🚨 မိမိနှင့် မိသားစု ဘေးကင်းလုံခြုံစေရန်🚨

"နေ့စဉ်သတိပြုဖွယ်ရာ လမ်းညွှန်ချက်များ"

လက်ရှိ စက်သုံးဆီဈေး/ကုန်ဈေးနှုန်းကြီးမြင့်မှုနှင့်အတူ ခိုးဆိုးလုနှိုက်မှုများ ပေါများလာသည့်အတွက် မိမိတို့၏ အသက်အိုးအိမ်စည်းစိမ်ကို အောက်ပါနည်းလမ်းများဖြင့် ဝိုင်းဝန်းကာကွယ်ကြပါရန် တိုက်တွန်းနှိုးဆော်အပ်ပါသည်။

🔥မီးဘေးအန္တရာယ်

မီးဖိုချောင်သုံး ဂတ်စ်အိုးများ၊ လျှပ်စစ်ပလပ်ခေါင်းများကို အသုံးမပြုပါက ပိတ်ထားပါ။ ဖယောင်းတိုင် သို့မဟုတ် ခြင်ဆေးခွေ ထွန်းထားလျှင် လူမရှိဘဲ မထားပါနှင့်။ဆေးဝါးနှင့် ဓာတုပစ္စည်း-ကလေးငယ်များ လက်လှမ်းမမီသောနေရာ၊ သီးသန့်ဗီရိုထဲတွင် သိမ်းဆည်းပါ။

🏠 ၁။ နေအိမ်လုံခြုံရေးအတွက်

တံခါးနှင့် ပြတင်းပေါက်-အပြင်သွားလျှင်ဖြစ်စေ၊ ညအိပ်ရာဝင်လျှင်ဖြစ်စေ အိမ်တံခါးများအားလုံး လုံခြုံစွာ ပိတ်/ဂျက်ထိုးထားကြောင်း အမြဲစစ်ဆေးပါ။

တံခါးအပိုခတ်ပါ-အိမ်ရှေ့တံခါးသာမက အိမ်နောက်ဖေးနှင့် ဝရံတာတံခါးများကို သံပန်း (သို့မဟုတ်) သော့အပိုများ ခတ်ထားပါ။

အလင်းရောင်ရှိပါစေ-ညဘက်တွင် အိမ်ရှေ့နှင့် အိမ်ပတ်ပတ်လည်ကို မှောင်မနေစေဘဲ မီးထွန်းထားပါ။ (လှုပ်ရှားမှုသိစနစ်ပါသော Motion Sensor မီးသီးများ ပိုမိုထိရောက်ပါသည်)။

တန်ဖိုးကြီးပစ္စည်းများ သိမ်းဆည်းပါ-ဆိုင်ကယ်၊ ရေစုပ်စက်နှင့် တန်ဖိုးရှိပစ္စည်းများကို အပြင်တွင် ပစ်မထားပါနှင့်။ မိမိအိမ်တွင်း (သို့မဟုတ်) အကာအကွယ်ရှိသည့်နေရာတွင်သာ ထားပါ။

📱 ၂။ လမ်းခရီးသွားလာလျှင်

ဖုန်းထုတ်မကြည့်ပါနှင့်-လမ်းလျှောက်နေစဉ် သို့မဟုတ် လူစည်ကားရာတွင် ဖုန်းထုတ်ကြည့်ခြင်း၊ ဖုန်းပြောခြင်းကို ရှောင်ပါ။ ဖုန်းလုယက်မှုများ၏ အဓိကပစ်မှတ်မှာ လက်ထဲကဖုန်း ဖြစ်ပါသည်။

ရွှေထည်ပစ္စည်းများ ဆင်ခြင်ပါ-အပြင်သွားလျှင် သိသာထင်ရှားသည့် ရွှေထည်၊ လက်ဝတ်ရတနာများ ဝတ်ဆင်ခြင်းကို အတတ်နိုင်ဆုံး ရှောင်ကြဉ်ပါ။

လွယ်အိတ်ကို သတိထားပါ-လွယ်အိတ်ကို ရှေ့ဘက်တွင် လွယ်ပါ။ ဆိုင်ကယ်စီးလျှင် ပခုံး၌ မလွယ်ဘဲ ထိုင်ခုံအောက် သို့မဟုတ် ရှေ့ခြင်းထဲတွင် ထည့်၍ သေချာဖုံးအုပ်ထားပါ။

🏍️ ၃။ ယာဉ်နှင့် ဆိုင်ကယ်လုံခြုံရေး

သော့အပို အမြဲခတ်ပါ-ခေတ္တခဏရပ်သည်ပဲဖြစ်ပါစေ ဆိုင်ကယ်ကို ဘီးသော့ (Disc Lock) သို့မဟုတ် သံကြိုးဖြင့် အပိုခတ်ထားပါ။

လူမပြတ်သောနေရာတွင်ထားပါ-အစောင့်ရှိသော နေရာများ (သို့မဟုတ်) လူမြင်ကွင်းရှိသော နေရာများတွင်သာ ရပ်နားပါ။

🤝 ၄။ အိမ်နီးချင်းချင်း ရိုင်းပင်းပါ

သတင်းပေးပါ-မိမိအိမ်နီးချင်းများနှင့် ဖုန်းနံပါတ်ချင်း လဲလှယ်ထားပါ။ တစ်အိမ်တွင် ထူးခြားမှုရှိပါက အချက်ပေးရန် ညှိနှိုင်းထားပါ။

အရေးပေါ်ဖုန်းများ-နီးစပ်ရာ လူမှုကူညီရေးအသင်းနှင့် ယုံကြည်ရသော အရေးပေါ်ဆက်သွယ်ရန် နံပါတ်များကို ဖုန်းထဲတွင် အဆင်သင့်သိမ်းထားပါ။

⚠️ ၅။ အရေးကြီးဆုံးအချက်

အသက်ကို ပထမထားပါ-အကယ်၍ လုယက်မှုနှင့် ရင်ဆိုင်ရပါက ပစ္စည်းအတွက်နှင့် အသက်ကို ရင်းပြီး မတုံ့ပြန်ပါနှင့်။ မိမိအသက်ဘေးကင်းရေးကိုသာ ပထမဦးစားပေးပါ။

#AdminTeam
#Eagle Information Operator
#EIO (ဆက်သွယ်ရေးနှင့်သတင်းပြန်ကြား‌ရေး)
👉🏻 @EIO2021_bot | @EagleInformationOperator_bot
👉🏻 eagleinformationoperators@gmail.com
🔵 https://www.facebook.com/eagleinformation
🌐 t.me/eagleinformationoperator

#EIO #PublicSafety #Myanmar #SecurityTips #StaySafe

⁨📷⁩ ⁨📷 ⁨Reshare Campaign post 5
ပြန်လည်မျှဝေတဲ့လှုပ်ရှားမှု ပို့စ် ၅

ဆေးရုံတွေ၊ ကျန်းမာရေးစင်တာတွေဆိုတာ လူတွေ အသက်ရှင်ဖို့ နောက်ဆုံးမျှော်လင့်ချက်တွေ ရှိနေတဲ့နေရာတွေပါ။ နာမကျန်းသူတွေ ကုသခံဖို့၊ အသက်ကို ကယ်တင်ဖို့ သွားကြတဲ့ နေရာတွေပါ။

ဒါပေမယ့် မြန်မာနိုင်ငံမှာတော့ အာဏာလုယူထားတဲ့ စစ်အုပ်စုက ဆေးကုသခံယူလို့ရတဲ့ နေရာတွေကို ပစ်မှတ်ထား တိုက်ခိုက်နေပါတယ်။ လူနာတွေ ရှိနေလျက်၊ ဆရာဝန်တွေ ကုသနေတယ်ဆိုတာ သိလျက် လေကြောင်းကနေ ဗုံးကြဲ သ၊တ်ဖြတ်နေပါတယ်။

၂၀၂၅ ဒီဇင်ဘာ ၁၀ ရက်နေ့မှာ ရခိုင်ပြည်နယ် မြောက်ဦးမြို့နယ်က ဆေးရုံတစ်ခုကို လေကြောင်းတိုက်ခိုက်မှု ပြုလုပ်ခဲ့ပြီး အရပ်သား ၃၃ ယောက် သေဆုံးခဲ့ပါတယ်။ အမျိုးသား ၁၆ ယောက်၊ အမျိုးသမီး ၁၆ ယောက်နဲ့ ကလေးတစ်ယောက် ပါဝင်ပါတယ်။ ထို့အပြင် လူ ၄၁ ယောက် ဒဏ်ရာရရှိခဲ့ပါတယ်။

ဒုတိယအများဆုံးဖြစ်စဉ်ကတော့ ရခိုင်ပြည်နယ် ပေါက်တောမြို့နယ်မှာ ဖြစ်ပြီး အရပ်သား ၁၂ ယောက် သေဆုံးခဲ့ပါတယ်။ ကလေး ၄ ယောက်ပါဝင်ပြီး လူ ၁၀ ယောက် ဒဏ်ရာရခဲ့ပါတယ်။

တတိယအများဆုံးဖြစ်စဉ်က စစ်ကိုင်းတိုင်း ကလေးမြို့နယ်မှာ ဖြစ်ပြီး အရပ်သား ၁၁ ယောက် သေဆုံးခဲ့ပြီး ၃၁ ယောက် ဒဏ်ရာရခဲ့ပါတယ်။

ဒီဖြစ်စဉ်တွေဟာ မတော်တဆ မဟုတ်ပါဘူး။
ကုသရေးနေရာတွေကို အစဉ်တကျ သတ်မှတ်ပြီး တိုက်ခိုက်နေတဲ့ စစ်ရာဇဝတ်မှုတွေ ဖြစ်ပါတယ်။

ဒီနိုင်ငံမှာ ဆေးရုံတွေဟာ လုံခြုံမှုမရှိပါ။ ဆေးကုသခွင့် ရရင်တောင် အန္တရာယ်ကြားထဲမှာပါ။ အသက်ကယ်တင်ရမယ့်နေရာတွေက အသက်ဆုံးရှုံးရတဲ့နေရာတွေ ဖြစ်လာနေပါတယ်။

အခုထိ ဆက်လက်ဖြစ်ပွားနေသော လောင်စာဆီအကျပ်အတည်းကြားတွင် စစ်အုပ်စုဟာ အရပ်သုံးလောင်စာဆီတွေ သိမ်းယူပြီး ဒီလို လေကြောင်းတိုက်ခိုက်မှုတွေ ဆက်လက်လုပ်ဆောင်နေပါတယ်။

ဒါကြောင့် အာဆီယံအပါအဝင် နိုင်ငံတကာအစိုးရတွေအနေနဲ့ ဒီလို စစ်ရာဇဝတ်မှုတွေကို ချက်ချင်း ရပ်တန့်နိုင်အောင် အရေးယူမှုတွေ လုပ်ဆောင်ရမှာ ဖြစ်ပါတယ်။ မင်းအောင်လှိုင်ရဲ့ စစ်တပ်နောက်ခံ အတုအယောင်လွှတ်တော်ကို မြန်မာနိုင်ငံရဲ့ တရားဝင်အစိုးရတရပ်အနေနဲ့ လုံးဝ (လုံးဝ) အသိအမှတ်မပြုဘဲ ထိရောက်မှုရှိတဲ့ အရေးယူမှုမျိုး ချမှတ်ရမှာ ဖြစ်ပါတယ်။ စစ်အုပ်စုကို ပံ့ပိုးနေတဲ့ ငွေ၊ လက်နက်၊ လောင်စာဆီနဲ့ နည်းပညာ အားလုံးကို ချက်ချင်း ဖြတ်တောက်ရပါမယ်။

#ReshareCampaign
#SanctionAviationFuel #Airstrikes #Schools #Hospitals
#WhatsHappeningInMyanmar
#BMC #NLTA #ANB
#BloodMoneyCampaignMM⁩

လွန်ခဲ့သော တစ်နှစ်ခန့် ၂၀၂၅ ခုနှစ်က စစ်ကိုင်းတိုင်း၊ မုံရွာ၊ နမခ အတွင်း၌ အကြမ်းဖက်စစ်ကောင်စီ၏ ကျွန်များသည် ဒရုန်းနည်းပညာများကို အပတ်တကုတ် လေ့ကျင့်နေခဲ့ကြောင်းကို #Nas လေကြောင်းရန်ကြိုတင်သတင်းပေးချန်နယ်နှင့် မိမိတို့ #EIO ပူးပေါင်း၍ အများပြည်သူ သိရှိစေရန်အတွက် ဖော်ထုတ်တင်ပြခဲ့ကြပါသည်။ ထိုစဉ်က ရည်မှန်းချက်မှာ စစ်ရေးအရ အသုံးပြုရန်ဟု ထင်မှတ်ရသော်လည်း၊ ယခုနှစ် ၂၀၂၆ ခုနှစ်၊ နှစ်စမှစ၍ ထိုလေ့ကျင့်မှုများ၏ ရလဒ်သည် အရပ်သားပြည်သူများ နေထိုင်ရာ ဒေသများသို့ တိုက်ရိုက်ဦးတည်လာခဲ့သည် ကို ထင်ရှားစွာ တွေ့မြင်နေရပါသည်။

ယခုအခါ စစ်ကိုင်းတိုင်းအတွင်းရှိ ကျေးရွာများ၊ စာသင်ကျောင်းများနှင့် ဘာသာရေးအဆောက်အအုံများသည် အဆိုပါ အကြမ်းဖက် စစ်ကောင်စီ ဒရုန်းများ၏ ပစ်မှတ်များ ဖြစ်လာပါသည်။

📉 လက်ရှိဖြစ်ပေါ်နေသော အခြေအနေဆိုးများ။

🚀 တိုက်ခိုက်မှုအကြိမ်ရေ စိပ်လာခြင်း။

ယခင်ကထက် ပိုမိုများပြားသော ဒရုန်းအုပ်စုများဖြင့် နေ့ညမရွေး တိုက်ခိုက်လာခြင်း။

💥 တိကျမှုထက် ဖျက်ဆီးမှုကို ဦးတည်ခြင်း။

စစ်ရေးပစ်မှတ် မဟုတ်သော အပြစ်မဲ့ပြည်သူများရှိရာကို ပစ်မှတ်ထား၍ ဗုံးကြဲတိုက်ခိုက်ခြင်း။

❌ နည်းပညာအမှားသုံးခြင်း။

လေ့ကျင့်သားရလာသော အကြမ်းဖက် စစ်ကောင်စီ၏ ဒရုန်းတပ်ဖွဲ့များသည် စစ်မြေပြင်ထက် စစ်ဘေးရှောင်စခန်းများနှင့် အရပ်သားများအပေါ်တွင် ၎င်းတို့၏ စွမ်းရည်ကို အလွဲသုံးစား ပြုလုပ်လာခြင်း။

😨 ပြည်သူတို့၏ အသက်အန္တရာယ်နှင့် စိုးရိမ်မှု။

မုံရွာ၊နမခမှ ဒရုန်းတစ်စီး ပျံတက်တိုင်း "ဘယ်ရွာကို ပစ်မှတ်ထားမလဲ"၊ "ဘယ်သူ့အိမ်ပေါ် ကျမလဲ" ဆိုသည့် စိုးရိမ်စိတ်ဖြင့် ပြည်သူများ နေ့စဉ် ဖြတ်သန်းနေရပါသည်။

လေ့ကျင့်ရေးအဆင့်မှသည် လက်တွေ့လူသတ်လက်နက်အဆင့်သို့ ကူးပြောင်းလာသော ဤလုပ်ရပ်များသည် နိုင်ငံတကာ စစ်ဥပဒေများကို ပြောင်ပြောင်တင်းတင်း ချိုးဖောက်နေခြင်းပင် ဖြစ်သည်။

📢 သတိပေးချက်နှင့် တိုက်တွန်းချက်။ (Safety Tips)⚠️

စစ်ကိုင်းတိုင်းနှင့် မုံရွာနယ်တစ်ဝိုက်ရှိ အရပ်သားပြည်သူများအနေဖြင့် ဒရုန်းအန္တရာယ်ကို အမြဲမပြတ် သတိပြုကြရန် အလေးအနက် တိုက်တွန်းအပ်ပါသည်။

👂 ဒရုန်းသံကြားရပါက။

လုံခြုံသော နေရာများ သို့မဟုတ် ဗုံးခိုကျင်းများတွင် အမြန်ဆုံး ခိုလှုံပါ။

📡 သတင်းပေးပို့ပါ။

ထူးခြားသော လေကြောင်းလှုပ်ရှားမှုများကို မြင်တွေ့၊ကြားရှိပါက သက်ဆိုင်ရာ သတင်းကွန်ရက်များသို့ မိဘပြည်သူများအနေဖြင့် အချိန်နှင့်တပြေးညီ သတင်းပေးပို့ကြပါ။

🚫 ရှောင်ကြဉ်ပါ။

လူစုလူဝေး ပြုလုပ်ခြင်းနှင့် ကွင်းပြင်များတွင် နေထိုင်ခြင်းကို တတ်နိုင်သမျှ ရှောင်ကြဉ်ပါ။

"မိဘပြည်သူများ အနေဖြင့် ကျန်းမာပြီး ဘေးကင်းကြပါစေ"🙏🏻

#Eagle_Information_Operator #EIO #Monywa #DroneAttack #Sagaing #StopKillingCivilians #MyanmarCrisis #NationalAirSpace #News #SaveSagaing #WhatsHappeningInMyanmar

အာဏာသိမ်းကာလရဲ့တိုက်ပွဲများအတွင်း အပြစ်မဲ့အရပ်သားပြည်သူများနှင့် တော်လှန်ရေးရဲဘော်များသည် စစ်ကောင်စီ၏အကြမ်းဖက်လုပ်ရပ်များ၊ စိတ်ဒဏ်ရာရစေသည့် အဖြစ်အပျက်များမျိုးစုံကို ရင်ဆိုင်ကျော်လွှားနေကြရခြင်းဖြစ်ပါသည်။

ယခုလိုအခြေအနေမျိုးတွင် မိဘပြည်သူများနှင့် တော်လှန်ရေးရဲဘော်များအနေဖြင့် စိတ်ရော၊လူပါကျန်းမာနေစေဖို့များစွာလိုအပ်ပါသည်။

⏰စိတ်ကျန်းမာစေဖို့အတွက်အချိန်ပေးပါ✨

၁။ အချင်းချင်းအပြန်အလှန် ချီးကျူးပါ။

၂။ တရေးတမောအိပ်စက်အနားယူပါ။

၃။ သီချင်းနှင့်ဂီတ နားထောင်ပါ။

၄။ တစ်နေ့တာဒိုင်ယာရီထဲ မှတ်စုရေးပါ။

၅။ သတင်းနှင့်မိတ်ဆွေများ အဆက်အသွယ်မပြတ်ပဲ အမြဲရှိနေပေးပါ။

၆။ ရေများများသောက်ပေးပါ။

၇။ ဘာမှမစားပဲမနေပါနဲ့ အားရှိအောင်စားပါ။

"မိဘပြည်သူများအားလုံး ဘေးအန္တရာယ်ကင်းရှင်းပြီး ကျန်းမာကြပါစေ"🙏

#Admin_Team
#Eagle_Information_Operator
#EIO (ဆက်သွယ်ရေးနှင့်သတင်းပြန်ကြားရေး)

🚨 အရေးကြီး သတိပေးချက် 🚨

⚠️ မုံရွာ - စစ်ကိုင်း - မန္တလေး လမ်းပိုင်း ခရီးသွားလာ ပြည်သူများ အထူးသတိပြုရန်။

နှစ်စဉ်သင်္ကြန်ကာလ ဖြစ်သော ဧပရယ်လသည် (မုံရွာ - စစ်ကိုင်း - မန္တလေး) လမ်းမကြီး တစ်လျှောက်တွင် အကြမ်းဖက် စစ်ကောင်စီမှ လုံခြုံရေးအခြေအနေများ ပိုမိုတင်းမာမှုများရှိပါသည်။

မြေပြင်သတင်းရင်းမြစ်များ၏ အဆိုအရ အကြမ်းဖက်စစ်ကောင်စီ အထိုင်ဂိတ်များနှင့် လမ်းပိုင်းကင်းများတွင် တစ်နယ်တစ်ကျေးမှ အလုပ်လုပ်ကိုင်ပြီး မိမိမွေးရပ်မြေသို့ ပြန်လာ‌ကြ‌သော လူငယ်၊ လူရွယ်များကို အဓိက ပစ်မှတ်ထား၍ ပေါ်တာဆွဲခြင်းနှင့် ဖမ်းဆီးစစ်ဆေးခြင်းများ ခပ်စိပ်စိပ် ပြုလုပ်နေကြောင်း သိရှိရပါသည်။

အကြမ်းဖက် စစ်ကောင်စီမှ စစ်မှုထမ်းရန် အဓမ္မဖမ်းဆီးခြင်းခံရသော လူငယ်၊လူရွယ်များ၏ မိခင်များ၊ဆွေမျိုးပေါက်ဖော်များမှ ငိုကြွေးသံများနှင့် မိမိတို့ #EIO_Admin_Team ထံသို့ ရင်ဖွင့်ပြောဆိုမှုများကိုလည်း အလွန်ပင် ထပ်တူဝမ်းနည်းခြင်းဖြစ်မိပါသည်။

⚠️မဖြစ်မနေ ခရီးသွားလာ‌နေကြရပါသော မိဘပြည်သူ၊ညီအစ်ကို‌မောင်နှမများအနေဖြင့် အောက်ပါ "ဆောင်ရန်/ရှောင်ရန်" အချက်များကို အထူးဂရုပြု လိုက်နာကြပါရန် အသိပေးနှိုးဆော်အပ်ပါသည်။🙏🏻

🛡️ ဆောင်ရန်များ။ (Do's)

🔷သတင်းကြိုတင်နားစွင့်ပါ။

ခရီးမထွက်ခွာမီ လမ်းကြောင်းပေါ်ရှိ မြေပြင်အခြေအနေနှင့် ဂိတ်များ၏ အခြေအနေကို သတင်းပြန်ကြားရေး Page များ၊ချန်နယ်များနှင့် သက်ဆိုင်ရာ နယ်မြေခံများတွင် အမြဲမပြတ် စစ်ဆေးပါ။

🔷မှတ်ပုံတင်ဆောင်ထားပါ။

မလိုအပ်ဘဲ စစ်ဆေးမေးမြန်းခံရမှု သက်သာစေရန် မိမိ၏ မှတ်ပုံတင် (မူရင်း) ကို အမြဲဆောင်ထားပါ။

🔷ဖုန်းအတွင်းရှိ အချက်အလက်များရှင်းလင်းပါ။

ဖုန်းထဲတွင် အရေးကြီးသည့် အချက်အလက်များ၊ ဓာတ်ပုံများနှင့် လူမှုထူးခြားဖြစ်စဉ်နှင့် ပတ်သက်သည့် အကြောင်းအရာများကို ကြိုတင်ရှင်းလင်းထားပါ။

🔷လူစုလူဝေးဖြင့် သွားလာပါ။

ဖြစ်နိုင်ပါက တစ်ဦးတည်းသွားလာခြင်းထက် မိသားစု (သို့မဟုတ်) ယုံကြည်စိတ်ချရသည့် အဖွဲ့အစည်းများဖြင့် သွားလာပါ။

⚠️ ရှောင်ရန်များ။ (Don'ts)

♦️ညဘက်ခရီးမသွားပါနှင့်။

မဖြစ်မနေကိစ္စမှလွဲ၍ ညဦးပိုင်းနှင့် ညဖက် ခရီးသွားလာခြင်းကို အပြည့်အဝ ရှောင်ကြဉ်ပါ။

♦️ယူနီဖောင်း/စစ်ဘက်သုံးပစ္စည်းများ ရှောင်ပါ။

စစ်ဘက်နှင့် ဆက်စပ်နိုင်သည့် အရောင်များ (ဥပမာ- သံလွင်ရောင်၊ ကာကီရောင်) နှင့် အဝတ်အစားများကို ဝတ်ဆင်ခြင်းမှ ရှောင်ကြဉ်ပါ။

♦️စကားအပြောအဆို ဆင်ခြင်ပါ။

ခရီးသွားစဉ်အတွင်း ဘေးပတ်ဝန်းကျင်ရှိ မသိကျွမ်းသူများနှင့် နိုင်ငံရေး၊ လုံခြုံရေးဆိုင်ရာ ကိစ္စရပ်များကို ဆွေးနွေးခြင်း မပြုပါနှင့်။

♦️စစ်ကောင်စီ၏ စစ်ဆေးရေးဂိတ်များတွင် မတွန့်ဆုတ်ပါနှင့်။

စစ်ကောင်စီ၏ စစ်ဆေးရေးဂိတ်များသို့ ရောက်ရှိပါက ပုံမှန်အတိုင်း တည်ငြိမ်စွာ ဆက်ဆံပါ။ တုံ့ဆိုင်းနေခြင်းက ပိုမိုသံသယပွားစေနိုင်ပါသည်။

🛑 [STOP] - မလိုအပ်ဘဲ ခရီးသွားလာခြင်းကို ခေတ္တဆိုင်းငံ့ထားကြပါ။‼️

✨ခရီးသွားမိဘပြည်သူ ညီအကို မောင်နှမများအားလုံး ဘေးအန္တရာယ်ကင်းရှင်းစွာဖြင့် မိမိတို့၏ ခရီးစဉ်များကို အဆင်ပြေချောမွေ့စွာ သွားလာနိုင်ကြပါစေကြောင်း မိမိတို့ #EIO_Admin_Teamမှ ဆုမွန်ကောင်းတောင်းအပ်ပါသည်။🙏🏻

#Admin_Team
#Eagle_Information_Operator
#EIO (ဆက်သွယ်ရေးနှင့် သတင်းပြန်ကြားရေး)

🔵 https://www.facebook.com/eagleinformation
🌐 https://t.me/eagleinformationoperator

#Eagle_Information_Operator #EIO #GroundInfo #EmergencyAlert #CivilianMilitaryServiceLaw #MilitaryServiceTraining #UnlawfulArrest #HumanRightsViolation #Public_Safety #TravelSafely

⚜️စစ်မှန်သော အောင်နိုင်သူ⚜️

အဓမ္မ က လက်ရုံးရည် သုံးပြီး
အုတ်တံတိုင်းတွေ မြင့်အောင် ခတ်ထားပါစေ...
ဓမ္မ ကတော့ နှလုံးရည် သုံးပြီး
လူတွေရဲ့ ရင်ဘတ်ထဲမှာ အမြစ်တွယ်တတ်တယ်။

ဟိန်းဟောက်သံတွေနဲ့ မတရားမှု က
ခဏတာ ကြောက်လန့်အောင် ခြောက်နိုင်ပေမဲ့
ငြိမ်သက်ခြင်းနဲ့ တရားမျှတမှု က
ထာဝရ တည်တံ့တဲ့ အင်အားကို ပေးစွမ်းတယ်။

လက်နက်နဲ့ နိုင်တာဟာ... ခေတ္တ
လက်ခံမှုနဲ့ နိုင်တာဟာ... ထာဝရ။
သံကွင်းစပ်တွေ ဘယ်လောက် ခိုင်မြဲပါစေ
အမှန်တရားရဲ့ လွှစာရှေ့မှာတော့
တဖြည်းဖြည်းနဲ့ ကြေမွသွားရမှာပဲ။

မတရားမှုကို တရားနဲ့ နှိမ်နင်းဖို့
နှလုံးသားမှာ သစ္စာ ကို လက်နက်လုပ်
အမှောင်ထုကို အလင်းနဲ့ ဖြိုခွဲဖို့
လက်ထိပ်မှာ ပညာ ကို ဆီမီးထွန်း။

အမှန်တရားဟာ နေမင်းကြီးလိုပဲ
တိမ်တိုက်တွေ ခဏဖုံးလို့ ညှိုးငယ်ရပေမဲ့
အချိန်တန်ရင်တော့...
ကမ္ဘာမြေကို အလင်းပြန်ပေးဖို့ အောင်ပွဲခံလာလိမ့်မယ်။

#Admin Team
#EagleInformationOperator
#EIO (ဆက်သွယ်ရေးနှင့်သတင်းပြန်ကြားရေး)