🌹Ҳар ким севиб қолиши мумкин...
🌹Лекин кучлиларгина...
🌹Уни Жуфти Ҳалолига айлантира олади...❤️😘

🍂💙

💔💔

ОПА СИНГИЛ

Бир бирига талпинишар бедор кўнгил,
Бири лола янглиғ бўлса бири сунбул,
Оқибати достон бўлсин дунёларга,
Дийдорлашиб турсин доим опа сингил.

Жигар опа, жигар сингил меҳрибони,
Кўрса яшнаб кетар ахир нур жаҳони,
Доим муштоқ кутар ота хонадони,
Дийдорлашиб турсин доим опа сингил.

Нима кутса шуни кўрсин тақдиридан,
Юзи ёруғ бўлиб турсин Ҳақ нуридан,
Айирмасин жигарларни бир биридан,
Дийдорлашиб турсин доим опа сингил.

 
Майлими                         

Бир бор сизга эркалик қилиб,
Қалбимдаги ишққа зўр бериб,
Ҳеч ошмаган ҳаддимдан ошиб,
Меникисиз, десам майлими?

Соғинчларга тўлиқиб борсам,
Васлингизга ошиқиб борсам,
Ишқингизга зориқиб борсам,
Бағрингизга сингсам майлими?

Тафтингизда мум каби эриб,
Яна қалбим шу ишқда ёқиб,
Кўзингизга оҳиста боқиб,
Соғиндим, деб айтсам майлими?

Ой чиқсаям сизни қизғаниб,
Кун чиқсаям сизни қизғаниб,
Хаммасидан сизни кизганиб,
Рашк-ҳасадда куйсам майлими?                                                

Юрак, ақлим суриб бир четга,
Дунёларни суриб бир четга,
Ҳаммасидан воз кечиб шартта,
Ёнингизга борсам майлими?

Вужудимда руҳимсиз, дея,
Кўксимдаги юраксиз, дея,
Ҳаммадан кўп кераксиз, дея,
Ўзингизга айтсам майлими?

Борлигимни ёритган бир нур,
Сиз жонимга жон бўлган ҳузур,
То ҳаётман, жоним, бир умр,
Қалбимдасиз десам майлими?

©Шайдо

Мен ўтмишни мақтамайман йўқ,
Уни тубдан тушунганим йўқ.
Факат унда меҳр бор эди,
Яратганга шукр бор эди!

Қариндошлар бўлар эди жам,
Дошқозонда қайнарди таом.
Ёлғон эмас соф эди кулгу,
Ҳатто баҳам кўрилган қайғу!

Қолоқ билиб ўтмиш даврни,
Оқибатни унутиб қўйдик.
Ота-она қавму-қариндош,
Ришталарин йўқотиб қўйдик.

Тирикчилик-ташвиш азалдан,
Бўлган иймон, ортиқ гўзалдан.
Меҳнат билан қабарган қўллар,
Ризқ насиба эди ҳалолдан.

Дабдабага йўқ эди ҳавас,
Ҳовли жойлар қилинмас қиёс.
Пастқам одми бўлсада уйлар,
Унда ўрик гулларди қийғос.

Оқ саллали боболар қатор,
Жам эдилар намозда такрор.
Момоларчи айтиб алласин,
Набиралар суярди бисёр.

Йиллар ўтди, улғайдик шодон,
Замонага мослашди диллар.
Бугун ўтмиш қумсади кўнгил
Ва ёзилди, ушбу сатрлар...

Рафаэл Сайдуллаев

Рухсат Беринг ўзингизга БАХТДАН бахтиёр яшашга.

Рухсат Беринг ўзингизга севилиб яшашга.

Рухсат Беринг ўзингизга қалбингиз ҳоҳлаган нарсаларни кўришга, ейишга, КИЙИШГА боришга....

Рухсат Беринг ўзингизга самимият ила суҳбатлашишга.

Рухсат Беринг ўзингизга ёш болалардек қувнаб сакраб кулишга.

Рухсат Беринг ўзингизга мазза қилиб куйлаб қўшиқ айтишга.......

Аслида хаммаси ИЧИМИЗДА КАЧОНКИ БИЗ ЎЗИМИЗГА рухсат берсаккина бу руёбга АЙЛАНАДИ.

Тун қўйнидан таралар зиё,
Йўл юрганга ой нур тутади.
Дарвешлардан чиқмиш авлиё,
Аллоҳ азиз қилса етади.

Дилга етган жафосини қўй,
Қилиб қўйган хатосини қўй,
Бандасининг баҳосини қўй,
Аллоҳ азиз қилса етади.

Гарчи сени хор қилмоқ бўлар,
Бир тийинга зор қилмоқ бўлар,
Ҳар нарсага қодирми улар,
Аллоҳ азиз қилса етади.

Итаришса кўксингдан гоҳо,
Назарига олишмай асло,
Сен улардан ранжима, илло
Аллоҳ азиз қилса етади.

Қадриятнинг ўлчови иймон,
Сенсан, балки, Ҳазрати Инсон,
Ким Юсуфдир, кимдир Сулаймон,
Аллоҳ азиз қилса етади.

Кибр—шайтон қилган жиноят,
Ҳамма неъмат Ҳақдан иноят,
Ҳатто, кофир топар ҳидоят
Аллоҳ азиз қилса етади.

Ҳар бандани ниҳоясида,
Ҳаёт деган ҳикоясида,
Қиёмат кун Арш соясида,
Аллоҳ азиз қилса етади.

Бандасининг баҳосини қўй...

Умму Амина

* * *

Жоним десанг, жоним қолмас вужудимда,
Тирноғимдан сочимгача кетар титраб.
Сен ёв бўлиб ёпирилган ҳудудимда,
Лашкарларинг мағрур менга милтиқ тираб!

Жоним десанг, тўфон турар томирларда,
Юрагимда зилзилалар бўлар содир.
Ё алҳазар, битта сўзинг бир лаҳзада,
Маликани қул қилмоққа бўлса қодир!

Жоним десанг, қайсарлигим топгай қирон,
Тош юракдан типирчилаб тошар кўнглим.
Оқ ва қора ранги қолган олам жаҳон,
Етти рангда товланади бирам сўлим!

Жоним десанг, кўзимдан ўт кетар чақнаб,
Ва ўт кетган уй ичида урарман чарх.
Шу сўзларинг савдогарга кетар ўхшаб,
Жон ҳаққига қўйиб қўйган арзимас нарх!

Жоним десанг, ёлғонми-рост, фарқи борми,
Қўшиқ каби ёд оламан суҳбатингни.
Ишқ дунёсин сарҳатлари шунча торми,
Битта сўзга жойлаб қўйса тухматингни!

ЯГОНА