ပြည်သူကို ရန်သူလို ဆက်ဆံလာကြပြီလား လို့တောင် မေးရမလို ဖြစ်လာပါတယ်။

အမှန်တကယ်တော့ ပြည်သူဆိုတာ အရပ်သားသတင်းပေး(ဒလန်) ဘယ်ချိန်မှာမဆို ဖြစ်သွားနိုင်ပါတယ်။ မဖြစ်အောင် လက်နက်ကိုင်တပ်ဖွဲ့တွေအနေနဲ့က အာဏာနဲ့ ထိန်းချုပ်လို့မရသလို ထိန်းချုပ်ဖို့လည်း မသင့်ပါဘူး။ ဒါ့ကြောင့် ကိုယ့်ဘက်က တတ်နိုင်သမျှ စည်းရုံးဆောင်ရွက်မှုပြုရင်း တဖက်မှာလည်း ပြည်သူကို ရန်သူ့ဘက်သားဖြစ်လာနိုင်ခြေအတွင်း ထည့်သွင်းသတ်မှတ်ထားပြီး အရေးကြီးစစ်သတင်းတွေကို မဆိာင်သူတွေဆီ မရောက်‌အောင် လျို့ဝှက်ထိန်းသိမ်းထားရမှာ ဖြစ်ပါတယ်။ အဲဒီလိုမျိုး နဂိုကတည်းက စည်းခြားပြီး မဆက်ဆံထားရင်သာ နောက်ပိုင်းမှာ ပြည်သူနဲ့ မိမိတို့တပ်ဖွဲ့တွေဟာ တကယ့်ရန်သူတွေ ဖြစ်သွားပါလိမ့်မယ်။

🔹တောခိုပါ

ကိုယ်က ထိန်းချုပ်လို့မရ၊ ထိန်းချုပ်ခွင့်လည်း မရှိတဲ့ ပြည်သူလူထုနဲ့ မိမိတို့ လက်နက်ကိုင်တပ်ဖွဲ့ကို ရောနှောမနေဘဲ သပ်သပ်စီ နေလိုက်တာက အရှင်းဆုံးဖြစ်ပါတယ်။ ကမ္ဘာ့ဘယ်ဒေသမှာ မဆို လက်နက်ကိုင်တပ်ဖွဲ့တွေရဲ့ နေရာတွေဟာ သီးခြားကန့်သတ်ပြီး ရှိနေတာ သတိပြုနိုင်ပါတယ်။ မြန်မာ့သမိုင်းမှာလည်း အဖွဲ့အစည်းအသီးသီးက အစိုးရကို ပုန်ကန်ပြီဆို အရင်ဆုံး ‘တောခို’ ကြတာ တွေ့နိုင်ပါတယ်။ ပြည်သူလူထုနဲ့ လက်နက်ကိုင်တပ်ဖွဲ့ ရောနှောနေလို့ မရတာကို နားလည်ကြလို့ ဖြစ်ပါတယ်။

ဗီယက်နမ်လိုစစ်ပွဲမှာမျိုး ပြည်သူလူထုကြားထဲ ကိုယ်ယောင်ဖျောက်နေပြီးတော့ ရန်သူကို တိုက်ခိုက်တဲ့ ပြောက်ကျားတပ်တွေ ကမ္ဘာအနှံ့မှာ ရှိခဲ့ဖူးတာ မှန်ပါတယ်။ ဒါပေမယ့် ရန်သူချင်းက မတူပါဘူး။ သူတို့ရဲ့ရန်သူက နိုင်ငံတကာစစ်ဉပဒေတွေကို လိုက်နာနေရတဲ့ အမေရိကန်လိုနိုင်ငံဆိုရင် သိပ်ကိစ္စမရှိပါ။ မြန်မာစစ်အစိုးရလိုမျိုး ဥပဒေမဲ့ ထင်တိုင်းကြဲတတ်တဲ့ ရန်သူကိုတော့ ဒီလိုနည်းစနစ်မျိုး နည်းနည်းလေးမှ သွားသုံးလို့ မသင့်ပါဘူး။ နောက်ပြီး မြန်မာအစိုးရဟာ ဒီဥပဒေတွေကို လိုက်နာပါ့မယ်ဆိုပြီး လက်မှတ်ထိုးထားတဲ့ နိုင်ငံတွေထဲမှာလည်း မပါပါဘူး။ ဒါ့ကြောင့်လည်း သူကျူးလွန်ခဲ့တဲ့ စစ်ရာဇဝတ်မှုတွေကို အရေးယူရခက်နေတာ သတိပြုမိကြနိုင်ပါတယ်။

ဘယ်လိုပဲ ဆိုဆို ပြည်သူကိုမငဲ့ကွက်တတ်တဲ့ ရန်သူကို ပြည်သူလူထု ကြားထဲကနေ တိုက်ခိုက်မယ်ဆိုရင် ဒါဟာ ‘ပြောက်ကျားစစ်‌’မဟာဗျူဟာကြီး ဖြစ်မနေဘဲ အရပ်သားပြည်သူကို ‘လူသားဒိုင်းကာ’ လုပ်သလိုပဲ ဖြစ်နေမှာပါ။ ဒါ့ကြောင့် မြန်မာပြည်ရဲ့ လက်ရှိအနေအထားနဲ့ တော်လှန်ရေးလုပ်မယ်ဆိုရင် မဖြစ်မနေ တောခိုကြဖို့ လိုပါတယ်။

🔹အမိန့်အရေးကြီးပုံ

လက်နက်ကိုင်တော်လှန်ရေးအစမှာ လူငယ်ရဲဘော်တွေဆီက ကြားနေကျစကားက ‘အာဏာရှင်မကြိုက်လို့ တော်လှန်နေတာ၊ ငါ့ကို အာဏာလာမပြနဲ့’ လို့ပဲ ဖြစ်ပါတယ်။ တော်လှန်ရေးငါးနှစ်တာလောက် ကြာလာတဲ့ အခုချိန်အထိကိုပဲ ဒီလိုတွေးတဲ့ ရဲဘော်တွေ ရှိနေဦးမယ်လို့ ယူဆရပါတယ်။ လက်နက်ကိုင်တပ်ဖွဲ့ ဆိုတာ အမိန့်နဲ့ အလုပ်လုပ်ရပါတယ်။ တနည်းအားဖြင့် အာဏာစက်စနစ်နဲ့ပဲ လည်ပတ်ရပါတယ်။

“အာဏာရှင်ကို မကြိုက်လို့ တော်လှန်နေတာ၊ အာဏာလာမပြနဲ့”
ဆိုရင်ဖြင့်
“လက်နက်ကိုင်တဲ့ စစ်တပ်ကို မကြိုက်လို့တော်လှန်တာ ဘာလို့ လက်နက်ကိုင်နေမှာလဲ”လို့ ပြန်မေးရမှာပါ။

စစ်တပ်တစ်တပ်ရဲ့ ဖွဲ့စည်းပုံကို အရှင်းဆုံးပြောရရင်… လူဆယ်ယောက် ရှိတယ် ဆိုပါစို့။ ၉ယောက်ကို အမိန့်ပေးဖို့ ခေါင်းဆောင်ရှိတယ်။ အဲဒီကိုးယောက်ကို ၃ယောက်သုံးဖွဲ့ ပြန်ဖွဲ့ပြီး တဖွဲ့စီမှာ အမိန့်ပေးသူ ထပ်ရှိမယ်။ အဲဒီသုံးယောက်တစ်ဖွဲ့မှာပဲ ဒုတိယခေါင်းဆောင် အရံရှိပါသေးတယ်။ ဆိုတော့ ဘယ်အခြေအနေမှာ မဆို ဘယ်သူက ဘယ်သူ့ကို အမိန့်ပေးရမယ် ဆိုတာ ခေါင်းရှုပ်စရာ မလိုတော့ပါဘူး။ ဆယ်ယောက်ထဲကနေ နှစ်ယောက်တည်း ကျန်ခဲ့ရင်တောင် “မင်းအမိန့်ပေး၊ ငါအမိန့်ပေး”နဲ့ လုနေစရာ မလို‌တော့ပါဘူး။ တကယ်လို့ တစ်ယောက်တည်းဆိုရင်တောင် စစ်ရေးပြ လှုပ်ရှားမှုမှာ မိမိကိုယ်ကိုမိမိ ပြန်ပြီးအမိန့်ပေး အမှတ်စဉ်ရေပြီးတော့ လုပ်ဆောင်ရပါတယ်။ အဲဒီလိုပဲ တပ်ဆိုတာ အမိန့်နဲ့ တည်ဆောက်ထားပါ။

အချိန်မရွေး သတင်းပေး(ဒလန်) ဖြစ်သွားနိုင်တဲ့ ပြည်သူတွေနဲ့ ဝေးရာမှာ တပ်ကို တသီးတခြား တည်ဆောက်ထားတယ် ဆိုရင်လည်းပဲ ခုလိုမျိုး အမိန့်စီးဆင်းမှု မခိုင်မာသေးရင် စစ်သတင်းဆိုတာ အတွင်းကနေ ပေါက်ကြားနိုင်ပါသေးတယ်။ တပ်ကိုတပ်နဲ့တူအောင် ဖွဲ့စည်းထားမှပဲ သတင်းရဲ့ အရေးကြီးမှု အဆင့်အတန်းအရ အမိန့်ပေးအဖွဲ့ပဲ သိအောင် ထိန်းသိမ်းမလား၊ အောက်ခြေအဆင့်ထိ ချပြမလား၊ ထိပ်သီးခေါင်းဆောင်တွေပဲ သိရမယ့် ထိပ်တန်းလျှို့ဝှက်သတင်းလား စသည်ဖြင့် ခွဲခြားသတ်မှတ်နိုင်မှာ ဖြစ်ပါတယ်။ အဲဒီတော့မှပဲ စစ်သတင်းလုံခြုံမှုကို စတင်ပြီး ဆောင်ရွက်လို့ ရမှာပါ။

မဟုတ်ရင်တော့ အရပ်သားလက်နက်ကိုင်တွေ စုစည်းနေတဲ့ အဖွဲ့သာဖြစ်နေပြီး အချင်းချင်းမသင်္ကာ ဖြစ်နေကြတာနဲ့ပဲ ခေတ်သစ်ဟင်္သာကိုးသောင်းဇာတ်က အပိုင်းလိုက် ထွက်နေဦးမှာပါ။

🔹ဆက်သွယ်ရေးနဲ့ ထောက်လှမ်းရေး

ဆက်သွယ်ရေးနဲ့ ထောက်လှမ်းရေးဆိုတာ စစ်သတင်းသက်သက်အတွက်လို့ ထင်ကြပါလိမ့်မယ်။ တကယ်က ဒီနှစ်ခုဟာ ‘အမိန့်’အတွက် အဓိကလိုအပ်တဲ့အရာတွေ ဖြစ်ပါတယ်။ တပ်မှူးဟာ တပ်ကို ဘယ်နေရာတွေအထိပဲ ဖြန့်ခွဲထားထား ဆက်သွယ်ရေးစနစ်အသုံးပြုပြီး သူ့ရဲ့အမိန့်ကို မပြတ်စီးဆင်းစေရပါတယ်။ ထောက်လှမ်းရေးဆိုတာ စစ်ရေးနဲ့ တပ်ပြင်သတင်းအပြင် မိမိတပ်တွင်းသတင်းကိုပါ အစဉ်မပြတ်ထောက်လှမ်း/တင်ပြရတာဖြစ်ပြီး အမိန့်ပေးသူအနေနဲ့ ကိုယ့်တပ်အခြေအနေအမှန်ကို မသိဘဲ အမိန့်ပေးလို့ မသင့်ပါဘူး။

ဒီလို ဆက်သွယ်ရေးနဲ့ထောက်လှမ်းရေး ပေးပို့ချက်တွေ၊ အမိန့်နဲ့ ညွှန်ကြားချက်တွေ စုစည်းမှတ်တမ်းပြုစုရာကနေ 'ရုံး' ဆိုတာ ဖြစ်လာပြီး အဲဒီအခါကျမှ ‘တပ်’ဆိုတာလည်း စတင် အကောင်အထည်ပေါ်လာမှာ ဖြစ်ပါတယ်။ ခိုင်မာတဲ့ ရုံးလည်ပတ်မှုစနစ် တည်ဆောက်ပြီးရင်တော့ ‘စစ်သတင်းလုံခြုံရေး’ဟာ ကျွဲကူးရေပါ ဖြစ်သွားပါလိမ့်မယ်။

ဆက်သွယ်ရေးဆိုလို့ အဆင့်မြင့် စက်ကိရိယာတွေ မလိုအပ်ပါဘူး။ ပုံမှန်ဆက်သွယ်ရေးစနစ် ရှိဖို့နဲ့ အခါအားလျော်စွာ ပြောင်းလဲသတ်မှတ်တဲ့ စကားဝှက်၊ အတိုဝှက်စနစ် ရှိဖို့ပဲ အဓိကလိုအပ်ပါတယ်။

တော်လှန်ရေးအစပိုင်းမှာ ဆက်သွယ်ရေးရဲ့ အရေးကြီးပုံကို သိနားလည်သူတွေက တော်လှန်ရေးတပ်ဖွဲ့တွေကို ဆက်သွယ်ရေး စနစ်တကျလုပ်ဖို့ အကြံပြု တွန်းအားပေးခဲ့ကြပါလိမ့်မယ်။ ဒါပေမယ့် အမိန့်ပေးမယ့်သူ ရေရေရာရာမရှိရင်တော့ တပ်ဆင်ထားတဲ့ ဆက်သွယ်ရေးစက်တွေ ဖုန်တက်သွားတာနဲ့သာ ကြုံရမှာပါ။

သတင်းရဲ့သွေးကြောက ‘ဆက်သွယ်ရေး’ ဆိုရင် ဆက်သွယ်ရေးရဲ့အသက်က ‘အမိန့်’ဖြစ်ပါတယ်။

🔹ကြာရှည်မလုပ်သင့်တဲ့ ပြောက်ကျားစစ်ဆင်ရေး

အညာဒေသတစ်ခုက ကာကွယ်ရေးတပ်ဖွဲ့တစ်ဖွဲ့ရဲ့ တော်လှန်ရေးရဲဘော်တွေဟာ စစ်သင်တန်း‌တွေ အများကြီး တက်ခဲ့ကြပြီးပေမယ့် သူတို့ကိုယ်သူတို့နဲ့ တပ်ဖွဲ့အတွက် သိပ်ပြီး ထူးခြားတိုးတက်မှုမရှိဘူးလို့ ယူဆကြတယ်။ ဒါ့ကြောင့် စစ်သင်တန်းတစ်ခု သေချာကောင်းကောင်းပေးနိုင်မယ့် သင်တန်းဆရာတစ်ယောက်ကို ခေါ်ကြပြီး အထူးမွမ်းမံသင်တန်း လုပ်ကြပါတယ်။ အဲဒီသင်တန်းမှာ သင်တန်းသားတစ်ယောက်က သင်တန်းဆရာကို ခုလို ထူးထူးခြားခြား မေးခဲ့ဖူးပါတယ်။

“ဆရာ..စစ်တပ်က ရွာတွေ တရွာဝင် တရွာထွက်နဲ့ အိမ်တွေ မီးလိုက်ရှို့နေတာ၊ အဲဒါ ဘာဗျူဟာလဲဗျ..” တဲ့။
သင်တန်းဆရာ ပြုံးမိသွားတယ်။ အမေးရှိတော့ အဖြေရှိရတာပေါ့လေ။

“အဲဒီဗျူဟာမှာ နာမည်ရှိတယ်ကွဲ့။ မထင်ကြနဲ့။
‘ပြောက်ကျားစစ်နည်းဗျူဟာ’ ဆိုတာကို မိမိအင်အားနည်းနည်းနဲ့ အကျိုးအမြတ်များများရအောင် တိုက်တဲ့ ခြုံခိုတိုက်တာမျိုး၊ လက်ရွေးစင်ကွန်မန်ဒို စစ်ဆင်ရေးမျိုးလို့ပဲ ထင်နေကြပါတယ်။ တကယ်က ပြည်သူဘဝကနေ လက်နက်ကောက်ကိုင်လိုက်ရင် စစ်သည်ဖြစ်သွားတဲ့ ပြောက်ကျားစစ်သည်တွေရဲ့ စစ်ဆင်ရေးမို့လို ပြောက်ကျားစစ်နည်းဗျူဟာလို့ ခေါ်တာပါ။ အခု မင်းတို့ တော်လှန်ရေးတပ်ဖွဲ့တွေ သုံးနေတဲ့ဗျူဟာပေါ့။ အဲဒါကို သမားရိုးကျတပ်ဖြစ်တဲ့ မြန်မာစစ်တပ်အနေနဲ့ လုပ်လို့မရဘူးပေါ့။

ဒီစစ်နည်းဗျူဟာကို ကာလကြာရှည် လုပ်လို့မရဘူး။ ပြောက်ကျားတပ်ဟာ သမားရိုးကျတပ်ကို တဖြည်းဖြည်း အသွင်ပြောင်းရပါတယ်။ အခု မင်းတို့ ဒီလိုသင်တန်းတွေတက်နေတာကလည်း သမားရိုးကျတပ်အသွင်ပြောင်းဖို့ပဲ ဆိုတာ နားလည်ကြပါ။ အချိန်မီ အသွင်မပြောင်းရင် တဖက်ရန်သူဟာ ပြည်သူလူထုကိုပါ မိမိတို့နဲ့အတူတူ ချေမှုန်းလာနိုင်တယ်။ အဲဒါကို ‘တန်ပြန်ပြောက်ကျား စစ်နည်းဗျူဟာ' လို့ ခေါ်ပါတယ်။

စကစဘက်ကလုပ်နေတဲ့ ရွာတွေဖျက်ဆီးတာတွေ၊ အပြစ်မဲ့အရပ်သားတွေကို ဖမ်းဆီးနှိပ်စက်တာတွေ ဆိုတာ “ကြွက်မနိုင်ကျီမီးရှို့”ဆိုတဲ့ အတော်ယုတ်မာပြီး လူမဆန်တဲ့လုပ်ရပ်ဆိုပေမယ့် ပြောရရင် အဲဒါဟာ (စစ်ဥပဒေနဲ့ငြိစွန်းနေတဲ့) စစ်နည်းဗျူဟာတစ်ခုပဲ ဖြစ်ပါတယ်။
ဒါ့ကြောင့် ပြည်သူလူထုကို မထိခိုက်စေချင်ရင် မင်းတို့ဟာ သမားရိုးကျတပ်အသွင်ကို ကူးပြောင်းပြီး ပြည်သူနဲ့ သပ်သပ်စီ နေရမယ်။”

သင်တန်းသားတွေ ငိုင်ကျပြီး ငြိမ်သွားကြပါတယ်။

ဒီလို ပြောက်ကျားစစ်နဲ့ သမာရိုးကျစစ်ကို ခွဲခြားသိသွားကြပြီးတဲ့နောက်မှာ အဲဒီဒေသကာကွယ်ရေးတပ်ဖွဲ့က စနစ်တကျ ပြုပြင်ပြောင်းလဲသွားကြသလား သေချာမသိရပေမယ့် သေချာတာတစ်ခုကတော့ အဲဒီဒေသအတွင်း “ဒလန်ရှင်းတယ်” ဆိုတဲ့ ကိစ္စကတော့ လုံးဝ မကြားရတော့တာတော့ အမှန်ပါ။

သာမာန်အရပ်သားသတင်းပေးကြောင့် မပျက်စီးမထိခိုက်နိုင်တဲ့ စစ်ရေးတွေ စီမံဖော်ဆောင်နိုင်ကြပါစေ။ စစ်ပုံကျတဲ့ တပ်ဖွဲ့တွေ တည်ဆောက်နိုင်ကြပါစေ။

[ဖော်ပြပါ ဆောင်းပါးအား တော်လှန်ရေးအားကောင်းခိုင်မာစေရန်နှင့် ပြည်သူအများကြား အတွေးအမြင် ရှုထောင့်စုံ ထိတွေ့သုံးသပ်နိုင်စေရန် ရည်ရွယ်၍ ကဏ္ဍတစ်ခုအနေဖြင့် ရွေးချယ်၊ တည်းဖြတ်၊ တင်ဆက်ပေးခြင်းဖြစ်ပါသည်။ ဆောင်းပါး၏ အာဘော်သည် စာရေးသူ၏ ကိုယ်ပိုင်ဖြစ်၍ ပြည်သူ့ပန်းတိုင်၏ အာဘော်မဟုတ်ပါ။ ဆောင်းပါးကို ဖတ်ရှုပြီး မှတ်ချက်များ ရေးသား ဆွေးနွေးနိုင်ပါသည်။]

(5,5,2026)၊ စစ်ကိုင်းတိုင်း၊ မုံရွာမြို့ရှိ အနောက်မြောက်တိုင်း အကြမ်းဖက် စစ်ဌာနချုပ် (နမခ) မှ တက်လာသော #Gyrocopter (2)စီးသည် စစ်ကိုင်းတိုင်း၊ အရာတော်နယ် တစ်နေရာ၌ ယနေ့ နံနက်ပိုင်း (10:18) (10:19) အချိန်ဝန်းကျင်ခန့်တွင် လေကြောင်း ဗုံးကျဲတိုက်ခိုက်မှုများ ပြုလုပ်ခဲ့ကြောင်း သိရှိရပါသည်။

📡 မိဘပြည်သူများသို့ အသိပေးချက်။

⚠️ လေကြောင်းအန္တရာယ် သတိပေးချက်များကို အမြဲမပြတ် နားစွင့်ထားကြပါ။ #Gyrocopter နှင့် #Paramoter စက်တပ်လေထီးများသည် အနိမ့်ပျံသန်းနိုင်သည့်အတွက် သတိထားစောင့်ကြည့်ကြပါ။

⚠️ တိုက်ခိုက်မှုများ ရှိလာပါက ခိုင်လုံသော ဘေးလွတ်ရာနေရာများတွင် ခိုလှုံကြပါရန် တိုက်တွန်းနှိုးဆော်အပ်ပါသည်။

ပြည်သူများအပေါ် အကြမ်းဖက်မှုများ ရပ်တန့်ပါစေကြောင်း ဆုတောင်းလျက်။ 🙏🏻

#Sagaing_Region #AirStrike #MiliitaryAtrocities #PublicSafety #EIO #WhatsHappeningInMyanmar

🚨 အရေးကြီး သတိပေးချက် 🚨

⚠️ မုံရွာ - စစ်ကိုင်း - မန္တလေး လမ်းပိုင်း ခရီးသွားလာ ပြည်သူများ အထူးသတိပြုရန်။

(မုံရွာ - စစ်ကိုင်း - မန္တလေး) လမ်းမကြီး တစ်လျှောက်တွင် အကြမ်းဖက် စစ်ကောင်စီ ဂိတ်များ တိုးချဲ့ထားခြင်းနှင့် စစ်ဆေးရေး၊ လုံခြုံရေးအခြေအနေများ ပိုမိုတင်းမာမှုများရှိပါသည်။

မြေပြင်သတင်းရင်းမြစ်များ၏ အဆိုအရ အကြမ်းဖက်စစ်ကောင်စီ အထိုင်ဂိတ်များနှင့် လမ်းပိုင်းကင်းများတွင် လူငယ်၊ လူရွယ်များကို အဓိက ပစ်မှတ်ထား၍ ပေါ်တာဆွဲခြင်းနှင့် ဖမ်းဆီးစစ်ဆေးခြင်းများ ခပ်စိပ်စိပ် ပြုလုပ်နေကြောင်း သိရှိရပါသည်။

အကြမ်းဖက် စစ်ကောင်စီမှ စစ်မှုထမ်းရန် အဓမ္မ ဖမ်းဆီးခြင်းခံရသော လူငယ်၊လူရွယ်များစွာလည်း ရှိပြီဖြစ်ကြောင်း မြေပြင်သတင်းရင်းမြစ်များမှ သိရှိရပါသည်။သို့ဖြစ်ပါ၍ အကြမ်းဖက် စစ်ကောင်စီ၏ အဓမ္မ ဖမ်းဆီး ပေါ်တာဆွဲခြင်းမှ ကင်းဝေးဖို့ရန် မိမိတို့ #EIO_Admin_Team မှ အမြဲ အသိပေး၊သတိပေး ဆော်ဩလျက်ရှိပါသည်။

⚠️မဖြစ်မနေ ခရီးသွားလာ‌နေကြရပါသော မိဘပြည်သူ၊ညီအစ်ကို‌မောင်နှမများအနေဖြင့် အောက်ပါ "ဆောင်ရန်/ရှောင်ရန်" အချက်များကို အထူးဂရုပြု လိုက်နာကြပါရန် အသိပေးနှိုးဆော်အပ်ပါသည်။🙏🏻

🛡️ ဆောင်ရန်များ။ (Do's)

🔷သတင်းကြိုတင်နားစွင့်ပါ။

ခရီးမထွက်ခွာမီ လမ်းကြောင်းပေါ်ရှိ မြေပြင်အခြေအနေနှင့် ဂိတ်များ၏ အခြေအနေကို သတင်းပြန်ကြားရေး Page များ၊ချန်နယ်များနှင့် သက်ဆိုင်ရာ နယ်မြေခံများတွင် အမြဲမပြတ် စစ်ဆေးပါ။

🔷မှတ်ပုံတင်ဆောင်ထားပါ။

မလိုအပ်ဘဲ စစ်ဆေးမေးမြန်းခံရမှု သက်သာစေရန် မိမိ၏ မှတ်ပုံတင် (မူရင်း) ကို အမြဲဆောင်ထားပါ။

🔷ဖုန်းအတွင်းရှိ အချက်အလက်များရှင်းလင်းပါ။

ဖုန်းထဲတွင် အရေးကြီးသည့် အချက်အလက်များ၊ ဓာတ်ပုံများနှင့် လူမှုထူးခြားဖြစ်စဉ်နှင့် ပတ်သက်သည့် အကြောင်းအရာများကို ကြိုတင်ရှင်းလင်းထားပါ။

🔷လူစုလူဝေးဖြင့် သွားလာပါ။

ဖြစ်နိုင်ပါက တစ်ဦးတည်းသွားလာခြင်းထက် မိသားစု (သို့မဟုတ်) ယုံကြည်စိတ်ချရသည့် အဖွဲ့အစည်းများဖြင့် သွားလာပါ။

⚠️ ရှောင်ရန်များ။ (Don'ts)

♦️ညဘက်ခရီးမသွားပါနှင့်။

မဖြစ်မနေကိစ္စမှလွဲ၍ ညဦးပိုင်းနှင့် ညဖက် ခရီးသွားလာခြင်းကို အပြည့်အဝ ရှောင်ကြဉ်ပါ။

♦️ယူနီဖောင်း/စစ်ဘက်သုံးပစ္စည်းများ ရှောင်ပါ။

စစ်ဘက်နှင့် ဆက်စပ်နိုင်သည့် အရောင်များ (ဥပမာ- သံလွင်ရောင်၊ ကာကီရောင်) နှင့် အဝတ်အစားများကို ဝတ်ဆင်ခြင်းမှ ရှောင်ကြဉ်ပါ။

♦️စကားအပြောအဆို ဆင်ခြင်ပါ။

ခရီးသွားစဉ်အတွင်း ဘေးပတ်ဝန်းကျင်ရှိ မသိကျွမ်းသူများနှင့် နိုင်ငံရေး၊ လုံခြုံရေးဆိုင်ရာ ကိစ္စရပ်များကို ဆွေးနွေးခြင်း မပြုပါနှင့်။

♦️စစ်ကောင်စီ၏ စစ်ဆေးရေးဂိတ်များတွင် မတွန့်ဆုတ်ပါနှင့်။

စစ်ကောင်စီ၏ စစ်ဆေးရေးဂိတ်များသို့ ရောက်ရှိပါက ပုံမှန်အတိုင်း တည်ငြိမ်စွာ ဆက်ဆံပါ။ တုံ့ဆိုင်းနေခြင်းက ပိုမိုသံသယပွားစေနိုင်ပါသည်။

🛑 [STOP] - မလိုအပ်ဘဲ ခရီးသွားလာခြင်းကို ခေတ္တဆိုင်းငံ့ထားကြပါ။‼️

✨ခရီးသွားမိဘပြည်သူ ညီအကို မောင်နှမများအားလုံး ဘေးအန္တရာယ်ကင်းရှင်းစွာဖြင့် မိမိတို့၏ ခရီးစဉ်များကို အဆင်ပြေချောမွေ့စွာ သွားလာနိုင်ကြပါစေကြောင်း မိမိတို့ #EIO_Admin_Teamမှ ဆုမွန်ကောင်းတောင်းအပ်ပါသည်။🙏🏻

#Admin_Team
#Eagle_Information_Operator
#EIO (ဆက်သွယ်ရေးနှင့် သတင်းပြန်ကြားရေး)

🔵 https://www.facebook.com/eagleinformation
🌐 https://t.me/eagleinformationoperator

#Eagle_Information_Operator #EIO #GroundInfo #EmergencyAlert #CivilianMilitaryServiceLaw #MilitaryServiceTraining #UnlawfulArrest #HumanRightsViolation #Public_Safety #TravelSafely

🚨 ကင်းထောက်ဒရုန်း (#Scout Drone) နှင့် တိုက်ခိုက်ရေးဒရုန်း (#Attack Drone) တို့၏ ကွာခြားချက်နှင့် ဆောင်ရန်/ရှောင်ရန်များ။

လက်ရှိကာလတွင် အကြမ်းဖက်စစ်ကောင်စီသည် စစ်ရေး၊ ကင်းထောက်ရေးနှင့် တိုက်ခိုက်ရေးလုပ်ငန်းများတွင် ဒရုန်းနည်းပညာများကို ကျယ်ကျယ်ပြန့်ပြန့် အသုံးပြုလာသည်ကို မြေပြင်မှာ တွေ့ရှိလာရပါသည်။

မိဘပြည်သူလူထုအနေဖြင့် ဒရုန်းအန္တရာယ်ကို သတိပြုနိုင်ရန်နှင့် ကြိုတင်ကာကွယ်နိုင်ရန်အတွက် ၎င်းတို့နှစ်ခု၏ ကွာခြားချက်များနှင့် လိုက်နာရမည့် အချက်များကို မိမိတို့ #EIO_Admin_Team မှ အောက်ပါအတိုင်း မျှဝေလိုက်ပါတယ်။

🔍 ကင်းထောက်ဒရုန်း (#Scout_Drone) ဆိုသည်မှာ

ကင်းထောက်ဒရုန်းများသည် နယ်မြေဒေသအတွင်းရှိ လှုပ်ရှားမှုများကို အဝေးမှ လေ့လာရန်၊ ဓာတ်ပုံ/ဗီဒီယို ရိုက်ကူးရန်နှင့် သတင်းအချက်အလက် စုဆောင်းရန် အဓိက အသုံးပြုသော ဒရုန်းများ ဖြစ်ပါသည်။

👂🏻အသံနှင့် ပုံသဏ္ဌာန်။

အများအားဖြင့် အရွယ်အစား သေးငယ်ပြီး ပျံသန်းသည့်အခါ အသံတိတ်ဆိတ်ခြင်း (သို့မဟုတ်) တိုးညင်းသောအသံသာ ထွက်တတ်ပါသည်။

⚠️လုပ်ဆောင်ချက်။

လူအုပ်စုများ၊ ယာဉ်တန်းများ (သို့မဟုတ်) နေရာဒေသများကို အဝေးမှ အချိန်အကြာကြီး စောင့်ကြည့်လေ့ရှိသည်။

🚨အန္တရာယ်အမျိုးအစား။

၎င်းတို့ကိုယ်တိုင် တိုက်ရိုက် မပေါက်ကွဲသော်လည်း စစ်ကောင်စီတပ်ဖွဲ့များထံ တည်နေရာ အချက်အလက် (#Coordinates) များကို ပေးပို့ခြင်းဖြင့် လက်နက်ကြီး၊ လေကြောင်း (သို့မဟုတ်) မြေပြင်တပ်ဖွဲ့များ၏ ပစ်မှတ်ဖြစ်လာစေနိုင်သည်။

💣 တိုက်ခိုက်ရေးဒရုန်း (#Attack Drone) ဆိုသည်မှာ

တိုက်ခိုက်ရေးဒရုန်းများ (အထူးသဖြင့် #Kamikaze_Drone များ) သည် ဖောက်ခွဲရေးပစ္စည်းများ တပ်ဆင်ထားပြီး ပစ်မှတ်ကို တိုက်ရိုက်ဝင်ရောက် တိုက်ခိုက်ဖျက်ဆီးရန် ရည်ရွယ်ထားသော ဒရုန်းများ ဖြစ်ပါသည်။

👂🏻အသံနှင့် ပုံသဏ္ဌာန်။

ကင်းထောက်ဒရုန်းများထက် အရွယ်အစား ပိုကြီးနိုင်ပြီး၊ ပျံသန်းသည့်အခါ ဆူညံသောအင်ဂျင် (သို့မဟုတ်) ပန်ကာလည်ပတ်သံ ပြင်းထန်စွာ ထွက်တတ်ပါသည်။

💥လုပ်ဆောင်ချက်။

သတ်မှတ်ထားသော ပစ်မှတ်များကို အမြင့်ပေနိမ့် (သို့မဟုတ်) မြင့်သောနေရာမှ အရှိန်ပြင်းစွာဖြင့် ဝင်တိုက်ခြင်း (သို့မဟုတ်) ဗုံးသီးကြဲချခြင်း ပြုလုပ်ပါသည်။

🚨အန္တရာယ်အမျိုးအစား။

ထိခိုက်ပျက်စီးမှုနှင့် အသက်အန္တရာယ်ကို တိုက်ရိုက်ဖြစ်စေနိုင်ပါသည်။

🛡️ မိဘပြည်သူများအတွက် ဆောင်ရန်၊ ရှောင်ရန်များ။

✅ ဆောင်ရန်အချက်များ

⚠️သတိရှိပါ။

မိမိတို့ပတ်ဝန်းကျင်တွင် ထူးဆန်းသော အသံ (သို့မဟုတ်) ဒရုန်းများ ပျံသန်းနေသည်ကို တွေ့ရှိပါက အနီးအနားရှိ ပြည်သူများအား ချက်ချင်း သတိပေးပါ။ မိမိဒေသအတွင်းရှိ မြေပြင်ဆက်သွယ်ရေးနှင့်သတင်းပြန်ကြားရေးများကို အချိန်နဲ့တပြေးညီသတင်းပို့ပါ။

⚠️ခိုလှုံရန်နေရာ ကြိုတင်ပြင်ဆင်ပါ။

ဒရုန်းအန္တရာယ်ကို ကာကွယ်နိုင်မည့် မြေအောက်ခန်း၊ ကွန်ကရစ် အဆောက်အအုံ၏ အောက်ထပ် (သို့မဟုတ်) လုံခြုံသော ဘန်ကာများကို ကြိုတင်ရှာဖွေထားပါ။

⚠️လုံခြုံရေး သတိရှိပါ။

အသွားအလာ ပြုလုပ်သည့်အခါ အစုလိုက်အပြုံလိုက် စုဝေးခြင်းကို ရှောင်ကြဉ်ပြီး ပွင့်လင်းသောနေရာများတွင် ကြာမြင့်စွာ မရပ်တန့်ပါနှင့်။

❌ ရှောင်ရန်အချက်များ

🚫ဓာတ်ပုံ၊ ဗီဒီယို မရိုက်ပါနှင့်။

ဒရုန်းများ ပျံသန်းနေစဉ် အာရုံစိုက်ခြင်း (သို့မဟုတ်) ဖုန်းဖြင့် ဓာတ်ပုံရိုက်ခြင်းကို လုံးဝ (လုံးဝ) မပြုလုပ်ပါနှင့်။

🚫အလင်းရောင်နှင့် မီးကို ရှောင်ပါ။

ညအချိန်တွင် အလင်းရောင် ပေါ်လွင်နေခြင်းသည် ဒရုန်းများ၏ ပစ်မှတ်ဖြစ်စေနိုင်သဖြင့် မီးကို လုံခြုံစွာဖုံးအုပ်ပါ။

🚫ကွင်းပြင်ကျယ်များကို ရှောင်ပါ။

ကင်းထောက်ဒရုန်းများ၏ မျက်စိမှ လွတ်ကင်းစေရန် သစ်ပင်ရိပ်၊ အမိုးအကာ (သို့မဟုတ်) အဆောက်အအုံများအောက်တွင်သာ သွားလာပါ။

🚨 အကြမ်းဖက် စစ်ကောင်စီ၏ ကင်းထောက်ဒရုန်း (#UAV_Scout_Drone) များ ဝဲပျံနေမှုကို အင်တာနက် သတင်းမီဒီယာများပေါ်တွင် အချိန်နှင့်တပြေးညီ မဖြန့်ဝေသင့်သည့် အကြောင်းရင်းများ။

လက်ရှိကာလတွင် စစ်ရေးအသိ သတိရှိမှုသည် အလွန်ပင် အရေးကြီးပါသည်။ မိမိတို့နယ်‌မြေ ဒေသ အတွင်း စစ်ကောင်စီ၏ ကင်းထောက်ဒရုန်းများ (Scout Drones) ဝဲပျံနေသည်ကို တွေ့ရှိပါက သတင်းမီဒီယာ (သို့မဟုတ်) မိမိ၏ ကိုယ်ပိုင် လူမှုကွန်ရက်စာမျက်နှာများပေါ်သို့ အချိန်နှင့်တပြေးညီ တင်ပြခြင်း၊ အချိန်နဲ့နေရာကို ဖော်ပြခြင်းတို့ လုံးဝ-လုံးဝ မပြုလုပ်သင့်ပါ။

အဘယ်ကြောင့်ဆိုသော် အောက်ပါအချက်များသည် ပြည်သူလူထု၏ လုံခြုံရေးနှင့် စစ်ရေးအရ အလွန်ထိခိုက်နိုင်သောကြောင့် ဖြစ်ပါသည်။

📌 အဘယ်ကြောင့် အချိန်နှင့်တပြေးညီ မဖော်ပြသင့်သနည်း။

⚠️ ရန်သူအတွက် တည်နေရာအတိအကျ (#Coordinates) ပေးသလို ဖြစ်သွားနိုင်ခြင်း။

မီဒီယာများပေါ်တွင် စကောက်ဒရုန်းပျံဝဲနေသည့် နေရာကို ဖော်ပြခြင်းဖြင့် စစ်ကောင်စီတပ်ဖွဲ့များအနေဖြင့် ၎င်းတို့၏ ကင်းထောက်မှု မည်မျှထိရောက်သည်ကို သိရှိသွားစေနိုင်ပြီး နောက်ဆက်တွဲ လက်နက်ကြီးပစ်ခတ်မှု (သို့မဟုတ်) လေကြောင်းတိုက်ခိုက်မှုများအတွက် ပစ်မှတ်အချက်အလက်ကို ပံ့ပိုးပေးသလို ဖြစ်သွားနိုင်ပါသည်။

⚠️ပြည်သူလူထု၏ လုံခြုံရေးကို ထိခိုက်စေခြင်း။

ဒရုန်းဝဲနေသည့် အချက်အလက်များကို လူသိရှင်ကြား online ပေါ်ဖြန့်ဝေခြင်းသည် အဆိုပါနေရာရှိ ပြည်သူများအတွက် စိုးရိမ်ထိတ်လန့်မှု မြင့်တက်စေရုံသာမက၊ စစ်ကောင်စီ၏ ပစ်မှတ်ရှာဖွေရေးကိုပါ ကူညီပေးရာရောက်ပါသည်။

⚠️ကင်းထောက်မှု၏ ရည်ရွယ်ချက်ကို လမ်းကြောင်းလွှဲခြင်း။

စကောက်ဒရုန်းများ၏ လှုပ်ရှားမှုကို လူမှုကွန်ရက်ပေါ်တွင် အလွယ်တကူ တွေ့ရှိရပါက ၎င်းတို့အနေဖြင့် မည်သည့်နေရာတွင် အာရုံစိုက်နေသည်ကို ရန်သူက သဘောပေါက်သွားနိုင်ပြီး၊ နည်းဗျူဟာကို ချက်ချင်းပြောင်းလဲကာ အခြားနေရာများကို ပစ်မှတ်ထားလာနိုင်ပါသည်။

🛡️ အများပြည်သူများအတွက် ဆောင်ရန်၊ ရှောင်ရန်များ

✅ ဆောင်ရန်အချက်များ။

🗣️သက်ဆိုင်ရာထံ သတင်းပေးပို့ပါ။

#UAV Scout Drone ဒရုန်းများ ဝဲပျံနေသည်ကို တွေ့ရှိပါက လူမှုကွန်ရက်တွင် တင်မည့်အစား သက်ဆိုင်ရာ မြေပြင်ရှိ ပြည်သူ့ကာကွယ်ရေးတပ်ဖွဲ့ (သို့မဟုတ်) ဒေသခံ လုံခြုံရေးတာဝန်ရှိသူများထံ သီးသန့် အကြောင်းကြားပါ။

🔐လုံခြုံရေး အသိတရား ထားရှိပါ။

သတင်းဖြန့်ဝေရာတွင် နေရာ၊ အချိန်နှင့် ပတ်ဝန်းကျင် အချက်အလက်များကို တိကျစွာ မဖော်ပြဘဲ "သတိထားကြရန်" သတိပေးချက်အဆင့်သာ ထုတ်ပြန်ပါ။

❌ ရှောင်ရန်အချက်များ

အချိန်နှင့်တပြေးညီ တိုက်ရိုက်ထုတ်လွှင့်ခြင်း (#Live/#Real-time #updates) ကို ရှောင်ကြဉ်ပါ။ဒရုန်းပျံဝဲနေချိန်တွင် ဖုန်းဖြင့် ဓာတ်ပုံ၊ ဗီဒီယိုရိုက်ခြင်းနှင့် တိုက်ရိုက်ထုတ်လွှင့်ခြင်း မလုပ်ပါနှင့်။နေရာအတိအကျ ဖော်ပြခြင်း၊ အများပြည်သူမြင်နိုင်သော နေရာတွင် ရေးသားဖော်ပြခြင်း လုံးဝ မပြုလုပ်ပါနှင့်။

"မိဘပြည်သူအားလုံး အကြမ်းဖက် စစ်ကောင်စီ၏ ဒရုန်းအန္တရာယ်မှ ကင်းဝေးကြပါစေ" 🙏🏻

#Eagle_Information_Operator #EIO #DroneSafetyTips #SurvivalTactics #StayHidden #SafeMovement #SecurityAwareness #DigitalSecurity #EmergencyAlert #MilitaryTerrorists #WhatsHappeningInMyanmar

💥လက်နက်ကြီး ရမ်းသမ်းပစ်ခတ်မှုရှိနေသဖြင့် အထူးသတိပြုရန် နှိုးဆော်ချက်

Eagle Information Operator (#EIO)
Date - May 5, 11:23AM

📌အရာတော်နယ်၊လေ့ကျင့်ရေး(၁၀)မှ အကြမ်းဖက် စစ်ကောင်စီတပ်ဖွဲ့ဝင်များသည် လက်ရှိအချိန်တွင် လက်နက်ကြီးဖြင့် ရမ်းသမ်းပစ်ခတ်ကြောင်း သတင်းရရှိထားပါသည်။ သို့ဖြစ်ပါ၍ အနီးနားရှိ ကျေးရွာများမှ မိဘပြည်သူများအနေဖြင့် အထူးဂရုစိုက် နေထိုင်ပေးကြပါရန် အသိပေးအပ်ပါသည်။

⚠️ လက်နက်ကြီးသံ ကြားရသည်နှင့် ဘေးကင်းလုံခြုံသော ဗုံးခိုကျင်း (သို့မဟုတ်) ခိုင်ခံ့သော အဆောက်အအုံများတွင် အကာအကွယ်ယူပါ။အမြန်ဆုံး ခိုလှုံပါ။

⚠️ မိမိတို့ဒေသတွင်း သတင်းစီးဆင်းမှုများကို မျက်ခြေမပြတ် စောင့်ကြည့်၍ သတင်းနားစွင့်ပါ။

⚠️ အနီးနားရှိ အိမ်နီးချင်းများအား ရိုင်းပင်းကူညီ၍ သတိပေးစကား လက်ဆင့်ကမ်းပြောကြားပေးပါ။

"မိဘပြည်သူများအားလုံး ဘေးအန္တရာယ်အပေါင်းမှ ကင်းဝေးကြပါစေ။" 🙏

⚜️မြေပြင်အခြေအနေများနှင့် ပတ်သက်၍ အရေးကြီးသတင်းများရှိပါက #EIO_Admin_Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

📲 ဆက်သွယ်မေးမြန်းရန်နှင့် သတင်းပေးပို့ရန်

🤖 Telegram - @EIO2021_bot | @EagleInformationOperator_bot
📧 Email: eagleinformationoperators@gmail.com
🔵 Facebook Page: https://www.facebook.com/eagleinformation
🌐 Telegram Channel: t.me/eagleinformationoperator

#EIO #EmergencyAlert #StaySafe #Ayadaw #WhatsHappeningInMyanmar #SecurityUpdate

(5,5,2026)၊ စစ်ကိုင်းတိုင်း၊ မုံရွာမြို့ရှိ အနောက်မြောက်တိုင်း အကြမ်းဖက် စစ်ဌာနချုပ် (နမခ) မှ တက်လာသော #Gyrocopter (2)စီးသည် စစ်ကိုင်းတိုင်း၊ ချောင်းဦးနယ် တစ်နေရာ၌ ယနေ့ နေ့လည်ပိုင်း (1:37) (1:38) အချိန်ဝန်းကျင်ခန့်တွင် လေကြောင်း ဗုံးကျဲတိုက်ခိုက်မှုများ ပြုလုပ်ခဲ့ကြောင်း သိရှိရပါသည်။

📡 မိဘပြည်သူများသို့ အသိပေးချက်။

⚠️ လေကြောင်းအန္တရာယ် သတိပေးချက်များကို အမြဲမပြတ် နားစွင့်ထားကြပါ။ #Gyrocopter နှင့် #Paramoter စက်တပ်လေထီးများသည် အနိမ့်ပျံသန်းနိုင်သည့်အတွက် သတိထားစောင့်ကြည့်ကြပါ။

⚠️ တိုက်ခိုက်မှုများ ရှိလာပါက ခိုင်လုံသော ဘေးလွတ်ရာနေရာများတွင် ခိုလှုံကြပါရန် တိုက်တွန်းနှိုးဆော်အပ်ပါသည်။

ပြည်သူများအပေါ် အကြမ်းဖက်မှုများ ရပ်တန့်ပါစေကြောင်း ဆုတောင်းလျက်။ 🙏🏻

#Sagaing_Region #AirStrike #MiliitaryAtrocities #PublicSafety #EIO #WhatsHappeningInMyanmar

⚜️ #EIO_Update_News

မုံရွာနယ် တောင်ခြမ်း၊ မအူဆီတန်းနှင့် တံတားဖြူသို့ ရောက်ရှိနေသော စခကင်းများသည် မအူဂိတ်သို့ ပြန်လည်ဝင်ရောက်သွားကြောင်း သတင်းရရှိထားပါသည်။

May 5, 2:53PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

(5,5,2026)၊ စစ်ကိုင်းတိုင်း၊ မုံရွာမြို့ရှိ အနောက်မြောက်တိုင်း အကြမ်းဖက် စစ်ဌာနချုပ် (နမခ) မှ တက်လာသော #Paramotor (2)စီးသည် စစ်ကိုင်းတိုင်း၊ ချောင်းဦးနယ် တစ်နေရာ၌ ယနေ့ နေ့လည်ပိုင်း (2:15) (2:30) အချိန်ဝန်းကျင်ခန့်တွင် လေကြောင်း ဗုံးကျဲတိုက်ခိုက်မှုများ ပြုလုပ်ခဲ့ကြောင်း သိရှိရပါသည်။

📡 မိဘပြည်သူများသို့ အသိပေးချက်။

⚠️ လေကြောင်းအန္တရာယ် သတိပေးချက်များကို အမြဲမပြတ် နားစွင့်ထားကြပါ။ #Gyrocopter နှင့် #Paramoter စက်တပ်လေထီးများသည် အနိမ့်ပျံသန်းနိုင်သည့်အတွက် သတိထားစောင့်ကြည့်ကြပါ။

⚠️ တိုက်ခိုက်မှုများ ရှိလာပါက ခိုင်လုံသော ဘေးလွတ်ရာနေရာများတွင် ခိုလှုံကြပါရန် တိုက်တွန်းနှိုးဆော်အပ်ပါသည်။

ပြည်သူများအပေါ် အကြမ်းဖက်မှုများ ရပ်တန့်ပါစေကြောင်း ဆုတောင်းလျက်။ 🙏🏻

#Sagaing_Region #AirStrike #MiliitaryAtrocities #PublicSafety #EIO #WhatsHappeningInMyanmar

🚨လေကြောင်းတိုက်ခိုက်မှုအပြီးတွင် ဒရုန်းသံကြားရပါက -

⚠️လှုပ်ရှားမှု ရပ်တန့်ပါ။

အရိပ်ရသော နေရာ (သို့မဟုတ်) သစ်ပင်အောက်များတွင် ငြိမ်သက်စွာ ခိုလှုံပါ။

⚠️တောက်ပသောအရောင်များ ရှောင်ပါ။

ဒရုန်းကင်မရာမှ အလွယ်တကူ မြင်နိုင်သော အဖြူရောင် (သို့မဟုတ်) တောက်ပသော အဝတ်အစားများကို ဖုံးကွယ်ထားပါ။

⚠️အလင်းပြန်ခြင်းကို ထိန်းပါ။

ဖုန်းစခရင်၊ မှန် သို့မဟုတ် နာရီများမှ အလင်းပြန်ခြင်းသည် ဒရုန်းကို အချက်ပေးသလို ဖြစ်စေနိုင်ပါသည်။

⚠️အရေးကြီးသော မှတ်ချက်။

လေကြောင်းရန် သတိပေးသံ ထပ်မံကြားရပါက ယခင်ခိုလှုံရာနေရာသို့ ချက်ချင်းပြန်သွားပါ။

"မိဘပြည်သူများအားလုံး ဘေးအန္တရာယ်အပေါင်းမှ ကင်းဝေးကြပါစေ။" 🙏

📌အသေးစိတ်ဖတ်ရှု့‌လေ့လာရန် - https://t.me/eagleinformationoperator/19433

#Admin_Team
#Eagle_Information_Operator
#EIO (ဆက်သွယ်ရေးနှင့်သတင်းပြန်ကြားရေး)
📧 http://www.eagleinformationoperators@gmail.com
🔵 https://www.facebook.com/eagleinformation
🌐 https://t.me/eagleinformationoperator

⚜️ #EIO_Update_News

မုံရွာ၊နမခမှ ထွက်လာသော .5ပါ Dc ကား(1)စီး၊ စခသံပြားကာကား(4)စီးသည် တောင်အရပ်သို့ ဆက်လက်ဦးတည်နေကြောင်း သတင်းရရှိထားပါသည်။

May 5, 4:35PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator