خلي احسب هاي الايام الاخيرة... وعمري لسه يفوح بذنوبي الجبيره
اذنوبي ياربي شكثر ... ادخيلك اصرخ بالكبر
عمري لسه يفوح بذنوبي الجبيره
................
خلي روحي اليوم تنعه وخلي دمعاتي تسيل(1)
عمري واصل للنهاية واقترب مني الرحيل
وأكثر الصفحات سوده الزين المسوي قليل
هواية قشمرني شبابي وحسبت عمري طويل
بعيني يوميه اشوفا يمشي تابوت
وماكلت باجر مسجئ واصل الموت
هوايه منغر بالعمر... ادخيلك اصرخ بالكبر
عمري لسه يفوح بذنوبي الجبيره
.......................
ادري بعمالي ذنوبي الكي ربي بياوجي (2)
ولوبدة ساعة عذابي هناك ماينفع بجي
شرد اكولا جنت ناسي هذا ميفيد الحجي
تشهد اعضائي عليه بعد بيمن ارتجي
ياهو يشفعلي بعد كلي شتاني
وخاف بالسكرات ويعكدو لساني
وصل بذني الحشر... ادخيلك اصرخ بالكبر
عمري لسه يفوح بذنوبي الجبيره
...............
رحمة الباري جبيره ابجوده مااكطع امل (3)
لاكن الله يريد توبه قبل مايلفي الاجل
كلت ابدي بصفحه بيضه وخلي ادورلي عمل
شفت بس حسين ربحي كلشي الحسين انقبل
رحمة الله الواسعة والله يحبه
البجه الحسين دمعه انغفر ذنبه
حب الحسين الذخر ...ادخيلك اصرخ بالكبر
عمري لسه يفوح بذنوبي الجبيره
............... .
كلت اغيرهه حياتي والتزم درب الخدم (4)
غير درب الهادي وآله ابد ما حطلي قدم
الله مايطردله تايب يفرح العبد التزم
واليظن هل دنيه تسوه هذا عايش بالوهم
اشماتطول الدنيه محسوبه قليله
وحنه غير حسين ماعنده وسيله
يحضر بيسر وعسر... ادخيلك اصرخ بالكبر
عمري لسه يفوح بذنوبي الجبيره
........................
والنبي انطاني بشاره واني بيها اشكد سعيد (5)
اليموت موالي حيدر هذا عند الله شهيد
يعبره الباري صراطه وعن عذابه يضل بعيد
فزت بالجنة العظيمة بعد متكلي شريد
إليوالي يفوز والميوالي يندم
لليحبه الجنة والعاداه جهنم
بعلي حصلت الأجر... ادخيلك اصرخ بالكبر
عمري لسه يفوح بذنوبي الجبيره
..................
اخر الدعوات ربي حاشه ظني تخيبه (6)
بخدمة الهادي واعترته ارزقني حسن العاقبة
من العبيد الراضي عنهم مو عبيد المذنبه
وحيدر بسكراتي يحضر روحي بيه مجلبه
اردموتا مطمئن عيني تنظره
بالكبر حامي الحميه باقي انطره
وغير حيدر شنتظر... ادخيلك اصرخ بالكبر
عمري لسه يفوح بذنوبي الجبيره
الشاعر
عباس الفياض

سفـــــــــرة ام البنين
لو صحت يام البنين اختنك عبـره
اشلون لوشوف بأسمه ادور سفره
اصرخة ابدمعه وونـيــن**ابســفرتج يام البنيــن
لاتــردين الطلب وانطي البشـــره
****************
من نمــد السفـــــره نتيقـن حضورج (1)
ونشعـــــــر بـيــــناتنه يتلاله نـــورج
ومن نصلي عل النبي نشتم عطورج
بلا شعــور الدمـعــه تتعنه وتــزورج
واحد يفــرح الثاني يكله ابشــر
سفـرة ام عباس متخليك حايـر
ماتـردين الحزين***بســفرتج يام البنيـن
لاتــردين الطلب ونطي البشر
****************
اســــمع الـــوادم تســــولف اكرمتنــه (2)
سفــــــرة ام عباس ماردت طلبـنـــــه
عل مكارم عل مـــعاجـز عـــــودتنـــه
حاشه ام عباس جـــف خـــالي تردنه
ا توزعين مـراد وجفوفــج سخيه
سفـرتج جم عافيه اطتهن هـد يه
جم كــرامه توزعين*** بسفــرتج يام البنيـن لاتــردين الطلب وانطي البشره
****************
احنه عل السفره نحس انتي شــتريدين (3)
الثواب نـــــــذره كـــله باســم الحســـين
الماي عل ســـفره شـفاء باسمه توزعيــن
ولسه يـم كبــــره تـنوحيـــن وتلــطمــين
يالتــــــريـد الحاجــه اكظيــه بــدعوتــي
انوي بأسم حسين كل هاي سفرتي نحلفـــج بجاه االحسين
ابسفــرتج يام البنيـن
لاتــردين الطلب ونطي البشـــره
****************
الم دمـــــــعة زينب بعيـنــــج لكيـــــنه (4)
شكثــــــر عل العتـــره تحبيه البجيـــنه
انتــي باب الحاجه يم بابــــج اجـيـــنه
السـفـــرتج بدمـــــوعنه والله عتـنـــينه
ادخيلج ام عباس والدمعه عله خــدي
اكظي كل حاجه الي وكل شده عندي ابابــج احنه السائلين * بسفــرتج يام البنيـن
لاتــردين الطلب وانطي البشــره
******************
ضلع فاطمة الزجيـــــه الـــــيوم اذكــــره (5)
لان دمعـــــــج عل المصاب هواي يقــــره
ومحـــسن الما شم هــوه مـــاهو عمــــره
لمن تذكـــري عيونج تجــــــري حســـــره
عايشه بالوعة حزنـهم عمـرج مـصاب
شكثر دمعاتج جرت من شافت الباب
شكثـر كلـبج بي حنين *** بسفـــرتج يم البنيـن
لاتــردين الظلب ونطي البشــره

الشاعر
عباس الفياض

9رجب مولود عبدالله الرضيع (عليه السلام)
الفـــرح يم ميلادك الكيته بعيد
اني اذكـــر سهــــم ذابح للوريد
ننوي بثوابك بهاي***كل رضيع نشربه ماي
****************
انه هذا حســاس كلبي شافك بهيئة ملك
من اجيت وابو الايمه بيده كام استقبلك
يعاينك ودموعه تجري وكلبه مدري اشكال الك
يعاين النحرك وعينه تصب الم
رسم موتك والنحر صابه سهم
بمولدك نبجي مولاي *كل رضيع انشربه ماي
******************
فسرت دمعة حسينك واستمع هذا الشرح
اه ياعبدالله يبني خــلي اسولف لك جرح
راح ست أشهـــــر يبويه عمرك يمر بالذبح
سولف حسين بمصابك بس غياب
وصاح كلسا شبـــكي ابنج يالرباب
مايضل يمج هواي ***كل رضيع انشربه ماي


الشاعر
عباس الفياض

يوم مولود الولي حامي الحمه
وكفت استعــــداد املاك السمه
اباب بيت الله تتاني * تقره اشعار وتهاني
وكفت استعداد املاك السمه
****************
بأحلى اشعـــار الفرح تقره وترد
باب بيت الله تــــــــــزين بالورد
تشكر الباري وتـــــــــكرر بالحمد
انخلق حيدر علي فـــــخر المجد
تشكــــــــر الواحد الاه العالمين
من خلق مولاهه امير المؤمنين
حققت كل الأماني * تقره اشعار وتهاني
وكفت استعداد املاك السمه
****************
صوت جــــبرائيل بفراحه اعتله
عن محمد نـــــدري أعظم منزله
وحيدره بنفـــس المعاني يعادله
هو امام الـــــــــدنيه كلهه والمله
يشبـــــه الهادي محمد حيدره
عنده نفس النور نفس المقدره
يمتلك نفس المعاني * تقره اشعار وتهاني
وكفت استعداد املاك السمه
****************
مهـــرجان افـــــراح أنغام وشعر
بين ســـــــكان السماء التنـــتظر
كل ملك حضر قصيدة ويفتخــر
حبي عنــواني يكول بكل سطــر
كل ملك يقره سمع الله واجاد
وتطلــــــب الملاك اشعاره تعاد
يصرخ اشواكي وحناني***تقره اشعار وتهاني
وكفت استعداد املاك السمه
**************
بهل فــــــرح ظلت تاني مناطره
اباب بيـــــت الله وكفت بالسره
كلهه مشــــــتاكه تشاهد حيدره
ترســــــــمه المختار من تصوره
تخيلت وجـــه محمد بالصور
وظلت الصفنات تشبح بالنظر
استنسخه المعبود ثاني *** تقره اشعار وتهاني
وكفت استعداد املاك السمه

الشاعر
عباس الفياض

علي كل لحظه بحـياتك للعظيم
علي منهاجك صراطاً مستقيم
ماتحب الدنيتـــك * رضه ربك غايتك
*****************
علي جفك من تـــــرفعه تنفتح باب السماء
علي انفاسك نحسهه من خشَوعك بالدعاء
كلهه ادعيـــتك خشوع وراقيه
الصــباح كميــل كل الادعــــيه
كل دعاء بي دمعتــك * رضه ربك غايتك
*****************
روحك بحـرمان ظلـت وانته ياحيدر أمير
تشعر بمنتهى الفــــــرحة من تسعدك فقير
علي ماشوفاً بشخصك كبرياء
متواضع ابو كل الفقــــــــــراء
بلايه منه عطيتك * رضه ربك غايتك
*****************
عبدي أطعني تكون مثلي قالها رب االقدس
علي شفناهه بوجـودك يوم رديت الشمس
طاعتك لله جانــــــت كامله
ربك انطاك انته اعظم منزله
بالمعاجز بصمتك ***رضه ربك غايتك
علي خصمك من تبارز والحرب تلهب خطر
ماتظربه إله تشــــــــوفه وتنظر بسابع ظهر
لوشفت واحد بصلبه وعنده دين
تعوفه حته تكثــــر من المسلمين

الشاعر
عباس الفياض

خصمك اتمنه يشوفك بنكسار * وجبت ايام السجن كلها انتصار
تفنن بشن الحرب * لحضه ماعشت برعب
جبت ايام اسجن كلها انتصار
************
عن جهادك كون نحجي مو فقط عن غــربتك(1)
جان خصمك كله يرجف من تــــــطول نظرتك
اتمنه مره يشوف حزنك عله خدودك دمعتك
بنظرتك بس الشجاعه وماتدنك هامتك
نضرتك هيهات ابد لامستحيل*** انه عزه وانته ياخصمي الذليل
هيبه شخصك من تطب * لحضه ماعشت برعب
جبت ايام السجن كلها انتصار
**************
خططو بالـسجن تُــقهر بعد ماتجزع تعود (2)
شافو بك ســــجن ثوره ثابت اباشـجع صـمود
خافو جفــــوفك تحــــارب كيدوهن بالــكيود
وجانت اسلاحك صلاتك والدعاء جيش وجنود
اتصالك مستمر ويه السماء*** بين قران ومناجات ودعاء
عشك ربك بالكلب***لحضه ماعشت برعب
جبت ايام السجن كلها انتصار
**********
حرب نفسيه بــــدوهه والـسجن خلوه ظلام (3)
كالو بوحشة الـــغربه قــلق يــسهر ماينام
جنه سجنك صار جنه وعايـش باجمل غرام
صار انيسك في غربتك ربك الباري السلام
رادو يشوفوك تبجي من الحزن*** صبرك البجه حقدهم بالسجن
رغم ايامك غرب * لحضه ماعشت برعب
جبت ايام السجن كلها انتصار
****************
ماتمر لحضه بسكوتك انته عايش في غياب (4)
وماتفكر ولو نــــــظره تــفتح بالسجن باب
شما تطول المده يمك مايـشوفوك بعذاب
سنينك تعدهن عباده وتشكر بهذا الحساب
الدنيا مامطيها نظره من الامل* اتاني رحمة ربك بوقت الجل
ساير باجمل درب * لحضه ماعشت برعب
جبت ايام السجن كلها انتصار
***********
علمو بخيبت فشـلهم علمو انته المنتصر( 5)
قررو سمك يغالي وخلـصت ايام الصـــبر
حَسبو لو متت ربحو ذكـــرك يدفنه الكبر
الـــف عام وانته خالد همه مالهم ذكـــر
صار ذكر مدرسه وعبره وفكر
قصه ماينساها خـلدها الدهر
سجنك نشوفه صعب * لحضه ماعشت برعب
جبت ايام السجن كلها انتصار
*****************
مامتت نشتم حــياتك من طب المرقدك (6)
ولسه بجفوفك عطايه وتكــــرم لي ناشدك
كرم ربنه المايرده هيجي كمنه نشاهدك
اكصد الموسى بن جعفر مايخيب مكصدك
الصاح يالكاظم اجيتك من بعيد
ابشر وطـــلب تكله شما تـــريد
الحزن كله ينشطب *** لحضه ماعشت برعب
الشاعر
عباس الفياض

قبل المـــــدامع ماتــــهل العـــبره (1)
اترخص بهل تعــــــزيه من الزهره
ادري الطــــــم مايكفي لمن اقــره
والزهره مفجوعه هواي...تريد الذي يواسيهه
*******************
يالكاظم الليله المصــــــايب يمك (2)
اصفن جرح من اوصل اني الهمك
عاشور كـــمت بهل الدموع اشتمك
جبيره شكثرها الآلام... المـــــن كمت تشكيهه
******************
لو يرجــع التاريخ يمـــــك لحضه (3)
اوصل السجــنك بالدموع اتوضه
جم منظر الحسرات راح اتحفظه
كيد وظلام واهات... سنين الصـــــبر كاظيهه
*******************
قصتك اشلــــون الفاجعة تنسها (4)
ويلاه اصــــــرخ والــحزن ينعها
كل غربه لاكل الجـــــروح الكاها
بعيوني دمعات هواي... واجب عليك ابجيهه
*******************
المسجون ينطـر اهله يمته تزوره (5)
العين التشـوف اعزاز اي مسروره
وانته بغربتـــــــك ماجتلك صوره
جم صورة عينك تشتاك... عيـنك تون عليهه
*******************
تبجي المشاعر جم حزن يم عمرك (6)
تتأمل اشوفــــــــــك هلك تنتظرك
تاليها من سجــــــنك لفيت الكبرك
التاناك ترجع مولاي... شـــاف النـــعش تاليهه
*******************
نعشك غريب ومو هلك لتشيـــــعه (7)
فوك الجسر والشيعه تجري الدمعة
مشتاكه شوفك مو نعش وتـــودعه
ويلاه اه يامسموم... ظلت تــــــــــــردد بيهه

الشاعر
عباس الفياض

مولود الحسين (عليه السلام)
سمعو بهذا الإعلان *عيد اتلاثه شعبان
نور وضوه الاكوان * مــولد الحسين
عيد اتــلاثــه شعبان
****************
خـل نبــــــدي الفرح خل نعلن الأشواك (1)
ابعـــد ياحـــــزن ويـاك دمعـــــي فراك
المــــــولود الحُسَيْن اي والكمر مشتاك
مثــــل غايب بعـــــيد ونطـرته العشاك
مشتاك بضحكتي *أعلنه فرحتي
وردد ويه صفكتي *مولود الحسين
عيد اتــلاثــه شعبان
****************
عشكي ويه الحسين بكل وقت موجود (2)
واليـــوم اسمعــــت ميــلاده هل مولود
اعتنيـت وشوكي ماكدرت تحده حدود
رضـه أهل البيت جان الغاية والمقصود
تعنيت ويه روحي *متناسي جروحي
ماموجود نوحي * مولود الحسين
عيد اتــلاثــه شعبان
****************
ابنـــــــــور الحُســـــين اشـــــويه نتامل (3)
قــارن بالاعيــاد وشــــــوف ياهو اجمل
سلســــلة الكســاء بـــــــهل فــرح تكمل
والله الكل فــــــــــرحنه اليـــــوم يتقبل
اجتي اليوم الاعياد * تهني والفرح زاد
تقره بصوت الانشاد *مولود الحسين
عيد اتــلاثــه شعبان
****************
خلونــــــــــي علـــه هوني اليوم اشتمه (4)
عطـــــــر مـــــــولوده نازل للبشر رحمه
شكــــــراً ياالاهــــي الفضـــل هل نـعمه
فـــرح لـــو حــــزن كل اوقاتي بالخدمه
كلبي هواية مسرور * يشم بهايه العطور
مسك لو ريحة بخور * مولود الحسين
عيد اتــلاثــه شعبان
****************
جبـــــيره والحســــن اي كلــش الفرحه (5)
نـــور جــــــــديد هل عله الخلك صبحه
يعجــــــز كـل شعـــــر هل مولد يشرحه
تـــره هـــاي القصيــده من الشرح نفحه
نظرتنه بعيده * ماتكفي القصيده
الفراح لازم نزيده* مولودالحسين
عيد اتــلاثــه شعبان
****************
مانهــــي العشــــك ماينتـــــــــهي بحبه (6)
هـــوه غيــر الحسـين الريــتي ماكـــربه
ولامــــــره نخــــيت الغـــيره لـوجـــربه
يـــم شــــباجه متعـــــود انه الطلــــــبه
يم كبته ندائي*** استجابات الدعائي
يم جفه عطائي *** مولود الحسين
عيد اتــلاثــه شعبان


الشاعر
عباس الفياض

عيد الفرح بهاي الولاده * علي الكرار بشفافه السعاده
عايش اجمل احساس * شايل بيده عباس **********************
علي بـجفوفه شبـــله وعينه تتصور (1)
الكمر عباس يدري يشــبهه من يكبر
بطولات الشــجاعه بده يـــــــــتذكر
يدري بابو الغيـــــــــره كلهه تتــكرر
بصفناته رسم حيدرنه صوره * طب الكربله وعباس دوره
شبله بعزمه ينقاس * شايل بيده عباس

******************
علي ام البنين اكباله وتـــــــــــشوفه (2)
ميبوسه بوجنته يــــــبوسه بجفوفه
يكلهه ابنج كريم الكـــرم مـــوصوفه
يضحي جفوفه ذني وقصته معروفه
كريم الطف القبه الكرم والزود*** يضحي جفوفه ذني فدوه للجود جفوف الكرم تنباس*** شايل بيده عباس
****************
يم عباس نضري وركــــــــزي ويايه (3)
عليمن شوفي عاين عــنده فد غايه
نظره السيفي ركز نـــــظره عل رايه
معناها يكـــــــلي الخـــــــدر بحمايه
بكماطه ويريد الرايه بيده * هذا ابنج فخر ينصر عضيده
اشيحمل غيره وحساس* شايل بيده عباس
******************
بطل من المــــــــهد وضحهه غاياته (4)
وباجر كربله تـــــــــــسولف بطولاته
نفس ضــرباتي بالفقار ضـــــــــرباته
ويحمل عــزمي غيره وزود حــملاته
ضمه المرتضى بلهفت غرامه * وعاينله الكمر باحلى ابتسامه
شبك حيل ابو النوماس* شايل بيده عباس
********************
بهـــل اثاء طبـت زينب وصـــاحت (5)
اشم ريحة الخوه من الكـمر فاحت
ركضت ليه وجتي ويـمه من راحت
عثرت بالــــدرب لاجنـــها ماطاحت
فزع من ايد ابوه عينه عليها * ومد جفه يريد اتمد اديها
زينب كل الانفاس * شايل بيده عباس
*********************
علي شاهد الـــموقف وابتسم ليها (6)
ونظر لم البنين ورد يــــــــحاجيها
كل انفاسه زينب هــــــــو يـحميها
ومن تعطش نهر بجـفوفه يرويهــا
حي الله شجاعة ابو فاضل*** الزينب والنعم من هسه كافل
يضحي جفوفه والراس*** شايل بيده عباس
*************
علي متسمر يشرح باابو الغيره اسرار (7)
لجن شوف الكمر والــموقف الي صار
من ايـد الصــــــميده الايـد زينب دار
لزم بجفــوفه جفــهه وعـــاين الكـرار
علي صاح  وبعد شرد اني احاجيك** عمرك يوم والغيره بدت بيك وضعت الغيرتك ساس*** شايل بيده عباس
**********************
زينب صاحت اهـلا ياكـــــفيلي اهـلن (8)
كل آلام عنــــــــــدي بــشوفتك راحن
لان ادري بجــــــــروحي وياك مايبقن
واشوف عيونك بنـــــــظراتي يتوضن
اخوي وكافلي وروحي ودليلي*** ومن شفتك كوه عباس حيلي
حصن يبعد الارجاس * شايل بيده عباس
**********************
اي زينب افرحي وعيشي هل احساس (9)
بكفيلج افتــــخر ورفـــــع وياج الراس
انه ام البنين لجـــابت العبــــــــــــــاس
وبعد اتلاثه اجيب اعله الخيــم حراس
وياج الكمر ورايه بيده * عهد من هسه منطي للصميده
وسمعها علي النبراس* شايل بيده عباس


الشاعر
عباس الفياض

فرح يوميه ينعاد *وصلنه العلي السجاد
احتفلنه بوالده وعمه *هل يوم الفرح يمه
وصلنه العلي الســـجاد
******************
فــــــرح يوميه نلكي وينثر عطوره (1)
اسئــــــل للكلــب يقـــرالك اسروره
وصلـــنه الزينــــة العـــــباد والنوره
القصــــيده والشعــــر بالمولد يزوره
بسروره الشعر يقره*** بمشاعر لمن يذكره
الصور محلاهه من رسمه***هل يوم الفرح يمه
وصلنه العلي الســـجاد
******************
يامـــحله الفــرح يامحله هل ميلاد (2)
كـــرة عيــــن ابــو السجاد بالسجاد
بعيـــــون الحسين الأمل ظل يزداد
جـــزء من الامامه اليوم هل الاعياد
حسين شكبر عيده *شايل ابنه بيده
كل شويه يشتمه*هل يوم الفرح يمه
وصلنه العلي الســـجاد
******************
عنــــــوان العشـــك للعشـــك ودينه (3)
الك يــــحسين هـل ليلـــــــه تهانينه
علــــي السجـــاد قنــــديل ويضوينه
رابـــــع حجـــه مـــن الخالـــق علينه
نور من الامامه *شع باحله ابتسامة
بعيده الشيعه ملتمه *هل يوم الفرح يمه
وصلنه العلي الســـجاد
******************
نور من العـــبادة اليـوم ضـوه الكون (4)
صلـــي عل نبي من عين اليحسدون
تشـــابه مـن علـــي لاكل علي يلكون
عـــل جـــده طلـــع يفتر عليجوعون
متعلم عل احسان***ابد ميعوف جوعان
توزع جفوفه بالنعمه *هل يوم الفرح يمه
وصلنه العلي الســـجاد
********************
أجه بـــشهر الفرح والفرح ماينقاس (5)
من بعد الحســــين ومـــولد العباس
نصــــر من كربله والغيرة والنوماس
حته بمـــــــــولد عنـــوان للاحساس
وراثه موهوايه *زغير بجفه رايه
تحير الفكر يم عزمه*هل يوم الفرح يمه
وصلنه العلي الســـجاد
******************
ماختم فـــرح بعد الفـــــرح يكـــــثر (6)
بعد جــــــم يوم ونادي علـــي الاكبر
جم كوكب عليـنه بهل شـــهر ازهـــر
واخــر نـــور نـــور المهـــدي يتنـــور
انتظار الكلب ملهوف *نور القائم يشوف
حبيبي منقذ الامه *هل يوم الفرح يمه
وصلنه العلي الســـجاد

الشاعر
عباس الفياض

كل يوم اناظر نورك***مشتاكه عيني ازورك
روحي بخيال اطوفك*متمني اقبل اجفوفك
مشتاكه عيني ازورك
*****************
مشتاكه اشوفك سيــدي والكلب لهفان (1)
مادري انته بياارض ماعــــندي عـنوان
ياالمنتظر يالقائم***اني بغرامك هايم
ارسم عشك بحروفك*متمني أقبل اجفوفك
مشتاكه عيني ازورك
*****************
عاشرت أصحاب العشك والتحمل فراك (2)
صفــــنو بحالي تعجبو من عرفو اشتاك
ماشفته كالو نظره *كلت اعشكت عالفطره
الاخر نفس ماعوفك متمني اقبل اجفوفك
مشتاكه عيني ازورك
*****************
اتعنه للسهله بعــــــشك وادخل مقامك (3)
ومن يقره دمعي زيارتك يسمع سلامك
وانتظر انه بشاره***بلكت تمر بزياره
عيد الفرح لو شوفك**متمني اقبل اجفوفك
مشتاكه عيني ازورك
*****************
ارفع جــفوفي بكل فرض وأقره دعائي (4)
ياربي عجـــــــــــل بالفـــرج هذا ندائي
اسمك ورد بالساني***مائيست ومتاني
هيهات شوكي يعوفك***متمني اقبل اجفوفك
مشتاكه عيني ازورك
*****************
شعبان من يمر فــــــرح جايب سعاده (5)
يتــــــــــــذكرك ياسيدي بنصه الولاده
بالكت يمر ميلادك***وياك نحي اعيادك
كلبي صبح ملهوفك***متمني أقبل اجفوفك
مشتاكه عيني ازورك


الشاعر
عباس الفياض

مناجات رمضانية
ماجات الدمع وياك... ربي ارحمنـــي ياقيوم
الاهي اغفر اذنوبي... واني المتــــجه للصوم
يارحمن يامنان ياديان ياسبحان
************
الاهي الباري وفقـني... عبادات بشهر رمضان
مناجات وصلاة تسبيح... وابد مافارك القرآن
اريد الطاعه بيامي * الاهي اتقبل اصيامي
يارحمن يامنان ياديان ياسبحان
**************
الاهي بشهـــرك الغالي...وانــي المتجهلك بي
كل ذنب احتوه بعمري...الاهي مسحه لتخلي
بجه كل عمري ودموعه * دعاء وجفه مرفوعه
يارحمن يامنان ياديان ياسبحان
**************
بشهر رمضان وفقني... دعاء الافتتــــاح اقره
وكل ليلة اردد بي..اريد اخشعله وابجي وياه
الاهي الطاعه وفقني*** دعاء ودمعة ارزقني
يارحمن يامنان ياديان ياسبحان

الشاعر
عباس الفياض

فرح فرح فرح ميـــلاده للحسن
****************
ابيــــت الانـــوار كمـــر هل ليله نزل
أجمل أخبــــار مبتسم وجــــه الأمل
رابـــــع أنـــوار انـولـــد نـــور اكتمل
يــــانبـــينـــه...كلـــنه اجــينه
الفرحه ويانه...الحسن مولانه
فرح فرح فرح ميـــلاده للحسن
****************
جـــف الاحســــان واكـف ابابه يدك
حتـــه رمضــان جايـب ويانه عشك
صـــاح الأذان هـــل فـــرح مايفترك
شوك حبنــــه... مـــن كلبـــــه
بالحسـن ناده... محله ميلاده
فرح فرح فرح ميــلاده للحسن
****************
ابهـــاي الافــراح حتـه جبريل ابتشر
والحســـن صـــاح انــولد بكـرم شهر
عطـــره قـــداح والكـــرم عنـده نهـر
كل قصـــــيدة... بيــها عيــده
عشـكي وياها... حبـي يقراها
فرح فرح فرح ميـــلاده للحسن
****************
فـــرحة أعيــاد يمنـه ممنوع الشجن
احـله ميـلاد هـذا مــــــولود الحسن
ناخــــــذ مـــراد والحـــوائج ينكظن
جفـــه يمــــنه... مـــاحــرمنه
كلشــي يطينه... جفنه مدينه
فرح فرح فرح ميــلاده للحسن

الشاعر
عباس الفياض

تبجي الايتام فـــكدت الليلة وليها
تبجي الايتام بعد ياهو يحن عليها
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه

*********************
وكفت باب الصـــميده والدمـع ينزل مطر (1)
سئلت بحالة تعجب صــدك والـدنه نـطبر
بقـت مفجـوعه بوليـه منتــــــيقنة للـخبر
صدك حيدر مانشوفه وينحرم منه النظر
راعي الاســـــلام والله مانكدر نعوفه
راعي الاسلام خلي بس نظره نشوفه
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************
شلون لو رمضان يخلـــص وانته ياحيدر فقيد (2)
واحنه حسبنه نعيدك نلبــــس بجــــالك جديد
علي لتسافر يبـونه وعـــــــــنه لاترحل بـعـيـد
تدري بس انته النـــحبه وغير شخصك مانريد
كل الايام حزن راح تمر علينه
كل الايام نندبك حيـدر علينـه
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه

*******************
جفك اليمسح يتيمنه جفـــــك الوزع حنـان (3)
جرح راسك ريته بينه وعمـرك نشوفه بمان
بعد ياحضن اليلمنه عكب حضنك يا مكــان
بالم راح نعيش فكدك نبــــجي جرك بالاذان
علي الضرغام نفدي لمـــــــصابك عمرنه
علي الضرغام ياملنه ويااملنه ويافخرنه
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************
علي ماجنه يتــــــامــه بجالك نعيش بدلال (4)
تكرم الجايع تشبـــــــعه قبل ميكول السؤال
اتعرفك جفوفك الفقيره ماترد جف لامحال
لوبقه بس قوت يومك تكرمه باجمل خصال
عين متنام تسهر تباري الايتامه
عين متنام تدعي للامه السلامه
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************
ياعلي رد بــــــــــويه النه لاتودعنه بجروح(5)
عكب عيـــــنك هل يتامه ياعلي المن تروح
كاعده ابابك تــــــــتاني تلطم وتجي وتنوح
تدعي تنهض بالسلامة وعمرك يظل الها روح
جفك تريد يمســح يظل بيتمها
جفك تريد لأن بس جفك يلمها
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************


الشاعر
عباس الفياض

الكبرج اليوم اعتنيت * قبل ماوصل بجيت
حاشه مترديني اكيد* انه جايج من بعي
ياشريفه ياشريفه
كالو اكصد يم شريفه ويمه ليصيبك عجب (1)
راح بالباب انته تلــكي قطع مكتوبه ببذهب
نشكــر العلــويه والله جـــــف مــارد الطلب
وجم عليل شوفه يضـحك عكب مامر بتعب
لجان تعبان وينوح * جفهج انطه الروحه روح
ليزورج رد سعيد * انه جايج من بعيد
ياشريفه ياشريفه
************
ســــــولفولي اشكد معاجز الج هنه تسجلن (2)
مجربه وباليد تطي مثل مايطي الحــــــسن
جــفوفه توزع هدايه عافيـه وصــحة بــدن الزاير اليكصده يــــصرخ والنعم كلهن كضن
عافيه اشكد بالجفوف * لعمه زارج رد يشوف
الامل يمج رد جديد* انه جايج من بعيد
ياشريفه ياشريفه
************

لجـاهج العالي مقامه بشوك ملهوف اعتنيت (3)
جنه كبرج شفتـه جنـه ومثل ما كـــالو لكيت
ياشريفه بجاه شانج ادعيـــت بارينه ونخيت
كاعد باب الحواج واني للــــــتكظيه اجيت
جفج يوصل الدعاء * يجيب من يرجع عطاء
جفج يترسه المجيد * انه جايج من بعيد
ياشريفه ياشريفه
************
حته بزيارتـج شفــها المــعاجز تــنذكـــر (4)
ومرقدج مستشفى اصبح عالج الام شكثر
اعتقد كد المعاجز واحتمل هــذا الامـــر
الميت يزورونه كبــرج يعدل وتطي عمر
بجاهج انتي المكرمات * ربج يردله الحياة
بجاهج يرد الفقيد* انه جايج من بعيد
ياشريفه ياشريفه
************
دمعة العاشر بخــدج عشـــتي لوعة كربلــه (5)
ويه ضعن السبي مشيتي رحتي ويه العايله
ياشريفه الدمـع يمــج عطـــفج انه اتوســله
وادري كل حاجاتي يمج عندج اكــبر منزلـه
حاشه تنسين النــخاج*** ويرد مسرور الجاج
عطفج اليوم انه اريد *** انه جايج من بعيد
ياشريفه ياشريفه

الشاعر
عباس الفياض

عباس الفياض:
عباس الفياض:
الكه حضور ام حسين*** بكل مجلس ودمعة
وسئلت بضعة طها**** ام الكمر ويها
بكل مجلس ودمعة عين
****************
قاري بتعزيات الدمع تحضر الزهره هوايه
ما يخله مجلس منها ابد موجوده كل قرايه
بالي سؤال تعجبت واسئلت فكري ورايه
معقوله مجلس للسبط و ام الكمر ماجايه
تلطم الزهره عله الراس*** وماهيه عود ام عباس
بكل ولوعه تتعناها * ام الكمر ويها
بكل مجلس ودمعة عين
**************
جاني الجواب من الحزن وانه مخنوك بعبره
بلباب تكعد فاطمه كل مجلس من تحضره
وموجوده كل مجلس عزه ام البنين الحره
تكعد تون بالفاجعه بالباب يم الزهره
تكابله وتون بالروح*** وثنينهن حركه ونوح
الزهره ماتنسها * ام الكمر وياها
*************
مكابل الم كل فاجعه ودموعن راويها
واقعة عاشور الجرح يبجن مصايب بيها
كل وحده من تسمع نحر بالدمع يمغه عليها
الزهره تلطم عل ضلع وتلزم الحره اديها
تدري ضلع متشهم… وبروحها يظل يلجم
تبطل الطم ترجها… ام الكمر وياها
بكل مجلس ودمعة عين
****************
مجلس محرم تحضره تلطم وتبجي وتنعه
بس يوم واحد يختلف يكثر حزنها البضعه
بسبع محرم من يجي بلايه عزه منفجعه
وتصيح يم الاربعه جفوف الكمر متكطعه
وكلما تمر بقرايه *بجفوفه شد رايه
مصاب الكمر اذاها * ام الكمر وياها
بكل مجلس ودمعة عين
****************
ام البنين بكل عزه تحضر تهل مبجها
وبالعاشر المقتل بده وذكرت بشر من جاها
ينعه الحسين ومصرعه وبلغها عن ظنواها
صاحت حسين وفاطمه شبكت تبجي وياها
الزهره صاحت جفين*** والحره صاحت يحسين
بكل فاجعه مواسها * ام الكمر وياها
******************
يخلص المقتل والطم بس هن يبقن ييبجن
يروحن تشابه العزه من المشرعه يتوضن
يكرب الليل بطلعته وليلة دعش شيحسن
اثنين نفس الوقت زينب غريبة يصيحن
يتصورن حرك خيام*** وزينب تلم بالايتام
الزهره هل مبجاها ***ام الكمر وياها
بكل مجلس ودمعة عين
الشاعر
عباس الفياض

عباس الفياض:
عباس الفياض:
جسد فاكله روح
دموعي تهل جــروح***جـسـد فاركـله روح
انه ام البنـــــــــــين*** انه ام البنــــــــــين
******
دمعه عــيوني محــنه وعاطفــــه (1)
جروحي ماتلكه المواجعه شفــــه      
فراك احـــبه ولي فارك  يعرفـــــه     
وصــارت دموعي رياح بعاصفــــه      
عيــــوني ما تـــــنام *عاشــــــرت الظلام
 انه ام البنـــــــــــين* انه ام البنــــــــــين
******
اتفــــارك كل ولدهه تنصــــــــدع (2)    
تبقه بس ترسم صورهم بالـــدمع        
 انه  مو عل اربعه ابجي وانفجـع         
انه اصــيح حسين هسه بيا وضع        
ضحــــــية الـــــولد***اريــــداً بـــــس يـرد
انه ام البنـــــــــــين*** انه ام البنــــــــــين
******
دار الحـسين اعــتنيه الذكـــــــرته (3)
وكل مكان اوكف اشوفاً صــــورته        
الكـــي بنته بابــه كــــعد تانــــــته       
شابــــكه هدومه وتـــشم بـريحـته       
تسئـــــــلني بـشجن*** خــــبر عنــدج اظن
انه ام البنـــــــــــين*** انه ام البنــــــــــين
******
هاد بشـــريني اظن عندج خبــــــر (4)
رد ابويه حسين لو عمي الكمـــــــر          
والله ساعه فـراكم عند شــــــــــهر           
ودمعتي بعيني مثل مجره المـــطر          
متت وحشه وغــرب*** فـــــــرح راد الكلب      
 انه ام البنـــــــــــين*** انه ام البنــــــــــين
******
عشنه انه وفاطمه نفــــس جـــرح (5)
نبجي عالمظلوم كل ليل وصــــبح        
ولوعــة الالام جـــرح وبي مــــلح         
راحـــت الاحبـــاب كلـه تــنذبــــح     
بعد لا مانــــــــشوف*** بقـو بارض الطفوف        
 انه ام البنـــــــــــين*** انه ام البنــــــــــين
******
حـيل اشكبه وتهل دمعة العـــــين (6)
بيه اشتم ريحة الغالي الحــــسين        
ومن صدره اســـــــمع اهات ونين         
طفلـه ماشبعت مـــوده ولاحــنين        
حضن والد تــــــريد*** والوالي بـــــــــعيد
انه ام البنـــــــــــين*** انه ام البنــــــــــين
الشاعر
عباس الفياض