✈️ "ရာသီဥတုနှင့် လေယာဉ်ဖြတ်သန်းမှုဆိုင်ရာ အသိပေးချက်"⚠️

ရာသီဥတု ဆိုးရွားချိန်တွင် ခရီးသွားလေယာဉ်များ ဖြတ်သန်းစဉ် ထွက်ပေါ်လာသော လေခွင်းသံများမှာ သဘာဝဖြစ်စဉ်သာ ဖြစ်သော်လည်း၊ အခြားသော လေကြောင်းလှုပ်ရှားမှုများနှင့် ရောထွေးမှုမရှိစေရန် သတိပြုနိုင်ရန်။

🌪 လေခွင်းသံ ကြမ်းတမ်းရခြင်း၏ အဓိကအချက်များ။

၁။ Turbulence (လေထုမငြိမ်မသက်ဖြစ်ခြင်း) ☁️

လေယာဉ်သည် အပူချိန်နှင့် ဖိအားမတူညီသော လေထုအလွှာများကို ဖြတ်သန်းရသည့်အခါ လမ်းကြမ်းပေါ်တွင် မောင်းနှင်နေသည့် ကားတစ်စီးကဲ့သို့ တုန်ခါမှု ဖြစ်ပေါ်တတ်သည်။ ထိုအခါ လေယာဉ်၏ လေခွင်းသံသည် ပုံမှန်ထက် ပိုမိုကျယ်လောင်လာတတ်ပါသည်။

၂။ Aerodynamic Noise (လေထုတိုးဝှေ့သံ) 💨

ပြင်းထန်သော လေတိုက်နှုန်းသည် လေယာဉ်၏ ကိုယ်ထည်နှင့် တောင်ပံများကို အရှိန်ပြင်းပြင်း တိုးဝှေ့သွားသည့်အတွက် "ဝူးဝူး" ဟု မြည်သော အသံများ ပိုမိုသိသာစွာ ကြားရခြင်း ဖြစ်သည်။

⚠️ အထူးသတိပြုရန်။

ရာသီဥတုကြောင့် ဖြစ်ပေါ်သော လေယာဉ်သံများသည် အနိမ့်ပျံသန်းတတ်သည့် ဂျက်တိုက်လေယာဉ်များ၏ အင်ဂျင်သံများနှင့် ရောထွေးသွားနိုင်ပါသည်။

သို့ဖြစ်ပါ၍ မိဘပြည်သူများအနေဖြင့် အသံကို ဂရုတစိုက် ခွဲခြားနားထောင်ကြပါရန်နှင့် "အမြဲနိုးနိုးကြားကြား" ရှိနေကြပါရန် တိုက်တွန်းအပ်ပါသည်။

"မိဘပြည်သူများအားလုံး ဘေးအန္တရာယ်အပေါင်းမှ ကင်းဝေးကြပါစေ။" 🙏

📌 ဆက်သွယ်မေးမြန်းရန်နှင့် သတင်းပေးပို့ရန်။

⚜️ မြေပြင်အခြေအနေများနှင့် ပတ်သက်၍ အရေးကြီးသတင်းများ ရှိပါက #EIO_Admin_Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #PublicSafety #WeatherAlert #AviationAwareness #StaySafe #SafetyAwareness #WhatsHappeningInMyanmar

📢 [အထူးသတိပေးချက်] လေကြောင်းရန်ဆိုသည်မှာ -

အကြမ်းဖက် စစ်ကောင်စီ၏ လေကြောင်းအန္တရာယ်ကို ပေါ့ဆစွာမတွေးတောဘဲ "အသိတရား၊သတိတရား" ရှိရမည့်အရာဖြစ်ပါသည်။ "ငါတို့ဆီ လာမှာမဟုတ်ပါဘူး"၊ "ဟိုတစ်ခါကလည်း ဒီအတိုင်းပဲ ဖြတ်သွားတာပဲ" ဆိုသည့် ယူဆချက်အမှား များသည် အသက်အန္တရာယ်ကို ဖြစ်စေပါသည်။ လေကြောင်းတိုက်ခိုက်မှုတွင် "နောင်တ" ဆိုသည်မှာ ပြင်ဆင်ခွင့်မရှိသည့် အရာဖြစ်ကြောင်း သတိပြုစေလိုပါသည်။

လေကြောင်းရန် သတိပေးချက်တစ်ခု ထွက်ပေါ်လာတိုင်း အောက်ပါအချက်များကို မဖြစ်မနေအထူးဂရုစိုက်ရမည့် "စည်းကမ်း" ကဲ့သို့ တိကျစွာ လိုက်နာကြပါရန် #EIO_Admin_Team မှ တိုက်တွန်းနှိုး‌ဆော်အပ်ပါသည်။

✅ လုပ်ဆောင်ရန် (Do’s)

၁။ မြေနိမ့်ရာသို့ အမြန်ဆုံးဆင်းပါ။

တောင်ကုန်း၊ တောင်ထိပ်များနှင့် အမြင့်ဆောင်များပေါ်တွင် ရှိနေပါက မြေနိမ့်ပိုင်း (သို့မဟုတ်) ဗုံးခိုကျင်းထဲသို့ အမြန်ဆုံးဆင်းပါ။

၂။ အရေးပေါ်အိတ်ကို အသင့်ထားပါ။

မီးဘေး၊ လေဘေးအတွက် ပြင်ထားသကဲ့သို့ အရေးကြီးစာရွက်စာတမ်း၊ ဆေးဝါးနှင့် ရေတို့ကို အရေးပေါ်အိတ် (#Go-Bag) ဖြင့် အမြဲအသင့်ထားပါ။

၃။ သတင်းကို အတည်ပြုပါ။

ယုံကြည်စိတ်ချရသော မိမိဒေသအတွင်း ပြန်ကြားရေးမှ သတင်းပေးပို့ချက်နှင့် အချက်ပေးသံများကိုသာ နားစွင့်ပါ။ သတင်းရသည်နှင့် မိမိဘေးနားရှိ လူများကိုလည်း အသိပေးပါ။

၄။ ကိုယ်နေဟန်ထား မှန်ကန်ပါစေ။

ကျင်းထဲတွင် ဝပ်သည့်အခါ နားကိုပိတ်၊ ပါးစပ်ကိုဟပြီး ရင်ဘတ်ကို မြေကြီးနှင့် မထိအောင် ကြွထားခြင်းက အတွင်းကလီစာများ ပေါက်ပြဲခြင်းမှ ကာကွယ်ပေးပါသည်။

❌ ရှောင်ကြဉ်ရန် (Don’ts)

၁။ လုံးဝ (လုံးဝ) ထွက်မကြည့်ပါနှင့်။

လေယာဉ်သံကြား၍ အပြင်ထွက်ကြည့်ခြင်း၊ အမိုးပေါ်တက်ကြည့်ခြင်းသည် ကိုယ့်ကိုယ်ကို ပစ်မှတ်ဖြစ်စေရန် ပြုလုပ်ခြင်းပင်ဖြစ်သည်။

၂။ ဖုန်းအသုံးပြုမှုကို ဆင်ခြင်ပါ။

လေယာဉ်ပျံသန်းနေစဉ် ဖုန်းဖြင့် တိုက်ရိုက် #Live လွှင့်ခြင်း၊ ဓာတ်ပုံရိုက်ခြင်းများသည် မိမိတို့ရှိရာနေရာကို အချက်ပြမိသကဲ့သို့ ဖြစ်တတ်ပါသည်။

၃။ သတင်းမှား မဖြန့်ပါနှင့်။

လေယာဉ်မရှိဘဲ လေယာဉ်ရှိသည်ဟု သတင်းမှားလွှင့်ခြင်းသည် ပြည်သူများကို ထိတ်လန့်စေပြီး အမှန်တကယ် လာသည့်အချိန်တွင် လူများ ပေါ့ဆသွားစေနိုင်ပါသည်။

💡 သတိပြုရန် "၃ မိနစ်" စည်းကမ်း။

လေယာဉ်(လေကြောင်း အန္တရာယ်) အသံကို အဝေးက စတင်ကြားရချိန်မှ သင့်ထံသို့ ရောက်ရှိလာရန် အချိန် (၃) မိနစ် ထက် မပိုပါ။ ထိုအချိန်အတွင်း သင်သည် မဆိုင်းမတွ ဆုံးဖြတ်ရမည်။ အမြန်ဆုံး ခိုလှုံရမည်။ ငြိမ်သက်စွာ စောင့်ဆိုင်းရမည်။

"အသက်ဆိုတာ ပြန်ဝယ်လို့မရတဲ့ အရာပါ။ သတိပေးချက်ကြားရင် ပေါ့ပေါ့၊ဆဆမနေကြပါနဲ့။"🙏🏻

"မိဘပြည်သူများ ကျန်းမာပြီး ဘေးကင်းကြပါစေ"🙏🏻

#EIO #PublicAwareness #AirRaidSafety #EmergencyProtocol #CivilianSafety #SecurityAwareness #StopBombingCivilians #StopKillingCivilians #WarCrimes #WhatsHappeningInMyanmar

🛡️ စစ်ရေးသတိဖြင့် ဘေးကင်းအောင်နေထိုင်စို့ - မိဘပြည်သူများအတွက် အသိပေးနှိုးဆော်ချက်။ ⚠️

တော်လှန်ရေးကာလအတွင်း နယ်မြေခံရဲဘော်များသည် ခုခံတွန်းလှန်စစ်အောင်ပွဲများကို အလီလီဖော်ဆောင်နိုင်ခဲ့ကြသော်လည်း စစ်ရေးသတင်းလုံခြုံမှု (#OPSEC) အရ အောင်ပွဲသတင်းအချို့ကို အချိန်နှင့်တပြေးညီ ထုတ်ပြန်ခြင်းမရှိဘဲ သိုဝှက်ထားခဲ့ကြရသည်များ ရှိပါသည်။ တော်လှန်ရေး ရဲဘော်များသည် ဆိုရှယ်မီဒီယာပေါ်တွင်သာ တိုက်ပွဲဝင်နေကြခြင်းမဟုတ်ဘဲ မြေပြင်တွင် အမှန်တကယ် စွန့်လွှတ်စွန့်စား တိုက်ပွဲဝင်နေကြခြင်း ဖြစ်ပါသည်။

လက်ရှိတွင် ရန်သူ၏အင်အား လှုပ်ရှားမှုအခြေအနေများအပေါ် မူတည်၍ တော်လှန်ရေး တပ်ရင်း၊တပ်ဖွဲ့များမှ စစ်ရေးဗျူဟာအရ ငြိမ်သက်သင့်သလောက် ငြိမ်သက်ထားရသော အခိုက်အတန့်လည်း ရှိကြပါသည်။ ထို့ကြောင့် မိဘပြည်သူများအနေဖြင့် ရန်သူ၏အန္တရာယ်ကို ကြိုတင်ပြင်ဆင် ရှောင်ရှားနိုင်ရန်နှင့် အဖမ်းအဆီး၊ အဓမ္မဓားစာခံ ပြုလုပ်ခြင်းများမှ ကင်းဝေးစေရန် အောက်ပါ "ဆောင်ရန်၊ ရှောင်ရန်" အချက်များကို အထူးသတိပြု လိုက်နာကြပါရန် တိုက်တွန်းနှိုးဆော်အပ်ပါသည်။

✅ ဆောင်ရန်အချက်များ (Dos)

📢 သတင်းနားစွင့်ပါ။

မိမိတို့နယ်မြေအလိုက် အချိန်နဲ့တပြေးညီ ထုတ်ပြန်ပေးနေသော ကျင့်ဝတ်၊စည်းကမ်း နဲ့ အညီ တော်လှန်ရေး အလုပ်လုပ်နေကြပါသော သတင်းပြန်ကြားရေးစက်ကြီးများနှင့် ပြန်ကြားရေးရဲဘော်များ၏ အသိပေး၊သတိ‌ပေး ထုတ်ပြန်ချက်များကို နေ့၊ ည မပြတ် အထူးဂရုတစိုက် နားစွင့်ကြပါ။

🎒 အရေးပေါ်အိတ် ပြင်ဆင်ပါ။

ရုတ်တရက် တိမ်းရှောင်ရပါက လွယ်ကူစေရန် ဆေးဝါး၊ အစားအစာ၊ အရေးကြီးစာရွက်စာတမ်းနှင့် အဝတ်အထည်အနည်းငယ်ပါသော အရေးပေါ်အိတ်ကို အမြဲအသင့်ပြင်ထားပါ။

📡 ဆက်သွယ်ရေးလမ်းကြောင်း ထားရှိပါ။

ရပ်ကွက်/ကျေးရွာအတွင်းရှိ ယုံကြည်ရသောသူများနှင့် ချိတ်ဆက်ထားပြီး အကြမ်းဖက်စစ်ကောင်စီ၏ စစ်ရေးလှုပ်ရှားမှု သတင်းရလျှင်ရချင်း တစ်ဦးနှင့်တစ်ဦး အမြန်ဆုံး အသိပေးပါ။

🛡️ ဘေးကင်းရာသို့ တိမ်းရှောင်ပါ။

အကြမ်းဖက်စစ်ကောင်စီ၏ စစ်ရေးလှုပ်ရှားမှုသတင်းကြားသည်နှင့် အချိန်ဆွဲခြင်းမပြုဘဲ ဘေးကင်းရာသို့ ကြိုတင်တိမ်းရှောင်ပါ။ "စစ်ရေးသတိ" သည် သင့်အသက်ကို ကယ်တင်ပါလိမ့်မည်။

❌ ရှောင်ရန်အချက်များ (Don'ts)

🚫 သတင်းမပေါ့ဆပါနှင့်။

"ငြိမ်နေတာပဲ၊ ဘာမှမဖြစ်လောက်ပါဘူး" ဟု အထင်မမှားပါနှင့်။ စစ်ရေးဆိုသည်မှာ ရန်သူ့အခြေအနေပေါ်မူတည်၍ အချိန်မရွေး ပြောင်းလဲနိုင်ပါသည်။

🚫 စခ၊ပခများနှင့် မတွေ့အောင်ရှောင်ပါ။

အကြမ်းဖက်စစ်ကောင်စီ၏ အခိုင်းအစေ ကျေးကျွန်များနှင့် လမ်းတွင်တွေ့ဆုံခြင်း၊ တိုးမိခြင်းများ လုံးဝ၊လုံးဝ မရှိစေရန် လမ်းကြောင်းများကို သေချာစုံစမ်းပြီးမှ သွားလာပါ။

🚫 ဓားစာခံအဖြစ် အဖမ်းမခံရစေနှင့်။

အကြမ်းဖက်စစ်ကောင်စီ၏ ကျေးကျွန်များသည် ပြည်သူကို ဓားစာခံအဖြစ် အသုံးပြုတတ်သဖြင့် အကြမ်းဖက် စစ်ကောင်စီ အခြေစိုက်ရာ စခန်းနှင့်ဝပ်ကျင်းချရာအနီးအနားသို့ သွားလာခြင်းကို အပြတ်အသတ် ရှောင်ကြဉ်ပါ။

🚫 စစ်ရေးသတင်း မဖြန့်ပါနှင့်။

တော်လှန်ရေးတပ်ဖွဲ့များ၏ တည်နေရာနှင့် လှုပ်ရှားမှုများကို ဖုန်းဖြင့်ပြောဆိုခြင်း၊ လူမှုကွန်ရက်ပေါ်တင်ခြင်းများ ကို လုံးဝ (လုံးဝ) မပြုလုပ်ပါနှင့်။သင့်ကြောင့် အသက်စွန့်၍ ရှေ့တန်းစစ်မျက်နှာပြင်တွင် တိုက်ပွဲဝင်နေကြသော တော်လှန်ရဲဘော်များ ဘေးမဖြစ်ပါစေနှင့်။

🚨 စစ်ရေးလှုပ်ရှားမှုဆိုသည်မှာ ခံစစ်ရှိသလို ထိုးစစ်လည်း ရှိပါသည်။ ရန်သူ၏ လှုပ်ရှားမှုအပေါ် မူတည်၍ တော်လှန်ရေးတပ်ဖွဲ့များမှ အစီအစဉ်တကျ လှုပ်ရှားနေရခြင်းဖြစ်သဖြင့် မိဘပြည်သူများအနေဖြင့် စိုးရိမ်ထိတ်လန့်ခြင်းထက် "အသိ၊ သတိ" ကို ရှေ့တန်းတင်ကြစေလိုပါသည်။ ⚠️

မိမိတို့နယ်မြေမှ ပြန်ကြားရေးရဲဘော်များသည် မိဘပြည်သူများ ဘေးကင်းစေရန် နေ့၊ညမပြတ် အပင်ပန်းခံပြီး သတင်းထုတ်ပြန်ပေးနေခြင်းဖြစ်ရာ၊ ထိုထုတ်ပြန်ချက်များကို လေးစားလိုက်နာခြင်းဖြင့် အသက်အန္တရာယ်မှ ကင်းဝေးကြပါစေကြောင်း ဆုတောင်းတိုက်တွန်းလိုက်ရပါသည်။

"စစ်ရေးသတိဖြင့် အောင်ပွဲဆီသို့" ✊🏻

#EIO #Eagle_Information_Operator #EmergencyAlert #PublicSafety #RevolutionNews #WarsCrimes_RejectMilitaryCoup #StopKillingCivilians #StopBombingCivilians #WhatsHappeningInMyanmar

⚜️ #EIO_Update_News

စစ်ကိုင်း၊ တမခ(၃၃) မှ ပြန်၍ ထွက်လာသော စခသံပြားကာကားယာဥ်တန်းသည် မုံရွာ၊ နမခသို့ ဝင်ရောက်သွားကြောင်း သတင်းရရှိထားပါသည်။

May 7, 5:59PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

၂၀၂၅ ဇူလိုင် ၁၆ ကနေ ဩဂုတ် ၁၅ - တလအတွင်း လေယာဉ်ဆီ အင်ပီရီယာယ်ဂါလံ (IG)☝️✌️ ၁၂ သိန်းကျော်

မင်းအောင်လှိုင် ဦးဆောင်တဲ့ မြန်မာစစ်အုပ်စုဟာ အကြမ်းဖက်လေကြောင်းစစ်ဆင်ရေးတွေလုပ်ဖို့ တလအတွင်း လေယာဉ်ဆီ ဂါလံ ၁၂ သိန်းကျော် သုံးစွဲခဲ့ပါတယ်။

ဟုတ်ပါတယ်။ အင်ပီရီယာယ်ဂါလံ ၁၂ သိန်းကျော်ပါ။ တိုက်လေယာဉ်အုပ်စုက ၆ သိန်း ၂ သောင်းကျော်၊ သယ်ယူပို့ဆောင်ရေးနဲ့ ဗုံးကြဲလေယာဉ်အုပ်စုက ၅ သိန်း ၆ သောင်းကျော်နဲ့ ဟယ်လီကော်ပတာ ရဟတ်ယာဉ်အုပ်စုက ၄ သောင်းနီးပါး သုံးစွဲခဲ့ရတာ ဖြစ်ပါတယ်။ ကုန်ကျစရိတ်အားဖြင့် ကန်ဒေါ်လာ ၃ သန်းကျော် ($ ၃,၀၃၃,၆၃၅) ကုန်ကျခဲ့ပါတယ်။

တိုက်လေယာဉ်တွေကို အကြိမ်ရေ (၁၂၇၂) ကြိမ်ကျော် အသုံးပြုခဲ့ပြီး (၆၁၃) ကြိမ်ကိုတော့ လေယာဉ်အမျိုးအစား အတည်ပြုနိုင်ခဲ့ပါတယ်။ ဒီထဲမှာမှ K-8 နဲ့ MiG-29 တို့ကို (၁၅၁) ကြိမ်နဲ့ အများဆုံးသုံးခဲ့တာ တွေ့ရပါတယ်။ FTC-2000G က အကြိမ်ရေ (၁၂၀) နဲ့ Yak-130 က (၁၀၁) ကြိမ်ထက်မနည်း အသုံးပြုခဲ့ကြပါတယ်။

သယ်ယူပို့ဆောင်ရေးနဲ့ ဗုံးကြဲချနိုင်တဲ့ လေယာဉ်တွေကိုလည်း အကြိမ်ရေ (၉၁၂) ကြိမ်ကျော်ထိကြပြီး (၈၆၅) ကြိမ်ထိ လေယာဉ်အမျိုးအစား မှတ်တမ်းတင်နိုင်ခဲ့ပါတယ်။ Y-12 ကို (၃၄၄) ကြိမ်ထိ အများဆုံးတွေ့ရပြီး Y-8 ကို (၃၁၇) ကြိမ်နဲ့ Beechcraft 1900 ကို (၁၀၁) ကြိမ်ထိ သုံးတာ တွေ့ရပါတယ်။

ရဟတ်ယာဉ်တွေကိုလည်း အကြိမ်ရေ (၁၈၉) ကြိမ် သုံးခဲ့တာတွေ့ရပြီး အားလုံးကို အမျိုးအစား အတည်ပြုနိုင်ခဲ့ပါတယ်။ (၁၀၄) ကြိမ်နဲ့ Mi-17 ကို အများဆုံး သုံးခဲ့ကြပြီး Mi-35 ကို (၅၁) ကြိမ်နဲ့ Mi-2 ကို (၁၄) ကြိမ်ထိ အသုံးပြုခဲ့ကြပါတယ်။

ဇူလိုင် ၁၆ ကနေ ဩဂုတ် ၁၅ အတွင်း လေကြောင်းစစ်ဆင်ရေးအားလုံးမှာ လေယာဉ်၊ ရဟတ်ယာဉ်တွေကို အကြိမ်ရေ (၂၄၀၀) ကျော်ထိ ပျံသန်းခဲ့ပြီး လေယာဉ်ဆီ အင်ပီရီယာယ်ဂါလံ ၁၂ သိန်းကျော် သုံးစွဲခဲ့ရကာ ကန်ဒေါ်လာ ၃ သန်းကျော် ကုန်ကျခဲ့တာ ဖြစ်ပါတယ်။

ဒီလောက်များတဲ့ ငွေကြေးတွေ ဘယ်ကရနေလဲ ❓❓❓

မှတ်ချက် - လေကြောင်းဆိုင်ရာ ကျွမ်းကျင်ပညာရှင်များနှင့် လေကြောင်းစောင့်ကြည့်ရေး ချန်နယ်များမှ ကောက်ယူထားသော အချက်အလက်များနှင့် Blood Money Campaign အဖွဲ့၏ သုံးလတာ သုတေသနအချက်အလက်များအပေါ် အခြေခံ၍ လေကြောင်းလှုပ်ရှားမှု၏ အနည်းဆုံး တွက်ချက်ထားသော ပမာဏကို ဖော်ပြထားခြင်းဖြစ်ပါသည်။

#SanctionAviationFuel #CutTheRoute
#CloseTheSky
#DevilAirbasesBloodyFuel
#WhatsHappeningInMyanmar
#BloodMoneyCampaignMM

⚜️ #EIO_Update_News

မုံရွာနယ် တောင်ခြမ်း၊ မြေနဲရွာဘက်သို့ ရောက်ရှိနေသော စခကင်းများသည် စွမ်းရည်ထက်သို့ ပြန်လည်ဝင်ရောက်သွားပြီး စခအိမ်စီးကားများသည် မြေနဲရွာထိပ်ဘက်တွင် ကင်းပတ်နေကြောင်း သတင်းရရှိထားပါသည်။

မိဘပြည်သူများအနေဖြင့် အထူးဂရုစိုက်၍ သွားလာကြပါရန်🙏🏻

May 7, 6:35PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

​📢 သတင်းပေးပို့သူများသို့ အသိပေးချက် ⚠️

📌 သတင်းပေးပို့သူ (#Informant) တစ်ဦးချင်းစီ၏ သတ္တိနှင့် ပေးဆပ်မှုကို #EIO Admin Team မှ အစဉ်တစိုက် တန်ဖိုးထားလျက်ရှိပါသည်။ ✨

📌 မိမိတို့ဒေသအတွင်းရှိ စစ်ကောင်စီတပ်များ၏ လှုပ်ရှားမှု၊ တပ်တည်နေရာနှင့် ယာဉ်တန်းသတင်းများကို အချိန်နှင့်တပြေးညီ ပေးပို့ခြင်းသည် တော်လှန်ရေးအတွက် အရေးပါသော "မျက်စိနှင့် နား" ဖြစ်သည့်အပြင် ပြည်သူ့အသက်ပေါင်းများစွာကို ကယ်တင်ရာလည်း ရောက်ပါသည်။ ✨
​
🛡️ ၁။ သတင်းပေးပို့သူများကို တန်ဖိုးထားခြင်း။

📌 မိမိတို့ #EIO_Admin_Team အနေဖြင့် သတင်းပေးပို့သူများ၏ ဘေးကင်းလုံခြုံရေးကို ပထမဦးစားပေး (Top Priority) အဖြစ် သတ်မှတ်ထားပါသည်။✨

✅ သတင်းတစ်ခုရရှိရန် မည်မျှအန္တရာယ်များကြောင်း နားလည်ပြီးသားဖြစ်သည့်အတွက် ပေးပို့လာသော သတင်းအချက်အလက်တိုင်းကို အလေးအနက်ထား စိစစ်အသုံးချလျက်ရှိပါသည်။ ✨

📌 မိတ်‌ဆွေတို့၏ ကြိုးပမ်းမှုသည် တော်လှန်ရေးအောင်ပွဲအတွက် အဓိကမောင်းနှင်အားတစ်ခုဖြစ်ကြောင်း မှတ်တမ်းတင်အပ်ပါသည်။ ✨

​🔐 ၂။ လုံခြုံရေးနှင့် လျှို့ဝှက်ချက် ထိန်းသိမ်းခြင်း။

​📌 သတင်းပေးပို့သူများ စိတ်ချလက်ချရှိစေရန် အောက်ပါအချက်များကို တိကျစွာ လိုက်နာဆောင်ရွက်ပေးနေပါသည်။

​👤 သတင်းရင်းမြစ် ဖုံးကွယ်ခြင်း။

📌 ပေးပို့သူ၏ အမည်၊ အကောင့်နှင့် တည်နေရာတို့ကို မည်သည့်အခြေအနေတွင်မှ ထုတ်ဖော်ခြင်းမပြုဘဲ လျှို့ဝှက်ချက်အဆင့် (၁) အနေဖြင့် ထိန်းသိမ်းပါသည်။

​💻 Digital Security။

📌 သတင်းပေးပို့ပြီးနောက် စာမျက်နှာ (#Chat log) များအား စနစ်တကျ ဖျက်သိမ်းခြင်းနှင့် အကာအကွယ်ပေးခြင်းများကို နည်းပညာအရ ဆောင်ရွက်ထားပါသည်။

​🛡️ ဘေးကင်းရေး လမ်းညွှန်မှု။

📌 သတင်းပေးပို့ရာတွင် သတိထားရမည့်အချက်များနှင့် ဒစ်ဂျစ်တယ်လုံခြုံရေးဆိုင်ရာ အသိပညာပေးမှုများကိုလည်း ပံ့ပိုးပေးလျက်ရှိပါသည်။

​⚠️ ၃။ သတင်းပေးပို့သူများသို့ မေတ္တာရပ်ခံချက်။

​📌 မိမိကိုယ်တိုင် လုံခြုံမှုရှိမှသာ တော်လှန်ရေးအတွက် ဆက်လက်ကူညီနိုင်မည်ဖြစ်သောကြောင့် အောက်ပါတို့ကို ဂရုပြုပေးပါ။

​📱 Two-Step Verification။

⚠️ သတင်းပေးပို့သည့် ဖုန်း/စက်ပစ္စည်းများတွင် အမြဲဖွင့်ထားရန်။

​🗑️ Chat Cleanup။

⚠️ သတင်းပေးပို့ပြီးတိုင်း Chat အား Delete လုပ်ရန် (သို့မဟုတ်) Vanish Mode အသုံးပြုရန်။

​👁️ Environmental Awareness။

⚠️ သတင်းရယူရာတွင် မိမိ၏ ပတ်ဝန်းကျင်အခြေအနေကို အမြဲမျက်ခြေမပြတ် စောင့်ကြည့်ရန်။

​"လူထုရဲ့ မျက်စိ၊ လူထုရဲ့ နား... အောင်ပွဲဆီသို့ အရောက်လှမ်းဖို့ သင်တို့ရဲ့ သတင်းစကားက အရေးကြီးဆုံးပါ"

​ပြည်သူနှင့်အတူ ရပ်တည်ပေးနေသော သတင်းပေးပို့သူတစ်ဦးချင်းစီကို မိမိတို့ #EIO (ဆက်သွယ်ရေးနှင့်သတင်းပြန်ကြားရေး)မှ အထူးပင်ကျေးဇူးတင်ရှိပါသည်။🙏🏻

​#EIO_Admin_Team #Eagle_Information_Operator #Civilian_Intelligence #DigitalSecurity #Revolution_News #Ethics

အာဏာသိမ်းကာလရဲ့တိုက်ပွဲများအတွင်း အပြစ်မဲ့အရပ်သားပြည်သူများနှင့် တော်လှန်ရေးရဲဘော်များသည် စစ်ကောင်စီ၏အကြမ်းဖက်လုပ်ရပ်များ၊ စိတ်ဒဏ်ရာရစေသည့် အဖြစ်အပျက်များမျိုးစုံကို ရင်ဆိုင်ကျော်လွှားနေကြရခြင်းဖြစ်ပါသည်။

ယခုလိုအခြေအနေမျိုးတွင် မိဘပြည်သူများနှင့် တော်လှန်ရေးရဲဘော်များအနေဖြင့် စိတ်ရော၊လူပါကျန်းမာနေစေဖို့များစွာလိုအပ်ပါသည်။

⏰စိတ်ကျန်းမာစေဖို့အတွက်အချိန်ပေးပါ✨

၁။ အချင်းချင်းအပြန်အလှန် ချီးကျူးပါ။

၂။ တရေးတမောအိပ်စက်အနားယူပါ။

၃။ သီချင်းနှင့်ဂီတ နားထောင်ပါ။

၄။ တစ်နေ့တာဒိုင်ယာရီထဲ မှတ်စုရေးပါ။

၅။ သတင်းနှင့်မိတ်ဆွေများ အဆက်အသွယ်မပြတ်ပဲ အမြဲရှိနေပေးပါ။

၆။ ရေများများသောက်ပေးပါ။

၇။ ဘာမှမစားပဲမနေပါနဲ့ အားရှိအောင်စားပါ။

"မိဘပြည်သူများအားလုံး ဘေးအန္တရာယ်ကင်းရှင်းပြီး ကျန်းမာကြပါစေ"🙏

#Admin_Team
#Eagle_Information_Operator
#EIO (ဆက်သွယ်ရေးနှင့်သတင်းပြန်ကြားရေး)

💥လက်နက်ကြီး ရမ်းသမ်းပစ်ခတ်မှုရှိနေသဖြင့် အထူးသတိပြုရန် နှိုးဆော်ချက်

Eagle Information Operator (#EIO)
Date - May 7, 8:06PM

📌 ချောင်းဦးနယ်၊ နတ်ရေကန်အထိုင်မှ အကြမ်းဖက် စစ်ကောင်စီတပ်ဖွဲ့ဝင်များသည် လက်ရှိအချိန်တွင် လက်နက်ကြီးဖြင့် ရမ်းသမ်းပစ်ခတ်နေကြောင်း သတင်းရရှိထားပါသည်။ သို့ဖြစ်ပါ၍ အနီးနားရှိ ကျေးရွာများမှ မိဘပြည်သူများအနေဖြင့် အထူးဂရုစိုက် နေထိုင်ပေးကြပါရန် အသိပေးအပ်ပါသည်။

⚠️ လက်နက်ကြီးသံ ကြားရသည်နှင့် ဘေးကင်းလုံခြုံသော ဗုံးခိုကျင်း (သို့မဟုတ်) ခိုင်ခံ့သော အဆောက်အအုံများတွင် အကာအကွယ်ယူပါ။အမြန်ဆုံး ခိုလှုံပါ။

⚠️ မိမိတို့ဒေသတွင်း သတင်းစီးဆင်းမှုများကို မျက်ခြေမပြတ် စောင့်ကြည့်၍ သတင်းနားစွင့်ပါ။

⚠️ အနီးနားရှိ အိမ်နီးချင်းများအား ရိုင်းပင်းကူညီ၍ သတိပေးစကား လက်ဆင့်ကမ်းပြောကြားပေးပါ။

"မိဘပြည်သူများအားလုံး ဘေးအန္တရာယ်အပေါင်းမှ ကင်းဝေးကြပါစေ။" 🙏

⚜️မြေပြင်အခြေအနေများနှင့် ပတ်သက်၍ အရေးကြီးသတင်းများရှိပါက #EIO_Admin_Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

📲 ဆက်သွယ်မေးမြန်းရန်နှင့် သတင်းပေးပို့ရန်

🤖 Telegram - @EIO2021_bot | @EagleInformationOperator_bot
📧 Email: eagleinformationoperators@gmail.com
🔵 Facebook Page: https://www.facebook.com/eagleinformation
🌐 Telegram Channel: t.me/eagleinformationoperator

#EIO #EmergencyAlert #StaySafe #Chaung_U #WhatsHappeningInMyanmar #SecurityUpdate

လိပ်ပြာလုံတဲ့ ချမ်းသာမှုဟာ...
ဘာနဲ့မှ နှိုင်းယှဥ် လို့ မရဘူး..
အဲ့ဒီတော့ ကိုယ့်လိပ်ပြာ  ကိုယ်လုံအောင်နေပါ။
မှန်တဲ့ ကိစ္စကို ရဲရဲဝံ့ဝံ့လုပ်ပါ။
မလုပ်သင့်တဲ့ ကိစ္စကို ရဲရဲဝံ့ဝံ့မလုပ်ပါနဲ့။

     ဒေါ်အောင်ဆန်းစုကြည် 

၁။ ရာဇတောဝါ - မင်းဘေးမှလည်းကောင်း။
၂။ စောရတောဝါ - ခိုးသူဘေးမှလည်းကောင်း။
၃။ မနုဿတောဝါ - လူဆိုးလူကြမ်း
      ဘေးမှလည်းကောင်း။
၄။ အမနုဿတောဝါ - ဘီလူး၊ ဂုမ္ဘဏ်၊ ဖုတ်ပြိတ္တာ.              
      ဘေးမှ လည်းကောင်း။
၅။ အဂ္ဂိတောဝါ - မီးဘေးမှ လည်းကောင်း။
၆။ ဥဒကတောဝါ - ရေဘေးမှ လည်းကောင်း။
၇။ ကဏ္ဍကတောဝါ - လေးမြှား၊ လက်နက်၊ ဆူးငြောင့်
       ဘေးမှ လည်းကောင်း။
၈။ ဇနပဒရောဂတောဝါ - ဇနပုဒ်၌ဖြစ်ကုန်သော   
      အနာရောဂါ ဘေးမှလည်းကောင်း။
၉။ အသဒ္ဓမ္မတောဝါ - သူယုတ်တို့၏ မကောင်းသော
       အကျင့်ဘေးမှလည်းကောင်း။
၁၀။ အသန္ဒိဋ္ဌိတောဝါ - မိစ္ဆာအယူရှိသော သူတို့၏
         ဘေးမှလည်းကောင်း။
၁၁။ အသပ္ပုရိသတောဝါ - သူတော်မဟုတ် သူယုတ်မာ
         တို့၏ ဘေးမှလည်းကောင်း။
ထို ( ၁၁ )ပါးသောဘေးဆိုးတို့မှကင်းဝေးကြပါစေရန်ဆုတောင်းမေတ္တာပို့သပါသည်။ဘေးရန်ကင်းငြိမ်းကြပါစေ။🙏🙏🙏

#Admin_Team
#Eagle_Information_Operator
#EIO (ဆက်သွယ်ရေးနှင့်သတင်းပြန်ကြားရေး)

🚨 မိဘပြည်သူများအတွက် အရေးပေါ် သတိပေးချက် 🚨

လတ်တလော မုံရွာမြို့ပေါ်နှင့် လမ်းကြိုလမ်းကြားများ၊ မြို့အဝင်အထွက်များတွင် စစ်ကောင်စီ (စကစ) မှ အိမ်စီးကားများကို အသုံးပြု၍ အတင်းအဓမ္မ ဖမ်းဆီးခြင်းနှင့် ပေါ်တာဆွဲခြင်းများ ပြုလုပ်နေကြောင်း သတင်းများ ရရှိထားပါသည်။

မိဘပြည်သူများ ဘေးကင်းလုံခြုံစေရန် အောက်ပါအချက်များကို အထူးသတိထား လိုက်နာကြပါရန် မေတ္တာရပ်ခံအပ်ပါသည်။

⚠️ သတိပြုရန် အချက်များ

🔹 ဒေသခံ တော်လှန်ရေးအဖွဲ့အစည်းများ၏ အသိပေးချက်များကို စောင့်ကြည့်လိုက်နာပါ။
🔹 မြေပြင်သတင်းချန်နယ်များကို ဖတ်ရှုကြပါ။
🔹 နီးစပ်ရာ အချင်းချင်း သတင်းအချက်အလက်များ မျှဝေကြပါ။

🚫 လုံးဝ မပြုလုပ်ရ

❌ စခ / ရခ ယာဉ်တန်းများအနီးတွင် မနေပါနှင့်။
❌ စခ / ရခ ယာဉ်တန်းနှင့်အတူ လိုက်ပါ မောင်းနှင်ခြင်း မပြုလုပ်ပါနှင့်။
❌ စခ / ရခ အထိုင်ဂိတ်များအနီးတွင် ကြာမြင့်စွာ မနေပါနှင့်။

🚑 ကျန်းမာရေးကိစ္စများနှင့် စားဝတ်နေရေးအတွက် မဖြစ်မနေ ခရီးသွားလာရပါက အထူးသတိဖြင့် သွားလာကြပါရန် တိုက်တွန်းအပ်ပါသည်။

🙏 မိဘပြည်သူများအားလုံး ကျန်းမာ၍ ဘေးကင်းကြပါစေ။

⚜️ မြေပြင်အခြေအနေများနှင့် ပတ်သက်၍ အရေးကြီးသတင်းများရှိပါက #EIO Admin Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

📲 ဆက်သွယ်မေးမြန်းရန်နှင့် သတင်းပေးပို့ရန်

🤖 Telegram – @EIO2021_bot | @EagleInformationOperator_bot
📧 Email – eagleinformationoperators@gmail.com
🔵 Facebook Page – facebook.com/eagleinformation
🌐 Telegram Channel – t.me/eagleinformationoperator

#EIO #EmergencyAlert #StaySafe #Monywa #SecurityUpdate #CivilianMilitaryServiceLaw #MilitaryServiceTraining #BasicRecruitTraining #MilitaryCommission #UnlawfulArrest #HumanRightsViolation

⚠️ "လွတ်လပ်စွာ ထုတ်ဖော်ခွင့်ဆိုသည်မှာ စည်းမဲ့ကမ်းမဲ့ လုပ်ဆောင်ခြင်း မဟုတ်ပါ" ⚠️

🗣️📢 ဖက်ဒရယ်ဒီမိုကရေစီ စနစ်ကို တည်ဆောက်တဲ့နေရာမှာ "လွတ်လပ်စွာ ထုတ်ဖော်ပြောဆိုခွင့်" (Freedom of Expression) ဟာ အခြေခံအကျဆုံး မဏ္ဍိုင်တစ်ခု ဖြစ်ပါတယ်။

📌မိမိရဲ့ ယုံကြည်ချက်၊ အမြင်နဲ့ ခံစားချက်တွေကို ကြောက်ရွံ့မှုမရှိဘဲ ပွင့်ပွင့်လင်းလင်း ဖော်ပြနိုင်တာဟာ ဒီမိုကရေစီရဲ့ အနှစ်သာရပါ။

⚠️ ဒါပေမဲ့ ဒီနေရာမှာ ကျွန်တော်တို့ သတိပြုရမယ့်အချက်က "လွတ်လပ်ခွင့်" ဆိုတာ "ဗရမ်းဗတာ လုပ်ခွင့်" ကို ဆိုလိုတာ မဟုတ်ဘူးဆိုတဲ့ အချက်ပဲ ဖြစ်ပါတယ်။

✨ တာဝန်ယူမှုရှိသော လွတ်လပ်ခွင့် ✨

စစ်မှန်တဲ့ ဒီမိုကရေစီစနစ်မှာ -

🕊️ လွတ်လပ်ခွင့် (Freedom) နဲ့
⚖️ တာဝန်ယူမှု (Responsibility / Accountability) ဟာ အမြဲတမ်း တွဲလျက်ရှိပါတယ်။

📌မိမိပြောလိုက်တဲ့ စကားတစ်ခွန်း၊ ရေးလိုက်တဲ့ စာတစ်ကြောင်းသည်

❌ သူတစ်ပါးရဲ့ ဂုဏ်သိက္ခာကို ထိခိုက်စေတာ၊
❌ အမုန်းတရား ပွားများစေတာ (Hate Speech)
❌ ပြည်သူလူထုကို အန္တရာယ်ဖြစ်စေမယ့် သတင်းအမှား (Misinformation) တွေ မဖြစ်ဖို့ အရေးကြီးပါတယ်။

✨ ကျင့်ဝတ်နှင့် စည်းကမ်း (Ethics vs Chaos) ✨

စည်းကမ်းမရှိတဲ့ ထုတ်ဖော်မှုတွေဟာ အပြုသဘောဆောင်တဲ့ ဆွေးနွေးမှုထက် ပဋိပက္ခကိုပဲ ဦးတည်စေပါတယ်။

📌 ဥပမာအားဖြင့် -

🕊️ ဒီမိုကရေစီနည်းကျ ထုတ်ဖော်မှု။

✅ အချက်အလက် ခိုင်ခိုင်လုံလုံဖြင့် ဝေဖန်ထောက်ပြခြင်း။

✅ အပြုသဘော အကြံပြုခြင်း။

✅ အတွေးအမြင်များ ဆွေးနွေးဖလှယ်ခြင်း။


❌ ဗရမ်းဗတာ ထုတ်ဖော်မှု။

🚫 ဆဲဆိုခြင်း။ 🤬

🚫 ပုဂ္ဂိုလ်ရေး တိုက်ခိုက်ခြင်း။ 🗡️

🚫 အခြေအမြစ်မရှိသော ကောလာဟလများ ဖြန့်ဝေခြင်း 📛 တို့ဖြစ်ပါတယ်။


🕊️ ဖက်ဒရယ်စနစ်နှင့် အပြန်အလှန် လေးစားမှု ✨

ဖက်ဒရယ်စနစ်ရဲ့ အနှစ်သာရက "မတူကွဲပြားမှုတွေကို စုစည်းခြင်း" ဖြစ်ပါတယ်။

👂🏻 မတူညီတဲ့ အယူအဆတွေကို လက်ခံနားထောင်ပေးခြင်း၊
🤝 တစ်ဦးနဲ့တစ်ဦး အပြန်အလှန် လေးစားတန်ဖိုးထားခြင်း
🧩 မတူကွဲပြားမှုများကို လက်ခံခြင်း မှသာ ခိုင်မာတဲ့ ဖက်ဒရယ်ပြည်ထောင်စုကို တည်ဆောက်နိုင်မှာပါ။

နိဂုံးချုပ်အနေဖြင့် မိမိတို့ လိုလားတဲ့ ဖက်ဒရယ်ဒီမိုကရေစီဆိုတာ လူတိုင်း လွတ်လပ်စွာ ပြောဆိုခွင့်ရှိသလို၊ ထိုပြောဆိုချက်တွေဟာလည်း ကျင့်ဝတ်နဲ့ တာဝန်ယူမှုအပေါ်မှာ အခြေခံရပါမယ်။ လွတ်လပ်ခွင့်ကို အလွဲသုံးစားလုပ်ပြီး စည်းမဲ့ကမ်းမဲ့ ပြုမူခြင်းဟာ ဒီမိုကရေစီလမ်းကြောင်းကို နှောင့်နှေးစေရုံသာမကဘဲ လူ့အဖွဲ့အစည်းကိုလည်း အစိတ်စိတ်အမွှာမွှာ ပြိုကွဲစေနိုင်ပါတယ်။

✨ "စည်းကမ်းရှိသော လွတ်လပ်ခွင့်ဖြင့် ဖက်ဒရယ်ဒီမိုကရေစီပန်းတိုင်သို့ လှမ်းချီကြပါစို့" လို့ တိုက်တွန်းရင်း။✊🏻

#FreedomOfExpression #FederalDemocracy #FreedomOfSpeech #EthicsAndResponsibility #InformationIntegrity #Eagle_Information_Operator #EIO

🚨 "အရေးပေါ် လေကြောင်းသတိပေးချက်နှင့် တိုက်တွန်းချက်" (#EIO) ⚠️

📢 "လေကြောင်းအသိ၊‌လေကြောင်းသတိဖြင့် မိမိနှင့် မိမိပတ်ဝန်းကျင်ကို ကာကွယ်စို့"

အကြမ်းဖက် စစ်ကောင်စီ၏ လေတပ်စခန်းများနှင့် ဌာနချုပ်များမှတစ်ဆင့် #Jet_Fighters (ဂျက်တိုက်လေယာဉ်များ)၊#Mi_35P_Attack_Helicopters (တိုက်ခိုက်ရေးရဟတ်ယာဉ်များ)၊ #Y_12_Y_8_Military_Transport_Aircraft (ဗုံးကျဲနှင့်စစ်ထောက်ပို့လေယာဉ်များ)၊ #UVP_L_410_Military_Light_Transport_Aircraft (ဗုံးကျဲနှင့်ထောက်ပို့ အပေါ့စားလေယာဉ်များ)၊ #Paramotors (ပါရာမော်တာစက်တပ်လေထီးများ)၊ #Gyrocopters (ဂျိုင်ရိုကော့ပတာများ) နှင့် လူသတ်လက်နက်များဖြစ်သော #Kamikaze_Suicide_Drones (စွမ်းအားမြင့်အသေခံဒရုန်းများ)၊ #Attack_Drones (တိုက်ခိုက်ရေးဒရုန်းများ) ကို အသုံးပြုကာ ပြည်သူလူထုအပေါ် ပစ်မှတ်ထားတိုက်ခိုက်နေခြင်းသည် လုံးဝမဖြစ်သင့်သည့် အကြမ်းဖက်မှု လုပ်ရပ်သာ ဖြစ်ပါသည်။

📌 အကြမ်းဖက်စစ်ကောင်စီ၏ လေကြောင်းတိုက်ခိုက်မှု အန္တရာယ်များသည် လျော့ပါးသွားခြင်းမရှိဘဲ ပိုမိုပြင်းထန်လာနိုင်သည့် အနေအထားတွင် ရှိနေပါသည်။ ထို့ကြောင့် မိဘပြည်သူများအနေဖြင့် ဘေးကင်းမှုကို ရှေးရှုကာ အောက်ပါ "လေကြောင်းအသိ၊သတိ" များကို အထူးဂရုပြု လိုက်နာကြပါရန် #EIO_Admin_Team မှ အလေးအနက် တိုက်တွန်းနှိုးဆော်အပ်ပါသည်။

🛡️ လိုက်နာရန် အရေးကြီးသည့် လမ်းညွှန်ချက်များ။

👂 အသံကို နားစွင့်ပါ။

ဒရုန်းများ(#Kamikaze_Sucide_Drone/#Attack_Drone)နှင့် အပေါ့စားလေယာဉ်များ (#Paramotor/#Gyrocopter) သည် ပုံမှန်ဂျက်လေယာဉ်များထက် အသံတိုးသော်လည်း နီးကပ်လာပါက ပန်ကာရိုက်ခတ်သံကို ကြားနိုင်ပါသည်။ ထူးခြားသောအသံကြားရပါက လူစုလူဝေးမှ ချက်ချင်းခွာပါ။

🚫 ရှောင်ပါ။

လူစုလူဝေးရှိရာနေရာများသည် အဓိက ပစ်မှတ်များ ဖြစ်လာနိုင်သဖြင့် အထူးဂရုစိုက် နားစွင့်၍ နေထိုင်ကြပါ။ဆူညံသံများဖြစ်သော အသံချဲ့စက်၊ဘောက်များဖွင့်ခြင်းကို လုံးဝ(လုံးဝ) ရှောင်ကြဉ်ကြပါ။

🛖 ခိုင်ခံ့သော နေရာတွင် ခိုလှုံပါ။

လေကြောင်းတိုက်ခိုက်မှု သတိပေးချက်ရသည်နှင့် တစ်ပြိုင်နက် သစ်ပင်ကြီးများအောက်တွင် မနေဘဲ ခိုင်ခံ့သော အဆောက်အအုံ (သို့မဟုတ်) မြေကျင်းများအတွင်း အမြန်ဆုံး ခိုလှုံပါ။

📱 သတင်းအချက်အလက်ကို စောင့်ကြည့်ပါ။

ဒေသတွင်း လေကြောင်း သတင်းပြန်ကြားရေးမှ သတိပေးချက်များ၊ အချိန်နှင့်တပြေးညီ ထုတ်ပြန်ပေးနေသော လေကြောင်းသတင်း #Channel များကို အမြဲမျက်ခြေမပြတ် စောင့်ကြည့်ပြီး အချင်းချင်း ဖုန်းဖြင့် သတင်းအား လက်ဆင့်ကမ်းခြင်း၊ နယ်မြေခံဆက်သွယ်ရေးကွန်ယက်များသို့ ဝေမျှပါ။လေကြောင်းသတင်းကို အမြဲမပြတ် နားစွင့်နေပါ။

🚫 တားမြစ်ချက်နှင့် မေတ္တာရပ်ခံချက်။

မိမိတို့ဝန်းကျင်တွင် လေကြောင်းတိုက်ခိုက်မှု ဖြစ်ပွားပါက ဓာတ်ပုံ၊ ဗီဒီယိုရိုက်ကူးခြင်းနှင့် #Social_Media ပေါ်တွင် ချက်ချင်းတင်ခြင်းများကို လုံးဝ (လုံးဝ) မပြုလုပ်ကြပါရန် မေတ္တာရပ်ခံပါသည်။ ထိုသို့တင်ခြင်းသည် တိုက်ခိုက်သူများအတွက် #Target မှန်၊ မမှန် #Feedback ပေးသကဲ့သို့ ဖြစ်စေပြီး နောက်ထပ်တိုက်ခိုက်မှုများ ပြုလုပ်ရန် လမ်းညွှန်ပေးရာ ရောက်ပါသည်။

"မိဘပြည်သူတို့ရဲ့ အသက်ပေါင်းများစွာကို အကာအကွယ်ပေးနိုင်ဖို့ "လေကြောင်းအသိ၊ လေကြောင်းသတိ" အမြဲရှိကြပါစို့။"✨

"မိဘပြည်သူအားလုံး ဘေးအန္တရာယ်ကင်းပြီး ကျန်းမာကြပါစေ"🙏🏻

#EIO_Update_News #MiliitaryAtrocities #MilitaryTerrorists #StopBombingCivilians #StopKillingCivilians #AirSecurityAlert #StaySafeMyanmar #SafetyAwareness #WhatsHappeningInMyanmar

🚨 သတိပြုပါ - သင်မသိလိုက်ဘဲ စစ်ကောင်စီ၏ ဒလန် (သို့မဟုတ်) သတင်းပေး ဖြစ်နေနိုင်ပါသလား ⁉️ ⚠️

ယနေ့ကာလတွင် အကြမ်းဖက်စစ်ကောင်စီသည် ပြည်သူများအား ၎င်းတို့၏ စစ်ရေးသတင်းပေးများအဖြစ် သတိမထားမိဘဲ အသုံးချခံရအောင် နည်းလမ်းမျိုးစုံဖြင့် လုပ်ဆောင်လျက်ရှိပါသည်။ မိမိတို့၏ အပြစ်ကင်းစင်သော လုပ်ဆောင်ချက်များက တော်လှန်ရေးအပေါ် မည်သို့သက်ရောက်နိုင်သည်ကို အောက်ပါအချက်များဖြင့် ဆန်းစစ်ကြည့်ကြပါစို့။

🛑 ရှောင်ရန်အချက်များ။

🚫 မသေချာသော သတင်းများကို ချက်ချင်းလက်ဆင့်ကမ်းခြင်း။

လူမှုကွန်ရက်ပေါ်တွင် မြင်ရသော သတင်းအချက်အလက်များကို စီစစ်ခြင်းမရှိ၊အတည်မပြုဘဲ နေရာတိုင်းသို့ ချက်ချင်း #Share ခြင်း၊ #Forward ခြင်း မပြုလုပ်ပါနှင့်။

🚫 လူမှုရေး/ပရဟိတအကြောင်းပြချက်ဖြင့် သတင်းပေးမေးမြန်းမှုများကို ဖြေကြားခြင်း။

မရင်းနှီးသောသူများ (သို့မဟုတ်) သံသယဖြစ်ဖွယ် အကောင့်များမှ နေရာဒေသ၊ လူအင်အား (သို့မဟုတ်) သွားလာလှုပ်ရှားမှုများကို မေးမြန်းလာပါက မည်သည့်အခါမျှ အချက်အလက်များ မပေးပါနှင့်။

🚫 ဓာတ်ပုံနှင့် ဗီဒီယိုများ အလွန်အကျွံ တင်ခြင်း။

တော်လှန်ရေး ရဲဘော်များ၊ ဒေသခံ ကာကွယ်ရေးတပ်ဖွဲ့များ၏ ဓာတ်ပုံ (သို့မဟုတ်) လှုပ်ရှားမှုများကို အသေးစိတ်ဖော်ပြ၍ #Social_Media ပေါ်၌ တင်ခြင်းဖြင့် ရန်သူ့အတွက် လမ်းညွှန်သကဲ့သို့ ဖြစ်စေနိုင်သဖြင့် ရှောင်ကြဉ်ပါ။

🚫 နေရာဒေသ တည်နေရာ (#Location_Tag) ဖွင့်၍ တင်ခြင်း။

အများပြည်သူ သွားလာရာနေရာ၊ အထူးသဖြင့် လုံခြုံရေးအရ သတိထားရမည့် နေရာများတွင် #Location_Tag ဖွင့်၍ တင်ခြင်းကို ရှောင်ပါ။

💡 ဆောင်ရန်အချက်များ။

✅ သတင်းရင်းမြစ်များကို သေချာစစ်ဆေးပါ။

တရားဝင်သော တော်လှန်ရေး သတင်းဌာနများ၊ သက်ဆိုင်ရာ ဒေသအလိုက် တာဝန်ရှိသူများ၏ ထုတ်ပြန်ချက်များကိုသာ ယုံကြည်ပါ။

✅ သံသယရှိသူများကို သတိပြုပါ။

မိမိတို့၏ ပတ်ဝန်းကျင်နှင့် ဆိုရှယ်မီဒီယာများ‌ပေါ်တွင် အခြေအနေမမှန်သော မေးခွန်းများမေးခြင်း၊ အသေးစိတ်အချက်အလက်များ တောင်းခံခြင်းတို့ကို တွေ့ရှိပါက သတိထားဆင်ခြင်ပါ။

✅ လုံခြုံရေး အသိတရား ထားရှိပါ။

မိမိ၏ မိသားစုဝင်များ၊ မိတ်ဆွေများအား လုံခြုံရေးနှင့် ပတ်သက်၍ အမြဲသတိပေး ဆွေးနွေးပါ။

✅ သတင်းအချက်အလက်များကို လျှို့ဝှက်ထားပါ။

တော်လှန်ရေး ရဲဘော်များ၏ လှုပ်ရှားမှု (သို့မဟုတ်) လုံခြုံရေးဆိုင်ရာ ကိစ္စရပ်များကို လူသိရှင်ကြား ပြောဆိုခြင်း သို့မဟုတ် လူမှုကွန်ရက်တွင် ရေးသားခြင်း မပြုလုပ်ပါနှင့်။

⚠️ သတိပြုဆင်ခြင်ရမည့်အချက်များ။

🆘 မသိနားမလည်မှုသည် အကာအကွယ်မဟုတ်ပါ။

"မသိလို့ လုပ်မိတာပါ" ဆိုသော အကြောင်းပြချက်ဖြင့် မိမိကိုယ်တိုင်ရော၊ တော်လှန်ရေး အင်အားစုများပါ ကြီးမားသော အန္တရာယ်နှင့် ကြုံတွေ့နိုင်ပါသည်။

📱နည်းပညာကို သတိဖြင့်သုံးပါ။

ဖုန်း အသုံးပြုခြင်းနှင့် အင်တာနက် သုံးစွဲရာ၌ မိမိ၏ တည်နေရာနှင့် ကိုယ်ရေးအချက်အလက်များ မပေါက်ကြားစေရန် လုံခြုံရေး ဆက်တင်များကို အမြဲစစ်ဆေးပါ။

အကြမ်းဖက်စစ်ကောင်စီ၏ ဒလန် (သို့မဟုတ်) သတင်းပေးအဖြစ် အသုံးချခံနေရခြင်းကို သတိပြုမိစေရန်နှင့် မိမိကိုယ်မိမိ ကာကွယ်နိုင်ရန်အတွက် #EIO_Admin_Team မှ အသိတရား၊ သတိတရားဖြင့် စစ်ကောင်စီ၏ ထောင်ချောက်များကို ကျော်ဖြတ်ပြီး တော်လှန်ရေးကြီး အောင်မြင်သည်အထိ အတူတကွ လက်တွဲကြပါစို့လို့ တိုက်တွန်းရင်း။

#EIO #Eagle_Information_Operator #Civilian_Intelligence #SecurityAwareness #DigitalSecurity #Revolution_News #Ethics