လိပ်ပြာလုံတဲ့ ချမ်းသာမှုဟာ...
ဘာနဲ့မှ နှိုင်းယှဥ် လို့ မရဘူး..
အဲ့ဒီတော့ ကိုယ့်လိပ်ပြာ  ကိုယ်လုံအောင်နေပါ။
မှန်တဲ့ ကိစ္စကို ရဲရဲဝံ့ဝံ့လုပ်ပါ။
မလုပ်သင့်တဲ့ ကိစ္စကို ရဲရဲဝံ့ဝံ့မလုပ်ပါနဲ့။

     ဒေါ်အောင်ဆန်းစုကြည် 

🚨ဝက်လက်🚨

ဝက်လက်နယ်၊စဉ့်ကိုင်မှ စခများသည် တောင်ရိုးအနောက်ဘက်မှ အတန်းလိုက် မြောက်ဘက်သို့ ဦးတည်ထွက်‌နေကြောင်းသတင်းရရှိ။

#EIO
Aug 3, 6:51AM
📬သတင်းပို့ရန် @EagleInformationOperator

🚨မုံရွာ🚨

မုံရွာတောင်၊စွမ်းရည်ထက်ဂိတ်မှ စခများသည်ကူတောရွာထိပ်သို့ရောက်ရှိပြီး လက်နက်ငယ်များရမ်းသမ်းပစ်ဖောက်နေကြောင်းသတင်းရရှိ။

#EIO
Aug 3, 7:50AM
📬သတင်းပို့ရန် @EagleInformationOperator

🚨မုံရွာ🚨

မုံရွာတောင်၊တောပုပျူရွာမှ စခပခများသည် ပုရစ်ကုန်းတောင်ရွာထိပ်သို့ရောက်ရှိပြီး ပြည်သူအသွားအလာများကို အစစ်ဆေးပြုလုပ်နေကြောင်းသတင်းရရှိ။

#EIO
Aug 3, 8:18AM
📬သတင်းပို့ရန် @EagleInformationOperator

🚨ဝက်လက်🚨

ဝက်လက်နယ်၊စဉ့်ကိုင် မြောက်ရွာ အုန်းပင်ချောင်မှ အနောက်ထွက်လာသော စခများသည် စဉ့်ကိုင်‌မြောက်ရွာ၏အနောက်ဘက်တွင် ပြည်သူအဆောက်အဦးတစ်လုံးအားမီးရှို့ဖျက်ဆီးခဲ့ပြီး စဉ့်ကိုင်မြောက်ရွာဘက်သို့ ပြန်လည်‌ဝင်ရောက်ကြောင်းသတင်းရရှိ။

#EIO
Aug 3, 7:45AM
📬သတင်းပို့ရန် @EagleInformationOperator

🚨ရန်ကုန်-ပဲခူးလမ်း🚨

(ရန်ကုန်-ပဲခူးလမ်း)ဂိတ်တိုင်းတွင် စခရခ ကင်းရှိကြောင်းသိရပြီး ဒဘယ်ကပ်(၁)စီးသည် မီးတန်းဖွင့်၍ ဇရပ်ကွင်းဘက်ဦးတည်ကြောင်းသတင်းရရှိ။

#EIO
Aug 3,9:29AM
📬သတင်းပို့ရန် @EagleInformationOperator

🚨မုံရွာ🚨

ယမန်နေ့ နေ့လည်အချိန်က မုံရွာ၊စက်မှုဇုန် ရွာထောင်ဂိတ်မှ စခများသည် မြို့ပတ်လမ်း ဝေဇယန္တာကျောင်းအနီးဝန်းကျင် လမ်းဘေးဝဲယာတွင် နင်းမိုင်းများထောင်ထားခဲ့ကြောင်း သတင်းရရှိထားပါသည်။

မိဘပြည်သူများနှင့် တလရ ရဲဘော်များအနေဖြင့် အထူးဂရုစိုက်၍ သွားလာကြပါရန်မေတ္တာရပ်ခံအပ်ပါသည်။

#EIO
Aug 3, 9:45AM
📬သတင်းပို့ရန် @EagleInformationOperator

ရန်ကုန်တွင် စစ်မှုထမ်းဆင့်ခေါ်မှုများကို စစ်ဘက်ဆိုင်ရာ လျှို့ဝှက်ချက်အဖြစ် သတ်မှတ်ပြီး ပြင်ပသို့ ထုတ်မပြောရန် နှင့် ပေါက်ကြားလျှင် စစ်ဘက်ဆိုင်ရာ လျှို့ဝှက်ချက် ထိန်းသိမ်းရေး ဥပဒေဖြင့် အရေးယူမည်ဟု ခြိမ်းခြောက်

ရန်ကုန်၊ ဩဂုတ် ၃

ရန်ကုန်တွင် စစ်မှုထမ်းဆင့်ခေါ်မှုများကို ယခု စစ်မှုထမ်းအပတ်စဉ် ၁၆ မှစတင်၍ စစ်ဘက်ဆိုင်ရာ လျှို့ဝှက်ချက်များအဖြစ် သတ်မှတ်ပြီး ပြင်ပသို့ ထုတ်ပြောခြင်းမပြုရန် ညွှန်ကြားလာကြောင်း မြို့နယ် ပြည်သူ့စစ်မှုထမ်းဆင့်ခေါ်ရေးအဖွဲ့များထံမှ သိရှိရသည်။

ယခု ဩဂုတ်လအတွင်း ဖွင့်လှစ်မည့် စစ်မှုထမ်းအပတ်စဉ် ၁၆ အတွက် စစ်မှုထမ်းရန် လူငယ်များကို ဆင့်ခေါ် မှတ်ပုံတင်ခိုင်းရာတွင် ယခင်ကဲ့သို့ ပွင့်လင်းမြင်သာမရှိတော့ဘဲ စစ်ဘက်ဆိုင်ရာ လျှို့ဝှက်ချက်အဖြစ် သတ်မှတ်ကာ စာရင်းသွင်းခြင်း၊ စာပေးပို့၍ စစ်မှုထမ်းအဖြစ် မှတ်ပုံတင်ခိုင်းခြင်း၊ ကိုယ်ရေးအချက်အလက်များကို လျှို့ဝှက်ကောက်ယူခြင်းများ လုပ်ဆောင်လာကြောင်း ပုဇွန်တောင်မြို့နယ်မှ စစ်မှုထမ်းဆင့်ခေါ်ခံရသူ လူငယ်တစ်ဦး၏ အုပ်ထိန်းသူက ရန်ကုန်ခေတ်သစ်သတင်းဌာနထံသို့ ပြောဆိုသည်။

"စစ်မှုထမ်း စာရင်းသွင်းဖို့ ဆင့်ခေါ်စာမှာလည်း လျှို့ဝှက်ဆိုပြီးပါတယ်။ အကြောင်းကြားစာမှာလည်း လျှို့ဝှက်ဆိုပြီးရေးထားတယ်။ ပြီးတော့ စစ်မှုထမ်းရမယ့် အခြေအနေတွေကိုလည်း လျှို့ဝှက်ဆိုပြီး အပြင်ကို ထုတ်ပြောမရဘူးဆိုပြီး ရုံးမှာ ခေါ်ပြောတယ်။" ဟု အဆိုပါ အုပ်ထိန်းသူက ပြောဆိုသည်။

မရမ်းကုန်းမြို့နယ်စစ်မှုထမ်းဆင့်ခေါ်ရေးအဖွဲ့နှင့် နီးစပ်သော သတင်းရင်းမြစ်ကလည်း စစ်မှုထမ်းဆင့်ခေါ်ရာတွင် လူမြင်ကွင်းတွင် ပေါ်ပေါ်တင်တင် လုပ်ဆောင်လျှင် လူငယ်များ ထွက်ပြေးမှုများ ရှိလာ၍ လျှို့ဝှက်စွာ လုပ်ဆောင်ရန်၊ ယခု စစ်မှုထမ်း အပတ်စဉ် ၁၆ မှစတင်၍ စစ်မှုထမ်းဆင့်ခေါ်မှု လုပ်ငန်းစဉ်များအားလုံးကို စစ်ဘက်ဆိုင်ရာ လျှို့ဝှက်ချက်များအဖြစ် သတ်မှတ်သည်ဟု ် ဗဟိုစစ်မှုထမ်းဆင့်ခေါ်ရေးအဖွဲ့က ညွှန်ကြားလာသည်ဟု ပြောဆိုသည်။

"လူငယ်တွေ နာမည်စာရင်းရွေးတာကအစ လျှို့ဝှက်ဖို့ ။ ထွက်ပြေးတာတွေ မဖြစ်စေဖို့ လျှို့လျှို့ဝှက်ဝှက် လုပ်ကြဖို့ ညွှန်ကြားတယ်။ စစ်မှုထမ်းဆင့်ခေါ်ရေးကလည်း စစ်ဘက်ဆိုင်ရာ လျှို့ဝှက်ချက်နဲ့ အကျုံးဝင်လို့ အပြင်ကို သတင်းမထွက်ဖို့ သိုသိုသိပ်သိပ်လုပ်ဖို့လည်း ညွှန်ကြားတယ်" ဟု မရမ်းကုန်းမြို့နယ်စစ်မှုထမ်းဆင့်ခေါ်ရေးအဖွဲ့နှင့် နီးစပ်သော သတင်းရင်းမြစ်က ရှင်းလင်းပြောဆိုသည်။

အကြမ်းဖက်စစ်ကောင်စီက ဇူလိုင်လ ၂၈ ရက်နေ့တွင် စစ်ဘက်ဆိုင်ရာ လျှို့ဝှက်ချက် များ ထိန်းသိမ်းကာကွယ်ခြင်း ဥပဒေကို ပြဋ္ဌာန်းလိုက်ပြီး ယင်းဥပဒေအရ စစ်သား၊ ရဲ၊ ပြည်သူ့စစ်(ခေါ်) ပျူစောထီးများနှင့် ပြည်သူများအားလုံး စစ်ဘက်ဆိုင်ရာ လျှို့ဝှက်ချက် ပေါက်ကြားလျှင် သေဒဏ်နှင့်တစ်သက် တစ်ကျွန်း ပြစ်ဒဏ်ချမှတ်နိုင်ကြောင်း ပြဋ္ဌာန်းထားသည်။

စစ်ဘက်ဆိုင်ရာ လျှို့ဝှက်ချက်များ ထိန်းသိမ်းကာကွယ်ခြင်းဥပဒေ၏ ပုဒ်မ ၁၆ တွင် မည်သူမဆို စစ်ဘက်ဆိုင်ရာ လျှို့ဝှက်ချက်များအနက် လျှို့ဝှက်ချက် တစ်ရပ်ရပ်ကို ဥပဒေနှင့်အညီ လွှဲပြောင်းပေးခွင့်ရှိသူ၏ ခွင့်ပြုချက်မရှိဘဲ အခြားသူတစ်ဦးဦးထံသို့ လွှဲပြောင်းပေးခြင်းပြုလုပ်ကြောင်း ပြစ်မှုထင်ရှား စီရင်ခံရလျှင် ထိုသူကို ထောင်ဒဏ် တစ်သက်ဖြစ်စေ၊ သေဒဏ်ဖြစ်စေ ချမှတ်ရမည်ဖြစ်ကြောင်း၊ အလားတူ မည်သူမဆို စစ်ဘက်ဆိုင်ရာ လျှို့ဝှက်ချက် ထိန်းသိမ်းခြင်း ဥပဒေပါ တားမြစ်တစ်ခုခုကို ကျူးလွန်ရာတွင် အားထုတ်ခြင်း၊ အားပေးကူညီခြင်းနှင့် ပူးပေါင်းကြံစည်ခြင်း ပြုလုပ်သူများကို အရေးယူနိုင်ကြောင်း ပြဋ္ဌာန်းထားသည်။

စစ်ဘက်ဆိုင်ရာ လျှို့ဝှက်ချက်များတွင် စစ်တပ်၏ ဗျူဟာများ၊ စစ်ဘက်ဆိုင်ရာ လေ့ကျင့်ရေးကိစ္စရပ်များ၊ စစ်တပ် ရေယာဉ်၊ လေယာဉ်၊ အခြားယာဉ်၊ စက်ယန္တရား၊ လက်နက်ခဲယမ်း၊ စစ်အသုံးအဆောင်ပစ္စည်းတို့နှင့်သက်ဆိုင်သည့် နည်းပညာများ၊ နည်းစနစ်များ၊ ထုတ်လုပ်တပ်ဆင်မှုပညာရပ်များနှင့် သတင်းအချက်အလက်များ အပါအဝင် စစ်ဘက်ဆိုင်ရာ နည်းပညာများ၊ လုပ်ထုံးလုပ်နည်းများ၊ နည်းစနည်းများ၊ ပါဝင်ကြောင်း သိရှိရသည်။

#KhitThitMidea

🚨မုံရွာ🚨

မုံရွာ‌တောင်၊မအူဂိတ် မှ စခများသည် လက်နက်ကြီးဖြင့် ရမ်းသမ်းပစ်ခတ်ကြောင်းသတင်းရရှိထားပါသည်။

အနီးအနားရှိကျေးရွာများမှ မိဘပြည်သူများအနေဖြင့် အစစအရာရာအထူးဂရုစိုက်ပေးကြပါ ရန် အသိပေးအပ်ပါတယ်ခင်ဗျာ။

မိဘပြည်သူများအားလုံး ဘေးအန္တာရာယ်ကင်းရှင်းကြပါစေ🙏

#EIO
Aug 3, 10:20AM
📬သတင်းပို့ရန် @EagleInformationOperator

🚨ရန်ကုန်-ပဲခူးလမ်း🚨

(ရန်ကုန်-ပဲခူး) ကောလိပ်လမ်းမကြီး အနီး မြို့ရှောင်လမ်းဆုံတစ်နေရာတွင် စည်ပင် (မပြေးနိုင်သည့် ဗိုက်ပူနံကား) (၂)ကောင် လက်နက်ပါ ကြောင်းသတင်းရရှိ။

#EIO
Aug 3,11:45AM
📬သတင်းပို့ရန် @EagleInformationOperator

🚨မုံရွာ🚨

မုံရွာ၊နမခမှ ထွက်လာသော စခသံပြားကာကား(၄)စီးသည် တောင်သို့ ဦးတည်နေကြောင်းသတင်းရရှိ။

#EIO
Aug 3, 1:20PM
📬သတင်းပို့ရန် @EagleInformationOperator

တပ်ပေါင်းစု သဏ္ဍန်ဖွဲ့စည်းဖို့လိုအပ်နေတဲ့တော်လှန်ရေး

ဆောင်းပါးကဏ္ဍ မင်းသော်

"စစ်တပ်ကို လက်နက်ကိုင်ထားတဲ့လူအုပ်ကြီးနဲ့ ရေရှည်မှာတိုက်လို့မရဘဲ စစ်တပ်ကို စစ်တပ်လိုပြန်တိုက်မှသာ အနိုင်ရမယ်" ဆိုတဲ့ စကားကို တော်လှန်ရေးထဲပါဝင်သူအကုန်လုံးအနေနဲ့ ရင်းနှီးကြမယ်လို့ထင်ပါတယ်။ ဒီစကားဟာ ၂၀၂၁ ခုနှစ် နွေဦးတော်လှန်ရေးအစကနေ
ယနေ့အချိန်ထိ ကြားနေရတဲ့ စကားဖြစ်သလို ယနေ့အချိန်ထိလည်း မှန်နေဆဲစကားလို့ပဲ ဆိုချင်ပါတယ်။ နွေဦးတော်လှန်ရေးအစ လက်နက်ကိုင်တော်လှန်ရေးလမ်းစဥ်ကို စတင်လျှောက်လမ်းဖို့ နိုင်ငံအနှံ့ကလူငယ်တွေ ပြင်ဆင်ကြ၊ စုဖွဲ့ကြတဲ့အချိန်မှာ ဝါရင့်လက်နက်ကိုင်တော်လှန်ရေးခေါင်းဆောင်တွေက လူငယ်တွေကို ယခုကဲ့သို့ ဆုံးမမှာကြားခဲ့တယ်လို့ မှတ်သားခဲ့ရဖူးပါတယ်။ ဒီစကားမျိုးကို ဝါရင့်တော်လှန်ရေးခေါင်းဆောင် တစ်ယောက်၊ နှစ်ယောက်လောက်ကသာ ပြောတာမျိုးမဟုတ်ဘဲ နှစ်ပေါင်းများစွာ စစ်တပ်ကိုဆန့်ကျင်တော်လှန်ခဲ့ကြတဲ့ ခေါင်းဆောင်ပေါင်းများစွာက ပြောဆိုဆုံးမခဲ့တာပဲ ဖြစ်ပါတယ်။

ဒီနေရာမှာ "စစ်တပ်ကို စစ်တပ်လိုတိုက်မှသာ အနိုင်ရမယ်" ဆိုတဲ့စကားနဲ့ပတ်သတ်ပြီး အနည်းငယ် ပြောချင်ပါတယ်။ လူထုတင်မြှောက်ထားတဲ့ အစိုးရကို လက်နက်အားကိုးနဲ့ ဖမ်းဆီးချုပ်နှောင်ထားတဲ့ အကြမ်းဖက်စစ်တပ်ရဲ့လုပ်ရပ်ကို လက်မခံနိုင်လို့ ၂၀၂၁ ခုနှစ် နောက်ပိုင်းကစလို့ မြို့ကောတောပါမကျန် အလွှာပေါင်းစုံကလူငယ်တွေများစွာဟာ အထက်မှာပြောခဲ့တဲ့အတိုင်း လက်နက်ကိုင်လမ်းစဥ်ကို ရွေးချယ်ခဲ့ရပါတယ်။ လူငယ်တွေဟာ နီးစပ်ရာ တိုင်းရင်းသားတော်လှန်ရေးတပ်ဖွဲ့တွေထံ သွားရောက်စစ်ပညာသင်ပြီး သူတို့တစ်ခါမှ စိတ်တောင်မကူးဖူးခဲ့တဲ့ ကြမ်းတမ်းလှပါတယ်ဆိုတဲ့ လက်နက်ကိုင်တော်လှန်ရေးထဲ ခြေစုံပစ်ဝင်ခဲ့ကြပါတယ်။ ဒီမိုကရေစီကိုမြတ်နိုးပြီး စစ်တပ်ရဲ့ လက်နက်အားကိုးဖြင့်အနိုင်ကျင့်ဗိုလ်ကျတာတွေကို မနှစ်သက်လွန်းလို့သာ လက်နက်ကိုင်ခဲ့ရပေမဲ့ အရပ်သားဘဝကနေလာကြတဲ့ သူတွေဖြစ်တာကြောင့် စစ်ပုံကျမှုနဲ့ အမိန့်နာခံမှုတို့မှာတော့ အစောပိုင်းကာလတွေအတွင်း အနည်းငယ်လိုအပ်ချက်ရှိခဲ့ပါတယ်။

ဆိုတော့ကာ တိုက်ပွဲတစ်ပွဲ၊ စစ်ပွဲတစ်ပွဲရဲ့ အောင်မြင်ခြင်းအဓိကသော့ချက်ဟာ သေနတ်ပစ်တက်ရုံ၊ လက်နက်ကိုင်ထားရုံတင်မဟုတ်ဘဲ အမိန့်နာခံမှု၊ စစ်စည်းကမ်းနားလည်လိုက်နာမှုတွေနဲ့လည်း တိုက်ရိုက်အချိုးကျနေတာကြောင့် ထိုစဥ်က တော်လှန်ရေးလူငယ်အများစုဟာ လက်နက်ကိုင်ထားတဲ့ လူအုပ်ကြီးတစ်ခုပုံစံသာ ဖြစ်ခဲ့ပြီး စစ်တပ်တစ်ခုအသွင်မရောက်ရှိခဲ့ပါဘူး။
ဒါပေမဲ့ နှစ်တွေကြာလာပြီး တိုက်ပွဲအတွေ့အကြုံတွေများလာတာနဲ့အမျှ တိုင်းရင်းသားဒေသမှာအခြေပြုတပ်တည်ထားတဲ့တော်လှန်ရေးတပ်ဖွဲ့တွေသာမက ကိုယ့်သက်ဆိုင်ရာဒေသတွေမှာရှိတဲ့ တော်လှန်ရေးတပ်ဖွဲ့တွေအဆုံး အတော်များများဟာ အတိုင်းအတာတစ်ခုအထိ စစ်ပုံကျလာတာမျိုးတွေ တွေ့ရပါတယ်။

ဒီလိုစစ်ပုံကျလာတာမျိုး၊ လက်နက်ကိုင်ထားတဲ့ ကာကွယ်ရေးတပ်ဖွဲ့ဟာ စစ်တပ်တစ်ခုသဏ္ဍာန်ရှိလာတာမျိုးဟာ အမှန်တကယ်ကောင်းမွန်လှပါတယ်။ ဒါပေမဲ့ စစ်ပုံကျတာတစ်ခုတည်းသာမက တပ်ပေါင်းစုသဏ္ဍန်ဖြစ်ရေးကလည်း စစ်တပ်ကိုအမြစ်ဖြတ်တော်လှန်ရာမှာ အရေးကြီးတယ်ဆိုတာ သတိမှုသင့်ပါသေးတယ်။ ဥပမာ စစ်တပ်ရဲ့ တပ်ခွဲအဆင့် တပ်ရင်းအဆင့်လောက်ရှိတဲ့ စစ်ကြောင်းတွေကို စစ်တပ်သဏ္ဍန်ဖြစ်ပြီးသား တော်လှန်ရေးတပ်ဖွဲ့တွေအနေနဲ့ တိုက်ခိုက်ချေမှုန်း
ဖို့လွယ်ပေမဲ့ ဗျူဟာအဆင့်၊ တပ်မအဆင့်နဲ့ ကြည်း၊ရေ၊လေ အားလုံးပေါင်း နိုင်ငံတော်အဆင့် ထိုးစစ်မျိုးကိုတော့ ဘယ်လိုမှယှဥ်နိုင်မှာမဟုတ်ပါဘူး။ ဒါဟာအရှိတရားပါ။

ဆိုတော့ အထက်ကစကားကိုပြန်ယူသုံးပြီးပြောရမယ်ဆိုရင် "နိုင်ငံတော်အဆင့်စစ်တပ်ကို စစ်တပ်သဏ္ဍန်ရှိပြီးသား တပ်ဖွဲ့အုပ်ကြီးနဲ့ ရေရှည်မှာတိုက်လို့မရဘူး"လို့ပဲ ဆိုချင်ပါတယ်။ ဘယ်လောက်ပဲ တပ်ဖွဲ့တစ်ခုချင်းစီအလိုက်ထူးချွန်ပြီး တော်နေပါစေ ၊ ဗျူဟာမြောက်တဲ့ပူးပေါင်းစစ်ဆင်မှုမရှိရင်တော့ ရေရှည်မှာ လုံးပါးပါးရမှာအမှန်ပါပဲ။ ဒါဟာ ယခုနောက်ပိုင်း ရေပန်းစားနေတဲ့ "တပ်ပေါင်းစု"ဆိုတဲ့ စကားနဲ့အဓိပ္ပာယ်တူမယ်ထင်ပါတယ်။ တပ်ပေါင်းစုသဏ္ဍန်နဲ့ ဗျူဟာမြောကတိုက်ခိုက်တဲ့အချိန်မှာ ဘယ်လောက်ထိအောင်မြင်မှုရခဲ့လဲဆိုတာမျိုးကို ကျွန်တော်တို့ဟာ ၁၀၂၇ကဲ့သို့ ဥပမာကောင်းများစွာကို ကြည့်ပြီးမြင်နိုင်သလို တပ်ပေါင်းစုသဏ္ဍန်မဟုတ်ဘဲ စစ်တပ်ရဲ့အလုံးအရင်းထိုးစစ်ကို ကိုယ့်နယ် ကိုယ်တော်လှန်ဆိုတဲ့သဘောနဲ့ထားရင် ဘယ်လိုဆုံးရှုံးနစ်နာရလဲဆိုတာကိုလည်း နောင်ချို၊သပိတ်ကျင်းဘက်ကအခြေအနေတွေကိုကြည့်ပြီးလဲ မြင်နိုင်ပါတယ်။

ဒီနေရာမှာ ၅ နှစ်နီးပါးအထိရောက်လာပြီဖြစ်တဲ့ လက်နက်ကိုင်လမ်းစဥ်မှာ တော်လှန်ရေးရဲဘော်တွေအနေနဲ့ စစ်ရေးအတွေ့အကြုံ၊ စစ်လက်နက်ပစ္စည်းနဲ့ တိုက်ရည်ခိုက်ရည်တို့နဲ့ပတ်သတ်ပြီး စစ်တပ်ကို ကောင်းကောင်းကြီးတုံ့ပြန်နိုင်တဲ့အခြေအနေတစ်ခုထိရောက်နေပြီဖြစ်ပြီး အထက်မှာပြောခဲ့သလို အားလုံးပါဝင်တဲ့ တပ်ပေါင်းစုသဏ္ဍန် အစုအဖွဲ့နဲ့ နည်းဗျူဟာကျကျသာ ထိုးစစ်ဆင်နိုင်ခဲ့မယ်ဆိုရင် ပြီးခဲ့တဲ့နှစ်ပိုင်းအတွင်းတွေက တော်လှန်ရေးတပ်ဖွဲ့တွေ ရရှိခဲ့တဲ့ အောင်မြင်မှုမျိုးထက်ပိုမိုကောင်းမွန်တဲ့ အောင်မြင်မှုတွေရရှိမှာသေချာတယ်လို့ပဲ ဆိုချင်ပါတော့တယ်။

#BBM

🚨မုံရွာ🚨

မုံရွာတောင်၊မအူဂိတ်မှ စခကင်းများသည် မအူဆီတန်းနှင့်တံတားဖြူသို့ရောက်ရှိနေကြောင်းသတင်းရရှိ။

#EIO
Aug 3, 1:58PM
📬သတင်းပို့ရန် @EagleInformationOperator

🚨မုံရွာ🚨

မုံရွာ‌တောင်၊မအူနှင့်မြေနဲကြားသို့ရောက်ရှိနေသောစခများသည်လက်နက်ငယ်များရမ်းသမ်းပစ်ဖောက်နေကြောင်းသတင်းရရှိ။

#EIO
Aug 3, 2:21PM
📬သတင်းပို့ရန် @EagleInformationOperator

စကစအတွက် လူသစ်စုဆောင်းပေးနေသူ ညောင်ဦးမြို့နယ်မှရာအိမ်မှူးရဲ့သား ပေါ်တာဆွဲခံရ

BBM-သြဂုတ်၃
သတင်း-မင်းသော်

မန္တလေးတိုင်း၊ ညောင်ဦးမြို့နယ်၊ ကောင်ပင်စီကျေးရွာမှ ရာအိမ်မှူးဌေးမောင်ရဲ့သားအပါအဝင် လူငယ်(၃)ဦးကို စစ်ကောင်စီမှ ပေါ်တာဆွဲသွားခဲ့ပြီး လက်ရှိအချိန်ထိ အဆိုပါလူငယ်တွေနဲ့အဆက်သွယ်မရဘဲ ဖြစ်နေတယ်လို့ သိရပါတယ်။

၂၀၂၅ခုနှစ် သြဂုတ်လ၂ရက်(မနေ့)ညနေက ရာအိမ်မှူး ဌေးမောင်ရဲ့သားအပါအဝင် လူငယ်(၃)ယောက်ဟာ ကျောက်ပန်းတောင်း-ညောင်ဦးလမ်းပေါ်မှာရှိတဲ့ အရက်ဆိုင်မှာ အရက်ထိုင်သောက်နေချိန် စစ်တပ်က ပေါ်တာဆွဲ
ဖမ်းဆီးသွားတာဖြစ်ပြီး လက်ရှိအချိန်ထိ အဆက်သွယ်မရသေးဘူးလို့ သိရပါတယ်။

"မနေ့ကညနေပိုင်းကို အရက်ဆိုင်ထဲထိ ဝင်ပြီးပေါ်တာဆွဲတာ ၊ ညောင်ဦးမြို့နယ် ကောင်ပင်စီရွာကရာအိမ်မှူးဦး‌ဌေးမောင်ရဲ့ သားအပါလူငယ်(၃) ယောက်ပါသွားတယ်၊ ခုထိအဆက်အသွယ်မရကြသေးဘူး"ဟု ဒေသခံတစ်ဦးက BBM ကိုပြောပါတယ်။

အဆိုပါရာအိမ်မှူးဌေးမောင်ဟာ ကျေးရွာအုပ်စု ဥက္ကဌ သိန်းပိုနဲ့ ပူးပေါင်းပြီး စစ်ကောင်စီလူသစ်ရရေးအတွက် စစ်မှုထမ်းလူစာရင်းစုဆောင်းရာမှာ တက်ကြွစွာပါဝင်နေသူဖြစ်တယ်လို့လည်း သိရပါတယ်။

ဒါ့အပြင် စစ်မှုထမ်းအပတ်စဥ်(၁)အတွက် စတင်လူစုဆောင်းစဥ်ကလည်း ဥက္ကဌသိန်းပိုနဲ့ အဆိုပါရာအိမ်မှူးဌေးမောင်တို့ဟာ ၎င်းတို့ကျေးရွာအုပ်စုအတွင်းမှ စံပြအနေနဲ့ စုဆောင်းမယ်လို့ ကြွေးကြော်ပြီး လူငယ်တွေကို မဲနှိုက်စေခဲ့တယ်လို့ သိရပါတယ်။

" ရာအိမ်မှူးဌေးမောင်က စစ်တပ်အတွက် လူလိုက်စုပေးနေတဲ့သူ၊ အခုသူ့သားကိုယ်တိုင် ပေါ်တာဆွဲခံလိုက်ရပြီ၊ ပစ သင်တန်းအစတုန်းကဆိုရင်လည်း ကျေးရွာက စံပြလုပ်ဖြစ်ရမယ်ဆိုပြီး ဥက္ကဌနဲ့ပေါင်းကြွေးကြော်ခဲ့သေးတယ်"ဟု အဆိုပါဒေသခံမှ ဆက်ပြောပါတယ်။

အဆိုပါရာအိမ်မှူးနဲ့ ဥက္ကဌတို့ရဲ့ အတင်းအကြပ်လူသစ်စုဆောင်းမှုကြောင့် ညောင်ဦးမြို့နယ်၊ ကောင်ပင်စီကျေးရွာမှ လူငယ်တစ်ဦးဟာ စစ်မှုထမ်းအပတ်စဥ်(၁)သင်တန်းကို သွားတက်ခဲ့ရပြီး အဆိုပါသင်တန်းမှာပင် နှိပ်စက်ဒဏ်ရာများဖြင့် သေဆုံးခဲ့ရတယ်လို့လည်း ဒေသခံသတင်းရင်းမြစ်တွေရဲ့ပြောဆိုချက်အရ သိရပါတယ်။

#BBM