🚨မုံရွာ-ချောင်းဦး🚨

(မုံရွာတောင် -‌ ချောင်းဦး) လမ်းမကြီးတလျှောက်တွင် စခများသည် လမ်းပိုင်းအလိုက် ကင်းပုန်းများချကာ နေရာယူထားပြီး ခြေရှုပ်နေကြောင်း သတင်းရရှိထားပါသည်။

ခရီးသွားမိဘပြည်သူများအနေဖြင့် အဆိုပါလမ်းပိုင်းကို အသုံးပြုရာတွင် အထူးဂရုစိုက်ကြပါရန်နှင့် ဘေးကင်းလုံခြုံရေးကို ဦးစားပေးကြပါရန် အနူးအညွတ် မေတ္တာရပ်ခံအပ်ပါသည်။

#AdminTeam
#Eagle_Information_Operator
#EIO (ဆက်သွယ်ရေးနှင့်သတင်းပြန်ကြား‌ရေး)
📲 သတင်းပေးပို့ရန် -
👉🏻 @EIO2021_bot | @EagleInformationOperator_bot
👉🏻 eagleinformationoperators@gmail.com
🔵 https://www.facebook.com/eagleinformation
🌐 t.me/eagleinformationoperator

#EIO #PublicSafety #Monywa #SecurityTips #StaySafe

🛡️ အကြမ်းဖက် စစ်ကောင်စီ၏ Thermal (အပူဖမ်း) Drone များအကြောင်း သိကောင်းစရာ 🛡️

အကြမ်းဖက် စစ်ကောင်စီတပ်များက UAV (Unmanned Aerial Vehicle) ကင်းထောက်ဒရုန်းများတွင် Thermal ကင်မရာများ တပ်ဆင်အသုံးပြုရခြင်းမှာ အဓိကအားဖြင့် "မျက်စိဖြင့် မမြင်နိုင်သော အခြေအနေများတွင် ပစ်မှတ်ကို ရှာဖွေရန်" ဖြစ်ပါသည်။

၎င်းတို့ကို အသုံးပြုရသည့် အဓိကအကြောင်းရင်း ( ၅ ) ချက်ကို သတိပြုနိုင်ရန် ဖော်ပြပေးလိုက်ရပါသည်။

📍 ၁။ ညပိုင်းလှုပ်ရှားမှုများကို ထောက်လှမ်းရန် (Night Surveillance)။

🌑 သာမန်ကင်မရာများသည် အလင်းရောင်မရှိလျှင် မမြင်ရသော်လည်း Thermal ကင်မရာသည် အလင်းကို အသုံးမပြုဘဲ အပူလှိုင်း (Infrared) ကိုသာ ဖမ်းယူခြင်းဖြစ်သည်။

🚫 ထို့ကြောင့် လုံးဝမှောင်မည်းနေသော ညဉ့်သန်းခေါင်အချိန်များတွင် လူ၊ တိရစ္ဆာန်နှင့် စက်ပစ္စည်းများ၏ ရွေ့လျားမှုကို အဖြူရောင် သို့မဟုတ် အဝါရောင် အစက်အပြောက်များအဖြစ် အလွန်ကြည်လင်စွာ မြင်တွေ့နိုင်ပါသည်။

📍 ၂။ သစ်တောနှင့် ချုံနွယ်များအတွင်း ပုန်းအောင်းမှုကို ရှာဖွေရန်။

🌲 သာမန်မျက်စိဖြင့် ကြည့်ပါက သစ်ပင်ထူထပ်သောနေရာများတွင် လူရှိနေသည်ကို မမြင်နိုင်ပါ။ သို့သော် Thermal Drone သည် သစ်ရွက်များကြားမှ ထွက်လာသော လူခန္ဓာကိုယ်၏ အပူချိန်ကို ဖမ်းယူနိုင်သဖြင့် ပုန်းခိုနေသော စခန်းများ၊ ကင်းပုန်းများနှင့် လူအင်အား လှုပ်ရှားမှုများ ကို ကောင်းကင်ယံမှနေ၍ အလွယ်တကူ ရှာဖွေဖော်ထုတ်နိုင်ပါသည်။

📍 ၃။ ရာသီဥတု ဆိုးရွားချိန်တွင် အသုံးပြုနိုင်ခြင်း။

🌫️ မြူနှင်းများ ထူထပ်နေချိန်၊ မီးခိုးများ ဖုံးလွှမ်းနေချိန် သို့မဟုတ် မိုးဖွဲဖွဲရွာနေချိန်များတွင် သာမန်ဒရုန်းများ၏ မြင်ကွင်းသည် ဝါးသွားတတ်သည်။

🔥 Thermal စနစ်သည် မြူနှင့် မီးခိုးများကို ဖြတ်ကျော်၍ အပူရှိန်ရှိသော ပစ်မှတ်ကို မြင်နိုင်စွမ်းရှိသောကြောင့် စစ်ဆင်ရေးများတွင် အဆင်ပြေစွာ အသုံးပြုကြခြင်း ဖြစ်သည်။

📍 ၄။ လက်နက်နှင့် ယာဉ်ယန္တရားများကို ခြေရာခံရန်။

🔫 စက်သေနတ်များ၊ လက်နက်ကြီးများ ပစ်ခတ်ပြီးပါက ပြောင်းဝတွင် အပူရှိန် ကျန်ရှိနေတတ်သလို၊ ဆိုင်ကယ်နှင့် ကားများ စက်သတ်ထားသော်လည်း အင်ဂျင်အိုးမှာ ပူနေဆဲ ဖြစ်သည်။

🏍️ ဤအပူရှိန်များကို Thermal Drone က ထောက်လှမ်းနိုင်သဖြင့် လက်နက်ဝှက်ထားသည့် နေရာ သို့မဟုတ် ယာဉ်များ ရပ်နားထားသည့် နေရာ ကို အတိအကျ သိရှိနိုင်ပါသည်။

📍 ၅။ ပစ်မှတ်သတ်မှတ်ခြင်းနှင့် လမ်းညွှန်ခြင်း (Target Acquisition)။

🎯 ကင်းထောက်ဒရုန်းမှတစ်ဆင့် ရရှိလာသော Thermal ပုံရိပ်များကို အသုံးပြု၍ မြေပြင်ရှိ လက်နက်ကြီးတပ်ဖွဲ့များ သို့မဟုတ် လေကြောင်းတိုက်ခိုက်မှုများအတွက် ပစ်မှတ် (Coordinate) ပေးပို့ရန် အသုံးပြုသည်။ အထူးသဖြင့် ညဘက်တိုက်ခိုက်မှုများအတွက် ဤဒရုန်းများသည် "စစ်တပ်၏ မျက်လုံး" ကဲ့သို့ အလွန်အရေးပါသည်။

💡 နိဂုံးချုပ်သုံးသပ်ချက်။

အကြမ်းဖက် စစ်ကောင်စီသည် ဤနည်းပညာကို အသုံးပြု၍ လျှပ်တပြက် စီးနင်းတိုက်ခိုက်ခြင်း (Ambush) များမှ ရှောင်လွှဲရန်နှင့် တော်လှန်ရေးအင်အားစုများ၏ ညဘက် လှုပ်ရှားမှုများကို ကန့်သတ်ရန် ရည်ရွယ်ပါသည်။

#Scout_Drone_Thermal များနှင့် ပါတ်သတ်ပြီး လေ့လာတွေ့ရှိချက်များကို ဆက်လက်တင်ပြပေးသွားဦးမည် ဖြစ်ပါသဖြင့် ကျွန်ုပ်တို့၏ Page နှင့် Channel များကို Like & Follow လုပ်ထားနိုင်ပါသည်။

🔵 Facebook: https://www.facebook.com/eagleinformation
🌐 Telegram: https://t.me/eagleinformationoperator

#DroneSafetyTips #SurvivalTactics #StayHidden #CombatSurveillance #ThermalStealth #UAVDetection #DigitalDefense #FieldSecurity #CounterSurveillance #SafeMovement #ThermalProtection #Eagle_Information_Operator #EIO

⚜️ #EIO_Update_News

မုံရွာနယ် တောင်ခြမ်း၊ မအူဆီတန်းနှင့်‌တံတားဖြူသို့ ရောက်ရှိနေသော စခကင်းများသည် မအူဂိတ်သို့ ပြန်လည်ဝင်ရောက်သွားကြောင်း သတင်းရရှိထားပါသည်။

Mar 31, 3:18PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

⚜️ #EIO_Update_News

မုံရွာမြို့၊ ဇလုပ်အဝိုင်းပတ်တွင် စခများ ရောက်ရှိနေကြောင်း သတင်းရရှိထားပါသည်။။

မိဘပြည်သူများအနေဖြင့် အထူးဂရုစိုက်၍ သွားလာကြပါရန်🙏🏻

Mar 31, 4:13PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

⚜️ #EIO_Update_News

မုံရွာမြို့၊ ဇလုပ်အဝိုင်းပတ်တွင် ရောက်ရှိနေသော စခများသည် အီကိုကျောင်းအတွင်းသို့ ပြန်လည်ဝင်ရောက်သွားကြောင်း သတင်းရရှိထားပါသည်။။

Mar 31, 4:24PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

“လုံခြုံတယ်ဆိုတဲ့ ခံစားချက်”

🔳 Sense of security ဟာ လူတစ်ယောက်ရဲ့ စိတ်ကျန်းမာရေးအတွက် သိပ်အရေးကြီးတယ်လို့ မြင်မိတယ်။

ခုဆို တကမ္ဘာလုံး ဆီပြဿနာ ရင်ဆိုင်နေရတယ်။ ဒါပေမဲ့ ထိုင်းမှာ ရောက်နေတဲ့သူနဲ့ ပြည်တွင်းမှာ ကျန်နေခဲ့တဲ့သူရဲ့ စိတ်ခံစားချက်ချင်း မတူဘူး။ နိုင်ငံသား မဟုတ်တာတောင်မှ ဒီနယ်နိမိတ်ထဲ ရှိနေသူ ဖြစ်တဲ့အတွက် အစိုးရက အဆင်ပြေအောင် စီစဉ်ပေးမှာပဲ ဆိုတဲ့ စိတ်ချလုံခြုံမှုက ရှိနေတာ။ မှောင်ခိုပြန်ရောင်းမယ့်လူလည်း မရှိဘူး။ ဝစ်သောက်ကားက ဆီတွေ ဝင်ဖြည့်သွားတာလည်း မကြားမိဘူး။ မတန်တဆ ဈေးတင်ရင်လည်း အစိုးရက အရေးယူလိမ့်မယ် ဆိုပြီးတော့ပေါ့။

ပြည်တွင်းက လူတွေခမျာတော့ တူညီသော အခက်အခဲကို ရင်ဆိုင်နေရရင်တောင် အဲဒီခံစားချက် ရှိမနေဘူး။ ဒါကြောင့်လည်း စိတ်ပိုင်းဆိုင်ရာ ပိုပင်ပန်းရလိမ့်မယ်လို့ တွေးမိတယ်။

🔳 ကိုယ့်အနာဂတ်နဲ့ ပတ်သက်လို့လည်း စဉ်းစားကြည့်။ အရင်ကဆို ရှေ့ကို ခန့်မှန်းထားလို့ ရတယ်။ တွက်ချက်ထားလို့ ရတယ်။ အခုတော့ အများစုဟာ ဒီနေ့ အသက်ရှင်နေရင် ပြီးရော ဆိုတာမျိုးနဲ့ပဲ တစ်နေ့တာချင်းစီကို ဖြတ်သန်းနေရတယ်။ အနာဂတ်က ဘာမှ မှန်းဆထားလို့ကို မရဘူး။ ကြိုးစားလိုစိတ်တွေလည်း နည်းလာတယ်။ မျှော်လင့်ချက်ရယ်လို့လည်း ရှိမနေတော့ဘူး။

ကိုယ့်ဟာကိုယ်လည်း ပြန်တွေးမိတယ်။ ငါ အရင်လို ဘာလို့ မတက်ကြွတော့တာလဲ၊ အရင်လောက် လုပ်ချင်ကိုင်ချင်စိတ်တွေ မရှိတော့တာလဲဆို “Hopelessness” ကို သွားတွေ့ရတယ်။ မရေရာမှုတွေကနေ ဖြစ်လာတဲ့ ခံစားချက်ပေါ့။ ဒါကြောင့်လည်း Sense of security က သိပ်အရေးကြီးတယ်လို့‌ ပြောတာ။

🔳 ပြည်တွင်းက လူတွေ၊ အထူးသဖြင့် မတည်ငြိမ်နေတဲ့ အရပ်ဒေသက ပြည်သူတွေဆိုရင်တော့ အနာဂတ် မပြောနဲ့။ ကိုယ့်အသက်တောင် မရေရာဘူး။ ဘယ်နေ့ ဘယ်တော့ မတရား ဖမ်းဆီးခံရမလဲ ပူပန်နေရတယ်။ ညအိပ်ရင်တောင် ဖြောင့်ဖြောင့်မအိပ်ရဲဘူး။ အိပ်နေတုန်း ဘဝကူးသွားရမှာစိုးလို့။

စီးပွားရေးတွေက ကြပ်တည်းလာ၊ ဥပဒေစိုးမိုးမှုကလည်း မရှိလေတော့ အမှုအခင်းတွေ ပေါလာတယ်။ နေ့ခင်းကြောင်တောင်တောင် အလုအယက် ခံရတဲ့ သတင်းတွေ ခပ်စိပ်စိတ် ကြားလာရတယ်။

ပြောရရင် ပညာရေး၊ အလုပ်အကိုင်၊ ငွေကြေး၊ ဘဝအနာဂတ်၊ နေထိုင်ရတဲ့ ပတ်ဝန်းကျင်၊ နောက်ဆုံး အသက်ကအစ လုံခြုံမနေတဲ့ အနေအထားမျိုးမှာ ရှိနေကြရတာ။ ဒီပင်ပန်းမှုတွေဟာ ဘယ်လောက်တောင် လေးလံမလဲ တွေးကြည့်လို့တောင် မရဘူး။

🔳 တစ်ခါ လူမှုအကူအညီ (Social Support) နဲ့ ပတ်သက်ရင်လည်း အဲဒီလိုပဲ။ အရင်ကဆို ကိုယ် အဆင်မပြေရင် ကူညီမယ့်သူတွေ ရှိသေးတယ်။ ခုကကျ သူလည်း ဒုက္ခရောက်၊ ကိုယ်လည်း ဒုက္ခရောက်နေတာမို့ ဘယ်သူ့ ဘယ်သူကမှ မကူညီနိုင်ကြဘူး။ ငါ အဆင်မပြေရင် တစ်ယောက်ယောက်တော့ ရှိမှာပဲ ဆိုတဲ့ စိတ်လုံခြုံမှုပါ ပျောက်လာကြတာ။

ငွေကြေးအကူအညီကို ခဏထားလိုက်ဦး။ တစ်ယောက်ယောက်ဆီ ရင်ဖွင့်ဖို့တောင် မလွယ်တော့ဘူး။ အပူကိုယ်စီနဲ့မို့ သွားမပြောရက်တော့တာပေါ့။ ဆိုရှယ်မီဒီယာပေါ် တက်လိုက်ပြန်တော့လည်း အပူကိုယ်စီနဲ့ လူတွေ သုံးနေကြတာမို့ တစ်ယောက်ကိုတစ်ယောက် ဖေးမတာတွေ၊ စာနာတာတွေ အရမ်းနည်းလာတယ်။ အပြစ်တင်တာ၊ ထေ့ငေါ့တာတွေပဲ မြင်နေကြရတယ်။ အဲဒီအခါ လုံခြုံတယ် ဆိုတဲ့ ခံစားချက်က ထပ်ပျောက်လာပြန်ရော။

🔳 ဒီလိုအခြေအနေမှာ စိတ်ကို အဆင်ပြေအောင် ထားနိုင်ဖို့ရာ တော်တော်လေး ခက်လာတယ်။ ကိုယ့်နိုင်ငံ အခြေအနေနဲ့တင် မဟုတ်ဘဲ ကမ္ဘာ့နိုင်ငံရေး အခြေအနေပါ ပါလာတာကိုး။ တစ်ရက် တစ်မနက်နဲ့ ပြေလည်သွားနိုင်တဲ့ အရာမျိုး မဟုတ်ဘူး။ ကြံဖန်ပြီး Sense of security ကို ရှာဖွေကြရမှာပါပဲ။

ကျွန်တော့်အတွက် အလုပ်ဖြစ်တဲ့ နည်းတွေကတော့ -

📌 ၁။ ကိုယ်ခံအား ကောင်းအောင်လုပ်ပါ။

ဘာကိုဆိုလိုတာလဲ ဆိုတော့ ရောဂါပိုးတစ်ခု ပျံ့ရင် ကိုယ်ခံအားကောင်းတဲ့သူက ဆိုးဆိုးရွားရွား သိပ်မဖြစ်ဘူး။ ခုလို စီးပွားရေးတွေ ထိခိုက်ရင် နဂိုက စုထားဆောင်းထား ရှိသူက ခံနိုင်ရည် ပိုရှိတယ်။

သဘောက ပညာရပ်တွေ သင်ယူမယ်၊ ကိုယ့် Skill တွေကို မြှင့်ထားမယ်၊ ငွေစုမယ်၊ မလိုဘဲ သုံးနေတာတွေ လျှော့မယ်ဆို၊ ကျန်းမာတဲ့ လူတစ်ယောက်က တော်ရုံရောဂါကို ရင်ဆိုင်နိုင်သလို၊ ကိုယ်ခံပညာ တတ်ကျွမ်းသူက တော်ရုံရန်သူကို မမှုတော့သလို၊ ကိုယ့်စိတ်မှာ လုံခြုံတယ်ဆိုတဲ့ ခံစားချက်ကလေး နည်းနည်းဖြစ်ဖြစ် ရလာလိမ့်မယ်။

📌 ၂။ ကိုယ်ထိန်းချုပ်လို့ရတာတွေကို အာရုံစိုက်။

ကျွန်တော်တို့ မတတ်နိုင်တဲ့အရာတွေ လောကမှာ တပုံကြီး။ စိုးရိမ်ပူပန်နေလို့သာ ပြေလည်စတမ်း ဆိုရင်တော့ ဒါတွေအကုန် ပြေလည်သွားတာ ကြာပြီပေါ့။

ကြောက်ရွံ့ခြင်း၊ စိုးရိမ်ခြင်း၊ စိတ်ဖိစီးခြင်း စတဲ့ Negative emotions တွေဟာ ဒီပြဿနာတွေ အရေးကြီးတယ် ဆိုတဲ့အကြောင်း ကိုယ့်ကို သတိပေးနေရုံအပြင် မပိုဘူး။ ဖြေရှင်းရမှာက ကိုယ်တိုင်ပဲ။

ဒါကြောင့် မတတ်နိုင်တာတွေကို အရမ်းတွေးမပူနဲ့။ သတင်းတွေလည်း လိုတာထက်ပိုပြီး မစားသုံးနဲ့။ ကိုယ့်ထိန်းချုပ်မှုအောက်မှာ ရှိနေတာတွေကို အဓိက အာရုံစိုက်။ ဒါဆို စိုးရိမ်ပူပန်တာတွေလည်း သက်သာသွားလိမ့်မယ်။

📌 ၃။ ပစ္စုပ္ပန်မှာ နေနိုင်အောင် ကြိုးစား

ကာလ ၃ ပါး ရှိတဲ့အထဲ အငြိမ်းချမ်းစေဆုံးက ပစ္စပ္ပုန်။ ထားရအခက်ဆုံးကလည်း ပစ္စုပ္ပန်ပဲ။ တွေးပူတယ် ဆိုတာ ဘာလဲ။ မရောက်သေးတဲ့ အနာဂတ်ကို စိတ်က သွားရောက်နေတာ။ အဲဒီကနေ ဖြစ်လာတဲ့ ခံစားချက်။

ဒါကြောင့် ပစ္စုပ္ပန်ကို ပြန်ပြန်ဆွဲခေါ်။ အချိန်ပြည့်တော့ တရားထိုင်မနေနိုင်ဘူး။ ဒါဖြင့် ဘာလုပ်လို့ရသလဲ။ ကိုယ့်အတွေးတွေကို တစ်ခုခုမှာ နစ်ဝင်နေပါစေ။ ကိုယ့်ဖုန်းနဲ့ သူ့ဖုန်း Engaged ဖြစ်နေရင် နောက်ဖုန်းက ခေါ်လို့မရဘူး။ ခုလည်း ဒီလိုပဲ။ ပန်းချီဆွဲတာ၊ စာရေးတာ၊ အနုပညာတစ်ခုခု ဖန်တီးတာ၊ သစ်ပင်စိုက်တာ စသဖြင့် တစ်ခုခုမှာ နစ်ဝင်နေတယ်ဆို တောင်တွေး မြောက်တွေး မတွေးမိတော့ဘူး။

တစ်ဖက်မှာလည်း Productive ဖြစ်သလို၊ အရှေ့ကို ရွေ့နေသလို၊ တိုးတက်နေသလို ခံစားလာရတယ်။ အဲဒီကနေတဆင့်လည်း လုံခြုံတယ်ဆိုတဲ့ ခံစားမှုကို ပေးနိုင်ပါတယ်။

📌 ၄။ တပါးသူတွေ စိတ်ချလုံခြုံမှုကို ပေးပါ။

If you are not feeling safe, make other people feel safe.

ကိုယ့်ပတ်ဝန်းကျင်က လူတွေကို ကိုယ့်အားဖြင့် လုံခြုံနေတယ်လို့ ခံစားရစေဖို့ပေါ့။

ကိုယ်နဲ့ တွဲဖက်အလုပ်လုပ်သူတွေကို ကိုယ်ဟာ ဘယ်တော့မှ နောက်ကျောကို ဓါးနဲ့ထိုးမယ့်သူ မဟုတ်ကြောင်း ခံစားနေရပါစေ။ ကိုယ်သိထားတဲ့ အတွင်းရေးတွေဟာ တစ်ဦးတစ်ယောက်ရဲ့ နားထဲ၊ ဒါမှမဟုတ် ဖေ့စ်ဘွတ်စာမျက်နှာပေါ် ဘယ်တော့မှ ပြန်ရောက်လာမှာ မဟုတ်ကြောင်း သေချာနေပါစေ။ အကူအညီလိုအပ်နေသူတွေကို ကိုယ်ဟာ အဆင်ပြေနေလို့ကတော့ မရရအောင် ကူညီပေးမယ့်သူဖြစ်ကြောင်း သိနေပါစေ။

အဲဒါကလည်း ကိုယ့်အဝန်းအဝိုင်းထဲက ဆက်နွယ်မှုတွေကို ပိုနက်ရှိုင်းလာစေတယ်။ ကိုယ်တိုင်ပါ လုံခြုံတယ်လို့ ခံစားလာရလိမ့်မယ်။

ဘယ်သူ့မှ မယုံရဲတော့ဘူး ဆိုတဲ့ ခံစားချက်ဟာ ဘယ်လောက်ဆိုးမှန်း ကြုံဖူးသူတွေ သိပါတယ်။ မယုံရဲဘူး။ အဲဒီလို မယုံရဲတာကိုလည်း မကြိုက်နေဘူး။ လုံခြုံတယ်လို့ မခံစားနေရဘူး။ ဒါပေမဲ့ ယုံပါ ဆိုတော့လည်း မရပြန်ဘူး။

ဒါကြောင့် ငွေတွေအများကြီး ကူညီနိုင်မှ မဟုတ်ပါဘူး။ တစ်ဦးတစ်ယောက်အတွက် ယုံကြည်ရတဲ့ ရပ်ဝန်းကလေး ဖြစ်ပေးခြင်းကလည်း သူ့စိတ်ကို အများကြီး အထောက်အကူ ဖြစ်စေနိုင်ပါတယ်။

ဒေါက်တာ ဖြိုးသီဟ
၃၁.၃.၂၀၂၆

"နေရာလုတဲ့ ကိစ္စတွေ မလုပ်နဲ့တော့။ နေရာလုတဲ့ ကိစ္စဆိုတာ အင်မတန်မှ ဆိုးတယ်။ အဲ့တော့ တစ်ယောက်နဲ့တစ်ယောက် နေရာပေးချင်တဲ့ စိတ်နဲ့ လုပ်သွားမယ်ဆိုရင် အေးအေးချမ်းချမ်း ဖြစ်သွားမှာပါ။

အဲ့ဒီ နေရာလုတဲ့ ပြဿနာပဲ... ဒီမိုကရေစီစနစ်ဆိုတာဟာ နေရာမလုရအောင်လို့ ထွင်ထားတဲ့ စနစ်ဖြစ်တယ်။ ပြည်သူက ပေးတဲ့နေရာပဲ ယူရတယ်။

ကိုယ်က အာဏာရှိတိုင်း၊ လက်နက်ရှိတိုင်း၊ ပိုက်ဆံရှိတိုင်း နေရာလုလို့ မရတဲ့စနစ် ဖြစ်ပါတယ်လို့ ကျွန်မ ပြောချင်ပါတယ်။"

"ဒေါ်အောင်ဆန်းဆုကြည်"
(နိုင်ငံတော်၏ အတိုင်ပင်ခံပုဂ္ဂိုလ်)

၁။ ရာဇတောဝါ - မင်းဘေးမှလည်းကောင်း။
၂။ စောရတောဝါ - ခိုးသူဘေးမှလည်းကောင်း။
၃။ မနုဿတောဝါ - လူဆိုးလူကြမ်း
      ဘေးမှလည်းကောင်း။
၄။ အမနုဿတောဝါ - ဘီလူး၊ ဂုမ္ဘဏ်၊ ဖုတ်ပြိတ္တာ.              
      ဘေးမှ လည်းကောင်း။
၅။ အဂ္ဂိတောဝါ - မီးဘေးမှ လည်းကောင်း။
၆။ ဥဒကတောဝါ - ရေဘေးမှ လည်းကောင်း။
၇။ ကဏ္ဍကတောဝါ - လေးမြှား၊ လက်နက်၊ ဆူးငြောင့်
       ဘေးမှ လည်းကောင်း။
၈။ ဇနပဒရောဂတောဝါ - ဇနပုဒ်၌ဖြစ်ကုန်သော   
      အနာရောဂါ ဘေးမှလည်းကောင်း။
၉။ အသဒ္ဓမ္မတောဝါ - သူယုတ်တို့၏ မကောင်းသော
       အကျင့်ဘေးမှလည်းကောင်း။
၁၀။ အသန္ဒိဋ္ဌိတောဝါ - မိစ္ဆာအယူရှိသော သူတို့၏
         ဘေးမှလည်းကောင်း။
၁၁။ အသပ္ပုရိသတောဝါ - သူတော်မဟုတ် သူယုတ်မာ
         တို့၏ ဘေးမှလည်းကောင်း။
ထို ( ၁၁ )ပါးသောဘေးဆိုးတို့မှကင်းဝေးကြပါစေရန်ဆုတောင်းမေတ္တာပို့သပါသည်။ဘေးရန်ကင်းငြိမ်းကြပါစေ။🙏🙏🙏

#AdminTeam
#Eagle Information Operator
#EIO (ဆက်သွယ်ရေးနှင့်သတင်းပြန်ကြားရေး)

🚨 မိဘပြည်သူများအတွက် အရေးပေါ် သတိပေးချက် 🚨

လတ်တလော မုံရွာမြို့ပေါ်နှင့် လမ်းကြိုလမ်းကြားများ၊ မြို့အဝင်အထွက်များတွင် စစ်ကောင်စီ (စကစ) မှ အိမ်စီးကားများကို အသုံးပြု၍ အတင်းအဓမ္မ ဖမ်းဆီးခြင်းနှင့် ပေါ်တာဆွဲခြင်းများ ပြုလုပ်နေကြောင်း သတင်းများ ရရှိထားပါသည်။

မိဘပြည်သူများ ဘေးကင်းလုံခြုံစေရန် အောက်ပါအချက်များကို အထူးသတိထား လိုက်နာကြပါရန် မေတ္တာရပ်ခံအပ်ပါသည်။

⚠️ သတိပြုရန် အချက်များ

🔹 ဒေသခံ တော်လှန်ရေးအဖွဲ့အစည်းများ၏ အသိပေးချက်များကို စောင့်ကြည့်လိုက်နာပါ။
🔹 မြေပြင်သတင်းချန်နယ်များကို ဖတ်ရှုကြပါ။
🔹 နီးစပ်ရာ အချင်းချင်း သတင်းအချက်အလက်များ မျှဝေကြပါ။

🚫 လုံးဝ မပြုလုပ်ရ

❌ စခ / ရခ ယာဉ်တန်းများအနီးတွင် မနေပါနှင့်။
❌ စခ / ရခ ယာဉ်တန်းနှင့်အတူ လိုက်ပါ မောင်းနှင်ခြင်း မပြုလုပ်ပါနှင့်။
❌ စခ / ရခ အထိုင်ဂိတ်များအနီးတွင် ကြာမြင့်စွာ မနေပါနှင့်။

🚑 ကျန်းမာရေးကိစ္စများနှင့် စားဝတ်နေရေးအတွက် မဖြစ်မနေ ခရီးသွားလာရပါက အထူးသတိဖြင့် သွားလာကြပါရန် တိုက်တွန်းအပ်ပါသည်။

🙏 မိဘပြည်သူများအားလုံး ကျန်းမာ၍ ဘေးကင်းကြပါစေ။

⚜️ မြေပြင်အခြေအနေများနှင့် ပတ်သက်၍ အရေးကြီးသတင်းများရှိပါက #EIO Admin Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

📲 ဆက်သွယ်မေးမြန်းရန်နှင့် သတင်းပေးပို့ရန်

🤖 Telegram – @EIO2021_bot | @EagleInformationOperator_bot
📧 Email – eagleinformationoperators@gmail.com
🔵 Facebook Page – facebook.com/eagleinformation
🌐 Telegram Channel – t.me/eagleinformationoperator

#EIO #EmergencyAlert #StaySafe #Monywa #SecurityUpdate
#CivilianMilitaryServiceLaw
#MilitaryServiceTraining
#BasicRecruitTraining
#MilitaryCommission
#UnlawfulArrest
#HumanRightsViolation