EIO (ဆက်သွယ်ရေးနှင့်သတင်းပြန်ကြားရေး)

၃ လအတွင်း မြန်မာစစ်အုပ်စုဟာ အရပ်သားပြည်သူတွေကို လေကြောင်းဗုံးကြဲသတ်ဖြတ်ဖို့ လေယာဉ်ဆီ ဂါလံ ဘယ်လောက် သုံးခဲ့သလဲ?

အရှေ့အပတ်မှာ တင်ပြခဲ့တဲ့ စစ်လေယာဉ်တွေနဲ့ ပက်သတ်ပြီး အနည်းငယ် ပြန်ချုံရရင်တော့ စစ်အုပ်စုမှာ ရုရှားထုတ် Su-30SME, MiG-29, Yak-130, တရုတ်ထုတ် FTC-2000G, F-7M, A-5, တရုတ်နဲ့ ပါကစ္စတန်ထုတ် JF-17, K-8 နဲ့ ဆားဘီးယားထုတ် G-4 တို့ ရှိကြပါတယ်။

ဆီသုံးစွဲမှုကို တနာရီ ပျမ်းမျှကုန်ကျတဲ့ အင်ပီယီရယ်ဂါလံ (Imperial Gallon - IG) နဲ့ ဖော်ပြသွားမှာ ဖြစ်ပါတယ်။

ဆိုတော့ စကြည့်လိုက်ရအောင်…

ဆီသုံးအများဆုံးကတော့ Su-30SME ဖြစ်ပြီး တနာရီကို ၁,၅၀၀ IG သုံးစွဲပါတယ်။ MiG-29 က ၉၀၀ IG, JF-17 နဲ့ F-7M က ၆၀၀ IG, A-5 က ၅၅၀ IG, Yak-130 က ၄၀၀ IG, FTC-2000G က ၃၅၀ IG, K-8 က ၃၀၀ IG နဲ့ G-4 က ၂၀၀ IG အသီးသီး သုံးစွဲပါတယ်။

လေယာဉ်ဆီသုံးစွဲမှု အရေအတွက်တွေဟာ မှတ်တမ်းတင်ထားတဲ့ ပျံသန်းမှုတွေအပေါ် အခြေခံထားတာဖြစ်ပြီး လေယာဉ်မှာ တပ်ဆင်သယ်ဆောင်တဲ့ အလေးချိန်ပေါ်မူတည်ပြီး လေယာဉ်ဆီက ပိုမိုအသုံးပြုရပါသေးတယ်။

ဆီသုံးစွဲနှုန်း သိရပြီဆိုတော့ ကုန်ကျစရိတ် တွက်ကြည့်ရအောင်ပါ။

လေယာဉ်ဆီ - ၁ အင်ပီယီရယ်ဂါလံ (IG) ကို ယခင် (အရှေ့အလယ်ပိုင်းစစ်ပွဲမဖြစ်ခင်) က အမေရိကန်ဒေါ်လာ ၂.၁၅ ဝန်းကျင် ရှိပါတယ်။ ဒါဟာ ကမ္ဘာလုံးဆိုင်ရာ ပျမ်းမျှဈေးနှုန်းဖြစ်ပေမဲ့ သယ်ယူပို့ဆောင်ရတဲ့ ခရီးအကွာအဝေးနဲ့ ဝယ်ယူရတဲ့နေရာပေါ် မူတည်ပြီး အနည်းငယ် ပြောင်းလဲနိုင်ပါတယ်။

တိုက်လေယာဉ်တွေဟာ အနည်းဆုံး (၂၀၀ IG) ကနေ အများဆုံး (၁,၅၀၀ IG) ထိ သုံးစွဲရတာကြောင့် စစ်အုပ်စုဟာ တနာရီ လေယာဉ်ပျံသန်းဖို့အတွက် အမေရိကန်ဒေါ်လာ ၅၀၀ ကနေ ၃၅၀၀ ကြား ကုန်ကျပါတယ်။

Su-30 ပျံသန်းမှု တနာရီမှာ လေယာဉ်ဆီအတွက်ပဲ အကြမ်းဖျင်း ကန်ဒေါ်လာ $ ၃,၂၂၅ ကုန်ကျပါတယ်။
MiG-29 က တနာရီကို $ ၁,၉၃၅ ကုန်ကျပြီး၊ JF-17 နဲ့ F-7 က $ ၁,၂၉၀ ခန့်၊ A-5 က $ ၁,၁၈၀ ဝန်းကျင် ၊ Yak-130 က $ ၈၆၀ ခန့်၊ FTC-2000G က $ ၇၅၂ ၊ K-8 က $ ၆၄၅ ခန့်နဲ့ G-4 က $ ၄၃၀ ဝန်းကျင်စီ ကုန်ကျပါတယ်။

ဒီပမာဏဟာ မြန်မာငွေအားဖြင့် ပျမ်းမျှ သိန်း ဆယ်ဂဏန်းကနေ ရာဂဏန်းထိ ကုန်ကျနေတာ ဖြစ်ပါတယ်။ ဒီကုန်ကျမှုဟာ လေယာဉ်ဆီတမျိုးတည်းအတွက်သာဖြစ်ပြီး လေယာဉ်မှာတပ်တဲ့ ဗုံးတွေ၊ လက်နက်တွေ၊ လေယာဉ်ပြုပြင်တာတွေအတွက် အပိုပစ္စည်းတွေ စတဲ့ ကုန်ကျစရိတ်တွေ မပါဝင်သေးပါဘူး။

Blood Money Campaign (သွေးစွန်းငွေ လှုပ်ရှားမှု အဖွဲ့) ရဲ့ ၂၀၂၅ ဇွန် ၁၆ မှ စက်တင်ဘာ ၁၆ ထိ လေ့လာတွေ့ရှိချက်အရ ၃ လအတွင်း တိုက်လေယာဉ်အုပ်စုတစုတည်းအတွက် လေယာဉ်ဆီ (၁,၉၃၅,၀၈၆) IG (၁.၉၄ သန်းကျော်) သုံးစွဲခဲ့ပြီး ကုန်ကျငွေပမာဏ အမေရိကန်ဒေါ်လာ ၄.၁၆ သန်းကျော် (၄,၁၆၀,၄၃၅) ရှိခဲ့တာ ဖြစ်ပါတယ်။

ဒီလောက်များတဲ့ သွေးစွန်းငွေတွေ ဘယ်ကရနေလဲ❓❓❓

(ပုံစာ - တိုက်လေယာဉ်များ၏ တနာရီ ပျမ်းမျှ ကုန်ကျ ဆီဂါလံ နှင့် ၃ လအတွင်း လေယာဉ်ဆီ သုံးစွဲမှုပမာဏ)

မှတ်ချက်။ ။ယခု တွက်ချက်မှုသည် သုံးစွဲမှု၏ အနည်းဆုံးပျမ်းမျှအပေါ် အခြေခံထားပါသည်။

#SanctionAviationFuel #CutTheRoute #CloseTheSky
#WhatsHappeningInMyanmar
#BloodMoneyCampaignMM

👍2❤1

129 views13:45