ဗိုလ်နဂါးတပ်ထုတ်ပေးထားတဲ့ လက်နက်၊ ခဲယမ်းတွေ ကိုင်ဆောင်ထားတဲ့ရဲဘော်တွေ အမြန်ဆုံး လာရောက်အပ်နှံကြဖို့ မုံရွာခရိုင် ပကဖ ထုတ်ပြန်

ဖေဖော်ဝါရီ-၂၀၊၂၀၂၆။အိမ်သွင်/People's Spring

မုံရွာခရိုင်အတွင်းမှာ ဗိုလ်နဂါးတပ် BNRAအဖွဲ့က ထုတ်ပေးထားတဲ့ လက်နက်၊ ခဲယမ်းတွေ
ကိုင်ဆောင်ထားတဲ့ ရဲဘော်တွေအနေနဲ့ အမြန်ဆုံးလာရောက်အပ်နှံကြဖို့ မုံရွာခရိုင်ပကဖ ဦးစီးအဖွဲ့က ထုတ်ပြန်ပါတယ်။

မုံရွာ၊ အရာတော်၊ ချောင်းဦးနဲ့ ဘုတလင် မြို့နယ် တွေက ဒေသကာကွယ်ရေးအဖွဲ့တချို့ကို BNRA အဖွဲ့က လက်နက်ခဲယမ်းနဲ့ ကျည်တွေထုတ်ပေးထားတာပါ။

အဲဒီ လက်နက်၊ ခဲယမ်း၊ ကျည်နဲ့ဆက်စပ်ပစ္စည်းတွေကို အမြန်ဆုံးလာရောက် အပ်နှံဖို့၊ ရောင်းချခြင်း၊ ပေါင်နှံခြင်း၊ ပေါင်နှံခြင်း၊ဖျောက်ဖျက်ခြင်း၊ ဖျက်ဆီးခြင်း၊ ပုံဖျက်ခြင်းတွေ မပြုလုပ်ဖို့နဲ့ ညွန်ကြားချက်ကို မလိုက်နာရင်ပြင်းထန်စွာ အရေးယူခံရမယ်လို့ ဒီနေ့ ဖေဖော်ဝါရီ ၂၀ရက်မှာ ထုတ်ပြန်တာပါ။

မုံရွာ၊ အရာတော်၊ ချောင်းဦးနဲ့ ဘုတလင် မြို့နယ် တွေက ရပ်ကျေး၊တိုက်နယ် ပကဖ၊ပအဖအဖွဲ့တွေအနေနဲ့လည်း ဒေသတွင်းမှာ BNRAအဖွဲ့နဲ့ ဆက်စပ်တဲ့ လူပုဂ္ဂိုလ်၊အဖွဲ့အစည်းတွေရှိရင် မုံရွာခရိုင် ပကဖ ဦးစီးအဖွဲ့နဲ့ မြို့နယ်ပကဖ တာဝန်ခံတွေထံ အကြောင်းကြားဖို့ ညွှန်ကြားထားပါတယ်။

BNRAရဲ့ အင်အားစာရင်း၊ လက်နက်ခဲယမ်း၊ကျည်၊ ဆက်စပ်ပစ္စည်းစာရင်းတွေကို ဖေဖော်ဝါရီ ၂၅ရက် နောက်ဆုံးထားပြီး မုံရွာခရိုင် ပကဖ ဦးစီးအဖွဲ့ထံ ပြုစုတင်ပြဖို့လည်း ညွှန်ကြားထားပါတယ်။

BNRA ရဲဘော်တွေ၊ BNRA လက်အောက်ခံအဖွဲ့အစည်းက ရဲဘော်တွေအနေနဲ့ ပြစ်မှုမရှိရင် တော်လှန်ရေးမှာ ဆက်လက်ပါဝင်ဖို့ ဖိတ်ခေါ် ထားပြီး ပြစ်မှုရှိသူတွေကို စစ်ဆေး၊ ဖော်ထုတ်၊ အပြစ်ပေး၊ အရေးယူသွားမယ်လို့ ထုတ်ပြန်ထားပါတယ်။

ပုလဲမြို့နယ်မှာရှိတဲ့ ဗိုလ်နဂါးဦးဆောင်တဲ့ BNRA တပ်ဖွဲ့စခန်းအချို့ကို ယင်းမာပင်ခရိုင်က PDF တပ်ရင်းတွေက ဖေဖော်ဝါရီ ၁၇ရက်မနက်ပိုင်းမှာ စီးနင်းခဲ့ပြီး တိုက်ပွဲဖြစ်ခဲ့ပါတယ်။

ဖေဖော်ဝါရီ ၁၈ရက်မှာ ဗိုလ်နဂါးက စစ်တပ်ထံအလင်းဝင်ခဲ့လို့ စစ်တပ်က ရဟတ်ယာဉ်နဲ့ ခေါ်ထုတ်သွားပါတယ်။BNRAအဖွဲ့မှာ တပ်ဖွဲ့ဝင် ၄၀၀ နီးပါးရှိနိုင်ပြီး PDFနဲ့ ပကဖတွေထံ အလင်းဝင်သူတွေရှိသလို ထွက်ပြေးနေတာတွေလည်း ရှိပါတယ်။

မုံရွာခရိုင်ဟာ ပုလဲမြို့နယ်ပါဝင်တဲ့
ယင်းမာပင်ခရိုင်နဲ့ ဆက်စပ်နေပါတယ်။ ‌ဗိုလ်နဂါးက ဒေသကာကွယ်ရေးခေါင်းစဉ်နဲ့ ရွာတွေက လူငယ်တွေကို လက်နက်တွေ ထုတ်ပေးထားပါတယ်။

ယင်းမာပင်ခရိုင်ထဲမှာ BNRAက ထုတ်ပေးထားတဲ့ လက်နက်တွေ ကိုင်ဆောင်ထားတဲ့ ရဲဘော် တွေအနေနဲ့ ခရိုင်/မြို့နယ်ပကဖ အဖွဲ့တွေကို ချိတ်ဆက်ပြီး လက်နက်တွေနဲ့ဆက်စပ်ပစ္စည်းတွေအပ်နှံကြဖို့ ယင်းမာပင်ခရိုင်ပြည်သူအုပ်ချုပ်ရေးအဖွဲ့က ထုတ်ပြန်ထားပါတယ်။

လက်နက်တွေနဲ့ ဆက်စပ်ပစ္စည်းတွေကို ရောင်းချခြင်း၊ ပေါင်နှံခြင်း၊ ဖျောက်ဖျက်ထားခြင်း၊ ဖျက်ဆီးခြင်းမပြုလုပ်ဖို့နဲ့ စစ်ဆေးပေါ်ပေါက်ရင် ပြင်းထန်စွာအရေးယူမယ်လို့ ထုတ်ပြန်ထားပါတယ်။

BNRAအဖွဲ့ မှာ ပြစ်မှုကျူးလွန်ထားခြင်းမရှိတဲ့ တပ်ဖွဲ့ဝင်တွေကို ၎င်းတို့ စိတ်ဆန္ဒရှိပါက ပြည်သူ့ကာကွယ်ရေးတပ်မတော်မှာ ဖြစ်စေ၊ ပြည်သူ့ကာကွယ်ရေးအဖွဲ့များမှာ ဖြစ်စေ ပူးပါင်းပြီး တော်လှန်ရေးမှာ ဆက်လက်ပါဝင်တိုက်ပွဲဝင်နိုင်ဖို့ စီစဉ်သွားမယ်လို့ အမျိုးသားညီညွတ်ရေးအစိုးရကလည်း ထုတ်ပြန်ထားပါတယ်။

ပုလဲမြို့ပေါ် စစ်အုပ်စု ရဟတ်ယာဉ် လေးကြိမ်ဆင်း အင်အားဖြည့်၊ မြေပြင် စစ်ကြောင်း ပြန်ထိုး၊
ဘက်ပြောင်းလာတဲ့ BNRA ငါးဦးကို ခေါ်ထုတ်ကာ နမခ ပို့၊

သုထက်/MFP၊ ဖေဖေါ်ဝါရီ - ၂၀

စစ်ကိုင်းတိုင်း၊ ယင်းမာပင်ခရိုင်၊ ပုလဲမြို့ပေါ်ကို အာဏာသိမ်း စစ်အုပ်စုက ဒီကနေ့ မနက်ပိုင်း ရဟတ်ယာဉ် လေးကြိမ်ဆင်းသက်ကာ အင်အားဖြည့်ခဲ့သလို မွန်းလွဲပိုင်းက စတင်ကာ တကျော့ပြန်စစ်ကြောင်းထိုးတယ်လို့ ဒေသခံတွေက MFP ကို ပြောပါတယ်။

ဖေဖေါ်ဝါရီ ၂၀ရက် ဒီကနေ့ မနက်ပိုင်း မုံရွာမြို့ အနောက်မြောက်တိုင်း စစ်ဌာနချုပ် - နမခ ကတဆင့် ပုလဲမြို့ပေါ် MI-17 သယ်ပို့ရဟတ်ယာဉ် လေးကြိမ် ဆင်းသက်ကာ အင်အားဖြည့်ခဲ့သလို စစ်အုပ်စုထံ လက်နက်ချ ဘက်ပြောင်းတဲ့ ဗမာအမျိုးသား တော်လှန်ရေးတပ်မတော် - BNRA အဖွဲ့ဝင် ငါးယောက်ကိုလည်း ရဟတ်ယာဉ်နဲ့ တင်ခေါ်သွားတယ်လို့ ဆိုပါတယ်။

ဒီကနေ့ မနက် ၁၁နာရီမှာ ရဟတ်ယာဉ်နဲ့ စစ်အင်အားဖြည့်ပြီးနောက် မွန်းတည့် ၁၂နာရီလောက်က စတင်ကာ ပုလဲမြို့ရဲ့ အနောက်အရပ် သေတ္တရာရွာဘက်ဆီ ဦးတည်ကာ အင်အား ရာဂဏန်းနဲ့ စစ်ကြောင်းစထိုးတယ်လို့ ဒေသခံ တော်လှန်ရေး ရဲဘော်တစ်ဦးက MFP ကို ပြောပါတယ်။

"အင်အားက များတယ်၊ သေတ္တရာရွာထဲ ဝင်နေတယ်၊ နိုင်လင်း (ဗိုလ်နဂါး) အရင်က ဝှက်ထားတဲ့ ပစ္စည်းတွေ ဝင်သယ်တာလို့ သိရတယ်"

စစ်အုပ်စု စစ်ကြောင်းထိုးလို့ မြကုန်း၊ ကုက္ကိုကုန်း၊ စေတီရုံ၊ သေတ္တရာ စတဲ့ ကျေးရွာတွေက ပြည်သူတွေ စစ်ဘေးရှောင် ထွက်ပြေးနေကြရတယ်လို့ ဆိုပါတယ်။

စစ်အုပ်စုဟာ ပုလဲမြို့ပေါ်ကနေ အနီးဝန်းကျင် ကျေးရွာတွေကို စစ်ကြောင်းထိုးလိုက်၊ ဝင်လိုက်ထွက်လိုက် လုပ်နေပြီး ဒီကနေ့ စစ်ကြောင်းရဲ့ အခြေအနေကို စောင့်ကြည့်ရဦးမယ်လို့ ဆိုပါတယ်။

စစ်အုပ်စုဟာ ဖေဖေါ်ဝါရီ ၁၉ရက် မနေ့ကလည်း မုံရွာ နမခ ကတဆင့် ပုလဲမြို့ပေါ် MI-17 သယ်ပို့ရဟတ်ယာဉ် နှစ်စီးနဲ့ ခြောက်ကြိမ်၊ ၁၂ ခေါက် ဆင်းသက်ကာ အင်အားဖြည့်တင်းခဲ့သလို ပုလဲမြို့ကနေ မင်းတိုင်ပင်ရွာဆီ စစ်ကြောင်းထိုးပြီးနောက် ဘက်ပြောင်းလာတဲ့ BNRA အဖွဲ့ဝင်တွေကို ပုလဲမြို့ပေါ် ခေါ်ထုတ်ခဲ့ပါသေးတယ်။

ဒီကနေ့ ဖေဖေါ်ဝါရီ ၂၀ရက်မှာ BNRA အဖွဲ့ဝင် ငါးယောက် လက်နက်ခဲယမ်းနဲ့အတူ ဘက်ပြောင်း ခိုဝင်လာတယ်လို့ စစ်လော်ဘီ ချန်နယ်တွေကနေ သတင်းဖြန့်ပါတယ်။

ပုလဲမြို့နဲ့ မင်းတိုင်ပင်ရွာကြားရှိ မြကုန်း၊ ကုက္ကိုကုန်း၊ စေတီရုံ၊ စပါးစေ့၊ နွယ်ရှောက်စတဲ့ ကျေးရွာတွေရှိ ဒေသခံ ပြည်သူတွေထဲက တချို့ဟာ စစ်အုပ်စု စစ်ကြောင်းထွက်လာပြီဆို ထွက်ပြေးလိုက်၊ အန္တရာယ် ကင်းပြီထင်ရင် ရွာထဲပြန်ဝင်လိုက်နဲ့ နေထိုင်နေကြရတယ်လို့ ဒေသခံတွေက ပြောပါတယ်။

စစ်အုပ်စုဟာ ပုလဲနယ်ထဲ စစ်ကြောင်းထိုးတိုင်း ကျေးရွာတွေကို စီးနင်းဝင်မွှေကာ တွေ့သမျှလူ ဖမ်းဆီး၊ သတ်ဖြတ်၊ ဓားစာခံလူသားဒိုင်းအဖြစ် အသုံးချ၊ နေအိမ်တွေ ဖောက်ထွင်းခိုးယူ၊ ရွာမီးရှို့တာတွေ ကျူးလွန်လေ့ ရှိပါတယ်။

ပြီးခဲ့တဲ့ ဖေဖေါ်ဝါရီ ၁၇ရက်မှာ အမျိုးသား ညီညွတ်ရေးအစိုးရ - NUG က ပုလဲနယ် အခြေပြု BNRA တပ်ဖွဲ့ဝင်တွေ ကျူးလွန်ထားတဲ့ ရာဇဝတ်မှုတွေကို အရေးယူဖို့အတွက်လို့ဆိုကာ BNRA ဂိတ်စခန်းတွေကို အင်အားသုံး စီးနင်းတိုက်ခိုက်ခဲ့ြီးနောက် ဖေဖေါ်ဝါရီ ၁၈ရက်မှာ BNRA ခေါင်းဆောင် ဗိုလ်နဂါး ခေါ် ထင်လင်း ဆိုသူ စစ်အုပ်စုဘက် ဘက်ပြောင်းခိုလှုံသွားသလို BNRA အဖွဲ့ဝင်တချိုပလည်း စစ်အုပ်စုထံ ဘက်ပြောင်းခိုလှုံတာ ဖြစ်ပါတယ်။

တချိန်တည်းမှာပဲ NUG ထံ ပူးပေါင်းလာတဲ့ BNRA အဖွဲ့ဝင် ၁၅၀ ဝန်းကျင် ရှိတယ်လို့ NUG က ထုတ်ပြန်ထားပါတယ်။

စစ်အုပ်စုထံ ဘက်ပြောင်းတဲ့ BNRA အဖွဲ့ဝင်တွေကို တွေ့ရစဉ်/Photo – စစ်အုပ်စု

မုံရွာမြို့ပေါ်တွင် စစ်တပ်က ကား ၅ စီးဖြင့် ယနေ့ ညနေပိုင်း ပေါ်တာဆွဲ ဖမ်းဆီးမှု လူငယ် ၃၀ ကျော် အဖမ်းခံရ၊ တောင်ကြီးမြို့တွင်လည်း စစ်တပ်က လူငယ် ၅၀ ကျော်ကို ပေါ်တာဆွဲ ဖမ်းဆီး

ရန်ကုန်၊ ဖေဖော်ဝါရီ ၂၀

စစ်ကိုင်းတိုင်း၊ မုံရွာမြို့ပေါ်တွင် အကြမ်းဖက် စစ်တပ်က ကား ၅ စီးဖြင့် ယနေ့ ညနေပိုင်း ပေါ်တာဆွဲ ဖမ်းဆီးခြင်းကြောင့် လူငယ် ၃၀ ကျော် အဖမ်းခံရကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဖေဖော်ဝါရီလ ၂၀ ရက်နေ့ ညနေ ၄ နာရီ ၃၅ မိနစ်ခန့်တွင် မုံရွာမြို့ထဲမှ အကြမ်းဖက် စစ်တပ်၏ ကား ၅ စီးသည် ပြည်ထောင်စုလမ်း၊ မုံရွာစက်မှုဇုန် ၁ မှ လမ်းသွားလမ်းလာ ပြည်သူ ၃၀ ကျော်ခန့်ကို ပေါ်တာဆွဲ ဖမ်းဆီးသွားပြီး မုံရွာမြို့ထဲသို့ ပြန်လည် ဝင်ရောက်သွားကြောင်း သိရသည်။

လက်ရှိချိန်တွင် ဖမ်းဆီးခံရ‌သော လူငယ်များကို အကြမ်းဖက် စစ်တပ်က မည်သည့် နေရာတွင် ချုပ်နှောင်ထားသည်ကို မသိရသေးဘဲ မိသားစုဝင်များနှင့် အဆက်အသွယ်မရသေးကြောင်း သိရှိရသည်။

"မုံရွာမြို့ထဲကနေ ဒီနေ့ ညနေပိုင်းမှာ ထွက်လာသော ပေါ်တာဆွဲ စစ်ခွေးကား ၅ စီးက ပြည်ထောင်စုလမ်း၊ မုံရွာစက်မူဇုန် ၁ က လမ်းသွားလမ်းလာ ပြည်သူ ၃၀ ကျော်ကို ဖမ်းဆီးသွားပြီး မုံရွာမြို့ထဲ ပြန်ဝင်ရောက်သွားတယ်" ဟု ဒေသပြည်သူတစ်ဦးက ပြောဆိုသည်။

အလားတူ ရှမ်းပြည်နယ်တောင်ပိုင်း၊ တောင်ကြီးမြို့ပေါ်တွင် စစ်တပ်နှင့် PNO က ပူးပေါင်းပြီး ၁၀ ရက်တာအတွင်း လူငယ် ၅၀ ကျော်ကို ပေါ်တာဆွဲ ဖမ်းဆီးခဲ့ပြီး ဗထူးစစ်သင်တန်းကျောင်းသို့ ပို့ခံလိုက်ရကြောင်း ဒေသနေပြည်သူများက ရန်ကုန်ခေတ်သစ် သတင်း ဌာနထံသို့ ပြောကြားသည်။

ဖေဖော်ဝါရီလ ၁၀ ရက်နေ့မှစတင်ကပြီး တောင်ကြီးမြို့ပေါ်တွင် အကြမ်းဖက်စစ်တပ်နှင့် PNO ပူးပေါင်း အဖွဲ့များက လူငယ် ၅၀ ဦးကျော်ကို ပေါ်တာဆွဲဖမ်းဆီးပြီး ဗထူးစစ်သင်တန်းကျောင်းသို့ ပို့ဆောင်လိုက်ကြောင်း သိရသည်။

ထိုသို့ ပေါ်တာဆွဲ ဖမ်းဆီးခံရသူများမှာ တောင်ကြီးမြို့၊ ဝါးပြားလမ်းဆုံတွင် ၈ ဦး၊ မင်္ဂလာရာမကျောင်းတိုက်အနီး တွင် ၅ ဦး၊ စစ်စံထွန်းဈေးအရှေ့ဘက် တာဝါတိုင်အနီးတွင် ၂ ဦး၊ ချမ်းမြေ့ View Point တွင် ၃ ဦး၊ ရွှေ တောင်အနောက်ခြမ်းရှိ ဆောက်လုပ်ရေးတွင် ဆောက်လုပ်ရေးလုပ်သား ၁၀ ဦး၊ ကံသာ နိဗ္ဗာန် လမ်း ဆုံ မီးပွိုင့်အနီးတွင် ၅ ဦး၊ အမှတ် ၂၁၂ စစ်တပ်တောင်ဘက်ပေါက် ဖရဲအတက်အနီးတွင် ၂ ဦး၊ ရတနာ သီရီ အထက်တန်းကျောင်း ၉ အနီးတွင် ၁ ဦး၊ မီးပုံးပျံကွင်းအနီးတွင် ၃ ဦးတို့ပါသွားပြီး စုစု ပေါင်း လူ ဦးရေ ၅၀ ကျော်ရှိကြောင်း သိရှိရသည်။

ထို့ပြင် ဖမ်းဆီးခံရမှုများထဲတွင် လုပ်ငန်းရှင် အသိုင်းအဝန်းမိသားစုမှ လူငယ် ၂ ဦး ပါဝင်ပြီး တစ်ဦးလျှင် ငွေကျပ် သိန်း ၅၀ ဖြင့် ပြန်လည်ရွေးယူခဲ့ရကြောင်း၊ Non CDM ဝန်ထမ်းများ၏ သားသမီး များလည်း ဖမ်းဆီးခံခဲ့ရပြီး တချို့ကို လိုက်လံရွေးထုတ်နေရကြောင်း သိရသည်။

“ဒီလထဲ တောင်ကြီးမှာ လူငယ် ၊လူလတ်ပိုင်းတွေကို ပေါ်တာဆွဲလို့ ပါကုန်တာ အယောက်ငါး ဆယ် ကျော်နေပြီ။ တချို့တွေဆို ရပ်စောက်က ဗထူး စခသင်တန်းကျောင်းကိုတောင် ရောက်ကုန်ပြီ။ ပေါ် တာဆွဲတဲ့ပုံစံကလည်း အရင်လိုမဟုတ်တော့သလို စစ်မြေပြင်မှာသုံးတဲ့ ကင်းထောက် Droneတွေ နဲ့ အရင်ဆုံး ရပ်ကွက်ထဲ ကင်းထောက်တယ်။ လမ်းပေါ်မှာ လူပြတ်ပြီး ပတ်ဝန်းကျင်တိတ်ဆိတ်နေတဲ့ နေရာမျိုးမှာ ရှိနေတဲ့သူတွေကို အဓိက ရွေးဖမ်းတာ၊ မဖမ်းခင် ၁၅ မိနစ် ကျော်တဲ့ထိ စောင့်ကြည့်ပြီးမှ probox တွေ wish တွေနဲ့ ဖမ်းသွားတာ။ ဘာမှအော်ခွင့်မရှိဘူး၊ ည ၈ နာရီကနေ ၁၁ နာရီအတွင်းမှာ ဆွဲတယ်။ ရပ်ကွက်ထဲက ပြည်သူအချို့က ပေါ်ဆွဲနေတာတွေကို မြင်ပေမယ့် လာဆွဲတဲ့ စခ ရခ တွေ က ခင်ဗျားတို့နဲ့မဆိုင်ဘူး ဝင်မပါနဲ့ ခင်ဗျားတို့ကိုပါ တခါတည်းခေါ်သွားရမလားဆိုပြီး ခြိမ်းခြောက် လို့ ဘာမှ မပြောရဲကြဘူး။” ဟု ဒေသခံပြည်သူတစ်ဦးက ပြောဆိုသည်။

#People's Spring

ပြည်ထောင်စုဝန်ကြီးချုပ်ရုံးအမြဲတမ်းအတွင်းဝန် နှင့် ခင်ပွန်းဖြစ်သူတို့အား တိုင်ကြားမှုကိစ္စ သတင်းစာရှင်းလင်းပွဲပြုလုပ်မည်
*********

ပြည်ထောင်စုဝန်ကြီးချုပ်ရုံးအမြဲတမ်းအတွင်းဝန် နှင့် ခင်ပွန်းဖြစ်သူတို့အား တိုင်ကြားမှုနှင့် ပတ်သက်ပြီး စုံစမ်းစစ်ဆေးရေးအဖွဲ့၏ တွေ့ရှိချက်၊ သုံးသပ်ချက်များနှင့် ပြည်ထောင်စုဝန်ကြီးချုပ်ရုံး၏ ဆောင်ရွက်ချက်များအား ပြည်သူလူထုသို့ အစီရင်ခံတင်ပြနိုင်ရန်အတွက်
သတင်းစာရှင်းလင်းပွဲတခုကို အောက်ပါအစီအစဉ်အတိုင်း ပြုလုပ်သွားမည်ဖြစ်ပြီး အမျိုးသားညီညွတ်ရေးအစိုးရ၊ PVTV(Public Voice Television) နှင့် သတင်းမီဒီယာအချို့​၏ လူမှုကွန်ယက်စာမျက်နှာများမှ တဆင့် တိုက်ရိုက်ထုတ်လွှင့်ပြသသွားမည် ဖြစ်ကြောင်းသတင်းထုတ်ပြန်အပ်ပါသည်။

နေ့စွဲ - ၂၀၂၆ ခုနှစ် ၊ ဖေဖော်ဝါရီလ ၂၁ ရက် ( စနေနေ့)
အချိန် - နေ့လည် ၁:၀၀ (မြန်မာစံတော်ချိန်)
နေရာ - Zoom Meeting Room

🚨ရွှေဘို🚨

ရွှေဘိုမြို့ တောင်ဘက် မုဒ်ပေါက်မှ စခများသည် လက်နက်ကြီးဖြင့် ရမ်းသမ်းပစ်ခတ်ကြောင်းသတင်းရရှိထားပါသည်။

အနီးအနားရှိကျေးရွာများမှ မိဘပြည်သူများအနေဖြင့် အစစအရာရာအထူးဂရုစိုက်ပေးကြပါရန် အသိပေးအပ်ပါတယ်ခင်ဗျာ။

မိဘပြည်သူများအားလုံး ဘေးအန္တရာယ်ကင်းရှင်းကြပါစေ🙏

#EIO
Feb 20, 10:16PM
📬သတင်းပို့ရန် @EIO2021_bot
https://t.me/eagleinformationoperator

"အများပြည်သူသို့ အသိပေးကြေညာခြင်း"

ရက်စွဲ။ ၂၀၂၆ ခုနှစ်၊ ဖေဖော်ဝါရီလ၊ ၂၀ ရက်

အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာန၏ ဦးဆောင်မှုဖြင့် တယ်လီကျန်းမာကို ၂၀၂၁ ခုနှစ်၊ ဇွန်လ ၁၉ ရက်နေ့တွင် စေတနာရှင်ဝန်ထမ်းများဖြင့် စတင်ဖွဲ့စည်းခဲ့ပြီး ယခုအခါ လုပ်ငန်းများ လည်ပတ်ဆောင်ရွက်နေသည်မှာ လေးနှစ်ခွဲကျော်ကာလသို့ ရောက်ရှိခဲ့ပြီ ဖြစ်ပါသည်။

အဆိုပါ လေးနှစ်ခွဲကျော်ကာလအတွင်း တော်လှန်ရေးအစိုးရတစ်ရပ်ကို ယုံကြည်အားကိုးသည့်အနေဖြင့် အာဏာရှင်စနစ်ကို လက်မခံသည့် စေတနာရှင်ဝန်ထမ်းများစွာက တယ်လီကျန်းမာတွင် ပါဝင်အားဖြည့် ကူညီလာခဲ့ကြပြီး ယခုအချိန်တွင် CDM ဝန်ထမ်းများအပါအဝင် စေတနာ့ဝန်ထမ်း (၃၆၀) ကျော်အထိ တိုးမြှင့်ပါဝင်ကာ အများပြည်သူအတွက် ကျန်းမာရေးဝန်ဆောင်မှုများ ပေးအပ်လုပ်ဆောင်လျက် ရှိပါသည်။

သို့သော် လတ်တလောဖြစ်ပေါ်နေသော အမျိုးသားညီညွတ်ရေးအစိုးရ၊ ပြည်ထောင်စုဝန်ကြီးချုပ်ရုံး အမြဲတမ်းအတွင်းဝန်နှင့် ခင်ပွန်းဖြစ်သူတို့ကို တိုင်ကြားချက်များစွာ ရှိသည့်အနက်မှ အချို့ကို ပလှပ်ထားခြင်း (သို့) လျစ်လျူရှုထားခြင်း စသည့်ကိစ္စရပ်များအပြင် စုံစမ်းစစ်ဆေးရေးကော်မတီ၏ ဆုံးဖြတ်ချက်သည်လည်း ပွင့်လင်းမြင်သာမှု မရှိကြောင်း တယ်လီကျန်းမာအနေဖြင့် သုံးသပ်မိ ပါသည်။

ထိုသို့ စီမံခန့်ခွဲမှုဆိုင်ရာ အားနည်းခြင်းကိစ္စရပ်များသည် အစိုးရတစ်ရပ်၏ ကောင်းမွန်သောပုံရိပ်ကို ကျဆင်းစေသည်သာမက ၎င်းအပေါ် အားပေးထောက်ခံနေသော အများပြည်သူများနှင့် သက်ဆိုင်ရာ နှီးနှောဆက်နွယ် ဝန်ထမ်းများ၊ အဖွဲ့အစည်းများ၏ ယုံကြည်ကိုးစားမှုကိုလည်း ကျဆင်းစေပါသည်။

သို့ဖြစ်ပါ၍ သက်ဆိုင်ရာ တာဝန်ရှိသူများအပေါ် တိုင်ကြားထားသည့် အချက်များဖြစ်သည့် လုပ်ပိုင်ခွင့်အာဏာ အလွဲသုံးစားပြုလုပ်ခြင်း၊ ဘဏ္ဍာငွေအလွဲသုံးစားပြုလုပ်ခြင်း၊ လိင်ပိုင်းဆိုင်ရာ ထိပါးနှောက်ယှက်မှု ဖြစ်စေခြင်းများအပါအဝင် အခြားသော တိုင်ကြားထားသည့်အချက်များကို ၂၀၂၆ ဖေဖော်ဝါရီ ၂၁ ရက်နေ့မှစ၍ ရက်သတ္တပတ်တစ်ပတ်အတွင်း အမြန်ဆုံး ဖြေရှင်းဆောင်ရွက်ပေးရန် အလေးအနက်တိုက်တွန်းပါသည်။

အကယ်၍ အချိန်မီ ဖြေရှင်းဆောင်ရွက်ပေးနိုင်ခြင်း မရှိပါက တယ်လီကျန်းမာသည် အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာန၏ အဖွဲ့အစည်းတစ်ရပ်အနေဖြင့် ဆက်လက် တာဝန်ထမ်းဆောင်ခြင်းမပြုဘဲ သီးခြားလွတ်လပ်သော အဖွဲ့အစည်းအဖြစ်သာ အများပြည်သူ အကျိုးအတွက် ရပ်တည်ဆောင်ရွက်သွားမည်ဖြစ်ကြောင်း အသိပေးကြေညာအပ်ပါသည်။

တယ်လီကျန်းမာ

🟥 မြစ်ကြီးနားလေဆိပ်မှ စကစ လူကြီးပိုင်းလိုက်ပါမဲ့ လေယာဥ်တစ်စီး ဒရုန်းမှန်ပြီး အမြီးပိုင်းထိ

BBM-ဖေဖော်ဝါရီ၂၀
သတင်း-မင်းသော်

ကချင်ပြည်နယ်၊ မြစ်ကြီးနားလေဆိပ်မှ စစ်ကောင်စီရဲ့ လူကြီးပိုင်းလိုက်ပါမဲ့ လေယာဥ်တစ်စီး ဒရုန်းမှန်ပြီးတဲ့နောက် အမြီးပိုင်းထိခဲ့တယ်လို့ သိရပါတယ်။

ဖေဖော်ဝါရီလ ၂၀ရက် (ဒီနေ့)ည ၈ နာရီအကျော်မှာ မြစ်ကြီးနားလေဆိပ်မှ ထွက်ခွါရန် ပြင်ဆင်ထားတဲ့ MNA လေကြောင်းလိုင်းမှ ခရီးသည်လေယာဥ်တစ်စီး ဒရုန်းထိမှန်ခြင်းဖြစ်တယ်လို့လည်း ကနဦးသိရှိရပါတယ်။

အဆိုပါလေယာဥ်အတွင်း စစ်ကောင်စီဘက်မှ လူကြီးပိုင်းတစ်ဦး လိုက်ပါမှာသေချာပေမဲ့ မည်သည့်အဆင့်နဲ့ ရာထူးဆိုတာကို အတည်ပြုလို့မရသေးဘူးဟု မြေပြင်သတင်းရင်းမြစ်တစ်ဦးက BBM ကိုပြောပါတယ်။

"မြစ်ကြီးနားမှာ အကောင်ကြီးတစ်ကောင်ပြန်ပါသွားမဲ့ MNA လေယာဥ်ကိုပစ်ချတာ၊ မပျက်ကျပေမဲ့ တော်တော်ထိသွားတယ်ကြားတယ်၊ အကောင်ကြီးက ဘယ်သူလဲတော့ တိတိကျကျမသိပေမဲ့ တော်တော်တော့ ကြီးမယ်၊ လုံခြုံရေးကြပ်ပြီး ကလေးတွေကို တိုင်းရင်းသားဝတ်စုံနဲ့ကြိုခိုင်းတာဆိုတော့"

ဒါ့အပြင် မြစ်ကြီးနားမြို့အတွင်း ပြီးခဲ့တဲ့ ဖေဖော် ဝါရီ ၁၈ ရက်နေ့ကတည်းက လူကြီးလမ်းကြောင်းရှိတာကြောင့် လုံခြုံရေးတင်းကြပ်ထားတဲ့အပြင် ယနေ့ညပိုင်းမှာ ပြန်ဖို့ရှိတယ်ဆိုတဲ့သတင်းလည်းထွက်ပေါ်နေတာကြောင့် အခုကဲ့သို့ ဒရုန်းနဲ့တိုက်ခိုက်ခံရခြင်းဖြစ်ပုံရတယ်လို့လည်း အဆိုပါ သတင်းရင်းမြစ်က ဆက်ပြောပါတယ်။

"မြစ်ကြီးနားမှာက နှစ်ရက်ရှိပြီ လူကြီးလာမှာမို့ လုံခြုံရေးကြပ်ထားတာ ဒီနေ့ညပြန်မှာကြားတာ အဲ့ဒါမို့ Drone နဲ့ဆော်ပုံရတယ်"

အဆိုပါဒရုန်းတိုက်ခိုက်မှုနဲ့ပတ်သတ်ပြီး မည်သည့် အဖွဲ့အစည်းက လုပ်ဆောင်တယ်ဆိုတာကို အခုချိန်ထိ မသိရှိရသေးဘဲ မြစ်ကြီးနားလေဆိပ်တစ်ဝိုက် လက်နက်ကြီး၊ လက်နက်ငယ် ပစ်ခတ်သံတွေကို လက်ရှိအချိန်ထိ ကြားနေရတယ်လို့လည်း ဒေသခံတွေရဲ့အဆိုအရ သိရပါတယ်။

Photo-ဒရုန်းထိမှန်ထားတဲ့ လေယာဥ်အမြီးပိုင်း

လိပ်ပြာလုံတဲ့ ချမ်းသာမှုဟာ...
ဘာနဲ့မှ နှိုင်းယှဥ် လို့ မရဘူး..
အဲ့ဒီတော့ ကိုယ့်လိပ်ပြာ ကိုယ်လုံအောင်နေပါ။
မှန်တဲ့ ကိစ္စကို ရဲရဲဝံ့ဝံ့လုပ်ပါ။
မလုပ်သင့်တဲ့ ကိစ္စကို ရဲရဲဝံ့ဝံ့မလုပ်ပါနဲ့။

ဒေါ်အောင်ဆန်းစုကြည်

၁။ ရာဇတောဝါ - မင်းဘေးမှလည်းကောင်း။
၂။ စောရတောဝါ - ခိုးသူဘေးမှလည်းကောင်း။
၃။ မနုဿတောဝါ - လူဆိုးလူကြမ်း
      ဘေးမှလည်းကောင်း။
၄။ အမနုဿတောဝါ - ဘီလူး၊ ဂုမ္ဘဏ်၊ ဖုတ်ပြိတ္တာ.              
      ဘေးမှ လည်းကောင်း။
၅။ အဂ္ဂိတောဝါ - မီးဘေးမှ လည်းကောင်း။
၆။ ဥဒကတောဝါ - ရေဘေးမှ လည်းကောင်း။
၇။ ကဏ္ဍကတောဝါ - လေးမြှား၊ လက်နက်၊ ဆူးငြောင့်
       ဘေးမှ လည်းကောင်း။
၈။ ဇနပဒရောဂတောဝါ - ဇနပုဒ်၌ဖြစ်ကုန်သော   
      အနာရောဂါ ဘေးမှလည်းကောင်း။
၉။ အသဒ္ဓမ္မတောဝါ - သူယုတ်တို့၏ မကောင်းသော
       အကျင့်ဘေးမှလည်းကောင်း။
၁၀။ အသန္ဒိဋ္ဌိတောဝါ - မိစ္ဆာအယူရှိသော သူတို့၏
         ဘေးမှလည်းကောင်း။
၁၁။ အသပ္ပုရိသတောဝါ - သူတော်မဟုတ် သူယုတ်မာ
         တို့၏ ဘေးမှလည်းကောင်း။
ထို ( ၁၁ )ပါးသောဘေးဆိုးတို့မှကင်းဝေးကြပါစေရန်ဆုတောင်းမေတ္တာပို့သပါသည်။ဘေးရန်ကင်းငြိမ်းကြပါစေ။🙏🙏🙏

#AdminTeam
#Eagle Information Operator
#EIO (ဆက်သွယ်ရေးနှင့်သတင်းပြန်ကြားရေး)
📬သတင်းပို့ရန်-http://t.me/EagleInformationOperator
http://www.eagleinformationoperators@gmail.com

‼️အသိပေး၊သတိပေး ထုတ်ပြန်ချက်‼️

မြို့နယ်ပေါင်းစုံ၊ဒေသပေါင်းစုံတွင် ရှူံးမဲမဲနေသော စကစ၏ အတင်းအဓမ္မဖမ်းဆီးခြင်း၊ ပေါ်တာဆွဲခြင်းမှ ဘေးအန္တရာယ်ကင်းဝေးစေဖို့ရန်အလိုငှာ ချစ်သောမိဘပြည်သူအ‌ပေါင်းတို့အနေဖြင့် သက်ဆိုင်ရာ မြို့နယ်အသီးသီးရှိ ဒေသခံတော်လှန်ရေးအဖွဲ့အစည်းများ၏ အသိပေးချက်၊သတိပေးထုတ်ပြန်ချက်များကို လိုက်နာ‌ပေးကြပါရန်နှင့် မြေပြင်သတင်းချန်နယ်များဖတ်ရှူခြင်း၊နီးစပ်ရာအချင်းချင်းအပြန်အလှန်သတင်းပေးခြင်းများပြုလုပ်ကြပါရန် မိမိတို့ #EIO (ဆက်သွယ်ရေးနှင့်ပြန်ကြားရေး)မှ အနူးအညွတ်မေတ္တာရပ်ခံအပ်ပါသည်။

မဖြစ်မနေ ကျန်းမာရေးကိစ္စဖြင့်သော်လည်းကောင်း၊စားဝတ်နေရေးကြောင့်သော်လည်းကောင်း ခရီး၊အနီး၊အဝေး သွားလာရမည်ဆိုပါကလည်း စခ၊ရခ ယာဉ်တန်းများ ဖြတ်သန်းချိိန်တွင် ယာဉ်တန်းများအနီး နေထိုင်ခြင်း၊အတူတကွလိုက်ပါမောင်းနှင်ခြင်း (လုံးဝ၊လုံးဝ)မပြုလုပ်ကြပါရန်နှင့် စခ၊ရခအထိုင်ဂိတ်များနှင့်စခ၊ရခများရှိရာ အနီးနားတွင်လည်း ကြာမြင့်စွာနေထိုင်ပြောဆိုခြင်းများ (လုံးဝ၊လုံးဝ)မပြုလုပ်ကြပါရန် ဘေးကင်းကြစေဖို့အလိုငှာ အထူးသတိပေး တိုက်တွန်းနှိူးဆော်လိုက်ပါသည်။

မိဘပြည်သူများ ကျန်းမာ၍ဘေးကင်းကြပါစေ🙏

📌ဆက်သွယ်မေးမြန်းရန်နှင့် သတင်းပေးပို့ရန်

⚜️မြေပြင်အခြေအနေများနှင့် ပတ်သက်၍ အရေးကြီးသတင်းများရှိပါက #EIO Admin Team ထံသို့ အချိန်နှင့်တပြေးညီ ယုံကြည်စိတ်ချစွာ ပေးပို့နိုင်ပါသည်။

🤖 Telegram Bot- @EIO2021_bot | @EagleInformationOperator_bot
📧 Email: eagleinformationoperators@gmail.com
🔵 Facebook Page: https://www.facebook.com/eagleinformation
🌐 Telegram Channel: t.me/eagleinformationoperator

​#EIO #EmergencyAlert #StaySafe #Myanmar #SecurityUpdate

🚨မုံရွာ🚨

မုံရွာတောင်၊‌တောပုပျူရွာမှ ထွက်လာသော ပခ ခမ အအ(၃၀)ခန့်သည် အနောက်ဘက် မင်းဇရပ်သို့ ရောက်ရှိနေကြောင်းသတင်းရရှိ။

#EIO
Feb 21, 7:52AM
📬သတင်းပို့ရန် @EIO2021_bot
https://t.me/eagleinformationoperator

🚨မုံရွာ🚨

မုံရွာ၊နမခမှ ထွက်လာသော စခများသည် မုံရွာနယ်မြောက်ခြမ်း၊ ဖန်ခါးကျင်းရွာအနီးဝန်းကျင်တွင် ရောက်ရှိနေပြီး ပြည်သူအသွားအလာများကို စစ်ဆေးရေးပြုလုပ်နေကြောင်းသတင်းရရှိ။

#EIO
Feb 21, 8:09AM
📬သတင်းပို့ရန် @EIO2021_bot
https://t.me/eagleinformationoperator

‼️ချစ်သောမိဘပြည်သူများနှင့်တလရ ရဲဘော်များအား သိစေရန်‼️

#EIO တယ်လီဂရမ်ချန်နယ်နှင့် Facebook Page သည် တော်လှန်ရေးရဲဘော်များ ဘေးကင်းစွာအလုပ်လုပ်နိုင်ရန်နှင့် မိဘပြည်သူများအားဘေးကင်းစေဖို့အတွက် အချိန်နှင့် တပြေးညီ (၂၄)နာရီ စစ်ရေးအသိ၊စစ်ရေးသတိရှိစေရန်၊ မြို့နယ်ပေါင်းစုံ၊ဒေသပေါင်းစုံ၊ခရိုင်ပေါင်းစုံမှ အိုင်အိုများ၊သတင်းပြန်ကြားရေးများ၊အဖွဲ့အစည်းတာဝန်ခံများနှင့်အတူတကွပူးပေါင်း၍ မြေပြင်သတင်း၊လေကြောင်းသတင်းများကို (သတင်းပေးပို့၊သတင်းယူ)ခြင်းဖြင့်သာ #Admin Teamသည် စတည်ထောင်စဉ်အချိန်မှစ၍ ယခုအချိန်ထိ သတင်း(ကျင့်ဝတ်-စည်းကမ်း)နှင့်အညီ ကိုယ်ထူကိုယ်ထ ပြည်သူ့အကျိုးကိုသာ မျက်နှာမူ၍ ကြိုးစားလုပ်ကိုင်နေကြသူများသာ ဖြစ်ပါသည်။

#EIO သည် စတည်ထောင်စဉ်အချိန်မှစ၍ ယခုအချိန်ထိ မည်သည့်ပုဂ္ဂိုလ်၊မည်သည့်တလရအဖွဲ့အစည်းများ၏ ထောက်ပံ့မှုဖြင့် ရပ်တည်နေခြင်းမဟုတ်သလို၊မည်သည့်အကြောင်းကိစ္စမှ အလှူခံခြင်းလည်း(လုံးဝ၊လုံးဝ)အလျင်းမရှိပါ။

#EIO နှင့်ပုံစံတူ၊ဖရိမ်တူ၊သတင်းတင်ပုံ၊စာအရေးအသားတူပြီး #EIO logo များအသုံးပြု၍သော်လည်းကောင်း၊ #EIO အမည်နာမသုံးစွဲ၍ အလှူငွေကောက်ခံခြင်းများကိုလည်း မိမိတို့ #EIO Admin Teamမှ လုံးဝ၊လုံးဝ တာဝန်ယူဖြေရှင်းပေးမည်မဟုတ်ပါ။

(စစ်အာဏာရှင်အား ပုဂ္ဂိုလ်အစွဲ၊အဖွဲ့အစည်းအစွဲ၊‌ဒေသအစွဲ မထားဘဲနည်းလမ်းမျိုးစုံဖြင့် တွန်းလှန်ပါမည်)✊ဆောင်ပုဒ်အတိုင်းရပ်တည်နေခြင်းဖြစ်ပါသည်။

#EIO မှတင်ထားသော သတင်းအချက်အလက် အကြောင်းအရာ၊အချိန်များကို ကူးယူ၍ ပြန်လည်ဖြန့်ဝေသည့်အခါတွင်လည်း ပြင်ဆင်ဖြည့်စွက်ခြင်း (လုံးဝ၊လုံးဝ) မပြုလုပ်ပဲ မူရင်းအာဘော်မပျက် ဖြန့်ဝေပေးကြပါရန် အထူးမေတ္တာရပ်ခံအပ်ပါသည်။

ပြည်သူမှ ပြည်သူသို့
ပြည်သူမှ သူရဲကောင်းရဲဘော်များထံသို့ဖြစ်သည့်အတွက် #Source Credit ပေးစရာမလို လွတ်လပ်စွာ ကူးယူဖြန့်ဝေနိုင်ပါသည်။

{ဖတ်ပါ၊စီစစ်ပါ၊ပြန်လည်မျှဝေပေးပါ}

စခလေယာဥ်ဖြတ်ကြောင်းများ၊စခ ကားတန်း၊ယာဥ်တန်းများ၊(စခ+ပခ)များ၏ မြေပြင်လှုပ်ရှားမှုများကို မိဘပြည်သူများ၊တလရ ရဲ‌ဘော်များအနေနှင့် တာဝန်သိစိတ်ဖြင့် ယုံကြည်စိတ်ချစွာ မိမိတို့ #EIO - (Eagle Information Operator) Admin Teamအား သတင်းများပေးပို့နိုင်ပါသည်။ အချိန်နဲ့တပြေးညီ သတင်းပေးပို့နိုင်သည့် Facebook Page မက်ဆင်ဂျာ၊Gmail Accထံတို့တွင်လည်း သတင်းများပေးပို့နိုင်ပါသည်။၊

Be safe, be strong, be of help !

#Admin Team
#Eagle Information Operator
#EIO (ဆက်သွယ်ရေးနှင့်သတင်းပြန်ကြားရေး)

⚜️#EIO Telegram Channel - https://t.me/eagleinformationoperator

⚜️#EIO Telegram Chat Group - https://t.me/EagleInformation

⚜️#EIO Facebook Page - https://www.facebook.com/eagleinformation

⚜️#EIO Twitter - https://www.x.com/Eagleeio

⚜️#EIO Gmail - http://www.eagleinformationoperators@gmail.com

⚜️သတင်းပေးပို့ရန်နှင့် သိလိုသည်များ စုံစမ်းမေးမြန်းရန်- @EIO2021_bot

အညာမြေမှ အိုင်ကွန်စက်လေးများ

ဆောင်းပါး
Newsambassador
By - ယုဇန

အညာနွေ၏ ပူပြင်းလှသော နေပူရှိန်
အောက်တွင် ဦးဖိုးထောင်တစ်ယောက် လယ်ထဲ၌ မြက်များကို ကုန်းရုန်းရှင်းနေသည်။

ကောင်းကင်ယံ၏ တိမ်တိုက်ကြားမှ ထွက် ပေါ်လာသော ဂျက်ဖိုက်တာ၏ဟိန်းဟောက် သံကြောင့် ဦးဖိုးထောင် မော့ကြည့်လိုက်မိသည်။ ရင်ထဲတွင် ဒိန်းခနဲ တုန်သွားသည်။

သူ့နည်းတူပင် အနီးနားရှိ လယ်ကွင်းများထဲမှ တောင်သူများလည်းလက်ထဲ က တူးရွင်းနှင့် ပေါက်တူးများကို ပစ် ချကာ ထန်းပင် များကို အကာအကွယ် ပြု ပုန်းခိုပါတော့ သည် ။

ကောင်းကင်ထက်ဝဲပျံနေသော လေ ယာဉ်သံငြိမ်သွားသည်နှင့်တပြိုင်တည်း ရွာထဲသို့ ဦးတည် ပြေးကြတော့ သည်။ သူတို့၏ပန်းတိုင် က တစ်ရွာလုံးတွင် တစ်လုံးတည်းသာရှိသော "အိုင်ကွန်" (စကားပြောစက်) ရှိရာ ရွာလူကြီးအိမ် ဖြစ်သည်။

"ဂျက်ဖိုက်တာလား၊ ရဟတ်ယာဉ်လား၊ ဘယ်ကို ဦးတည်နေတာလဲဆိုတာ အိုင်ကွန်ထဲက သတင်းတက်မှ သိရမှာဗျ။ ဖုန်းက သုံးလို့မရတော့ ဒီစက် ကလေးကိုပဲ ဘုရားတပြီး အားကိုးနေရတာ"ဟု ဦးဖိုးထောင်က ပြောပြ သည်။

ရွာလူကြီးအိမ်ရှေ့တွင် ဦးဖိုထောင်တို့စုဝေးနေကြပြီဖြစ်သည်။ လူတိုင်း၏ မျက်လုံးများက စားပွဲပေါ်ရှိအိုင်ကွန်စက် ကလေးဆီမှာ။ တစီစီနှင့်ထွက် ပေါ် လာသော လိုင်းသံများကြားမှာလက်နက်ကိုင်တပ်ဖွဲ့များ၏ စစ်ရေးသတိပေးချက်ကို အာရုံစိုက်ကာ နား ထောင်နေကြသည်။

အိမ်တိုင်းက မဝယ်နိုင်သလို၊ တစ်ရွာလုံးတွင် တစ်လုံးသာရှိသဖြင့် ဤစက်ကလေးသည် ရွာ၏ "မျက်စိနှင့် နား" ဖြစ်နေသည်။

မျက်မှောက်ခေတ်တွင် လူတိုင်းသတင်း ကို လက်တစ်ကမ်း၌ ရယူနိုင်သော်လည်း၊ အညာဒေသခံများမှာမူ သေရေးရှင်ရေးသတင်းကိုပင် လူစုဝေးကာ နားထောင်နေရရှာသည်။

အိုင်ကွန်ထဲမှ "ဂျက်ဖိုက်တာ တစ်စီး တက်လာပြီ၊ တောင်ဘက်ကို ဦးတည် နေတယ်" ဟူသော အသံ ထွက်ပေါ်လာချိန်တွင် စုဝေးနေရာမှ ကလေးငယ် များကိုပွေ့ချီကာ ဗုံးခိုကျင်းထဲသို့ပြေး ဝင်ကြသူများရှိသလိုသစ်ပင် ကြီများ ကို အကာအကွယ်ယူ ပြေးပုန်းကြရသည် ။ဒါဟာနေ့စဉ်ကြုံတွေ့နေသော အညာဒေသ၏ ခါးသီးလှသောစစ် ဘေးဒဏ်နှင့် သတင်းအချက်အလက် ငတ် မွတ်မှုကို ထင်ဟပ်နေသည့်မြင် ကွင်း ဖြစ် သည် ။

"စက်က ဈေးကြီးတော့ အိမ်တိုင်း မရှိဘူး။ ရွာမှာ တစ်လုံးပဲ ရှိတာဆိုတော့ သတင်းသိရဖို့က တစ်ဆင့်စကား တစ်ဆင့်နားနဲ့ပဲ သွားနေရတာ။ တစ်ခါ တလေ သတင်းက နောက် ကျသွားရင် ကျွန်တော်တို့ ဘဝတွေက ဘာမှ အာမခံချက် မရှိတော့ဘူး" ဟု ဦးဖိုးထောင် က ၎င်း၏ နေ့စဉ်ကြုံတွေ့နေရသော ဒုက္ခကို ရင်ဖွင့်သည်။

အိုင်ကွန်စက်ကလေး တစ်လုံးသည်ပင် လျှင် သိန်းဂဏန်းအထိ ဈေးကြီးသဖြင့် သာမန်တောင်သူများအတွက် ဝယ်ယူရန် မလွယ်ကူပေ။

အညာဒေသတွင် ဖုန်းလိုင်း ၊အင်တာနက်လိုင်းများ ပြတ်တောက်နေသည် မှာ ငါးနှစ်ကျော်ကြာမြင့်ခဲ့ပြီဖြစ် သည်။အိုင်ကွန်စက်ကလေးတစ်လုံးကို အား ကိုးပြီး စစ်ဘေးဒဏ်ကို ရင်ဆိုင် နေရသော အညာတောင်သူတို့၏ ဘဝမှာ ရင်နာစရာကောင်းလှသည်။ သတင်းအချက်အလက် သိရှိပိုင်ခွင့် (Right to Information) သည် ၎င်းတို့အတွက် တော့ ဇိမ်ခံပစ္စည်းတစ်ခုကဲ့သို့ အလှမ်း ဝေးနေဆဲပင်ဖြစ်သည်

" ကလေးတွေကတော့ ဘေးထွက်လိုင်း သုံးကြတယ်။လူကြီးပိုင်းတွေက တနေကုန် ကိုယ့်တော ကိုယ့်လယ် ထဲပဲ အ ချိန်ကုန်နေတော့ ဘေးလည်းမထွက် နိုင်ဘူး ။ဖုန်းမရှိကြဘူး။သုံးလည်းမသုံးတက်ဘူး။ရှိလည်း ငယ်တဲ့ကလေးတွေပဲ ကိုင်ကြတာ။သူတို့လိုင်းသုံးပြန်လာမှ လိုင်းပေါ်မှာတက်နေတဲ့သတင်းကို သိရတာပါ ။နေ့တိုင်းတော့ သူတို့လည်းထွက်မသုံးနိုင်ပါဘူး။သွားရလာရ လွယ်တာမှတ်လို့ ။“ သတင်းသိရှိခွင့်ဆုံး ရှုံးနေမှုနှင့် ပတ်သက်ပြီး ပုလဲမြို့နယ် မှ ဒေသခံတစ်ဦးလည်း ပြောပြ သည်။

လက်နက်ကိုင်တပ်ဖွဲ့များက စစ်ရေးဆိုင်ရာ သတင်းထုတ်ပြန်ချက်များကို “အိုင်ကွန်” (walkie-talkie) မှတစ် ဆင့် ထုတ်ပြန်ပေးလျက်ရှိသည်။ ထို့ကြောင့် ကျေးရွာများရှိ ဒေသခံများ သည် အိုင်ကွန်မှ ထုတ်လွှင့်သော လေ ကြောင်းသတိပေးချက်များနှင့်အခြား စစ်ရေးသတင်းများကိုကြားသိ နေရခြင်းသာဖြစ်သည် ။

လွန်ခဲ့သော ဆယ်စုနှစ်တစ်ခုက မြန်မာ့ကျေးလက်ဒေသများတွင် ရေဒီယိုတစ်လုံးဖြင့် ကမ္ဘာ့သတင်များ ကို နားစွင့်ခဲ့ကြသည်။ နည်းပညာများ ထွန်းကားလာချိန်တွင် ဖုန်းနှင့် အင်တာနက်က ထိုနေရာ၌ အစားထိုးဝင်ရောက်ခဲ့သော်လည်း၊ ယခုအခါ စစ်မီးတောက်နေသော အညာမြေတွင်မူ အတိတ်ဟောင်းကဲ့သို့ အသံလှိုင်းကိုသာ အားကိုးရသည့် ခေတ်ဆိုးကြီးဆီသို့ ပြန်လည်ရောက်ရှိသွားခဲ့ပါပြီ။

အညာတောင်သူတို့မှာ အိုင်ကွန်စက် ကလေး၏ အသံလှိုင်းပေါ်တွင်သာ မိမိတို့၏ ကံကြမ္မာကို ပုံအပ်ထားရသည်။

အိုင်ကွန်စက်ကလေးများမှ ထွက်ပေါ် လာသော လိုင်းသံတစီစီသည် ၎င်းတို့အတွက်တော့ သတင်းထက်ပိုသော "အသက်ရှင်သန်ခွင့်" ပင် ဖြစ်သည်။

====== End ===========

#Newsambassador

🚨မြင်းမူ🚨

ဂွေးပင်တောမှ စခများသည် လက်နက်ကြီးဖြင့် ရမ်းသမ်းပစ်ခတ်နေကြောင်းသတင်းရရှိထားပါသည်။

အနီးအနားရှိကျေးရွာများမှ မိဘပြည်သူများအနေဖြင့် အစစအရာရာအထူးဂရုစိုက်ပေးကြပါရန် အသိပေးအပ်ပါတယ်ခင်ဗျာ။

မိဘပြည်သူများအားလုံး ဘေးအန္တရာယ်ကင်းရှင်းကြပါစေ🙏

#EIO
Feb 21, 9:42AM
📬သတင်းပို့ရန် @EIO2021_bot
https://t.me/eagleinformationoperator