Telegram Group ထဲတွင်သော်လည်းကောင်း Telegram ချန်နယ်များ၌ စခများ၊ ရခများ၊ ပျူဒလန်များသည် အသွင်ယူသတင်းနှိုက်နေကြသောကြောင့် မိမိတယ်လီဂရမ် အကောင့် ဆက်တင်ထဲတွင်(privacy & security)ဝင်ရောက်ပြီး မိမိတို့၏ ဖုန်းနံပါတ်များ၊ ဓါတ်ပုံများ၊ story များကို ဖျောက်ထား၊ ဖျက်ထားနိုင်ရန် အသိ‌ပေးအပ်ပါသည်။

လုံခြုံရေးအသိ၊လုံခြုံရေးသတိရှိစေရန်အလိုငှာ မိဘပြည်သူများအားတိုက်တွန်းနှိုးဆော်လိုက်ပါသည်။

အကြမ်းဖက်စစ်ရှုံးကောင်စီမှ မုံရွာမြို့ပေါ် အနှံ့ တွင်(နေရာအတည်အကျမရှိ) နေရာအတော်တော်များများ၌ အိမ်စီးကားများဖြင့် ပြည်သူများအား ရှောင်တခင်၊မထင်ရင်မထင်သလို၊ပုန်းလျှိုးကွယ်လျှိုးဖြင့် ဖမ်းဆီးခြင်း၊စစ်ဆေးခြင်း၊ပေါ်တာဆွဲခြင်းများ၊
ယခုရက်ပိုင်းအတွင်း ခပ်စိပ်စိပ်ပြုလုပ်နေကြောင်းသိရှိရပါသည်။ထို့ကြောင့် မိဘပြည်သူများအနေဖြင့် မဖြစ်မနေ ကျန်းမာရေးကိစ္စသော်လည်းကောင်း၊ ကိစ္စအရေးကြီးငယ်ရှိ၍ သွားလာရမည် ဆိုပါက မြေပြင်သတင်းချန်နယ်များ၊သက်ဆိုင်ရာ တလရအဖွဲ့အစည်းများ၏သတိ‌ပေး ထုတ်ပြန်ချက်များ၊နယ်မြေခံများ နှင့် အချိတ်ဆက်လုပ်ပြီးမှသာ သွားလာခြင်းများကို ပြုလုပ်ကြပါရန်၊မိဘပြည်သူ အချင်းချင်းလည်းကူညီရိုင်းပင်းကြပါရန် #EIO (ဆက်သွယ်ရေးနှင့်ပြန်ကြားရေး)မှ အနူးညွတ် မေတ္တာရပ်ခံ တိုက်တွန်းနှိုးဆော်လိုက်ပါသည်။

မိဘပြည်သူများ ကျန်းမာ၍ဘေးကင်းကြပါစေ🙏

Eagle Information Operator ချန်နယ်သည် ကိုယ်ထူကိုယ်ထ အနေဖြင့် အနယ်နယ်အရပ်မှဒေသပေါင်းစုံ အိုင်အိုများ၊ပြန်ကြားရေးသမားများ၊သတင်းတာဝန်ခံများ၊စုပေါင်း၍လုပ်ကိုင်နေကြသောချန်နယ်ဖြစ်ပြီး၊ကိုယ်ပိုင်ထောက်လှမ်းသတင်းများကို တင်ပေးယုံသာမက ပြည်သူများနှင့်‌တော်လှန်ရေးရဲဘော်များအဆင်ပြေချောမွေ့စွာ သတင်း ရယူကြည့်ရူနိုင်ရန် ရည်စူးပြီး အခြားသတင်းဌာနများမှ သတင်းများကိုလည်း မူရင်းအာဘော်မပျက် ဒီမိုကရေစီစံနှုန်းတခုဖြစ်သော Intellectual Property Right (ဉာဏမူပိုင်ခွင့်) အား လေးစားသောအားဖြင့် Source Credit ပေး တင်ပြပေးလျက်ရှိပါသည်။ သို့ဖြစ်ပါ၍ #Eagle Information Operator ချန်နယ်မှသတင်းများကို ကော်ပီယူသုံးစွဲမည်၊ဖြန့်‌ဝေမည်ဆိုပါကလည်း လေးစားသမှုဖြင့် #EIO Credit ပေးခြင်းဖြင့်သာဖြန့်ဝေ ပေးကြပါရန် လေးစားစွာပန်ကြားအပ်ပါသည်။