⚜️ #EIO_Update_News

မုံရွာ၊နမခမှ ထွက်လာသော စခကားယာဥ်တန်းသည် ကားလေးကွင်းဖြတ်၍ တောင်အရပ်သို့ ဆက်လက်ဦးတည်နေကြောင်း သတင်းရရှိထားပါသည်။

Mar 27, 7:52PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

ခါးခွဲစိတ်မှုပြုလုပ်ခဲ့ပေမဲ့ စစ်ခေါင်းဆောင် မင်းအောင်လှိုင် စစ်ရေးပြအခမ်းအနားတက်ရောက်

🟥တပ်ချုပ်အဖြစ် နောက်ဆုံးအကြိမ်တက်ရောက် ခြင်းဖြစ်ပြီး တပ်တွင်းအပြောင်း အလဲ တွေ သိပ်မကြာခင်မြင်တွေ့ရနိုင်

BBM-မတ်၂၇
သတင်း-မင်းသော်

စစ်ခေါင်းဆောင်မင်းအောင်လှိုင်အနေနဲ့ ခါးဝေဒနာ ခွဲစိတ်မှုကိုပြုလုပ်ခဲ့ပေမဲ့လည်း ၈၁ ကြိမ်မြောက်တပ်မတော်နေ့အခမ်းအနားကို တက်ရောက်ခဲ့တယ်လို့ စစ်တပ်ပိုင်မီဒိယာတွေရဲ့ ထုတ်ပြန်ချက်အရ သိရပါတယ်။

မတ်လ၂၇ ရက်နေ့(ဒီနေ့) ညနေပိုင်းမှာ နေပြည်တော်မှာ ကျင်းပပြုလုပ်တဲ့ ၈၁ ကြိမ်မြောက်တပ်မတော်နေ့အခမ်းအနားကို စစ်တပ်ခေါင်းဆောင် တပ်ချုပ်အနေဖြင့် မင်းအောင်လှိုင်တက်ရောက်ခဲ့ပြီး စစ်ရေးပြမှာပါဝင်တဲ့ စစ်ကြောင်းတွေကို လိုက်လံစစ်ဆေးနေတာတွေကို တွေ့ခဲ့ရပါတယ်။

ပြီးခဲ့တဲ့ ရက်ပိုင်းကမှ စစ်ခေါင်းဆောင်အနေနဲ့ ခါးဝေဒနာခွဲစိတ်မှုကို ခံခဲ့ရတယ်လို့ သတင်းထုတ်ပြန်ခဲ့တာကြောင့် ယခုစစ်ရေးပြအခမ်းအနားကို တက်ရောက်ဖို့ မသေချာဘူးဆိုတဲ့ သတင်းတွေထွက်ပေါ်နေပေမဲ့လည်း ယနေ့ညနေမှာတော့ ၎င်းကိုယ်တိုင်တက်ရောက်လာခဲ့ခြင်းပဲ ဖြစ်ပါတယ်။

ဒါ့အပြင် ပြီးခဲ့တဲ့ မတ်လ၂၆ ရက်နေ့က ဒုချုပ်စိုးဝင်းက အငြိမ်းစားအရာရှိကြီးတွေကို ဂါရဝပြုတွေ့ဆုံရာမှာ စစ်တပ်ထိပ်ပိုင်းအပြောင်းအလဲတွေ မကြာမီဖြစ်လာမယ်လို့ ထုတ်ပြောခဲ့တာကြောင့် ယခုမင်းအာင်လှိုင်တက်ရောက်တဲ့ စစ်ရေးပြအခမ်းအနားဟာ တပ်ချုပ်ဘဝအဖြစ်၎င်းနောက်ဆုံးတက်ရောက်လာတဲ့ အခမ်းအနားဖြစ်နိုင်တယ်လို့ CDM အရာရှိတစ်ဦးက BBM ကိုပြောပါတယ်။

" အထဲကတဆင့်ပြန်သိရတာတွေက စစ်ရေးပြအခမ်းအနားပြီးတာနဲ့ တပ်တွင်းအပြောင်းအလဲ ဖြစ်ကိုဖြစ်မှာ၊ အဲ့တော့နောက်ဆုံးအနေနဲ့ မင်းအောင်လှိုင်က အခမ်းအနားတက်သွားချင်တယ်၊ ဒါကြောင့်ခုတက်သွားတာက ငြင်းစရာမရှိဘူး၊ လာမဲ့ ၃၀ ရက်လောက်ဆို သမ္မတရွေးမယ်ဆိုတာလည်း ကြားတယ်၊ တပ်ထဲဆိုလည်း စိုးဝင်းနဲ့ ရဲဝင်းဦး တပ်ချုပ်ဘယ်သူဖြစ်မလဲကလည်း စောင့်ကြည့်ရမဲ့အနေအထား၊ အဲ့တော့ ခုအခမ်းအနားက သူ(မင်းအောင်လှိုင်) တပ်ချုပ်အဖြစ် နောက်ဆုံးတက်ရောက်တာ သေချာပါတယ်"

၁၁ ယောက်မြောက် ဖြစ်လာမဲ့ ကာကွယ်ရေးဦးစီးချုပ်ရာထူးနဲ့ ပတ်သတ်ပြီး လက်ရှိ ဒုကာချုပ် စိုးဝင်းနဲ့ တပ်မတော် ကာကွယ်ရေးဦးစီးချုပ်(ကြည်း) ရဲဝင်းဦးတို့က ဖြစ်နိုင်ချေအရှိဆုံးဟုလည်း တပ်တွင်းအသိုင်းအဝန်းဘက်က ခန့်မှန်းပြောဆိုမှုတွေရှိနေပါတယ်။

Photo-စကစ မီဒီယာ

#bbm #bbmtv #bbmnews #MinAungHlaing

“နောင်တနည်းတဲ့ဘဝ”

🔳 ဘဝဆိုတာ ရွေးချယ်မှုတွေနဲ့ တည်ဆောက်ထားတယ်။ မိုးလင်းကနေ မိုးချုပ်အထိ ရွေးချယ်နေရတယ်။ ဆုံးဖြတ်နေရတယ်။

တချို့အရာတွေက ခပ်သေးသေး။ သိပ်လည်း စဉ်းစားစရာ မလိုဘူး။ မှားသွားလည်း ဘာမှမဖြစ်ဘူး။

တချို့အရာတွေက ဘဝနဲ့ချီတယ်။ အလျော်အစား ကြီးတယ်။ အမှားမခံဘူး။ ပြန်ပြင်မရတော့တာမျိုးအထိ မဟုတ်တောင် ပေးဆပ်ရမှာ အတော်များတယ်။

🔳 တချို့အရာတွေကျ တကယ့်ကို လမ်းဆုံလမ်းခွ။ ဘယ်လမ်းက မှန်တယ် မသိဘူး။ နှစ်ဖက်လုံးမှာ အကောင်းအဆိုး ဒွန်တွဲနေတယ်။ အရှုံးအမြတ် ယှဉ်ပြိုင်နေတယ်။ ဒီလိုရွေးချယ်ရ သိပ်ခက်တဲ့ ဆုံးဖြတ်ချက်တွေလည်း ရှိတယ်။

အဲဒီအခါ အချိန်ယူကြတယ်။ တိုင်ပင်ကြတယ်။ မေးမြန်းကြတယ်။ နောက်ဆုံး၊ ဗေဒင်တွေ၊ နတ်တွေအထိပါ အကူအညီ ယူတတ်ကြသေးတယ်။

🔳 အချိန်တွေကို နောက်ပြန်ဆုတ်လို့ ရရင်၊ ဖုန်းထဲမှာလို Recycle bin ဆိုတာ ရှိရင်၊ Undo ပြန်လုပ်လို့ရရင်၊ ဒါမှမဟုတ် ရှေ့ဖြစ်လာမှာတွေကိုသာ ကြိုသိခွင့်ရရင် ကျွန်တော်တို့ ဘယ်လောက်တောင် အမှားနည်းသွားမလဲ စဉ်းစားကြည့်။

တစ်ဖက်ကကျတော့လည်း အဲဒီလိုသာဆို ဘဝက ဘယ်လောက်တောင် ပျင်းစရာ ကောင်းနေမလဲ။ အမှားလည်း မရှိ၊ သင်ခန်းစာလည်း မရှိ၊ အရှုံးလည်း မရှိ၊ လဲကျတာလည်း မရှိ၊ ပြန်ထရတာလည်း မရှိနဲ့။ အမှားတွေ၊ ဝမ်းနည်းစရာတွေ၊ နောင်တတွေ၊ အတွေ့အကြုံတွေ ဆိုတာ ဘဝရဲ့ အစိတ်အပိုင်းပဲ မဟုတ်လား။

🔳 ကျွန်တော်ထင်တယ်၊ လူတိုင်းမှာ ငါ ဒီလိုမလုပ်ခဲ့ရင် ကောင်းသား၊ ဒါမှမဟုတ် ငါ ဒီလိုလုပ်ခဲ့မိရင် ကောင်းသား ဆိုတဲ့ အခြေအနေတွေ ကြုံဖူးကြလိမ့်မယ်။

ဒီလမ်းက မသွားခဲ့မိရင် ကောင်းသား ဆိုတဲ့ သေးသေးလေးကစလို့၊ ဒီလိုမှန်းသိ ငါ ဒီလူ့ကို ပိုက်ဆံမချေးခဲ့ပါဘူး အလယ်၊ ငါ အိမ်ထောင်မပြုခဲ့သင့်ဘူး၊ ငါ ဒီလုပ်ငန်းကို မလုပ်ခဲ့သင့်ဘူး ဆိုတဲ့နောင်တအဆုံးပေါ့။ လူတိုင်း တစ်ခုမဟုတ်တစ်ခု ကြုံဖူးကြလိမ့်မယ်။

အဲဒီမှာပဲ ပိတ်မိနေလို့တော့ ရှေ့ဆက်လို့ရမှာ မဟုတ်ဘူး။ ပြီးတာ ပြီးခဲ့ပြီ၊ သင်ခန်းစာယူမယ်၊ ရှေ့ဆက်မယ်၊ ဒီလိုပဲ စဉ်းစားကြရမှာ ဖြစ်ပါတယ်။

🔳 တစ်ခါတလေ ကံတရားကလည်း သိပ်ဆန်းကြယ်တယ်။ ကြိုးစားတိုင်း မဖြစ်တဲ့ အခိုက်အတန့်တွေ၊ အကောင်းဆုံး ပြင်ဆင်ထားပါလျက်နဲ့ လွဲဖြစ်အောင် လွဲတတ်တဲ့ ကိစ္စတွေ၊ မျှော်လင့်သလို ဖြစ်မလာတဲ့ အရာတွေ အများကြီးရှိတယ်။

ငယ်ငယ်ကတော့ ငါလုပ်ရင် ဖြစ်ရမယ် ဆိုပြီး တွေးခဲ့ဖူးတာပဲ။ အသက်အရွယ် ရလာတာနဲ့အမျှ ဒါကို ပိုပြီး သဘောပေါက်လာတယ်။

ဒါကြောင့် ရလဒ်ထက် ကိုယ်အကောင်းဆုံး ဆုံးဖြတ်ခဲ့တာ သေချာဖို့ကပဲ ပိုအရေးကြီးတယ်လို့ ပြောတာ။ အဲဒါသာ သေချာနေရင် နောင်တရမနေနဲ့။ ကိုယ့်ကိုယ်ကိုယ် အပြစ်တင်မနေနဲ့။ အခြေအနေကို လက်ခံပြီးသာ ရှေ့ဆက်လိုက်။

🔳 နောင်တကင်းတဲ့ဘ၀ ဆိုတာ လူတိုင်း လိုချင်တာ မှန်ပေမဲ့ ဖြစ်နိုင်ဖို့ သိပ်ခက်ပါတယ်။ နောင်တ ဆိုတာ ကျွန်တော်တို့ဘဝရဲ့ အစိတ်အပိုင်းတစ်ခုပါပဲ။

သို့သော် ရလဒ်ကို ကြည့်ပြီး ထင်သလို ဖြစ်မလာမှ ရတဲ့ နောင်တတွေကိုတော့ နည်းနည်းလျှော့စေချင်တယ်။ လမ်းပိတ်ကြီးမှန်း သိရင်တော့ ဘယ်သူက ဒီလမ်းထဲ ဝင်လာပါ့မလဲ။ ဘယ်လမ်းကိုမှလည်း မလျှောက်ခင်မှာတော့ အပိတ်မှန်း ကြိုမသိနိုင်တာ။ Matrix ဇာတ်ကားထဲမှာ Red pill လား၊ Blue pill လား ရွေးရသလိုပဲ။ ဒါကိုကလည်း ဘဝရဲ့ အလှတရားပါပဲ။ ဒီအလှတရားကို အဆိုးမြင်မနေဘဲ ပြည့်ပြည့်၀၀ ခံစားလိုက်ပါ။

အဓိက ကိုယ်လုပ်နိုင်တာက ကိုယ် ဒီဆုံးဖြတ်ချက်ကို အကောင်းဆုံးဖြစ်အောင် ရွေးချယ်ခဲ့တာ သေချာဖို့ပဲ ဖြစ်ပါတယ်။

🔳 နောင်တမရသင့်တာကို မရအောင် စိတ်အထားတတ်လာတဲ့အခါမှာ ဘဝကလည်း သူ့အလိုလို ပျော်ရွှင်လာပါလိမ့်မယ်။

ဒေါက်တာ ဖြိုးသီဟ
၂၇.၃.၂၀၂၅

⚜️ #EIO_Update_News

မုံရွာ၊နမခမှ ထွက်လာသော စခကားယာဥ်တန်းသည် မုံရွာမြို့၊ စက်မှုဇုန်သို့ ရောက်ရှိနေပြီး လက်နက်ငယ်များလည်း ရမ်းသမ်းပစ်ဖောက်နေကြောင်း သတင်းရရှိထားပါသည်။

Mar 27, 8:14PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

ရဟတ်ယာဉ်တစ်စီး လေထဲမှာ ပျံသန်းနေတဲ့ အချိန်တိုင်းမှာ လောင်စာဆီနဲ့ ငွေကြေး အများကြီး အသုံးပြုပြီး ပြည်သူတွေကို သ၊တ်ဖြတ်နေတာပါ။

စစ်အုပ်စုမှာ Mi စီးရီးတွေဖြစ်တဲ့ Mi-38, Mi-35, Mi-17, Mi-2 တို့ရှိကြပြီး Eurocopter ထဲမှာတော့ H-125 နဲ့ AS-365 အပြင် တခြားအမျိုးအစားတွေဖြစ်တဲ့ EC-120, Bell-212 နဲ့ Ka-28 တို့ ရှိကြပါတယ်။

Mi စီးရီးတွေထဲမှာ အသစ်ရောက်ရှိထားတဲ့ Mi-38 က တနာရီကို လေယာဉ်ဆီ ပျမ်းမျှ ၂၉၀ Imperial Gallons (IG) သုံးရပါတယ်။ Mi-35 ကတော့ ၂၁၀ IG, Mi-17 က ၁၈၀ IG နဲ့ Mi-2 က ၁၅၀ IG ကုန်ကျပါတယ်။

Eurocopter ထဲက AS-365 ဟာ တနာရီကို ၁၅၀ IG ကုန်ပြီး H-125 ကတော့ ၁၂၀ IG ပျမ်းမျှ ကုန်ကျပါတယ်။

Ka-28 က ၂၅၀ IG နဲ့ Bell-212 က ၁၄၅ IG, EC-120 က ၉၅ IG အသီးသီး သုံးစွဲရပါတယ်။

ယခင် (ပင်လယ်ကွေ့ ဒေသတွင်း စစ်ပဋိပက္ခမဖြစ်မီ) လေယာဉ်ဆီဈေး 1 IG = $ 2.15 အရဆို...

Mi-38 ဟာ တနာရီပျံသန်းဖို့ $၆၂၄ ကုန်ကျမှာဖြစ်ပါတယ်။ Mi-35 က $၄၅၂၊ Mi-17 က $၃၈၇ နဲ့ Mi-2 က $၃၂၃ အသီးသီး ကုန်ကျမှာပါ။

ဒါ့အပြင် AS-365 အနေနဲ့ $၃၂၃ နဲ့ H-125 က $၂၅၈ ကုန်ကျပါတယ်။ Ka-28 ကတော့ $၅၃၈ ထိ ကုန်ကျနိုင်ပြီး Bell-212 က $၃၁၂ နဲ့ EC-120 က $၂၀၅ ဝန်းကျင် ကုန်ကျပါတယ်။

Blood Money Campaign (သွေးစွန်းငွေ လှုပ်ရှားမှု အဖွဲ့) ရဲ့ ၂၀၂၅ ဇွန် ၁၆ မှ စက်တင်ဘာ ၁၆ ထိ လေ့လာတွေ့ရှိချက်အရ ၃ လအတွင်း ရဟတ်ယာဉ်အုပ်စုတစုတည်းအတွက် စစ်အုပ်စုဟာ လေယာဉ်ဆီ ပမာဏ ၁၆၁,၆၁၅ (၁ သိန်း ၆ သောင်းကျော်) IG အနည်းဆုံး သုံးစွဲခဲ့ပြီး ကုန်ကျစရိတ်အားဖြင့် ကန်ဒေါ်လာ $၃၄၇,၄၇၂ (ဒေါ်လာ ၃ သိန်းခွဲ နီးပါး) ကုန်ကျခဲ့တာ ဖြစ်ပါတယ်။

ဒါတွေဟာ တနာရီ ပျမ်းမျှကုန်ကျတဲ့ လေယာဉ်ဆီ ကုန်ကျစရိတ်သာဖြစ်ပြီး ရဟတ်ယာဉ်မှာ တပ်ဆင်တဲ့ ဗုံးတွေ၊ စက်သေနတ်တွေ၊ ကျည်ဆံဖိုးတွေ မပါဝင်သေးပါဘူး။

ဒီလောက်များတဲ့ သွေးစွန်းငွေတွေ ဘယ်ကရနေလဲ❓❓❓

မှတ်ချက်။ ။ယခုဖော်ပြချက်သည် အကြမ်းဖက် လေကြောင်း စစ်ဆင်ရေးအတွက် မြန်မာစစ်အုပ်စု အသုံးပြုသည့် စစ်လေယာဉ် အုပ်စု ၃ စုမှ အုပ်စု ၁ စု (ရဟတ်ယာဉ်အုပ်စု) အတွက်သာ ဖြစ်သည်။

(ပုံစာ - ရဟတ်ယာဉ်အုပ်စု၏ တနာရီ ပျမ်းမျှ ကုန်ကျ ဆီဂါလံ နှင့် ၃ လအတွင်း လေယာဉ်ဆီ သုံးစွဲမှုပမာဏ)

#SanctionAviationFuel #CutTheRoute #CloseTheSky
#WhatsHappeningInMyanmar
#BloodMoneyCampaignMM

⚜️ #EIO_Update_News

မုံရွာ၊နမခမှ ထွက်လာသော သံပြားကာကား(၂)စီး၊ဒိုင်နာကား(၂)စီး၊ .5 ပါ စက်လက်တင် DCကား(၁)စီး၊ စခကားယာဥ်တန်းသည် မုံရွာမြို့၊ စက်မှုဇုန်အတွင်း ကင်းပတ်နေကြောင်း သတင်းရရှိထားပါသည်။

Mar 27, 8:20PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

📌အသံချဲ့စက်တွေ ဒါမှမဟုတ် Bluetooth Speaker တွေနဲ့ သီချင်းကျယ်ကျယ်နားထောင်တာ၊ ဆူညံသံတွေလုပ်တာဟာ အခုလိုကာလမျိုးမှာ အသက်အန္တရာယ်ကိုပါ ထိခိုက်စေနိုင်တဲ့ အချက်တစ်ခုဖြစ်ပါတယ်။

🚨အသေးစိတ်ဖတ်ရှုရန်👇🏻
https://t.me/eagleinformationoperator/19834

#AdminTeam
#Eagle Information Operator
#EIO (ဆက်သွယ်ရေးနှင့်သတင်းပြန်ကြား‌ရေး)
👉🏻 @EIO2021_bot | @EagleInformationOperator_bot
👉🏻 eagleinformationoperators@gmail.com
🔵 https://www.facebook.com/eagleinformation
🌐 t.me/eagleinformationoperator

#EIO #PublicSafety #Myanmar #SecurityTips #StaySafe

⚜️"လေကြောင်းသတင်းဆိုင်ရာ တယ်လီဂရမ်ချန်နယ်များ စုစည်းမှု"⚜️

အကြမ်းဖက်စစ်ကောင်စီ၏ လေကြောင်းအန္တရာယ် ကြိုတင်သတိပြုနိုင်စေရန် မိဘပြည်သူများနှင့် တလရရဲဘော်များအတွက် အသုံးဝင်ပြီး ယုံကြည်စိတ်ချရသော ပြည်သူ့အကျိုးပြု လေကြောင်းသတင်း တယ်လီဂရမ်ချန်နယ်ကြီးများကို #EIO (ဆက်သွယ်ရေးနှင့်သတင်းပြန်ကြားရေး) မှ စုစည်းတင်ပြလိုက်ပါသည်။

🌐 ယုံကြည်စိတ်ချရသော လေကြောင်းသတင်း #TelegramChannelsLinks များ -

🔹 https://t.me/WaiHin
🔹 https://t.me/earorg
🔹 https://t.me/nasairscoutteam
🔹 https://t.me/witnessenemyairscout

(မှတ်ချက်။။     ။။ မိမိတို့ #EIO (ဆက်သွယ်ရေးနှင့်သတင်းပြန်ကြားရေး)သည် လေကြောင်းသတင်းနှင့်သက်ဆိုင်သော အထက်ပါချန်နယ်များအား ပြန်လည်ဝေမျှခြင်းသာ ဖြစ်ပါသည်။)

တလရရဲဘော်များနှင့် မိဘပြည်သူများအားလုံး ကျန်းမာပြီး ဘေးကင်းကြပါစေ🙏🏻

📲 သတင်းပေးပို့ရန် -
👉🏻 @EIO2021_bot
👉🏻 @EagleInformationOperator_bot
📧 Email: eagleinformationoperators@gmail.com
🔵 Facebook Page: https://www.facebook.com/eagleinformation
🌐 Telegram Channel: t.me/eagleinformationoperator

#EIO #EmergencyAlert #StaySafe #Myanmar #SecurityUpdate #AirScout #AviationNews

⚜️သတင်းပေးပို့သူများသို့ အသိပေးချက်⚠️

သတင်းပေးပို့သူ (Informant) တစ်ဦးချင်းစီ၏ သတ္တိနှင့် ပေးဆပ်မှုကို #EIO Admin Team မှ အစဉ်တစိုက် တန်ဖိုးထားလျက်ရှိပါသည်။ မိမိတို့ဒေသအတွင်းရှိ စစ်ကောင်စီတပ်များ၏ လှုပ်ရှားမှု၊ တပ်တည်နေရာနှင့် ယာဉ်တန်းသတင်းများကို အချိန်နှင့်တပြေးညီ ပေးပို့ခြင်းသည် တော်လှန်ရေးအတွက် အရေးပါသော "မျက်စိနှင့် နား" ဖြစ်သည့်အပြင် ပြည်သူ့အသက်ပေါင်းများစွာကို ကယ်တင်ရာလည်း ရောက်ပါသည်။

၁။ သတင်းပေးပို့သူများကို တန်ဖိုးထားခြင်း

မိမိတို့ #EIO_Admin_Team အနေဖြင့် သတင်းပေးပို့သူများ၏ ဘေးကင်းလုံခြုံရေးကို ပထမဦးစားပေး (Top Priority) အဖြစ် သတ်မှတ်ထားပါသည်။ သတင်းတစ်ခုရရှိရန် မည်မျှအန္တရာယ်များကြောင်း နားလည်ပြီးသားဖြစ်သည့်အတွက် ပေးပို့လာသော သတင်းအချက်အလက်တိုင်းကို အလေးအနက်ထား စိစစ်အသုံးချလျက်ရှိပါသည်။မိတ်‌ဆွေတို့၏ ကြိုးပမ်းမှုသည် တော်လှန်ရေးအောင်ပွဲအတွက် အဓိကမောင်းနှင်အားတစ်ခုဖြစ်ကြောင်း မှတ်တမ်းတင်အပ်ပါသည်။

၂။ လုံခြုံရေးနှင့် လျှို့ဝှက်ချက် ထိန်းသိမ်းခြင်း

သတင်းပေးပို့သူများ စိတ်ချလက်ချရှိစေရန် အောက်ပါအချက်များကို တိကျစွာ လိုက်နာဆောင်ရွက်ပေးနေပါသည် -

သတင်းရင်းမြစ် ဖုံးကွယ်ခြင်း - ပေးပို့သူ၏ အမည်၊ အကောင့်နှင့် တည်နေရာတို့ကို မည်သည့်အခြေအနေတွင်မှ ထုတ်ဖော်ခြင်းမပြုဘဲ လျှို့ဝှက်ချက်အဆင့် (၁) အနေဖြင့် ထိန်းသိမ်းပါသည်။

Digital Security - သတင်းပေးပို့ပြီးနောက် စာမျက်နှာ (Chat log) များအား စနစ်တကျ ဖျက်သိမ်းခြင်းနှင့် အကာအကွယ်ပေးခြင်းများကို နည်းပညာအရ ဆောင်ရွက်ထားပါသည်။

ဘေးကင်းရေး လမ်းညွှန်မှု - သတင်းပေးပို့ရာတွင် သတိထားရမည့်အချက်များနှင့် ဒစ်ဂျစ်တယ်လုံခြုံရေးဆိုင်ရာ အသိပညာပေးမှုများကိုလည်း ပံ့ပိုးပေးလျက်ရှိပါသည်။

၃။ သတင်းပေးပို့သူများသို့ မေတ္တာရပ်ခံချက်

⚠️ မိမိကိုယ်တိုင် လုံခြုံမှုရှိမှသာ တော်လှန်ရေးအတွက် ဆက်လက်ကူညီနိုင်မည်ဖြစ်သောကြောင့် -

သတင်းပေးပို့သည့် ဖုန်း/စက်ပစ္စည်းများတွင် Two-Step Verification ခံထားရန်။
သတင်းပေးပို့ပြီးတိုင်း Chat အား Delete လုပ်ရန် (သို့မဟုတ်) Vanish Mode အသုံးပြုရန်။သတင်းရယူရာတွင် မိမိ၏ ပတ်ဝန်းကျင်အခြေအနေကို အမြဲမျက်ခြေမပြတ် စောင့်ကြည့်ရန် 🙏🏻

"လူထုရဲ့ မျက်စိ၊ လူထုရဲ့ နား... အောင်ပွဲဆီသို့ အရောက်လှမ်းဖို့ သင်တို့ရဲ့ သတင်းစကားက အရေးကြီးဆုံးပါ"

ပြည်သူနှင့်အတူ ရပ်တည်ပေးနေသော သတင်းပေးပို့သူတစ်ဦးချင်းစီကို အထူးကျေးဇူးတင်ရှိပါသည်။

#EIO_Admin_Team
#Civilian_Intelligence
#DigitalSecurity
#Revolution_News

လိပ်ပြာလုံတဲ့ ချမ်းသာမှုဟာ...
ဘာနဲ့မှ နှိုင်းယှဥ် လို့ မရဘူး..
အဲ့ဒီတော့ ကိုယ့်လိပ်ပြာ ကိုယ်လုံအောင်နေပါ။
မှန်တဲ့ ကိစ္စကို ရဲရဲဝံ့ဝံ့လုပ်ပါ။
မလုပ်သင့်တဲ့ ကိစ္စကို ရဲရဲဝံ့ဝံ့မလုပ်ပါနဲ့။

ဒေါ်အောင်ဆန်းစုကြည်

၁။ ရာဇတောဝါ - မင်းဘေးမှလည်းကောင်း။
၂။ စောရတောဝါ - ခိုးသူဘေးမှလည်းကောင်း။
၃။ မနုဿတောဝါ - လူဆိုးလူကြမ်း
      ဘေးမှလည်းကောင်း။
၄။ အမနုဿတောဝါ - ဘီလူး၊ ဂုမ္ဘဏ်၊ ဖုတ်ပြိတ္တာ.              
      ဘေးမှ လည်းကောင်း။
၅။ အဂ္ဂိတောဝါ - မီးဘေးမှ လည်းကောင်း။
၆။ ဥဒကတောဝါ - ရေဘေးမှ လည်းကောင်း။
၇။ ကဏ္ဍကတောဝါ - လေးမြှား၊ လက်နက်၊ ဆူးငြောင့်
       ဘေးမှ လည်းကောင်း။
၈။ ဇနပဒရောဂတောဝါ - ဇနပုဒ်၌ဖြစ်ကုန်သော   
      အနာရောဂါ ဘေးမှလည်းကောင်း။
၉။ အသဒ္ဓမ္မတောဝါ - သူယုတ်တို့၏ မကောင်းသော
       အကျင့်ဘေးမှလည်းကောင်း။
၁၀။ အသန္ဒိဋ္ဌိတောဝါ - မိစ္ဆာအယူရှိသော သူတို့၏
         ဘေးမှလည်းကောင်း။
၁၁။ အသပ္ပုရိသတောဝါ - သူတော်မဟုတ် သူယုတ်မာ
         တို့၏ ဘေးမှလည်းကောင်း။
ထို ( ၁၁ )ပါးသောဘေးဆိုးတို့မှကင်းဝေးကြပါစေရန်ဆုတောင်းမေတ္တာပို့သပါသည်။ဘေးရန်ကင်းငြိမ်းကြပါစေ။🙏🙏🙏

#AdminTeam
#Eagle Information Operator
#EIO (ဆက်သွယ်ရေးနှင့်သတင်းပြန်ကြားရေး)