⚜️ #EIO_Update_News

မုံရွာ၊နမခမှ ထွက်လာသော စခအအပါ သံပြားကာကား(၇)စီးသည် စစ်ကိုင်း၊ တမခ(၃၃) သို့ ဝင်ရောက်သွားကြောင်း သတင်းရရှိထားပါသည်။

Apr 10, 11:59AM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

⚠️ အရေးကြီးသတိပေးချက်- ဆိုရှယ်မီဒီယာပေါ်မှ ငွေကြေးလိမ်လည်မှုနှင့် သတင်းနှိုက်ခြင်းများကို သတိပြုရန်။

ယခုနောက်ပိုင်းတွင် တော်လှန်ရေးအမည်ခံ၍ #Facebook ပေါ်တွင် ပုံစံအမျိုးမျိုးဖြင့် လိမ်လည်ခြင်းနှင့် သတင်းစုဆောင်းခြင်းများ ပိုမိုများပြားလာပါသည်။

မိမိတို့၏ လုံခြုံရေးနှင့် စေတနာအလှူငွေများ လေလွင့်မှုမရှိစေရန် အောက်ပါအချက်များကို အထူးဂရုပြုကြပါရန် နှိုးဆော်အပ်ပါသည်။

🚩 သတိပြုရမည့် အကောင့်တုများ၏ ဝိသေသလက္ခဏာများ။

⚠️ ပုံရိပ်အလွဲသုံးစားလုပ်ခြင်း။

ဆွဲဆောင်မှုရှိသော မိန်းကလေးပုံများ သို့မဟုတ် လူထုခေါင်းဆောင်၏ ပုံများကို အသုံးပြု၍ လူယုံကြည်အောင် ဖန်တီးထားခြင်း။

⚠️ Followers တိုးအောင် လုပ်ဆောင်ခြင်း။

စိတ်ဝင်စားဖွယ် သတင်းအမှား/အမှန်များကို ရောနှောတင်ပြီး လူကြည့်များအောင် ဦးတည်လုပ်ဆောင်ခြင်း။

⚠️ Messenger မှ တိုက်ရိုက်ဆက်သွယ်ခြင်း။

မသိကျွမ်းသည့် အကောင့်များမှ Messenger သို့ လာရောက်၍ တော်လှန်ရေးအဖွဲ့အစည်းတစ်ခုခုအတွက်ဟု အကြောင်းပြကာ အလှူခံခြင်း။

✅ ဆောင်ရန်နှင့် ရှောင်ရန်များ။ (Dos and Don'ts)

⚠️ စိစစ်ပါ။

အလှူခံသည့် အကောင့်သည် သက်ဆိုင်ရာအဖွဲ့အစည်း၏ #Official Page မှ ဟုတ်မဟုတ် သေချာစွာ စစ်ဆေးပါ။

🚫 မယုံပါနှင့်။

Messenger သို့ လာရောက်အလှူခံသော အကောင့်မှန်သမျှကို အလွယ်တကူ မယုံကြည်ပါနှင့်။

⚠️ သတင်းလုံခြုံရေး။

မိမိနှင့် နီးစပ်ရာ တော်လှန်ရေးသတင်းများကို မည်သူ့ကိုမျှ အလွယ်တကူ မပြောပါနှင့်။

⚠️ သတင်းမပေးပါနှင့်။

အကောင့်ပိုင်ရှင်ကို လူကိုယ်တိုင် သေချာမသိဘဲ မိမိဒေသတွင်း အခြေအနေများကို မဆွေးနွေးပါနှင့်။

✅ Report ထုပါ။

သံသယဖြစ်ဖွယ် အကောင့်တုများကို တွေ့ရှိပါက ဝိုင်းဝန်း Report ထုပြီး အများသိအောင် လူသိရှင်ကြား (Public) တင်၍ သတိပေးပါ။

🚫 Link များမနှိပ်ပါနှင့်။

Messenger မှ ပေးပို့လာသော သံသယဖြစ်ဖွယ် Link များကို နှိပ်ခြင်းမှ ရှောင်ကြဉ်ပါ။

💡 ထိရောက်သော အကြံပြုချက်။

တော်လှန်ရေးအတွက် အမှန်တကယ် လှူဒါန်းလိုပါက မိမိတို့ယုံကြည်စိတ်ချရသော၊ ချိတ်ဆက်မှုရှိပြီးသားဖြစ်သော တရားဝင်အလှူခံ #Channel များ (သို့မဟုတ်) #Official Page များမှ တစ်ဆင့်သာ တိုက်ရိုက်လှူဒါန်းကြပါရန် တိုက်တွန်းနှိုးဆော်အပ်ပါသည်။

"သတိတစ်ချက် လွတ်ရုံဖြင့် မိမိလုံခြုံရေးသာမက တော်လှန်ရေးအတွက်ပါ ထိခိုက်နိုင်သည်ကို သတိပြုပါ။"

#Eagle_Information_Operator #EIO #EmergencyAlert #SocialMediaSafety #Awareness #FakeAccounts #ScamAlert

⚜️ #EIO_Update_News

စခသံပြားကာကား ယာဉ်တန်းသည် စစ်ကိုင်း၊တမခ(၃၃)မှ ထွက်လာပြီး စစ်ကိုင်းနယ်၊ကံတလူတိုးဂိတ်ဖြတ်၍ အနောက်အရပ်သို့ ဆက်လက်ဦးတည်နေကြောင်း သတင်းရရှိထားပါသည်။

Apr 10, 2:00PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

"၁၇ နှစ်တာ ခရီးကြမ်းနှင့် အာရက္ခအိပ်မက်၏ လက်တွေ့ခြေလှမ်းများ"

၂၀၂၆ ခုနှစ်၊ ဧပြီလ (၁၀) ရက်

ယနေ့တွင် ကျရောက်သည့် အာရက္ခတပ်တော် (Arakan Army) တည်ထောင်ခြင်း (၁၇) နှစ်ပြည့် အထိမ်းအမှတ်နေ့တွင် ရခိုင်ပြည်သူပြည်သားများနှင့်အတူ ထပ်တူဝမ်းမြောက်ဂုဏ်ယူပါကြောင်း ဦးစွာပထမ မှတ်တမ်းတင်အပ်ပါသည်။

လွန်ခဲ့သည့် ၁၇ နှစ်တာကာလအတွင်း ခက်ခဲကြမ်းတမ်းသော ခရီးလမ်းကို ဖြတ်သန်းကာ မိမိတို့၏ ရည်မှန်းချက်ပန်းတိုင်သို့ မဆုတ်မနစ်သော ဇွဲ၊ လုံ့လတို့ဖြင့် ချီတက်နေကြသည့် အာရက္ခတပ်တော်၏ ကြိုးပမ်းမှုများသည် သမိုင်းမှတ်တိုင်တစ်ခုအဖြစ် တည်ရှိနေပါသည်။

နိုင်ငံရေး၊ စစ်ရေး အမြင်ကျယ်မှုများနှင့်အတူ ပြည်သူ့ဘဝလုံခြုံရေး၊ တရားမျှတရေးနှင့် ကိုယ်ပိုင်ပြဌာန်းခွင့်တို့အတွက် ပေးဆပ်ခဲ့ကြသော ရဲဘော်အပေါင်းအား အလေးအမြတ်ပြု ဂုဏ်ပြုအပ်ပါသည်။

မြန်မာ့နိုင်ငံရေးနှင့် စစ်ရေးအခင်းအကျင်းတွင် လျှပ်စစ်တေဇာကဲ့သို့ ထွန်းတောက်လာသည့် အာရက္ခတပ်တော် (Arakan Army) သည် ယနေ့ ၂၀၂၆ ခုနှစ်၊ ဧပြီလ ၁၀ ရက်နေ့တွင် တည်ထောင်ခြင်း (၁၇) နှစ်ပြည့်မြောက်ခဲ့ပြီ ဖြစ်သည်။ ၂၀၀၉ ခုနှစ်၊ ကချင်ပြည်နယ်၊ လိုင်ဇာမြေတွင် လူငယ် ၂၆ ဦးဖြင့် စတင်မျိုးစေ့ချခဲ့သည့် ဤတပ်တော်သည် ယနေ့အခါတွင် ရခိုင်ပြည်သူတို့၏ ယုံကြည်ကိုးစားမှုကို အပြည့်အဝရရှိထားသည့် ကျစ်လျစ်ခိုင်မာသော တော်လှန်ရေးတပ်ဖွဲ့တစ်ခုအဖြစ် ကမ္ဘာ့အလယ်တွင် ဝင့်ထည်စွာ ရပ်တည်နေပြီဖြစ်သည်။

ခက်ခဲကြမ်းတမ်းသော ကနဦးခရီးလမ်း

အာရက္ခတပ်တော်၏ ၁၇ နှစ်တာ သမိုင်းကြောင်းကို ပြန်ကြည့်လျှင် မလွယ်ကူသော စိန်ခေါ်မှုများစွာကို တွေ့ရမည်ဖြစ်သည်။ "ရက္ခိတလမ်းစဉ်" (The Way of Rakhita) ကို အခြေခံကာ မိမိတို့၏ ကံကြမ္မာကို မိမိတို့ကိုယ်တိုင် ဖန်တီးနိုင်ရေးအတွက် ရုန်းကန်ခဲ့ရသည်။ မြောက်ပိုင်းမဟာမိတ်များနှင့်အတူ လက်တွဲကာ စစ်ပညာသင်ယူခြင်း၊ တိုက်ပွဲအတွေ့အကြုံ ယူခြင်းများမှစတင်ကာ ၂၀၁၅ ခုနှစ်နောက်ပိုင်းတွင် ရခိုင်ပြည်မြေအတွင်းသို့ အောင်မြင်စွာ ထိုးဖောက်ဝင်ရောက်နိုင်ခဲ့ခြင်းမှာ အာရက္ခတပ်တော်၏ အကြီးမားဆုံးသော အောင်မြင်မှုခြေလှမ်းတစ်ခု ဖြစ်ခဲ့သည်။

ရည်မှန်းချက်နှင့် ကိုယ်ပိုင်ပြဌာန်းခွင့်

အာရက္ခတပ်တော်၏ အဓိက ဦးတည်ချက်မှာ ရခိုင်ပြည်သူတို့၏ ကိုယ်ပိုင်ပြဌာန်းခွင့်၊ တရားမျှတမှုနှင့် လုံခြုံစိတ်ချရသော လူမှုဘဝကို တည်ဆောက်ရန်ဖြစ်သည်။ ပြီးခဲ့သည့် နှစ်အနည်းငယ်အတွင်း အာရက္ခတပ်တော်သည် စစ်ရေးအရ အသာစီးရယူနိုင်ခဲ့ရုံသာမက အုပ်ချုပ်ရေး၊ တရားစီရင်ရေးနှင့် ပြည်သူ့ဝန်ဆောင်မှု လုပ်ငန်းများကိုပါ ဖော်ဆောင်လာနိုင်သည်ကို တွေ့ရသည်။ ဤသည်မှာ တပ်ဖွဲ့တစ်ခုအနေဖြင့်သာမက အစိုးရယန္တရားတစ်ခုသဏ္ဌာန်သို့ ကူးပြောင်းလာနိုင်ခြင်းကို သက်သေပြနေခြင်းပင် ဖြစ်သည်။

လူသားချင်းစာနာထောက်ထားမှုနှင့် အရပ်သား ကာကွယ်ရေး

လက်ရှိအချိန်ကာလသည် စစ်မီးများ တောက်လောင်နေသည့် ကာလဖြစ်သော်လည်း အာရက္ခတပ်တော်အနေဖြင့် "ပြည်သူကို ဗဟိုပြုခြင်း" ဆိုသည့် မူဝါဒကို ကိုင်စွဲထားသည်ကို တွေ့ရသည်။ အထူးသဖြင့် စစ်ပွဲဒဏ်ခံနေရသော အရပ်သားပြည်သူများ ဘေးကင်းလုံခြုံရေး၊ စစ်ဘေးရှောင်များအား ကူညီစောင့်ရှောက်ရေးနှင့် ဒဏ်ရာရရှိသူများအား ပြုစုကုသရေးတို့တွင် တတ်စွမ်းသမျှ ကြိုးပမ်းနေမှုများမှာ ဂုဏ်ယူဖွယ်ရာ ဖြစ်သည်။

ရှေ့ဆက်မည့် အနာဂတ်ခရီး

၁၇ နှစ်ပြည့်သည့် ယနေ့အချိန်တွင် အာရက္ခတပ်တော်သည် ပိုမိုရင့်ကျက်ကာ အင်အားတောင့်တင်းလာပြီ ဖြစ်သည်။ ဒေသတွင်း တည်ငြိမ်အေးချမ်းရေးနှင့် တရားမျှတသော လူ့အဖွဲ့အစည်းဖြစ်ပေါ်လာရေးအတွက် အခြားသော တော်လှန်ရေးအင်အားစုများနှင့်အတူ ဟန်ချက်ညီညီ ပူးပေါင်းဆောင်ရွက်နေသည်ကိုလည်း တွေ့မြင်ရသည်။

အာရက္ခတပ်တော်၏ ၁၇ နှစ်ပြည့် အထိမ်းအမှတ်နေ့သည် အောင်ပွဲများကို ဂုဏ်ပြုရုံသာမက၊ ကျဆုံးလေပြီးသော အာဇာနည်ရဲဘော်များ၏ ပေးဆပ်မှုကို အောက်မေ့သတိရသည့်နေ့လည်း ဖြစ်ပေသည်။ ရည်မှန်းချက်ပန်းတိုင်ဖြစ်သည့် "အာရက္ခအိပ်မက်" အမြန်ဆုံး လက်တွေ့ဖြစ်လာစေရန် ဇွဲ၊ လုံ့လ၊ သတ္တိတို့ဖြင့် ဆက်လက်ချီတက်နေသော အာရက္ခတပ်တော်ကို ဂုဏ်ပြုမှတ်တမ်းတင်အပ်ပါသည်။

#EIO (ဆက်သွယ်ရေးနှင့်သတင်းပြန်ကြားရေး)
#Eagle_Information_Operator
#AA17thAnniversary
#ArakanArmy
#ရခိုင်ပြည်

⚜️ #EIO_Update_News

စခသံပြားကာကား ယာဉ်တန်းသည် စစ်ကိုင်း၊တမခ(၃၃)မှ ထွက်လာပြီး စစ်ကိုင်းနယ်၊နတ်ခရိုင်ဖြတ်၍ အနောက်အရပ်သို့ ဆက်လက်ဦးတည်နေကြောင်း သတင်းရရှိထားပါသည်။

Apr 10, 2:16PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

💥လက်နက်ကြီး ရမ်းသမ်းပစ်ခတ်မှုရှိနေသဖြင့် အထူးသတိပြုရန် နှိုးဆော်ချက်

Eagle Information Operator (#EIO)
Date - Apr 10, 9:00PM

📌 ရွှေဘို လေ့ကျင့်ရေး(၈) မှ အကြမ်းဖက် စစ်ကောင်စီတပ်ဖွဲ့ဝင်များသည် လက်ရှိအချိန်တွင် လက်နက်ကြီးဖြင့် ရမ်းသမ်းပစ်ခတ်ကြောင်း သတင်းရရှိထားပါသည်။ သို့ဖြစ်ပါ၍ အနီးနားရှိ ကျေးရွာများမှ မိဘပြည်သူများအနေဖြင့် အထူးဂရုစိုက် နေထိုင်ပေးကြပါရန် အသိပေးအပ်ပါသည်။

⚠️ လက်နက်ကြီးသံ ကြားရသည်နှင့် ဘေးကင်းလုံခြုံသော ဗုံးခိုကျင်း (သို့မဟုတ်) ခိုင်ခံ့သော အဆောက်အအုံများတွင် အကာအကွယ်ယူပါ။အမြန်ဆုံး ခိုလှုံပါ။

⚠️ မိမိတို့ဒေသတွင်း သတင်းစီးဆင်းမှုများကို မျက်ခြေမပြတ် စောင့်ကြည့်၍ သတင်းနားစွင့်ပါ။

⚠️ အနီးနားရှိ အိမ်နီးချင်းများအား ရိုင်းပင်းကူညီ၍ သတိပေးစကား လက်ဆင့်ကမ်းပြောကြားပေးပါ။

"မိဘပြည်သူများအားလုံး ဘေးအန္တရာယ်အပေါင်းမှ ကင်းဝေးကြပါစေ။" 🙏

⚜️မြေပြင်အခြေအနေများနှင့် ပတ်သက်၍ အရေးကြီးသတင်းများရှိပါက #EIO Admin Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

📲 ဆက်သွယ်မေးမြန်းရန်နှင့် သတင်းပေးပို့ရန်

🤖 Telegram - @EIO2021_bot | @EagleInformationOperator_bot
📧 Email: eagleinformationoperators@gmail.com
🔵 Facebook Page: https://www.facebook.com/eagleinformation
🌐 Telegram Channel: t.me/eagleinformationoperator

#EIO #EmergencyAlert #StaySafe #Shwebo #Myanmar #SecurityUpdate

⚜️စစ်မှန်သော အောင်နိုင်သူ⚜️

အဓမ္မ က လက်ရုံးရည် သုံးပြီး
အုတ်တံတိုင်းတွေ မြင့်အောင် ခတ်ထားပါစေ...
ဓမ္မ ကတော့ နှလုံးရည် သုံးပြီး
လူတွေရဲ့ ရင်ဘတ်ထဲမှာ အမြစ်တွယ်တတ်တယ်။

ဟိန်းဟောက်သံတွေနဲ့ မတရားမှု က
ခဏတာ ကြောက်လန့်အောင် ခြောက်နိုင်ပေမဲ့
ငြိမ်သက်ခြင်းနဲ့ တရားမျှတမှု က
ထာဝရ တည်တံ့တဲ့ အင်အားကို ပေးစွမ်းတယ်။

လက်နက်နဲ့ နိုင်တာဟာ... ခေတ္တ
လက်ခံမှုနဲ့ နိုင်တာဟာ... ထာဝရ။
သံကွင်းစပ်တွေ ဘယ်လောက် ခိုင်မြဲပါစေ
အမှန်တရားရဲ့ လွှစာရှေ့မှာတော့
တဖြည်းဖြည်းနဲ့ ကြေမွသွားရမှာပဲ။

မတရားမှုကို တရားနဲ့ နှိမ်နင်းဖို့
နှလုံးသားမှာ သစ္စာ ကို လက်နက်လုပ်
အမှောင်ထုကို အလင်းနဲ့ ဖြိုခွဲဖို့
လက်ထိပ်မှာ ပညာ ကို ဆီမီးထွန်း။

အမှန်တရားဟာ နေမင်းကြီးလိုပဲ
တိမ်တိုက်တွေ ခဏဖုံးလို့ ညှိုးငယ်ရပေမဲ့
အချိန်တန်ရင်တော့...
ကမ္ဘာမြေကို အလင်းပြန်ပေးဖို့ အောင်ပွဲခံလာလိမ့်မယ်။

#Admin Team
#EagleInformationOperator
#EIO (ဆက်သွယ်ရေးနှင့်သတင်းပြန်ကြားရေး)

၁။ ရာဇတောဝါ - မင်းဘေးမှလည်းကောင်း။
၂။ စောရတောဝါ - ခိုးသူဘေးမှလည်းကောင်း။
၃။ မနုဿတောဝါ - လူဆိုးလူကြမ်း
      ဘေးမှလည်းကောင်း။
၄။ အမနုဿတောဝါ - ဘီလူး၊ ဂုမ္ဘဏ်၊ ဖုတ်ပြိတ္တာ.              
      ဘေးမှ လည်းကောင်း။
၅။ အဂ္ဂိတောဝါ - မီးဘေးမှ လည်းကောင်း။
၆။ ဥဒကတောဝါ - ရေဘေးမှ လည်းကောင်း။
၇။ ကဏ္ဍကတောဝါ - လေးမြှား၊ လက်နက်၊ ဆူးငြောင့်
       ဘေးမှ လည်းကောင်း။
၈။ ဇနပဒရောဂတောဝါ - ဇနပုဒ်၌ဖြစ်ကုန်သော   
      အနာရောဂါ ဘေးမှလည်းကောင်း။
၉။ အသဒ္ဓမ္မတောဝါ - သူယုတ်တို့၏ မကောင်းသော
       အကျင့်ဘေးမှလည်းကောင်း။
၁၀။ အသန္ဒိဋ္ဌိတောဝါ - မိစ္ဆာအယူရှိသော သူတို့၏
         ဘေးမှလည်းကောင်း။
၁၁။ အသပ္ပုရိသတောဝါ - သူတော်မဟုတ် သူယုတ်မာ
         တို့၏ ဘေးမှလည်းကောင်း။
ထို ( ၁၁ )ပါးသောဘေးဆိုးတို့မှကင်းဝေးကြပါစေရန်ဆုတောင်းမေတ္တာပို့သပါသည်။ဘေးရန်ကင်းငြိမ်းကြပါစေ။🙏🙏🙏

#AdminTeam
#Eagle Information Operator
#EIO (ဆက်သွယ်ရေးနှင့်သတင်းပြန်ကြားရေး)

🚨 မိဘပြည်သူများအတွက် အရေးပေါ် သတိပေးချက် 🚨

လတ်တလော မုံရွာမြို့ပေါ်နှင့် လမ်းကြိုလမ်းကြားများ၊ မြို့အဝင်အထွက်များတွင် စစ်ကောင်စီ (စကစ) မှ အိမ်စီးကားများကို အသုံးပြု၍ အတင်းအဓမ္မ ဖမ်းဆီးခြင်းနှင့် ပေါ်တာဆွဲခြင်းများ ပြုလုပ်နေကြောင်း သတင်းများ ရရှိထားပါသည်။

မိဘပြည်သူများ ဘေးကင်းလုံခြုံစေရန် အောက်ပါအချက်များကို အထူးသတိထား လိုက်နာကြပါရန် မေတ္တာရပ်ခံအပ်ပါသည်။

⚠️ သတိပြုရန် အချက်များ

🔹 ဒေသခံ တော်လှန်ရေးအဖွဲ့အစည်းများ၏ အသိပေးချက်များကို စောင့်ကြည့်လိုက်နာပါ။
🔹 မြေပြင်သတင်းချန်နယ်များကို ဖတ်ရှုကြပါ။
🔹 နီးစပ်ရာ အချင်းချင်း သတင်းအချက်အလက်များ မျှဝေကြပါ။

🚫 လုံးဝ မပြုလုပ်ရ

❌ စခ / ရခ ယာဉ်တန်းများအနီးတွင် မနေပါနှင့်။
❌ စခ / ရခ ယာဉ်တန်းနှင့်အတူ လိုက်ပါ မောင်းနှင်ခြင်း မပြုလုပ်ပါနှင့်။
❌ စခ / ရခ အထိုင်ဂိတ်များအနီးတွင် ကြာမြင့်စွာ မနေပါနှင့်။

🚑 ကျန်းမာရေးကိစ္စများနှင့် စားဝတ်နေရေးအတွက် မဖြစ်မနေ ခရီးသွားလာရပါက အထူးသတိဖြင့် သွားလာကြပါရန် တိုက်တွန်းအပ်ပါသည်။

🙏 မိဘပြည်သူများအားလုံး ကျန်းမာ၍ ဘေးကင်းကြပါစေ။

⚜️ မြေပြင်အခြေအနေများနှင့် ပတ်သက်၍ အရေးကြီးသတင်းများရှိပါက #EIO Admin Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

📲 ဆက်သွယ်မေးမြန်းရန်နှင့် သတင်းပေးပို့ရန်

🤖 Telegram – @EIO2021_bot | @EagleInformationOperator_bot
📧 Email – eagleinformationoperators@gmail.com
🔵 Facebook Page – facebook.com/eagleinformation
🌐 Telegram Channel – t.me/eagleinformationoperator

#EIO #EmergencyAlert #StaySafe #Monywa #SecurityUpdate
#CivilianMilitaryServiceLaw
#MilitaryServiceTraining
#BasicRecruitTraining
#MilitaryCommission
#UnlawfulArrest
#HumanRightsViolation

​📢 သတင်းပေးပို့သူများသို့ အသိပေးချက် ⚠️

📌 သတင်းပေးပို့သူ (#Informant) တစ်ဦးချင်းစီ၏ သတ္တိနှင့် ပေးဆပ်မှုကို #EIO Admin Team မှ အစဉ်တစိုက် တန်ဖိုးထားလျက်ရှိပါသည်။ ✨

📌 မိမိတို့ဒေသအတွင်းရှိ စစ်ကောင်စီတပ်များ၏ လှုပ်ရှားမှု၊ တပ်တည်နေရာနှင့် ယာဉ်တန်းသတင်းများကို အချိန်နှင့်တပြေးညီ ပေးပို့ခြင်းသည် တော်လှန်ရေးအတွက် အရေးပါသော "မျက်စိနှင့် နား" ဖြစ်သည့်အပြင် ပြည်သူ့အသက်ပေါင်းများစွာကို ကယ်တင်ရာလည်း ရောက်ပါသည်။ ✨
​
🛡️ ၁။ သတင်းပေးပို့သူများကို တန်ဖိုးထားခြင်း။

📌 မိမိတို့ #EIO_Admin_Team အနေဖြင့် သတင်းပေးပို့သူများ၏ ဘေးကင်းလုံခြုံရေးကို ပထမဦးစားပေး (Top Priority) အဖြစ် သတ်မှတ်ထားပါသည်။✨

✅ သတင်းတစ်ခုရရှိရန် မည်မျှအန္တရာယ်များကြောင်း နားလည်ပြီးသားဖြစ်သည့်အတွက် ပေးပို့လာသော သတင်းအချက်အလက်တိုင်းကို အလေးအနက်ထား စိစစ်အသုံးချလျက်ရှိပါသည်။ ✨

📌 မိတ်‌ဆွေတို့၏ ကြိုးပမ်းမှုသည် တော်လှန်ရေးအောင်ပွဲအတွက် အဓိကမောင်းနှင်အားတစ်ခုဖြစ်ကြောင်း မှတ်တမ်းတင်အပ်ပါသည်။ ✨

​🔐 ၂။ လုံခြုံရေးနှင့် လျှို့ဝှက်ချက် ထိန်းသိမ်းခြင်း။

​📌 သတင်းပေးပို့သူများ စိတ်ချလက်ချရှိစေရန် အောက်ပါအချက်များကို တိကျစွာ လိုက်နာဆောင်ရွက်ပေးနေပါသည်။

​👤 သတင်းရင်းမြစ် ဖုံးကွယ်ခြင်း။

📌 ပေးပို့သူ၏ အမည်၊ အကောင့်နှင့် တည်နေရာတို့ကို မည်သည့်အခြေအနေတွင်မှ ထုတ်ဖော်ခြင်းမပြုဘဲ လျှို့ဝှက်ချက်အဆင့် (၁) အနေဖြင့် ထိန်းသိမ်းပါသည်။

​💻 Digital Security။

📌 သတင်းပေးပို့ပြီးနောက် စာမျက်နှာ (#Chat log) များအား စနစ်တကျ ဖျက်သိမ်းခြင်းနှင့် အကာအကွယ်ပေးခြင်းများကို နည်းပညာအရ ဆောင်ရွက်ထားပါသည်။

​🛡️ ဘေးကင်းရေး လမ်းညွှန်မှု။

📌 သတင်းပေးပို့ရာတွင် သတိထားရမည့်အချက်များနှင့် ဒစ်ဂျစ်တယ်လုံခြုံရေးဆိုင်ရာ အသိပညာပေးမှုများကိုလည်း ပံ့ပိုးပေးလျက်ရှိပါသည်။

​⚠️ ၃။ သတင်းပေးပို့သူများသို့ မေတ္တာရပ်ခံချက်။

​📌 မိမိကိုယ်တိုင် လုံခြုံမှုရှိမှသာ တော်လှန်ရေးအတွက် ဆက်လက်ကူညီနိုင်မည်ဖြစ်သောကြောင့် အောက်ပါတို့ကို ဂရုပြုပေးပါ။

​📱 Two-Step Verification။

⚠️ သတင်းပေးပို့သည့် ဖုန်း/စက်ပစ္စည်းများတွင် အမြဲဖွင့်ထားရန်။

​🗑️ Chat Cleanup။

⚠️ သတင်းပေးပို့ပြီးတိုင်း Chat အား Delete လုပ်ရန် (သို့မဟုတ်) Vanish Mode အသုံးပြုရန်။

​👁️ Environmental Awareness။

⚠️ သတင်းရယူရာတွင် မိမိ၏ ပတ်ဝန်းကျင်အခြေအနေကို အမြဲမျက်ခြေမပြတ် စောင့်ကြည့်ရန်။

​"လူထုရဲ့ မျက်စိ၊ လူထုရဲ့ နား... အောင်ပွဲဆီသို့ အရောက်လှမ်းဖို့ သင်တို့ရဲ့ သတင်းစကားက အရေးကြီးဆုံးပါ"

​ပြည်သူနှင့်အတူ ရပ်တည်ပေးနေသော သတင်းပေးပို့သူတစ်ဦးချင်းစီကို မိမိတို့ #EIO (ဆက်သွယ်ရေးနှင့်သတင်းပြန်ကြားရေး)မှ အထူးပင်ကျေးဇူးတင်ရှိပါသည်။🙏🏻

​#EIO_Admin_Team
#Eagle_Information_Operator
#Civilian_Intelligence
#DigitalSecurity
#Revolution_News

​✊ အလုပ်ဖြင့်သက်သေပြမည်၊ သိက္ခာဖြင့် ရပ်တည်မည် - ဤသည်မှာ #EIO ဖြစ်သည်။

​ခေတ်မီစက်ပစ္စည်းများနှင့် စနစ်တကျလည်ပတ်နေသော #EIO (Communication & Information Operator) သည် စတင်တည်ထောင်ချိန်မှ ယနေ့ထက်တိုင် "ကိုယ်ထူကိုယ်ထ" စနစ်ဖြင့်သာ ခိုင်ခိုင်မာမာ ရပ်တည်နေခြင်း ဖြစ်ပါသည်။

​ကျွန်ုပ်တို့တွင် လိုအပ်ချက်များ ရှိကောင်းရှိနိုင်ပါသည်။ သို့သော် ထိုလိုအပ်ချက်များကို ဖြည့်ဆည်းရန်အတွက် ပြည်သူ့ထံမှ တပြားတချပ်မျှ အလှူခံခြင်း၊ ဝန်ထုပ်ဝန်ပိုးဖြစ်စေခြင်းမျိုး လုံးဝ (လုံးဝ) မပြုလုပ်ခဲ့ပါ။

​🛡️ သိက္ခာရှိသော ရပ်တည်ချက်နှင့် ပေးဆပ်မှု။

​#EIO တွင် ပါဝင်နေသော #Admin များသည် #Facebook Page နှင့် #Telegram မှ ဝင်ငွေရှာနေသူများ မဟုတ်သလို၊ ကိုယ်ပိုင်အလုပ်အကိုင်၊ ကိုယ်ပိုင်ဝင်ငွေဖြင့် ရပ်တည်နေကြသူများဖြစ်ပြီး မိမိတို့၏ အိတ်စိုက်ငွေများဖြင့်သာ ပြည်သူ့အကျိုးအတွက် ရှေ့ရှုလုပ်ဆောင်နေကြခြင်း ဖြစ်ပါသည်။

🚫​မျောက်ပြဆန်တောင်းခြင်း လုံးဝမရှိပါ။

တော်လှန်ရေးအမည်ခံကာ ကိုယ်ကျိုးအတွက်ဖြစ်စေ၊ အဖွဲ့အစည်းအတွက်ဖြစ်စေ အလှူခံထွက်ခြင်းသည် ကျွန်ုပ်တို့၏ မူဝါဒမဟုတ်ပါ။

✨​ပြန်လည်မျှဝေခြင်းသာရှိသည်။

အမှန်တကယ် လိုအပ်နေသူများနှင့် အခက်အခဲကြုံနေရသူများအတွက် အထိုင်ဖုန်း၊ အိုင်ကွန်စကားပြောစက်၊ ဆက်သွယ်ရေးတိုင်နှင့် ဖုန်းဘေလ်များအပြင် တော်လှန်ရေးအဖွဲ့အစည်းအချို့အတွက် လိုအပ်သည့် ထောက်ပံ့မှုများကို မိမိတို့ အိတ်စိုက်ဝင်ငွေထဲမှ ပြန်လည်ဝေမျှပေးကမ်းခြင်းသာရှိပါသည်။

​📢 ကျွန်ုပ်တို့၏ ခိုင်မာသော ကတိကဝတ်။

​"တော်လှန်ရေးအတွက် အောက်ကျခံပြီး အလှူလိုက်ခံနေရမယ်ဆိုရင် လျှာပေါ်မြက်ပေါက်ရင် ပေါက်ပါစေ၊ မျောက်ပြပြီး ဆန်တောင်းတဲ့အလုပ်မျိုး မိမိတို့ #EIO ဘယ်တော့မှ မလုပ်ဘူး"

မိမိတို့ #EIO သည် အလှူခံအဖွဲ့အစည်းမဟုတ်ပါ။ နည်းပညာနှင့် သတင်းအချက်အလက်ဖြင့် ပြည်သူ့အကျိုးကို မျက်နှာမူကာ အမှန်တရားဘက်မှ ရပ်တည်နေသည့် စက်မှုနှင့်နည်းပညာအခြေပြု အော်ပရေတာ တစ်ခုသာ ဖြစ်ပါသည်။

​"ပြည်သူ့အပေါ် ဝန်မဖြစ်စေဘဲ မိမိတို့ တတ်စွမ်းသမျှသော အရင်းအမြစ်များကိုသာ အသုံးချ၍ အောင်ပွဲဆီသို့ ဆက်လက်ချီတက်သွားပါမည်"✊🏻

​#EIO_Admin_Team #Eagle_Information_Operator #Stand_With_Truth #Technological_Revolution #No_Donation_Accepted #RevolutionaryEthics #HonorableRevolution