၂၀၂၆ ခုနှစ်၊ မတ်လ ၁၂ ရက်နေ့တွင် ပြုလုပ်ခဲ့သည့် မြန်မာလေတပ် (MAF) ရဲ့ အခမ်းအနား ဗီဒီယိုမှတ်တမ်းများကို Myanmar Witness မှ လေ့လာဆန်းစစ်ခဲ့ပါတယ်။

အဆိုပါအခမ်းအနားကို မိတ္ထီလာမြို့ရှိ ရှမ်းတဲလေတပ်စခန်းတွင် ပြုလုပ်ခဲ့ခြင်းဖြစ်ပြီး ရုရှားနိုင်ငံထုတ် Su-30SME ဘက်စုံသုံးတိုက်လေယာဉ် (၂) စီးနဲ့ တရုတ်နိုင်ငံထုတ် K-8W လေ့ကျင့်ရေး/အပေါ့စား တိုက်ခိုက်ရေးလေယာဉ် (၂) စီးတို့ကို တပ်တော်ဝင်အခမ်းအနားပြုလုပ်ခဲ့သည်ကို တွေ့ရပါတယ်။

အဓိကတွေ့ရှိချက်များ🔎

📍လေယာဉ်အမှတ်စဉ်များ - အသစ်ထပ်မံဖြည့်တင်းလိုက်သည့် Su-30SME လေယာဉ်များ၏ အမှတ်စဉ်များသည် 1901 နှင့် 1902 ဖြစ်ပြီး၊ K-8W လေယာဉ်များကတော့ 3939 နှင့် 3940 တို့ ဖြစ်ကြပါတယ်။

📍လေယာဉ်အင်အား - ယခုဖြည့်တင်းမှုကြောင့် မြန်မာလေတပ်၏ Su-30SME လေယာဉ်စုစုပေါင်းသည် (၆) စီး ရှိလာပြီဖြစ်ပါတယ်။ ၎င်းလေယာဉ်အမျိုးအစားကို ၂၀၂၂ ခုနှစ်မှာ စတင်တပ်တော်ဝင်ခဲ့သည်ကို Myanmar Witness အဖွဲ့က ပထမဆုံးမှတ်တမ်းတင်နိုင်ခဲ့ တာပါ။ K-8 လေယာဉ်များကိုတော့ ၁၉၉၈/၁၉၉၉ ခုနှစ်များတွင် စတင်အသုံးပြုခဲ့ပြီး နောက်ဆုံးတစ်သုတ်ကို ၂၀၂၄ ခုနှစ်မှာ တပ်တော်ဝင်ခဲ့ပါတယ်။

📍ထူးခြားချက်: စစ်ကောင်စီဥက္ကဋ္ဌ မင်းအောင်လှိုင်ကို ပေးအပ်ခဲ့သည့် အထိမ်းအမှတ် အမှတ်တရလက်ဆောင်တွင် ပြသထားသည့် လေယာဉ်ပုံစံငယ်များတွင် ချက်နိုင်ငံထုတ် Turbolet Let-140 အမျိုးအစားကိုပါ တွေ့ရှိရပါတယ်။ သို့သော် အဆိုပါလေယာဉ်ကို လေယာဉ်ကွင်းအတွင်း လက်တွေ့ပြသထားခြင်းမျိုး မတွေ့ရပါဘူး။

ယင်းလေယာဉ်အမျိုးအစားကို အသစ်ဝယ်ယူခဲ့သည့်အကြောင်းကို အစီရင်ခံစာ (၂) စောင်မှာ ဖော်ပြခဲ့ပြီးဖြစ်ပါတယ်။

အစီရင်ခံစာများဖတ်ရှုရန် 👉
https://www.info-res.org/myanmar-witness/reports/tracing-flights-has-a-czech-company-supplied-aircraft-to-the-myanmar-air-force/
https://www.info-res.org/myanmar-witness/articles/tracing-flights-ii-myanmar-witness-investigation-tracks-two-additional-aircraft-in-possible-violation-of-eu-sanctions/

သုံးသပ်ချက်📜
ပုံမှန်အားဖြင့် လေယာဉ်အသစ်များ၏ တပ်တော်ဝင်အခမ်းအနားကို နှစ်စဉ်ဒီဇင်ဘာလ ၁၅ ရက်နေ့တွင်ကျရောက်သည့် လေတပ်နှစ်ပတ်လည်နေ့တွင်သာ ပြုလုပ်လေ့ရှိပါတယ်။ အခုလို သီးခြားအခမ်းအနားတစ်ခုအနေဖြင့် မတ်လတွင်ပြုလုပ်ရခြင်းသည် လုံခြုံရေးဆိုင်ရာ စိုးရိမ်ပူပန်မှုများကြောင့် ဖြစ်နိုင်သည်ဟု Myanmar Witness က ယူဆထားပါတယ်။

ကျွန်ုပ်တို့၏ အစီရင်ခံစာအပြည့်အစုံကို ဝဘ်ဆိုက်တွင် ဆက်လက်စောင့်ကြည့်ဖတ်ရှုနိုင်ပါတယ်။

#WhatsHappeningInMyanmar #MyanmarWitness #Myanmar #MyanmarAirForce

သယ်ယူပို့ဆောင်ရေးလေယာဉ်တွေဟာ တိုက်ခိုက်ရေးဂျက်လေယာဉ်တွေပြီးရင် စစ်အုပ်စုရဲ့ လေကြောင်းဗုံးကြဲတိုက်ခိုက်မှုတွေ ဆက်လုပ်နိုင်အောင် ထောက်ပံ့ပေးနေတဲ့ ကျောရိုးပဲဖြစ်ပါတယ်။ Y-8 နဲ့ Y-12 ဟာဆိုရင် တိုက်ခိုက်ရေးဂျက်လေယာဉ်တွေလို ပေါင် ၅၀၀ ဗုံးတွေကိုပါ ကြဲချ တိုက်ခိုက်နိုင်ပါတယ်။

လေကြောင်းတိုက်ခိုက်မှုတွေမှာ ဗုံးကြဲတဲ့ လေယာဉ်ကိုသာ အဓိက တွေ့ရပေမဲ့ နောက်ကွယ်မှာတော့ ဒီလို သယ်ယူပို့ဆောင်ရေးလေယာဉ်တွေက ကင်းထောက်တာတွေအပြင် စစ်အင်အား၊ လက်နက်ခဲယမ်းတွေ၊ ဗုံးတွေ၊ အပိုပစ္စည်းတွေနှင့် တခါတရံ လေယာဉ်ဆီတွေကိုပါ သယ်ယူပို့ဆောင်ရန် အသုံးပြုကြပါတယ်။ ဆိုလိုတာက လေကြောင်းဗုံးကြဲတိုက်ခိုက်မှု လုပ်နိုင်ဖို့အတွက် လိုအပ်တဲ့ ထောက်ပံ့ရေးလမ်းကြောင်းကို ဒီလေယာဉ်တွေက ဖန်တီးပေးနေကြတာပါ။ ဒါကြောင့် ဒီလေယာဉ်အုပ်စုဟာ စစ်အုပ်စုရဲ့ လေကြောင်းတိုက်ခိုက်မှုစနစ်အတွက် နောက်ကွယ်ကနေ အဓိက ထောက်ပံ့ရေးအင်အားပဲဖြစ်ပါတယ်။

အကြမ်းဖက်စစ်အုပ်စုမှာ သယ်ယူပို့ဆောင်ရေးလေယာဉ်တွေ (၉) မျိုးအထိ ရှိပါတယ်။
ဒီလေယာဉ်တွေထဲမှာ
တရုတ်လုပ် Y-8 (၈) စီး၊ Y-12 (၇) စီး၊
နယ်သာလန်လုပ် Fokker-70 (၂) စီး၊
ပြင်သစ် နဲ့ အီတလီလုပ် ATR-42, ATR-72 (၆) စီး နဲ့ အရေအတွက်မသိရတဲ့ ATR-42(MPA)
အမေရိကန်လုပ် Beechcraft-1900 (၇) စီး၊
ဂျာမနီလုပ် Grob G-120TP (၂၀) စီး၊
ချက်နိုင်ငံထုတ် L-410 Turbolet (၆) စီး တို့ ပါဝင်ပါတယ်။

ဒီအုပ်စုထဲမှာ အကြီးဆုံးနှင့် အရေးကြီးဆုံးလေယာဉ်တစ်မျိုးကတော့ Y-8 သယ်ယူပို့ဆောင်ရေး လေယာဉ်ဖြစ်ပါတယ်။ Y-8 ဟာ ဆိုဗီယက် An-12 လေယာဉ်ကို အခြေခံပြီး တရုတ်နိုင်ငံ Shaanxi Aircraft Corporation က ထုတ်လုပ်ထားတဲ့ အလယ်အလတ်အရွယ် စစ်ရေး သယ်ယူပို့ဆောင်ရေးလေယာဉ်ဖြစ်ပြီး စစ်သားတွေ၊ စစ်ရေးပစ္စည်းတွေနှင့် ကုန်ပစ္စည်းတွေကို နေရာဝေးထိ သယ်ယူနိုင်အောင် ဒီဇိုင်းလုပ်ထားတာဖြစ်ပါတယ်။ ဒီလိုလေယာဉ်မျိုးတွေဟာ လေတပ်စခန်းတွေအကြား (သို့မဟုတ်) ရှေ့တန်းစစ်စခန်းတွေဆီ သယ်ယူပို့ဆောင်ပေးတဲ့ အဓိက လေကြောင်းထောက်ပံ့ရေးစနစ်အဖြစ် အသုံးပြုကြပါတယ်။

အခြားသယ်ယူပို့ဆောင်ရေးလေယာဉ်များမှာ Y-12၊ Beechcraft 1900၊ Fokker 70 နှင့် ဥရောပ ပူးပေါင်းထုတ်လုပ်ထားတဲ့ ATR-42 / ATR-72 / ATR-42(MPA) လေယာဉ်တွေ ပါဝင်ပါတယ်။ ဒီလေယာဉ်အမျိုးအစားများက လူနှင့် ပစ္စည်းများကို တိုတောင်းသော လမ်းကြောင်းများအတွင်း သယ်ယူပို့ဆောင်ရန် သို့မဟုတ် လေတပ်စခန်းများအကြား ထောက်ပံ့ရေးပစ္စည်းများ လှည့်လည်ပို့ဆောင်ရန် အသုံးပြုကြပါတယ်။

ဒါ့အပြင် Grob G-120TP လေယာဉ်များကတော့ အဓိကအားဖြင့် လေယာဉ်မှူးသင်တန်းနှင့် လေ့ကျင့်ရေးအတွက် အသုံးပြုကြသော်လည်း လေတပ်စနစ်တစ်ခုလုံး၏ လည်ပတ်မှုအတွက် အရေးကြီးသော အစိတ်အပိုင်းတစ်ခုဖြစ်နေပါတယ်။ လေယာဉ်မှူးအသစ်တွေကို လေ့ကျင့်ပေးခြင်းအားဖြင့် နောက်ပိုင်းမှာ တိုက်ခိုက်ရေးနှင့် စစ်ရေးပျံသန်းမှုများ ဆက်လက်လုပ်ဆောင်နိုင်ရန် အရေးကြီးသော အခြေခံဖြစ်ပါတယ်။

L-410 လေယာဉ် (၆) စီးဟာဆိုရင် ၂၀၂၄ နဲ့ ၂၀၂၅ မှာမှ ချက်နိုင်ငံကနေ ရောက်ရှိလာကြတာ ဖြစ်ပါတယ်။ ဒီလေယာဉ်တွေကိုလည်း တပ်စခန်းတွေကို ပစ္စည်းတွေ ပို့ဆောင်ဖို့နဲ့ လေ့ကျင့်ရေးတွေအတွက် အသုံးပြုကြပါတယ်။

(ပုံစာ - စစ်အုပ်စု အသုံးပြုနေသည့် သယ်ယူပို့ဆောင်ရေးလေယာဉ်များ၊ ထုတ်လုပ်သည့်နိုင်ငံများနှင့် ခန့်မှန်း အရေအတွက်)

မှတ်ချက်။ ။အမှန်တကယ် အရေအတွက်သည် ဖော်ပြထားသည်ထကိ ပိုများနိုင်သည်။

#SanctionAviationFuel #CutTheRoute
#CloseTheSky
#WhatsHappeningInMyanmar
#BloodMoneyCampaignMM

⚜️ #EIO_Update_News

မုံရွာနယ် တောင်ခြမ်း၊စွမ်းရည်ထက်ဂိတ်မှ ထွက်လာသော စခကင်းများသည် မြေနဲမိုးညှင်းပေလမ်းဆုံသို့ ရောက်ရှိနေကြောင်းသတင်းရရှိထားပါသည်။

Mar 14, 7:25PM
#EIO (ဆက်သွယ်ရေးနှင့်သတင်းပြန်ကြားရေး)
📲သတင်းပေးပို့ရန်-
👉 @EIO2021_bot
👉 @EagleInformationOperator_bot
👉 http://www.eagleinformationoperators@gmail.com
🔵https://www.facebook.com/eagleinformation
🌐https://t.me/eagleinformationoperator

#EIO #GroundInfo

“ဘယ်တော့မှ မလုပ်မယ့် အရာတွေ သတ်မှတ်ထားဖို့”

🔳 ကိုယ်ပိုင်မူတွေ၊ Principle တွေ၊ တစ်ကိုယ်စာကျင့်ဝတ်တွေက တစ်ယောက်နဲ့တစ်ယောက်တော့ တူမှာ မဟုတ်ပါဘူး။ ဘယ်လိုအရာတွေကို တန်ဖိုးထားတယ်၊ ဘယ်လိုအလုပ်မျိုးနဲ့ အသက်မွေးနေတယ်၊ ဘဝအခြေအနေ ဘယ်လိုရှိတယ် စတဲ့အချက်တွေပေါ် မူတည်ပြီး ကွဲပြားနေကြပါလိမ့်မယ်။ ကိုယ်တစ်ယောက်တည်းမှာတင် အသက်အရွယ်ပေါ် လိုက်ပြီး ပြောင်းနေတတ်ပါသေးတယ်။

အရေးကြီးဆုံးက ကိုယ် ဘာဖြစ်ချင်တယ် ကိုယ်သိဖို့ပါပဲ။

🔳 မတရားသဖြင့် ရလာတဲ့ ပိုက်ဆံတွေနဲ့ ပျော်နိုင်တဲ့သူ ရှိသလို၊ မပျော်နိုင်တဲ့သူတွေလည်း ရှိတယ်။

ဘယ်လိုနာမည်ကြီးကြီး ရတယ်ဆိုတဲ့သူတွေ ရှိသလို၊ နာမည်ဆိုးနဲ့ ကျော်ကြားဖို့ မပြောနဲ့၊ Low profile ပဲ နေချင်တဲ့သူတွေလည်း ရှိတယ်။

လူတစ်ယောက်ကို အပုပ်ချတိုက်ခိုက်ရတာကို ငါအနိုင်ရတယ် ထင်နေသူတွေ ရှိသလို၊ အဲဒါမျိုး လုပ်ရမှာ မစင်ကို ကိုင်ရမှာထက် ပိုရွံရှာတဲ့သူတွေလည်း ရှိတယ်။

ဒါကြောင့် ကိုယ် ဒါကို လုပ်လိုက်ရင် "နောင်တမရရမှာ သေချာသလား" ဆိုတဲ့ မေးခွန်းကိုသာ ပြန်မေးကြဖို့ လိုပါတယ်။

🔳 အသက်ရှင်တုန်းခဏ ငါဘာတွေလုပ်သွားမယ် ဆိုတဲ့ ရည်မှန်းချက်ကြီးငယ်တွေ ဖြစ်မြောက်လာအောင် ကြိုးစားနေတဲ့ တပြိုင်တည်းမှာ၊ ငါ ဘာတွေတော့ မလုပ်ဘူး ဆိုတဲ့ စည်းတွေလည်း ချထားရပါလိမ့်မယ်။

ဒါမှသာ ဆုံးဖြတ်ရခက်တဲ့ လမ်းဆုံလမ်းခွတွေရောက်တိုင်း လွယ်လွယ်ကူကူနဲ့ ရွေးချယ်နိုင်ပြီး ရှေ့ဆက်ရမယ့်လမ်းကို ဖြောင့်ဖြောင့်တန်းတန်း ဆက်လျှောက်နိုင်ကြမှာ ဖြစ်ပါတယ်။

ဒေါက်တာ ဖြိုးသီဟ
၁၃.၃.၂၀၂၅

လိပ်ပြာလုံတဲ့ ချမ်းသာမှုဟာ...
ဘာနဲ့မှ နှိုင်းယှဥ် လို့ မရဘူး..
အဲ့ဒီတော့ ကိုယ့်လိပ်ပြာ ကိုယ်လုံအောင်နေပါ။
မှန်တဲ့ ကိစ္စကို ရဲရဲဝံ့ဝံ့လုပ်ပါ။
မလုပ်သင့်တဲ့ ကိစ္စကို ရဲရဲဝံ့ဝံ့မလုပ်ပါနဲ့။

ဒေါ်အောင်ဆန်းစုကြည်

၁။ ရာဇတောဝါ - မင်းဘေးမှလည်းကောင်း။
၂။ စောရတောဝါ - ခိုးသူဘေးမှလည်းကောင်း။
၃။ မနုဿတောဝါ - လူဆိုးလူကြမ်း
      ဘေးမှလည်းကောင်း။
၄။ အမနုဿတောဝါ - ဘီလူး၊ ဂုမ္ဘဏ်၊ ဖုတ်ပြိတ္တာ.              
      ဘေးမှ လည်းကောင်း။
၅။ အဂ္ဂိတောဝါ - မီးဘေးမှ လည်းကောင်း။
၆။ ဥဒကတောဝါ - ရေဘေးမှ လည်းကောင်း။
၇။ ကဏ္ဍကတောဝါ - လေးမြှား၊ လက်နက်၊ ဆူးငြောင့်
       ဘေးမှ လည်းကောင်း။
၈။ ဇနပဒရောဂတောဝါ - ဇနပုဒ်၌ဖြစ်ကုန်သော   
      အနာရောဂါ ဘေးမှလည်းကောင်း။
၉။ အသဒ္ဓမ္မတောဝါ - သူယုတ်တို့၏ မကောင်းသော
       အကျင့်ဘေးမှလည်းကောင်း။
၁၀။ အသန္ဒိဋ္ဌိတောဝါ - မိစ္ဆာအယူရှိသော သူတို့၏
         ဘေးမှလည်းကောင်း။
၁၁။ အသပ္ပုရိသတောဝါ - သူတော်မဟုတ် သူယုတ်မာ
         တို့၏ ဘေးမှလည်းကောင်း။
ထို ( ၁၁ )ပါးသောဘေးဆိုးတို့မှကင်းဝေးကြပါစေရန်ဆုတောင်းမေတ္တာပို့သပါသည်။ဘေးရန်ကင်းငြိမ်းကြပါစေ။🙏🙏🙏

#AdminTeam
#Eagle Information Operator
#EIO (ဆက်သွယ်ရေးနှင့်သတင်းပြန်ကြားရေး)

🚨 မိဘပြည်သူများအတွက် အရေးပေါ် သတိပေးချက် 🚨

လတ်တလော မုံရွာမြို့ပေါ် နှင့် လမ်းကြိုလမ်းကြားများမကျန်၊ မြို့အဝင်အထွက် စစ်‌ဆေးရေးဂိတ်များ၊ အိမ်စီးကားများကို အသုံးပြု၍ ကင်းပတ်ပြီး‌သော်လည်းကောင်း စခ၊ရခများသည် ပြည်သူအသွားအလာများကို အစစ်ဆေးကြမ်းတမ်းခြင်း၊ လူငယ်\လူလတ်ပိုင်းများကို အတင်းအဓမ္မ ဖမ်းဆီးခြင်းနှင့် ပေါ်တာဆွဲခြင်းများကို ပြုလုပ်နေကြောင်း သတင်းများ ရရှိထားပါသည်။

မိဘပြည်သူများ ဘေးကင်းလုံခြုံစေရန် အောက်ပါအချက်များကို အထူးသတိထား လိုက်နာကြပါရန် မေတ္တာရပ်ခံအပ်ပါသည်။

⚠️ သတိပြုရန် အချက်များ

🔹 ဒေသခံ တော်လှန်ရေးအဖွဲ့အစည်းများ၏ အသိပေးချက်များကို စောင့်ကြည့်လိုက်နာပါ။
🔹 မြေပြင်သတင်းချန်နယ်များကို ဖတ်ရှုကြပါ။
🔹 နီးစပ်ရာ အချင်းချင်း သတင်းအချက်အလက်များ မျှဝေကြပါ။

🚫 လုံးဝ မပြုလုပ်ရ

❌ စခ / ရခ ယာဉ်တန်းများအနီးတွင် မနေပါနှင့်။
❌ စခ / ရခ ယာဉ်တန်းနှင့်အတူ လိုက်ပါ မောင်းနှင်ခြင်း မပြုလုပ်ပါနှင့်။
❌ စခ / ရခ အထိုင်ဂိတ်များအနီးတွင် ကြာမြင့်စွာ မနေပါနှင့်။

🚑 ကျန်းမာရေးကိစ္စများနှင့် စားဝတ်နေရေးအတွက် မဖြစ်မနေ ခရီးသွားလာရပါက အထူးသတိဖြင့် သွားလာကြပါရန် တိုက်တွန်းအပ်ပါသည်။

🙏 မိဘပြည်သူများအားလုံး ကျန်းမာ၍ ဘေးကင်းကြပါစေ။

⚜️ မြေပြင်အခြေအနေများနှင့် ပတ်သက်၍ အရေးကြီးသတင်းများရှိပါက #EIO Admin Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

📲 ဆက်သွယ်မေးမြန်းရန်နှင့် သတင်းပေးပို့ရန်

🤖 Telegram – @EIO2021_bot ၊ @EagleInformationOperator_bot ၊ http://t.me/eagleinformationoperator?direct
📧 Email – eagleinformationoperators@gmail.com
🔵 Facebook Page – facebook.com/eagleinformation
🌐 Telegram Channel – t.me/eagleinformationoperator

#EIO #EmergencyAlert #StaySafe #Monywa #SecurityUpdate #CivilianMilitaryServiceLaw #MilitaryServiceTraining #BasicRecruitTraining #MilitaryCommission #UnlawfulArrest #HumanRightsViolation