EIO (ဆက်သွယ်ရေးနှင့်သတင်းပြန်ကြားရေး)

စစ်ရေးသတင်းပေါက်ကြားမှုက
စစ်ပွဲရှုံးနိမ့်ရခြင်းရဲ့ အဓိကအရေးကြီးတဲ့
အချက်တွေများထဲမှ တစ်ချက်ပါပဲ။

ဒါကြောင့်မို့ စစ်ရေးသတင်းကို (လုံးဝ) မပေါက်ကြားဖို့အတွက် ဘယ်စစ်တပ်မဆို သူ့ရဲ့တပ်သားတွေကို သင်ပေးပြီးသားဖြစ်သလို၊ သတင်းပေါက်ကြားစေတဲ့ တပ်သားကိုလည်း ထိရောက်တဲ့ ပြစ်ဒဏ်တွေ ပေးလေ့ရှိကြပါတယ်။

ဒါပေမဲ့ အခုကျနော်တို့ရဲ့ နွေဦးတော်လှန်ရေးက ပေါက်ဖွားလာတဲ့ PDF အပါအဝင် တခြားတော်လှန်ရေးအဖွဲ့တွေရဲ့ တပ်သား၊ တပ်ဖွဲ့ဝင်တွေဟာ စစ်ရေးစစ်ရာကို လုပ်နေတယ်၊ စစ်သားလုပ်နေရပေမဲ့ သူတို့ဟာ Volunteer စစ်သားတွေဖြစ်ကြတယ်လို့ ခံယူထားကြတဲ့အတွက်၊ စစ်သား စစ်စစ်ကြီးတွေလို စည်းကမ်းတွေ၊ အမိန့်စီးဆင်းမှု၊ လုပ်နိုင်စွမ်းတွေမှာ အားနည်းချက်တွေ အများကြီးပါပဲ။

ဒီမိုကရေစီကို အပြည့်အဝ ခံစားလာရတဲ့ ရပ်ဝန်းက လာခဲ့တဲ့သူတွေများတာမို့၊ ပုံမှန်ထက်ပိုပြီး စစ်သားမဆန်နိုင်ကြသလို၊ စစ်သားပီသဖို့ အတင်းတိုက်တွန်းပြုပြင်ရင်လည်း တော်လှန်/တိုက်ခိုက်မည့်သူ ဘယ်သူမှ ကျန်တော့မှာမဟုတ်ပါဘူး။

ဘာလို့လည်းဆိုတော့ သူတို့ဟာ အမိန့်ဆိုတာကြီးကို သိပ်မုန်းကြလို့ပါပဲ။ အဲ့ဒါကြောင့် ကျနော်တို့မှာ ဒီမိုကရေစီမကျ၊ စစ်တပ်မကျနဲ့ အပေးအယူပုံစံမျိုး၊ မိသားစု၊ညီအကိုလိုမျိုး သွားရပါတယ်။

အဲ့လိုသွားရတဲ့အခါ အားနည်းချက်၊ အားသာချက်ဆိုတာတွေက အများကြီး ပေါ်လာတာပဲ။

ပြောချင်တဲ့အကြောင်း အရင်းရောက်ပါပြီ။

(အဲ့လိုဆိုတော့ကား).. ရဲဘော်တစ်‌ယောက်ဆီတိုင်းက စစ်ရေးသတင်းကို မရေးရ မပြောရဆိုတဲ့ အမိန့်ကို သိပေမဲ့လည်း အပေါ်မှာရေးထားတဲ့ အနေအထားတွေကြောင့် သူတို့ဟာ လုပ်ရဲကြတယ်၊ ပြောရဲကြတယ်။

ပြောရတဲ့ အကြောင်းအရင်းတွေလည်း များစွာရှိပါတယ်။ တချို့က ထင်ပေါ်ကျော်ကြားချင်လို့၊ တချို့က ဖန်ငွေရှာချင်လို့၊ တချို့ကြတော့လည်း မွေးရာပါ ကြွားဝါချင်တဲ့စိတ်ကြောင့်၊ အဲ့လိုပုံစံတွေ အများကြီးကြောင့်ပါပဲ။

သတင်းတွေ ပေါက်ကြားလာတဲ့ အကြောင်းအရင်းတွေကလည်း အများကြီးပါပဲ။ တချို့က သူတို့ အကောင့်က ရေးတင်တာ၊ ပြောဆိုတာမျိုး၊ တချို့ကြတော့လည်း သူတို့ရဲ့ မိသားစု၊ သူတို့ရဲ့မိတ်ဆွေတွေကို ပြောရင်း အဲ့ကတဆင့် ပေါက်ကြားတာမျိုး၊ ဒါတောင် တခြားသော အကြောင်းအရင်းများစွာ ကျန်သေးတယ်။

ဆိုတော့ကား....
စစ်ရေးသတင်း လုံခြုံမှုက စစ်ပွဲတိုင်းရဲ့ အသက်ပါပဲ။

ဒါကြောင့်မို့ ကိုယ့်ရဲ့ လုပ်ရပ်တခု၊ အပြောအဆိုတခုက ကိုယ့်ရဲဘော်ရဲဘက်တွေနဲ့ ကိုယ့်အစုအဖွဲ့၊ အားလုံးရည်မှန်းထားတဲ့ မျှော်လင့်ချက်တွေကို မရိုက်ချိုးမိစေကြဖို့ ကိုယ့်ကိုကိုယ် ထိန်းသိမ်းကြဖို့ပဲ မျှော်လင့်ပါတယ် ။

တော်လှန်ရေး တပ်စုတိုင်း၊တပ်ဖွဲ့တိုင်းမှာ လူပေါင်းစုံရှိကြပါတယ်။
သူတို့ရဲ့ရှင်သန်ကြီးထွားလာခဲ့တဲ့ ပတ်ကျင်၊ နောက်ခံအသိုင်းအဝိုင်း၊ IQ,EQ ၊ လူမှုပေါင်းသင်းဆက်ဆံရေး၊ အကျင့်စာရိတ္တ၊ သည်းခံနိုင်မှု၊ လုပ်ကိုင်နိုင်စွမ်းနဲ့ လိမ္မာပါးနပ်မှု ဆိုတဲ့ အကြောင်းအရာ၊ အချင်းအရာတွေကြောင့် ပြဿနာမျိုးစုံကလည်း ရှိနေဆဲ၊ ရှိနေမြဲပါပဲ။

အဲ့နေရာကိုမတူကွဲပြားမှုများစွာရှိနေတဲ့ နေရာလို့ခေါ်ပါတယ်။ အဲ့ဒီ့ မတူကွဲပြားမှုမှာ အားနည်းချက်တွေ ရှိကောင်းရှိနေမှာ မှန်သော်လည်းပဲ၊ ရှေ့ဆောင်ဦးရွက်ပြုကြတဲ့ ခေါင်းဆောင်တွေရဲ့ ဘယ်လို Control လုပ်နိုင်မလဲပေါ် မူတည်ပြီးတော့လည်း အများကြီး ကွဲပြားခြားနားပါတယ်။

ကမ္ဘာပေါ်မှာ အလှပဆုံးသော၊ အအောင်မြင်ဆုံးသော အရာတွေက မတူကွဲပြားမှုဆိုတဲ့ အကြောင်းအရင်းကပဲ မွေးဖွားရှင်သန်လာခဲ့တာပါ။

သူ့အလိုလိုတော့ ရလာလိမ့်မည်မဟုတ်ပါဘူး။

အသုံးချတတ်ခြင်းပေါ်မှာပဲ မူတည်ပါတယ်။

CDM-ဗက(2022 Memories)

#EIO #Eagle_Information_Operator #Revolution_News #Civilian_Intelligence #DigitalSecurity #SecurityAwareness

👍5

735 viewsedited 01:16