EIO (ဆက်သွယ်ရေးနှင့်သတင်းပြန်ကြားရေး)

Forwarded from MMWeather

ဘင်္ဂလားပင်လယ်အော်မှ လေဖိအားနည်းရပ်ဝန်းသည် အားကောင်းသောဆိုင်ကလုန်းမုန်တိုင်း(SCS)ဖြစ်လာနိုင်ပြီး - မုန်တိုင်းအရှိန်ကြောင့် မြန်မာနိုင်ငံတွင် ပြည်နယ်/တိုင်းအလိုက် ၇ ရက်အတွင်း မိုးရွာသွန်းရရှိနိုင်မည့်အခြေအနေ
အောက်တိုဘာ ၂၅ ရက် ည ၈ နာရီ ၄၀ မိနစ်
=====

🔸ဘင်္ဂလားပင်လယ်အော် အရှေ့တောင်ပိုင်းမှာ ဖြစ်ပေါ်နေတဲ့ လေဖိအားနည်းရပ်ဝန်း (Depression) 94B သည် အနောက်ဘက်သို့ရွေ့လျားပြီး အောက်တိုဘာ ၂၆ ရက်နေ့တွင် မုန်တိုင်းငယ်(Deep-Depression – DD) အဖြစ်သို့လည်းကောင်း၊ အောက်တိုဘာ ၂၇ ရက်နေ့တွင် ဆိုင်ကလုန်းမုန်တိုင်း(Cyclonic Storm - CS) အဖြစ်သို့ လည်းကောင်း ပိုမိုအားကောင်းလာနိုင်ပါတယ်။

🔸ဆက်လက်၍ အနောက်မြောက်ဘက်ကိုရွေ့လျားပြီး အောက်တိုဘာ ၂၈ ရက်နေ့မှာ အားကောင်းသောဆိုင်ကလုန်းမုန်တိုင်း (Severe Cyclonic Storm – SCS) အဖြစ်သို့ ရောက်ရှိလာနိုင်ကြောင်း၊ အဲ့ဒီနေ့ည မှာ အိန္ဒိယနိုင်ငံအရှေ့ဘက်၊ အန်ဒရာပရာဒက်ရှ်ကမ်းခြေကို အားကောင်းသော ဆိုင်ကလုန်းမုန်တိုင်းအဆင့်ဖြင့် ဖြတ်ကျော်ဝင်ရောက်နိုင်မည်ဖြစ်ကြောင်း၊ မုန်တိုင်းဖြတ်ကျော်ဝင်ရောက်နိုင်မည့် အိန္ဒိယကမ်းခြေတွင် လေပြင်း တနာရီ ၁၁၀ ကီလိုမီတာနှုန်း (တနာရီ ၆၈.၃၅ မိုင်နှုန်း) Nearly 60 knots တိုက်ခတ်နိုင်ကြောင်း အိန္ဒိယမိုးလေဝသဌာနက ထုတ်ပြန်ကြေညာထားပါတယ်။

🔸သင်္ချာပုံစံပြုကြိုတင်ခန့်မှန်းရေး model အားလုံး၏ ကြိုတင်ခန့်မှန်းချက်များအရ မြန်မာနိုင်ငံဘက်သို့ဦးတည်ရွေ့လျားနိုင်မည်မဟုတ်ဘဲ - မြန်မာနိုင်ငံသည် မုန်တိုင်းရွေ့လျားရာလမ်းကြောင်း၏ ညာဘက်တွင်ရှိသော်လည်း မိုးလွန်ကာလ၊ မုတ်သုံဆုတ်ခွာပြီးချိန်နှင့် အရှေ့မြောက်မုတ်သုံလေအားကောင်းချိန် ဖြစ်သဖြင့် မုန်တိုင်းအရှိန်သက်ရောက်မှုအနည်းငယ်သာ ခံရနိုင်ပါတယ်။

🔸အောက်တိုဘာ ၂၆ ရက် မှ နိုဝင်ဘာ ၁ ရက် အထိ ၇ ရက်အတွင်း ပြည်နယ်တိုင်းများအလိုက် ရွာသွန်းရရှိနိုင်သည့် မိုးရေချိန်ပမာဏများ -
=====
💦 ရခိုင်ပြည်နယ်တွင် ၇ ရက်အတွင်း မိုးအများဆုံးရွာသွန်းနိုင်ပြီး နေရာကွက်၍ မိုးသည်းထန်နိုင်/မိုးများနိုင်ပါမယ်။
💦ဧရာဝတီနှင့် မွန်-တနင်္သာရီကမ်းရိုးတန်းဒေသများမှာ ၇ ရက် မိုးရေချိန် ၃ လက်မ မှ ၄ လက်မခန့်ရွာသွန်းရရှိနိုင်ပြီး နေရာကွက်၍ မိုးသည်းထန်နိုင်၊ မိုးများနိုင်ပါမယ်။
💦မကွေးတိုင်း၊ မန္တလေးတိုင်းနှင့် နေပြည်တော်ဧရိယာတွင် နေရာကွက်၍ မိုးအသင့်အတင့်မှ မိုးများနိုင်၊ ၇ ရက်အတွင်း မိုးရေချိန် ၁.၈ လက်မခန့် ရွာသွန်းရရှိနိုင်ပါတယ်။
💦ရှမ်းပြည်နယ်၊ ကယားပြည်နယ်နှင့် ကချင်ပြည်နယ်တွေမှာ မိုးနည်းနေနိုင်ပြီး ၇ ရက်အတွင်း မိုးရေချိန် ၁.၃၈ လက်မခန့် ရရှိနိုင်ပါမယ်။

193 views14:23