နေဝင်ချိန် နီးနေပြီဖြစ်တဲ့ တတိယအရွယ်တွေပါ၊

ဘုရားတရားရိပ်မှာ အေးချမ်းသင့်တဲ့အရွယ်တွေဟာ

ကျိန်စာသင့်နိုင်ငံတော်မှာ ပြေးရလွှားနေရတုန်း၊

"မျက်ရည်ချူတဲ့ ပို့စ်မဟုတ်ဘူး" ဒါမြေပြင်က ဘဝအစစ်တွေပါ။

အာဏာရှင်စနစ်ဆိုးအောက်ကအမြန်ဆုံးလွတ်မြောက်ကြပါစေ🙏

#Photo credit
#Admin Team
#Eagle Information Operator
#EIO(ဆက်သွယ်ရေးနှင့်သတင်းပြန်ကြားရေး)
📬သတင်းပို့ရန်-http://t.me/EagleInformationOperator
http://www.eagleinformationoperators@gmail.com

“ပွဲတော်ရာသီ”

■ ပေး

ဆူညံနေတဲ့ပွဲတော်က လော်စပီကာသံတွေမဟုတ်ရင်
လူတွေအော်နေကြတာက
ဂျက်ဖိုင်တာတစီး စစ်ချီတံပိုးကိုမှုတ်ရင်း
ဗုံးတွေကိုချလိုက်လို့
ပေါက်ကွဲအသံတွေကို ကြားပြီးတဲ့အခါမှာ —

မီးထွန်းပွဲတော်က မီးရှုးမီးပန်းတွေမဟုတ်ရင်
ဘာအသံတွေလဲလို့ သူတို့ကိုမေးကြတာက
သူတို့ရဲ့သူငယ်တန်းကလေးတွေ
မျက်စိရှေ့မှာပဲ မျက်လှည့်ပြပွဲတခုလို မီးခိုးလုံးကြီးတွေထဲမှာ
သူတို့တက်ရတဲ့ကျောင်းဟာ အပိုင်းပိုင်းအစစဖြစ်ပြီး လေထဲကိုပျံတက်သွားတဲ့နောက်မှာ

ရင်ခုန်စိတ်လှုပ်ရှားစရာပွဲတော်က အရှိန်ပြင်းပြင်းလည်တဲ့ချားရဟတ်မဟုတ်ရင်
အသက်ရှုမှန်အောင် သူတို့ကြိုးစားနေရတာက
ချာလပတ်လည်နေတဲ့
ရှင်ခြင်းနဲ့ ငရဲနဲ့ သေခြင်းနဲ့ နတ်ပြည်နဲ့
ပြီးတော့ ထပ်တလဲလဲ —

ဆီညော်အနံ့တွေထွက်နေတဲ့ပွဲတော်က အစားအစာတွေမဟုတ်ရင်
သူတို့စားကြတဲ့ ညစာက
ကစီဓာတ်၊ ပရိုတိန်းနဲ့ ဗီတာမင် အချိုးအစားတွေကို တွက်ချက်ခွင့်မရှိဘူး
ဆန်ပိုးမဲမဲတွေရောနေတဲ့ ထမင်းအကျိုးအကြေက ပန်ကန်အပြည့်နဲ့
မီးတိုက်ခံထားရတဲ့မျှင်ငပိဟာ အဓိကဟင်းပဲ

ဂီတပွဲတော်က စင်ပေါ်မှာမဟုတ်ရင်
သူတို့ သီဆိုတာက
အရပ်ရှစ်မျက်နှာကို အာရုံပြုရက်နဲ့ မေတ္တာပို့ဆုတောင်းတွေ
လူသားမိုင်းရှာစက်အဖြစ်ဆွဲခံလိုက်ရတဲ့ သားတွေအတွက်
အိမ်ပြန်လမ်းမှာထောင်ထားတဲ့ မိုင်းတွေကို မနင်းမိစေဖို့ပဲ

စွဲမက်စရာအပြည့်နဲ့ပွဲတော်က
ဗဒင်ဟောခန်းဆီကို သူတို့မသွားဘဲနဲ့�မျှော်လင့်ချက်မရှိ သူတို့ဟာ အနာဂတ်ဆီ ရှေ့ဆက်ကြတယ်
အချိုမြိန်ဆုံး ငှက်သိုက်မုန့်ကို သူတို့မစားဘဲနဲ့
အလှပဆုံးအိပ်မက်မရှိ သူတို့ဟာ နှစ်နှစ်ခြိုက်ခြိုက် အိပ်ပျော်ကြတယ်

ပွဲတော်ကြီးပြီးသွားတဲ့အခါ သူတို့ပင်ပန်းနွမ်းလျနေရင်တောင်
လကွယ်နေ့ရဲ့ ဒီရေလိုမြင့်တက်နေတဲ့ ဆန်ဈေးအကြောင်းရယ်
မြို့ပေါ်ဖြတ်သွားဖို့ ထောက်ခံစာအတွက်ပေးရမယ့် ပိုက်ဆံအကြောင်းရယ်
သူတို့ တပြားတချပ်မှမရခင် စဉ်းစားနေဖို့အခွင့်မသာဘဲနဲ့
သူတို့ဟာ နိုးထကြရတယ်။
.
.
.
#ပေး
#TheCall
#ခေါ်သံ

“CDM စိုက်ပျိုးရေးခြံထွက် အသီးအနှံများ ဖြန့်ဝေထောက်ပံ့ပေး”

ဆက်လျှောက်အဖွဲ့ “CDM စိုက်ပျိုးရေးခြံ” မှ ထွက်ရှိသော စိုက်ပျိုးသီးနှံများကို ပြည်သူ့ပန်းတိုင်မှတဆင့် ယနေ့ နိုဝင်ဘာလ ၄ ရက်နေ့မှာ ဖြန့်ဝေထောက်ပံ့ပေးခဲ့ပါသည်။

ထိုင်း-မြန်မာနယ်စပ်ရောက် CDM စစ်သား/ရဲသား၊ အရပ်ဘက် CDM များ နှင့် တက်ကြွလှုပ်ရှားသူများ၊ စုစုပေါင်း မိသားစု (၆၀) ဝန်းကျင်ကို ထောက်ပံ့ပေးနိုင်ခဲ့ပါသည်။

#PeoplesGoal #ပြည်သူ့ပန်းတိုင်
#KeepMovingOn-ဆက်လျှောက်
#CDMထောက်ပံ့

ဝက်လက်မြို့နယ်၊ မောက်ကဒီးရွာကို စစ်တပ်က ထပ်မံ ဝင်ရောက် စီးနင်းပြီး ပြည်သူများကို ဖမ်းဆီးထား၊ မူးမြို့နယ်ရှိ ကျေးရွာများကို စစ်တပ်က လက်နက်ကြီးဖြင့် ပစ်ခတ်မှု ပြည်သူ ၁ ဦး ဒဏ်ရာရ

ရန်ကုန်၊ နိုဝင်ဘာ ၄

စစ်ကိုင်းတိုင်း၊ ဝက်လက်မြို့နယ်၊ မောက်ကဒီးရွာကို အကြမ်းဖက် စစ်တပ်က ထပ်မံ ဝင်ရောက် စီးနင်းပြီး ပြည်သူများကို ဖမ်းဆီးထားကြောင်း Wetlet Informational Network မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ နိုဝင်ဘာလ ၄ ရက်နေ့ နံနက်ပိုင်းအစောပိုင်းတွင် ဝက်လက်မြို့နယ် ရွာသာကြီးရွာမှ ထွက်လာသော အကြမ်းဖက် စစ်တပ် စစ်ကြောင်းသည် မောက်ကဒီးရွာကို သေနတ်များ ပစ်ဖောက်ကာ ထပ်မံ ဝင်ရောက်စီးနင်းခဲ့ခြင်းဖြစ်ကြောင်း သိရသည်။

ထိုသို့ အကြမ်းဖက် စစ်တပ် စစ်ကြောင်း ဝင်ရောက်လာချိန်တွင် လယ်ကွင်းအတွင်း ရေသွင်းနေသည့် ပြည်သူများ ဖမ်းဆီးခံရခြင်းဖြစ်ပြီး အရေအတွက်ကို အတည်ပြုနိုင်ခြင်းမရှိသေးကြောင်း၊ ထို့ပြင် စစ်ကိုင်းမြို့နယ်၊ ဆားတောင်ရွာမှ ထွက်လာသော အကြမ်းဖက် စစ်သားကလည်း မောက်ကဒီးရွာထဲမှ စစ်သားများနှင့် လာရောက် ပူးပေါင်းထားကြောင်း သိရှိရသည်။

"စစ်ခွေးစစ်ကြောင်းက နံနက် အစောပိုင်းကြီး ဝင်လာတာဆိုတော့ ပြည်သူတွေက မသိလိုက်တာ စစ်ခွေးတွေသေနတ် ပစ်ဖောက်မှ သိတော့ ပြေးချိန်မရလိုက်ဘူး။ ပြည်သူဘယ်နှဦး ဖမ်းဆီးခံထားရလဲဆိုတာတော့ မသိသေးဘူး။ စစ်ခွေးတွေ ရှိနေသေးတယ်။ မနေ့ကလည်း ပြည်သူတွေ ဖမ်းဆီးခံရသေးတယ်။ အဲဖမ်းဆီးခံရသူတွေကို ရွာသာကြီးရွာထဲကို ခေါ်သွားတယ်လို့ သိရတယ်" ဟု Wetlet Informational Network မှ တာဝန်ရှိသူက ပြောဆိုသည်။

အလားတူ နိုဝင်ဘာလ ၃ ရက်နေ့ကလည်း ရွာသာကြီးရွာမှ ထွက်လာသော အကြမ်းဖက် စစ်သားများသည် မောက်ကဒီးရွာကို ဝင်ရောက် စီးနင်းပြီး ပြည်သူ ၄၀ ခန့်ကို လူသားဒိုင်းအဖြစ် ဖမ်းဆီးသွားခဲ့ကြောင်း သိရှိရသည်။

ထို့ပြင် ပဲခူးတိုင်း၊ မူးမြို့နယ် အတွင်းရှိ ကျေးရွာများကို အကြမ်းဖက် စစ်တပ်က လက်နက်ကြီးများ ပစ်ခတ်ခြင်းကြောင့် ပြည်သူ ၁ ဦးထိခိုက်ဒဏ်ရာရှိကာ နေအိမ် ၁ လုံးပျက်စီးခဲ့ကြောင်း KNU ဗဟိုက ထုတ်ပြန်ထားသည်။

အောက်တိုဘာလ ၃၁ ရက်နေ့ ည ၇နာရီ ၃၀ မိနစ်ခန့်တွင် အကြမ်းဖက် စစ်တပ်၏ ခမရ ၅၉၀ တပ်ရင်းမှ အောင်ချမ်းသာကျေးရွာ အတွင်းကို ၈၁ မမ လက်နက်ကြီး ၂ လုံးပစ်ခတ်ခဲ့ကြောင်း၊ လက်နက်ကြီးကျည် ကျရောက်ပေါက်ကွဲခြင်းကြောင့် ကျေးရွာနေ ပြည်သူ အသက် ၅၈ နှစ်အရွယ် ဦးပါးဝင်း ထိခိုက် ဒဏ်ရာရရှိခဲ့ပြီး ၎င်း၏ နေအိမ်လည်းထိမှန်ပျက်စီးခဲ့ကြောင်းသိရှိရသည်။

#KTM

"စနစ်သစ် တခုကို ဖော်ဆောင်နေတဲ့ အချိန်မှာ..................
🚨🚨ကိုယ်ပိုင်အမှတ်အသား၊ကိုယ်ပိုင်အာ‌ဘော်၊ကိုယ်ပိုင်ဟန်ကို #Plagiarism (ခိုးကူးမှု) ရှောင်ကြပြီး သူများ ကြိုးစားထားတဲ့ #Intellectual Property Right (ဉာဏမူပိုင်ခွင့်) လေးစားထားဖို့လည်း  ခေတ်သစ်၊ စနစ်သစ်၊ ဒီမိုကရေစီ စနစ်မှာ လိုအပ်ပါ‌တယ်။

နောင်လူငယ်‌တွေကို #Intellectual Property Right (ဉာဏမူပိုင်ခွင့်) အကြောင်း ပိုမိုသိရှိပြီး တကမ္ဘာလုံး နှင့် ရင်ဘောင်တန်းနိုင်စေဖို့ အစပြု ပျိုးထောင်သင့်ပါပြီ။"

မင်းသုတ
(ဒီဇင်ဘာ ၇၊ ၂၀၂၃)

#Eagle Information Operator
#EIO (ဆက်သွယ်ရေးနှင့်သတင်းပြန်ကြားရေး)
📬သတင်းပို့ရန်-http://t.me/EagleInformationOperator
http://www.eagleinformationoperators@gmail.com

🚨ရန်ကုန်🚨

(၁၀)မိုင်မှ လေဆိပ်လမ်းသို့ အဝင် လေကြောင်းသိပ္ပံအနီး ရခ ဂိတ်တွင် DC (၁)စီး ရပ်ထားပြီး ရခ (၁၅)ကောင်ခန့်အား ရခ အကောင်ကြီးသည် ပြည်သူအသွားအလာကားများအား စစ်ဆေးရန် ခွေးစကားများပြောရျ် မှာကြားနေကြောင်းသတင်းရရှိ။

#EIO
Nov 4, 4:35PM
📬သတင်းပို့ရန် @EagleInformationOperator

“တန်ဆောင်မုန်းလပြည့်နေ့ သာမညဖလအခါတော်နေ့ မင်္ဂလာအခါသမယမှစ၍ ဘေးရန်ကင်းကွာ ကောင်းကျိုးဖြာပြီး လိုအင်ဆန္ဒမှန်သမျှ ပြည့်ဝကြပါစေဆုမွန်ကောင်း တောင်းအပ်ပါသည်။”

နိုင်ငံခြားရေးဝန်ကြီးဌာန

အမျိုးသားညီညွတ်ရေးအစိုးရ