بعد العيد و زي الفل اوي والله

الترم الثاني و بالاخص اول ميديول عندكم تقيل بجد عشان الليحة مختلفة

هوضح لكم كل حاجة دلوقتي

مساء الخير عليكم ❤️

دلوقتي الترم التاني عندكم وضعه مختلف

الميديول الاول فيه

5 special surgery
Pediatric
Plastic
Ansthesia
Cardio thoracic
Vascular

2 IM
Chest
Cardio

الميديول التاني

اللي اعرفه فيهم
Emergency surgery
Im part (immunology + emergency + other topic)
و فيه في الليحة حاجتين جداد
🔻 مع العلم جزء emergency سواء باطنة او جراحة كان بيترشح اي كلام بس ليكم احتمال كبير اوي بشكل الليحة ده يتواصوا اوي اوي بالاخص عشان مستشفى الطوارئ الجامعي

دي الليحة بتاعتكم مختلفة عن اللي كان عدننا

فطبعا مش محتاج اقول ان اول ميديول ده تقيل اوي اوي اوي ده كل اللي احنا اخذناه في خامسة الترم التاني ما عدا جزء IM Part اللي اتكلمت عليه

فكده الترم التاني بتاعتنا يعبتر انتم هتخدوه في ميديول او بمعني اصح في 9 اسابيع

و طبعا طبعا الميديول التاني هيبقي مليان مش سهل برضه

'ك مثال احنا كانت الأشعة عندنا سهلة و عبارة عن 25 درجة و كانت عبارة عن introduction بس و انتم لما بقت الأشعة بي 75 درجة شفتوا حصل فيها ايه و شرحوا قد ايه معاكم فيها'

فدلوقتي لو هتبدوا الاسبوع الجاي

كده هيكون شبه 10 او 12 يوم اظن قبل العيد و محدش هيفتح كتاب و هتبدوا مذاكرة بعد العيد و مراكمين كم محترم

طب ليه نزنق نفسنا لو بدتوا قبل العيد و هتبقي زنقة تقيلة بجد

🔻 و العملي اصلا بيكون اوسكي:
- الجراحة بيكون شفوي نظري مع شوية تخفيف بسيط
- الباطنة الشيست كان في نظري كيزز + نظري عملي 50 صحفة باين و الكارديو عملي بس مع موضوعين نظري و دي نصيب هبقي اقولكم وقتها

بس لو بعد العيد

هتاخروا علي نهاية السنة 10 ايام فقط و المقابل هتبقوا مرتاحين في اول ميديول و تبقوا فصلتوا من امتحانات الترم الاول و عيدتوا برواقة و مرتاحين
و بعدها تبدوا الترم التاني

----------------------------
اه الكم هيبقي كبير كده كده بس هتبقوا عملتوا اللي تقدروا عليه و هتبدوا من اول يوم مذاكرة بعد العيد

و لما تخلصوا 10 او 12 ديسمبر ده كويس و لسه فيه شهرين و نص تعملوا كل اللي نفسكم فيه

و كده كده سنتين الامتياز هتبقوا فاضيين فيهم و الوقت حلو جدا


ربنا يصلح لكم الحال و يبقي ترم كويس يا رب العالمين ❤️❤️

الحمد لله ❤️🥰
اخيرا ترم هكون بجهز المذكرات و معايا وقت 🔥 🔥
اريح يومين كده بقي ❤️😂

اجازة سعيدة 🥰🥰

صباح الخير عليكم ❤️
نقطع الاجازة بي فيدباك عن مذكرات الترم الاول
https://100299157998447567022.sarhne.com

ولو في اي اقتراحات لي الترم التاني عرفوني برضه

عشر ذي الحجة تبدا من مغرب النهارده ❤️❤️

قال رسول الله صلى الله عليه وسلم: (ما من أيام العمل الصالح فيها أحب إلى الله من هذه الأيام ـ يعني أيام العشر ـ قالوا: يا رسول الله، ولا الجهاد في سبيل الله؟ قال: ولا الجهاد في سبيل الله، إلا رجل خرج بنفسه وماله ثم لم يرجع من ذلك بشيء) [رواه البخاري].

🚫 من باب التشجيع على الطاعة دا مخطط بسيط يساعدنا جميعا بإذن الله تعالى على متابعة أنفسنا خلال هذه الأيام (نسخة للبنات و نسخة للأولاد)
أطبعوه وثبتوه في مكان واضح و خلوا قلم قريب منكم عشان تسهل المتابعة
أتمنى ينفعكم جميعا

وربنا يبلغنا هذه الأيام ويكتبنا من العاملين فيها يا رب❤️❤️

ادعوا لزميلتكم معاكم في الأيام المباركه دي

إذا كانت ليلة القدر مجهولة فإن يوم عرفة معلوم

فيلا نقوم نصلي القيام و نتسحر 🥰🥰

نكثر من الدعاء و ذكر الله تعالى و ندعي لبعض بظهر الغيب، و ربنا يتقبل منا جميعا يارب والعالمين ❤️❤️❤️

عيد مبارك علينا جميعا ❤️❤️
ربنا يتقبل منا ومنكم صالح الأعمال يارب العالمين ❤️❤️

هبدا اتكلم معاكم عن الترم الثاني في كذا رسالة ان شاء الله

نبدا النهارده بحاجة خفيفة كده

زي ما قولت قبل كده الليحة عندكم مختلفة ف توزيعة الدرجات مش هنعرفها غير وقت الامتحانات بس هنكون عارفين مين اكتر في الدرجات بشكل عام و خلاص

🔻 المحتوي اول ميديول عبارة عن
1️⃣ 2 branches IM
3️⃣ 5 branches surgery
كلهم علي بعض 250 درجة

اعتقدت ترتيب الدرجات فيهم
Chest + cardio IM زي بعض
Ped + vascular surgery زي بعض
Cardiothoracix
Ansthesia
Plastic
مادة زي تجميل او تخدير ممكن تكون بي 25 درجة عادي بالوضع ده


🚫 ان شاء الله بكره و بعده هكون وضحت كل حاجة عن المواد
(النقط اللي هتكلم عنها في الكومنتات لو فيه حاجة زيادة قولوا)

🚫 بنهاية اول اسبوع في المحاضرات اكون جهزت رسالة لكل مادة نعمل ايه في المحاضرات

🚫 لو فيه اقتراحات قولوا في الكومنتات 🫡

استمتعوا بأخر ايام الاجازة ❤️❤️

بسم الله الرحمن الرحيم ❤️❤️

الرسالة دي هتكلم معاكم فيها عن الباطنة

Chest IM

1️⃣ القسم مين:
رئيس القسم د هاني حسين و هو بيحب النظام جدا و بيهتموا بالغياب

2️⃣ المحتوي نظري:
اغلبه عدي عليكم قبل كده في شيت الأطفال و المحتوي لذيذ و هتكلم معاكم اكتر في تفاصيل نعمل ايه في المحاضرات

3️⃣ المحتوي عملي:
ده بيتشرح علي مرتين مرة في المدرج و مرة في المستشفى علي حالات
و ده اكتر مادة نهتم بيها بجزء العملي عشان اوسكي

4️⃣ الشرح عامل ازاي:
شرح القسم يمشي الدنيا بنسبة كويسة بس خذوا بالكم ان د ولاء بتزود نقط في الشرح و بتيجي في الامتحان

5️⃣ مصدر المذاكرة:
كتاب القسم سواء نظري او عملي

6️⃣ مصادر خارجي:
للاسف مش هيبقي مناسب عشان الكتاب في تفاصيل مختلفة شوية عن أغلب الخارجي و كمان شرح القسم يمشي الدينا بنسبة كويسة ان شاء الله

7️⃣ الامتحانات عاملة ازاي:
🚫 عملي:
بيكون اوسكي علي 4 station
Symptom + general
Local examination
Percussion + asculation
Cases نظري
🚫 اند ميديول:
اختياراي

🚫 فاينل:
رتن و اختياري و ممكن رتن كيز عادي

8️⃣ نيجي للمهم القسم بيكرر 😂:
🚫 الرتن بيكون علي الحاجات المهمة و الدنيا بتبقي ملمومة ان شاء الله
🚫 الاختياري في جزء بيكون متكرر و الباقي علي النقط المهمة اللي اتاكد عليها في الشرح

Cardio IM

1️⃣ القسم مين:
رئيس القسم د وائل حسيب بس اللي في الاغلب بيظبط معاكم الدنيا د محمد كمال سلامة
فطبعا نتوصي بالحضور ليهم كويس اوي اوي

2️⃣ المحتوي نظري:
هو للاسف تقيل و محتاج فهم كويس برضه عشان تحس انك فاهم المحتوي

3️⃣ المحتوي عملي:
القسم بيشرح كذا حاجة عملي بتسال فيهاو كلهم في كتاب د علام كلينكال +
شوية حاجات general تاينة و هوضحلكم كل ده في رسالة عملي بعدين

4️⃣ الشرح عامل ازاي:
الشرح مش احسن حاجة الصراحة ف نعلي مستوي self study بقي 😂

5️⃣ مصدر المذاكرة:
نظري القسم ليه مصدر مذكرة فيها الداتا و الامتحان مش بيطلع بره عنها

'في ناس بتحب تجيب كتاب د موافي و تذاكر منه هو الكتاب حلو و منظم كتير اوي اوي بس تفاصيل كتير مش عندنا و هتلاقي المنهج كبير علي الفاضي'

العملي هنذاكر من كتاب د علام كلينكال

6️⃣ مصادر خارجي:
في حاجة من اتنين
🔻 نعتمد علي سماع فيدوهات قديم مراجعة بتاع د علام شاملة المنهج و وقت الفاينل لو كنتم كويسين د محمد هيحدد معاكم المهم رتن و الاختياراي بيتكرر بنسبة كويسة

🔻 كورس د علام ده لو انت عاوز تفهم كل جزء هتكون مستمع و فاهم كويس بس خد بالك الكورس فيه تفاصيل زيادة عن الكتاب فساعتها تسمع و تفهم وتكتفي باللي في الكتاب و خلاص

7️⃣ الامتحانات عاملة ازاي:
🚫 عملي
اوسكي شفوي علي محتوي العملي و خلاص

🚫 اند ميديول
اختياري

🚫 فاينل
اختياري +رتن

8️⃣ نيجي للمهم القسم بيكرر:
🚫 رتن
القسم ان شاء الله بيحدده طول ما انتم كويسين 😇

🚫 اختياراي
بيكون نسبة كويسة متكررة

بسم الله الرحمن الرحيم ❤️

هنتكلم في الرسالة دي عن 3 برنشات جراحة مرة واحدة

بشكل عام في الجراحة:
🚫 التكرار في الاسئلة بنسبة محترمة ما عدا
Vascular + Pediatric
النسبة اقل شوية

Plastic

1️⃣ القسم مين:
رئيس القسم د صفوت حجازي رايق جدا جدا و شرحه كويس اوي كمان
و اغلب القسم رايقين و تعاملهم لذيذ اوي

2️⃣ المحتوي نظري:
هم 10 محاضرات و اللي اساسي منهم للامتحان 6 بس فالدنيا لطيفة
و بالاخص
Burn
Skin lesion
دول اكتر من نص الامتحان فيهم اصلا

3️⃣ المحتوي عملي:
هو هو النظري بس هتشوف الصور اكتر و شرح تاني سريعا لنظري

4️⃣ الشرح عامل ازاي:
شرح القسم في اهم محاضرتين في المنهج حلو و كويس و 4 الي فاضلين مهمين برضه شغال الباقي مش احسن حاجة عشان هم اصلا سهلين و مش اساسي في الامتحان

5️⃣ مصدر المذاكرة:
مذكرة شرح عاملها لكم عبارة عن الداتا + الزيادات

6️⃣ مصادر خارجية:
مظنش فيه شرح خارجي اوي للتجميل و الصراحة مش مستاهله عشان هتبقي اقل درجات في الميديول فاخر مادة تدور فيها علي خارجي يعني

7️⃣ الامتحانات عاملة ازاي:
🚫 عملي
اوسكي علي 6 محاضرات المهيمن و محاضرة hand

🚫 اند ميديول
اختياري

🚫 فاينل
اختياري + سؤال مقالي

Ansthesia

1️⃣ القسم مين:
رئيس القسم كان د أمير - الله يرحمه-
فمش عارف مين رئيس القسم حاليا بس الدكترة في القسم بشكل عام كويسين و متعاونين جدا جدا

2️⃣ المحتوي نظري + العملي :
الاتنين حاجة واحدة و المنهج عبارة عن 10 محاضرات
اهم حاجة بتركز عليها ادوية التخدير بتاعة كل بتاع كل نوع تخدير و بيعمل ايه في المريض

3️⃣ الشرح عامل ازاي:
يمشي الحال برضه و المادة كده كده درجاتها صغيرة

4️⃣ مصدر المذاكرة:
مذكرة شرح عاملها لكم عبارة عن الداتا + الزيادات

5️⃣ الامتحانات عاملة ازاي:
🚫 عملي
اوسكي شفوي علي حاجات القسم بيحددها في المراجعة عشان الشفوي و كانت الدنيا حلوة خالص

🚫 اند ميديول
اختياراي

🚫 فاينل
اختياراي + ممكن 2 مقالي

Cardiothoracix

1️⃣ القسم مين:
رئيس القسم د وائل الفقي و طبعا القسم فيه د محمد عبدالعال فالقسم توب توب و رايق جدا جدا و الدنيا حلوة

و طول ما انتم كويسين مع القسم هتقدروا تظبوا مع د وائل مراجعة في الاخر في خلاصة الخلاصة 🫣

2️⃣ المحتوي نظري+ العملي
محتوي صغير اوي حتي المذكرة الشرح 60 صفحة يعتبر 😂
العملي هو النظري
بس للحق في جزئين هم عملي بجد
Chest tube
Artificial valves
و اغلبه هتلقيه مشروح معاك في الباطنة كمان بس في الجراحة مش بيدخلوا في تفاصيل كتير زي الباطنة

فالمادة لذيذ اوي

4️⃣ الشرح عامل ازاي:
مش اقوي حاجة عشان اغلبه بيكون معاد مع الباطنة و مش هتحتاج تدور علي شرح خارجي

5️⃣ مصدر المذاكرة:
مذكرة شرح عاملها لكم عبارة عن الداتا + الزيادات

6️⃣ الامتحانات عاملة ازاي:
🚫 عملي
اوسكي عبارة عم ملف صور و ندخل للدكتور يسالنا في صورتين و خلاص و ده اخف اوسكي

🚫 اند ميديول
اختياري

🚫 فاينل
اختياري + 3 رتن

بسم الله الرحمن الرحيم ❤️
نيجي لاخر جزء معانا في تفاصيل الميديول

القسمين دول التكرار مش كتير عندنا بس عندكم ممكن يكون اكتر عشان عدد الدرجات قل و كمان امتحان دفعتي مرجود الأفكار اللي فيه فالدنيا هتبقي احسن

Pediatric

1️⃣ القسم مين:
طبعا ده تبه الجراحة العامة و اللي هيشرحوا اغلب الوقت د الحصري و د شريف فرحات و د شعلان و اغلب الشرح كويس بنسبة كبيرة اوي الحمد لله

2️⃣ المحتوي نظري:
المحتوي في كذا حاجة عدت عليكم قبل كده في جراحة git فالدنيا سهلة و المادة كمان صغيرة مش كبيرة و المقابل درجاتها كتيرة

3️⃣ المحتوي عملي:
هو هن النظري اصلا و القسم مش بيشرح روندات يعتبر

4️⃣ الشرح عامل ازاي:
كويس بنسبة كبيرة مش هتدور علي خارجي و كمان التفاصيل بسيطة عشان علي قد كلام الداتا و الشرح بس

5️⃣ مصدر المذاكرة:
ان شاء الله مجهز مذكزة شامله الداتا و الشرح +زيادات مراجعات القسم و كل الحاجات المهمة بس مش هتنزل دلوقتي لما يجي وقتها ان شاء الله

6️⃣ مصادر خارجية:
في حاجات هتلاقي د وهدان فيها بس مش اساسي الصراحة تدور علي شرح خارجي

7️⃣ الامتحانات عاملة ازاي:
🚫 عملي
اوسكي شفوي علي النظري يوريك صورة و يسالك ايه ده و كام سؤال عليها و بتبقي الدنيا سهلة عشان بيعملوا مراجعة قبلها

🚫 اند ميديول
اختياري

🚫 فاينل
اختياراي و ممكن 4 مقالي او اكتر

Vascular

1️⃣ القسم مين:
مش متذكر مين رئيس القسم بس اللي بيكون مسؤول عن الامتحان د محمود عطية

2️⃣ المحتوي نظري:
هيبقي حاجات جديدة شوية عليكم بس هتعرفوا حاجات كتير بنسمع عنها زي
DVT, Varicose vein
🚫 المنهج عبارة عن 3 اجزاء
Artery
Vein
Other (موضوعين كده مش تبع حاجة)

3️⃣ المحتوي عملي:
مكنش ليهم روندات

4️⃣ الشرح عامل ازاي:
شرح القسم شغال علي قد اللي في الداتا بس المشكلة ان د محمود عطية بيقول الداتا مش مصدر كافي بنعوز نعرف تفاصيل اكتر من كتاب د نزار ده اقرب حاجة لي اسلوب الشرح بتاع الدكترة فالمادة دي محتاجة فهم اكتر شوية

5️⃣ مصدر المذاكرة:
مذكرة شرح فيها الداتا و الشرح و كتاب د نذار

6️⃣ مصادر خارجية:
شرح د وهدان حلو اوي و هيخليك تجمع الدنيا كويس و عيبه انه طويل

7️⃣ الامتحانات عاملة ازاي:
🚫 عملي
اوسكي علي النظري كله يعتبر

🚫 اند ميديول
اختياراي

🚫 فاينل
اختياري و 3 مقالي

8️⃣ يعني نعمل ايه في المادة دي:
عندك اوبشن من اتنين

🚫 عاوز اقل المجهود
هتذاكر من المذكرة و تباع مع الدكترة و الكلام الزيادة في المذكزة تقراه مع نفسك و خلاص

'بالاخص ان عدد الدرجات بتاع أوعية هيبقي قليل عندكم احنا كان الاند و الفاينل بس معدي 40 باين، بس انتم كلها علي بعضها ممكن تبقي بي 40 درجة فبالتالي عدد اسئلتها اقل و عدد اسئلة عاوزة فهم اقل فالدنيا اسهل'

سؤال عاوز فهم = سؤال حله مش صريح في الكتاب استنتاج يعني

🚫 عاوز تعمل مجهود عالي
انك تسمع د وهدان مع الكلية طب نعملها ازاي!؟

استغلوا اول 3 اسابيع ان المواد سهلة و بصمجة عاليه ان كل يومين نخلص فيهم محاضرة من محاضرات أوعية و هبقي اكتب رسالة عن النقط دي اكتر ك تنظيم بكره ان شاء الله

جمعة مباركة عليكم ❤️
كده انتم عرفتوا النظام في كل جزء في الميديول الاول
Chest + cardio
Plastic + Ansthesia + cardio thoracic
Ped+vascular
كام تفصيلة زيادة بقي

1️⃣ الترم الوقت فيه كويس ونقدر نعمل كل اللي نفسنا فيه و الدنيا مش مضغوطة خالص و كمان في ميزة عندكم انكم هتخلصوا كل برانش مرة واحدة و تدخلوا علي اللي بعده

2️⃣ وقت المحاضرات في كل بتبقي حدود ساعة و لو فيه راوند هيبقي نفس الفكرة يعني

3️⃣ رسايل محتوي نعمل ايه في كل محاضرة هتبقي مهم جدا جدا هتفهمك تركزوا علي ايه بالظبط عشان متحطوش مجهود و وقت في حاجات علي الفاضي
و رسالة التخدير هتبقي جاهزة من بكره

4️⃣ مذكرات شرح الجراحة تجميل و أوعية و تخدير و cardio-thoracic بي 200 و شوية و هنزل التفاصيل ان شاء الله

مساء الفل عليكم ❤️
تفاصيل مذكرات الجراحة شرح

🚫 بالنسبة لي السعر المذكرات
كل برانش في مذكرة منفصله و غلاف
Cardiothoracix 35 LE
Ansthesia 50 LE
Plastic 60 LE
Vascular 60 LE

بس لو هتشتري الاربع مع بعض مرة واحدة هيبقوا بي 200 بدل 205 + تاخد مادلية هدية 🥳🥳

⚡ اهم اسئلة المقالي في كل مادة هتلاقي مكتوب جنبها عشان تكون المقالي بيجي في ايه من الاول 🫡🫡

Vascular

🚫 المذكرة عبارة الداتا القسم كاملة + زيادات الشرح كمان كلها + كتاب د نزار كامل

🚫 وانت بتذاكر اي عنوان تحته خط برتقالي تعرف انه من كتاب د نزار بس

🚫 طبعا في صور كتير عشان تتخيلوا شكل الامراض و كمان هتعوزوها عشان اوسكي فيه صور و تسألوا فيها

🚫 في كذا عنوان من كتاب د نزار و مش بيترشحوا بس موجودين احطياطي معاكم برضه و اهم محاضرة فيهم عشان ديما بيجي فيها سؤال
Arterial injury

Plastic

🚫 داتا القسم كاملة بالاجزاء اللي زادت السنة اللي فات برضه + زيادات القسم بالاخص في اهم محاضرتين في المنهج ليهم زيادات مهمة
Burn
Skin lesion

🚫 صور كتير عشان تبقوا عارفين الشكل بتاعه كل حاجة

Cardiothoracix

🚫 داتا القسم و القسم لذيذ مش بيزود بل في اجزاء بيعديها في الشرح و بتكون مش عليكم عادي الحمد لله
لكن في:

1️⃣ زيادات مهمة بتتحفظ وقت العملي حاططها لكم في المذكرة عشان وقت العملي يكون الكلام كله عدي عليكم قبل كده و ممكن حاجات منها تلقيها مش بتتشرح بس احفظها برضه عشان العملي
'اي جزئية مهمة عملي بتتسالوا فيها هتلاقي تحتها خط بشكل معين هتشوفه في الفهرس'

2️⃣ زيادات د وائل قالها في المراجعة الفاينل مهمة كلها محطوطه برضه

🚫 في المنهج يعتبر 3 روندات هتلقيهم برضه في المذكرة ان شاء الله 🫡

Anesthesia

داتا القسم بشكل اساسي و القسم الحمد لله مش بيزود
في محاضرة ممكن الداتا فيها تتغير عشان كان بيشرحها د أمير -الله يرحمه- و كده كده اي تتغير هيتظبط و ينزل علي طول

-----------------------------
🚫 نعمل ايه في محاضرات النظري او العملي لكل مادة
النظري خلال الأسبوع ده
العملي علي نص الأسبوع الجاي تكونوا مشيتوا في المنهج عشان تكونوا عرفتوا المنهج اكتر

بلاش تسالوا الدكترة عن الغياب و الاستيفا و الكلام ده خالص دلوقتي

بكره كده كده الدنيا هتبان و هتشوفوا القسم هياخد غياب ازاي

بالاخص يعني ان المحاضرة و الراوند في اول 3 اسابيع الدفعة كلها مع بعض في المدرج فالاغلب الغياب فيهم مش هيبقي اهم حاجة

اسالوا علي استيفاء لما يكون روندات بجد في المستشفى و جروب 100
مش علي راوند و محاضرة الدفعة كلها مع بعض

فبلاش اسئلة لحد ما الدنيا تبان بكره في المحاضرة

فكرتوني بواحد في الدفعة
الدكتور بيقول في لايف تفاصيل الامتياز و ان امضاء الحضور الامتياز لحد الساعة 9

قام فتح المايك و يسال فيه امضاء انصراف يا دكتور 🙃🙃

بس الحمد لله مفيش

صباح الفل عليكم ❤️
نعمل ايه في محاضرات التخدير لسه هخلص مشاوير و هكملها علي طول ان شاء الله النهارده
بس جزء النهارده اهو

Introduction

محاضرة تفتيح كلام عن المنهج بس و هي عن انواع التخدير و بعد كده كل نوع ليه محاضرة

🔻 اجزاء مهمة اوسكي:
1️⃣ Monitoring
بيكون ازاي و الصورة اللي في المذكرة دي و ايه اللي بنتابع اللي هم 5 نقط

2️⃣ Mallampati classification
ده مهم اوي بنتسال فيه شفوي + ديما سؤال اختياراي في كل امتحان علي طول

3️⃣ How to rescue air way
اه مش في الداتا بس مهم برضه عشان الشفوي و الكل الصور دي مهمة

General anesthesia

طبعا ده من أساسيات المادة فده جزء مهم و ده بيكون عبارة عن
IV drugs
inhalation drugs
Neuromuscular block drugs

كل طريقة بنعمل بيها تغدير فيهم ليها ادوية و تفاصيل كتير طبعا احنا مش هنقعد نحفظ كل ده يعني مش موضع امتحان دلوقتي
الاساسي دلوقتي نكون عارفين تاثير الادوية و ايه اللي بيميز كل دواء فيهم
و نتوصي بحفط اسماء أدوية بقي 😂

🔻 اجزاء مهمة اوسكي:
الادوية ك اسماء و ك النقط المميز عن كل دواء

Regional anesthesia

محاضرة كده تحس ان ملهاش لزمة بجد عشان هي عبارة عن 5 طرق للتخدير و هيشرح منهم نوعين عشان مهيمن علي محاضرتين

فنحاول نكون طالعين منها بي:
1️⃣ Modalities
2️⃣ Complications ده مهم اوي بقي

Local anesthesia

طبعا ده من أساسيات المادة فده جزء مهم
هنا احنا بنستخدم بشكل اساسي حاجة من اتنين
Ester or amide

فهنعرف
1️⃣ امثله كل جزء و الميز لكل دواء بالظبط ايه
2️⃣ ايه المضاعفات
3️⃣ Additives of local agent

🚫 المهم في المحاضرة من اول نص صحفة 31 اللي قبل كده قراية كده

🔻 اجزاء مهمة اوسكي:
الادوية ك اسماء و ك النقط المميز عن كل دواء

Neuraxial block

طبعا ده من أساسيات المادة فده جزء مهم

هتلاقي في الاول مقدمة كده قراءة في السريع
الجد من اول indication

🚫 في المحاضرة دي هنعرف 3 انواع تخدير
Spinal + Epidural + Caudal
و مهم نعرف مضاعفات كل واحد فيهم عشان ده اساس الأسئلة يعتبر

🔻 اجزاء مهمة اوسكي:
1️⃣ المضاعفات مع تركيز علي حاجات بسيطة فيها بشكل اكتر

Peripheral nerve block

مش عليه تركيز كبير في الدرجات بس برضه من طرق التخدير

كل القلق هنا اننا ممكن نعمل injury of nerve

🚫 فعشان كده هنركز علي عنوان
Nerve identification
ك اسماء و نعرف ان us احسن واحد

🚫 و نعرف الأودية الي عدننا و مضاعفات

Pain

محاضرة عبيطة خالص و الدكتورة في الشرح بتركز علي 5 او 6 نقط و مش بيطلع عنه الامتحان

🚫 نركز علي
1️⃣ Classification of pain
و بالاخص 3 مصطلحات في نوع. Neuropathic ديما واحد منهم في اي امتحان

2️⃣ TTT
بالاخص ان في حاجة مش أدوية بنسخدمها اسمها TENS

Shock

من الحاجات المعروفة كويس عندنا يعني 😂
نعرف الاسباب و الانواع اهم حاجة
+ pathophysiology

Blood transfusion

محاضرة بسيطة بس مهمة
نركز علي
1️⃣ فصايل الدم و كل نوع بيدي ايه
2️⃣ مكونات الدم ده اقل اهمية
3️⃣ مضاعفات نقل الدم وده مهم جدا جد و كده رتن كتير قبل كده

CPR

محاضرة غريبة تحسها في المادة دي بالغلط
و كلامها كله سهل و عارفينه قبل كده