EIO (ဆက်သွယ်ရေးနှင့်သတင်းပြန်ကြားရေး)

Forwarded from EIO (ဆက်သွယ်ရေးနှင့်သတင်းပြန်ကြားရေး)

🚨လေကြောင်းအန္တရာယ် သတိပေးချက်🚨

ယနေ့အခြေအနေတွင် လေကြောင်းတိုက်ခိုက်မှုအန္တရာယ်များသည် ဆိုရှယ်မီဒီယာပေါ် တင်ထားသည့် အချက်အလက် ဓာတ်ပုံ/ဗီဒီယိုများမှ တဆင့် ခြေရာခံမိခြင်းကြောင့် ဖြစ်ပွားတာ အများစု ဖြစ်ပါသည်။

မိဘပြည်သူများနှင့် တလရအဖွဲ့အစည်စည်းထဲမှ ရဲဘော်များ၊Facebook Pageနှင့်Channel Admin များအားလုံး မိမိတင်လိုက်သော ပုံများနှင့်ပို့စ်တစ်ခုသည် တည်နေရာပေါက်ကြားနိုင်တာကို သိရှိထားပြီး သတိထားအသုံးပြုနိုင်အောင် အောက်ပါအချက်တွေကို မျှဝေပေးလိုက်ပါသည်။

🚨တည်နေရာ ဘယ်လိုပေါက်ကြားသလဲ❓

(၁) ဓာတ်ပုံထဲမှာ ဖုန်းအချက်အလက် ပါနေတတ်ပါသည်။

ဖုန်းနဲ့ရိုက်သည့် ဓါတ်ပုံတွေမှာ #GPS / ရိုက်ချိန် / ဖုန်းမော်ဒယ် စတဲ့ #Metadata ပါနေ တတ်ပါသည်။ #Original ဓါတ်ပုံကို တိုက်ရိုက် တင်ရင် တည်နေရာ ထွက်နိုင်ပါသည်။

(၂) နောက်ခံပုံစံကနေမှ တဆင့် မည်သည့်ဒေသ၊မည်သည့်နေရာဆိုတာကို ခန့်မှန်းနိုင်ပါသည်။

တောင်တန်း၊ လမ်းပုံစံ၊ အဆောက်အဦး၊ ဆိုင်းဘုတ်စာလုံး၊နေရောင်အရိပ်၊ မိုးလေဝသအခြေအနေ စသည့် ဓါတ်ပုံတစ်ပုံတည်းဖြင့် ဒေသအနီးစပ်ဆုံးကို ခန့်မှန်းနိုင်ပါသည်။

(၃) #Caption / #Comment / #Profile ဆက်စပ်မှု။

#Caption မှ စာကြောင်းတစ်ကြောင်းနှင့် #Comment တွေမှာ ထပ်ဖြည့်ပေးကြသည့် အချက်အလက်များကိုလည်း ခြေရာခံနိုင်ပါသည်။ အရင်ကတင်ထားသည့် ပုံတွေကို ဆက်စပ်ကြည့်ခြင်းဖြင့်လည်း ပို့စ်တစ်ခု(မဟုတ်ဘဲ) #Profile တစ်ခုလုံးကနေ ခြေရာခံနိုင်ပါသည်။

🚨 မတင်ခင် သတိထားရမယ့် အရေးကြီးသည့် အချက်များ🚨

⚠️ (၁) Metadata ကို ဖျက်ပြီးမှ တင်ပါ။Screenshot လုပ်ပြီးမှ တင်ပါ။

Facebook / Telegram / Signal မှာ တင်ပါ (Metadata ကို ဖျက်ပေးတတ်)။

ဖုန်းထဲက "Remove location info" ကို သုံးပါ။

⚠️ (၂) နောက်ခံကို စစ်ဆေးပါ။

❌ မတင်သင့်။

တောင်၊ လမ်း၊ တံတား၊ အဆောက်အဦး ထင်ရှားသည့် ဓါတ်ပုံများ၊
ဆိုင်းဘုတ်၊ စာလုံး ပါနေသည့် ဓါတ်ပုံများ၊

✅ လုပ်သင့်။

ဓါတ်ပုံများ နောက်ခံကို #Blur ထား၍ပြုပြင်ပါ၊ #Plain wall / အရောင်တစ်ခုတည်းထားခြင်း၊ #AI နည်းပညာဖြင့် #Background ပုံစံ အမျိုးမျိုးပြောင်းပါ၊

⚠️ (၃) #Caption ကို သတိထားရေးပါ။

❌ မရေးသင့်။

“ဒီနေ့ _ နေရာမှာ” “အခုလက်ရှိ _”။

✅ လုပ်သင့်။

နေရာ/အချိန် - မဖော်ပြရပါ။
အတိတ် tense သုံးပါ။ ("အရင်က…")

⚠️ (၄) Live / Real-time မလုပ်ပါနှင့်။

Live ထုတ်လွှင့်ခြင်းသည် တည်နေရာကို ချက်ချင်းပေါက်ကြားစေပါသည်။
စကစ၏ လက်နက်ကြီးပစ်ခတ်မှု၊လေကြောင်းတိုက်ခိုက်မှုပြုလုပ်ပြီး ကျရောက်သည့်နေရာအတိအကျများကို အချိန်နှင့်တပြေးညီ မလိုအပ်ပဲအင်တာဗျူးခြင်း၊ဓါတ်ပုံများဖြန့်ဝေခြင်း မပြုလုပ်ရပါ။ဖြစ်ရပ်တစ်ခုပြီးမှ အချိန်နောက်ကျပြီးမှ တင်ပါ။ဖြန့်ပါ။

🚨 Facebook Page၊ Telegram Channel Admin များအတွက်
အထူးသတိထားဖို့ရန်မှာ Original photo/video ကို မတင်ပါနှင့်။

⚠️ Re-encode / Screenshot / Compress လုပ်ပြီးမှ တင်ပါ။တစ်နေရာတည်းက ပုံများ ဆက်တိုက်မတင်ပါနှင့်။Admin အားလုံးသည် Location မတူအောင် သုံးကြပါ။

🚨အထူးသတိပြုရန်🚨

⚠️ “Public မှာ တင်လိုက်သည့် အကြောင်းအရာ အချက်အလက်တိုင်းကို ရန်သူကလည်း စောင့်ကြည့်နေတယ်” ဆိုတာကို ‌မမေ့လျော့ကြပါနှင့်။ မိမိရန်သူကို အထင်လည်းမကြီးရသလို လျော့လည်းမတွက်သင့်ပါ။

⚠️ တလရ အဖွဲ့အစည်းများအနေနှင့်လည်း လုံခြုံရေးအသိ၊ လုံခြုံရေးသတိရှိကြပြီး မိမိတို့ ရဲဘော်များကို ကြပ်ကြပ်မတ်မတ် ကိုင်တွယ် ထိန်းသိမ်းကြပါ။

🔔 သတင်းသမားအမည်ခံယူထားပြီး သတင်းအလုပ် လုပ်ကိုင်နေကြသည့် မည်သူမဆို ကိုယ့်တာဝန် ကိုယ်သိပြီး စောင့်ထိန်းရမယ့်ကျင့်ဝတ်နှင့် လိုက်နာရမည့် စည်းကမ်းများကို ရှင်းလင်းပြတ်သားစွာ နားလည်နိုင်ကြဖို့ရန် လိုအပ်ပါသည်။

မိမိရဲ့ ပို့စ်တစ်ခု၊ မိမိရဲ့ ဓါတ်ပုံတစ်ပုံသည် စစ်‌ကောင်စီအား မသိမသာ သတင်းအချက်အလက်ပေးနေသည့် ပုံစံဖြစ်ပေါ်နေပြီး မိမိကိုယ်တိုင်ကိုသော်လည်းကောင်း၊မိမိဘေးနားက ပြည်သူများကိုသော်လည်းကောင်း၊တလရ ရဲဘော်များရဲ့ အသက်နှင့် အဖွဲ့အစည်းများကို အန္တရာယ်ကျရောက်စေနိုင်ပါသည်။

⚠️ မတင်မီ တစ်စက္ကန့်လောက် စဉ်းစားခြင်းသည် အသက်များကို ကာကွယ်နိုင်ပါသည်။။

#SBO-(24) ၏ အချက်အလက်များကို ကိုးကား၍ လက်ရှိမြေပြင်အခြေနေများနှင့်သုံးသပ် ပေါင်းစပ်ပြီး မိမိတို့ #EIO (ဆက်သွယ်ရေးနှင့်ပြန်ကြားရေး)မှ မိဘပြည်သူအပေါင်းနှင့် တလရရဲဘော်များ ဘေးကင်းကြစေဖို့ရန် တင်ပြလိုက်ပါသည်။

#Admin_Team
#Eagle_Information_Operator
#EIO (ဆက်သွယ်ရေးနှင့်သတင်းပြန်ကြားရေး)
https://t.me/eagleinformationoperator
https://www.facebook.com/eagleinformation
https://www.x.com/Eagleeio