EIO (ဆက်သွယ်ရေးနှင့်သတင်းပြန်ကြားရေး)

👍1

152 views08:58

📣📣 လေပြင်းဘေးအန္တရာယ် ကြိုတင်ကာကွယ်ရေး သတိပေးချက်
🌀 လေပြင်းဘေးသည် မြန်မာနိုင်ငံတွင် အဖြစ်များသည့်သဘာဝဘေးအန္တရာယ်များထဲမှ တစ်ခုဖြစ်ပြီး အထူးသဖြင့် မိုးကြိုကာလဖြစ်သည့် ဧပြီလ၊ မေလနှင့် မိုးနှောင်း ကာလဖြစ်သည့် အောက်တိုဘာလမှ ဒီဇင်ဘာလအတွင်း ဖြစ်ပေါ်လေ့ရှိသည်။
🌀 နေ့အပူချိန်များ မြင့်တက်ခြင်းကြောင့် ရေခိုးရေငွေ့များပိုမိုစုစည်းကာ မိုးတိမ်တောင်များအဖြစ်သို့ ရောက်ရှိပြီး ၎င်းမှတဆင့် လေထုမငြိမ်မသက်ဖြစ်ခြင်း၊ စိုက်ဆင်းလေပြင်းများတိုက်ခတ်ခြင်း၊ မိုးသီးကြွေခြင်းနှင့် အချိန်အခါမဟုတ် မိုးရွာသွန်းခြင်းများ ဖြစ်ပေါ်နိုင်သည်။
🌀 လေပြင်းတိုက်ခတ်မှုနှင့် မိုးသီးကြွေခြင်းတို့ကြောင့် နေအိမ်များ ပျက်စီးခြင်း၊ သစ်ပင် သစ်ကိုင်းများကျိုးခြင်း၊ လျှပ်စစ်မီးကြိုးနဲ့ဓါတ်တိုင်များပျက်စီးခြင်း၊ လူနှင့်တိရစ္ဆာန်ထိခိုက်မှုများနှင့် အခြားသောပျက်စီးဆုံးရှုံးမှုများ ဖြစ်ပေါ်နိုင်ပါသည်။
🌀 မြန်မာနိုင်ငံအလယ်ပိုင်းဒေသများနှင့် အထက်ပိုင်းဒေသများတွင် လေပြင်းဘေး ပိုမိုကြုံတွေ့ရသော်လည်း လွန်ခဲ့သည့်နှစ်များအတွင်း မြန်မာနိုင်ငံအောက်ပိုင်းနှင့် အရှေ့ပိုင်းဒေသများတွင်လည်း လေပြင်းနှင့်မိုးသီးကြွေခြင်းကြောင့် ပျက်စီးဆုံးရှုံးမှုများကြုံတွေ့ရပါသည်။
🔴 လေပြင်းဘေးအန္တရာယ်ကြောင့် ထိခိုက်ဆုံးရှုံးမှုများလျော့နည်းစေရေးအတွက် မိုးကြိုကာလမတိုင်မီကပင် နေအိမ်အမိုးများ၊ ထုတ်တန်းများ၊ ထောက်တန်းများနှင့် အောက်ခြေဒေါက်တိုင်များကို တောင့်တင်းခိုင်မာအောင် ပြင်ဆင်ထားပါ။
🔴 နေအိမ်အမိုးလန်ခြင်းနှင့် အကာအရံများလွင့်ပါခြင်းတို့မဖြစ်စေရေးအတွက် ပိုမိုခိုင်ခံံ့မှုရှိအောင် ဆောင်ရွက်ပါ။
🔴 စိုက်ဆင်းလေပြင်းများကြောင့် နေအိမ်အနီးရှိ သစ်ပင်၊ သစ်ကိုင်းများ လဲပြိုနိုင်သည့်အတွက် ကြိုတင်ရှင်းလင်းထားပါ။
🔴 လေပြင်းများတိုက်ခတ်နေစဉ် လုံခြုံသည့်အဆောက်အအုံများအတွင်း မှန်ပြတင်းပေါက်များ၊ တံခါးပေါက်များနှင့် ဝေးသည့်နေရာတွင် နေထိုင်ပါ။
🔴 ယင်းကာလအတွင်း အပူအအေးပြောင်းလဲမှုများသည့်အတွက် မိုးကြိုးဘေးအန္တရာယ် ကြုံတွေ့ နိုင်သည်ကို သတိပြုပါ။
🔴 ထူးခြားမိုးလေဝသအခြေအနေများကို အမြဲမပြတ်စောင့်ကြည့်ပြီး ဆောင်ရန်/ရှောင်ရန်/သတိပြုရန်များနှင့်အညီ ဆောင်ရွက်ပါ။

👍2

178 views08:58