل حاجة كويس اوي

7⃣ اظن دي مشكلة بتواجه كتير اوي اوي لما بروح البيت و اجي اذاكر بحس اني مليش نفس

🅰️ انت لو فضلت قاعد مستني عشان تبدا و كل شوية تقول شوية وابدا، فتلاقي اليوم ضاع منك فجأه 🥲

- فخلي في جانب ديني كده قبل ما تذاكر اذكر الله و اقرا 10 ايات (كورد يومي جنب المذاكرة) و بعدها ابدا بسم الله و اختم بنفس الحركة برضه
ربنا كده هيباركلك و كمان بتاخد حسنات كتير و تختم المصحف مع الدراسة

🅱️ ممكن تجرب تذاكر بره البيت في كافيه او workspace بس المهم تكون لوحدك او مع واحد صحبك جدع هيذاكر
ميزة المذاكرة في مكان جديد بيكون فيه التشيت و الكسل اقل شوية

8⃣ عارف انت لما تخلص مذاكرة المحاضرة و خلاص عرفت المهم جرب تسجله كده ريكورد بتشرح فيه المحاضرة بختصار و مركز علي المهم في 5 او 10 دقايق بالكتير هتلاقي نفسك رتبت دماغك اكتر كمان و كمان
- وابعته لواحد صحبك و صحبك عامل نفس الحركة و تسمع الكلام سريعة كده

بكده انتم الاتنين هتستفادوا لو حد شايف حاجة مهمة التاني مش شايفها هتوصلوا ليها انتم الاتنين او حاجة انت مش فاهمها فهمتها من صاحبك
الموضوع ده كلها مش هياخد نص ساعة بس استفادة كبيرة اوي

حتي لو مش هبعته لحد هيبقي طريقة حلوة تنظم المعلومات معاك


9⃣ خلي في اخر كل يوم ساعة مكافئة لنفسك تعمل اللي انت عاوزه

دي معظم الحاجات اللي بعملها مع اي محاضرة و الصراحة بتوفرلي وقت كتير اوي عارف ان صعب تعمل كل ده بس خد اللي مناسبك و هيساعدك ان شاء الله ❤️

#easy_module
#esay_moudle_the_best_choice

اول ميديول معانا بسم الله ❤️
حتي الان جاهز الاساله و بكمل في التلخيص و ان شاء الله يكون جاهز برضه هعرفك قريب برضه 👌

Psychiatry

قبل اي حاجة الميديول اريح و امتع و اسهل الميديولات في الترم كله
(ده ميمنعش ان الترم كلهزمريح)

الموديل كله عملي و نظري زي بعض يعتبر الراوند بكيون شبه المحاضرة هو بس اول راوندين اللي مختلفين بس 😉

هتدرس فيه ايه
1️⃣ راوندين (مش هيتشرحوا في النظري) :
- ازاي تاخد هستوري من العيان وده قرايه في السريع وبس عشان كله كلام انت عارفه

- الملاحظات اللي بتشفها في المريض في كل حاجة سواء كلام او افكار او اسلوب او وعي الخ مهم جدا جدا جدا جدا جدا (يعتبر بيجي عليه نص الاساله اصلا 😂)

2️⃣ محاضرتين فارما اسهل من اي فرما شفتها قبل كده اصلا
مهم جدا جدا تحفظ اسماء الادوية و تعرف هي تبع عيلة ايه
Anti-depressants
Anti-psychotic
Mood stabilizers

ايوه صح انت عندك فكرة عندهم في فارما CNS
بس بشكل هنا اسهل بكتير

3️⃣ الباقي كله هيتشرح في المحاضرة و بعدها الراوند و غالبا بيكون في حاله و الدكتور بيناقش الحالة معاكم و تسمع كلام المريض عن المرض و الموضوع كويس

طب المحتوى سهل هتروح تذاكر و تخلص بسرعة

الامتحانات ازاي بقي 🤔

🟢 الفاينل و الاند ميديول علي كل حاجة و بيكون اكتر من نص الامتحان علي محاضرتين الفارما و الراوند التاني اللي قولت عليه فوق

🟢 العملي بكيون cases
حوالي 5 كلام مكتوب بيقولك عندنا حاله و بيحكي
و عليها اساله نظري زي ايه التشخيص او ايه العلاج او ايه DD و هكذا و الموضوع سهل و مضمون 😉

المواضيع اللي دخلت عملي عندنا و تركز عليها انك تحفظ DD, treatmet و الحاجات دي فيها
- depression & bipolar
- schizophrenia
- anxiety disorder
- nerocognitive

دول الأمراض و كده كده بتعوز تذاكر حاجات كمالة للموضوع زي الراوند اللي قولنا عليه مهم و الفرما

(كده كده في امثله كتير اوي للتدريب و هتحل كتير و هتعرف طبيعة الاسالة)

⚠️هسيب صورة في الكومنتات شبه عشان تتخيل معايا

⭕الرخم بس ان سؤال MCQ بيكون بدرجتين بس ولكن الاساله سهلة و بتتكرر برضه

#Psychiatry
#easy_module
#esay_moudle_the_best_choice

مساء النشاط خلاص بكره اول يوم و بداية موفقة بإذن الله ❤️❤️
كذا حد سالني:

1️⃣ هل في شيت او حاجة بتسلم في الأخر الميديول ___ لا مفيش اي حاجة عشان القسم ملوش كتاب اصلا والاعتماد بكيون علي كابلن

2️⃣ التلخيص امته ___ هيكون جاهز بكره بإذن الله عند استاذ علي في مكتبة دار ب 25جنية شوية و هنزل التفاصيل

قبل ما اكلمكم علي التخليص هكلمكم بسرعة علي المصادر

📍مفيش كتاب ضروري تجيبه انت تبص في الكتب و تختار اللي يعجبك و تجيبه و كله نفس الكلام اختلاف بس تنسيق و صيغة

📍 كتاب كابلن حلو بس خطه صغيره اوي و مفهوش راوند mental examination
ده اكتر حاجة بيجي منها اساله في الفاينل والاند ميديول

انت لو داخل الامتحان معاك الفرما و الراوند ده تحل 70 ٪ من الامتحان 😂

          بالنسبة بقي التلخيص

🟤 فيه كل حاجة هتحتاجها مع زيادات السنة اللي فات

🔵 اي حاجة تشوفها مكتوبه بالأحمر تعرف انها مهمة جدا و جت في امتحانات

🟠 في شوية مصطلحات بتكون غريبه كلها مترجمة عشان تذاكر علي طول و سعات بيكون في كلام كتير هتلاقي ليه الخلاصة مكتوبة بالعربي في كلمتين هتساعدك اوي علي المذاكرة بإذن الله 👌

🟢 بالنسبة لي ** دي يعني المعلومة دي احفظها كويس هتعوزها في حل الcase في العملي عشان تكون عارف اللي محتاجه من بدري 😉

🟡 بالنسبة للاساله جاهزة بس انت مش محتاج دلوقتي غير انك تذاكر بس الحل يكون من بعد اول الاسبوع عشان الاساله بتكون متداخلة و cases كتير اوي لحد ما تزهقوا 😂

🟣 في الجدول اخر 4 محاضرات زيادة عن السنة اللي فات و بعضها ملهاش مصدر لسه و كانوا اتلغوا عندنا عشان هيتشرحوا بعدين بس متخفوش هجهزهم قريب و يكونوا جاهزين و ينزوا قبل ما تاخدوا المحاضرة 😉

⚠️موجود عند استاذ علي في مكتبة دار الاطباء ب 25 جنية من بكرة ان شاء الله ❤️

#easy_module
#esay_moudle_the_best_choice
#psychiatry

ده راوند بكره و جزء بتاع محاضرتين الفرما عشان تتابعوا منه بكره لحد ما تجيبوا التلخيص ♥️

رسالة مجمعة لي اول ميديول

📍نصايح مهمة 1 و 2

📍تفاصيل الميديول

📍التلخيص

📍 اساله

📍هل في شيت بيتسلم ولا حاجة (لا مفيش)

📍اذاكر كل حاجة منين

🟤أجزاء من التلخيص 🟤
Round one(history )
All pharma
Anxiety disorder
Somatoform disorder
Questions

⚡ @Easymodule2_bot

⚡لينك صراحة

#psychiatry
#easy_module
#esay_moudle_the_best_choice

مساء الفل ❤️
ان شاء الله الجزء التاني من المذكرة هيكون موجود من بكره عند استاذ علي في مكتبة دار الاطباء ب 25 جنية

📍 طب فيها ايه؟
- فيه المواضيع الزايدة اللي في الجدول اللي كنت قلت هعملهم

- كل الاساله المتوفرة لي القسم من mcq و cases و امتحانات قديمة (مهمة جدا عشان بيجي منها)

- موضوعين anxiety & Somatic from عشان متغيرين خالص

بالتوفيق يا شباب ❤️
#psychiatry
#easy_module

بكره اول امتحان فاينل لسنة 6
دعواتكم ليهم مع اول ورقة جراحة و متنوش دكتور عاطف من دعواتكم ❤️

مساء الفل عليكم ❤️
طبعا انتم اجازة لحد يوم الحد
فدول المواضيع اللي اتشرح و كانت مختلفة في التلخيص 👇
📍 Anxiety disorder
📍 Somatoform disorder

و الباقي زي ما هو بس فيه زيادات بسيطة هجمعها و هتنزل قريب ان شاء الله ❤️

زيادات السيكاتري و راوند mental examination متنسق زي الكتاب

Loading.... 🥰

الرسالة دي هوضح لكم كل ملفات ايزي ميديول تذاكر منها ايه

📍 Part one
هتذاكر منه:
- pharma
- Schizophrenia & other psychotic
- mood disorder
و تزود الزيادات والتعديلات بتاعتهم اللي هتلقيها في الملف ده

📍 Part two

هتذاكر منه كل المواضيع اللي فيه عادي و هم زي الكتاب بالظبط بس متنسقين والاساله فيه كمان

🚫خد بالك من التعديلة دي في eat disorder
⚠️Child disorder دول اتشرحوا كمان

📍 Mental examination
هتذاكره من الملف ده زي الكتاب بالظبط وده اللي مطالبين بيه

كده الرسالة دي فيها كل حاجة هتذاكر منين و كل الملفات كده بقت زي الكتاب الجديد

#psychiatry

هو الحوار ذات نفسه بيكون مش لطيف خصوصا لو كتير

بس عادي عندي تسامح مع الموضوع ده اصلا المهم عندي انكم تستفادوا ❤️

📍 لو حد محتاج الاساله بس من المذكرة التانية يقول لأستاذ علي و يطبعها عادي بس تكون رايح في وقت المكتبة فيه مش زحمة

📍 لو حد احتاج جزء بسيط من المذكرة محاضرة مثلا او جزء معين و الباقي مش محتاجه عادي يبعتلي بس❤️

دي تجميعة اكتر اساله بشوفها

1️⃣ راوند mental examination اذاكره منين

👈من كتاب القسم او الملف ده زي كتاب القسم بس متنسق بس

عشان الي اتشرح في الاول مختلف عن كتاب القسم شوية في التفاصيل و العناوين

2️⃣ الامتحان ازاي:
Practical
Mcq only

End module
بيكون cases كل واحدة عليها اساله زي
- diagnosis
- TTT
- DD
- investigations
- Enumerate (delusion or hallucinations ده في حالة لو المرض فيه الأعراض دي)

السنة الي فاتت و اللي قبلها كان mcq ده كله علي mental examination فركزوا عليه

⚠️ بس ذاكروا الباقي كويس ممكن يحصل تغير ولا حاجة كده كده انتم هتذاكروا كله عشان cases

3️⃣ اذاكر ايه كل موضوع منين؟؟

👈 شوف الرسالة دي

4️⃣ دي نصيحة بقي 😂

ركز وانت بتذاكر علي الأعراض و تكون فاهمها كويس و الأعراض المميزة لكل مرض زي مثلا

Depression ___ anhedonia & many decrease (concentration, sleep,.... ) & gluit & suicide

Schizophrenia ____ hallucinations & delusion
و هكذا

و كمان ركز علي العلاج و ذاكر كويس الفرما و mental examination

#psychiatry
#easy_module

اخر رسالة مش عارف تقصد علي تجميع الwritten ولا ايه الصراحة:

📍 لو لقيت وقت هظبطه ان شاء الله

بالنسبة لي الملفات الرسالة دي فيها الخلاصة

📍 اصل انتم طابعين معظم الورق ده فمعاكم خلاص

فلو كله في ملف هتطبعوا تاني من الأول لسه و انتم محددين في الورق القديم و مذاكرين فيه فده هيكون اسهل في المراجعة عليكم و هيوفر عليكم و قت اوي