EIO (ဆက်သွယ်ရေးနှင့်သတင်းပြန်ကြားရေး)

၁။ ၂၀၂၁ ခုနှစ်၊ ဖေဖော်ဝါရီလ (၁) ရက်နေ့တွင် အကြမ်းဖက်စစ်တပ်က ပြည်သူ့အာဏာကို မတရားလုယူရန် ကြိုးစားခဲ့သည့်အချိန်မှစ၍ ပြည်သူ့အာဏာ ပြည်သူပြန်ရရေး အတွက် နည်းလမ်းမျိုးစုံဖြင့် ကြိုးပမ်းခဲ့ကြသည့် ပြည်သူလူထုသည် စစ်တပ်၏ နည်းလမ်းမျိုးစုံဖြင့် အကြမ်းဖက်နှိမ်နင်းမှုများကို နိုင်ငံအနှံ့အပြားတွင် ယနေ့အချိန်အထိ ကြုံတွေ့ ခံစားနေကြရပါသည်။
၂။ ၂၀၂၅ ခုနှစ်၊ မတ်လ (၂၈) ရက်နေ့တွင် စစ်ကိုင်းမြို့အနီးကို ဗဟိုပြု၍ အင်အား (၇.၇) ပမာဏရှိသည့် ငလျင်ကြီး နှင့် နောက်ဆက်တွဲ ငလျင်များ လှုပ်ခတ်ခဲ့မှုများကြောင့် များစွာသော ရဟန်းရှင်လူ ပြည်သူများ ထိခိုက်သေဆုံးခဲ့ကြခြင်း နှင့် ဘုရားကျောင်းကန်၊ စေတီပုထိုးများ၊ ဘာသာရေးအဆောက်အအုံများနှင့် ပြည်သူပိုင် နေအိမ်အဆောက်အဦးများစွာ ပြိုကျပျက်စီးခဲ့သည့် အတွက် သဘာဝဘေးအန္တရာယ်ကပ်ဆိုး ကြုံတွေ့ခံစားနေကြရသည့် အချိန်ကာလဖြစ်ပါသည်။
၃။ လက်ရှိ သဘာဝဘေး ကြုံတွေ့ခံစားနေရသည့် အချိန်ကာလတွင်ပင် အကြမ်းဖက်စစ်ကောင်စီ သည် လေကြောင်းတိုက်ခိုက်မှုများ၊ လက်နက်ကြီးပစ်ခတ်မှုများကို နေ့စဉ်ရက်ဆက် လူသားမဆန်စွာ လုပ်ဆောင်နေဆဲဖြစ်ပါသည်။
၄။ အမျိုးသားညီညွတ်ရေးအစိုးရ အနေဖြင့် လက်ရှိကာလ ပူဆွေးဝမ်းနည်းနေရမှုများအတွက် ပြည်သူ မှ ပြည်သူ သို့ အချင်းချင်း အားပေးနှစ်သိမ့်ရန် ၁၃.၄.၂၀၂၅ မှ ၂၀.၄.၂၀၂၅ နေ့အထိ နိုင်ငံလုံးဆိုင်ရာ ပြည်သူ့ဝမ်းနည်းကြေကွဲမှုနှင့် နှစ်သိမ့်အားပေးမှု ရက်သတ္တပတ်အဖြစ် သတ်မှတ်ထားပါသည်။
၅။ ငလျင်ဒဏ် နှင့် စစ်အာဏာရှင် ၏ မတရားညှင်းပန်းနှိပ်ဆက်ဒဏ်ကို ခံစာနေရသော နိုင်ငံတစ်ဝှမ်းရှိ ပြည်သူများနှင့် အတူတကွရပ်တည်ကြောင်း၊ ဆုံးရှုံးမှုများအတွက် စာနာကြောင်းကို ပြသသည့်အနေဖြင့် မုံရွာမြို့နယ်အတွင်းရှိ ကာကွယ်ရေးအဖွဲ့ဝင်များ၊ ကာကွယ်ရေးအဖွဲ့များ၊ တပ်ရင်းတပ်ဖွဲ့များ နှင့် ပြည်သူလူထု အနေဖြင့် ယခုနှစ် မြန်မာ့ရိုးရာအတာသင်္ကြန်တွင် ရေကစားမဏ္ဍပ်များပြုလုပ်၍ အသံချဲ့စက်များ ကျယ်လောင်စွာဖွင့်ခြင်း၊ ကခုန်သီဆိုပျော်ပါးခြင်းများ နှင့် ပျော်ပွဲရွှင်ပွဲများကို လုံးဝ (လုံးဝ) မပြုလုပ်ကြပါရန် နှင့် အသက်ဆုံးပါးသွားသည့် ပြည်သူများ နှင့် ကျန်ရစ်သူ မိသားစုများအတွက် အောက်မေ့သတိရ ခွန်အားယူ ဆုတောင်းမှုများ ပြုလုပ်ခြင်း၊ ရေစက်ချ အမျှဝေခြင်း၊ သက်ဆိုင်ရာ ဘာသာအလိုက် ဆုတောင်းမေတ္တာပို့သခြင်း နှင့် ကုသိုလ်ကောင်းမှုများ ရည်စူးပြုလုပ်ခြင်း စသည့် လူသားချင်းစာနာမှုဖြင့် ကျော်ဖြတ်နိုင်ကြပါရန် လေးစားစွာဖြင့် မေတ္တာရပ်ခံ ပန်ကြားအပ်ပါသည်။

လေးစားမှုဖြင့်

မုံရွာမြို့နယ်ပြည်သူ့ကာကွယ်ရေးဦးဆောင်အဖွဲ့

👍1

145 views11:46