اخر رسالة النهارده بقي
و هي نصيحة بين اجيب هاند بوك ولا تفريغات و عين شمس

بس الاول هقول حاجة كده
---------------------------
حابب اوضح ان كون حد قعد يعمل تفريغات المحاضرات و يحاول قدر الإمكان انه يكتب كل حاجة مع العلم ان مفيش اصلا داتا ولا اي حاجة تساعده في المهمة دي فده شئ متعب جدا جدا فوق ما تتخيل و بالاخص يعني ان الدكتور اول حد عمل اصلا تفريغات كمبيوتر للمحاضرات يعتبر في سنته

و غير كده كونه حب يعمل ميكس بين التفريغات و عين شمس عشان لقي الدكتور بيجيب من عين شمس فده مش شئ سهل ولا بسيط و اكيد اكيد اخد وقت و مجهود جبار ده كفايا انك تقعد تطلع المتشابه و الزيادة و تحطه في المكان الصح بتاعه ده غير الكلام لو متناقض بيقعد يدور علي الصح من المراجع

ده غير سماع المحاضرات تاني قبل كل سنة عشان كتابة الزيادات الجديد قدر الإمكان برضه بحيث يكون معاك مصدر متكامل فكل ده مش شئ سهل ابدا يعني

و نقطة اخير يعني انا جايب تفريغ الولادة اللي كان عامله و كان اول ايديشن معدل الاخطاء فيه كانت شبه معدومة و دي نقطة مهم اوي مع عدد الورق الكبير ده
----------------------------
فهوضح كل الابوشنات اللي اتسالت فيها

1⃣ عين شمس المواضيع فيه صغيرة اوي و مختصرة جدا
يعني محاضرة زي
PCO
3 صفحة في عين شمس و دي محاضرة مهمة و كبيرة
Menopause
5 صفحة و الدكتور شرحها في ساعتين اللي تلت السنة اللي فات 😂

⚡️ توضيح حتي د مصطفي القاني لما شرح عندنا السنة اللي فات كانوا 5 او 4 محاضرات زود علي عين شمس و فيه كلام في عين شمس مقالوش

🚫 ففكرة انك تجيب عين شمس و تقعد تزود عليه صعبة خالص و هتتعب نفسك

2⃣ خلاص هجيب عين شمس لوحده و التفريغات لوحده
حلو بس بنسبة كبيرة هتكسل تفتح عين شمس و تقراه بعد ما تخلص المحاضرة 😂
في الولادة عندنا مكنش فيه هاند بوك و الاغلبيه كسلوا وانا منهم اننا نقرا اللي في عين شمس برضه

⚡️لو واثق في نفسك انك تقدر تعمل كده تمام دوس بس ده هيضيع وقت منك انك هتقرا الكلام من عين شمس ولا تنقل في التفريغ و كمان هتقرا كلام متشابه عشان د احمد بيجيب من عين شمس كذا سؤال برضه

'انا رائ الاولي بالوقت ده انك تظبط زيادات الأطفال او تقعد تذاكر'

3⃣ تجيب الهاند بوك زي الترم الاول و تكول علي الله
وانت بتسمع المحاضرة من د احمد بتحدد معاه و بالتالي عرفت ايه كلامه و اللي محددتوش فده عين شمس علي الاقل ممكم تقراه بالمرة و تخلص يعني و تبقي عرفت اللي فيه

-----------------------------
طبعا اسف علي كم الرسايل الطويله دي كلها بس عشان اكون غطيت كل الل اتسالت فيه او اللي ممكن تسالوا فيه

في الاخر انتم اصحاب القرار و انتم اللي هتذاكروا ربنا معاكم ❤️❤️

كتاب عملي القسم السنادي (شرح شيت)

هي معاكم في كتاب العملي بتاع الترم الاول
فشوفوا كتاب العملي و قارنوا كده

بكره د ايمن اللي هيدخل فالحضور مهم و الاهم نبقي هادين و بلاش دوشة
هم شبه 5 محاضرات نعديهم علي خير و نقفل كلنا ❤️

ده يا شباب فورم في السريع كده املوا مش استبيان بحثي متخفش ده استبيان مذكرات 😂😂😂

عشان لما اخلص الامتحانات ابدا في مذكرات الترم التاني علي طول و اكون عارف المناسب ليكم و علي اساس ابدا علي طول ان شاء الله
https://docs.google.com/forms/d/1OSN2AyT8bFfIAonloITQXzySCXw9XFkwTiSNUJPe9GA/edit?usp=drivesdk

هياخد دقيقة بجد المرة دي 😂😂😂

مساء الفل عليكم ❤️

بالنسبة لي مصدر مذاكرة النيرو

هنستني نشوف شرح المحاضرات الجايه هيكون ماشي ازاي الاول و الملف اللي دكتور هينزل برضه

عشان في الاغلب الملف ده هو اللي كان نزل عندنا قبل الامتحان بي يومين شامل 5 محاضرات بس كان ترتيبه و عرض المعلومة و شوية تفاصيل مختلفة عن الداتا الدكترة في الشرح

🚫 كده كده الدكتور قالكم في الاخر يعمل مراجعة و المراجعة دي هيقول فيها المهم كله للامتحان و دول يتلموا في اقل من 10 صفحة اصلا يعني مش هنذاكر الملف كله -ان شاء الله- و مع حل الامتحانات القديمة و زي الفل كده

فنستني لما الدنيا تبان بعد المحاضرة الجايه و نشوف شرح الدكترة ماشي مع المذكرة ولا مع الملف

ممكن برضه اظبط لكم الملف لما ينزل ان شاء الله متقلقوش

🚫 فدلوقتي محدش يجيب ولا يطبع حاجة لحد المحاضرة الجاية 😂

بالنسبة لي مصدر مذكرة الجينا

هنستني برضه و منجبش حاجة لحد ما تخدوا اول محاضرة بجد و هي Menopause و يكون اللي هيرشح د احمد فتحي

الامتحانات ديما سهلة و مباشرة من غير تفاصيل بس الفاينل عندنا كان فيه اساله من الشرح و تفاصيل د احمد و كان اساله تقيله عكس قبل كده اللي كان بصمجة اغلب الوقت

- فنصيحة فكرة انك تعتمد علي عين شمس دي هيبقي فيها risk كبير

🚫 الامتحانات عندنا
اند جينا واضح و مباشر من كلام د احمد و مشترك مع عين شمس عادي بس مش بصمجة
*كنا بنذاكر من هاند بوك و الدكتور جاب سؤالين متشرحوش عادي خالص من عين شمس بس متشرحوش*

فاينل جينا
مظنش حاجة من تفاصيل عين شمس خالص كله كلام مشترك برضه بس كان اساله تقيله و تعتمد علي انك فاهم كلام الدكتور

🚫 فا من الاخر في النسا و الولادة مش مضمونين انك تعتمد علي حاجة و تسيب حاجة
انت بتعمل كل اللي تقدر عشان مفيش شئ مضمون برضه

فنصحية اوبشن من الاتنين
1⃣ التفريغات + عين شمس
'بس هتبص علي عين شمس عشان المعلومات الزيادة عشان الاختياري و المقالي'

2⃣ الهاند بوك
*و تحفظ الرتن من كتاب عين شمس pdf او من جزء الرتن اللي هيعمله ان شاء الله *

ربنا معاكم و يا رب تخلصوا السنة دي علي خير و كفايا مفاجأات لحد كده عشان المفاجأت كترت في السنة دي اوي 😂😂

ان شاء الله تبقي اخر رسالة طويل كده بجد 🫡

بسم الله الرحمن الرحيم ❤️
اول رسالة مثبته معانا الترم ده

الجينا

- تفاصيل الميديول

- تفاصيل مذكرة الأسأله

🚫 نعمل ايه في كل محاضرة

الأطفال

- تفاصيل الميديول

- تفاصيل مذكرة الأسأله و النوتس

باطنة و جراحة

- تفاصيل الميديول

- تفاصيل مذكرة الأسأله و النوتس
1⃣ Rheumatology + neurosurgery
2⃣ Orthopedic
3⃣ Neurology


⚡️ نعمل ايه مع كل محاضرة و راوند عظام

⚡️نعمل ايه في النيورو باطنة

⚡️ نعمل ايه في Neurosurgery
-----------------------------
ان شاء الله المذكرات تبدا تنزل من بعد العيد علي طول و ان شاء الله يكون اكبر قدر جاهز دعواتكم ❤️❤️

⚡️ لو حد احتاج اي حاحة ابعت علي البوت 🫡
@Easymodule2_bot

الف الف مبروك يا شباب علي النتيجة ❤️❤️
عقبال الترم التاني يبقي اعلي كمان و كمان يا رب ❤️
طمنوني عملتوا ايه

بدانا النهارده اخر عشر ايام من رمضان و فيهم ليله القدر و ثوابها عظيم جدا جدا جدا و فرصة متتفوتش

فحاولوا علي مدار العشر ايام دول

1⃣ كل يوم تصلي التراويح في المسجد مع الإمام لما يبدا لحد ما يخلص

2⃣ كل يوم تطلع صدقة لله حتي لو 5 جنيه

3⃣ كل يوم تصلي التهجد في المسجد لو صعب تصلي قيام الليل في البيت بالمصحف

4⃣ طبعا نقرا قرآن

5⃣ اكيد ابعد عن الذنوب و اي حاجة ملهاش لزمة و نزود في الطاعات عشان كل دقيقة احنا اولي بيها

6⃣ طبعا عندنا مذاكرة نذاكر و نعمل اللي علينا و نحتسب كل ده عند الله سبحانه وتعالى

ربنا يتقبل مننا و منكم صالح الاعمال ❤️

مساء الخير عليكم ❤️
عشان كذا حد كل شوية يسالني نعمل ايه في في Neurosurgery و rheumatology

Rheumatology

الاساله زي ما قولت لكم بتكرر و الدكتورة وبتجيب الاسله علي النقط المهمة و في الاخر كمان ان شاء الله بتعمل مراجعة

🚫 فكل اللي مهم تعمله انك تسمع المحاضرة و تقراه و تحفظ المهم دلوقتي و حل الاساله المهمة و تراجع من النوتس قبل الامتحان و تضمن انك تقفل ان شاء الله ❤️🫡
يعني تعمل مجهود بسيط عشان متضيعش وقتك برضه

Neurosurgery

دي بقي كل اللي تعمله حرفيا
1⃣ تسمع المحاضرة
2⃣ تقرا المحاضرة من اي مصدر لو معاك المذكرة اللي كنت منزلها تمام او الملف 50 صفحة اللي نزل علي ساعد او الدتا نفسها اي حته مجرد قراءة
'هتقولي في اختلافات هقولك مش مهم خد المعلومة و كده كده المهم و الاساسي في اي مصدر من 3 دول'

'داتا المحاضرة 3 زي المذكرة برضه'

'في المذكرة انا ملون كل الكلامات المهمة عشان تاكدوا عليها في القراءة'

3⃣ طبعا مراجعة القسم هنخفظ كل اللي فيها و حل الامتحانات القديمة و تضمن انك تقفل ان شاء الله ❤️🫡

🚫 يعني الخلاصة تسمع و تقرا و في الاخر تحفظ المراجعة و تحل الاساله

🚫 بلاش تستعجلوا القسم علي الملف اللي قال هينزلوا القسم بيتاخر عادي فبلاش نزن عليهم فنزعل 😂

'القسم شرح عندنا 3 محاضرات يعتبر و المراجعة عملي و نظري كانت قبل الامتحان بي يومين او 3 فنخلي بالنا طويل عليهم'

⚡️ فبلاش نعمل مجهود زياده في المادتين دول و نهتم بالأطفال و الجينا احسن
------------------------------
🚫 ان شاء الله المذكرات تبدا تنزل بعد العيد

🚫 بالنسبة رسايل المحتوى و نعمل ايه في كل محاضرة للاسف انا مش هقدر اعملها الترم ده عشان الوقت مزنوق فوق ما تتخيلوا والله و لو قدرت انزل في الحاجات المهمة هحاول برضه قدر الإمكان

🚫 لا تنسوا العمل الصالح في هذه الليلة المباركة و متنسونيش في دعائكم ❤️🥰

عيد فطر مبارك علينا جميعا يا رب و ينعاد علينا وعليكم بالخير واليمن والبركات ❤️❤️❤️

مساء الفل عليكم ❤️
معلش مش متابع معاكم اوي
من بعد اجازة نص السنة و الدنيا عندي مضغوطه اوي فدعواتكم الزنقة دي تعدي علي خير

ان شاء الله اول مذكرة اساله و نوتس هتبقي اول الاسبوع الجاي
Neurosurgery question
Rehmatology notes + question
و بعدها بي 10 ايام بالكتير اطفال
ثم جينا بإذن الله تعالى

🚫 بكره برضه هنزلكم شوية اساله اطفال و جينا تحلوا منها مؤقتا لحد ما اخلص المذكرات

🚫 عشان ضيق الوقت في النوتس هكون حاطط اساله الرتن ك سؤال و خلاص و بالنسبة لي الحل لما اخلص كل المذكرات اساله و نوتس هجمع الحل كامل ليهم كلهم و ينزل كده كده الرتن للفاينل فمش مستعجلين عليه في حاجة دلوقتي

⚡️ بالنسبة لي مصدر المذاكرة في النيروسيرجري الدتا اللي القسم رافعها علي المنصة هي هي مذكرة الشرح اللي في مكتبة دار الاطباء اللي بي 45 جنيه

و زي ما قولت قبل كده اقراوا الكلام من اي مصدر يعجبكم و المهم نحفط المراجعة و نحل اساله الامتحانات القديمة في الاخر
متشغلوش بالكم بالمادة دي خالص دلوقتي اطفال و جينا اهم بكتير

ربنا معاكم و تخلصوا السنة دي علي خير ❤️❤️

مساء الفل عليكم ❤️
يلا بسم الله اول مذكرة اساله ونوتس لاول جزء في الترم الثاني

⚡️ المذكرة 'بي 50' فيها ايه

Rheumatology Notes

-دي النقط المهمة اختياري في المادة كلها و هتخليك تضمن المادة بإذن الله

-طبعا الدكتورة مش بتسال علي زيادات ولا dose ادويه بس في كام نقطة زيادة مهمين اوي حاططهم احطياطي و كاتب جنبهم

-حاطط حل اهم اساله الرتن اللي كامت متحدده قبل كده وقبل الامتحان لو فيه اي زيادة هتنزل

-في موضوعين صغرين زيادة عندكم مش في النوتس لما يتشرحوا هظبطهم ان شاء الله بحيث اعرف الدكتورة ركزت علي ايه

Rheumatology questions

الاسله محطوطه كل مرضين مع بعض يعتبر و عبارة عن
- اساله الدكتورة في اخر سنتين
- اساله الامتحانات القديمة كلها
-اساله مني للتدريب مغطي كل النقط المهمة
بحيث تكونوا ضمنتوا المادة ان شاء الله بالاسله و النوتس

Neurosurgery question

-دي اساله بنك القسم و كل الامتحانات القديمة و كل ده متقسم علي المحاضرات و مهم اوي تحلوها كاملة حتي لو فيه معلومات متقالتش في المراجعة

-في الاخر اساله من بنك قديم اوي اقل اهمية اللي مهم فيه حاطط تحته خط برضه

عقبال الباقي ان شاء الله هبدا في الأطفال من بكره 🫡

ده استبيان ريسيرش زمايل لينا في الكلية عاملينه ياريت تملوه مش هياخد من وقتكم خمس دقايق ان شاء الله
واختاروا الكود ٣٠
https://www.google.com/url?q=https://docs.google.com/forms/d/1jGA9JF8oopyO0PUO_pXYVS1WyoAwri04QaHPl85xCw0/edit?usp%3Ddrivesdk&sa=D&source=editors&ust=1715017999022419&usg=AOvVaw1KMo1rHKkefyY2Yedte2nU

⚡️ انتظروا تفاصيل اسال الأطفال بليل 🫡

مساء الفل عليكم ❤️
مذكرة اساله اطفال موجود من بكره في مكتبة دار الاطباء ب 60

⚡️ المذكرة فيها:
1⃣ اساله بنك كفر الشيخ اللي هو اخر بنك بتاع طنطا

2⃣ اساله امتحانات قديمة كفر الشيخ (فيهم اند و فاينل بتوع السنة اللي ودول مهمين اوي)

3⃣ اساله بنك طنطا القديم + اساله امتحانات قدمية طنطا

4⃣ بعد كل شابتر هتلاقي امتحان علي الشباتر ده من مصدر اساله مهم افكاره قريبه اوي من اساله طنطا

🚫 في الكارديو حاطط اساله د محمد عبدالغفار اللي بعتها برضه

🚫 كان في اساله نيرو و شيت من السنة اللي فات من القسم حاططهم برضه

كل الكلام ده طبعا متقسم علي المحاضرات 🫡

⚡️بعد كل محاضرة حاطط اساله الرتن اللي جت قبل كده عشان اللي عاوز يركز علي الرتن من بدري برضه

⚡️بالنسبة لي النوتس هتبقي السبت او الحد عشان بحط حل الرتن علي طول عشان يبقي كله جاهز بإذن الله 🫡

⚡️الفهرس في الكومنتات

مساء الفل عليكم ❤️

من بكره ان شاء الله مذكرة نوتس الأطفال جاهزة ب 60 في المكتبه

⚡️ المذكرة فيها:

1⃣ النوتس و كل المهم للاختياري و طبعا شامل زيادات القسم كلها في كل البرنشات و بالاخص
CVS
Chest
Neuro
دول اكتر 3 برانشات فيهم زيادات

2⃣ الريتن المهم كله من تحديدات القسم او اللي جه في الامتحانات القديمة او طنطا برضه زي ما كنت جمعتهم في الترم الاول
و الأسئلة المهمة فيهم مكتوب جنبها vi عشان تركز عليها 😉

🚫 المذكرة هتسهل عليكم كتير اوي ان شاء الله في المراجعة وانك تركز على المهم وتحفظ الريتن اول بأول ان شاء الله

⚡️ هبدا من بكره في مذكرات الجينا دعواتكم ❤️

بالتوفيق يارب ❤️

مساء الفل عليكم ورحمة الله وبركاته
دي هتبقي تاني رسالة مثبته معانا ان شاء الله

⚡️ المذكرات اللي نزلت حتي الان
1⃣ Rehmatology notes & questions + neurosurgery questions

2⃣ Ped II questions

3⃣ Ped II notes

4⃣ gyna questions

5⃣ Orthopedic notes + questions

6⃣ Neurology notes + questions

⚡️ عشان انا مش هنزل المذكرات pdf خالص فاي حد يا شباب محتاج المذكرات فري من المكتبة او pdf انا معنديش اي مانع ابدا يبعت علي البوت علي طول
@Easymodule2_bot

و حتي لو محرج تكلمني فهتروح المكتبة و هتقول لي يوسف او اللي هناك من الشباب انك تبع د باسم سعيد و عاوز مذكرة كذا و كذا حتي لو كل المذكرات عادي خالص

'الكلام ده علي كل مذكرات الترم ان شاء الله + متقلقش ولا حد هيسجل اسمك ولا اي حاجه خالص و لا حتي حد هيبقي عارف انت بتاخدها ليه اصلا'

🚫 برضه متاح المذكرات اولاين عشان اللي بيحبوا يذاكروا من التاب و هيبعتلي علي الاكونت و هتواصل معاه @basemsaeed2000

بالتوفيق يارب ❤️

مساء الفل عليكم ❤️
بداية موفقه في العظام ان شاء الله
اهم حاجة الهدوء في المحاضرات و بالاخص لي د حسام جاد عشان هو رئيس القسم

متقلقوش يعني المادة بسيطة و اسألتها سهل احضروا اهم حاجة عشان الغياب و ربنا معاكم

في محاضرة في العظام بيشرح فيها حوالي 60 صفحة اوعي تتخض كده كده مش بيجي منها غير في العملي و ده بيتشرح علملي اصلا فاوعي تقلق
و فيها جزء fracture ده المهم يتلم بي 4 ورقات
انا بقولكم في السريع كده عشان لو اتشرحت بكره متتخضوش بس 😂😂😂 عشان انا اتخضيت فيها السنة اللي فات طلع الموضوع سهل خالص

ان شاء الله بكره هكتب رسالة اقولكم نعمل ايه في كل محاضرات المادة و العملي و ان شاء الله 🫡

🚫 المذكرات موجود في المكتبة و بفكركم اللي محتاج اي مذكرات فري من المكتبة ميبقاش مكسوف

صباح الفل عليكم ❤️
تعديلات مذكرة Rheumatology

كلها هتنزل هنا في الكومنتات
و لو شاكك في سؤال ابعت علي البوت او برايفت (لو مخدتش بالي ابعت رسالة تاني)

انا بجمع الرسايل يومين ولا حاجة و بعدها ارد عشان تبقي مرة واحدة