واخيرا نهايه الامتحانات و الفرهدة ❤️😂
مبارك عليكم الاجازة ❤️🥰🥰

مساء الفل عليكم من احلى إجازة حلال ❤️🥰

قبل ما انزل بكره لينك صراحة عشان فيد باك الترم ده حابب اتكلم في نقطة مهمة

اللي كان بيعوز المذكرات اولاين او فري كنت ببعتهاله علي طول حتي لو كان اكونت نقطة، بس كل واحد كان بيكون عليه امانه انه ميبعتهاش لحد ابدا

'استثناء طبعا للي بيكون مستاذن مني و معرفني انه هيبعتها لحد وبقوله اكد علي صحبك انه ميبعتهاش لحد'

فلما اعرف ان الناس عماله تبعتها لبعض عادي خالص و تخون الامانه و تاخد ذنب مش فاهم ليه؟!

و عارف المشكلة ايه؟! ان الذنب عليك انت مش علي صحبك اللي بعتله، والكلام ده وصلني من كذا شخص مش من واحد او اتنين

و كل الاحترام اللي بيكون حد بعتله المذكرات و برضه يبعتلي عاوز يشتريها اولاين فدول ما شاء الله عليهم

🚫 فكل واحد محترمش الأمانة و بعت المذكرات عشان اسامحه هيطلع 10 ج صدقة جارية علي كل مذكرة بعتها لحد و لو بعتها لكذا حد فمش عارف اقولك ايه الصراحة طلع 150

🚫 كل واحد اخد المذكرة من غير علمي هيطلع 10 ج علي كل مذكرة برضه 'لو مش هيقدر يبقي 20 ج و خلاص'

و يا ريت الموضوع ميتكررش تاني عشان ساعتها مش هسامح حد فيه

مساء الفل عليكم ❤️🥰
يهمني اعرف الفيدباك عن الترم الطويل ده و ده حاجة مهمة الصراحة و الناس اللي كانوا بيطلبوا نصايح كانت بتظبط معاهم الدنيا بنسبة قد ايه برضه

https://100299157998447567022.sarhne.com

🚫 لو فيه حاجة شايفينها مهم اضيفها الدفعة الجديدة سواء في المذكرات او في الرسايل علي القناة فيبقي عظمة خالص ❤️🥰

⚡ بالسنة الصدقة عن المذكرات مش ملزمين بوقت معين منين ما تقدروا عادي خالص

اخر نداء لطيارة الدوحة 😂😂

+ لو حد صور اختياري جينا و أطفال يبعت و ميخفش من حوار الرقم القومي في الامان متقلقش 🫡
@basemsaeed2000

مساء الخير عليكم ❤️🥰
يلا نبدا نستغل الاجازة عشان مستقبلنا ولا ايه 🫣😂

الرسالة دي هتبقي مهمة عشان نعرف اكتر عن طريقنا فيما بعد

اولا: الشغل و ما بعد التخرج

انا شايف ان ده انسب وقت تعرف فيه و تجمع معلومات و تعرف الطريق المناسب ليك عشان لما تخلصوا خامسة تريحوا شهرين او 3 شهور و تبدوا علي طول في التراك المناسب

اغلبنا بيفكر للسفر و معادلات ففيه شوية حاجات تفيدكم اكتر في الجزئيه دي

🚫 برودكاست عن USMLE
Part 1 with Dr Atef
Part 2 wirh Dr Mahdi

🚫 برودكاست عن MRC & PLAB
With Dr omar

'دول برودكاست عن الطرق دي المحاور فيها د محمد حاتم مع زمايل اكبر لينا اخرجوا، فبيحكوا خبراتهم و تفاصيل اكتر عن الرحلة دي'

🚫 بوستات د خالد خاطر و د احمد عشماوي يقدروا يعرفونا معلومات اكتر عن التراك في مصر و غيره من الطرق برضه

ثانيا: الجانب الديني

🚫 ده الجانب الأساسي اللي احنا عايشين عشانه و بيه نقدر نخلي حياتنا بشكل افضل و نتعلم ازاي نتعامل مع كل امورنا بشكل احسن

🚫 لازم نعرف اكتر عن دينا و الحلال و الحرام فيما بعد كلنا هنتجوز و هنبقي مسؤولين عن العيله و اولاد فلازم تكون قدوة حسنه مش علميا بس و كمان دينا

🚫 التربية و تكوين الاسرة بمقاش بالشئ السهل زي زمان دلوقتي بقي الذنب منتشرة و الناس بتقول ما كل الناس بتعمل كده 😢

قال رسول الله ﷺ: 'يأتي زمان على أمتي القابض على دينه كالقابض على جمرة من النار'

🚫 فهرشحلكم شوية برودكاست الصراحة جربتهم كلهم و ما شاء الله جامدين

1⃣ ايه المشكلة 'هتلقيه بيناشق حاجات كتير مهم جدا'
2⃣ وعي
3⃣ السيرة النبوية لي م/أحمد عامر
4⃣ السيرة النبوية لي م/ علاء حامد
'لو مسمعتش ولا قريت حاجة عن السيرة النبوية يبقي ابدا بي م احمد عامر'
5⃣ فضفضة الاحد مع د محمد الغليظ
6️⃣ فيدوهات لي د حازم شومان عامة

🚫 طبعا لازم تكون بتقرا و تدبر القرآن و تتعلم من السنة
قال رسول الله ﷺ 'تركت فيكم أمرين، لن تضلوا ما تمسكتم بهما: كتاب الله، وسنة رسول الله'

🚫 ديما لازم نكون بنراقب نفسنا قدر الامكان و نحاول نبعد عن الذنوب و خلي ديما المقوله دي في دماغك
'ما دون الجنه دون'

صباح الفل عليكم ❤️
بالنسبة لي سنة 5 و الحضور عشان كذا حد سالني هقولكم الوضع اللي مشينا بيه

السنة ماشيه
الترم الاول بتخدوا المحاضرات مع بعض عادي 'ما عدا ent'
و كل 300 واحد ليهم روندات معينه بيحضروها

Ent

ده كان ارخم غياب بالاخص اول مجموعة بتيدا بيه
بيكون المحاضرات و الروندات بياخدوا مع بعض و اليوم بيكون شبه 3 سعات

🚫 الحضور 4 ايام في الأسبوع
🚫 الغياب بيتاخد علي المحاضرات و الروندات 😢
🚫 الغياب بيتاخد كشف و لوج بوك
🚫 نسبة انك تمشي امورك في الغياب مش اسهل حاجة بالاخص اول مجموعة
🚫 الغياب اليوم بدرجة عشان الغياب عليه 5 درجات

Family

ده دلع خالص هم 12 راوند يعني 3 اسابيع و الغياب علي الروندات بس

🚫 المحاضرات يومين في الأسبوع الدفعة كلها

جلدية و أشعة و تحاليل

دي متشرحتش من سنتين الدفعة فالنظام مش معروف اوي هيكون ازاي

🚫 القسم الجلدية المحاضرات فيدوهات قديمة اولاين و روندات كانت 3 او 4 باين مش فاكر

🚫 أشعة و تحاليل ده مكنش فيه روندات كانت محاضرات و خلاص

فده نظام الترم الاول نوعا ما عشان لو حد عاوز يقرر في موضوع السكن

و الترم الثاني لو مشيتوا زينا هيبقي حلو و غياب علي الهادي

نغير اسم القناة المرة دي قبل النتيجة بقي
مش كده احسن ❤️😂

صباح الفل عليكم ❤️
الناس اللي عندها سمر و مش عارفين يعملوا ايه و حاسين انهم تايهين و ايه اللي نركز عليه و هكذا يعني
يبعتوا رسالة علي الاكونت و هبعتلهم كل حاجة محتاجينها عملي و نظري و المذكرات ان شاء الله
@basemsaeed2000

🚫 اللي عندهم ولادة يبعتوا النهارده عشان عندي اوسكي بكره ولما هخلص (بكره) هجمع باقي المواد ان شاء الله و اقولكم تبعتوا علي طول 🫡🫡

بالتوفيق يارب العالمين ❤️❤️

مبارك عليكم النتيجة ❤️🥰
رسميا seniors خلاص

كانت سنة طويلة و صعبة متنسوش تحمدوا ربنا انه اعانكم عليها و عدتوها علي خير
مهما كانت درجاتكم ربنا ديما بيهياء لينا الاقادر لما يحب و يرضي فكل حاجة خير لينا ديما

عقبال اخر سنة كمان يا رب العالمين ❤️❤️❤️

مساء الفل عليكم ❤️
اللي محتاجها ملفات و مذكرات الترم الاول عشان السمر يبعت يا باشا خلاص جمعت الحاجات الحمد لله
@basemsaeed2000

بالنسبة لي الترم التاني من يوم الثلاث اللي محتاج حاجة يقدر يبعت ان شاء الله 🫡

ربنا معاكم و يعينكم و يصبركم ❤️❤️

مساء الفل عليكم ❤️
اللي محتاجها ملفات و مذكرات الترم التاني عشان السمر يبعت خلاص جمعت الحاجات الحمد لله
@basemsaeed2000

ربنا معاكم و يوفقكم يا رب العالمين ❤️❤️

دعواتكم ليا و لدفعتي نحل بكره كويس في اند ميديول و فاينل الباطنة (160 درجة) ❤️❤️

مستعدين لاخر سنة في رحلة الطب ولا ايه ❤️😂

بليل هبدا انزل رسايل نظام الترم ان شاء الله 🫡

بسم الله الرحمن الرحيم ❤️
هتكلم معاكم في كل يوم عن ميديول و بعدها توضيح النظام اللي هتمشوا يكون الجدول نزل برضه ان شاء الله
----------------------------
هنبدا النهارده بميديول ENT ب 100 درجة

القسم

رئيس القسم هو د سعد الزايات و قسم ent عندنا تقيل جدا جدا و اسمه مسمع الصراحة

🚫 الدكترة اللي بيشرحوا المحاضرات
د سعد بيشرح محاضرات ear
د احمد الجندي بيشرح nose
د هيثم بيشرح pharynx
د احمد سامي بيشرح larynx

🚫 الروندات باقي دكترة القسم مع بس احسن اتنين بيشرحوا
د علي و د محمد الديب

⚡️ شرح القسم في المجمل شغال انك تجمع المهم معاهم في الشرح

المحتوي

هتدرس شبه 4 اعضاء بتوع شغل ent
هتعرف عن كل عضو
Anatomy
Congenital & traumatic disease
Inflammation
Tumor
Symtomatology
Operation
🚫 في جزء اناتومي ده الدكترة في الروندات اللي بيشرحوا و بيركزوا علي المهم و هو مش بيجي فيه مقالي خالص بس الصور بتاعتهم مهمة عملي اوي

🚫 جزء symtomatology ده عبا عن الأعراض الخاصة بكل عضو و ايه اللي يسبب كل واحد فيهم

🚫 هيبقي في رسايل بعدين توضح نعمل ايه مع كل محاضرة و راوند ان شاء الله هظبطها كاملة لما اخلص الامتحان بحيث تبقوا ماشيين صح و تركزوا علي المهم من الاول

⚡️ ده يعبتر اكتر ميديول متبع في المذاكرة في الترم عشان اغلبه جديد معداش علينا في الباثو قبل كده بس مع التكرار و التركيز علي المهم كله هيبقي تمام متقلقش ❤️🫡

مصدر المذاكرة

كتاب القسم فيه كل حاجة محاضرات و روندات

🚫 محتوي المحاضرات و الروندات هو اصلا نظري يعني 😂

🚫 فكل الكتاب هتذاكره قبل امتحان النظري عادي

مصدر سماع خارجي

د مسعد جامد اوي الصراحة مكنش عندي وقت اسمعه، بس جربته في جزء otitis media كان جامد الصراحة

فلو حابب تفهم المادة اسمع اول باول بقي وانت ماشي او في المهم علي الاقل و ده هبقي اوضحه في تفاصيل المحاضرات و الروندات بعدين ان شاء الله

🚫 فيه برضه د ياسر خارجي حلو في ear

الامتحانات و توزيع الدرجات

1️⃣ الغياب + power point درجاتهم 10

2️⃣ العملي 30 درجة
ده بيكون صور بتكتب اسم المرض و عليه سؤال بسيط مش بيطلع من الملفات العملي

🚫 مهم وانت بتذاكر نظري في الاول أنك تبص علي الصور كويس عشان هم كتير الصراحة حوالي 800 slide باين 😂
'قبل ما حد ما يتخض فيهم صور كتير اوي اوي متكررة لنفس الحاجة فالوضع كويس مش زي الرمد خالص'

🚫 ملفات العملي مع كل محاضرة او راوند بص علي الصور باول باول

3️⃣ اند ميديول 20 درجة
ده بيكون اختياراي كله عادي

4️⃣ فاينل 40 درجة
كله رتن للاسف بيبقي عبارة عن 5 حاجات
- Sn about (2Q)

- Enumerate (4Q)

- Definition (4 Q)

- Case
و دي تبقي بصمجة اصلا بتكرر يعني
🚫 بيجوا من دول

🚫 ان شاء الله في مذكرة هيبقي كل الرتن محلول و متظبط و الرتن القسم بيجبوا متكرر مفيش منه قلق بس نحفظ واحنا ماشيين في المنهج

-----------------------------
يبقي الخلاصة
1️⃣ لازم بعد كل محاضرة تبص تشوف صور العملي و تشوف الكيزز و تاخد عندها فكرة

2️⃣ تهتم وانت بتذاكر انك تاكد علي اساله الرتن الخاصة بكل محاضرة من بدري

3️⃣ رسالة محتوي الميديول هتنزل علي اخر الاسبوع الجاي و دي هتفهمكم اكتر تعمل ايه في كل محاضرة و تركز علي ايه ان شاء الله 🫡

🚫 بالنسبة لي الحضور و نظام الغياب ده لما الجدول ينزل هتكلم عنده في كل الروندات مرة واحدة دلوقتي بتكلم عن كل راوند عبارة عن ايه و نعمل فيه ايه

🚫 لو فيه اي سؤال ابعتوا 🫡

بسم الله الرحمن الرحيم ❤️
هتكلم النهارده عن ميديول رايق و خفيف و هو family medicine

الميديول بيه 150 درجة

القسم

🚫 رئيسة القسم د هبه اللي شرحت community

🚫 المحاضرات
1️⃣ الدكتورة هبه هي اللي بتشرح كل المحاضرات
2️⃣ مش بتسمح حد يسجل المحاضرات للاسف 😢 (لو معرفتوش تسجلوا ممكن ساعتها تسمعوا بتوعنا بقي)
3️⃣ دكتورة هبه شرحها كويس اوي و بتقول ايه اللي عاوزه و تركزوا علي ايه و زيادات بسيطة مش كتير و فيه كلام في الكتاب بتعديه فانت لازم تسمع الشرح و تمشي معاها فيه

🚫 الدكترة في الروندات هم اللي بيشحروا العملي بقي و شرحهم كويس بس المهم الزيادات للفهم في اغلب الوقت و التركيز الاكبر علي كلام الكتاب

المحتوي

سهل فوق ما تتخيل و كلام يخلص مذاكرته في وقت قليل مثلا اول 6 محاضرات خلصت كل اللي دكتورة قالته في 20 صفحة 😂
'ان شاء الله هبقي اكمل الباقي نظري و لو عرفت اعمل العملي و تبقي دي مذكرة النوتس و شامله كل الشرح اصلا'

🔻 المحتوي ايه نظري يعني؟
- نظام للصحة بيمشي ازاي و ايه level of care
- الوحدات الصحية و دورها ايه
- ازاي نهتم بصحة الامهات و الأطفال و الناس الكبيرة و المراهقين و المدارس

🔻 المحتوي عملي
- كذا راوند فيهم قوانين ودول مهمين اوي
- جدول التطعيمات بتاع الأطفال تاني 😂
- ايه الأمراض اللي ممكن الناس تتعرض ليها في الشغل

فالدنيا حلو خالص يعني

مصدر المذاكرة

كتاب القسم لازم كله يجيبه عشان حاجتين
1️⃣ ختم الغياب في كتاب العملي
2️⃣ كتاب العملي فيه اساله كتير مهمة و هتسلم اصلا (اساله علي محتوي العملي)

الامتحانات و توزيع الدرجات

1️⃣ عملي
كان كله رتن (اغلب الافكار اللي كانت فيه كانت في كتاب العملي اصلا)

2️⃣ اند ميديول
اختياراي عادي

3️⃣ فاينل
جه فيه سؤالين مقالي و الباقي كان توصيل

🔻 في المجمل كانت كل الامتحانات سهلة و مباشرة يعني

لو فيه اي اساله ابعتوا 🫡

النظام دلوقتي كده ازاي
انتم متقسمين الي اربع دفعات يعتبر

1️⃣ كل دفعة هتاخد المحتوي كامل محاضرات و روندات الراوند بتاعها بس
2️⃣ بعدها هتمتحنوا اند و عملي
3️⃣ بعدها تبدلوا و هكذا زي التقسيمة دي
4️⃣ في اخر الترم تمتحنوا فاينل مع بعض عادي خالص

🚫 في ميزة في موضوع الاند ده ان حاليا الكلية ماشيه ان امتحان الاند ميديول مش بيبقي علي كل المحتوي بيتخفف منه شوية

🚫 بالنسبة لي عدد روندات كل راوند

Ent

4 ايام في الأسبوع اليوم فيه محاضرة و راوند و فيه غياب علي الاتنين للاسف و اليوم بيبقي شبه 3 سعات يعني
(الغياب كشف + امضي في اللوج بوك)

Family

المحاضرات كانوا 10
الروندات كانوا 12

الغياب كان علي الروندات و كان عبارة عن ختم في الكتاب
🚫 فعدد ايام الحضور هيبقي قليل متقلقوش منها

Dermatology

معرفش الوضع هيكون ازاي عشان الميديول متشرحتش من سنتين

🚫 اللي كان بيحصل ديما
1️⃣ المحاضرات كلها بتنزل اولاين
2️⃣ الروندات كانت في الكلية و عليها غياب كام راوند معرفش بس احنا كنا 10 روندات

Radiology & clinical Pathology

معرفش الوضع هيكون ازاي عشان الميديول متشرحتش من سنتين

🚫 اللي كان بيحصل ديما
1️⃣ المحاضرات متقسمة بين القسمين عادي
2️⃣ مكنش فيه روندات بس الله اعلم ايه اللي هيحصل السنادي


⚡️ الجلدية و أشعة و تحاليل وصع الغياب فيهم هيبان مع الجدول اكتر ان شاء الله

لو فيه اي سؤال ابعتوا

بسم الله الرحمن الرحيم ❤️
هنتكلم النهارده عن ميديول لذيذ و كنت عاملكم فيه شغل عظمة لما كنت فاكر الجلدية في سنة 3 😂😂 فهنقعد نستكشف مع بعض المنهج بقي

طبعا ممكن يكون في تغير في الكلام اللي هقوله ده عشان الجلدية متشرحتش من سنتين لدفعة كاملة

🚫 درجات الميديول 50 درجة

القسم

معرفش مين بالظبط رئيس القسم
بس الدكترة اللي بتشرح المحاضرات من طنطا و هم مش بيجوا اصلا و بيبعتوا Playlist لشرح الميديول و خلاص علي كدة و الفيدوهات ديه فيها زيادات كتير كان حد مجمعها في 70 صفحة باين علي ما اتذكر

'فيدوهات دي الشرح فيها مش احسن حاجة الصراحة'

🚫 بالنسبة لي الروندات ف الدكترة اللي في المستشفى بيشرحوا الروندات عادي و بيحولوا يزودوا شوية كانها محاضرة بالمرة يعني

المحتوي

بختصار هو عبارة عن كل انواع العدوي اللي ممكن تسبب حدوث lesion في الجلد
فالمحتوي مش تقيل اوي هو محتاح مذاكرة و حفظ كويس و الدنيا هتبقي زي الفل اوي

مصدر المذاكرة

كان من اكتر الحاجات اللي عاملة جدل كبيرة في دفعتنا فركز في الجزء ده عشان متوهش نفسك

كتاب القسم هو الأساس بتاعتنا + الزايدات (فيدوهات القسم اللي قولت عليها فوق)

🚫 طب هنعمل ايه
1️⃣ القسم شرح في المدرج السنادي مش اولاين يبقي كتاب القسم و نمشي معاه لحد ما نشوف الشرح ماشي ازاي

2️⃣ القسم بعت المحاضرات اولاين زي قبل كده ساعتها هنجيب كتاب القسم عشان متحصلس مشكلة مع القسم + في مذكرة شرح مجهزها فيها كل الكتاب + زيادات كلها + كل الصور بتاع كل مرض عشان المذاكرة تبقي احسن ده غير عرض المعلومة بابسط شكل عشان الدنيا تبقي احسن في المذاكرة

🚫 و كده كده لما تبدوا الدنيا هتبان اكتر في النقطة دي

مصدر سماع خارجي

فيه Playlist لي كراش درما ده جامد جدا جدا جدا هتسمع مع المنهج و ماشي مع المنهج بتاعتنا بنسبة كبيرة اوي ما عدا محاضرة allergy

انا مشيت معاه في كل المحاضرات و كان تحفة الصراحة و هتحب معاه المادة جدا

الامتحانات و توزيع الدرجات

الصراحة مش عارف هتمتحنوا ازاي عشان دول 50 درجة احنا كنا 100 اصلا 😂
1️⃣ العملي
كده كده صور و الملف ده لامم كل الصور

2️⃣ اند ميديول
كان اختياراي

3️⃣ فاينل
كان اختياراي و صح و غلط و جزء complete بنكتب فيه اسم الorgnsim اللي بيحسبب المرض

المهم ان اساله القسم بتكرر بنسبة كبيرة اوي اوي و فيه بنوك اساله كتير هظبط كله ده في المذكرة الاسله متقلقوش 🫡


لو فيه اي حاجة اسالوا 🫡

بسم الله الرحمن الرحيم ❤️
هتكلم النهارده عن اخر ميديول و ده ميديول لذيذ خالص و خفيف اوي
Clinical Pathology & radiology

🚫 دراجات الميديول 150

Clinical Pathology

القسم

د نهلة مرات د اسامة علي فكرة و تعاملها كويس اوي و هي اللي بتحط الامتحان و إمتحاناتها كويس و مباشرة و بتكرر كمان برضه

المحتوي

كل التحاليل اللي تيجي في دماغك زي تحاليل
Blood, Liver, Kidney, Dm, Tumor, Virus
و ده كله عدي عليكم اصلا قبل كده و اهم جزء بتاعم بتاع blood و فيه كل أنواع الأنيميا اللي اتشرحت كتير اوي 😂

فالميديول في المجمل مش هياخد مجهود مذاكرة الصراحة

🚫 القسم في الشرح مش بيزود اوي و في صفحك بيحددوا فيها حاجات معينه فمهم نسمع الشرح

🚫 الروندات كان المحتوي فيها شرح تاني لي النظري بس ازاي بيجي في العملي
العملي بيكون في صورة كيزز زي كيزز اطفال شابتر Hematology كده
يعتبر

مصدر المذاكرة

كتاب القسم و مهم نجيبه عشان كان فيه بتسلم عندنا ساعتها و كده كده الكتاب فيه كل اللي محتاجينه

الامتحانات

1️⃣ عملي
كيزز و الدكترة بتحل معاكم كتير و في الاخر بتجيب منها او نفس الأفكار كمان

2️⃣ اند ميديول
اختياراي و زي ما قولت الاساله بتكرز

3️⃣ فاينل
هيبقي رتن و اختياري


Radiology

القسم

مش عارف مين بالظبط رئيس القسم بس القسم رايق يعني

المحتوي

هتعرف انواع الأشعة اللي انت اصلا عارفها 😂😂
المنهج عندنا كان يعتبر 5 محاضرات يعني مش عارف عندكم هيبقي ايه هيبان مع الجدول

🚫 الروندات كانت شرح تاني لي المحاضرات يعتبر يعني

مصدر المذاكرة

- مفيش مصدر للقسم و الاعتماد علي الدتا
- لو الداتا بتاعتكم هي هي بتاعتنا و القسم مطلعش عامل كتاب هنزلكم مذكرة 55 صفحة فيها كل الدتا و كل اساله القسم 🫡

الامتحانات

1️⃣ عملي
بيبقي صور أمراض معينه بتتقال في الداتا او اساله اختياراي علي حسب القسم هيعمل ايه

2️⃣ اند
اختياري و القسم بيكرر

3️⃣ فاينل
ممكن رتن و اختياراي


🚫 عدد المحاضرات و الروندات للميدول هيبان مع الجدول ان شاء الله

لو فيه حاجة اسالوا 🫡

بداية موفقة لي اللي هيبدوا بكره ان شاء الله ❤️❤️

نصيحة بقي مهمة للترم بشكل عام

اظن زي ما هو واضح ان ent اتقل ميديول و اكتر ميديول محتاج مذاكرة

لو انا هبدا بيه احاول اعمل ايه

1️⃣ تحاول قدر الإمكان انك تذاكر اول باول فيه و تمشي مع الكلية و تعتمد علي شرحهم قدر الإمكان عشان متضيعوش وقت كتير مع الشرح الخارجي

2️⃣ الشرح الخارجي علي قد المحاضرات التقيل اللي ان شاء الله هقولكم عليها في رسالة محتوي الميديول 'اول اسبوع في الميديول كله سهل يعتبر'

3️⃣ الروندات زي ما اتفقنا هي شرح نظري برضه و احسن اتنين تهتم بشرحهم او تشوف شرح قديم ليهم لو مش فاهم الراوند د علي و د محمد الديب

4️⃣ الاناتومي هتحسه كبير و تايه فيه احسن دكترة شرحوا د علي و د محمد الديب برضه فلو حد تاني شرحه عندك دور علي ريكورد قديم لحد منهم

لو انا ميديول تاني اعمل ايه؟؟

1️⃣ عدي اول اسبوع و بعدها تشتري كتاب ent و تبدا تخلص مع الراوند اللي انت فيه شويه حاجات مهمة من شابتر ear و هبقي اقول عليها اخر الاسبوع برضه
'شابتر ear شبه نص المنهج'

2️⃣ كل الروندات سهله و متخدش وقت في المذاكرة و بالاخص الفاملي فنحاول اننا نستغل الوقت ده و نظبط ent بدري

🚫 اللي هيبقوا عندهم ent اخر راوند
تحاولوا مع كل راوند تخلصوا جزء من المنهج بحيث لما توصلوا لي ent تبقي مجرد مراجعة ليكم مع شوية حاجات جديدة

3️⃣ فقدوا اول اسبوع في الراوند لسه بتكسروا حاجز الاجازة و لسه بنستكشف الراوند بتاعتنا و كده و بعدها نبدا شوية شوية في ent

4️⃣ و طبعا نذاكر اول باول الراوند بتاعتنا عشان الامتحانات 😂
-----------------------------
🚫 ان شاء الله هيبقي في رسالة لي ent نعمل ايه في كل جزء و لو انت راوند تاني ايه الاجزاء اللي ممكن تخلصها من بدري يعني (علي يوم الخميس بالكتير يعني)

🚫 بالنسبة لي لي مذكرات الترم بشكل عام هتبدا المذكرات تنزل بعد اول اسبوع اكون لحقت اخلص فيهم قدر الإمكان يعني

+ في حاجة حابب اكد عليها
الكلية شادة في الغياب و حرمان من الأمتحانات في كل الدفعات يعبتر
1️⃣ سنة اولي في عدد كبير عدي عدد الغياب و هيمحنوا في الدور التاني و يخدوا درجات النجاح الا لو حد عنده عذر
2️⃣ سنة 4 فيه كذا شخص بس الأقسام متفاهم و عملوا اعذار و الدنيا عدت

🚫 فالمهم نظبط الحضور بتاعتنا كويس عشان متحصلش مشاكل و بالاخص في اول راوند يعني و بالاخص اللي عندهم ent

حاجة كمان مهمة اي حد هيمتحن اي مادة سواء تأجيل او دور تاني الامتياز بتاعته هيتاخر 6 شهور للأسف